كاتب الموضوع :
Emomsa
المنتدى :
الارشيف
نبض قلبي
الجزء الخامس
في غرفة سما بالمستشفى
سامي: حبيبتي
سما: ...............................
سامي: شفتي راشد يهبل الله يحفظه
سما:.................................
سامي: كنت فرحان وانا شايله بين يدي .. كان ودي اخذه معاي
سما:................................
سامي: على فكره عادل لا حظ سكوتك وهمك
سما:..................................
سامي: زعلانه مني
سما: .................................
سامي: حبيبتي مافي شي تزعلي منه .. انا اخوك وحبيبك وروحك.. ليه تستحي مني
سما:.............................
سامي: ردي علي
سما:..............................
سامي: ماتبين تكلمني على طول يعني
سما: .............................
سامي: اهون عليكي ياروحي انتي
سما:.............................
سامي: ماضنيت انو سامي رخيص عندك كذا. سامي الي روحه فيكي تزعلي عليه كذا انا من لي غيرك اذا ماتبين تكلميني .. وين اروح .. ماعندي ام ولا اب .. انتي امي وابوي من زمان يا سما .. ولا نسيتي
سما:..............................
سامي: خلاص مابثقل عليك .. بتصل على فهودي حبيبك يجيك .. يمكن اذا جا تتكلمي.. وانا بروح ..لانك ماتبيني
سما: لا
سامي: لا ايش.. ياروحي
سما: خليك
سامي: حاضر انتي تامريني .. طيب اضحكي عاد .. والله ماصار شي يستاهل ذا كله
سما: عادي
سامي: اكيد
سما: اكيد
سامي: طيب شفتي راشد
سما: ايوا
سامي: شفتي حلاته
سما: ايوا
سامي: طيب ماودك بواحد يقولك ماما زيه
سما: لا
سامي: براحتك .. انتي تقرري
سما:.....................................
سامي: تغطي خليني اشوف الباب .. من؟!!
هزاع: هزاع
سامي: حيال الله الرجال
هزاع: السلام عليكم
سامي: وعليكم السلام .. هلا وغلا
هزاع: كيف الحال
سامي: الحمدلله
هزاع: كيفك سما .. انشا الله بخير
سما: بخير
هزاع: لسا تعبانه
سما: شوي
هزاع بعصبيه: وين عادل
سامي: ايش فيك يارجال
هزاع بحده: كيف يتركها وهي تعبانه كذا
سامي: لا هي تعبانه ولاشي
هزاع: شف وجهها كيف صار
سامي: لا تعبانه ولا شي .. انا مزعلها
هزاع بحده: كيف تزعلها.. انجنيت انت .. سما.. كلميني ايش مزعلك
سما: انا بخير مافي شي
هزاع بحنان: اكيد !!!!!!
سما: اكيد
سامي: قالت لك اكيد ارتاح عاد
هزاع: انا جيت اتطمن عليكي .. اعزيكم .. عضم الله اجركم
سامي: اجرنا واجرك
هزاع: سما .. ماتبين تردين
سما: اجرنا واجرك
هزاع: اذا متضايقه من وجودي بمشي .. بس قولي لي
سما: لا عادي
سامي: انت كيفك وكيف الشغل معاك
هزاع: الحمدلله .. ماشي تمام.. طيب انتي ليه حزينه كذا ..
سامي: هزاع ..
هزاع: انتي لسا تكرهيني ياسما
سما: انا اكرهك؟!! ليه
هزاع: ماني عارف.. تحسسيني اني مسوي لك شي غلطان عليكي فيه
سما: انت واهم
سامي: تراهي منحرجه من الي صار امس
هزاع: أي احراج ياسما.. ماصار شي تنحرجي منه .. وبعدين انتي عرضي .. فاهمه ايش اقصد .. انتي عرضي .. يعني احافض عليكي اكثر ما احافظ على روحي.. لا تنسين انو امي وامك بنات عم
سما: تسلم .. ماني ناسيه
هزاع: طيب كلميني.. ايش صار لك امس
سما: ولا شي
هزاع: الا صاير قولي لي.. انا بمكان اخوك
سما: سلامتك ماصار شي.. كنت تعبانه شوي
هزاع: تعبانه.. ها.. الو.. حسام جهز الطياره الان .. الان قلت.. ابسافر انا وعيال عمي راشد .. يلا انتظر مني مكالمه
سامي: أي سفر هذا ياهزاع الله يهديك
هزاع: اذا هي تعبانه .. ابي اعرضها على اكبر دكتور .. ويطمني عليها
سما: مابي
هزاع: ليه ماتبين
سما: بس مابي
بومشعل: السلام عليكم
سامي: وعليكم السلام
هزاع: وعليكم السلام .. هلا وغلا بومشعل
بومشعل: بالمهلي ياولدي .. اخبارك انشاالله بخير
هزاع: بخير الله يسلمك
بومشعل: كيفك اليوم ياسما .. احسن انشا الله
سما: الحمد لله
بومشعل: ايش فيه شكلك ماهو طبيعي
هزاع بعصبيه: شفت يا سامي.. قايل انا انها ماهي طبيعيه
سما: هزاع
هزاع بحنان: يعيونه
سما: ممكن تصدق اني بخير
هزاع: اصدقك واكذب عيوني
سما: اسمع ياخوي .. انا متضايقه من سامي شوي .. لا تكبرها عاد
يومشعل: ذكرو الله ياعيال ايش فيكم
سامي: هزاع مصر انو يسفر سما يعرضها على دكتور برا
بومشعل: هههههههههههههههههههه برا عاد ياهزاع .. والدكتورعادل ايش فيه ماشاالله عليه شايف شغله وماعليه قصور
هزاع: بس البنت تعبانه
بومشعل: دلع بنات .. ومثل ماقالت لا تكبرها
هزاع: شوفو .. انا واحد منكم وفيكم.. اذا محسبيني غريب قولو لي
سامي: ايش هالكلام ذا ياهزاع .. انت اخو عزيز
بومشعل: انت منا وفينا ياولدي لا تقول كذا
هزاع: سما وانتي
سما: انا ايش
هزاع: شايفتني غريب
سما: انت واحد من اخواني ياهزاع
هزاع: ها؟!!.. مو مهم .. المهم ابي اعرف ايش صار لك امس.. امس لما كلمت سامي قالي انك حالمه بكابوس وهالكلام ماهو صحيح ابي اعرف الصدق .... ليه ساكتين تناظرون بعض .. اذا ماني غريب قولو لي
سما: ايش تبغى تعرف
هزاع: مين الي كنتي تصرخي ذبحوها .. ومين هذول الي يبون يذبحو فهد
سما: واذا قلت لك حلم بتصدقني
هزاع: حلم وفهد متعرض لحادث مقصود امس
سامي: وانت ايش دراك
هزاع:تسال هزاع ايش دراه ..مو مهم من قالي .. المهم انو الحادث مقصود
سما: هزاع اقدر اثق فيك
هزاع: اكيد تقدري سرك ببير .. ومعاي لا تخافي على روحك او اخوانك .. والله اني افديكم بعمري
سما: بمقابل ايش
هزاع: هااااااا
سما: بمقابل ايش .. بتفديني انا واخواني
هزاع: ولا شي
سما: الا اكيد تبي شي
هزاع: وغلاتك مابي
سما: ايوا غلاتي .. غلاتي هي الي تخليك تعمل كذا ماهو شي ثاني؟!!!!
