نصائح للوقاية من نزلات البرد - المنتدى الطبي

11-11-08, 08:23 PM

المشاركة رقم: 1

المعلومات
الكاتب:	hend
اللقب:	شمعة الديكور

البيانات
التسجيل:	Nov 2006
العضوية:	16763
المشاركات:	5,347
الجنس	أنثى
معدل التقييم:
نقاط التقييم:	263

االدولة

مدونتي

الإتصالات
الحالة:
وسائل الإتصال:

المنتدى : المنتدى الطبي - Medical Forum

نصائح للوقاية من نزلات البرد

نصائح للوقاية من نزلات البرد

طبعا اليومين دول زي ما كلنا شايفين الجو مش باين له إذا كان صيف ولا شتاء.. علشان كده كلامنا النهارده هيكون عبارة عن نصائح للوقاية من نزلات البرد؛ لأن زي ما أنتم عارفين إن الوقاية خير من العلاج.. مش كده ولا إيه؟!

وعلى فكرة النصائح اللي هقولها دي مش بس مفيدة للوقاية من نزلات البرد.. دي كمان هتساعد الناس اللي عندهم برد بسيط إنه يروح منهم بسرعة..

أولاً: نتقل ملابسنا شوية

زي ما انتم شايفين الجو الصبح بيكون فيه لسعة برد، وبالليل كمان بيكون فيه لسعة برد لكن أثناء النهار بنلاقيه دافي.. علشان كده ياريت الناس اللي بتخرج الصبح بدري أو اللي بترجع بالليل يكون معاها جاكيت خفيف علشان تلبسه علشان تحمي نفسها من لسعة البرد دي..

وياريت كمان ملابسنا الفترة دي تكون ملابس قطنية؛ لأن الملابس القطنية زي ما كلنا عارفين بتساعد على امتصاص العرق، وكمان بتدي إحساس بالدفء وبتحمينا من أي إحساس بالبرد..

ثانياً: نشرب سوائل كتير

المعلومة اللي كتير مننا مش عارفها هي إن شرب السوائل الكتير بيحمي الجسم من الإصابة بالفيروسات.. فياريت إننا نكتر من شرب السوائل ولو على الأقل 8 كوبايات ميه في اليوم.. أو نشرب عصائر طبيعية فريش كتير ومن العصائر اللي ممكن إننا نشربها في الفترة دي وتفيدنا فعلاً "عصير الليمون" أو "البرتقال" أو "الجوافة"..

ثالثاً: نبعد عن المشروبات المثلجة

ياريت إننا نبعد في الفترة دي عن المشروبات المثلجة بجميع أنواعها، ونشرب المشروبات الدافية زي "الشاي بالليمون" أو "الكاموميل" أو "النعناع" أو "الليمون الساخن" أو "اليانسون" أو "الزنجبيل"..

رابعاً: نكتر من فيتامينات سي

ياريت إننا نكتر من الفواكه اللي بتحتوي على فيتامين "سي" زي "البرتقال"، و"اليوسفي"، و"الجريب فروت".. كمان فيه فوار "فيتامين سي" موجود في الصيدليات ياريت إننا نجيبه وناخد منه قرصين في اليوم.. واحد الصبح والتاني بالليل.

خامساً: نتناول غذاء متكامل

دايما بقول إن الغذاء المتكامل مفيد جداً لحماية الجسم من أي أمراض.. علشان كده ياريت نحرص دايما إن غذاءنا يكون غذاء بيحتوي على جميع العناصر الغذائية اللي الجسم محتاج لها زي "الخضروات" و"البروتينات" وده لتقوية الجهاز المناعي للجسم..

وعلى فكرة الدراسات أثبتت إن الخضروات اللي ليها أوراق خضراء من أكتر الحاجات اللي بتساعد على حماية الجسم من نزلات البرد.. فياريت إننا نهتم بيها.

سادساً: نجدد هواء المكان باستمرار

ياريت واحنا قاعدين في البيت أو المكتب نفتح الشبابيك علشان نجدد هواء المكان اللي احنا موجودين فيه.. وبكده نطرد أي فيروسات ممكن تكون إنها موجودة..

