كاتب الموضوع :
Emomsa
المنتدى :
الارشيف
الجزء الخامس والثلاثين
الاخير
في الملحق عند مشعل
يحيى: سلام عليكم
بومشعل: هلا حبيبي انت هنا
يحيى: ايوا لسا واصل.. ايش الاخبار
بومشعل: زي منت شايف.. انا وهالشايب جالسين مع بعض.. سوالف وضحك
عبدالكريم: طبعا مايقصدني انا.. هو يقصد................
يحيى: كويس انكم بخير.. اعذروني.. محتاجين شي؟
بومشعل: وانت قالب وجهك كذا ليه!!
يحيى: تعبان محتاج ارتاح
مشعل: تعال زين.. اجلس شوي
بوعذبي: تعال يا حبيبي اجلس وارتاح معانا
يحيى: انا بخير.. محتاج انام شويه قبل صلاة الصبح.. اعذروني
هزاع: سلام عليكم
بومشعل: هلا وغلا
عبدالكريم: هلا بالمعرس
هزاع: بالمهلي.. هلا وغلى بالرجال مشتاق شوفتك والله.. ايش اخبارك.. كيف صحتك الان.. ان شا الله احسن
بويحيى: الحمدلله بخير
هزاع يمسك يحيى من يده: وانت يا بويحيى مابغيت تمرض غير الليله.. عاد مايصير كذا
بويحيى: اعذروني اشغلت الكل معاي.. ان شا الله ما اخرتك عن شي مهم
هزاع يجلس يحيى جنب ابوه: والله يا بويحيى اخرتني عن زوجتي
بويحيى يناظر يحيى: مبروك ياهزاع اخيرا تزوجت.. الله يهنيك.. والله انه نسبه يشرف يا خالد
بومشعل: الله يهنيك بنسبه يا عبدالرحمن
بويحيى مستغرب: مافهمت
عبدالكريم: ملك على طيف الليله
بويحيى يناظر يحيى: مبروك
يحيى: مبروك علينا هالرجال الطيب
هزاع: بس يارجال لا تخليني اغتر بعمري.. اتراني اصدق
يحيى: وليه ماتصدق.. والله والنعم فيك.. وبمواقفك
هزاع: مواقفك اكبر ياخوي.. بس لا تخاف انا ماتزوجت طيف عشان مواقفك.. البنت عاجبتني اخلاقها كثير
بومشعل: الله يسعدكم
يحيى: الله يسعدكم وافرح بشوفة عيالكم.. اعذروني انا من جد تعبان
بويحيى يمسك يده: ما شبعت منك يبا.. ليه عيونك حمر كذا.. ليه التعب مالي عيونك كذا
يحيى: مافي شي.. انا بخير.. دكتور
عبدالكريم: نعم
يحيى: كيف عن الحاله الصحيه
عبدالكريم: محتاج اهتمام.. بس من الناحيه العامه.. كويس
يحيى: الحمدلله
بويحيى: يعني قلق علي؟
يحيى: يلا يا شباب اشوفكم على صلاة الصبح
***********************
عند باب الملحق
بومشعل بحده: وقف هنااااااااااا
سامي: عمي ماهو كذا.. شوي شوي عليه
يحيى: امرني
بومشعل بحده: هذا اسلوب تعامل فيه ابوك ياولد؟
يحيى: انا مستغرب كيف تدافع عنه كذا
بومشعل: لان الرجال ماغلط
يحيى: كل الي حنا فيه وماغلط؟
بومشعل: سامي
سامي: نعم عمي
بومشعل: ناد بويحيى يجي برا شوي
سامي: حاضر
يحيى: لا تجبرني على شي ما ابيه.. انا طالع انام.. محتاج ارتاح.. منت حاس بتعبي.. انا دافن ابراهيم.. وابوي مايعرف أي شي عنه
بومشعل: راحتك بحضن ابوك
يحيى: راحتي عرفتها بحضنك
بومشعل بحده: ابوك اولي مني
بويحيى: مالك.. ايش فيك تزعق على الولد
بومشعل: سلامتك ولدك محتاج الي يصحيه.. اسمع يا يحيى هالكلام اقوله لك قدام ابوك.. اذا فيه غلط صار فهو صار علي وعلى راشد الله يرحمه.. سامي
سامي: نعم
بومشعل: انت شايل على عمك بويحيى شي بخاطرك
سامي: لا والله ابد
بومشعل: وانا بعد.. مافي شي بقلبي على اخوي عبدالرحمن.. هذا وانا صاحب الحق
بويحيى: بومشعـ.....................
بومشعل: اسكت انت.. ولدك روحه فيك..ومانع نفسه عنك.. اجلس معاه.. وعوضه السنين الي راحت.. هو محتاج لك وانت بعد
سامي: ياخوي هذا ابوك والله ثم والله اني ادفع روحي وكل مالي وما املك واعيش مع ابوي لحظه.. بس لحظه ارتجيها من الرحمن مع ابوي.. رق لحال ابوك وابتدي معاه صفحه جديده.. ما حد بيقدر يعوضك عنه لو ايش ما عملت
بومشعل: سامي معاه حق.. يلا اشوف بوس راس ابوك واخذه بحضنك يلا تحرك
*************************
في الصباح
في الصاله
ساره: صباح الخير ياوجه الخير
ام حسام: صباح النور يما
ساره: كيف الحلوين؟
ام حسام: الحمدلله يما.. اجهز لك فطور؟
ساره: لا خالتي ما اشتهي شي
ام حسام: يا يما مايصير.. شوفي وجهك كيف ذبل.. قوي روحك يايما
نور: اعوذو بالله.. ايش ذا الوجه
ساره: صدقيني ماني رايقه ولا كنت رديت عليكي
سماح: صباح الخير على الحلوين
ساره: وهذي مبتسمه كذا من الصباح
نور: اقول افرحي لها
ساره: فرحانه لها بس على ايش
نور: يعني.. ناس يصيرو لها قالو لي على شي
سماح: ايوا ايوا قولي.. سامي اكيد قايل لك
نور: ولا تبين انتي تقولي احلى
سما: لا قولي انتي شكلها تستحي.. صباح الخير
اك حسام: صباح النور يما
ساره: ومن بقا فينا يستحي هنا.. مابقت الا لينا.. وماهي هنا يلا قولي فرحينا
نور: يقولو البارح مشعل نام معاها.. عشان عندنا ضيف واحتاجو الملحق الي مشعل فيه
سما: مع العلم انه فيه ملحق فاضي.. ممكن يستغلوه بس الظاهر انه مشعل عاملها لعبه حتى...................
سماح بحده: بس يا بنت
سما: هههههههههههههههههههه
نور: هههههههههههههههههه عسل
سماح: بس انتي بعد
ساره: والله عسل.. من جد.. زوجة اخوي عسسسسسسسسسسسسل
ام حسام: الله يهنيكي يما
ساره: وين البنات؟
ام حسام: هلا مع مدرسها.. وطيف وجمايل مع ابوهم بالملحق
ساره: قالو لهم؟
سما: ايوا.. وطيف قاتله روحها.
ساره: وجمايل؟
سما: ابد كأنه العيد
ام حسام: ههههههههههههه والله اني قايله انها ماراح تهتم
نور: وانتي مشجعتها اشوف
ام حسام: وليه ما اشجعها.. واحد ومات بجرعة مخدرات زايده.. ويحيى يقول ناوي على الانتحار.. هذا الي مثله ماينبكي عليه
سما: لاحول ولا قوة الا بالله
سماح: وطيف المسكينه مالحقت تفرح حتى
نور: معلش تبكي الان وتفرح بالليل.. بذكرك
سما: الا طيف.. بيكون الحزن بقلبها كبير
ساره: صحيح انه اخوي.. بس ما ني حاسه اني اعرفه
نور: لانك ماعرفتيه يالخبله
ساره: الحمدلله اني ماعرفته.. كنت من زمان متجبسه من تحت يده
نور: عاد هذي صدقتي فيها.. جمايل تقول انه مجنون من جد واذا ضرب مايرحم الي قدامه
سما: عاد ساره عليها لسان تغصب الواحد يطيح فيها ضرب
سماح: بعيد الشر عنها.
ساره: ايوا كذا دافعي عني.. ترا الكل ينقلب علي في دقيقه
منال: ماعاش من انقلب على حبيبتي ساره
ساره: وهذي اولهم ترا
منال: ههههههههههههههههههه
***********************
في الملحق مع بويحيى
جمايل: طيف.. اتركي ابوي عاد.. ماهو حمل الي عاملته فيه
بويحيى: اتركيها بحضني.. خليها تفضي الي بقلبها
جمايل بهمس شديد: قال تفضي الي بقلبها.. يبي يقول انه يحس بالي في قلبها.. وين كان ذا كله
يحيى بهمس: تأدبي يابنت
جمايل: اشوف قمنا مانرضى عليه
يحيى: وبعدين معاكي.. لا تنرفزيني
جمايل: حاضر اسفين عمي
طيف تبكي: وانت بخير؟
بويحيى: الحمدلله
طيف: مايوجعك شي؟
بويحيى: يوجعني فراقكم
جمايل بهمس: انا ماشيه قبل لا اقول شي اندم عليه
يحيى بهمس: احسن بعد
جمايل: اعذروني شوي
بويحيى: وين يبا ما شبعت منك
جمايل: خالد يبي مني شغله نسيت اعملها
بويحيى بحده: ومين خالد ذا
يحيى: هذا خالد ولد راشد الله يرحمه.. زوجها
بويحيى: زوجت البنات بسرعه يا يحيى.. خايف عليهم من اخوانك ومني
يحيى: من حقي.. الي شافوه ماهو قليل
جمايل بحده: هذا كفايه...............
يحيى: روحي انتي الان زوجك ينتظر
طيف: يبا
بويحيى: ياروحي
طيف: انا خايفه عليك وانت هنا.. يحيى لازم نشوف له مكان ثاني يكون فيه
يحيى: وليه خايفه عليه ان شا الله
طيف: ما ادري ابيه يطلع من هنا وبسرعه
بويحيى: وليه ذا كله!!
طيف: عشان عمي خليل.. وقصته الي لسا ما انتهت
يحيى: ابوكي في يده انه ينهيها.. في يده يرفع روسنا وما يوطيها اكثر من كذا.. الناس الي انتي خايفه على ابوكي منهم.. هم اول من سامحوه.. قبلي.. انتي سامعه قبلي
طيف: الحمدلله طمنتني عليه
بويحيى: انا حاضر للي تبيه.. ما بقى عندي شي اخسره خلاص
طيف: وحنا يبا!!
