باع حبي وتركني

باين عليها حلوه بس ياليت تكملينها بسرعه بدون تقطيع شـكــ وبارك الله فيك ـــرا لك ... لك مني أجمل تحية .

هلا بكم وتسلمون عالردود فديتكم وهالجزء لعيونكم اختكم جروح فتاه
الجزء الثــــــــــــــــــاني
دخلت فرح للفندق وإهي طايره من الوناسه مومصدقه إن حبيبها معاها جلست ع الكنبه
تتأمل فهد إللي كان يناظر الغرفه بأنبهار شي ماكان يحلم فيه فرح:عجبك الفندق حبيبي
فهد وهو لازال يتأمل الغرفه:وايد حبيبتي حلوه وايد
فرح وبكل جراءه راحت ولفت يدينهاعلى رقبة فهد:فهودي جد انا حبيبتك
فهد انصدم من جراءتهابس تشجع ولف يدينه ع خصرها: جد ياحياتي سحبت فرح يدينها وفتحت
شنطتها وطلعت لها روب نوم أبيض شيفون قصيرللركبه بتطريز ع الصدر يفضح اكثرممايستر فهد
دخل الحمام وبدل واهو طالع قفل الحمام واخذ المفتاح وقفل غرفة النوم واخذ المفتاح وماحست فيه
فرح لأنهاكانت تحوس بشنطتها وراح نام بالسريروحط المفاتيح تحت وسادته وتم يناظر فيها وهي تقفل
شنطتها لفت عليه فرح وإهي خجلانه:فهودي أبي ابدل
فهد بمكر:بدلي انا ماسكك
فرح:اطلع برى طيب كيف ابدل وانت هنا
فهد عدل وضعه بالسرير:أنا ماني متحرك عندك الحمام ولا اطلعي الغرفه الثانيه
فرح بعد مايأست راحت تبي تطلع بس لقت الباب مقفل وراحت للحمام ولقته بعد مقفل راحت لفهد
ووقفت عند راسه:فهد الأبواب مقفله عطني المفاتيح بطلع أبدل فهد كاتم ضحكته:أي مفاتيح ماعندي
شي فرح عصبت منه:فهد والله حرام أبي ابدل الفستان ضيق خنقني فهديمثل البرائه:طيب وش اسويلك
خلاص بدلي هنا تراني زوجك فرح وذابت من الخجل وجلست تفكر بحل واخيرآ قامت وطفت النور علشان
تبدل كانت تحاول تفتح سستت الفستان وحست بيدين فهدتفتحهاوشالها للسرير بدون اعتراض منها.
في بيت أبو ماجد رن التلفون ورد ماجد بسرعه: الو يبه وينك الطرف الثاني هذا منزل ال....
ماجد:ايه من انت
....:مستشفى.... الوالد والوالده عندنا
ماجد:صارلهم شي قول
رائد:إذا جيت بتعرف تفضل عندنا قفل ماجد الخط وشخط بسيارته ولاقال لأخوانه ولاكلمه ولحقوه بسيارة نواف
وصلو للمستشفى لقو أم ماجد توفت وأبو ماجد بالعنايه العنود اغمى عليها ومهاجلست معاها وأبو ماجد كان طوال
الوقت ينادي بأسم نواف ودخلوه عنده أبوماجد وصى نواف يكلم فهد يملك على اخته ووصاه يزوج ماجد وبعدهابساعه مات.
بعدشهرين من هذه الأحداث.
ماجد ونواف كانو جالسين بالصاله ويفكرون وشلون بيقولو لفهد يجي يتزوج اخته وهما عارفين ان فهد ماعنده فلوس فكر نواف وبعد تفكير
طويل:لقيتها ماجد بأستعجال:ها قول نواف:انا بقدم على قرض ونشتري منه اغراض العنود وكم قطعه ذهب وتكاليف الزواج بالنص بيننا وبين
فهد وحنا محنا مسوين زواج وطقطقه عائليه نعزم عمي خالد والجيران ونسوي عشاء عادي والفلوس اللي مجمعها فهد يصرف بها عليهم ليما
ربك يفرجها ماجد:حلو يالله قوم نروح نسلم على فيصل وفهد وبالمره نقولهم ونتفق معهم نواف: يالله.