هزاع: انا طلعت من الدنيا بعادل ماعندي غيره .. ماعندي عيال عمومه غيركم .. انتو اهلي وناسي .. اقف مع الغريب وانتو لا
سما: مارديت علي بمقابل ايش
هزاع: ولا شي .. ابيكم تحبوني بس
سما: اخواني كلهم يحبونك ويحلفون باسمك ورجولتك.. ماهو شي جديد عليك تعرف هالشي زين .. وغيره
هزاع: خلاص هذا الي ابيه
سما: اكيد؟!!
هزاع: اكيد
سما: طيب
هزاع: طيب بس .. يعني ايش.. بتشاركوني في مشكلتكم
سما: هزاع المشكله تخصني انا.. متقدم لي واحد وانا ما ابيه .. واخواني قالو لي انه رجال زين وفرصه ماتتعوض .. وافقت عليه .. ومن يوم ماوافقت وانااحلم بكوابيس .. هذي الحكايه
هزاع: وافقتي عليه؟!!!
سما: ايوا
هزاع: هذي الحكايه؟!!!
سما: ايوا
هزاع: الله يوفقك.. شوفي سما.. انتي منتي غبيه وانا مهما خبيت عليكي تفضحني عيوني.. حكايتك هذي كذبه وانا عارف.. تبين تبعديني عن المشكله الحقيقيه وهذا واضح.. اسمعي .. وغلاتك عندي وغلات اخوانك عندي اني بكون الظهر الي تستندو عليه وبتلاقو الحل لكل مشاكلكم عندي .. انتو بس تأشرون وزي ماقلت لك من شوي افديكي وافدي اخوانك بروحي والله اني ما اكذب فيها وصادق بها ويوم ماتحسو اني اخر الحلول الي تلجأو لها بابي مفتوح .. ماهو عشان شي ببالك .. هذا عشان انتو عيال عمتي واخواني .. ومالي غيركم بهالدنيا
سما: مامنك قصور يا هزاع رجال والنعم فيك كفيت ووفيت
هزاع: ارخصولي انا استاذن
بومشعل:مع السلامه ياولدي
سامي: ماقصرت ياخوي
بومشعل: نفسي افهم ايش تفكري فيه
سامي: هذا كلام ينقال
سما: ايش يعني تبون تقولو له عن سماح؟!!!
بومشعل: والله انا كنت بقوله لو مو الكلام الي قلتيه.. سكتي الكل.. يايبا ماهو كذا تتعاملي مع الناس.. احد يقول بمقابل ايش .. ايش تنتظري يرد عليكي
سما: هذا الي عندي
سامي: انا بديت اصدق انك تكرهيه من صدق
سما: لا اكرهه ولاشي .. بس
بومشعل: بس ايش يبا .. قولي الي بخاطرك
سما: انتو تتكلمو عن هزاع .. هزاع بن محمد
سامي: وايش يعني وانتي سما الراشد
بومشعل: وانتي بنت راشد الراشد .. وخوانك ماعليهم زود
سما: قصدي انكم تتكلمو عن هزاع بن محمد رجل الاعمال المعروف ..
رجل الاعمل الناجح .. الي مايعرف الفشل .. هزاع الي عنده معارف تغطي عين الشمس .. مكالمه وحده منه لاي شخصيه مرموقه مفتاح عبور لاي مكان انتو تبونه حل لجميع المشاكل الي تتخيلونها ويمكن مشكلتنا اولها.. هزاع انا ادري فيه يبيني من زمان .. ومستعد يفديني بروحه انا مصدقه هالشي منه يسويها .. هو يبي سما بنت راشد الراشد ..بنت رجل الاعمال المرموق.. بنت الحسب والنسب الي نسبها يرفع راسه قدام اهله وربعه.. انا قبل لا كون زوجه تريحه وتربي عياله بكون واجه له ولعمله .. انسباه لازم يكونو في مستواه .. وحنا انتو اعلم بحالنا
سامي: ايش تقصدي .. لا يكون حنا من الشارع وحنا ماندري
سما: لا بس عندنا اخت مخطوفه من 18 سنه ومانعرف عنها شي.. وعندنا عيالها نربيهم لو احد يعرف بوجودهم مابنعرف نرد عليهم لو سألونا مين هذول.. عندنا شهادات ميلاد تثبت اني امهم .. عندنا عقد زواج يقول اني متزوجه من جابر منصور ..وعندنا جابر منصور الي مانعرف عنه منو اصله او هو واحد من عيالهم وتزوج اختنا..عندنا موضوع البيت الي نبي نعيش فيه تتوقع بيوافق يعيش معانا فيه؟!! .. عندنا امانه مانعرف ايش هي ومانعرف ايش بتطلع .. عندنا ابوي وعمي الي مايدرو انهم على علاقه بتجار مخدرات .. اذا درا هزاع عنها مابيصدق انو ابوي وعمي مالهم شغل بيها او مايعرفو شي عنها.. اكيد مابيربط اسمه بهالشي حتى لوكان هالشي ماهو صحيح.. بس هذا الي عندنا.. تصور عاد يعرف هزاع بهالشي .. هزاع الي يخاف على اسمه وسمعته من الهوا .. بيرتبط بوحده مثلي.. كيف؟!!
بومشعل: هزاع دماغه اكبر من كذا بكثير
سما: اكبر بحيث انه بيساعدنا .. وبعدين خلاص .. انسو انه منا
بومشعل: بس يايبا هذا باين انه يحبك من زمان
سما: ولو .. انا سما الراشد .. مراح انتظره لحد مايقولي اسمحيلي مالك مكان بحياتي
بومشعل: بس
سامي: البنت معاها حق .. انت بنفسك مقتنع بكلامها ياعمي ..لا تغالط نفسك .. حتى لو هزاع يحبها .. بعد مايعرف ذا كله .. بينسحب بهدوء
بومشعل: طيب البنت صدته وخلاص.. خلونا نقوله عن سماح يمكن يقدر يساعدنا
سامي: حتى لو فكرنا انه يمكن يساعدنا بعد الي قالته له سما .. اخاف ياخذ موقف
بومشعل: هزاع مايرجع بكلامه .. قال لك مكتبه مفتوح
سما: خلونا ننتظر ايش الحركه الجايه الي ممكن يسووها هالكلاب وعقبها بنتصرف
****************************
بغرفة بومشعل وام مشعلام مشعل: بومشعل
بومشعل: خير ياعمري
ام مشعل: يعل عمرك يطول ويخليك ربي للعيال وتفرح بهم وبعيالهم
بومشعل: امين ياعمري .. واشوفك وانتي عجوز جنبي
ام مشعل: يعني انا شباب الان
بومشعل: شباب واصبى من بناتك بعد
ام مشعل: هههههههههههههههههه الله يجبر بخاطرك .. الا اقول
بومشعل: سمي
ام مشعل: ايش سويت على البيت
بومشعل: والله الي وصيتهم يدورون عليه قالو انو المواصفات الي ابيها مابلقاها لازم ابني
ام مشعل: ايوا بس انت عارف البنا بياخذ وقت طويل
بومشعل: عارف .. وعارف انو لازم نعجل بالموضوع سما بتطلع من
المستشفى بكره او بعده وانا مابيها تقعد هناك لحالها
ام مشعل: قاعده مع اخوانها يابومشعل
بومشعل: ادري بس ماتعرفي الظروف ايش ممكن يصير
ام مشعل: معاك حق
بومشعل: انا ابي منك شي
ام مشعل: امرني
بومشعل: ابيكي تنتبهي على سما .. قعدي معاها كثير.. قعدي معاها قعدت ام مع بنتها.. تفهميني
ام مشعل: فاهمتك نور قالت لي
بومشعل: حلو.. زين انك فاهمه .. مريم الله يرحمها اهملت العيال .. وراشد بعد .. العيال على قوتهم .. تراهم ضعاف من جواهم .. قولي الرجال شايلين عمرهم بس البنت خوفي عليها كبير
ام مشعل: ايش تامرني وانا اعمله
بومشعل: دلعيها كثير .. قربيها منك .. سولفي معها في كل شي وعن كل شي وبين السوالف قولي لها جمله او جملتين عن الزواج وكذا يعني .. ابيها تتعلم منك
ام مشعل: خلاص توكل على الله وعلي .. ولا يكون عندك فكر
بومشعل: الله يخليكي لي ولهم .. ماقلتي لي
ام مشعل: سم
بومشعل:ايش اخبارالعيال
ام مشعل: بخير ياربي يسلمهم .. مريم نايمه مع ساره ومشعل مع نور تلعب معاه
بومشعل: انتي سميتيه مشعل خلاص
ام مشعل: ايوا بسميه مشعل لين يرد مشعل بالسلامه
****************************
بغرفة سما بالمستشفى صباح اليوم الثانيسامي: صباح الخير
سما: هلا
سامي: نمتي كويس
سما: عادي
سامي: حسيت بك البارحه وانتي تتقلبي .. ما ارتحتي بنومتك
سما: افكر بهزاع
سامي: بذمتك
سما: وليه مستغرب
سامي: غريبه واخيرا سما بدت تفكر في هزاع
سما: راح مخك بعيد ..