بويحيى: عشان ما ابي اخسركم انتو بعد.. ضروري انفذ كل الي اخوكي يبيه
هزاع: اقدر ادخل
يحيى: حياك ياخوي
هزاع: سلام عليكم
بويحيى: حياك ياولدي.. حياك
هزاع: ايش ذا ايش البكى ذا.. هذا وانا اقول عنك قويه.. وما حبيتك الا عشان قوتك
طيف: هذا اخوي يا هزاع
هزاع: وانتي بتعترضي على حكمة الله.. يعني بدل ماتقولي الحمدلله تقولي هذا اخوي
طيف: الحمدلله
هزاع: ايوه كذا.. قومي يا روحي غسلي وجهك وارحمي حال ابوكي.. ماهو قد الي جالسه تعمليه
بويحيى: خليها ياهزاع.. خليها شوي بحضني
هزاع يناظر عيونها: تغسل وجهها وترجع بحضنك بس ماهو على طول.. انا لي نصيب بعد
****************************
في الصاله
سالم: ايش قلتي يا خالتي
ام حسام: قولك هو الصح يما.. مافيها شي.. عشان يحيى بس.. كل شي يهون.. ولا اذا على ابراهيم مايسوى
هلا: يما قصري حسك والله ماهي عدله الي تقوليه
ام حسام: ماحد معانا يما.. وبعدين انا ماقلت شي غلط.. انا بأجل عرس بنتي عشان رجال يسوى.. يكفي مواقفه ويكفي انه مداري علينا بوسط عيونه.. ماهو عشان واحد باع نفسه ودينه ونسى ربه وانتحر
سالم: هو تحت رحمة ربه.. تعدي هالمصيبه ونعجل بعديها.. اوعدك
ام حسام: يا يما وانت مالك خايف مني كذا.. انا المهم عندي اني اشوفكم مبسوطين.. هو انتو مبسوطين ولا لا
سالم: عني انا مبسوط فوق ماتتخيلي.. هلا هذي روحي الي ما اعرف اعيش بلاها
هلا تبتسم: الله يخليك لي
ام حسام: خلاص يما هذا الي ابيه.. الله يسعدكم
يحيى: جالسين لحالكم وين البنات؟
ام حسام: هلا يما.. البنات فوق في غرفة الخبله.. وامك مع ابوك بغرفتهم.. وهلا لسا مكمله الدرس وسالم معاها
يحيى: وهلا بتظل تاخذ هالدروس حتى هاليومين.. خلاص عاد.. بكره العرس تأجل الدروس هذي هالاسبوع وبعدين تشوفها براحتها
ام حسام: لا يما حنا نبي نأجل العرس كمان شويه لحد هلا ما تخلص امتحانات
يحيى: مافيها شي الامتحانات ماهي عذر.. تتزوج وتدرس ماراح يتغير عليها شي
ام حسام لا يما.. ابيها تنجح.. بتنشغل مع سالم وبتهمل دراستها وهالشي انا ما ابيه
يحيى: يما عيني بعينك.. اقول عندي وحده تشبهك يعني عارف ايش تخبي.. هاتي الي عندك سمعيني
ام حسام: ماعندي شي يما.. الي عندي سمعتك ياه
يحيى: اجل اسمعي الي عندي.. بكره العرس وماراح يتأجل واضح الي اقوله
ام حسام: اقول لا تعاندني.. تراك منت قدي
يحيى: يييييييييييييييييييي لا تتحديني.. الي عندي ذابحتني من التحدي.. وياليتها تقدر عليه
سالم: ههههههههههههههههههههههه عاد هذا طبعها من زمان
ام حسام: اقول انك منت قدي.. قوم شوف شغلك.. واتركني مع عيالي شوي
يحيى: يه يعني انا ماني واحد منهم !!!.. طيب انا اسفه اعذروني
هلا: يما ايش قلتي.. زعلتي الرجال
ام حسام: خليه يزعل.. اذا ناديته بيعمل الي هو يبيه اتركيه
سالم: انا روح اكلمه
ام حسام: اياك تعمل الي هو يبيه
سالم: حاضر
***********************
في غرفة سما ويحيى
سما بدلع: هلا بروحي
يحيى بضيق: هلا بعمري
سما: ماله حبيبي
يحيى يرمي نفسه على السرير: تعباااااااااااااااااان
سما: بجهز لك الحمام تتروش.. وتنام بيريحك هالشي
يحيى: يا ريت حبيبتي.. محتاج مويه ساخنه
سما: تامرني ياعمري
يحيى: سما امي ما قالت شي؟
سما وهي تجهز الحمام: عن ايش!!
يحيى: عن وجود ابوي هنا
سما: لا ما قالت
يحيى: شفتيها اليوم؟
سما: اكيد
يحيى: مبين عليها انها زعلانه؟
سما: بالعكس تسولف وتضحك.. عاديه ليه فيك شي معاها
يحيى: لا حبيبتي
سما تجيه: يلا ياقلبي حمامك جاهز
يحيى: خليني اشوف من يدق الباب
سما: انا بشوف روح انت تروش
يحيى: لا ياقلبي
سما: طيب بجهز لك ملابس
يحيى: من؟
سالم: سالم يا يحيى
يحيى: هلا.. حياك
سالم: بدخل بس بشرط
يحيى: من غير شروط.. ادخل
سالم: حاضر
سما: هلا هلا
سالم: هلا بروحي.. ماشفتك اليوم
سما: وحشتك يعني؟
سالم: ياقلبي انتي واحشتني حتى وانا اشوفك
يحيى يضربه: وقدامي بعد.. تغازل زوجتي قدامي
سما: ههههههههههههههههههههههههه
سالم: وليه تغير.. هذي حبيبتي قبلك
يحيى: اقول بكره زواجك ولا تكثر معاي
سما: ايوا بس..............
يحيى: لا بس ولا غيره.. الي عندي قلته.. اجلسي مع اخوكي انا رايح اتروش
سالم: يا يحيى والله ماهي عدله.. اخوك دافنينه البارح وعرسي بكره
يحيى: انت ما عليك.. هذا اخوي انا بعد
سما: يا يحيى ماهي عدله
يحيى بحده: سمااا
سما: خلاص طيب حاضر
يحيى: وانت يلا روح فرح زوجتك.. واستعد انت وياها
سالم: هذا زعلان من خالتي ام حسام وهي معانده معاه.. يلا حليها انتي.. هذا من يقدر عليه.. وهذيك من يقدر عليها
يحيى: روح قول لها هالكلام.. قول لها الغريب الي منتي حاسبته ولدك.. يقول لك بكره العرس.. واذا كثرت بالحكي.. قول لها ما راح اكلمها عمري كله.. اذا العرس ماصار بكره
سما: وعلى ايش ذا كله خلاص يا عمي بكره بكره.. سالم روح انت الان وانا بعدين اتكلم معاها
**************************
بغرفة بومشعل
ام مشعل: وانا بعد شايفته
بومشعل: صاير حساس كثير.. اقل كلمه تأثر فيه وتزعله
ام مشعل: عيني عليه.. خايف مننا على ابوه
بومشعل: وهذا الي اشوفه بعد.. قسوته على ابوه من خوفه عليه
ام مشعل: قوله هالشي.. قسوتك على ابوك من خوفك عليه.. زيه تمام.. زي ماخاف عليك انت واخوانك بقسوته عليكم
بومشعل: صدقتي.. الولد متعلق في ابوه بطريقه عجيبه.. باينه للكل.. وهو ماهو قادر يداري.. البارح لما اجبرته يبوسه ويحضنه.. حسيته ماوده يتركه.. قطع قلبي.. تمنيت لهفت ولدي علي زي لهفته على ابوه
ام مشعل: ولدك وعندك.. ماهو ببعيد اذا ماجاك اليوم بيجيك بكره.. وهذا هو بحضنك وين بيروح.. الحمدلله ربي رحم بنا وبحالنا.. كنا وين وصرنا وين
بومشعل: الحمدلله.. تعرفي ساعات اغير منك اذا قلتي جا وجلس معاك وصرتي بحضنه.. انا بعد ودي.. احس قلبي بيوقف.. ودي يناديني يبا.. العيال ينادوني بها قدامه حتى يشجعوه وهو ابد معاند.. يمكن يحس اني قصرت معاه يمكن يحس اني رميته
ام مشعل: يارجال اذا ولدك مانطقها انت بتقلبها براسك.. تعوذ من ابليس بس.. وخلني انا بتكلم معاه من غير لا يحس
بومشعل: لا.. لا تتكلمي معاه ولاشي.. ابيه من نفسه ماهو من احد يجبره على هالشي
ام مشعل: قوم افتح الباب هذي اكيد لينا
بومشعل: وليه اقوم.. تعالي يا لينااااااااااااااااا
ام مشعل: ايش اقول بس احد يصرخ كذا بتروع البنت
بومشعل: ههههههههههههههههههه الا بناتي مايخافون هذول بنات بومشعل.. يا ليناااااااااااااااااااا تعالي يبا
مشعل: هذا انا يبا
بومشعل بفز من مكانه: يبا!!!!
ام مشعل: هلا يما تعال ياروحي
مشعل: هلا ياروحي كيفك اليوم؟
ام مشعل: كويسه دام حبيبي بخير
مشعل: من حبيبك فينا انا ولا ابوي
بومشعل: ابوي؟
مشعل: ليه مستغرب طلعت منت ابوي قول لي تراني غشيم
ام مشعل: ههههههههههههههههههه لا يما ابوك مشتاق يسمعها منك اقول اوجع راسه بها الله يخليك
مشعل يحضن ابوه: ابوي ابوي ابوي ابوي ابوي ابوي ابوي ابوي
بومشعل: ههههههههههههههههههه بس يا يبا
مشعل: ول شبعت بهالسرعه.. ماكنت اعرف اني رخيص عندك كذا
بومشعل يمسك اذنه: لو انك رخيص ماكانت روحي تطلع عليك ياولد
مشعل: اذني طيب اذني.. يا بو مشعل اذن ولدك
بومشعل يزيد: تعرف اذا سمعت منك كلمة بومشعل مره ثانيه
مشعل: ايوه ايش بتعمل يلا سمعني يلا
بومشعل يبوسه: الله يخليك لا تحرمني منها.. شوقي لك كبير يبا
مشعل: شوقي لك اكبر
ام مشعل تمسح دموعها: الله لا يفرقكم
***************************
في الملحق مع بويحيى
يحيى لحاله مع ابوه: مالك تناظرني كذا
بويحيى: صار لي زمان ماشفتك
يحيى: عموما كنت ابي اسألك عن................
