هل بيج هنا في ليلاس بس عندي ملاحظه صغيره
انا قراءة اول جزء بس ولي عوده لتكمله
وياليت تحطين فوصل بين كل جزء وثاني في تدخل مو طبيعي بين كل مقطع والثاااني
وثاااني شي تحتاجين ليوصف اكثر لي المشاعر عندج اسلوب حوار حلو الفكره شكلها حلوه وجديده

واتمنى ماتزعلين من كلامي وتاخذينه محوار الجد عشان تطورين في المستقبل موفق يالغلا وتمنى البنااات يشجعونج ولا تقولين اردود قليله لان هذا مو مقيس ان شاء الله تشوفين في المستقبل ومع كثر الجزء قراء اكثر
مذهلة

السلام عليكم ورحمة الله وبركاته ..

حياك الله يا جروح .. في ليلاس ..

بدايه موفقه ان شاء الله ..

باين ان القصة مشوقه .. بس عندي نفس ملاحظة الغاليه مذهلة وارجو انه ما تتضايقين ..

افصلي بين الاجزاء .. وحاولي تتعمقين بالوصف وما تخلطين بين حوار الشخصيات ..

وباذن الله تحصلين كل الي يرضيك من تشجيع ومتابعه .. من كل اعضاء ليلاس ..

ويا هلا ومسهلا مرة ثانيه ..

مذهلة الخليج&&&&فروحة فديتكم انا واعذروني انا مبتدئه وهذي أول محاوله لي بالكتابه وملاحظاتكم راح اخذها بعين الأعتبار وشكرآ لتنبيهكم لي وانشاء الله القصه تعجبكم

الجـــــــــــــــــــــــــــــزء الخـــــــــــــــــــامس
في بيت أبو ماجد كان ماجد يحتري عمه وتوه بيدخل المطبخ سمع صوت جواله راح ماجد يرد ناظر الشاشه وكان
رقم غريب رد:الو
الطرف الثاني:ماجد
ماجد:ايه نعم مين انتي
الطرف الثاني:نسيتني ياماجد خلاص
ماجد كان مشبه على صوتها:انتي مين
شروق:انا شروق ال........تذكرني
أعرفكم بشروق تعرفت على ماجد لما صدمهم ماجد وهو كان مستعجل بيروح لدوامه وقتها كان ماجد يكره شروق
لأنها متحرره حييييييييل وبعد شهرين صارو يحبون بعض ويطلعون مع بعض.نرجع لماجد اللي استانس
بسماع صوتها:هلا ياقلب ماجد حبيبتي شلونك مشتاقلك
شروق بشك:اكيد مشتاق لي؟؟
ماجد بوله:آآآآآآآآه بموت من شوقي عليك والله متى رجعتي للسعوديه؟؟
شروق:امس حبيبي
ماجد بعتب:وليه ما اتصلتي من امس ساكته؟
شروق:خفت اصحيك وازعجك حبيبي
ماجد:مافيها أزعاج ولا شي ولاعاد تقولي كذا مره ثانيه
شروق:طيب حبيبي ماجد اخليك الحين مشغوله
ماجد:طيب ابكلمك بالليل مع السلامه
شروق:مع السلامه
تمدد ماجد على الكنبه وتنفس بعمق وضم الجوال حييييييل:آآآآآآآآآه وحشتني ورفع يده ودعى:ياربي تيسرلنا ونتزوج
يارب وجلس يفكر فيها ليما نام.
.
..............................


بسيارة أبو سامي كان سامي يسوق وابوه جنبه وحسن جالس ورى مع امه وخواته
حسن بفضول:أقول يُبه

أبو سامي:نعم ياحسن قول

حسن وبيذحه الفضول:ماكانها غريبه شويه هالزياره يعني انت ماقد سويتها وزرت بيت عمي معنا لانك ماتحب الحبسه ؟؟؟

ابو سامي بقلة حيله:حكم القوي عالضعيف ياولدي عم الهدوء المكان والكل يحاول يفسر كلمة ابوه ومقصده من هالكلمه

غاده بزعل:يايُبه وشنو حادك نروح لهم نرجع لبيتنا افضل لنا من مقابل وجيههم
ساره ضربت غاده بكوعها تبيها تسكت علشان ابوها مايعصب وغاده فهمت وسكتت
أبوسامي بغضب:اقسم بالله ان سمعت هالكلام منك مره ثانيه لأقص لسانك احترمي بيت عمك وان سويتي أي تصرف ببيتهم وضايقتي أي احد ماتلومي إلا نفسك فاهمه؟
غاده بخوف:فاهمه
وعم الهدوء السيارة.

...................................

في المستشفى فتحت العنود الباب ووقفت تناظرفهد وتناظر اللي لافه يدينها ع رقبة فهد
لف فهديناظر منو واقف عند الباب وانصدم أخر شي توقعه يناظرها هي ولاتناظره بهالوضع شنو بيقول شلون بيبرر وكل شي واضح وضوح الشمس
ماتكلم ولا تحرك وفرح مو فاهمه شي وتنقل نظرها بينهم تقدمت عنده العنود وصفعته كف بكل قهر:هذا ثمن خيانتك لي وثمن صبري وانتظاري لك فهد سمع كلامها وكان مثل السكاكين تقطع قلبه لكنه ماتكلم ولاتحرك ولازال تحت تأثير الصدمه .

إما فرح بعدت العنود عن فهد وضرب ظهرالعنود بالجدار فهد سمع العنود تتأوه وكان بينجن
مسك فرح ودفها بعيد عن العنود ومسك يدالعنود:قومي حبيبتي قومي معاي بس العنود بعدت يده وسندت نفسها بالجدار ووصلت ليما الباب وطاحت بس فهد كان قريب منها وطاحت بحضنه فهد استخف ناظر لون وجهها صار ازرق وصار ينادي الممرضات ويصرخ ويضرب خدها بخفيف: عنود قومي عنود ردي علي انا فهد مجنونك انا حبيبك قومي والله أحبك لاتتركيني لكن مافي فايده وضمها بين يدينه بقووووووووة شالها وراح بها ركض للطواري .
اما فرح ناظرت كل شي وانصدمت إن فهد يحب العنود هالكثر وجلست تبكي.

..................................