سامي: وليه بس خليه قريب
سما: وبعدين
سامي: طيب طيب .. ايش تفكري فيه
سما: انا مابيه يزعل مني .. يمكن فعلا هو مفتاحنا الي بيوصلنا لسماح
سامي: مفكره في شي
سما: ايوا
سامي: خير
سما: ابي اشتغل معاه
سامي: خير ياعيني؟!!!!! عيدي الكلام ماسمعتك زين
سما: ابي اشتغل معاه
سامي: وايش تشتغلي ياروحي
سما: أي مشروع ادخل فيه معاه
سامي: وليه انشا الله
سما: ما ادري طريق ادخل منه لموضوع سماح
سامي: تكذبي علي ولا على نفسك
سما: كيف يعني
سامي: ليه تتعبي نفسك وتدخلي له من طريق مشروع وغيره .. ياروحي ريحي نفسك واجلسي مكانك انا اكلمه عن سماح وينتهي الموضوع.. ساعدنا ياهلا ويا مرحبا ماساعدنا ماقصر وجزاه الله خير .. اما اذا تبي تلاقي طريقه تعرفيه فيها كويس وتتأكدي من حبه لك فهذا شي ثاني ... تغطي بشوف الباب .... تعال ادخل
سما: ما اصدق .. باقه اليوم بعد
سامي: انا الي ما اصدق الرجال متمسك فيكي والله انا لومكانه مكنت عبرتك
سما: اترك الكارت انا بقوم اقراه بنفسي
سامي: قومي
سما: اسمع .. باقه جديده ليوم جديد .. كنت ابي تفتحي عينك على هالورد وتبتسمي اول تصحي من النوم بدل الحزن الي كنتي فيه .. عارفك تحبي الورد .. ياليت بيدي واخليك اسعد وحده بهالكون ومن غير مقابل.. هزاع
سامي: حرام عليكي .. من جد حرام عليكي .. الرجال يحبك ايش تبين اكثر
من كذا
سما: ابي اختي ترجع لي .. وابي كل الامور تتصلح وعقبها بقولك موافقه عليه
سامي: يعني بديتي تميلين له
سما: طبعا لا.. ايش فاكرني عشان شوية ورد وكلام معسول بطيح بغرامه..
هاه .. انا سما
ساره: صباح الخير
سما: صباح النور صباح العسل
ساره: هلا يالغلا كله .. اخبارك تمام؟
سما: من شفتك صرت تمااااااااااااااااام
سامي: وين زوجتي
ساره: رد السلام بالاول.. وبعدين تبيها روح لها انا بقعد مع سما اليوم
سما: أي والله ليه ماتروح البيت وترتاح كم ساعه وبعدين تجي
سامي: لا ما اتركك لحالك
ساره : لا تخاف ابوي جاي وراي
سما: ايوا ابيك تروح وتتطمن على العيال وعلى حبيبة القلب وتجي
سامي: بتصل على عمي الاول وبعدين امشي .. الو
بومشعل: الو
سامي: عمي كيف حالك
بومشعل: الحمدلله
سامي: اقول انت جاي المستشفى
بومشعل: خير
سامي: ابي ارجع البيت شويه وتارك سما وساره لحالهم
بومشعل: ايش اقول
سامي: سم
بومشعل: توكل على الله وروح.. انا متفق مع ساره تتكلم مع سما عن هزاع .. اطلع وخلهم على راحتهم وانا ساعه واجي
سامي: دامك بتجي خلاص .. انا امشي
بومشعل: قبل لا تمشي قول لعادل خله يدير باله عليهم
سامي: تامر .. يلا مع السلامه .. ها محتاجه شي اجيبه معاي
سما: تسلم لي .. ابي سلامتك
سامي: وانتي تخليكي هنا ولا تطلعي الا لما ارجع
ساره: اقول ترا مو انا زوجتك زوجتك هناك آمرها على كيفك
سامي: ليه ما امرك .. مو انتي زوجة اخوي
ساره: هذا الي بيذبحني فهد بس الي يامرني ماهو انت
سما: بس انت وياها .. وانتو من تتقابلون هذي حالتكم
سامي: ههههههههههههههه يلا ياعسل سلام .. اقول تراني رايح لعادل اوصيه عليكم .. لاتخافون
ساره: طيب يلا سلام واااااااااااااي روح فكنا
سما: لا تكلمين اخوي كذا ما ارضى عليه
ساره: اقول افتح الباب ويلا .. يلا
سامي: هههههههههههههههههههه طيب ياساره انا اوريك
ساره: اخوك هذا نشبه .. مابغا يطلع
سما: ..........................
ساره: هيييييييييييييييييييييييييييي وين رحتي
سما: هنا معاك
ساره: شكلك بعيد
سما: بعيد وين
ساره: انتي قولي لي انا مادري .. اسمعي ابيكي تقولي لي كل شي وانا اجهز لك الفطور
سما: تبين من البدايه
ساره: ايوا من البدايه
سما: شوفي لما رديت على الاتصال الي جا وسمعت الطلق الناري .. حسيت اني في فضا لحالي .. ما اذكر كيف وصلت للمجلس ما ادري ليه رحت المجلس على طول.. المهم اني شفته واقف وخايف ماهو عارف ايش يعمل .. كنت اصرخ من خوفي من جد كنت مرعوبه.. لما حسيت انو بتطلع روحي شفت نفسي بين يدينه ..و
ساره: ها ... وايش
سما: وبحضنه
ساره: واااااااااااااي على الاحراج
سما: سكتي بس .. كلما تذكرت الموقف احس برعشه حلوه داخلي
ساره: ايوه كذا
سما: تعرفي امس لما جا يسأل عني .. كنت قاسيه معاه واجد .. هو كان شوي ويقولي احبك.. بس ههههههههههههه وجود عمي وسامي منعه
ساره: وانتي مبسوطه يعني .. كنتي تبين تسمعيها منه
سما: بيني وبينك .. ايوا.. كنت ابي اسمعه يقولي احبك
ساره: حبيتيه
سما: مادري ايش اسمي هالاحساس الي داخلي .. ما اعرف
ساره: دامك تعلقتي بيه وتفكري فيه فهذا هو الحب
سما: من صدقك .. انا كذا احبه؟!!