ونحاول على قد ما نقدر إننا نبعد عن أي مصدر هواء بارد مباشر زي هواء "التكييف" أو "المروحة" في الأيام دي لأنها بتزود البرد.

سابعاً: نبعد عن المصابين بالبرد

مش لازم لما يكون عندنا حد مصاب بالبرد أو الانفلونزا إننا نسلم عليه وناخده بالحضن؛ لأن بكده بنعرض نفسنا للعدوى بالبرد ده.. كمان ياريت إننا ما نستخدمش الأدوات الخاصة بالناس المصابين بالبرد زي الكوبايات والمعالق والشوك إلا بعد غسيلها بالماء الساخن والصابون كويس.

ثامناً: لو حسينا بالبرد نريح في البيت

ياريت لو حسينا بأعراض بسيطة للبرد زي "ارتفاع حرارة الجسم أو العطس" إننا نريح في البيت لمدة يوم علشان ندي لجسمنا فرصة إنه ياخد قسط من الراحة ويقدر إنه يقاوم البرد.

تاسعاً: مش أي دواء ناخده

النقطة دي خاصة للناس المصابين بالسكر أو ارتفاع في ضغط الدم أنهم ما ياخدوش أي دواء موجود عندهم في البيت إلا لما يروحوا لدكتور.. وهو اللي يحدد لهم العلاج المناسب لهم على حسب حالتهم وده لأن معظم أدوية البرد بترفع الضغط والسكر.. فبتلاقيهم محتاجين علاج محدد، الدكتور هو اللي يقول عليه..

11-11-08, 10:00 PM

المشاركة رقم: 2

المعلومات
الكاتب:	Eman
اللقب:	عضو فخري عاشقة ليلاس

البيانات
التسجيل:	Jun 2006
العضوية:	7104
المشاركات:	38,769
الجنس	أنثى
معدل التقييم:
نقاط التقييم:	25417

االدولة

مدونتي

الإتصالات
الحالة:
وسائل الإتصال:

كاتب الموضوع : hend المنتدى : المنتدى الطبي - Medical Forum

موضوع مهم جدا عزيزتي هنود..
رح نوخد احتياطتنا..
قبل يومين كنت رح أمرض وعملت أغلب هالأشياء ومامرضت كتير
وبسرعة طبت..

ان شاء الله الكل يستفيد من الموضوع..
تحياتي..

02-12-08, 06:43 PM

المشاركة رقم: 3

المعلومات
الكاتب:	vueleve
اللقب:	روح ليلاس عضو فخري

البيانات
التسجيل:	Jun 2007
العضوية:	32520
المشاركات:	33,349
الجنس	أنثى
معدل التقييم:
نقاط التقييم:	7999

االدولة

مدونتي

الإتصالات
الحالة:
وسائل الإتصال:

كاتب الموضوع : hend المنتدى : المنتدى الطبي - Medical Forum

عن نفسي بعملها كلها

ماعدا شرب الأشياء الدافئة بكثف جهودي في تناول الآيس كريم ههههه

شكرا يا هند على الموضوع

23-12-08, 12:01 AM

المشاركة رقم: 4

المعلومات
الكاتب:	المحرومه من الحنان
اللقب:	عضو راقي

البيانات
التسجيل:	May 2007
العضوية:	29499
المشاركات:	8,843
الجنس	أنثى
معدل التقييم:
نقاط التقييم:	5331

االدولة

مدونتي

الإتصالات
الحالة:
وسائل الإتصال:

كاتب الموضوع : hend المنتدى : المنتدى الطبي - Medical Forum

نصائح متميزة

إن شاء الله نتبعها

الله يسلمك

الشكر لك

27-12-08, 03:56 AM

المشاركة رقم: 5

المعلومات
الكاتب:	start22
اللقب:	عضو راقي

البيانات
التسجيل:	Jun 2007
العضوية:	31657
المشاركات:	2,630
الجنس	أنثى
معدل التقييم:
نقاط التقييم:	41