بالعياده عند مها ونواف انتهو من الفحوصات جلست الدكتوره وجلس نواف ومها
نواف بقلق:ها دكتوره طمنيني بسرعه
الدكتورة بأبتسامه:الف مبرووووووك زوجتك حامل بالشهر الثاني
نواف طار من الوناسه ناظر بمها:الف الف مبروك حبيبتي
مها بخجل:الله يبارك فيك
الدكتورة:بس ها لازم تجي نتابع حملك والله الله بالتغذيه العدله
نواف بتوعد:والله لاذبحها بالأكل لاتوصين اعطته الدكتورة ورقه ادويه وطلعو للمكان اللي كانت جالسه فيه العنود
لكن مالقوها نواف:هذي وين راحت؟
مها بخوف:قالت بتجيب ماي وترجع!!!
نواف بزعل:يالله بالله وين ادور عليها الحين هذي؟؟
مها:تعال ندورها عند الكافتريا مسك نواف يدها واهما بطريقهم للكافتريا ناظرو فهد منزل راسه ويبكي نواف شبه عليه بالبدايه بس ماتوقعه اهو لما قرب منه:فـــهــــد؟؟؟
فهد بس ناظره راح ركض عنده وضمه مثل التايه نواف استخف توقع فيصل صارله شي بس لا فيصل توني ناظرته معقوله ماجد وإلا اعمامي بس وين ماجد وفيصل ؟؟الف سؤال وسؤال براس نواف ومها تناظرهم من بعيد والخوف بيذبحها نواف
بعد فهد عن حضنه:فهد شنو فيه ماجد او فيصل صارلهم شي اعمامي فيهم شي؟؟؟
بس فهد ماكان يرد وبس يبكي.
طلعت الممرضه وراح فهدلها ركض: هابشري شلونها ؟؟
الممرضه:وضعها صعب وتحتاج نقل دم فورآ لانها تعاني من فقر دم حاد .
وبدون تفكير سحب الممرضه علشان يتبرع لها بالدم نواف واقف بمكانه مو فاهم عن منو يتكلمون لحق بفهد ومها جلست تنتظرهم
نواف:لحظه لحظه فهد وقف..
جلس فهد علشان يسحبون منه عينه ولايرد بس يبكي وطلع فصيلة دم فهد ماتتطابق مع فصيلتها ونزل
ركض للدور الأول يسحب فيصل وسحب نواف وحللو ماطلعت نفس الفصيلة طلب من نواف ينادي مها تحلل بس رفض لأنها حامل واتصلو بماجد ووصل ماجد وحلل وطلع نفس فصيلتها وأخذو منه دم وطلعو ركض للعنود واعطوها وإلي الأن موفاهمين شي وبعد فترة انتظار دامت ساعه طلعت الدكتوره وقام فهد وراح لها:شلونها الحين
الدكتورة:بعد24ساعه بنحدد الحين وضعها مايطمن ادعو لها هنا..
فهد خارت كل قواه وطاح ركضو كلهم جهته ودخلوه غرفه....
.
..............................

مها مسكت الدكتوره:دكتوره من المريضة اللي داخل ؟
الدكتورة بأستغراب:ماتعرفيها؟!
مها تذكرت العنود وبخوف:لا ما أعرفها !!!!
الدكتورة تناظر بأسم المريضه بالملف:اسمها العنود ال........
مها مثل المجنونه صارت تصرخ:شنو فيها العنود تكلمي ليه صار لها كذا هي كانت بخير ؟؟؟
الدكتوره تهديها:تطمني انشاء الله خير.
نواف كان راجع وناظرمها تبكي وتصرخ وراح لها:مها حبيبتي وش فيك؟
مها كانت ترجف وضمت نواف:عنود اللي مريضه داخل عنود يانواف
نواف: العنود؟؟؟؟مومصدق هوتركها بخير شنو صار وشنو دخل فهد فيها وليه انهار فهد اسأله كثيره دارت بباله ومالقالها اجابه
ضم مها وجلسها وبعد ساعتين بالضبط الدكتوره طمنتهم ع وضع العنود وإن ممنوع الزياره رجع نواف ومها للبيت
وماجد جلس مع فيصل عند فهد.

..........................................

فرح راحت لمكتب ابوها منهاره وقالت لأبوها السالفه وقالها خلاص تنساه وبيطلب من فهد يطلقها وجلست تبكي بحضن ابوها وابوها حس انه غلط بحق بنته لانه زوجها من شخص مايحبها...

.....................................

في غرفة فهد كان فيصل حاط يده ع راس فهد ويقراء قران وفتح فهد عيونه وبصعوبه تكلم:العنود لاتروحي العنود.........
فيصل ناظر بماجد مستغربين ماجد اخيراً فهم إن اللي بالغرفه هي العنود وطلع مثل المجنون .
فيصل فهم وطمن اخوه إنها بخير ونام فهد وفيصل يبي احد يفهمه اللي قاعد يصير.

.......................................

في بيت ابو ماجد دخل نواف البيت ومها منهاره تبكي جاب لها ماي:خلاص حبيبتي اهدي شوي علشان صحتك وعلشان اللي ببطنك تكفين ومسح دموعها بيده.
مها ماوقفت بكى:موبيدي هذي العنود يانواف العنود..
نواف ضمها وبهالحظة رن الجرس وتذكر نواف إن عمامه جايين وقال لمها تغسل وجهها وتنزل تستقبلهم ونزلت لهم مها
ناظرت مها أم سامي ع الكرسي المتحرك ونزلت لمستواها وباست راسها:كيف حالك ياخاله
أم سامي:الحمدلله يابنتي انا بخير قامت مها وسلمت على ساره وابتسمت لساره وساره بادلتها الأبتسامه:هلا حبيبتي نورتو البيت.
ساره:البيت منور بأهله.
راحت مها سلمت على غاده اللي مدت لها يدها وسلمت عليها بأطراف اصابعها مها استغربت
حركتها بس ماعلقت.
مها: تفضلو حياكم البيت بيتكم ودخلتهم لغرفة الضيوف جلسو وبعد فترة
أم سامي:وين العنود ماجات تسلم علينا؟؟
غاده بأستهزاء:الأميره باقي تزف نفسها ولا يمكن تبينا نطلع لها فوق نسلم عليها.
ساره ناظرت بأختها بنظرات توعد بس غاده ماهمها .
ساره ترقع لأختها:ترا غاده ماتقصد بس تتغشمر
مها زعلت بس ماحبت توضح: لاعادي العنود مريضة وبالمستشفى.
أم سامي وساره بنفس الوقت:شنو فيها؟؟
مها تطمنهم:مافيهاإلا العافيه بس علشانها ماتاكل ..
أم سامي:والله هالبنات ذبحهم الرجيم والموضه اللي اخرتها بتذبحهم..
مها ضحكت واستأذنت منهم لان نواف كان يناديها وطلعت للمطبخ عند نواف مها دخلت ناظرته سرحان:نعم نواف
نواف مسك يدها وجلسها:ها حبيبتي شلونك الحين؟؟
مها:بخير الحمدلله..
نواف ارتاح:طيب حبيبتي انا اتصلت بماجد يجي يقعد عند اعمامي وانا طالع لواحد.
مها:نواف تطلع وتترك اعمامك علشان واحد؟؟؟؟؟!!
نواف كان بيتكلم بس ناظر رقم ماجد وطلع بدون مايقولها شي
ومها اخذت القهوة وراحت للغرفة الضيوف وأهي تفكر بنواف.

.......................................

بالمجلس دخل ماجد وسلم على عمه وعلى حسن وسامي
أبوسامي:شلونك ياماجد؟؟
ماجد:بخير الله يسلمك ياعم شلونك انت ؟؟؟؟
أبو سامي:بخير بس عارف السكر والضغط..
مااجد:الله يشفيك ياعم ..
والتفت لسامي:ماشاء الله ياسامي صاير عريس ...
سامي يضحك:عريس؟ فال الله ولا فالك خلني اتمتع بشبابي..
أبوسامي ماصدق لقى مناسبه علشان يزف سامي:قوله قوله تعبنا واحنا نقنع فيه..
سامي وتعب من هالسالفه وحب يغير الموضوع:إلا قولي يا ماجد شلون شغلك ؟؟؟مافي عندكم وظائف نضف فيهاالناس الفاشله؟؟
حسن حس بالأهانه:الفاشل اللي يدخل السجن لأنه تعدى على محارم الناس وكان يقصد سامي
لما كان بالمتوسط انسجن لأنه رقم بنت بمركز وفضحته.
سامي كان بيقوم لأخوه بس مسكه ماجد من يده:خلاص اقعد اطفال انتم..
جلس سامي وهو يتوعد حسن بنفسه وتمو يسولفون.
.
......................................