ساره: ايوا
سما: ياحلوه من احساس .. بس ماني عارفه ليه ما ابي هزاع .. عندي اقتناع انه ماهو الانسان الي يناسبني
ساره: ليه
سما: ما ادري انا زوجي غير غير
ساره: وبعدين كملي
سما: امس قالي انه يفديني ويفدي اخواني بروحه ولا يصير لنا شي .. عارفه الكلمه هذي هزتني كثير .. حسيته بيعوضني عن امي وابوي ..
حسيت انه ماراح يتركني لحالي.. ابد
ساره: طيب ليه ما فتحتي له المجال ليه انتي قاسيه عليه
سما: صدقيني حتى لو حبيته .. وانا ادري فيه يحبني كثير .. اكثر من روحه .. بس لما بيعرف عن قصة مشعل وسماح والي اختطفوهم وتجار المخدرات .. ماراح يخاطر باسمه وسمعته ويتزوجني
ساره: وانتي ايش عرفك .. يمكن الرجال يطلع يتمسك بيكي لحد الغمه هذي ما تنزاح
سما: متمسك بي وبيتمسك بي لحد النهايه بس من غير ارتباط .. بكون حولي من بعيد لبعيد بس
ساره: يعني الحارس الامين
سما: تقدري تقولي كذا
ساره: بس كذا حرام .. بعد ماتلاقي الي ممكن ترتاحي له .. تلاقي معاه الف عقبه وعقبه
سما: بس انا ماحبيته .. خذني اهتمامه .. بس ماحبيته الموضوع عندي عادي
ساره: لا ماهو عادي .. تكذبي على نفسك .. دامك حاسه بالاحساس الحلو داخلك .. يبقا ماهو عادي.. انتي جالسه تحبيه وانتي ماتعرفي
سما:.............................
ساره: وين وصلتي
سما: بقوم اجيب لك الكارت الي جابه مع باقة الورد اليوم
ساره: ياربيييييييييي والله انه يجنن .. كلامه حلو ..
سما: شوفي كارت امس بعد
ساره: الله يعينك
سما: عارفه .. البارح مانمت.. احس اني كلما ابي اغمض عيوني بناديه.. خفت سامي ينتبه لي .. البارح اول مره انام مرتاحه ..تخيلي انو الابتسامه مافارقتني كل ما اذكر كلمته انو بيفديني بروحه.. من جد المره هذي بكون وحده ثانيه معاه غير الي عرفها وتعود عليها .. صحيح الاحساس داخلي متناقض بس احس اني ابي اعرفه اكثر
ساره: ايش قررتي تعملي ..راح تفتحي لقلبك المجال
سما: مادري .. عقلي يمنعني وقلبي يقولي افتحي.. عارفه على انه الشعور داخلي متناقض بين اني ابيه وبين اني مقتنعه انه مايناسبني بس الان ابي انادي على اسمه هزاع.. هزاع.. هزاع
ساره: بس اسكتي لا تفضحينا.. واقعدي بلا هالطيران لا تطيحي علينا
سما: لا خليني شوي ماصدقت سامي يطلع واخذ راحتي .. ودي اكلمه ..ودي اعرفه ..ودي اقوله على الي بخاطري .. ودي انه يحبني وما يتخلى عني
ساره: ماني فاهمتك .. احسك متهوره بشعورك ولا يمكن عاطفتك ما صدقت احد تتعلق فيه ..اجل وين راح الخوف الي بداخلك صوب الرجال تبخر
سما: تبخر ايوه تبخر .. احس انه شال كل الخوف الي بداخلي كله كله .. بس بعد الاحساس الي داخلي غير يقول ماهو هزاع
ساره: اقعدي زين لا تطيحي .. ياربي انهبلت البنت
سما: لا مابقعد هزاع.. هزاااااااااااااااااااااااااااااع
هزاع: ياروح هزاع .. تناديني
سما: ياويليييييييييييييييييييييييييي
هزاع: ياروح هزاع انتي وعمره والله... ايش فيكي تناديني جيتك
ساره: امسكها لا تطيح
هزاع: حبيبتي حاسبي
سما: ..............................
هزاع: انتي بخير؟!! هههههههههه طيب غطي راسك
سما: ...............................
هزاع: ساره جيبي الغطا
سما: ايش عرفك بساره
هزاع: اتصلت على سامي اقوله اني بجي .. قالي روح ساره معاها وهوجاي الان
ساره: طيب ممكن تفكها من ايدك لا يجي سامي وننفضح
سما: ايش جايبك
هزاع: هذا سؤال؟؟ جيت اتطمن عليكي قلت اذا حالتك زي امس بسفرك غصب عليكي
سما: غصب علي؟!!!!
هزاع: ايوا غصب عليك.. مومهم عندي تزعلي المهم عندي اني اتطمن عليكي
سما: انا بخير
هزاع: شايف انك بخير.. ياربي دوم .. بس ماقلتي لي ليه تناديني
سما: انت كيف تدخل علي من غير ماتدق الباب
هزاع: دقيته ومحد رد .. سمعت كم كلمه كذا على الطاير .. وبعدين سمعتك تناديني خفت ودخلت
سما: ايش سمعت
هزاع: ههههههههههههههه ماراح اقول
سما: لا بتقول
هزاع: لا لا هههههههههههههههه
سما: هزاع
هزاع: ياروحه
سما: ايش سمعت
هزاع: بعدين اقولك
ساره: اقول ايش رايكم اطلع واتركم على راحتكم شوي .. تراكم زودتوها
هزاع: هههههههههههههههههههههههه هذي صاحبتك؟!!!
سما: هذي بنت عمي بومشعل
هزاع: تشرفنا .. هلا بساره والله .. كيف الوالد والاهل
ساره: كلهم طيبين
سما: ماقلت لي ايش سمعت
هزاع: مانسيتي .. قلت بسولف مع ساره لحد ماتنسين
سما: قول
هزاع: من ساعة انك نمتي البارح والابتسامه مافارقتك
سما: ..................
هزاع: وليه الحيا
سما: انسى كل الي قلته تراه موصحيح
هزاع: تعرفي عاد .. هذا الشي الوحيد الي صحيح قلتيه غير عن كلامك وكذبك امس
سما: انا مكذبت
هزاع: طيب طيب خبيتي .. زين كذا؟.. اجل وافقتي على العريس الجديد خلاص.. ها؟
سما: ايوا وافقت
هزاع: هههههههههههههههههههه طيب الله يوفقك
سما: وانت ليه تضحك
هزاع: كذا
سما: يعني ايش كذا جاوبني
هزاع: وانتي ايش دخلك زوجتي بس الي تقدر تسألني واجاوبها .. انتي زوجتي
سما: لا
هزاع: طيب لا تسأليني اجل.. اسمعي تراني طالبك من اخوك اول مايدخل
سما: لا طبعا
هزاع: اه نسيت الي متقدمك وانتي وااااااااااااافقتيي عليه .. اجل خلاص تقدري ترفضيني لما يسألك سامي
سما: هاااااااااااا
هزاع: سما
سما: ......................
هزاع بحنان: بترفضيني
سما: هزاع لا تستعجل ابي اتكلم معاك الاول وبعدين بتركك تقرر انت تبيني او لا
هزاع: مافهمت
سما: انا قلتلك عن مشكلتي وهذي ماكذبت فيها .. بس لازم تعرفها بالاول .. وبعدين انت تقرر
هزاع: يعني انتي تبيني
سما: بالاول تسمع كلامي .. وبعدين اجاوبك
هزاع: طيب قولي
سما: شوف انا وسامي كنا مقررين نقولك او ناخذ رايك .. عمي بومشعل وافق على فكرة انك تدري
هزاع: والمشكله هذي الكل يدري عنها؟!!