بويحيى: تعرف انك تشبه امك كثير
يحيى ينزل راسه: الله يرحمها
بويحيى: تعرف انك وسيم.. اخذت جمال امك يا يحيى
يحيى: حرمتني منها.. حتى عزاها حرمتني من الوقفه فيه
بويحيى: عمك حالف يذبحك.. خفت عليك.. كل قسوه شفتها مني كان خوف عليك من الموت يا يبا.. عمك ماهو زي الناس.. الاجرام بدمه.. خفت عليك منه
يحيى: ليه سكت عليه طول هالسنين
بويحيى: لانه اخوي.. واحبه
يحيى: تحبه؟
بويحيى: اكيد احبه.. هذا اخوي
يحيى: هذا مجرم.. كيف تسكت عليه.. سكوتك عليه خلاه يلعب بمستقبل الكثير اولهم عيالك
بويحيى: ماكنت قادر اسيطر عليه ابد
يحيى: ليه مابلغت عنه
بويحيى: لاني القاه حولي في كل مصيبه اقع فيها.. كل مره اشوف حنيته علي اقول خلاص اكيد بيتوب.. ازرع الامل في داخلي.. ويجي هو بمصايب اكبر من الي قبلها
يحيى: كل هالمده ترتجي منه يصير انسان عدل.. يا شيخ قول شي يصدقه العقل
بويحيى: عمك كان مافي منه
يحيى: لا تقول عمك.. مايشرفني يكون لي عم زيه
بويحيى: عيال الحرام العبو عليه.. وخسر كل ثروته بعد وفاة ابونا الله يرحمه.. كنت وقتها لسا ابتدي حياتي بمحل صغير وعمال بسيطين.. اما هو ماقدر يطلب مني ساعتها.. عارف اني ما اقدر اعطيه شي.. لما الديون زادت عليه ووصلت لحد انه ممكن ينسجن.. وقتها تعرف على واحد حقير دلاه على طريق المخدرات وتوزيعها.. خليل عجبته الفكره وشاف الربح كبير وسريع.. نسى روحه وعقله ونساني ذيك الايام.. مرضت امي بمرض خطير.. وما عرفت اتصرف بدونه.. دورت عليه ومالقيته.. اخذتها وسافرت بها.. كان علاجها شبه مستحيل لان المرض كان منتشر بجسمها وحنا ماعرفنا عنه غير متأخر.. صرفت كل فلوسي.. والعلاج كان محتاج لاكثر من الي عندي.. طلبت من الي اعرفهم وتدينت.. رغم الي عملته امي ماتت.. تمنيت اني اقطع من جلدي وابيعه بس تعيش.. روحها كان بخليل.. كانت تناديه وهي تموت تمنت تشوفه.. بس مافي نصيب.. رجعت الديره بجثتها.. رحنا صلينا عليها.. ودفناها.. ورجعت البيت.. لقيته جالس مثل الصخر.. حتى الدموع رافضه انها تنزل من عينه.. رحت عليه اهزه.. كان يناظرني ببرود.. حسيت وقتها انه ماهو طبيعي طاح علي دقيت على الاسعاف وجاو اخذوه.. وقتها صارو يسألوني عن الاسم لاخذ البينات في المستشفى.. ورحت اقولهم عن الاسم والمعلومات الخاصه به.. بعد ما خلصت واخذو بياناته..دخلت عليه الغرفه.. وقتها كان لسا صاحي.. جا الطبيب وطمني عليه.. والحمدلله مافيه شي.. مجرد صدمه.. جلس ساكت وجلست اناظره.. اندق الباب علينا وفتحه شرطي ودخل.. جلس يناظر بخليل وسأله انت خليل العلي.. جاوبه خليل ببرود.. لا.. اكيد الغرفه الي جنبي.. قال له الشرطي بس البيانات تقول انك خليل العلي.. وقتها خليل طلع من حافظته اوراق تثبت انه منصور سعد.. استغربت.. وظليت ساكت.. التفت علي الشرطي وقال لي من اعطى البيانات هذي لمكتب الاستعلامات بالمستشفى.. رد خليل وقاله الشخص الي جابني هنا.. رد الشرطي سأله وينه الشخص هذا.. خليل قال مانعرف عنه شي جابني واختفى.. سأله الشرطي وهذا من.. خليل قال له هذا صديقي.. جاسم.. مشى الشرطي.. ومسكني خليل وكان وده يذبحني ساعتها.. وانا ماني فاهم شي.. رجعنا البيت.. وهو راح يلعب مع طيف.. سألته من منصور سعد ذا.. قال لي هذا اسمي.. وابيك من اليوم ورايح تناديني فيه وتنسى اسم خليل.. قبل لا يروح عني.. عطاني فلوس كثيره قال لي هذي لك.. سدد فيها ديون امي.. واعذرني
يحيى: وانت ماٍسألته الفلوس هذي منين
بويحيى: ما عطاني فرصه اسأله عن أي شي
يحيى: وكيف عرفت انه بهالعالم الوسخ
بويحيى: بعد الشرطي الي بالمستشفى.. جا شرطي ثاني لحد بيتي وقال لي انه ضابط.. وجلست معاه.. وكان يكلمني بصوره وديه.. وقال لي على كل شي.. كانت المفاجأة بتشلني.. ماكنت مصدق الي يقوله لي.. كنت ساكت وماني عارف ارد.. هو حس بي.. وكان يتصرف معاي مثل لو كنت اخوه.. وسألني عن خليل.. هنا قلت له ما ادري عنه أي شي حتى امه ماحضر عزاها.. قال لي نعرف هالشي حنا كنا مراقبين المكان
يحيى: عشان كذا دخلت البيت ولقيته جالس هناك.. مفهومه.. ومن هنا بدا الكذب.. والتستر عليه
بويحيى: تقصد الخوف منه.. ومن أي حركه ممكن انه يعملها
يحيى: ماني فاهمك تحبه ولا تخاف منه
بويحيى: احبه وروحي فيه.. بس الي عمله بحياتي كثير
يحيى: وعشان تجازي الشر الي عمله تتستر عليه صح!!
بويحيى: صعب اني اقنعك بالي بخاطري
يحيى: مابتقدر تقنعني لاني ذقت الويل منه.. عشان انك تحبه هدمت سعادة بيت بومشعل.. عشان تحبه هدمت سعادة بيت بوسامي.. عشان تحبه هدمت سعادة بيتك.. عشان تحبه خسرت ولدك الكبير.. عشان تحبه خسرت زوجتك الي تحبها.. عشان تحبه دفنا ابراهيم البارح وبسام محبوس.. ايش بقا بعد ما قلته ذكرني
بويحيى: بقا الكثير.. الكثير
يحيى: ولسا تحبه؟
بويحيى: هذا اخوي.. وروحي فيه
يحيى: بس انا ابي اعرف كل شي.. اذا انت كان عندك استعداد تخسر الكل عشانه.. انا ماني مستعد اخسر ولا واحد
بويحيى: يحيى وين رايح
يحيى: احاول ابتعد عنك حتى ما اثور عليك.. اسلوبك يعصبني.. انا برجع اتكلم معاك بس لما اهدى
بويحيى: قبل لا ينقلب حال خليل.. تخانقت مع ولد عمنا.. سرق مننا مبلغ كبير.. بعد وفاة ابوي.. طلبنا المبلغ وعشان هو ولد عمنا خليل قال انه بيعطيه المبلغ من جيبه.. انا مارضيت قلت نصه مني والنص الثاني من خليل.. خليل مارضى قال لاني متزوج وعندي طيف عيلتي اولى.. عطاه المبلغ.. ويوم خليل احتاج له ورجع طالبه بالفلوس.. الرجال انكر عليه حقه.. وقال له اذا عندك شي روح اشتكي بالمحاكم
يحيى: وانتو ما اخذتو عليه ورقه بهالشي
بويحيى: لا .. ولد عمنا ومن دمنا.. خليل قال الجيب واحد.. بعد ما انكر الفلوس رحت البيت عنده وتخانقت معاه.. ووصلت للضرب.. صار هو يضربني وانا ارد عليه بصوره هستيريه.. ما حسيت الا وقارورة جايه على راسي.. لما صحيت لقيت روحي بالمستشفى.. راحت وحده من عيوني صرت ما اشوف.. تأثرت القرنيه عندي بصوره كبيره.. لما جاني الدكتور طمني.. وقال انه عيني ممكن ترجع بس اذا لقولي قرنيه ثانيه.. ضحكت من قلبي.. منين القرنيه الثانيه هذي.. سكت ورضيت.. قلت كل شي يهون عشان خليل
يحيى: يعني خسرت عينك عشان خليل بعد!!
بويحيى: لا.. انا اشوف من عيوني الثنتين
يحيى: كيف يعني!!
بويحيى: خليل عطاني قرنيته.. هو الي مايشوف من عين وحده
يحيى: ما اصدق!!
بويحيى: قلت لك عمك مافيه منه
يحيى: هذا اكيد قبل لا يصير بعالم الاجرام
بويحيى: بالعكس الا هذا بوقته.. وفت ماكان خليل شرس هايج على طول.. ماقادر يسيطر عليه وعلى تصرفاته احد.. خليل دخل بيت ولد عمنا واخذ معاه واحد من عياله.. وقال له اذا بغيت تشوف ولدك حي مره ثانيه.. رجع الفلوس.. والرجال وقتها خاف من خليل كثير.. ورجع الفلوس كامله.. بس للاسف بدل ما خليل يسدد فيها ديونه.. صرف اغلبها على العمليه
يحيى: ومن هو الي اندفن بدل مشعل بهذاك اليوم؟
بويحيى: هذا ولده جابر
يحيى: يعني كان عنده ولد واسمه جابر صدق!!
بويحيى: ايوا.. انذبح بعمليه قذره.. خليل خانه واحد من ربعه الي صار بعد كذا عدو كبير له.. وعشان صاحبه ينتقم منه.. ذبح ولده
يحيى: دائن تدان يا بويحيى.. دائن تدان
بويحيى: اقنعته انه مايقتل مشعل.. وانه يخلي بداله جابر.. هو كذا ميت وكذا ميت.. اقنعته انه يترك مشعل حي يمكن يستفيد منه بعدين
يحيى: وايش موضوع الامانه الي كان يطالب فيها بومشعل
بويحيى: كنت محتاج فلوس لصفقه كانت تساوي كثير وماكان عندي سيوله.. تدينت من واحد من اصحابي على اني ارد المبلغ في اقل من سنه.. صاحبي قال نكتب ورقه بهالشي وافقت على طول هذا حقه.. كتب الورقه وانا من غير لا اقراها وقعت على الي فيها كانت غفله كبيره مني.. بعد اسبوع جا يطالبني بالمبلغ الي زاده وحط جنبه صفرين.. صفرين يا يحيى.. يعني ابيع الي عندي كله وما اوفي ربعه.. مالقيت غير خليل الجأ له.. قلت له الي صار.. وقال لي انه عنده عمليه استلام لعشر صناديق.. يبيني استلم منهم صندوقين.. واجيبهم له.. سألته.. مخدرات!!.. قال لي بكل هدوء ايوا.. فكرت كثير قبل لا اقبل.. الدين كبير وماعندي الي يثبت اني على حق.. عندي بيت وحرمه وعيال صغار كيف اتصرف ماعرفت.. اذا سكت بنسجن وبتضيعو قدام عيني على غلط مالي ذنب فيه.. واذا وافقت على الي خليل يبيه راح اضيع ارواح شباب كثير.. القرار صعب.. والنتايج في الحالتين وخيمه
يحيى: ليه ماقلت لجدي.. ليه ماطلبت من اخوالي؟
بويحيى: ما قدرت.. امك طلبت مني هالشي.. بس ما قدرت.. اذا سألوني ليه مارحت لاخوك ايش بقول لهم.. هم عارفين انه خليل تاجر ويملك المال الكثير.. كيف الجأ لهم وعندي اخوي.. تقفلت علي من كل ناحيه.. لقيت روحي اوافق على طلب خليل.. طلب مني سياره كبيره لتحميل الصناديق.. ماكانت عندي غير السياره الصغير اذا تذكرها
يحيى: اذكرها
بويحيى: طلبت من عمك بومشعل سيارته.. والمسكين وافق من غير لا يسألني ليه.. اخذت السياره ورحت استلمت الصناديق.. خليل قال لي بيجي معاي واحد اسمه ناصر هو الي بيتعامل مع الي بيسلموني المخدرات.. ركب معاي ناصر.. ورحنا واستلمنا الصناديق.. في وقت رجوعنا.. دق علي بومشعل يقول انه زوجة صاحبه تعبانه وهو نقلها المستشفى وبومشعل محتاج السياره الان وضروري.. ماقدرت ارفض طلبه وقلت لناصر هالشي.. لقيته منزعزج حاولت اعرف ايش القصه قال لي انه صاحب بومشعل هو اخوه راشد وانه زوجته حامل واكيد اخذها على المستشفى.. ناصر طلب مني اني اوصله البيت الاول.. وصلته ونزل من السياره.. حسيت عليه انه فتح باب السياره الخلفي بس شفت انه ما اخذ غير شنطه صغيره كان جايبها معاه.. رحت لبومشعل اطير.. ولحقنا على راشد وزوجته في المستشفى.. بعد ماتطمنا على راشد رجعت البيت.. وكنت متفق مع خليل اني اخلي الصناديق بسياره بومشعل.. حتى تهدى عيون الشرطه
يحيى: وما فكرت ببومشعل اذا احد مسك عنده صناديق المخدرات
بويحيى: بومشعل ماعليه خوف.. الخوف كان من ناصر لانه معروف.. اما بومشعل فكان الخوف عليه بعيد مره.. رجعت ثاني يوم واخذت السياره
يحيى: وطبعا شفت انه وحده من الصناديق اختفت
بويحيى: بالضبط.. وقت ماعرف خليل بهالشي.. انجن المخدرات الي كانت بالصندوق كانت تساوي اكثر من 100 مليون.. تعرف يعني ايش 100 مليون هذيك الايام
يحيى: تساوي مليار
بويحيى: بالضبط.. خليل صار يصرخ ويهدد ويتوعد.. وانا أأكد له انه بومشعل مستحيل يعملها.. هو ماقرب من هالسياره لانه كانت عنده سيارة صاحبه بوسامي هذاك اليوم.. وسيارته مادنا منها هذا اكيد
يحيى: والصندوق وين راح؟
بويحيى: وقتها ماكنا عارفين.. ناصر قال ننتظر على بومشعل ونشوف اذا طلعت الفلوس في يده وبانت عليه.. اكيد هو اخذها.. لما ما لقينا أي شي يفيد انه بومشعل اخذ الصندوق حتى بعد ماخطفنا مشعل.. بعديها بسنين ناصر حاول يشتت نظر خليل لاخوه راشد اقنعه انه راشد اكيد له يد في الموضوع خصوصا انه وقتها راشد كسب صفقه تقدر بعد بالملايين وقتها خليل اقتنع انه راشد له يد بالموضوع واختطف البنت على امل انه يرد له الصندوق او الفلوس بس الي كان واضح انه لا بومشعل ولا بوسامي يعرفو شي ابد
يحيى: وبعدين
بويحيى: عرفنا بعدين انه ناصر دخل بيت بومشعل وسرق الصندوق.. خبا المخدرات وباعها
يحيى: الكلب
بويحيى: وهو متفق مع صاحبه بلعبت العقد الي وقعت عليه وانا ماني عارف.. خليل وقتها كان ناوي يذبحه.. دور عليه كثير.. ولما لقاه لقى حوله حراسه مايقدر يخترقها.. ناصر امن نفسه كويس.. خليل لعب على راشد وبومشعل في موضوع المخدرات الي كانت تدخل بسهوله للديره.. وكسب من ورا هالشي مبالغ كبيره ماحد يقدر يتصورها.. بس لعبت المخدرات هذي لعبه وسخه.. زي ماتقول السمك الكبير دائما ياكل السمك الصغير.. وخليل على ذكائه عمره ماكان سمكه كبيره.. كان يحاول بس عمره ماقدر.. الفلوس الي تكون عنده سبحان الله تروح تضيع تتبخر
يحيى بتريقه: سبحان الله عاد تتوقع ليه!!