في المستشفى كانت فرح واقفه بالممر وماسكه ملف بيدها وتقراء وهي سرحانه ناظرت فيصل يطلع من غرفه وتوقعت إنها غرفة العنود بس استغربت شلون فيصل يدخل عند العنود كان ذابحها الفضول انتظرت فيصل يروح ودخلت الغرفه ناظرت فهد ممدد والمغذي بيده انصدمت ونزلت دموعها تقدمت عنده ومسكت يده البارده وضمتها وجلست تبكي....
فهد حس إن في احد حوله وفتح عيونه بصعوبه ناظر فرح وسحب يده منها:اطلعي برى اكرهك إنتي السبب والله لوصار للعنود شي لأذبحك اطلعي برى.
طلعت فرح برى وهي تبكي ودخلت لغرفتها....
دخلت عندها خلود وأول ماناظرتها راحت لها وبخوف:فرح حبيبتي شنو فيك ؟؟؟
فرح ضمتها وحست بدوخه:خلود ابي بابا خلود خافت على فرح وبعدتها عن حضنها ونومتها على
الكنبه وراحت اتصلت بخالها:خالي وينك؟؟
ابوسلطان:في مكتبي فيك شي ؟؟؟؟؟؟
خلود:خالي تعال مكتب فرح بسرعه
ابو سلطان بس سمع اسم بنته طار لمكتبها وصل ابوسلطان وخلود راحت تنادي الدكتور
ابوسلطان بقلق:فرح افتحي عيونك يابابا وش تحسين حبيبتي؟؟
فرح ماترد عليه جات خلود ومعها الدكتور هشام بعد ابوسلطان للدكتور علشان يشوف شغله وبعد الفحص ناظر بأبو سلطان:لاتخاف انشاء الله خير بنتك حامل وهذا التعب بسبب اجهاد وضغط نفسي لازم ترتاح وتنتبه لنفسها وصحتها..
صمت فضيع ساد المكان فرح تبكي بصمت وابوسلطان جلس ع الكنبه وحط يدينه ع راسه بعد فتره من
الصمت فرح:بابا انا بسوي عملية اجهاض ومابي فهد يعرف علشان يطلقني .....
ابوسلطان مسك يدها بكل عصبيه:اقسم إن سمعت هالكلام مره ثانيه لأذبحك وارتاح وطلاق مافيه لو تموتين سامعه...
فرح برجاء:لا بابا اذبحني بس لاترجعني لفهد مايحبني تكفى بابا انا ما أبيه.....
قام ابوسلطان يدور على فهد وترك فرح منهاره نزل ابوسلطان لفيصل يسأله عن اخوه وخبره بالسالفه وعطاه رقم الغرفه وطلع ابوسلطان لفهد ولقاه يقراء قران تقدم ابوسلطان من فهد وجلس جنبه قفل فهد المصحف:هلاعمي..
ابوسلطان:هلا ياولدي كيفك الحين؟؟
فهد بتعب:الحين احسن..
ابوسلطان مو عارف وش يقول لفهد وأخيرآ قرر يتكلم:فهد ياولدي اسمعني للأخير وابيك توعدني إن اللي بخبرك ..
إياه يبقى سر بيننا فهد بقلق:وش السالفه ياعمي وسرك في بير انا اسمعك
ابوسلطان:شوف يافهد...

................................................. .

في غرفة العنود فتحت عينها وناظرت الممرضه تركب لهاالمغذيه العنود بضيق:ابي ماي
ناظرتها الممرضه واخذت كاس الماي وساعدتها تشرب وبهالحظه دخل ماجد إللي استانس بشوفت اخته صاحيه.
العنود اول ماناظرته ضمته وبكت وماجد يمسح على شعرها:خلاص حبيبتي لاتبكي البكى يضرك..
العنود تبكي:خدعني ياماجد خدعني وانا احبه باع حبي له وراح وتركني ..
ماجد موفاهم ولا شي وبعد العنود عن حضنه ومسكها من كتفها:انتي وش تقولي من هالي خدعك تكلمي لاذبحك؟؟؟
العنود بخوف:فهد ياماجد انا دخلت الغرفه لقيته ضام بنت بين يدينه ...
ماجد واعصابه ثارت وبكل عصبيه طلع وتوجه لغرفة فهد وفتح الباب وما انتبه للشخص الموجود بالطرف الثاني ومسك فهد من ثوبه:ياحقير هذي جزاتنا وجزاة ثقتتنا فيك هذي اخرها وصار يضربه بوجهه وكتفه ليما وقفته يد ابوسلطان:والله العظيم لو ماانت ولد عم فهد لأطلب السكيورتي يحذفونك برى..
ماجد بعصبيه:انت مالك شغل وابعد يدك عني انت وش دخلك بفهد؟؟؟؟
ابوسلطان وماسك التلفون بيده:انا أبوزوجته فرح لا وقريب بصير جد.....
حل الخبر مثل الصاعقه على فهد وماجد بنفس الوقت التفت فهد لأبوسلطان إللي هزله راسه وفهد غمض عيونه
ماجد قرب من فهد:أقسم إن شفت وجهك ماتلوم إلا نفسك ياخسيس وطلع وقفل الباب بقوه وطلع بسيارته ومو عارف
شلون يبلغ العنود ونواف.

.....................................