سما: المشكله هذي اساسها بيت ابوي يعني انا واخواني وبيت عمي بومشعل هو وعياله
هزاع: كملي
بواحمد: السلام عليكم
هزاع: وعليكم السلام ورحمة الله
بواحمد: هلا هزاع هنا
هزاع: يا هلا بو احمد كيف حالك
بواحمد: الحمدلله .. وانت بشرني عن اعلومك
هزاع: الحمدلله
بواحمد: هلا بنتي كيف حالك اليوم
سما: الحمدلله عمي .. انا بخير
بواحمد: تفضلي يام احمد مافي احد غريب
ام احمد: السلام عليكم
سما: هلا خالتي
ام احمد: هلا يما .. كيف حالك انشالله بخير .. من قالي عمك عنك وانا قلقانه عليكي كثير
سما: ماله داعي القلق يا خالتي.. انا بخير
مرام: سما.. كيفك
سما: طيبه
مرام: ساره كيفك
ساره: الحمدلله
ام احمد: ساره هنا .. كيفك يما
ساره: الله يسلمك خالتي
بواحمد: ها هزاع الا هنا
هزاع: أي والله جيت اعزي مالقيت احد بالبيت .. قالي عادل انه سما هنا .. توقعت ان العيال هنا.. عضم الله اجركم يا بواحمد
بواحمد: اجرنا واجرك.. صارلك زمان هنا
هزاع: لا من دقايق بس
بو احمد: الا ايش اخبار القضيه الي ربحتها
هزاع: ربحتها
بو احمد: هههههههههههههههههههه
مرام: ايش قالو لك سما
سما:.......................
مرام: سما
سما: نعم
مرام: وين سارحه .. ايش قالو معاكي
سما: ارهاق وقل نوم
مرام: ماتشوفين شر
بواحمد: هذي بنتي ياهزاع .. مرام
هزاع: الله يخليها لك مادريت انو عندك بنت بهالسن .. تراك كبير وماني داري
بو احمد: ههههههههههههههههههههههه
هزاع: كيف حالك يا مرام
مرام بدلع: بخير الله يسلمك
هزاع: كيف حالك يا ام احمد
ام احمد: انشا الله تسلم .. كيفك وكيف الاهل
هزاع : طيبين الله يسلمك
بواحمد: ساره الا الوالد مابيجي
ساره: بعد شويه بيجي
بواحمد: فرصه اتكلم معاه .. عن مشروعي الجديد
هزاع: عقود؟!1
بواحمد: اكيد عقود .. نضمن حقنا
هزاع: الله يوفقك .. سما
سما:..........................
هزاع: سما
ساره: سما ردي هزاع يكلمك
سما: ها .. خير
هزاع: تامريني بشي
سما: شكرا
هزاع: كان ودي التقي بسامي.. بس بلغيه اعتذاري .. تراني مسافر .. يومين وبرجع.. بس بكلمه الليله اكيد .. خلاص .. قولي له .. اليله اكيد بكلمه
سما: حاضر بقوله
هزاع: يلا ارخصولي
بواحمد: تحفضك السلامه
ام احمد: مع السلامه .. وسلم على الاهل
هزاع: يوصل انشا الله .. فرصه سعيده يامرام
مرام بدلع مبالغ فيه: انا الاسعد بشوفتك
هزاع: سما
سما:.....................
هزاع: سما انتي تعبانه؟!! انادي عادل
سما: لا.. لا ماله داعي .. حاسه بصداع شوي محتاجه ارتاح بس
هزاع: انا رايح لعادل .. ساره بلغي الوالد تحياتي ..
ساره: يوصل
مرام: الا سامي وين
سما: ساره ماعليكي امر ابي مويا
ساره: انشا الله
سما: ابي تدقي على فهد يجي
ساره: فيكي شي
سما: لا.. بس ابيه يجي
بواحمد: سما ايش فكي يبا
سما: تعبانه شوي
عادل: صباح الخير
بواحمد صباح النور.. كيف حالك ياولدي
عادل: سما مالك
سما: ما ادري
عادل: حرارتك مرتفعه.. اعذروني ياجماعه.. ابي اطلب منكم تمشون
بواحمد: ايوا اكيد .. ماعليكي شر ياسما
عادل: خليني اخذ لك الحراره
****************************
سما
من بين كل الناس اخر واحد ممكن اظن اني راح اتعلق فيه هو هزاع .. هزاع ايش فيه ينعاب طويل وسيم بدرجه بسيطه تطغي عليها الرجوله بعكس عادل الاوسم شكلا عادل عيونه خضر هزاع عيونه عاديه جدا هزاع عصبي .. كنت اخاف من عصبيته ماكنت احب اقعد معاه او العب معاه وحنا صغار كنت اشوف اهتمامه بي بس كنت اخاف منه ما انكر اني كنت قاسيه في معاملتي معاه .. بس معقوله لحد الان متمسك بي ويبيني .. عقلي رافض وجود هزاع بحياتي وقلبي تعلق فيه .. اه يانبض قلبي تراه يكون هزاع .. ليه عقلي يقولي لا .. ماكنت اتوقع انه يسمع مني الي اسمعه .. ياليتني سمعت كلام ساره وجلست بلا هالطيران والهيام الي كنت فيه .. ايش اقدر الاقي عذر لنفسي .. محتاجه للحب؟ هذا مايشفع .. فشله ايش بيقول .. كان ودي اقعد معاه مده اطول كان ودي اسمع كلامه واسلوبه الي بديت احبه .. صرت احب اسلوب هزاع وهو يتكلم .. والله ماني مصدقه نفسي .. كان ودي يسمع مني موضوع سماح كنت ابي اشوف ردة فعله بعيني واعرف وقتها هو يناسب لي او لا .. مهم عندي هالشي كثير .. بس لو مو جيت عمي ناصر والزفت الي معاه .. كنت شفت الي ابيه .. الله يشيلك يامرام .. والله حسيت الدم يغلي بعروقي وهي تتدلع عليه .. ايش صار لي انا الان شكلي بديت اغير عليه .. احس بتعب وضيق كبير
****************************
بيت ناصر
مرام: يما مين هذا
ام احمد: أي هو
مرام: هزاع
ام احمد: ايوا هزاع ايش لك بيه
مرام: يووووووووه يما
ام احمد: هههههههههههههههه ماني قايله
مرام: وليه عاد
ام احمد: بس كذا
مرام: وغلاة مرام عندك لانتي قايله
ام احمد: شوفي هذا هزاع بن محمد.. معروف والكل يشهد له.. اولهم ابوكي .. عنده من الخير الكثير فوق ماتتخيلي.. عارفه لو بطل شغل وقعد بالبيت.. الفلوس الي عنده بتكفي لحد عيال عيال عيال عيال عيال عيال عياله
مرام: ول يما من صدقك
ام احمد: ايوا من صدقي .. ابوكي يقول .. عنده اموال وبيوت وعمارات ومنتجعات وفنادق واسهم في كل مكان .. هذا اذا مايملك نص الديره الي انتي ساكنه فيها
مرام: ول كل هذا
ام احمد: هذا ياحظي الي يركضون وراه ماهو سامي
مرام: ماهو متزوج
ام احمد: لا
مرام: مانتبهتي لنظرته لي وهو يسلم علي
ام احمد: في هذي لا تحلمين
مرام: وليه عاد .. تراه ناظرني وابتسم لي بعد
ام احمد: بالعافيه على النظره والابتسامه.. بس بعد لا تحلمين به
مرام: وليه انشالله
ام احمد: عشان الي بقلبه وحده ماخلته يتزوج لحد الان
مرام: مين هذي انشالله
ام لحمد: ست الحسن والجمال
مرام: سما؟!!!!!!!!!!