غرفة العنود اللي ماكفت دموعها من وفاة اهلها وكانت مها معاها تهديها وتخفف عنها ومها ماكانت احسن منها حال كانت اذا اختلت بنفسها
تبكي وتنهار بس قدام نواف والعنود تبين انها قويه مسحت مها دمعه خانتها قبل لا تنتبه لها العنود مها:يالله قومي بلا دلع كلي انتي ماكليتي شي
من الصباح العنود وهي تلف وجهها الجهه الثانيه:اتركيني مها مابي مو مشتهيه بنام مها:سحبت اللحاف من على العنود ومسكت يدها تقومها
مها:قومي بلا دلع يالله ومسكت يدها بتوقفها بس لان العنود ماكانت تاكل اغمى عليها مها ماتت خوف واتصلت على جوال نواف ولقته مغلق
واتصلت كذا مره بس مغلق واخيرآ اتصلت بجوال العنود على جوال ماجد وكان جوال ماجد مايرد اتصلت فوق المية مرة ولا رد فكرت ومالقت
حل غير تتصل بعيال عمها.
....................
نواف وماجد راحو لفيصل وسولفو وياه وسالوه عن فهد وقالهم إنه يصلي داخل ودخلهم المجلس الخارجي كان بيت أبوفهد كبير رغم بساطته كان
6غرف داخليه ومجلس رجال خارجي وتمو يسولفون وفيصل يشكي لنواف حالة اخوه وتغيبه عن البيت نواف:طيب ماسألته وين يروح وليه ينام
برى البيت فيصل بقلة حيله:واالله سألته يانواف يقولي مالك شغل وانا كبير اعرف مصلحت نفسي وبهالحظه دخل فهد:السلام عليكم ماجدونواف:
وعليكم السلام ماجد:حي الله القاطع من يوم العزاء ماشفناك ماتقول عندي اولاد عم اسأل عليهم بنت عم اسأل عنها فهد من انطرى طاري العنود
غمض عيونه بقهر:معكم حق انامقصر بس شغل و.....رن التلفون وقام فهد يكلم
مها بخوف:الو السلام عليكم
فهد:وعليكم السلام اختي منو وياي؟
مها:انا مها زوجة نواف فهد بأستغراب:مها زوجة نواف؟؟؟؟ نواف بس سمع اسم مها ركض للبيت وماجدلحقه
فهد رجع يكلم مها: مها فيكم شي مها تبكي:العنود طاحت قول ل.... وماكملت حكيها لان نواف وصل البيت وقفلت الخط فهد بس سمع اسم العنود
استخف هو يحبها ومانساها هي حب الطفوله احبها احبها وطلع ركض لبيت عمه وشاف نواف شايل العنود بين يدينه راح ركض لنواف فهد:نواف
شنو فيها تكلم ونواف يدخل اخته بالسياره:ماادري ما ادري سحب فهد المفتاح من يد نواف:اركب اركب يانواف بسرعه وطلع نواف وطارو
للمستشفى
......................
في شقة فرح كانت متضايقه من غياب فهد وانه مو راضي يعلم اهله انه تزوج انسدحت بسريرها ورن جوالها وكانت بنت خالها خلود فرح بصوت
حزين:هلا خلود خلود حست ان فرح فيها شي خلود:فرح فيك شي فرح:هذا فهد مجنني ماجاني اليوم ومايرد علي خلود:طيب يمكن مشغول فرح:
اكيد راح لها ياخلود للحين يحبها ومو راضي يعلم اهله انا تزوجنا يخاف على مشاعر الهانم العنود
خلود بمكر:عندي الحل يافرح
فرح بوناسه:صـج
قولي قولي...
......................