في بيت ابو نواف رجع نواف بعد ماخلص من مشواره وجلس ويا عمه ليما ماجد يروح يتطمن ع العنود دخل نواف ونادى مها وطلعت له وكان واقفه جنبه شغاله مها ناظرت فيه وهي مو فاهمه:منو هذي وش جابها بيتنا؟؟؟
نواف:منو وشنو جابها بعدين اعلمك الحين بسرعه حطو الغداء ترا عمي جوعان والحين موعد داوه...
فرح:طيب !!!!!!!!
وراحت تحط الغداء ونواف اتصل بماجد إللي قرر يخفي هالقصة ليما تطلع العنود وترتاح وبعدين يعلم
رجع ماجد وتغدو وبعد الغداء طلب ابوسامي من نواف يدخل يقول لمهاتقول للبنات يلبسون العبايات ويجتمعون بالمجلس.....
نواف حس إن في شي بالسالفه وراح وبلغهم واجتمعت كل العائله بالمجلس
ابوسامي:أدري إنكم مستغربين من سبب هالأجتماع وانا ابي اقولكم كلام ولا ابي أي شخص يقاطعني..
نواف:تفضل ياعمي نحنا نسمعك..
أبوسامي:انتم تعرفون ان أنا وعمكم ابونواف وابو فهد الله يرحمهم ماعندنا أملاك في هالدنيا غير هالبيت وإن عمكم ابوفهد تنازل عن حقه في هالبيت وشرى له بيت لوحده إللي هو الحين عايش فيه عياله وباقي نصيبي بهالبيت ونصيب
ابو نواف الله يرحمه وقبل وفاته كنا متقاسمين هالبيت قبل لاننقل للديره واستأجرت لي هناك بيت لكن إللي ماتعرفونه إن اخوي قبل لا يموت تنازل لي عن حصته في هالبيت وصار هالبيت بأسمي وماعلمتكم لأن الله كان مغنيني وعندي بيت وفلوس واشارك بالأسهم لكن الحين انا خسرت كل فلوسي وخسرت بيتي وماعاد عندي مكان اعيش فيه انا وعيالي غير هذا البيت الكل كان يناظر ببعض
ومصدومين
ماجد وقف وبكل جراءه على عمه:وانت جاي تطردنا من بيتنا ياعمي مات ابوي قلت خلني اروح
اطردهم من حلالهم ..
وقف نواف وعطى اخوه كف:اسكت هذا عمك واطلع برى...
طلع ماجدوبقهرقفل الباب..
نواف:اعذرنا ياعمي وابشر اليوم انا بطلع أأجر لنا شقه ولأخواني وهذا حلالك ياعمي وانت أولي
أبوسامي وقف وراح حط يده على كتف نواف:والله ماتطلع لا انت ولا اخوانك من هالبيت دام راسي يشم الهواء وانا اللي قصدته إنا نعيش كلنا سوى البيت كبير مثل ماأنت شايف وانا ابيك تعتبرني مثل ابوك واللي يرضيك وانا عمك انا مستعد اسويه لوتبي نروح ندور لنا بيت انا حاضر
قام نواف وباس راسه:انتم الداخلين وحنا الطالعين وابشر باللي تامر فيه.
ابوسامي:الله يرضى عليك..
استأذن نواف من عمه وطلع وكانت في عيون تراقبه من أول مادخلت كانت غاده
مصدومه من جمال نواف:يالله يجنن أول مره اعرف إن عمي عنده ولد بهالجمال وقطع تفكيرها صوت ساره اللي لاحظت نظرات اختها لنواف وما ارتاحت لهانظرات:انتبهي لعيونك لاتطلع ترينه متزوج احترمي زوجته ع الأقلوشيليه من بالك
غاده بنفسها:والله مااشيله ويا انا وياهي وطلعت من المجلس والكل تفرق بهمه.

............................................

بعد مرور اسبوعين فهد تحسنت صحته وبعد كلام ابوسلطان له انجبر يرجع
لفرح العنود رجعت البيت وعرفت عن قصة البيت وتقبلت
الموضوع ماجد قابل شروق وفيصل قرر يواجه فهد.

.............................
يــــــــــــتــــــــــــــبــــــــــــــــــــــع

في شقة فرح كانت نايمه وفهد جالس بالصاله يفكر بحالته ودموعه تنزل لانه خسر العنود للابد وماعاد له أمل برجعتها الحين غمض عيونه وسند راسه ع الكنبه صحت فرح وركضت للحمام تستفرغ فهد تعود ع هالحال ولكن مايسألها عن شي ولايكلمون بعض سمعها تتأوه وخذا شماغه وطلع واهوتايه وراح للبحر كان سرحان ويناظر البحر.........
فــــــــــهــــــــد؟؟؟كان هذا صوت نواف إللي كان طالع مع هله للبحر
فهد استغرب إن نواف ماضربه مثل ماسوى ماجد وقال بنفسه يمكن إنه تفهم موقفي ونواف أعقل من ماجد...
نواف استغرب سرحان فهد:فهد فيك شي ليش وجهك ذبلان كذا؟؟؟؟
فهد خلاص تعب وبرجاء:لاتحرمني منها والله لأموت بدونها انا احبها بس الله يلعن الشيطان فرح اغرتني بفلوسها بس الحين ندمان ومستعد اصلح غلطي واطلق فرح واتزوج العنود تكفى يانواف.
نواف ماكان فاهم شي وبعد تفكير ربط الأحداث ببعض طيحت العنود وفهد وغياب فهد عن البيت: نواف بغضب:الحين فهمت يافهد الحاله إللي فيها اختي انت سببها تزوجت يافهد وتركتها وهي تنتظرك تركتها وهي محيره لك كل هالسنين الحين تندمت الحين وتبي تتزوجها وتبي ماأحرمك منها ليه يافهد العنود تعشق الأرض اللي تمشي عليها تبيعها علشان فلوس حسافه...
قام نواف بيروح لحقه فهد:ابوس ايدك يانواف انا مستعد اسوي أي شي بس لا تحرموني منها تكفى يانواف ...
سحب نواف يده من يد فهد بكل عصبيه:روح للي بعت حبيبتك علشانها وخل الفلوس تنفعك .
راح نواف وانهار فهد وجلس يبكي ليما تعب ورجع البيت عند فيصل وشكى له
فيصل وهو ماسك فهد من ثوبه:انت واحد ماتستحي ماتخاف الله في المسكينه هذي انتظرتك وتركتها ليه ياكبير يارجال ياعاقل هذي بنت عمك وش بيقولون الناس عنها الحين كانت محيره له وتركها بتشكك الناس ببنتعمك وكل الناس تعرف انك تحبها وفجأه تركتها ليه يافهد ليه؟؟؟
فهد وبتعب:والله ندمان يافيصل تعال نروح نكلمهم ابوس ايدك قوم معي قوم وسحب يد اخوه..
فيصل كسر خاطره فهد وقام معه واهو متأكد إن ماراح احد يسامحه..

وصلو لبيت عمه وفتح الباب حسن وسلم عليهم وناظر بوجه فهد
إللي باين فيه التعب والبكى
حسن:فهد فيك شي فهد؟؟؟؟
بعد فهد حسن عن الباب ودخل المجلس وينادي نواف وماجد
ولحقه فيصل:فهد فهد وقف امشي نرجع البيت...
طلع نواف يركض ووراه سامي وماجد:وش فيه وش فيكم؟؟
ماجد ناظرفهد ورماه بلأرض وصار يضربه برجله ببطنه ووجهه:حقير ولك عين تجي ياحقير اطلع برى لأشرب من دمك...
فهد وبصوت كله الآم:اتركني والله ندمان ابيها لاتحرمني منها الله يحرمك من اعز مخلوق..
ماجد تذكر شروق وصار يضربه اكثر برجله ويركله بكل جسمه:لاتدعي عليها ياكلب ياحقير..
فيصل ناظر الدم من فم فهد ومسك ماجد ورماه بعيد:اتركه ياحيوان بتذبح اخوي ياخسيس..
نواف وسامي مسكو ماجد وفهد رغم الضرب اللي جاه وقف وراح لنواف ومسك يده:اذبحني سو اللي تبي بس لا تحرموني منها طالبك انا احبها والله لاموت بدونها انا احبها حسو فيني واللي يخليلك مها لا تبعدوني عنها وصار يصرخ:أحــــــــبها ياناس احبها....

طلع ابوسامي ومها وغاده وساره واقفين عند الشباك فهد أول ماناظر عمه راح له وجلس عند رجلينه:عمي طالبك رجع لي العنود طالبك وإلا والله لأموت تكفى ياعمي ابوس رجلك والله انا احبها وبيأس رمى نفسه عند رجليين عمه...
جلس عمه لمستوها ورفع راسه:ابشر باللي تامر فيه ادخل معي للمجلس والتفت لنواف:تعال يانواف انت بس..
ماجد مات من القهر وراح...
وسامي وحسن مو فاهمين شي وفيصل جلس على الدرج وحط يدينه على راسه وجلس يبكي قهر
على اخوه لانه انهان من عيال عمه

.......................................