بويحيى: لا تتريق علي.. انا عارف انها فلوس حرام
يحيى: ياترا فلوسك انت بعد حرام!!!
بويحيى: عمري.. في حياتي مارضيت على روحي وعيالي الحرام
يحيى: ايش موضوع طيف مع اخواني.. ليه كانو خايفين منها.. ليه كانو يعذبو البنات كذا
بويحيى: مره اسمعت ابراهيم يقول لي عن جابر.. كان محسبني اني انا الي قتلته وانا الي رميته عند بيت بومشعل.. كنت اشرح له القصه وافهمه.. وهي لما اسمعت الكلام الي دار بيني وبين ابراهيم خافت وراحت لبسام تستنجد به وتقول له على الي سمعته.. وهو ماقصر جرها لي وقال لي على كل كلمه سمعتها.. صرت اضرب فيها من غير لا احس.. صارت تهدد وتقول انها بتبلغ.. وانها ماراح تسكت.. اخوانك اضربوها واحبسوها وامنعوها من الطلعه.. وجمايل معاها مع ان المسكينه الثانيه مالها ذنب بشي.. بس الخوف كان مالي اخوانك وانا قبلهم.. طيف ماكانت تعرف أي شي عن الحقيقه.. ولا تعرف القصه من اساسها.. بس مجرد التفكير في انها تبلغ.. اكيد راح تفتح ابواب كثيره انا ماني قدها.. طيف قويه وجريئه.. كلمتها ماترد فيها.. لا تلومني الحمل الي على ظهري كبير وهي كانت تضغط على من كل ناحيه
يحيى: وبسام وابراهيم كيف وصلو للي وصلو له؟
بويحيى: لعبوها من وراي مع عمك.. بعد ما خلاص كل قوتي راحت.. فقدت السيطره عليهم.. لما مات جدك وعرفو من اخوالك انه ترك لك ماله.. انجنو كانو يبون يصيرو احسن منك بكل شي.. بكل شي.. كانو يدورو على غلاتهم عندي ومايلاقوها.. يلاقو بقلبي غلاتك بس.. يمكن هالشي تعمدت اني ابينه لهم حتى اعلمهم انك احسن منهم ويتركو الي هم فيه بس هالتصرف زادهم
يحيى: زادهم؟ زادهم بس.. هذول بهدلو البنات الي كانو بيموتو من تحت يدهم.. كيف كنت ساكت.. كيف تركت خليل يلعب بعقول اخواني ويذبح واحد منهم.. كيف وكيف وكيف.. الف كيف مافي اجابه لها.. غير انك غلطان.. هدمت بتصرافتك بيوت.. ماهو بيتك بس.. بيت الرجال الي اعتبرك اخوه وتنازل لك عن ولده طول هالسنين على شي هو ما عمله ولا يدري عنه.. وبيت صاحبه الي مات هو وزوجته الم وحسره على مصير بنت ماكانو عارفين ليه صار معاها كذا
بويحيى: لو اني نطقت بحرف بس.. كان شفت كل الي قلت عنهم ميتين.. انا بسكوتي حافظت على ارواح كثيره.. واولهم انت.. عارف لو اني اشتكيت على خليل كان اول من يموت هو مشعل الي هو حي الان.. والبنت كان ممكن يكون مصيرها اسؤ بكثير من الي هي فيه.. سكوتي انقذ حتى خواتك.. اخوانك كانو يضربوهم خوف منهم.. لما منعت ابراهيم من ضرب جمايل هذاك اليوم.. رفع على سكينه بوجهي.. وهددني اذا تكلمت بيشوه البنت.. وبسام كان يضربني يايبا.. اناعشت سنين عمري خوف على الي حولي.. لو كان الخطر علي لحالي كانت المسأله تهون.. بس الخطر كان دايم على الناس الي احبهم
****************************
في الملحق مع سماح
مشعل: بس ابتسامه بس ابتسامه صدقيني
سماح: ولا نص ابتسامه
مشعل: طيب ربع.. ربع بس
سماح: لا.. جيب مريم
مشعل: لا.. لا البنت ولا امها.. ابي انثى ادلعها ياتكوني انتي او بنتك
سماح: وراشد ماله ليه ماتدلعه
مشعل: عيب هذا رجال الدلع للبنات.. وامهم بس
سماح: هي كلها بنت وحده لحقو يصيرو بنات
مشعل: يعني اقول انا ناوي
سماح: ناوي على ايش!!
مشعل: يعني اجيب عشر بنات.. جبت بنت باقي تسع
سماح: وتنكت بعد قوم خليني انيمها بمكانها
مشعل: بتصحى صدقيني
سماح: وكيف واثق من هالشي
مشعل: البنات ياعمري دايما يحسو بابوهم.. وبنتي اذا قامت من حضني بتصحى.. عارفه ليه؟
سماح: وليه ان شا الله
مشعل: لان امانها معاااااااااااااي
سماح: طيب خليها متهنيه بامانها
مشعل: خليها
سماح: يعني اذا البنات حسو بابوهم والاولاد يحسو بامهم!!
مشعل: هههههههههههههههه ايوا
سماح: من جد لا تتريق
مشعل: والله من جد
سماح: طيب.. خلي بنتك عندك وولدي عندي
مشعل: طب خلينا ننيمهم جنب بعض.. وتجربي الامان جنبي
سماح: هههههههههههههاااااااااااااي
مشعل: جديده هذي
سماح: ههههههههههه تعلمتها من سما
مشعل: سما زوجتي انا؟
سماح: لا سما اختي
مشعل: وزجتي ايش اسمها!!!!
سماح تبتسم: اسمها سماح
مشعل: وانا اسمي مشعل
سماح: تشرفنا
مشعل: انا الي حصل لي عضيم الشرف بمعرفتك.. ممكن اعرفك على حالي
سماح: ياريت
مشعل: انا رجال متزوج بملكة جمال الكون كله.. رقيقه طيبه ناعمه جميله.. حساسه عندي منها اجمل بنت وولد.. وافكر اجيب منها بعد تسع بنات
سماح: هههههههههههههههه انت قلت بتكلمني عن حالك كلامك كله عن زوجتك
مشعل: زوجتي هي حالي.. ما اعرف غيرها.. وما ابي غيرها
سماح: كيفك مع ابوك وامك الان؟
مشعل: ابوي يلوم حاله على الي حصل لي.. ومفكر اني اكرهه.. ومفكر بعد اني ما ابيه عشان البهدله الي تبهدلتها
سماح: ياعمري ياعمي.. وبينت له الحقيقه
مشعل: اكيد.. عارفه اول ما جيت كنت حاسس حالي غريب.. ما اعرفهم.. الان احس روحي اعرفهم من سنين
سماح: الحمدلله
مشعل: صرت اشتاق لامي كثير.. عارفه احب اني اخذها بحضني.. احس براحه عجيبه.. وحضنها ينسيني تعب السنين كلها
سماح: ياحظك
مشعل: تفكري بامك وابوك؟
سماح: كثير.. بس سامي وسما معوضيني عنهم احس انهم هم امي وابوي
مشعل: الله يخليهم لك.
*************************
بحديقة الورد
هزاع: اخيرا صرت معاكي لحالنا
طيف: اعذرني
هزاع: على ايش حبيبتي!!
طيف: على حزني
هزاع: هذا حقك يا عمري
طيف: الله يخليك لي
هزاع: طيف.. يحيى مصمم انه بكره عرس سالم وهلا
طيف: ياريت انا موافقه
هزاع: خفتك تزعلي
طيف: وليه ان شا الله.. تأجيل العرس ماراح يرجع ابراهيم
هزاع: تعجبيني عقلك كبير
طيف بحيا: تسلم لي يا بومحمد
هزاع: هههههههههههههههه حلوه منك يا قلبي
طيف: هزاع
هزاع: ياروحه وحاله وكله
طيف: كل ذا
هزاع: واكثر لو تأشري
طيف: لو نطلع من هنا ابوي وين بيكون.. اكيد ماهو معاي لاننا مع عادل
هزاع: هههههههههههههه تبينه معاكي
طيف بلهفه: ياريت ياهزاع
هزاع: خلاص.. الي تبيه بيصير
طيف: وكيف؟
هزاع: كيف هذي اتركيها علي.. انتي عليكي تأشري بس
طيف: بس انا ما ابي نبتعد عن عادل ومنال
هزاع: وليه؟
طيف: ما ابيك تفترق عن اخوك
هزاع: ياعمري انتي.. لا تخافي بعمل طريقه ترضي الجميع
طيف: بعد في خاطري شي
هزاع: ايش ياعمري
طيف: خالتي ام حسام.. هذي روحها فيك.. ما ابيها تبتعد عننا.. هي تحبني كثير.. وما ودي اني اعيش بلاها
هزاع: مرتاحه لها؟
طيف: فوق ماتتخيل.. خففت عني الكثير بقوتها من جيت هنا
هزاع: بس انتي قويه من قبل لا تشوفيها
طيف: من جد تشوفني قويه؟
هزاع: اشوفك اقوي مني بعد
طيف: من جد!!