في المستشفى دخلو العنود الغرفه ومنعو احد يدخل عندها وجلسو ساعتين وقالهم الدكتور إن حالة العنود استقرت ومافي داعي احد يجلس عندها
حاولت مها تقعد بس رفضو وطلع الكل لبيته فهد كان ماسك دمعته ليما وصل سيارته وبكى خوف على العنود وشغل سيارته بيروح للبحر لكن ناظر اتصالات
فرح فهد:وش تبي هذي بعد يوووووووووه منها ياليتها العنود كان اطير لها الحين آآآآآآآآه بس فلوسها تخليني اتحملها قرر فهد يروح لها مو ناقص
مشاكلها وأول ماوصل كانت بأستقباله تفاجأ فهد من إللي ناظره كانت فرح كاشخه كأنها بتطلع زواج كانت حاطه ضل وردي وقلوس وردي وبلاشر ورافعه شعرها ولابسه تنوره
بيضا مني جوب يعني قصييييييييييييررررررررررة حييييييل وبدي وردي طالع شكلها ملائكي ناظر فيها فهد بنظرات تفحصيه من فوق لتحت وفرح
اصطبغ وجهها بالأحمر من الخجل ونزلت راسها بس فهد عدى من جنبها ولا قال ولا كلمه وراح لغرفته يبدل فرح ثارت اعصابها بس تذكرت كلام
العنود وضغطت على نفسها ولحقته فرح بغنج زايد:حبيبي فهودي تبي عشا فهد وهو يرفع اللحاف لا ابي انام قفلي النور فرح حست روحها بتفجر
طفت النور وطلعت بدلت ملابسها وشالت المكياج وفتحت شعرها وراحت تنام وياه رفعت اللحاف وانسدحت وفهد ولا تحرك فرح توقعت من فهد شي ثاني
لكن فهد كان باله مشغول من العنود مدت فرح يدها وبأصابعها مسحت خد فهد ليما وصلت لشفاته وباستها وفهد ولا تحرك قربت منه فرح اكثر ونامت
بحضنه فهد تعب وهو يحاول يقاوم ريحة عطرها وقربها منه وضمها اكثر له بعد فتره قام فهد وهو متضايق من نفسه وطلع من الشقه وهو يحس نفسه سخيف
فهد يحاكي روحه بالسياره:انا واحد سخيف حبيبتي مريضه وأنا.... استغفر الله العظيم راح فهد للمستشفى وكان حالف يشوف العنود لو حتى يذبحونه
دخل للممر اللي يودي لغرفتها وانتظر ليما السستر تبعد عن الممر علشان ماتشوفه وتمنعه ولما راحت دخل بكل هدوء غرفة العنود البارده وناظرها نايمه
ووجهها اصفر من التعب قرب منها ومسك يدها البارده وحضنها بوسط راحت يدينه الكبيره الدافيه وباسها ونزل راسه يبكي العنود حست بأحد بجنبها
بس كانت تحسب نفسها تحلم:ايه هو هو حبيبي فهد بس ليه منزل راسه كذا العنود وبصعوبه تكلمت:فهد
فهد رفع راسه بسرعه:حبيبتي انتي ياعيون
فهد ياروح فهد سلامتك ياريته فيني ولافيك حبيبتي
العنود ناظرت دموع فهد ومسحتها بأصابعها النحيله:موتي ولا اناظر دمعتك يافهد فهد خلاص
انهار وصار يبكي ويبكي والعنود تحسب انه من خوفه عليها يبكي كذا ضغطت على يده:فهد حبيبي انا بخير شوفني قدامك فهد ترك يدها ووقف
وقرر يطلع من المكان خلاص اهو ملك وحده ثانيه ولازم ينسى العنود ولما وصل للباب وفتحه يبي يطلع التف لها:العنود انا ما أستاهلك قال هالكلمه
وطلع وترك العنود بحيرتها.
.........................