بغرفة العنود الي صحت من صوت صراخهم نزلت تحت وبخوف راحت لمها اللي جاالسه مع خالتها ام سامي
وساره:مها وش فيه من اللي يصارخ برى؟؟؟؟؟
مها تطمنها:لاتخافي هذا اللي مايخاف الله فهد له عين يجي يطلب الرضا من اخوانك ومن عمي ابوسامي ...
العنود بس سمعت اسمه تضايقت ورجعت لغرفتها.

..................................

بالسيارة عند ماجد كان متضايق وتذكر دعوة فهد وبخوف اتصل بشروق:الو
شروق:هلا حبيبي
ماجد بضيق:شلونك شروق؟
شروق بخوف:ماجد فيك شي؟
ماجد:...........
شروق:ماجد رد علي لاتخوفني!!!
ماجد:شروق ابي اناظرك وين انتي؟!
شروق:بالبيت بس ولا يهمك الحين اجي وين نتقابل برى ولا بالشقه؟!
ماجد:لا بالشقه مالي خلق اناظر احد.
شروق:دقايق وانا عندك.
ماجد:وين ابوك وأمك الظاهر مو موجودين؟
شروق بضحكه:أبوي ههههههههههههههههههه ابوي عمره ماحس بأحد فاقد24ساعه يشرب وأمي خلها بأفراحها....والزيارات بس ليه تسأل؟
ماجد بأبتسامه:لا بس مستغرب ماقلتي بستأذن من ابوي وأمي؟
شروق بقهر من عدم سؤال اهلها عنها:انا لو ابات برى البيت سنه ماحد سأل عني دقايق وانا عندك.
ماجد بحزن:طيب في انتظارك وانتبهي لنفسك باي.
شروق:باي قلبي.
قفل ماجد منها واهو متضايق مايدري ليه حاس بخوف من دعوة فهد.

.........................................

في بيت ابونواف وبالمجلس كان فهد جالس وعمه جنبه نواف قال القصه كلها لأبو سامي اللي تضايق من تصرف فهد وبعد ماهداء فهد تكلم
ابوسامي:ناظر يافهد اللي سويته ببنت عمك مايرضي احد وانت بعت بنت عمك علشان الفلوس ولو كان اختك مارضيت احد يسوي فيها كذا انت يافهد ماحافظت على الأمانه لكن اسمع ياولدي.....
رفع فهد راسه وناظر بعمه على أمل إن العنود ترجع له ابوسامي:الحين بيدخل نواف وبيسألها إذا البنت مسامحتك ابشر باللي يرضيك واذ البنت ماعاد تبيك البنت معذوره وانساها...
التفت لنواف:روح اسألها....
دخل نواف ونادى مها وطلعت له:آمر حبيبي...
نواف:مايامر عليك ظالم وين العنود؟
مها:بغرفتها فيكم شي حبيبي؟
مسك نواف يدها :تعالي معي فوق وبتعرفين كل شي..
طلعو للعنود اللي كانت تبكي وأول ماناظرتهم مسحت دموعها بسرعه:هلا والله نورتو غرفتي
نواف ومها لاحظو إن العنود كانت تبكي جلس نواف جنب العنود:عنودتي ليه تبكين؟
العنود تحاول تبين إنها طبيعيه:لا بس تذكرت امي وابوي..
نواف عرف إن فهد بالسالفه وحكى لها كل شي العنود جلست ساكته وبعدفتره:قوله لو مابقى غيره رجال ماتزوجته...
نواف ماحب يضغط ع اخته طلع وترك مها معها مها قربت منها وضمتها:خلاص عنود لاتبكي والله مايستاهلك و انشاء الله الله بيعوضك بخير منه..
العنود وإهي بحضن مها:احبه يامها ليه تركني وخان حبنا ليه؟؟؟؟؟؟؟
مها تركتها بحضنها ليما نامت ونزلت لأم سامي وناظرتها تصلي وراحت لساره إللي ما انتبهت لدخول مها لأنها كانت ماسكه صورة لماجد كانت معلقه بغرفته إللي دخلتها ساره من كثر شوقهالصاحبها
مها:احـــــــــــــم احــــــــــم نحن هنا.........
ساره طاحت من يدها الصوره وتكسر البرواز مها:ساره انا آسفه ماقصدت اخوفك

ساره بأحراج:انا آسفه بس دخلت الغرفه بالغلط احسبها غرفة خالتي و......
مها ماتركتها تكمل وحست بأحراج ساره:ولا يهمك وغرفة عمتي الله يرحمها ثالث غرفه من يمينك ..
طلعت ساره وهي تحس إنها انفضحت وإهي طالعه ناظرتها غاده:وش فيه وجهك كذا مقلوب؟؟؟
ساره تخاف غاده تكشفها:هااااااا لابس كنت ادور على غرفة خالتي الله يرحمها ودخلت غرفة ماجد بالغلط.....
غاده بعدم اهتمام:وش يعني وليه هالخوف كله؟؟؟
ساره تنهى هالنقاش:لابس بالغلط كسرت صورة ماجد ومها شافتني وجات الغرفه ولقتني فيها
غاده ولفت نظرها اسم مها:طيب مها وينها الحين؟؟
ساره وإهي رايحه:بغرفة ماجد......
غاده وكانها جاتها من الله ولمعت ببالها فكره:والله لعلمك من غاده يامها ونزلت تحت ركض وبالصدفه سمعت صوت نواف يكلم بالجوال بالمطبخ راحت عند الميرايه وفتحت شعرها ناظرت بلبسها كانت لابسه بنطلون برمودا وبلوزه وردي شفافه فتحت زرارين من بلوزتها ودخلت المطبخ كان نواف توه مقفل الجوال والتفت واهوطالع من باب المطبخ طاحت عينه على غاده إللي سوت نفسها متفاجئه بوجوده
غاده:اوووه سوري ماكنت ادري انك هنا!!!!!!
نواف لف وجهه عنها روحي داخل ونادي مها لوسمحتي ولا عاد تتمشين في البيت بذا الملابس البيت فيه رجال .....
غاده بقهر إنه فشلها بس تحملت علشان تكمل خطتها:انا آسفه بس مها طلبت اجيب مكنسه لها لانها كسرت شي بغرفةماجد.
نواف مستغراب:بغرفة ماجد!!!!!!!!!طيب اطلعي والحين انا طالع لها....
طلعت غاده من المطبخ وإهي تضحك بأنتصار:وباقي ماناظرتي شي يامها إذا ماخليته يطلقك ماكون غاده فديت عيونه انا .......وراحت لأمها

اما نواف طلع لمها اللي كانت ماسكه صورة ماجد بيد وتجمع قطع زجاج البرواز بيد ثانيه قفل الباب ونزل
لمستواها:مها شنو تسويين ؟؟؟؟
مها بأبتسامه: تذوب::ولا شي حبيبي ساره دخلت الغرفه بالغلط وكسرت صورة ماجد وجالسه اجمع الزجاج ....
نواف اخذ الصوره منها واخذ الزجاج من يدها:حبيبتي الزجاج بيقطع يدك نادي الشغاله تنظف الغرفه ..
مها بحب:طيب حبيبي الحين اناديها ..
مسك يدها ونزلو راحو للمطبخ جلس نواف عالكرسي وسرح:نواف فيك شي؟
نواف:والله خايف من ردت فعل فهد لاقلت له إن عنود رفضته...
مها مسكت يده ووقفته:روح حبيبي قوله الحين او بعدين بيعرف......
راح نواف وراحت مها للغرفه لقت غاده جالسه وممده رجلينها:غاده وينك من الصبح ماشفناك؟؟؟
غاده:والله انتي اللي اختفيتي فجأه ورحتي تتأملين الحبايب ....
مها مافهمت عليها: شلون مافهمت وش قصدك؟
غاده قامت وبقهر لأن خطتها فشلت و باين من ملامح مها إن نواف ماهاوشها:روحتك لغرفة ماجد وانتي على ذمة اخوه قلة حيا .......
كانت مها تبي تلحقها بس قررت تتركها وجلست تسولف مع ام سامي.