هزاع: من جد.. طيف
طيف: نعم
هزاع: احبك
***********************
بعد المغرب
في الملحق مع بويحيى
يحيى: يبا
بويحيى بلهفه: ابوي انت.. انا هنا يا حبيبي
يحيى يفتح باب غرفته: نايم؟
بويحيى: لا ياروحي صاحي تعال يبا
يحيى: جايب لك معاي حاجه احبها
يحيى: احب كل الي تحبه يبا.. ايش جايب معك
سما: مسا الورد على الحلوين
بويحيى: هههههههههههههههه هذي زوجتك يبا
سما: ايوا زوجته يبا.. كيف الحال؟
بويحيى: حالي غيران منك
سما: وليه ان شا الله بنبتديها غيره من الان
بويحيى: ما شا الله عليكي يبا.. جميله
سما: ياروحي انت.. كيف حالك؟
بويحيى: الحمدلله
سما: وصحتك تمام؟
بويحيى: تمام دامي مع يحيى
سما: ومن ايش غيران ماقلت لي
بويحيى: لانك اخذتي يحيى مني من الغدى ماشفته
يحيى: ههههههههههههههههههههههه
سما: هههههههههههه ماهو معاي.. انا ماشفته من الصبح
بويحيى: وين كنت يبا
يحيى: بالشغل.. لا تقلق علي
بويحيى: قولي لي ايش اسمك
سما: سما.. حلو؟
بويحيى: لا ماهو حلو
سما تناظر يحيى: افا ليه عاد
بويحيى: ماعجبني.. يعني لو كان مرزوقه.. شمه.. محبوبه
يحيى: ههههههههههههههههههه.. محبوبه عجبني ياسما
سما: طبعا يعجبك يا محبوب
بويحيى بحنيه: الله يخليكم لبعض.. الا ماقلتي لي مافي شي جاي
سما: جاي وين؟
بويحيى بحنيه: يعني بيجي وين!!
سما: ايوه وين!!
بويحيى: هناك
سما: ههههههههه هناك؟ ماهو هنا يعني
بويحيى يبتسم: تعمليهم علي
سما: هههههههههههههههههههه بصراحه ايوا
يحيى: لا يبا مافي شي
بويحيى: الله كريم.. رزاق.. يرزق من حيث لا يعلم الانسان
سما: والنعم به.. ودي اعرف منك شي
بويحيى: ايش هو
سما: هو شي زاعجني كثير ماعرفت اجابته لسا
بويحيى: اسألي يبا
سما: نجمه كيف تزوجت بخليل.. ومنين جابو شهادة ميلادي والبيانات الي فيها.. عمي ناصر ليه عمل كذا في ابوي واختي
بويحيى: عمك ناصر طلب من ابوكي مبلغ يبتدي به تجاره.. ابوكي مابخل عليه.. عطاه الي يبيه بس ناصر بطبعه بخيل خبى هالفلوس.. ورجع بعديها وطلب من ابوكي وبعد اعطاه.. وخباها مره ثانيه.. جا بعديها بمشروع كبير لابوكي واكد عمك نجاحه.. ابوكي لما شاف الاوراق تشجع للمشروع ووافق عليه.. تفاجأ بناصر انه كان طمعان انه يكون شريك في المشروع..وقتها ابوكي تردد.. وراح لبومشعل يسأله عن رايه الشخصي والقانوني.. لما شاف بومشعل الاوراق.. اكد لابوكي انه المشروع ذا عمليه نصب كبيره.. بعد ما تأكد ابوكي من مصدر المشروع والاسماء المشاركه فيه.. اخذ موقف من عمك.. وصار مايطيق له كلمه.. تقدري تقولي انه ابعده من مجلسه وشغله.. الحركه هذي اشعلت بقلب عمك الحقد على بومشعل.. صار يعمل حاله انه محترم.. وبفلوس المخدرات الي كان يكسبها صار يبين لراشد انه ناجح بتجارته.. وراشد صار يصدق هالشي.. وصارت علاقته بناصر كويسه بس بعد ماهي زي الاول.. ناصر تعرف على خليل الي اساسا كان متزوج من نجمه.. صار يقوله عن بومشعل وراشد.. وكيف هما اغنيا وكيف في يقدرو يسهلو لهم عملية دخول المخدرات للديره من غير أي متاعب بس المهم الطريقه الي بتجبرخالد بومشعل وراشد انهم يعملو هالشي.. خليل قرر انه يزرع نجمه في بيت خالد كمربيه تتابع كل شي هناك.. وصارت تنقل لهم المعلومات عن كل شي تسمعه او تشوفه.. ظلت خمس سنين ببيت خالد لحد ما انسرق الصندوق.. خليل شاف انه ياخذ الولد الي كان متعلق بمربيته هذاك الوقت ويجبر ابوه انه يرجع الصندوق.. اتفقو على خطة خطف الولد ونفذوها.. صحيح ان خليل ما استفاد من وجود الولد عنده بالايام الي جات بس بعد ما انخطف ولده الحقيقي جابر وانذبح بطريقه بشعه على يد واحد من تجار المخدارت الي كان على خلاف كبير معاهم اقنعته انه يرمي بجثة جابر على انها مشعل
يحيى: ايش اسمه تاجر المخدارت ذا؟
بويحيى: جوهر
يحيى: جوهر ماغيره.. الي ذبح زوجته بعد ما شك فيها!!!
بويحيى: هو بعينه!!.. كان شاك انها على علاقه بخليل
سما: اعوذو بالله.. اعوذو بالله ايش اسمع
يحيى: ايش تنتظري من عالم وسخ زي ذا
سما تناظر يحيى: وانت منين تعرف جوهر ذا
يحيى:م هذا الي كنت من ضمن عصابته
بويحيى بحده: ايش!!!!!!!
سما: لا ياعمي كان بعمليه لحساب شغله.. متخفي يعني
بويحيى: طمنتيني.. المهم جوهر ذا كان يشك بزوجته وهي وحده وسخه وحقيره.. شاف رجال غريب يطلع من بيته في يوم وراح سألها مين ذا.. قالت له خليل.. وجوهر وقتها ما تأكد مين خليل ذا.. لانه يكره خليل اخوي فتوقعه هو الي زوجته تقصده.. الاول حبسها وعذبها.. وبعدين خطف جابر وقتله بصوره ما اقدر اوصفها.. ورمى جثته لخليل.. نجمه وقتها كانت بتموت من الالم والحسره..بس ايش ينفع الندم.. جابر مات.. ومافي شي يقدر يرجعه خلاص.. انا انتهزت حزن خليل ونجمه على ولدهم واقنعتهم انهم ما يقتلو مشعل ويخلوه يربوه على انه ولدهم.. وبكذا يقهرو جوهر انه ماقتل ولدهم.. وقتل واحد غيره.. ومن ناحيه ثانيه يقدرو يرمو بجثة جابر لخالد حتى يظن انه ولده مات يمكن انه يخاف على بناته ويعترف وين مخبي الصندوق.. خليل وافق على الفكره ونفذها
يحيى: بس هذا رمى بجثة ولده قدام عيني.. رخص بجثة ولده ورماها قدام عيني.. ايش ذا
سما: لاحول ولا قوة الا بالله
بويحيى: صحيح انه الي مات ولد اخوي بس انا مقتنع انه خليل يستاهل الي يجرا له.. لو انه تاب الى الله ماكان صار ذا جزائه.. كان المهم عندي انه مشعل يكون حي وما ينذبح.. كنت اشوفه قدام عيني يكبر وانا متأكد انه بيجي اليوم الي يرجع لحضن امه وابوه.. ناصر الكلب وقتها كان مداري على فلوس المخدرات بعد ماسرقها مننا.. بعد مده صار محتاج انه يصرف بس ماكان يقدر يسحب منها خايف خليل يعرف عنه.. راح وطلب مبلغ من راشد.. وطبعا راشد رفض.. اصر وقتها راشد يعرف ناصر ايش يشتغل وفلوسه وين تروح وعلى ايش يصرفها.. طلع ناصر من عند راشد وهو يسب ويلعن وراح لخليل وقال له انه راشد اكيد له يد بسرقة الصندوق لانه سمع انه ربح مبلغ ماهو سهل من عمليه تجاريه.. ناصر صار يشكك في اخوه وخليل اقتنع انه هذي هي فلوس المخدرات الي سرقها من كذا سنه.. وانخطفت البنت.. على امل انه راشد يرجع فلوس المخدرات.. وبحكم انه نجمه كانت تقدر تدخل بيت راشد عشان تدير بالها على بنات خالد.. فصار من السهل انها تكون في بيت راشد.. خليل كان طالب منها انها تجيب له كل الاوراق الي تلقاها قدامها ومن ضمن الاوراق الي نجمه سرقتهم شهادة الميلاد واوراق كثيره مالنا بها أي علاقه.. في ذاك الوقت خليل كان راح ينقبض عليه بعد عمليه كبيره وخطره ولقا انه يسافر لحد الامور ماتهدى.. وصار الي يتعامل مع ابوكي واحد غشيم يحركه ناصر.. وناصر من ورا كل ذا كان يبي يحرق قلب راشد على البنت.. انا لاحظت هالشي وقلت لخليل ناصر اكيد وراه موضوع كبير.. لما حس ناصر علي صار يطلب من راشد مبالغ حتى ترجع البنت لحضنه.. وراشد كان ينفذ على امل انه البنت ترجع له.. بعديها ناصر هدى اللعب مع اخوه.. وانقطعت اخبار البنت عن راشد.. وناصر صار متلذذ بالعذاب الي يشوفه بعيون اخوه.. لما رجع خليل كان ناصر مجهز لعبه حتى يبعد نفسه عن خليل وجماعته ونجح في خطته.. خليل قال الاسلم لنا انه ناصر يبتعد عننا.. ويمكن نتصل فيه اذا احتجنا له.. انا وقتها زاد شكي فيه.. ناصر حقير يقدر يحرك خليل بسهوله.. بعد ناصر سنين طويله.. وخليل صار يلعب على ابتزاز راشد اذا صار في ورطه واحتاج فلوس.. ابد ماكان ناوي يرجع البنت.. وليه يرجعها.. الفلوس تجيه جاهزه ومن غير تعب.
سما: وكبرت البنت
بويحيى: وكبرت البنت والولد.. وشفنا مشعل كيف متعلق فيها.. صار يزن على نجمه انه يبيها.. وخليل طبعا مطنش الموضوع.. مشعل كان شاطر جدا بترويج المخدرات.. تربية خليل عاد.. ماحد يقدر يمسك عليه أي شي.. يقدر يدخل ويطلع من اماكن ما حد كان يقدر يمسك عليه شي.. جوهر طلع من حبسه بعد ماقتل زوجته.. وصار يدور على خليل حتى ينتقم منه.. واخيرا لقاه تعاون مع واحد من الشرطه حتى يدله على مكان خليل.. وفي نفس الوقت راشد كان متعاون بعد مع الشرطه حتى يلاقي البنت.. لما حس خليل بلعبت جوهر وراشد.. حاول انه يهرب البنت بس وين.. وقتها كان محتاج للفلوس حتى هو يهرب بعد.. راح لمشعل وقال له كم عندك انا محتاج.. مشعل قال انه مايملك حاجه.. خليل قال اذا عطيتني كل الفلوس الي عندك بخليك تملك البنت.. مشعل تررد قال يعني ايش.. خليل قال له يعني تشتريها وتكون لك.. وافق مشعل على طول.. خليل اشترط عليه انه يخبيها عن عيون الناس.. وانه يروحو مكان ماحد يعرفهم فيه حتى ماتكون نهاية مشعل السجن او القتل.. مشعل حافظ عليها كثير وخباها حتى عن عيون خليل.