في بيت ابوماجد كانت مها منهاره وتبكي ونواف يهديها:مهاوي حبيبتي خلاص العنود بخير والصباح بنروح نزورها مها من بين صياحها:نواف انا ابي اروح لها الحين
نواف قام عندها وضمها:حبيبتي مافي فايده من قعدتك هناك مابيخلونك تشوفينها ليما تتحسن وبكره الصباح غصب بخليهم يخلونك تشوفينها الحين قومي
صلي ركعتين وتعالي ننام يالله أنتظرك انتي تدرين اني ما اعرف انام اذا انتي مو بحضني وقرص خدها بخفه مها باسته بخده:الله لا يحرمني منك نواف وحاط
يده على خده اللي باسته فيه مها نواف:آآآآآآه ياقلبي يابنت الناس خفي علي ما اتحمل انا ضحكت مها نواف:ايه كذا اضحكي فديت هالضحكة انا يالله
قومي صلي وانتي سليمه لا والله وما كمل كلمته إلا مها اختفت من امامه بلمح البصر ضحك نواف عليها ونام بسريره مها طلعت من الحمام وصلت وقراءة قران
ودخلت الغرفه تبي تنام لقت نواف نام بس لان مها تعودت من يوم زواجها ماتنام غير بحضن نواف صحته مهابهمس:نواف نواف
نواف وصوته رايح من التعب:ها
مها:حبيبي ابعد يدينك ابي انام بحضنك نواف فتح يدينه وضم مها بحضنه وباس جبينها ونام...
(((((((((((((شـــنـــو تـــوقـعــاتـــكــــم واعذروني إن طولت عليكم بأنزال القصه لا تحرموني من ردودكم أختكم جروح فتاه))))))

الجزء الثــــــالــــــــــث
في بيت ابو فهد فيصل كان سرحان يفكر بحالة اخوه وإنه لازم يطلب من اخوه يرجع مثل ماكان أول
وعلى هالتفكير نام فيصل.
..
بشقه فرح إللي من طلع فهد من عندها وإهي تبكي رجع فهد وشافها ضامه رجلينها وتبكي قرب
فهد منها وحط يده ع كتفها:فرح فيك شي
فرح بصوت حزين:اتركني
فهد:انا آسف يافرح بس انا........
قطعت فرح كلامه بعصبيه:بس شنو شنو تحبها ماتقدر تنساها وانا شنو تكلم قول كانت تهز كتف فهد
فهد:.....
فرح تركته ونزلت الشنطه وفتحت الدولاب وصارت ترمي بملابسها بالشنطه بعصبيه قام لها فهد
ومسك يدينها يحاول يهديها بس كانت تصرخ وتبعده عنها:انت حقير وهي حقيره وفجأه توقفت عن
الحركه والصراخ
فرح بصدمه ويدها ع خدها:تضربني علشانها أنا بنت سلطان انضرب علشان وحده مثل العنود انت تمد يدك
علي انت لو رجال ماتمد يدك على بنت.
ثار فهد من كلمتها ومسك شعرها وجرها للسرير:الحين اعلمك إذا انا رجال او لا.
......
في بيت عم نواف خالد
بعطيكم نبذه صغيره عنهم
عمهم خالد أبو سامي انسان طيب لكن لو قال كلمه ماعاد تنعاد وكان يحب اولاد اخوه .
أم سامي انسانه مسالمه ومعاقه تجلس ع الكرسي المتحرك.
سامي عمره ٢٦أعزب وسيم وانسان عملي.
غاده عمرها٢٣ناعمه بس مغروره ومتهوره وأللي براسها تسويه ولا تخاف من احد غير ابوها
وكانت تكره أولاد عمها خصوصاً العنود بنت عمها تكرها بشكل كبير.
ساره٢١هاديه وجميله جدآ
حسن عمره١٧يدرس لكن مهمل وكسلان ودوم يشرد من المدرسه.