.............................

بالشقه عند ماجد اللي كان متمدد على الكنبه دخلت شروق بهدوء وناظرته سرحان وأول ماناظرها راح لها وضمهاوباسها:وحشتيني شروق ليه تأخرتي؟؟؟
شروق وهي مستغربه من خوف ماجد:حبيبي انا ماتأخرت...
بعدها ماجد عن حضنه ونزلت عبايتها وجلست على الكنبه وبقلق:ماجد انت اليوم مو طبيعي قولي وش صاير معاك؟؟؟
حكى ماجد كل شي لشروق وعرفة سبب خوف ماجد
شروق تطمنه:حبيبي انا بخير وماحد يموت قبل يومه........
ماجد بس سمع سالفة الموت رمى نفسه بحضن شروق وبخوف:فال الله ولا فالك والله لأموت بدونك..
شروق تركت ماجد بحضنها وجلست تمسح على شعره ليما هدا ونام بحضنها.

.......................................

بيت ابو نواف فيصل تعب من الجلسه برى وقرر يدخل ياخذ اخوه ويرجعون البيت لانه حس بأهانه دخل للمجلس
ناظر نواف واقف:عمي العنود تقول خله ينساني..
فهد رفع نظره لنواف ودمعه حاره نزلت من عينه ولا قال ولا كلمه
فيصل مسك يد اخوه وراحو للبيت دخل فهد لغرفته ورن جواله وكان رقم غريب طنش ورد بس اصرار
صاحب الرقم خلا فهد يرد:الو
...:عمي فهد وينك؟
فهد عرف إنه حارس فلة عمه ابوفرح وبضيق:نعم خير؟؟
الحارس:تعال ضروري للمستشفى انت والعمه فرح....
فهد قام من سريره وبخوف: وش فيه تكلم؟؟؟
الحارس: العم ابوسلطان طاح بالفله ونقلوه المستشفى..
فهد تذكر مرض عمه إللي ماأحد يعرف عنه ولبس ثوبه وركض للمستشفى وصل لقى الكل مجتمع عند باب الطواري وقاله الحارس كل شي جلس ع اقرب كرسي ودعى إن الله يقومه بالسلامه وبعد أنتظار ساعتين طلع الدكتور ووجهه مايطمن راح له فهد وبخوف:طمنا دكتور..
حط الدكتور يده ع كتف فهد: انت ولده؟؟؟
فهدوخلاص وصلت معاه: لازوج بنته.....
الدكتور بأسف:الله يصبرك ويصبر اهله ادعيله بالمغفره...
انهار فهد وبكى قهر ع عمه وع حظه وع كل شي بحياته وتذكر فرح اشلون يبلغها وهي بتموت بدونه وتحب ابوهابشكل كبير..
قام فهد وقرر يجيبها تناظر ابوها علشان يدفنوه وصل للشقه وتردد يفتح الباب بس بالأخير تشجع ودخل ناظر الصاله خاليه وناظر باب غرفة النوم مفتوح دخل بكل هدوء بس مالقاها سمع صوت الدش عرف إنها تتحمم اخذ نفس عميق وتمدد بالسرير وجلس يفكر شلون بيبلغها واهو سرحان بتفكيره طلعت فرح إللي تفاجأت بوجوده بالغرفه: فر ح:انت شنو جالس تسوي هنا اطلع برى ....
انتبه فهد لفرح وقام عندها ومسكها من كتفها فرح خافت وبعدت يده عنها:والله لوتلمسني مره ثانيه لأكسر يدك....
فهد ضاغط ع اعصابه:طيب تعالي اجلسي ابيك بموضوع مهم...
فرح بعناد:مابجلس واطلع برى ابي البس ملابسي...
فهد انتبه إن فرح لابسه روب الحمام:بقول كلامي وبطلع تعالي اجلسي لأقوم اجيبك غصب
فرح بخوف:جلسنا نعم؟
فهدبتردد:فرح انا...
فرح بتعصيب:انت وشو تكلم؟
طرت ببال فهد فكره بتختصر عليه كل الكلام وبعجله:البسي بسرعه١٠دقايق انتظرك بالسياره وطلع ولاترك لهامجال تناقشه..
بدلت فرح ولحقته السياره وركبت وقفلت الباب بقوه:ممكن تقولي وين بنروح؟؟
فهد ولا كأنه يسمعها عصبت فرح ولاتكلمت وأول ماناظرت المستشفى:انت ليش جايبني المستشفى انا ماعندي دوام رجعني البيت...
نزل فهد ومارد عليها ولحقته:هي انت إذا كلمتك ردعلي تفهم؟؟
لف فهد عليها ومسك يدها وكانت بتعترض بس ناظرت حراس الفله والخدم كلهم بالمستشفى وماتت من الخوف وركضت للحارس:وش فيه ياعبدالله وش جابكم هنا؟؟
الحارس يناظر فهدوبحيره:العم فهد ماقالك؟
ناظرت فرح بفهد وراحت له مسك يدهافهد ودخلها داخل وهي مستسلمه دخلو ليما وصلو لثلاجة الأموات هنافرح
انهارت وصرخت مسكهافهد وضمهافهد:خلاص فرح ادعيله بالرحمه
فرح بقهروبصوت باكي:بابا ارجع لي لاتروح بابا مالي غيرك مايحد غيرك يحبني قوم وفقدت وعيها..
فهد صارخ بالممرضات يجون ياخذونها ونقلوها لغرفه وحطو بيدها مغذيه وجلس فهد يحتري احد يطمنه عنها.

.................................................. ....

بعد مرور اسبوع من هالأحداث فرح تحسنت وانتقلت لفلة ابوها مع فهد إللي حس إن الحين صار مسؤول عن فرح لأن مالها احد بعدالله..
وفيصل قرر قرار ومايدري إذا هالقرار في صالحه وصالح اخوه او لا؟؟
وماجد تطورت علاقته بشروق وصار يحبها اكثر...
وغاده مازالت تخطط شلون تكسب قلب نواف..
اما ابوسامي قرر يفاتح ماجد بموضوع بس مايدري شنو ممكن تكون ردت فعله بس هو لازم ينفذ الوعد اللي قطعه عليه اخوه ابو نواف قبل يموت وينفذ وصيته.
يــــــــــتــــــــبــــــــــــــــــــــــــــع

في غرفة مها اللي كانت متمدده بسريرها وتفكر بأهتمام غاده اللي صار واضح بنواف وبهالحظه دخل نواف وهو تعبان وراح نام جنبها وحط راسه ع صدر مها اللي ضمته حيل:حبيبي شكلك تعبان شنو فيك؟؟
نواف بضيق:كلام الناس عن العنود يضايقني يامها الكل شاك بأخلاق اختي وانا عاجز وفهد هالحقير عايش حياته ولا همه.
مها تخفف عنه:ولا يهمك انشاء الله ربي بيعوض صبرها خير نام حبيبي ارتاح.
نواف:بنام وصحيني العصر علشان العزيمه اليوم بطلع اشوف الوضع مع عمي والعيال.
مها:طيب ياقلب مها ..
غمض نواف عيونه وهو يفكر شلون بيحل هالمشكله اللي صارت تسبب له ارق وخوف من ان اخته ماعاد احد يفكر يتزوجها
.
.......................................