بومشعل: مجتمعين على الخير
سما: كل الخير يبا.. اتعرف على بويحيى.. تصدق عاد اسمي ما عجبه.. يقول اسم محبوبه يلوق علي اكثر
بومشعل: ههههههههههههههههههههه الله يقطع شرك يارجال.. محبوبه عاد
سما: ليه ماقلت لك يحيى اول ما لعب علي لعبته.. فهمني انه اسمه محبوب
بومشعل: هههههههههههههههههههههه
يحيى: والان صرنا محبوب ومحبوبه
بويحيى: ربي يجعل الحب بينكم على طول
بومشعل: امين
************************************
في غرفة سامي ونور
نور: يما ظهري
سامي بخوف: بسم الله عليكي.. مالك يا قلبي
نور: بخير ياقلبي.. تعبانه بس
سامي: المفروض انك مريحه حالك.. ماهو كذا عاد
نور: خايف علي
سامي: اكيد.. اخاف على مين يعني
نور: اقول يمكن على ولدك
سامي: تقصدي بنتي
نور: هههههههههههههه لسا مصر
سامي: كل شي يجي من الله حلو.. المهم تكوني بخير وهو يجي صاحي
نور: ان شا الله
سامي: تعشيتي
نور: تبي الصراحه لا.. ودي بعشا خاص
سامي: زي ايش مثلا تدللي
نور: ما ادري بس ابي اكون لحالي معاك.. ودي اناظر عيونك صار لي زمان ماناظرتهم
سامي: بتعملي زي محمد.. ماهو عاتق سما
نور: هههههههههههههههه ياقلبي محمد.. من جد ماهو عاتقها
سامي: من يومين عاد اشوفه مع سماح نفس الحكايه
نور: هههههههههههههه احسن خليها تشيل الحمل عن سما شويه
سامي: الله يحفظه يملي العين
نور: بعكس الساكت
سامي: يووووووووووووه هذا عاد الي بموت من سكوته من جد
نور: بس طيب لا تتريق عليه لا يطلع ولدي زيه
سامي: ههههههههههههههههه ياخوفي.. اسمع سما تقول انه مريم الصغيره ساكته زيه
نور: يووووووووووه والله العيله ماهي ناقصه كفايه واحد
سامي: مرتاحه كذا؟
نور: ابي تحرك المخده شويه
سامي: كذا كويس؟
نور: ايوا كويس.. طيب ممكن كاسة مويه
سامي: اكيد ياقلبي.. الا ماقلتي لي
نور: قول ياقلبي
سامي: ايش اخبار مشعل
نور: ماتتخيل كيف مبسوط مع امي الحمدلله.. ابوي كان بيجرى عليه شي لو ما مشعل جلس معاه وتكلم
سامي: الحمدلله.. تفضلي المويه
نور: تسلم لي.. ممكن تفتح الشباك حر
سامي: حاضر.. وخالتي ايش تقول
نور: ماودها تقوم عن حضنه
سامي: المسكينه خليها تنبسط.. ذاقت الويل ببعده
نور: الحمدلله.. ممكن ترفع رجولي
سامي: كيف يعني؟
نور: جيب مخده ثانيه وخليها تحت رجولي
سامي: حاضر.. ايش استعداداتكم للعرس
نور: ابد كل شي ميسر ان شا الله.. الله يهنيهم بس
سامي: امين.. كذا كويس؟
نور: ايوا تمام.. وانتو ايش استعداداتكم
سامي: يحيى جهز كل شي مع بوعذبي.. ماهو راضي يخلينا نعمل حاجه.. يقول هذا اخوي وابي افرح فيه
نور: ياحبي له.. ماهو عارف كيف يسعدنا.. سامي ممكن تسكر الشباك حاسه ببروده
سامي: من عيوني.. تعرفي حاسس باحراج من انه تكون حفله بكره وابراهيم لسا دافنينه
نور: مع انه طيف حزينه عليه كثير.. بس خالتي ام حسام تقول انه مايستاهل ينحزن عليه
سامي: صحيح كلامها بس المهم عندي يحيى.. لا تنسي انه ابوه معانا وهو كمان حزين على ولده
نور: ياقلبي دام يحيى قال بكره.. خلاص انت من ايش محرج
سامي: لاني اشوفها ماهي عدله في حق يحيى
نور: يا قلبي بكره كمان بيعمل حفله لطيف لا تنسى ملكتها الي صارت بسرعه
سامي: والله؟ ماحد قال لي.. كذا انا ارتاح.. دام الموضوع فيه طيف اجل كذا مرتاح
نور: سامي ممكن تفتح الشباك.. صار حر.. واي واي وين تشيلني سامي سامي
سامي: برميكي من الشباك كذا اريح والله
نور: هههههههههههههههههههه حرام عليك نزلني سامي ولدي بيجرا عليه شي
سامي: لا يا حبيبتي اذا رميتك من الشباك ماهو الان
نور: ههههههههههههههههههه خلاص من جد خلاص
سامي: تراكي زهقتيني.. مره افتحه ومره سكره والنهايه كيف
نور: ههههههههههههههه ايش اعمل احس بحر افتحه يلا
سامي بزهق: اخر مره تحملي انتي فاهمه
****************************
في غرفة فهد وساره
فهد: وانا بظل كذا كثير
ساره: ياربي الصبر من عندك.. فهد والله ماني طايقه احس روحي بتطلع.. وخر عني خلني انا بطلع
فهد: انجنيتي انتي.. وين تروحي
ساره: ياربي.. فهد اقول لك روحي بتطلع.. بتطلع بروح انام مع هلا وجمايل
فهد: ايش بيقولو عننا
ساره: ايش بيقولو عادي.. انا حامل.. حاملللللللللللللللل.. حط تحت الكلمه هذي الف خط
فهد بحده: طيب وليه طايقه الكل وانا لا
ساره: ياربي ماهو بيدي.. كذا الله كاتب علي.. فهد الله يخليك ما ابي اجلس معاك
فهد: ساره حاسبي على كلامك لاتخليني اكرهك واكره حمالك
ساره: والله ماهو مني.. فهد افهمني الحامل يجرا عليها حلات ماتنوصف.. لازم تستحمل عاد
فهد: ما اشوف نور تعاني من نفس الشي
ساره: كل حرمه تختلف عن الثانيه حبيبي الله يخليك افهمني
فهد بحده: فاهم فاهم
ساره: والله اسفه
فهد بحده: اسمعي انا ماشي
ساره: وين بتروح؟
فهد بحده: بنام مع عذبي.. ساره هذي اخر مره تحملي انتي فاهمه
*************************
في غرفة هلا وجمايل
هلا: هههههههههههههههه خلاص يامجنون ماهو كذا
جمايل: تعرف خالد ودي اتمشى معاك الان
هلا: خلاص حبيبي انا بسكر بكره بشوفك
جمايل: يعني ايش اطلع!! من صدق والله خالد
ام حسام بحده: وانتو متى ان شا الله بتعتقوني وتتركوني انام ها
هلا بخوف: باي الان باي
ام حسام: وانتي سكري الخط معاه تراكم قلبتو راسي
جمايل: ههههههههههههههه باي الان باي
ام حسام: وانتو شايفين الوقت بدري يعني.. متى بتتزوجو وارتاح منكم ها
هلا: ول يما قاعدين على قلبك
ام حسام: الا قالبين راسي بسوالفكم.. ارحموني ابي انام
جمايل: خلاص بترتاحي من وحده فينا بكره
ام حسام: ان شا الله بظل مستحمله وجودك لحد ماتتزوجي.. لا ياروحي بكره ازوجك انتي بعد وخلوني ارتاح منكم
جمايل: ههههههههههههههههههه
هلا: لا تضحكي انتي بعد.. ترا والله تعملها.. اسكتي بس
جمايل بخوف: لا يما الله يخليكي انا مرتاحه كذا.. الله يخليكي لا تعمليها
ام حسام بحده: اجل لا تزعجيني بنومتي.. يلا نامو
هلا: حاضر حاضر
جمايل بهمس: ها.. ماهو قادر يصبر
هلا بهمس: هههههههههههه يقول ماهو قادر.. ومشتاق من الان
جمايل بهمس: هههههههههههههه الله يهنيكي يابنت
هلا بهمس: معاكي يارب
جمايل بهمس: كان ودي اتمشى معاه الان
هلا بهمس: مجنونه انتي الان عاد.. ماشبعتي منه
جمايل بحيا: تبين الصدق لا.. احبه بكل مافيني
هلا: بهمس الله يبسطك
جمايل بهمس: يااااااااااااااارب
ام حسام بحده: ياااااااااااااااااااارب يفكني منكم ويريحني.. يارب عجل بزواجهم وريحني.. ابي انااااااااااااااااام.. اقول لكم سكرو من ازواجكم تجلسو تقول لبعض ايش قلتو مع ازواجكم.. تبون تذبحوني انتو.. ناااااااااااااااامو
جمايل: ههههههههههههههههههه نمت نمت شوفيني هذا انا تغطيت
ام حسام: وين اشوفك وانا عيوني متقفله.. ان سمعت صوتك انتي وياها تراني ذابحتكم.. وانتي زواجك بكره نامي وخلي وجهك يرتاح.. والله بتندمي وتقولي امي قالت
هلا: وي وي نسيت خلاص خلاص.. نمت
************************
في الملحق مع سماح
سماح: تراك مسهر البنت
مشعل: البنت ومبسوطه انتي ايش قاهرك
سماح: مين هذي الي مقهوره.. انا ابيها تنام بس
مشعل: لا لا قولي انك غيرانه
سماح: واغير من ايش
مشعل: من القمر الي بحضني.. وحده جميله وبحضني وتبتسم لي كل شويه ومبسوطه الي هي معاي.. ومبسوطه الي ادلعها.. قولي انك غيرانه منها
سماح: اقول خذ راحتك معاها ماهو انا الي تغير
مشعل: عيني بعينك انك ماتغيري
سماح: هاه هذي عيني
مشعل: هلااااااااااااااااااااااااك عيونك هلاك
سماح تبتسم: ....................
مشعل: احبك بكل مافيني.. تعالي
سماح: وين!!
مشعل: نتمشى شوي
سماح: لا لا والعيال
مشعل: بنجلس جنب الباب بس
سماح: نجلس هنا احسن.. اخاف على عيالي
مشعل: لا تخافي.. بنسمعهم اذا بكو.. تعالي
سماح: مشعل الله يخليك خل.....................
مشعل يجرها لحضنه: اول مره تناديني مشعل.. سماح انا من جد احبك.. ابي نبتدي من جديد.. اوعدك انسيكي الي كنتي فيه.. كنت غلطان بغيرتي عليكي.. غلطي كبير كان المفروض اني اتكلم معاكي واقولك اني سمعتك تنادي هزاع.. يمكن ماكان جراى بيننا الي جرا.. سماح انا كلي ندم.. وودي اقطع يدي الي انمدت عليكي
سماح تغمض عيونها: احبك
****************************
في غرفة يحيى وسما
سما: تصدق عاد.. حاسه انك منت خالي عندك شي.. او صاير شي
يحيى: يمكن الي بقوله يبسطك.. ويمكن انه يزعلك بس الحقيقه خايف اقوله.. خصوصا بكره زواج سالم وما ابي انكد الفرحه الي جواكي
سما: خوفتني.. ابي اعرف
يحيى: وانا ابي اقول لك
سما: اسمعك
يحيى: عمك ناصر
سما: الله ينتقم منه ايش عمل بعد
يحيى: الظاهر انه انتقام من الرحمن يا سما
سما: خير
يحيى: محبوس بتهمة قتل
سما: !!!!!!!!!!!!!!!!!!
يحيى: مالك بلمتي
سما: كمل لا تلعب باعصابي
يحيى: الجيران بلغو عن سماع طلق ناري في بيت عمك.. لما راحت الشرطه هناك على اثر البلاغ.. لقو توفيق السايق مذبوح
سما: توفيق !!!! هذا رجال ممتاز
يحيى بتريقه: ايوا ممتاز
سما: ايش تقصد
يحيى: لقو جنبه مرام مذبوحه بعد
سما بخوف: ها!!!!!!!!!!