غاده كانت نايمه ع بطنها ورافعه رجلينها وتقراء بمجله بغرفتها دخل عليها حسن:سلام
غاده وعينها بالمجله:وعليكم السلام
حسن:صحيح الكلام إاللي سمعته من ساره الحين؟؟؟
غاده بعدم اهتمام:وشووووو أي كلام
حسن:انتي منتي عايشه مع العالم حابسه نفسك بهالغرفه ولا تدرين عن العالم.
غاده:بتقول ولا اطلع برى وخل نصايحك لنفسك.
حسن:ساره تقول أبوي يقول بكره بنزور بيت عمي والأخت طايره من الفرح تحت.
غاده رفعت راسها بعصبيه:ياسلالالالام مو على كيفهم والله ماروح اكرهم الله ياخذهم.
حسن وهو يضحك:هههههههههههه والله لوفيك خير روحي لأبوي وقولي مابروح والله يسحبك مع كشتك هذي.
غاده عرفت إنها مستحيل تقدر تسوي كذا مدت بوزها وحذفت حسن بالمجله ونزلت لساره إللي طايره من الوناسه
إنها بتروح تناظر العنود والأهم بتناظر ماجد إلي تحبه من قلبها بس عمرها ماوضحت أو قالت لأحد عن هالحب.
................................
بيت أبو نواف صحى نواف الساعه8 صباح فتح عيونه وناظر مها إللي نايمه بحضنه مثل الملاك وجلس يتأمل تعابير
وجهها إللي مره تعبس ومره تبتسم وعرف إنها تحلم ابتسم نواف لأبتسامتها طبع بوسه على جبينها وقام صلى
وراح جلس جنبها وصحاها:مهاوي حبيبتي يالله قومي ماتبي تروحي للعنود
مها من سمعت طاري العنود فتحت عيونها بخوف: اشفيها العنود نواف قول
نواف:مافي شي بس اسألك ماتبي تروحي لها
مها أخذت نفس عميق:آآآآآآآآآآآآآآآآه احسب فيها شي خوفتني
نواف: سلامتك من الآلآلآلآلآلآلآه حبي يالله قومي لا نتأخر قامت مها تصلي ونواف بدل ونزل تحت يحتريها.
قابل ماجد وتوه منهي مكالمه: صباح الخير من كنت تكلم من صباح رب العالمين؟؟؟
ماجد يضحك:ههههههههههههههه ياخي انت ماتبطل هالأسلوب معاك تدخل علطول هواش طيب اجلس خذ نفس
وبعدين هاوش.
ضحك نواف من قلبه هو كذا مرة حاول يتخلص من هالطبع بس مايقدر.
ماجد وهو يبتسم لأخوه: انا ماكنت اكلم هذا عمي خالد هو اتصل وقال بيجون كلهم عندنا الحين من الديره.
نواف بأستغراب: بس عمي مايحب يجي هالبيت ويترك الديره وعمره مازارنا كانت بس زوجة عمي وبناتها وأولاده
يجون بس هو كان يقعد هناك مايجي مايحب حبسة البيوت وبعدين زوجة عمي مقعده ماتتحمل السفر غريبه
بصراحه.
ماجد وبدى يشك بالسالفه: معاك حق عمي عمره ماسوها يالله ياخبر اليوم بفلوس بكره ببلاش وبهالحظة رن جوال
نواف كانت مها:فهد في احد عندك بالصاله ولا انزل؟؟؟
نواف: لا اطلعي من الباب الخلفي وانا الحين طالع وقفل منها وقال لماجد مايطلع من البيت لين يجون اعمامه.
..........................................