ام احمد: ايوا سما
مرام: سما تحب ما اصدق
ام احمد: لا تحب ولا تدري عنه
مرام: كيف يعني
ام احمد: اتذكر اني كنت في بيت عمك كنت ازور مريم الله يرحمها.. كان وقتها خالد ولد عمتك خطب سما.. وكان الكل منزعج انها رفضته .. اولهم امها.. امها كانت تبي تزوجها باي طريقه بس البنت كانت على طول ترفض.. بعد ماهدى الموضوع شوي .. رحت لمريم ازورها واعرف منها ايش القصه
مرام: ذكيه يما .. لو رايحه في غز حرارة الموضوع ماحد كان بيعطيكي وجه
ام احمد: هههههههههههههههه ليتك تطلعين ذكيه مثلي وتعرفي تختاري صح
مرام: المهم يما
ام احمد: المهم اني كنت هناك هذاك اليوم ومريم كانت تتكلم بعصبيه على بنتها .. شوي وجات شيخه ام هزاع الله يرحمها .. وجلست معانا وسمعت مريم وهي تتكلم عن بنتها .. قالت لها سمعي يامريم ترا هزاع يحب سما من زمان ويقول اذا ما اخذها ماراح ياخذ غيرها.. لا تتضايقي ابد من انها ارفضت خالد يمكن نصيبها مع هزاع وهالشي اكيد بيفرحك.. رحبت مريم بهالشي وسعدت بيه كثير .. بس عقبها مرضت ام هزاع وبعديها بفتره توفت .. وانقفل الموضوع
مرام: يعني هزاع يحب سما .. وهي ما تعرف عنه
ام احمد: ايوا .. اكيد مريم مافاتحتها .. ولا ماكنتي شفتيه قاعد معاها اليوم من غير اخوانها
مرام: صح يما
ام احمد: عاد لو بنتي حبيبتي عندها عقل .. تفكر .. وتعرف كيف تجيبه لها ..وتضربي عصفورين بحجر واحد
مرام: كيف يما
ام احمد: تقهري سامي لانك اخذتي هزاع وفضلتيه عليه .. وتحري سما انك قدرتي تتزوجي واحد كان رافض الزواج عشانها
مرام: وانسى سامي؟!!!!
ام احمد: يووووووووووووه عاد انا قلت لك وانتي اختاري
مرام: بس هذا شكله كبير علي واجد
ام احمد: وكبير عليكي وايش فيها لاهو حرام اوعيب
مرام: بس
ام احمد: الكبير هو الي يدلع ويزيد بدلاله للحرمه ويصرف الي عنده عشان رضاها .. وهذ هزاع .. يعني لو طلبتي نجوم السما .. بيعملها قلاده ويهديكي ياها
مرام: بفكر
****************************
بغرفة سما في المستشفى
فهد: ايش صار
ساره: والله مدري هزاع جا وكانت كويسه ومافيها شي .. وبعدين جا عمك بواحمد وزوجته ومرام.. وكانت متضايقه شوي بس مش عارفه من ايش .. شوي وارتفعت حرارتها
فهد: وين عادل
ساره: جا شافها .. وعطاها ابره .. وقالي انها كويسه
فهد: صار شي مع هزاع
ساره: ابدا .. الرجال كان ذوق .. وهي كانت مبسوطه مره .. بس والله ماني عارفه ايش صار لها
فهد: تصحى ونعرف
خالد: ها.. خير
فهد: هلا ياخوي .. لا تقلق .. هي بخير
خالد: سامي وين
ساره: قالت له سما يرجع يريح
خالد: وكيف يسيبها
ساره: خالد تبي الصراحه .. سما هي الي اصرت يمشي كانت تبي تتكلم معاي
خالد: وتكلمت
ساره: ايوا كنا نسولف ونضحك وهي كانت مبسوطه بس فجأه ارتفعت حرارتها
خالد: هذا هزاع متصل
فهد: رد عليه شوفه
خالد: الو
هزاع: خالد
خالد: هلا والله
هزاع: سما مالها . من شوي انا عندها وماكان فيها شي
خالد: والله مدري ياخوي .. انقلب حالها بعد ماطلعت بشوي
هزاع: انا بكلم سامي لازم اسفرها اليوم
خالد: ياخوي انت.......
هزاع: لا تطولها ياخوي بسفرها يعني بسفرها حالتها ماينسكت عليها
خالد: خلها تصحى ونشوف .. لا تتسرع
هزاع: انا بكلم سامي الان .. سلام
خالد: مع السلامه
فهد: ايش يقول
خالد: يقول يبي يسفرها
بومشعل: ها .. ياعيال ايش صاير
فهد: ارتفعت حرارتها فجأه
خالد: هزاع متصل .. ويبي يسفرها
بومشعل: انا بروح اشوف عادل تعالي معاي ياساره
خارج غرفة سما
ساره: يبا
بومشعل: ادري يبا .. تحبه صح
ساره: ايوا ماتوقعت انه يصير معاها كذا
بومشعل: طيب ايش صار
ساره: من قال انه مسافر يومين وهي منقلبه
بومشعل: تعلقت فيه .. وخافت يتركها
عادل: عمي بومشعل
بو مشعل: هلا ولدي .. بشرني ياولدي عن سما
عادل: والله ياعمي ايش اقولك.. كل تحاليلها تقول مامعاها شي .. هو اغلب الراي انه مشكلتها نفسيه
بو مشعل: وانا اقول كذا بعد
هزاع: ايش تقول
بومشعل: هزاع؟!!
هزاع: ايوا وليه مستغرب
بومشعل: لا .. ولا شي
هزاع: لا .. يابومشعل .. بتقولي... البنت ماهي طبيعيه لازم اعرف ايش معاها
عادل: اسمحولي انا
بومشعل: مسموح ياولدي
هزاع: قول يابومشعل
بومشعل: وحده وافقدت امها من خمس شهور وابوها من اسبوع .. ايش تتوقع يكون فيها
هزاع: بس البنت ابد ماكانت بهالضعف ..
بومشعل: حملها يهد جبال وانا عمك
هزاع: ايش هالحمل ذا.. هي قالت لي انو فيه مشكله انتو طرف فيها.. وكانت بتقولي عليها من شوي بس دخل عمها ناصر واهله وسكتت
بومشعل: اجل انتظر لحد ماتصحى واسمع منها دامها قررت تقولك
هزاع: لا.. انا بسمع منك .. والان.. ماراح انتظر لحد ماتصحى.. انا ايش يصبرني لحد ماتصحى
****************************
في بيت عادل
عادل: مسا الخير
منال: مسا الورد على عيونك
عادل: كيفك حبيبتي
منال: مشتاقه لك ياروحي
عادل: وانا اكثر .. وين العيال
منال: راشد نايم محمد وهزاع يلعبو مع بعض
عادل: ناديهم خليهم يتغدو معاي
منال: هههههههههههههههه تغدو قبلك
عادل: وكيف يتغدو قبل ابوهم .. عاد هذا كلام
منال: ياروحي توهم صغار.. ومايستحملو يصبرو زينا
عادل: طيب اكل مع مين انا
منال: عندك امهم لحد الان ماتغدت اناديها تتغدى معاك
عادل: امهم؟؟؟ ياربي وانا كل يوم بجلس اتغدى معاها ابي وجوه جديده اناظرها
منال: كذا ياعادل.. طيب اجلس تغدى لحالك .. وبشوف من تتغدى معاك
عادل: ههههههههههههههههههههه تعالي طيب
منال: لا
عادل: منال والله امزح معك
منال: ياثقل مزحك
عادل: مزحي تقيييييييييييييييييييييييييل؟!! عسل على قلبك
منال: الا بصل وانت الصادق
عادل: هههههههههههههههههههههه
منال: ايوا اضحك انا الغلطانه الي جالسه انتظرك واقول بتغدى مع حبيبي الاكل معاه احلى
عادل: ياروحي انتي
منال: واضح اني روحك ..روح دور لك على وجه جديد واجلس ناظره .. يمكن يفتح شهيتك على الاكل
عادل: ههههههههههههههههههههههه يازعول والله امزح
منال:.............................