يحيى: التحقيق يقول انها جريمة شرف
سما: يعني ايش مافهمت.. يحيى مافهمت
يحيى: ايش الي ما فهمتي.. مرام مع توفيق بالملحق الخاص بالسايق
سما: اعوذو بالله اعوذو بالله.. ايش الي تقوله
يحيى: اهدي طيب.. ماتوقعتك تناهري كذا
سما: الي تقوله مايتصدق.. متى صار ذا كله
يحيى: اليوم العصر
سما: واحمد وامه وين؟
يحيى: هنا السؤال الي ماله أي اجابه.. عمك يقول انهم مسافرين.. وانهم ما يعرفو أي شي عن الي صار.. هو راح يدور السايق فتح الملحق ولقى بنته معاه
سما: السايق عاد.. السايق!!!
يحيى: الشك يدور حول احمد انه هو الي قتل اخته.. وعمك جا وخلص على السايق
سما: يما احمد هذا صغير مستحيل يعمل كذا
يحيى: 16 سنه ماهو صغير يا سما.. يفهم يعني ايش شرف وعرض
سما: يما على الولد
يحيى: انا اقول ان الام هربت بالولد.. وناصر محسب انه بيفلت من القضيه لانها شرف
سما: وهو ممكن يعملها؟
يحيى: اذا لقى محامي شاطر بيطلعه منها بسهوله
سما: لا حول ولا قوة الا بالله
يحيى: لازم نلاقي الولد حتى نعرف الحقيقه
سما: بس الولد كذا بيروح فيها
يحيى: لازم نعرف منين حصل على السلاح.. هذي تهمه ممكن تثبت على عمك وتوديه سنين طويله
سما: معناه ضروري يعترف
يحيى: اكيد انه بيعترف لا تخافي
سما: ومالك واثق كذا
يحيى: لاني عملت حاجه تخلي الحجر ينطق
سما: حاجه مثل ايش
يحيى: طلبت ان انه يكون ناصر مع خليل بنفس السجن وخلينا نشوف ايش ممكن يصير
سما: تتوقع انه تصير اعترافات
يحيى: انا سجلت كلام ابوي كله.. ودرجته ضمن تقرير وافي.. فيه واحد من الضباط جلس مع خليل وقال له ان ناصر اعترف عليه طبعا بالمعلومات الي ابوي قالها بالاسماء والمواقع بعد..وخليل اقتنع انه ناصر هو الي اعترف عليه
سما: بس كذا خليل ممكن يتهور ويقتله
يحيى: وانتي خايفه عليه يعني
سما: ماهو قصدي.. بس بدل الاعترافات بتلاقي نفسك قدام قضيه ثانيه
يحيى: لا تخافي هذا شغلي عاد
*****************************
في غرفة بومشعل وام مشعل
ام مشعل: لا حول ولا قوة الا بالله
بومشعل: ربك المنتقم
ام مشعل: ومن قال لك
بومشعل: يحيى بعد ماجا من الشغل.. سالته ايش الي اخرك.. وقال لي
ام مشعل: لاحول ولا قوة الابالله
بومشعل: وليه حزينه كذا
ام مشعل: حزينه على الولد.. ايش بيكون مصيره.. الله يلطف به
بومشعل: تعرفي اذا الولد بخير تراني باخذه هو وامه وبسكنهم معانا.. احمد ولد طيب وفيه الخير.. ماهو عشان ابوه بنهمله
ام مشعل: صح يا حبيبي.. نربيه ويتعلم الخير مننا ولا اننا نعاقبه على شي ابوه اجرم به.. اكيد انه بيطلع مثل ابوه بالنهايه اذا اهملناه
بومشعل: معاكي حق
ام مشعل: الله يلطف بهم وبنا
بو مشعل: يارب
ام مشعل: الحمدلله الي ولدي بحضني.. وسماح معاه بخير وعافيه
بومشعل: الحمدلله
ام مشعل: ياربي تجمعهم على الخير وتحنن قلوبهم على بعض
بومشعل: يارب
ام مشعل: وترزقهم الذريه الصالحه الي تجمعهم اكثر واكثر
بومشعل: يارب
ام مشعل: اقول ايش اخبار فهد
بومشعل: هههههههههههههههههههه ضايقه به الدنيا
ام مشعل: اجلس معاه واشرح له.. البنت بعد تعبانه كثير
بومشعل: حاضر
ام مشعل: انا ملاحظه انه ماينام بغرفته
بومشعل: هههههههههههههههههههه وانا بعد
ام مشعل: يما ولدي.. اجل وين يروح
بومشعل: مع عذبي
ام مشعل: هههههههههههههههههه هالولد ممتاز والله
بومشعل: هذي تربية ابوه الله يبارك له فيه
ام مشعل: اقول تراني ودي ازوجه
بومشعل: يدي على يدك
ام مشعل: انا ملاحظه انه عينه على عليا
بومشعل: والنعم بها
ام مشعل: اجل خلاص نخطبها له بكره
بومشعل: هههههههههههههههههه بهالسرعه عاد
ام مشعل: ايوا وليه لا.. جعل الافراح ماتنقطع عننا قول امين
بومشعل: امين
****************************
بغرفة عادل ومنال
منال: عادل انت نمت؟
عادل: صاحي ياروحي
منال: اقول العيال نايمين؟
عادل: ايوا ياقلبي.. لسا جاي متطمن عليهم
منال: ماودي انام
عادل: في شي مضايقك؟
منال: بالعكس.. مبسوطه فوق ماتتخيل
عادل: ياقلبي انتي.. عساكي دوم
منال: عادل ودي اقولك شي
عادل: قولي ياعمري
منال: تراني احبك من قبل لا تشوفني
عادل: مافهمت
منال: كنت اشوفك ببيت سما لما اجي ازورها.. وكنت اتعمد اني اجي وقت الي انت تكون موجود
عادل: المجرمه هذيك كانت عارفه!!!!
منال: اكيد اجل كيف اعرف انك موجود عندهم
عادل: يعني عامله على متعززه ومخليتني اركض وراكي.. وحفت اقدامي على جنابك.. وبغت تطلع روحي وقت الي سما قالت ترا ولد خالتها متقدم لها.. طلع كل ذا مسرحيه
منال: ههههههههههههههههههه الا ولد خالتي هذا حقيقه
عادل: لسا جايه تقولي لي.. ليه الان
منال: حسيت اني ابي اقولك اني حبك من جد.. انا ماحبيت احد بحياتي زي ماحبيتك.. احبك اكثر من عيالي
عادل: تعرفي اني بكيت
منال: بعيد الشر عليك.. ليه
عادل: ههههههههههههههههه توقعتك رحتي من يدي.. وقتها هزاع قطع سفرته وجاني ركض.. وراح لاخوانك يخطبك.. تعرفي اني كنت بموت اذا قالو لا
منال: بعيد الشر عن روحك
عادل: احبك
منال: ودي اطلع اتمشى شوي
عادل: من عيوني.. قومي
*************************
في حديقة الورد
هزاع: احبك
طيف: تأخرت كثير خلني امشي.. ما ابي احد يحس علي وانا هنا
هزاع: انتي مفكره روحك مع احد غريب تراكي مع زوجك
طيف: هههههههههههههههههه تصدق ما دريت
هزاع: هههههههههههههه لا تراني اقول لك
طيف: زين الي قلت لي.. تعرف انه المكان يهبل باليل
هزاع: يهبل لانك جالسه بوسطه
طيف تاخذ نفس عميق: الجو وريحة الورد عاملين جو روعه
هزاع: هههههههههههههه انتي الاروع ياطيف
طيف: ماني مصدقه حالي اني زوجتك
هزاع: تبين اخليكي تصدقين
طيف: ياريت
هزاع يسرق بوسه: ها صدقتي؟
طيف بحيا: هزاع عيب
هزاع: ماهو عيب ابي وحده ثانيه بعد
طيف: وبعدين معاك
هزاع: اموووووووووووت في حياك.. ماقلتي لي ايش اخبارك مع مشعل
طيف: مبسوطه مره.. من جد يا هزاع الله عوضني عن ابراهيم وبسام في مشعل.. انا مبسوطه كثير الي امي رضعته
طيف: ههههههههههههههههههههه
سامي: بشويش طيب.. تعالي نجلس هنا ماحد بيحس علينا
نور: هههههههههههه هزاع وطيف بس بيحسو علينا
سامي: هههههههههههههههههههه
طيف: مالك فيكي شي
نور: ابدا احس بتعب في ظهري.. عاد تعرفي محتاجه احد يسندني
هزاع: اقول الله يعينك
سامي: والله ياخوي عاملتني خادم جيب وخد وهات واعمل
طيف: هههههههههههههههههه عسل دامه من اختي
هزاع: اسكتي اسمع صوت
سامي: اقول خلينا نسكر هالنور حتى نعرف مين جاي
هزاع: خليني انا بسكره
نور: هههههههههههههههه والله بترعبو الي جاي
طيف: اسكتي خلينا نضحك
سامي: بهالساعه عاد.. الضحك يجنن
هزاع: النور وسكرناه خلونا نشوف من جاي
مشعل: مالك بس.. العيال ونامو.. وحنا بحديقة الورد والجو ويهبل.. تعالي بس
سماح: والعيال يامشعل.. ماحد معاهم حبيبي
سامي: اقول مارتا صاحيه دقي عليها تجلس معاهم
سماح: بسم الله الرحمن الرحيم.. انتو هنا
هزاع: هههههههههههههههههههه لا هناك
طيف: قلنا بنخوفكم.. لقيناكم خايفين جاهزين
مشعل: اجتماع تالي الليل ايش عندكم
سامي: والله محنا متفقين.. كل واحد فينا تفاجأ بالثاني
نور: ما اصدق هذا صوت يحيى
هزاع: ههههههههههههههههه اسكتو طيب خلونا نضحك عليهم
سماح: سماااااااااااا ترانا هنا لا تخافي
طيف: يما منك ليتنا ماقلنا قدامك
سما: مالكم مجتمعين في شي
سماح: ابد ياروحي.. اجتماع من غير اتفاق
يحيى: لا وجالسين ومسكرين النور.. ومجهزين روحهم يرعبونا
سما: عاد شفت اختي نبهتنا قبل اخوك
مشعل: ههههههههههههههه لا توقعي بيني وبين اخوي.. هذا اخوكي جالس ومانبهك.. قال بيستمتع برعبك
سامي: جاي علي الان اقول اسكت الا انا وسما مانوقع مع بعض
يحيى: الله لا يفرقكم
هزاع: ولايفرقنا
سماح: هذا صوت خالد
نور: ههههههههههههههههه من جد والله معاه جمايل
هزاع: اسكتو طيب
سامي: ماجو هنا راحو عند الجسر
طيف: خساره قلت قلبهم بيدلهم على هنا
مشعل: هذا هم غيرو رايهم
جمايل: ماقلت لك انا سامعه صوت
خالد: والله ماصدقتك
سامي: هههههههههههه تعال تعال
خالد: جالسين هنا ومسكرين النور ليه
هزاع: قلنا بنرعب قلبك
طيف: تصدقو عاد محنا متفقين نجتمع
خالد: القلوب تنادي بعضها
هزاع: زمان عادل نايم
سامي: دق عليه اذا ودك يجي
هزاع: لا خله نايم.. هو طول اليوم مع العيال
مشعل: الله يبارك بهم
هزاع: ان شا الله
يحيى: ونشيل عيالك يارب
هزاع: يارب
عادل: اقول وجعلني اربيهم وادير بالي عليهم قولو امين
سامي: ههههههههههههههههههههههههه