في شقة فهد فهد كان نايم بالصاله ع الكنبه وحاس راسه بيتكسر من الصداع لانه نام بطريقه غلط رفع فهد
راسه وناظر
الغرفه إللي نايمه فيها فرح وتذكر احداث البارح وناظر كتفه كان في اثر اظافر فرح تنهد فهد وقرر يدخل
ويتحمم ويطلع
يزور العنودبالمستشفى دخل الغرفه لقى فرح نايمه قرب منها وناظرها ولفت نظره الضربه إللي بخدها كانت حمراء مايله
للأزرق
فهد بضيق:يالله لهدرجه انا مجرم شلون ضربتها بهالطريقه وناظر قبضة يده وضمها بقوة فرح فتحت عيونها
وناظرت فهد وبخوف ضمت اللحاف ع جسمها بقوه فهد قرب منها كان بيهديها بس فرح انكمشت ع نفسها: لا فهد خلني الله
يخليك طلقني وروح للعنود انا ماأبيك تكفى لا تقرب مني وبكت بكى قطع قلب فهد قام فهد وبدل ع السريع
وركب سيارته وهو متضايق
وكلمة فرح (طلقني وروح للعنود) تتكرر براسه:طيب ليه انا متضايق مو هذا اللي ابيه اطلقها وارجع للعنود
واتزوجها بس شلون وأنا لوطلقتها
بنطرد من الوظيفه إن طلقتها وناظر بالسياره من فوق لتحت بنحرم من العز اللي انا فيه وبياخذون
كل شي أنا غبي
كيف افكر هالتفكير وانا عندي كنز قد ما اخذ منه مايخلص أنا لازم اروح اجيب لها هديه واراضيها لازم
اغير معاملتي
لها مابي اخسر كل شي والعنود مابتفيدني بأي شي لو خسرت هالعز هي فقيره مثلي وشغل سيارته وبعد
ماكان مقرر
يروح للعنود قرر يروح لمركز تجاري يشتري هديه حلوه لفرح ويراضيها.
..............................
بيت ابو فهد صحى فيصل وقام صلى وقراء قران وراح يناظر اخوه ويكلمه لكن كالعاده فهد سريره مرتب ماحد نام فيه
تنهد فيصل وبضيق: يالله هذا الولد استخف وين ينام انا لازم اكلمه راح اخذ جواله واتصل فيه.
فيصل بعصبيه:الو
فهد:هلا فيصل
فيصل:وينك انت ليه مانمت بالبيت؟؟؟؟؟
فهد يحاول يمسك اعصابه:كنت بالشاليه عند واحد من العيال
فيصل يصارخ:مين هالولد إللي نمت بالشاليه عنده ووينك انت الحين؟؟؟
فهد بقلة صبر:اقول اسمع عاد خلك بنفسك مالك شغل فيني ارجع مارجع كيفي انا رجال واعرف مصلحة نفسي
فيصل سمع صاحب المحل يسأل فهد شنو حاب يكتب على الهديه: هدية وتقول بالشاليه اسمع الحين تجي بأنتظارك وقفل
بوجه فهد.
جلس فيصل يفكر في سبب كذب فهد عليه وقطع تفكيره صوت جواله كان ماجد
فيصل بضيق: هلا ماجد
ماجد: صباح الخير اشفيك نايم؟؟؟؟؟
فيصل:لا توني صاحي
ماجد: اها طيب بس حبيت ابلغك عمي خالد جاي بالطريق تعال انت وفهد.
فيصل: الحين عندي دوام بعد الدوام بجي
ماجد:طيب سلم على فهد وقفل ماجد منه.
..........................
بالمستشفى دخل نواف ومها على العنود إللي كانت تجمع اغراضها وبأبتسامه تسحر سلمت على اخوها
وضمت مها:
حبيبتي وحشتيني.
مها: وانتي كمان شلونك اليوم؟؟؟؟
العنود: الحمدلله بخير بشوفتكم
نواف يقرص خدها:تبغى تشوفي غلاتك عندنا ها عنوده؟؟؟؟
العنود بأبتسامه:ايه وطلعتو تحبوني واااااااااااااايد فديتكم
مها قامت بتجيب عباية العنود واهي واقفه حست بدوخه خفيفه مسكت راسها بيدها ومسكها نواف من يدها
وجلسها نواف بخوف:مها فيك شي حبيبتي؟؟؟؟؟؟
مها تطمنه:لا حبيبي يمكن لأني طلعت وانا ما أكلت
نواف ماتطمن لوضعها:طيب يالله نرجع البيت علشان تفطري انتي والعنود وقامت العنود لبست عبايتها وطلعو كان نواف
ماسك يد العنود ويمشيها شوي شوي وعينه ع مها اللي داهمتها نوبة استفراغ ورجعت ركض للغرفه إللي كانت فيها العنود
ودخلت الحمام ونواف استخف جلس العنود ع الكراسي ولحقها ناظر مها متسنده ع المغسله ويدها ع فمها نواف
وهو ميت خوف:مها امشي معي نشوف شنوفيك يالله.