في بيت ابو فهد كان فيصل غارق بأفكاره وفجأه وقف ومسك الجوال بيده وبتردد اتصل بفهد:الو
فهد وبصوت كله نوم:هلا فيصل
فيصل:وينك انت؟؟
فهد:بفلة العم ابوسلطان نايم..
فيصل بصراخ:ياخي انت ماتستحي على وجهك بعد اللي سويته لك عين تروح لها ماكأنك سويت شي في بنت عمك عايش حياتك؟؟ولاكأن صار شي ياخي انت شنو ماتستحي؟؟
فهد وخلاص وصلت معاه:اقول عاد اسمع إن اتصلت مره ثانيه ماتلوم إلا نفسك وفرح زوحتي رضيت او مارضيت انت وعيال عمك وقفل بوجه اخوه.
فيصل خلاص فقد الأمل في فهد وعزم إنه يسوي الشي اللي بباله.

........................................

في بيت ابونواف كان ابوسامي يستقبل الضيوف ونواف جنبه ابوسامي لاحظ عدم وجود فهد وبس فيصل جاء وتقدم عنده:فيصل؟
فيصل انتبه لعمه:هلا عمي
ابوسامي:وشفيك ووين اخوك؟
فيصل بلعثمه:هااا فهد ايه فهد بالبيت تعبان مابيجي..
ابوسامي عرف ان فهد مو بالبيت وماحب يبين لفيصل:طيب الله يحييك وين العيال؟
فيصل:ماجد برى ونواف الحين جاي وسامي ناظره هو وحسن وطارق طايحين له سوالف مع بعض.
ابوسامي:طيب ليه ماتروح تجلس معهم؟
فيصل بضيق:شوي وبروح.
التفت ابوسامي على دخلت ابوعادل وعياله عادل ومهند وقام يرحب فيه وقام كل اللي بالمجلس يسلمون عليه ابوعادل له قصه مع اهل العنود لان ابوعادل طلب يد العنود لولده عادل وماكان يدري ان العنود محيره لفهد وابونواف رده وقاله عن سالفة حب فهد للعنود...
دخل نواف وناظر ابو عادل ودعى بداخله ان ابو عادل يرجع يطلب يد العنود ويرتاح من هالسالفه ومن كلام الناس..
دخل وسلم عليهم وجلسو سوالف وبعد مرور ساعه التفت ابوعادل لنواف وبصوت عالي يسمعه كل اللي بالمجلس:صحيح يانواف الكلام اللي سمعناه؟
نواف بخوف:وش اللي سمعتوه ياعم ابوعادل؟
ابوعادل بشماته:سمعنا ان ولد عمك تزوج؟؟؟؟؟؟!!!!
نواف حس بنبرت الشماته في كلام ابوعادل وبقهر:والله ياعمي النصيب ...
ابوعادل بخبث:بس ابوك الله يرحمه قالنا إن فهد يموت بالعنود وغريبه واحد يحب ويتركه اللي يحبه إذا ماكان في سبب قوي يخليه يتركها.
ماجد بكل تهور:اسمع عاد يأبو عادل إذا جاي تتكلم عن اخلاق اختي فأختي...
قطع ابو سامي كلام ماجد لانه يعرف إن ماجد اذا عصب يسب ويشتم ولو كان اكبر منه ومايسكت عن حقه...
أبو سامي:يابوعادل الزواج قسمه ونصيب وإذا ولدك عادل له باقي رغبه بالبنت الله يحييه..
كان ابوعادل بيتكلم بس فيصل قطع كلامه فيصل كان جالس يناظرشلون نظرات الشك في عيون الضيوف ونظرات الشماته بعيون عادل وناظر انكسار اولاد عمه وبالحظه قام فيصل لعند عمه وجلس قباله:انا ياعمي طالبك وقدام كل هالموجودين ومابيك تردني..
أبوسامي بأستغراب:تم ياولدي بس شنو طلبك؟؟؟
فيصل وهو يناظر بعادل وابوه:ابطلب يد العنود وابي الحين الجواب ......
الكل في حالة صدمه والكل يناظر ببعض أبوسامي كبر في عينه فيصل وناظر بنواف:روح يانواف وكلم اختك ....
قام نواف وهو في حالة صدمه ودخل ونادى مها:يامها مهاااااااااااا
جات مها على صوته:نواف شنو فيك تبي شي؟
نواف:شوفي لي طريق ابي العنود وتعالي معاها.
مها بخوف:طيب الحين نجي.
راحت مها تنادي العنود اللي كانت تسولف مع خلودبنت جيرانهم وطلعو عند نواف ودقو الباب
نواف:تفضلو
العنود بخوف:نواف شنو فيك ترا خوفتنا؟
نواف واهو يلعب بأصابعه:العنود فيصل خطبك وابي ردك الحين الرجال تحت ينتظر الردبس قبل كل شي ترين اهو طلب عمي وعمي قاله تم قدام كل الضيوف فكري ليما اروح وارجع والتفت لمها:مها تعالي شوي ...
طلع نواف وترك العنود حايره ومصدومه:فيصل؟؟؟؟؟ليه وشلون اكيد شفقه علي اكيد الحين مجبور يتزوجني علشان يرقع لاخوه الحقير ياربي ساعدني وفجأه طرا ببال العنود فكره وابتسمت ابتسامه النصر:طيب يافهد والله لرد لك الصاع صاعين والله لانتقم لنفسي واحرق قلبك على اخوك مثل ماحرقت قلب اخواني علي وعلى هالتفكير دخل نواف وبكل حنان:هاحبيبتي...
فكرتي العنود وبأصرار:ايه وانا موافقه...
نواف ضم اخته بكل حب:الـــــــــــف الف الف الف مبروك حبيبتي يالله بنزل ابلغ الرجال طلع نواف
والعنود ضمت وسادتها وتبكي:يارب سامحني يارب وجلست تبكي.
دخل نواف المجلس وناظر بعمه أبوسامي:هااا يانواف بشر شنو قالت اختك؟؟؟؟؟؟
نواف تقدم لفيصل ووقف فيصل:الف مبروك يافيصل العنود وافقت وضم فيصل وهو فرحان الكل قام بارك لفيصل والكل مستانس.
وبهالحظه دق جوال نواف وكانت مها قفل منها:تفضلو ياجماعه للعشاء الكل راح نواف مسك يد فيصل:شكرآ يافيصل
فيصل مستغرب:شكرآ ع وشو يانواف؟؟؟؟
نواف وبأعجاب بتصرف فيصل: على تضحيتك لجل بنت عمك انشهد انك رجال وابشر باللي يسرك.
فيصل حس انه ازاح هم عن نواف وبفرح:الله يقدرني اسعدها وانا أولى من الغريب وبحفظ العنود بعيوني بس يانواف عندي طلب!!
نواف بأهتمام:ابشر يافيصل قول ياولد العم.
فيصل:ابي إذا ممكن نستعجل بسالفة الفرح مانبي نطول.
نواف:ابشر خلال اسبوع صدقني وانت متزوج وترا الفرح عائلي ومختصر ماله داعي الخساير.
فيصل براحه:أجل الخميس انشاء الله وانا متزوج؟
نواف بخبث:ياخي مافيك تصبر ترا كلها 3ايام اصبر شوي ههههههههه
فيصل بأبتسامه مصطنعه:كأنها3سنين بالنسبه لي..
وبعد صمت ثواني رفع فيصل نظره لنواف:نواف !!!!!!!!
انتبه نواف له:هلا فيصل.....
فيصل بأحراج:انا مجمع لي في البنك30الف و.......
قطع نواف كلامه:اسمع مهر ما مهر مافيه العنود بتشتري لها اشياء بسيطه ليما تتزوج وتكمل اغراضها...
فيصل كان بيعترض بس ناظر نواف يناظره بنظره معناتها خلاص لا تجادل.
فيصل:شكرآ يانواف وراحو يتعشون.
.