عادل: طيب انا اسف
منال:...............................
عادل: تعرفي احب ازعلك عشان اراضيكي
منال: طيب انا زعلت وبشوف كيف تراضيني
عادل: شوفي اذا مارضيتي بالطيب تراني براضيكي بالغصب
منال: والله !!!!!
عادل: أي والله
منال: هاه
عادل: منال طاوعيني احسن
منال: ايش بتسوي يعني
عادل: اول شي ابي اخذ بوسه
منال: احلم
عادل: هههههههههههههههه وبعدين ماراح افكك من يدي غير
منال: غير ايش
عادل: غير
منال: ايوه غير ايش
عادل: نجيب اخت لاولادك
منال: ههههههههههههههههههه لا خلاص رضيت
عادل: رضيتي اكيد
منال: ايوا.. ايوا اكيد
عادل: اقول كاني اشوف لسا فيه زعل بسيط
منال: لا.. لا رضيت خلاص
عادل: طيب ماعندك شي تعطينه هالمسكين الي راجع من الشغل تعبان
منال: الا عندي
عادل: يلا هذا انا ناطر
منال: يلا
عادل: وين رايحه
منال: ماتبي شي اعطيك ياه .. رايحه احط لك الغدا
عادل: ههههههههههههههههههه طيب يا منال.. انا اوريكي
منال: هههههههههههههههههههههههههههههههههههههه
عادل: انا مع العيال يا منال
منال: ها.. قررت تلعب معاهم
عادل: فيها شي؟ .. بلعب معاهم الان وبعد شوي اخلص لعب مع امهم
منال: ههههههههههههههههههههههههههههههه والله اني بذبحك
عادل: واهون عليكي.. زوجك حبيبك تذبحيني
منال: والله ماتهون .. لسانك هذا يبيله قطع
عادل: ما تصبري من غيره ياروحي .. تموتي على لساني
منال: اتركهم طيب وتعال تغدى
عادل: يلا
منال: ايش اخبار سما
عادل: والله هالبنت كاسره خاطري
منال: اليوم لما شفتها .. ماعرفتها .. ضعفت كثير ..وجهها اصفر.. والتعب
باين عليها كثير
عادل: لسا من شوي حرارتها ارتفعت مره وحده .. هالبنت حساسه كثير ..
منال: وانت ماعرفت ايش فيها
عادل: الي فيها نفسي يا منال ماهو جسدي
منال: الي شافته هالبنت ماهو قليل
عادل: انتي تعرفي عنها شي حنا ما نعرفه
منال: اكيد اعرف .. هي صاحبتي من سنين
عادل: طيب قولي لي
منال: لا طبعا تبغى تعرف شي روح اسالها .. هذي اسرارها وأأتمنتني
عليها اقوم اقولها لك
عادل: هي على علاقه باحد
منال: مين سما؟!!.. ياليت .. البنت هذي طبعها غير عن البنات كلهم
عادل: كيف يعني
منال: ذكيه جدا .. قويه جدا.. عنيده جدا.. عصبيه .. حاده.. تجي عند موضوع الزواج ومافي اضعف منها
عادل: غريبه
منال: ايش اخبارهزاع معاها
عادل: مجنون بيها
منال: هههههههههههههههههههه عارفه عنه
عادل: من جد اقولك .. اخاف يجرا عليه شي من كثر حبه لها
منال: هو جاها
عادل: هذا كل يوم عندها
منال: من صدقك
عادل: أي والله من صدقي
منال: واخوانها
عادل: لا عادي .. هم عيال عمتنا
منال: داريه .. بس ولو .. ايش بيقولو عنه
عادل: اجل اسمعي هذي
منال: خير
عادل: امس لما شافها تعبانه قرر يسفرها
منال: والله!!
عادل: اليوم عاد .. لما دق علي يسال عنها .. وقلت له انه ارفعت حرارتها.. مالقيته الا واقف على راسي يصارخ .. يبي يسفرها يتطمن عليها
منال: مسكين والله يحبها
عادل: انتي ماكلمتيها عنه
منال: انا؟ .. لا
عادل: ليه يا منال كنتي تقولي لها عنه
منال: لا .. وانا ايش يدخلني .. يبيها يروح لخوانها يطلبها منهم .. بس اقولها عنه ويقولي عنها.. لا .. انا هالسوالف ما احبها
عادل: يقولي انو اليوم لما زارها الصباح .. كانت مبسوطه فيه مره .. انا بعد شفت السعاده بعيونه بعد ماطلع من عندها .. بس ما ادري ايش حصل لها
****************************
في غرفة سما بالمستشفى
سما: سامي
فهد: انا فهد يا سما
سما: فهودي حبيبي
فهد: ياعيونه
سما: ابي اطلع من هنا يافهد
فهد: انتي لسا تعبانه يا سما
سما: سامي وين
فهد: وافق برا مع خالد
سما: نادي عليه
فهد: حاضر
سما: فهد
فهد: عيون فهد
سما: هزاع معاهم
فهد: هزاع؟!! .. لا\
سما: طيب نادي سامي
فهد: سامي
سامي: خير
فهد: صحت وتبي تطلع من هنا .. سألتني عن هزاع اذا هو معاكم
سامي: هزاع؟!!
خالد: ادخل شوفها طيب
سامي: حبيبتي صحيتي
سما: سامي
سامي: روحي انتي ايش فيكي
سما: من هنا غيرك
سامي: فهد وخالد
سما: خلهم يطلعو ابيك لحالك
خالد: حنا برا عند الباب
سامي: خير ايش فيكي
سما: ابي اوريك شي
سامي: ايش
سما: شيل ملابسي وشوف كتفي
سامي: خير؟!!!!!!!!!!!!
سما: سامي مو وقته .. يلا تراني ماني قادره احرك يدي
سامي: ايش هذا!!!!!!!!!!!!!!! .. مين عمل فيكي كذا .. كتفك ويدك زرقا
سما: اختي يعذبوها ياسامي
سامي: سماح؟!!!