مها تحاول تبين انها بخير:نواف انا بخير لاتخاف شوية تعب ويروح هذي موأول مره.
نواف بأستغراب: مو أول مرة؟؟؟؟ وليش ما قلتيلي؟؟؟؟؟؟؟
مها: انشغلنا بالعنود واللي صار لها ناظرها نواف بنظرات عتب لانها مابلغته ومسك يدها وطلعو للعنود وقالها
تنتظرهم لين مايكشفون ع مها ويرجعون البيت قالتلهم العنود إنها بتنتظرهم بمكانها وراحو وجلست العنود تتأمل الرايح والجاي.
...................
بشقة فرح إللي كانت تحط مكياج ثقيل علشان تخفي اثر الضربه إللي بخدها خلصت ونزلت شعرها ع وجهها
علشان يساعدها في انها تخفي وجهها وبدلت ملابسها لأنها بتروح للمستشفى وإهي طالعه كان فهد داخل وبيده صندوق
كبير وبوكيه ورد فهد بحالميه:صــــبــــــــاح الـــــــورد والـــــجوري لحبيبتي
فرح وعينها بالأرض:............
فهد:أنا آسف فرح والله ماقصدت سامحيني حبيبتي
فرح:أبعد عن وجهي ابي اطلع للدوام.
فهد دخلها الغرفه وقفل الباب واخذ المفتاح هالحركه خوفة فرح ورجعت لورى لين لصقت بالجدار فهد
حس بخوفها وتقدم عندها وضمها فرح استسلمت وجلست تبكي بحضنه وبعد فتره بعدها فهد عن حضنه ورفع
راسها بيده:حبيبتي أوعدك ماعاد أمد يدي عليك.
فرح:قول والله يافهد.
فهد رجع يضمها ومر طيف العنود قباله وضم فرح بقوه وغمض عيونه ومن ورى قلبه:والله يا.....وسكت
شوي وكمل ياروح فهد
.......................
في المستشفى كانت العنود سرحانه وتفكر بكلمة فهد :شنو كان قصده بأنه مايستاهلني آآآآآآآآآآه يافهد انا احبك لي متى
بصبر على بعدك عني قطع سرحانها صوت مها تناديها قامت العنود لعندها:ها بشري شنو قال الدكتور
نواف بعصبيه:وش دكتوره انتي بعد احنا ماكشفنا على مها
العنود بأستغراب: ليه ماتشوفها شلون مريضه ووجهها ذبلان
نواف ويضغط على اسنانه:مالقينا إلا دكتور الدكتورة عندها أجازة وانا ماأبغى الدكتور يكشف على زوجتي
أويلمسها فهمتي العنود خافت ومسكت بيد مها
وطلعو السياره التفت نواف لمها اللي سندت راسها على مقعد السياره وغمضت عيونها طلع نواف جواله
واتصل على فيصل
نواف:الو
فيصل:هلا نواف
نواف:كيفك يافيصل وكيف فهد
فيصل بضيق:الحمدلله انتم كيفكم وكيف العنود؟؟
نواف:الحمدلله بخير طلعناها والحين حنا بالسيارة وكنا بنرجع البيت بس مها تعبت
فيصل:سلامتها ماتشوف شر شنو فيها؟؟
نواف:والله ماأدري دايخه ووجهها ذبلان وانا اتصلت بسألك المستشفى اللي انت فيه فيه طبيبة نساء
فيصل يتذكر:والله ماأدري لحظه شوي
أنتظر نواف وجاه صوت فيصل:إيه نواف فيه طبيبة نساء
نواف براحه:طيب الحين بروح انت وينك الحين؟؟
فيصل:انا بالمستشفى يالله انتظرك
نواف:طيب تكفى جهز الأوراق لي علشان لما أوصل علطول ادخلها للدكتورة مانبغى ننتظر
فيصل:أبشر من عيوني الحين اجهزها لك
نواف:تسلم والله يافيصل يالله فمان الله
فيصل: هذا واجبي مع السلامه
كانت العنود تسمع المكالمة وتدعى من قلبها إنها تناظر فهد اشتاقتله حييييييييل
مسك نواف يد مها بيده وكمل طريقه للمستشفى وصلو للمستشفى ونزل نواف ومسك يد مها من جهه والعنود
من الجهه الثانيه
ودخلوها واستقبلهم فيصل وقالهم ينتظرون دورهم بالأستراحه لين تطلع المريضة اللي داخل ويدخلون
وجلسو ينتظرون.
