المنتدى :
الأطباق الرئيسية
مطبق زبيدى
مطبق زبيدى
اول شى انييب ثلاث زبيديات كبار
3 اكواب ونص عيش
و6 اكواب ماى
ملح على حسب الطلب
نص ملعقه لومى اسود
كميه من الزيت علشان الحمسه
3 بصلات
ربع ملعقة جاى كارى وكزبره
ربع ملعقه شاى مسمار ناعم
نص ملعقه شاى فلفل اسود واخرى هيل
وشوية كركم
وحبتين لومى صحيح
الطريقه
النظف السمج ولا اسهل منه لزبيدى بالتنظيف
ونملحه ونخليه ربع الى نص ساعه
وعقبها نغسله ونحطه بمشخال علشان ينشف
نخلط كل لبهارات ونتبل فيها بطن لسمجه من الداخل ونمسح السطح الخارجى بالكركم وبعدين نقليها
ونحط السمج عقب القلى بالجدر مع شوية زيت
وحبتين لومى العدلونصب عليهم الماى ونخليه على النار لمن يغلى
ونحط بعدها العيش بعد ما نغسله ونقعه ونصفيه
ونحطله رشه من الفلفل والهيل واللومى الناعم ونخليه على نار هاديه
حتى ينشف الماى وبعدين نخفف حرارته كلش علشان يتسكر
طبعا هالاكله من غير حشو ما تسوا
نسوى الحشو بصله ونحمسها على نار هاديه عقب ما نفرمها ولمن يتغير لونه البصل
ونحطله لو مى اسود ناعم وفلفل اسود وملح وزيت ونقلبه
وننجب عقبها ونشيل السمج بالراحه ونزينه
وبالهنا والشفا
|
01-11-08, 08:33 AM
جديد مواضيع قسم الأطباق الرئيسية
العرض العادي