سما: ايوا .. من يومين وانا اشوف كدمات بجسمي
سامي: يعني ايش
سما: اختي عايشه .. وهم يعذبوها .. لازم نتصرف بسرعه
سامي: بكلم عمي بومشعل
سما: لا بكلم هزاع
سامي: لا انتظري.. هزاع اليوم مع عمي بومشعل وماتركه لحد ما عمي قاله على الموضوع كله
سما بخيبة امل: قاله؟!! .. يعني خلاص
سامي: خلاص ايش ياروحي
سما: ها .. ولا شي .. اتصل على عمي وشوفه.. انا بجهز عمري ابي اطلع من هنا الان
سامي: طيب انا طالع اكلمه
سما: ليه استعجلت ياعمي .. كنت ابي اقوله واشوف عيونه.. خلاص اكيد كل شي انتهى.. زمانك قررت يا هزاع اني ما اصلح لك .. هذا تلفوني!! .. اكيد هزاع .. الو
....: الو
سما: مين معاي
....: ماعرفتي صوتي
سما: لا .. مين
....: كيف العيال
سما: انت مين
....: لا تضيعين وقتي انا وعدتك ابتعد عنك وعن العيال .. بس الجماعه ماهم تاركيني في حالي .. يبون فلوسهم تجيهم
سما: وانا حاضره .. حدد المكان .. وانا مستعده اسلمكم الفلوس
....: اول مره اشوفك جريئه كذا
سما: ضعفي هذاك انساه .. الان الي بيقرب من عيالي باكله باسناني انت فاهم
....: عشان كذا ذبحتي الي قبلهم خوف عليهم ياسما .. لسا فاهم
سما: جابر
....: يالله .. حلو اسمي بلسانك ياسما
سما: حياتك ماراح تكون حلوه اذا عيالي صابهم شي
جابر: لو علي انا انتي عارف ما اقدر اضركم انتي روحي وهم روحي .. في احد يضر روحه
سما: لا تضيع وقتي ووقتك ابي اعرف ايش تبغى مني الان
جابر: ابي الفلوس.. وقالولي احذرك اذا احد درا غيرك .. عن موضوع الفلوس والتسليم.. تراهم معزمين يذبحو اخوانك كلهم وعندك دليل على كلامهم فهد والي جرا له يقولو لك هذي البدايه بس
سما: هم يقولو لي.. هم يحذروني.. وانت ايش جابك بالوسط
جابر: انا لسا زوجك يا سما
سما: وانا ايش ضمني انو الفلوس اذا سلمتها لك تبي توصلها لهم
جابر: يعني ايش
سما: يعني اكلمهم .. واعرف منهم هم وانت لا عاد تكلمني ابد
جابر: حاضر بوصل كلامك لهم
في سيارة هزاعهزاع: حسام
حسام: سم عمي
هزاع: البيت بكره ينكتب باسم سما .. وتروح لبومشعل يوثق العقد بمعرفته
حسام: حاضر
هزاع: قول له انو الموضوع الاهم انا شغال عليه .. وما بهدى لحد ماتنحل الامور
حسام: حاضر
هزاع: مابوصيك خلك ظل لعيال عمي راشد
حسام: انت تامر
هزاع: خلك على صله قويه بسامي
حسام: كيف يعني
هزاع: اذا بغيتك تروح تشتغل معاه تروح؟
حسام: واتركك؟؟ لا طبعا ما اروح
هزاع: انا محتاج لعيونك تكون عندهم
حسام: حتى اقولك اخبار عمتي سما
هزاع: تقرا افكاري يا حسام
حسام: وانت من بيكون معاك
هزاع: ماني مهم.. المهم عندي أمان سما
حسام: وانا حاضر دام هالشي بيطمنك وبيخليك مرتاح .. تطمن دامي معاها
هزاع: انت عزيز علي يا حسام انت اخوي الصغيرلا تتوقع اني اتركك بعد
هالعشره بالساهل .. بس ما اقدر أأتمن على سما لحد غيرك
حسام: شوف الي يرضيك وقلي عليه
هزاع: انا بغيب يمكن اسبوعين
حسام : ايوا بس انت قلت يومين
هزاع: عارف .. في شغل جديد .. غصب عني اتأخر
حسام: علي انا ياعمي .. أي شغل جديد ذا
هزاع: موضوع جديد لا تقلق انت
حسام: ما اظن
هزاع: ماتظن ايش
حسام: انا حاسس بتعبك من كنت مع بومشعل .. اشوف الهم باين بعيونك .. كأنك مصدوم من شي.. او عرفت شي ازعجك .. انا عارفك ياعمي .. صارلي سنين معاك .. انت تبي تبتعد وبس .. متأكد ماهو شغل .. يمكن تبي تفكر وانت لحالك .. واذا ما خاب ظني اكثر.. الموضوع بكبره متعلق بعمتي سما
هزاع: لا تشغل بالك انت .. بس اذا كنت عزيز عليك زي متقول خلي بالك عليها .. وقولي كل شي يصير معاك
حسام: طيب انا كيف بدخل على عمي سامي واقوله اني بشتغل معاه
هزاع: لا تقلق انا بتصرف
حسام: خلاص توكل على الله
هزاع: ...... الو
.....: نعم ..مين
هزاع: انا هزاع ياسما
سما: .......................
هزاع: سما
سما: هلا
هزاع: مالك
سما: ابد .. خير فيك شي
هزاع: سلامتك .. انا رايح المطار الان .. قلت اسلم عليكي
سما: بالسلامه
هزاع: انا رايح اسبوعين
سما: اسبوعين؟!! انت قلت يومين
هزاع: معلش جاتني ظروف اجبيرتني
سما: اه عرفتها
هزاع: سما
سما: خلاص هزاع خلاص
هزاع: مابيكي تزعلي مني
سما: لا زعل ولاشي الموضوع عادي
هزاع: انتي يمكن منتي عارفه ال....................
سما: انا عارفه ومقدره لا تقلق علي انا بخير
هزاع: شوفي ياختي
سما بهمس: اختك!!!!!
هزاع: سما سلامتك الان اهم من أي شي ..اسمعيني كويس ..موضوع البيت انا حليته خلاص.. بكره تروح الاوارق لبومشعل حتى يكمل عملية التوثيق.. سما.. انا مسافر وبترك حسام حارسي الشخصي معاكي .. ابي اتطمن على سلامتك .. ابي كل شي يصير معاكي تقولي له عليه وهو بيعرف يتصرف .. ابي تأمني على نفسك واخوانك بعد ..انا اوعدك خلال هاليومين يكون كل شي منتهي بسلامه باذن الله .. انتي غلاتك بقلبي كبيره .. انتي اعلم بها ..
سما: انا سعيده انك ليقيت البيت .. هزاع..انا ماطلبت أمان من احد .. اذا تبي تساعدني زي مقلت ابي اختي ترجع لي هذا جميل ما بنساه لك .. غير كذا ما ابغى شي بالمره .. بالنسبه لحارسك انا مابيه .. وما ابي اعرف انه موجود حولي ابد
هزاع: بس هذا يحافظ على سلامة عمرك
سما: هذا عمري وانا مابيه
هزاع: يعني ايش!!!!!!
سما: يعني هذا عمري.. واذا الموت مكتوب علي ياهلا بيه
هزاع: سما .. ما احب اسمعك تقولي كذا
سما: انا مالي رغبه اني اعيش .. وبعدين هذا ماهو موضوعنا
هزاع: ليه مالك رغبه تعيشي
سما: ............................
هزاع: سما ردي علي
سما: هزاع ممكن اطلب منك شي اخير
هزاع: عيوني ليكي
سما: لا تتصل بي مره ثانيه .. كل شي منتهي .. خلي اتصالك بخواني
هزاع: منتهي!!
سما: هذا قرارك يا ... يا خوي
هزاع: الو.... الو
حسام: خير
هزاع: سكرت الخط
حسام: سامحني ياعمي .. بس انت جرحت مشاعرها
هزاع: ادري
حسام: بعد ماجيتني اليوم من عقب زيارتك لها كنت مبسوط مره ياعمي .. تأكدت وقتها انها بدت تحبك .. حسيت انو احساسك بالدنيا غير .. الان صدمتني وانت تصدها.. ماهو ذا الي تتمناه
هزاع: زمانها تبكي
حسام: اذا حست معاك بالامان .. اكيد انها بتبكي وبتموت نفسها من البكا بعد .. انت تتخلى عنها يا عمي
هزاع: انا ما تخليت عنها وعمري ما اقدر اتخلى عنها هذي روحي
حسام: روحك وتتركها ياعمي .. هذي صار مالها رغبه انها تعيش
هزاع: ماعندي حل غير كذا .. لازم اختار
حسام: اتمنى انك اخترت صح
****************************
تابعو في الجزء السادس
ظهور سماح
احداث جديده ومثيره
|
10-11-08, 06:30 AM
جديد مواضيع قسم الارشيف
العرض العادي