...........................
في شقة فهد كان جالس ينتظر فرح تعيد مكياجها اللي اخترب من البكى وبيطلع المستشفى وياها دخل فهد
الغرفة ولقاها تلبس عبايتها: يالله حبيبتي
كذا بنتأخر وعمي اكيد بيخاصمنا اهو في الشغل مايعرف لاصديق ولاغيره ضحكة فرح ومسكت يده
وطلعو بالسيارة
للمستشفى كان فهد طول الطريق يفكر بالتصرفات اللي جالس يسويها إذا صح او لا وماكان منتبه لفرح اللي كانت
تحاكيه فرح حست بسرحان فهد:فهودي بشنو سرحان
فهد حس انه اذا مارقع السالفه بترجع تزعل:أفكر فيك وبوجودك بحياتي تدرين يافرح
فرح بأهتمام:شنو حبيبي؟؟؟
فهد ويمثل دور العاشق:انا ماكنت احبك بالبدايه بس احس الحين ماأتخيل حياتي بدونك ومسك يدها
وباسها أحبك يا فرح
فرح ماتت من الوناسه وصدقت حكي فهد:وانا بعد أحبك يافهد
وصل فرح وفهد للمستشفى بس قبل لا يدخلون كالعاده تفرقو ولا كأنهم يعرفون بعض علشان
ماحد يعرف بسالفة زواجهم
وهالحركه تضايق فرح بس متحمله ليما فهد يعلم اهله بسالفة زواجهم دخل فهد ووقع وناظر
فيصل ولاتكلم وياه وراح
وفيصل أجل الكلام ليما يرجعون البيت طلع فهد بالمصعد ودخل قسم الملفات وكانت بالصدفه فرح تدور على
ملف
ولقاها قدامه كانت الغرفه مغلقه ومافيها زجاج شفاف أو أي شي يبين اللي داخل بس كان في الباب في زجاج
على
شكل مربع يبين اللي داخل فرح ناظرت فهد وراحت له ولفت يدينها على رقبته فهد كان خايف لا احد يجي
وينكشف
بس ما يقدر يقولها تبعد عنه يخاف يضايقها وتزعل لف يدينه على خصرها وباسته على شفاته بهالحظه العنود
استأذنت
من نواف بتروح الكافتريا بنفس المستشفى بتشتري ماي وأهي تدور بالممرات صعقت من اللي كانت تناظره
فهد جالس يبوس وحده:لالا اكيد انا
احلم مستحيل يكون حقيقة هذا مو فهد مستحيل فهد يحبني والله يحبني كانت رجلينها موقادره تشيليها وتقدمت
بخطى ثقيله وفتحت الباب
........................
(((((((((شنو بيصير ويا العنود وشلون بيتصرف فهد؟ وشنو سبب زياة العم خالد لأولاد أخوه وشنو راح يصير بين فيصل وفهد ابي توقعاتكم ))