كاتب الموضوع :
Z a H e R
المنتدى :
القسم الرياضي
السلام عليكم
بما انى مصرى اعتقد انى ممكن اشرحلكم ليه مصر مابتوصلش كاس العالم
اولا مع احترامى للاخ العزيز زاهر فالفرق الكبيره مثل الكاميرون لا تسبب لمصر مشاكل كبيره
ومعرفش انتوا تعرفوا الكلام ده ولا لا مصر دايما كعبها عالى على فرق افريقيا الكبيره
يعنى مثلا التصفيات اللى فاتت مصر كان معاها فى المجموعه الكاميرون وكوت دى فوار
الكاميرون اتغلبت 3-2عندنا فى القاهره واتعادلنا معاها فى ياوندى 1-1
اما كوت دى فوار فهى صحيح خدتنا لرايح جاى بس دى كانت فترة تغيير مدربين
وبدليل ان الفريق ده لعب معانا4 مراتبعد هذه التصفيات فى بظولة افريقيا وفى مباريات وديه
هزمناهم فى تلات مباريات منها وتعادلوا معانا فى واحده
الراى المتفق عليه فى مصر ان (وقت الشده بيبان معدن اللاعب المصرى) الجمله دى تلخص ماساة منتخبنا
التصفيات الماضيه اللى ضيعنا فيها الداء السئ مع الفرق الضعيفه (فى حد يتعادل مع بنين) وهذا ما يحدث دائما اللاعب المصرى يتعالى على المباريات السهله فيفقد نقاط كتير لحدما يجى(وقت الشده بيبان معدن اللاعب المصرى) وفى اغلب الاحيان يكون الوقت قد ذهب والفصه ضاعت
اقرب الامثله المباراه الكارثيه اللى من شهر (منتخب السودان)
والمباراه كانت وديه ومبادره من الرئيس السودانى لتكريم بطل افريقيا
قاعد بتفرج فى امانة الله ابص الاقى الهداف محمود فتح الله بيحط كوره راسيه روعه فى المقص ولا احسن مهاجم فى شباك الحضر والغريبه انه ماكنش معاه حد من لاعبى السودان والوره رايحه للحضرى
بس عدم التركيز وحب الاستعراض يعملوا اكتر من كده
مع ان نفس اللاعب قدام الكاميرون تلاقي كنافارو مايجيش فيه حاجه
فاكرين التصفيات اللى قبل اللى فاتت وا لكابتن مدحت شلبى يقول
حط يا طارق حط يا طارق حرام عليك يابنى حرام عليك يابنى
كان طارق السعيد منفرد وراوغ الحارس ومدحت شلبى قله حط ياطارق
تصوروا المرمى خال من حارسه ولا عب محترف فى اندرلخت البلجيكى (فى هذه الاثناء) لايستطيع ايداع الكره داخل الشباك الخاليه
اللى ماحضرش المباراه المباراه دى كانت مع المغرب وكان معانا فى نفس المجموعه السنغال
الفريق المصرى تعرض لضرب وتضييع وقت فى هذه المباراه
هذه المؤثرات كلها تخرج اللاعبين عن شعوهم وتمنعهم من التركيز وهذا ما حدث مع طارق
تصوروا لو دخل الجون السهل جدا ده كنا رحنا كاس العالم
وياريت المغرب استفادت لا السنغال اللى صعدت عن المجموعه
على الرغم من حصولنا منهم على 4 نقاط فى لقائى الزهاب والعوده
مختصر ما اقول ان الدول الكبيره مثل الكاميرون والسنغال عمرها ماكانت عائق امام منتخبنا والعائق الحقيقى كان الاستهتار فى المباريات السهله وفرق الشمال الافريقى
وربنا يوفق المنتخب السنه دى
مع تحياتى zamo851
لدرجه اصابت اللاعبين بالتوتر واضاعو كميه غريبه من الفرص
التعديل الأخير تم بواسطة tonyrobinho ; 23-10-08 الساعة 06:21 PM
سبب آخر: منعا للتعصب
|
23-10-08, 01:58 AM
جديد مواضيع قسم القسم الرياضي
العرض العادي