................................................. ..

في صباح يوم جديد فرح كانت نايمه وصحت طلعت لغرفة فهد وناظرت فهد نايم لان فرح طلبت من فهد مايشاركهانفس السرير وهو احترم رغبتها دخلت الغرفه على رووس اصابعها وجلست تتامله وهو نايم أول مره تناظره وسرحت فيه وأول ماتحرك لفت تبي ترجع وصدمت بالطاوله وطاحت التحفه قام فهد بخوف وناظرها واستغرب من وجودها بداره وبقلق:فرح فيك شي؟
فرح بلعثمه:هااا لالا بس كنت ابي اصحيك للدوام....
استغرب فهد منها اهي ماتكلمه علشان تجي تصحيه بس طنش ورجع ينام وهي
ماصدقت نام طلعت ع طول دخلت لغرفتها وقفلت الباب:يالله ياغبائي وش بيقول عني الحين راحت تمددت بسريرها وجلست تفكر ليما نامت.
.
..............................................

في بيت ابو فهد فيصل مانام ويفكر في تصرفه هذا هل هو في مصلحته او لا وشنو ردت فعل فهد لو درى إن اخوه بيتزوج حبيبته غمض عيونه بحيره ومن التعب نام.

.
..........................................

في بيت ابونواف
غاده كانت صاحيه من بدري تنتظر نواف عند الدرج الخارجي علشان يطلع لدوامه تبي تقابله بأي طريقه اخذت الضل وعملت برجلها بقعه خضراء وكأنها ضربه واخذت بجيب البنطلون منديل فيه مزيل المكياج وكانت لابسه بجامه خفيفه ....
في غرفة مها كانت نايمه بحضن نواف وصحى نواف وقام صلى وراح يصحيها:مهاوي حبيبي يالله قومي صلي وارجعي نامي....
صحيت مها بس ماتحركت من مكانها:صباح الخير حبيبي.
نواف بحب:صباح الجوري ياقلبي...
مها تناظر بنواف وبستغراب:نواف غريبه لابس بدري؟؟؟؟؟
نواف بخبث:ههههههه عادي تبين انزلها نزلتهاهههههههههه
مها دفته بعيد عنها:تفكيرك دايم يروح لبعيد ...
نواف يتصنع الزعل:ليه تدفيني يعني ماتبي قربي طيب يالله طالع....
لف بيقوم بس مها سحبته لحضنهاوضمته:وشلون حبيبي يطلع وهو زعلان لازم نراضيك او اموت.
نواف:جعل يومي قبل يومك طيب يالله راضيني...
مها ببرائه:وشلون تبي اراضيك اطلب تدلل؟؟؟
نواف كان يناظر بمها من فوق لتحت مها ذابت من الحيا:قوم قوم ولا تفكر حتى والله لأعضك
نواف وهو يقرب منها لدرجة حست انفاسه تخترق صدرها:عضيني أجل
مها برجاء:نـــــــــواف لاااااااا
.
.......................................

غاده تعبت تنتظر وكانت جالسه وتهز رجلها وتناظر ساعتها:يالله هذا وينه المفروض يصحى الحين ليه مانزل للحين ااااففففففف وفجأه سمعت صوت خطواته ع الدرج الداخلي وعملت نفسها طايحه عند الدرج الخارجي وحطت يدها على رجلها
وتتأوه نواف ناظرها وراح عندها وبخوف:غاده وش فيك وش فيها رجلك؟؟
غاده تتصنع الآلم:آآآآآآه رجلي نواف طحت آآآآآآآآآآه ياماما...
نواف جا بيمسك موضع الآلم بس بعدت يده:لالا تعورني ...
نواف بقلق:مابعورك بس بناظر..
نزل نواف راسه لمكان رجلها غاده استغلت انشغاله وفتحت ازرارين من بلوزتها بدون ماينتبه
نواف رفع نواف نظره:غاده و....انصدم ناظر صدرها وتوه بيقوم فتحت مها الباب وبعجله:نواف ال......
انصدمت نواف جالس وراسه قريب من صدر غاده وازرار بلوزة غاده مفتوح جلست تناظر فيه وهو يناظر فيها استغلت غاده
الموقف وطلعت المنديل من جيب البنطلون بهدوء وبحركه سريعه مسحت اثر الضل اللي عملته برجلها ورجعت المنديل نواف
وقف وراح جهت مها اللي مو مصدقه إن نواف يخونها نواف يبي يفهمها قبل لاتحكم عليه غلط:مها زين إنك جيتي تعالي ساعدي
غاده بنوديها المستشفى طاحت ورجلها تعورت تعالي وكان يسحب يدها وقفت غاده وبأنكار:بس انا رجلي ماتعورني من قال
نواف خلاص فار دمه وبخوف:شلون يعني من قال مو توك قلتي إنك طحتي ووريتيني اثر الضربه
غاده ولا زالت تنكر:لا انا كنت جالسه وانت جيت جلست جنبي ليه تكذب ولا علشان جات مهاقمت تنكر
مها وبصرخه:بــــــــس انتي وياه
نواف خلاص حس روحه بيموت:مها لاتصدقيها والله تكذب والتفت لغاده:وانتي ياحقيره وريها الضرربه اللي برجلك
غاده:أي ضربه انا رجلي مافيها ضربه راح نواف وبكل قوه رفع بنطلون غاده ومها مصدمه ومالقى أي اثر للضربه عرف
انه طاح بورطه مستحيل يطلع منها ناظر بمها اللي تقدمت لغاده وبكل قوه صفعتها كف:انتي حقيره وناظرت بنواف وخانتها دموعها
وطلعت لغرفتها ولحقها نواف ودق بالباب بس مها مافتحت:مها افتحي الباب لاتظلميني افتحي بفهمك
مها بصراخ:روح عني روح لها خل تنفعك ياخاين
هالكلمه قطعت قلب نواف وجلس بجنب الباب وحط يده ع راسه وبكى.
...............................
شنو بيصير بين نواف ومها؟
وشنو ردت فعل فهد لاعرف إن فيصل بيتزوج حبيبته؟
وشنوالموضوع الي يبي يفاتح ابوسامي ماجد به وشنو الوصيه؟
انتظر ردودكم اتمنى من الجميع المشاركه برأيه