هزاع: يا حبيبي والله.. قلت هالجمعه الحلو انت الوحيد الي فاقدك فيها
منال: جعلك ماتفقد غالي
عادل: ها مجتعين صدفه ولا وراكم شي
سما: لا والله صدفه ياخوي
مشعل: لا ومسكرين النور حتى نرعب الي جاي بعد
بوعذبي: اقول ما حد ارتعب غيري
يحيى: هههههههههههههههههههه اقلقناك
بوعذبي: تبي الصراحه ايوا
يحيى: ايش يخوفك يارجال
بوعذبي: ايش تتوقع متطمن عليكم انه كل واحد فيكم دخل غرفته.. والمفروض نايمين.. الان اسمع اصوات.. خفت
مشعل: بعيد الشر عليك يالغالي تعال اجلس
بوعذبي: افتحو النور طيب
هزاع: لا خليها كذا.. الجو مره حلوه
طيف: تعال يبا اجلس معنا شوي
بوعذبي: وساره اجل وين؟
سما: تلاقيها نايمه
بوعذبي: لا ماهي نايمه.. دقي على اختك يبا خليها تجي تجلس معاكم تراها ضايقه لحالها
طيف: حاضر يبا
بوعذبي: وسالم وين؟
سامي: المعرس تلاقيه نايم
بوعذبي: ههههههههههههههههههه نايم؟؟ لا ماهو نايم
جمايل: هههههههههههههه لا ماهو نايم
سما: اكيد زي حالنا
سالم: وانتي غيرانه يعني
يحيى: وين كنتو
سالم: وانت مالك يا اخي.. خليك بحالك
سما: فهودي وين اجل
فهد: لسا بدري تسألي عن فهودي.. فهودي بقا له دقيقتين ويهج من الدنيا
هزاع: هههههههههههههههههه
مشعل: هههههههههههههه الله يعينك ياخوي
بوعذبي: عيالك مع مين يبا
مشعل: دقينا على الخادمه لا تقلق
بوعذبي: انتي بخير يبا مبسوطه
سماح: الحمدلله.. بخير
نور: فهد الله يخليك ساره جايه مع طيف الله يخليك لا تقلب وجهك
فهد بضيق: الا بمشي
سماح: وين ياخوي اجلس
سما: تعال جنبي واصبر كلها كم يوم وهذا كله ينتهي
سالم بهمس: اياكي تعملي كذا معاي.. شفتي فهد ماهو قادر يعيش بلا ساره.. انا اكثر منه
هلا بهمس: احبك
سالم بهمس: يابختي
عادل بهمس: مبسوطه
منال بهمس: فوق ما تتخيل
عادل: الله يقدرني واجعلك مبسوطه على طول
منال بهمس: خلك جنبي وتشوفني مبسوطه على طول
مشعل بهمس: تحبيني
سماح بهمس: لسا تسأل
مشعل بهمس: طبعا كل ما اشوفك بسأل
سماح بهمس: وانا كل مره بجلس اقولك
مشعل بهمس: ايوه.. وتقولي ايش
سماح بهمس: احبك
سامي بهمس: مرتاحه كذا؟
نور بهمس: دامك جنبي مرتاحه
سامي بهمس: ماتبين اجيب لك شي
نور بهمس: لا ياقلبي ربي لا يحرمني منك
هزاع بهمس: عارفه ايش ودي
طيف بهمس: ايش ياقلبي
هزاع بهمس: اسرق بوسه زي هذيك
طيف بهمس: ههههههههههههه وبعدين معاك
هزاع بهمس: اموت على حياك
خالد بهمس: هههههههههههههههه وليه مارضيتي.. ياليتها تعملها وتزوجنا بكره
جمايل بهمس: لا طبعا.. ابي اعيش كذا انا حاسه اني طايره من السعاده
خالد بهمس: مبسوطه معاي من جد
جمايل بهمس: جد الجد.. ربي عوضني فيك الخير
فهد بهمس: لا تزعلي مني ماتعودت ابعد عنك كذا
ساره بهمس: ماني زعلانه منك.. بس الضيق ماليني اعذرني
فهد بهمس: عاذرك ياقلبي.. ولا يهمك بكره اعوضك كل ذا
ساره بهمس: ربي لا يحرمني منك
فهد بهمس: ولا منك
يحيى بهمس: مالك تناظريهم كذا.. كلميني زي مايكلمو بعضهم
سما بهمس: تعرف اني مبسوطه لهم صح
يحيى بهمس: عارف الشي زين
سما بهمس: الله لا يفرقنا
يحيى بهمس: امين
سما بهمس: يحيى
يحيى بهمس: قولي يا نبض قلبي
سما بهمس: الله.. تعرف اني احب الكلمه هذي كثير
يحيى بهمس: اعرف.. وقلتها متعمد حتى تفرحي اكثر
سما بهمس: بس الي ماتعرفه انك انت نبض قلبي
يحيى بهمس: لا عارف هالشي بعد
سما بهمس: منت عارف
يحيى بهمس: لا عارف
سما بهمس: يحيى منت عارف
يحيى بهمس: اقولك عارف
سما بهمس: يحيى اتحداك
يحيى بحده: يووووووووووووووووووووه يابنت لا تتحدي
مشعل: المفروض انك تعرفي اني اقدر يا سماح فلا تتحدي
سما: هههههههههههههههههههه
سماح: ههههههههههههههههههههههه
يحيى: حتى انت
مشعل: توائم ايش نقدر نعمل
ام حسام: قاعدين هنا يالمجرمات
جمايل: هههههههههههههههههههه قلت اهرب منك قبل لا تذبحيني
ام حسام: خلاص النومه وطارت.. ما قصرتي يا جولييت
خالد: ههههههههههههههههههه
بومشعل: لا تضحك على خالتك يا روميو.. الا ابوك وين يا يحيى
يحيى: كل ذا الازعاج وما طلع اكيد انه نايم
بومشعل: بروح اشوفه
ام مشعل: وتاركينا بالغرفه.. كنتو تقولو انكم جالسين هنا بهالجو الحلو
لينا: ابي اجلس جنب حبيبي
مشعل: تعالي ياروح حبيبك
سماح: تعالي ياقلبي بروح اتطمن على العيال
مشعل يمسكها: العيال بخير اجلسي وانبسطي
سماح: حاضر ياقلبي
محمد: اذا هو قلبك انا ايش اطلع
سما: ههههههههههههههههههه انت قلبي انا
فيصل: وانا؟
سامي: انت قلبي انا
سماح: وقلبي انا تعال ابيك تجلس جنبي هنا
فيصل: اعذرني سامي.. الجلسه جنب سماح احلى بكثييييييييييييييييييير
سالم: تراني اشوفك تلمح هذا كله عشان لينا جالسه جنب مشعل
خالد: هههههههههههههههه اقول تراني خاطبها لك
سامي: ههههههههههههههههههه والله اذا بتخليك تنطق وتتكلم تراني من الان خاطبها
بويحيى: متجمعين على الخير
بومشعل: الخير بوجودك ياخوي
يحيى: حياك يبا
******************************
بعد سنه كامله
سنه كامله مرت علي وانا معاهم.. اجمل ايام حياتي قضيتها مع اخواني واختي الي عشقتها من كل قلبي.. وانا الي كنت مفكره اني اخذ عيالي واهرب بعيد عن الكل واولهم مشعل.. مشعل الي كرهته من كل قلبي.. اليوم هو كل شي بحياتي هو حبي وعشقي الي كنت ادور عليه..اماني الي جنبي وما كنت حاسه فيه.. سما ويحيى اجلسو مع الكل وقالو لنا على الحقيقه كامله عن كل شي صار.. وليه صار لي ولمشعل كذا.. يحيى المسكين كان خايف من ردة فعلنا على ابوه.. بس انا ماصار بقلبي شي ابد لقيت انه الي الله عوضني به كفيل انه ينسيني وجع القلب الي كنت فيه..نسيت ناصر الي يقولو انه عمي ماحبيت اسأل عنه وعن الي جرا له اكيتفيت ان الله افضحه في بنته.. وهو ابد ما همني.. فرحتي بعيالي وهم يكبرو قدام عيوني كبيره هم الي مهمين عندي حياتهم وراحتهم مهمه عندي اكثر من روحي.. الحمدلله الي الله حفظهم لي.. لما رجعنا للبيت تفاجأت بالفخامه والمستوى الراقي الي اخواني عايشين فيه.. معقوله انا بعيش هنا.. كانت تمر علي الليالي وانا جايعه خايفه.. كنت البس الخرق الرثه من الثياب.. ماكنت مصدقه انه ابوي عمل كل ذا عشاني.. ولا كنت مستوعبه الثروه الي تركها عشاني.. الرقم مايتصدق.. معقوله هذا جزاي ياربي.. كل هذا الخير!!.
صار لي جناح لحالي في البيت آمر وانهي واتدلع واتشرط.. حياتي انقلبت غير.. ماهو عشان الفلوس الي صرت املكها.. عشان عايشه بين ناس مافي منهم.. سما مره قالت لي انها تتنازل عن اموال الدنيا كلها ولا انها تفرط في واحد من اخواننا.. صدقت بعزتهم انا عزيزه وبقوتهم انا قويه.. مشعل تغير كثير.. مثل ماقال جابر مات خلاص.. صار انسان ثاني.. لاول مره اعرف معاه الحب اول مره في حياتي اذوق الحب واسكن داخله.. هزاع الي حسبته روحي.. صارت غلاته من غلاة اخواني بس.. صرت اشوف عصبيته وحدته واضحك على روحي.. طيف فعلا الانسانه الي تناسبه اكثر.. تقدر تمتص غضبه بسهوله.. تقدر تبدل حاله بسرعه.. عشقها من قلبه.. وعشقها اكثر بعد ماجابت له محمد.. سامي ربي عطاه البنت الي تمناها.. صارت هي دلوعة البيت لانها بنت سامي حبيب القلب.. حبيب قلبي انا.. او اقدر اسميه ابوي الي مالحقت اعيش معه.. فهودي بعد ما ولدت ساره وورته الويل صار مايفكر يجيب عيال ابد بعد ولده الي سماه يحيى.. سارة صارت مجنونه اكثر من الاول بالعيال.. فرحانه كثير بيحيى الصغير.. ماترضى عليه ابد تتخانق مع حالها اذا احد غلط على ولدها.. سالم بعد جاب حسام.. هلا ياقلبي عليها راقيه بكل شي بتصرفاتها وبحبها وتربيتها لولدها.. خالد وجمايل لساتهم يقولو عن حالهم عرسان جداد حتى بعد السنه.. خليهم ينبسطو لاحقين على العيال ومسؤليتهم.. عادل ومنال زي ماهم حياتهم بعيالهم وروحهم متعلقه بالكل.. تعرفت على خالتي ام عدنان حرمه طيبه كثير وحنونه كثير.. سما تقول انها تشبه امي بشكلها.. رحنا معاها وخطبنا عبير لولدها.. تعرفت على عمتي مريم الي اصرت سما انها تعيش معانا ياقلبي عليها وعلى طيبتها وحبها للعيال ياربي تخليها لي من اول ما شافتني وهي مخليتني بقلبها تقول انه ابوي ياما بكا عندها على فراقي.. وتعرفت على عمتي ام خالد الي انكسرت من عرفت حقيقة اخوها ناصر.. صحيح انها جافه قاسيه بس ماهمتني ابد.. الي هموني بناتها كانو طيبات معاي كثير وبنات خالتي بعد كانو اكثر طيبه من الكل معاي.. خالتي ام حسام ياحبي لها والله.. عيونها دايم على حسام الصغير.. ودايم تتخانق مع ساره على العيال وهذي تقول ولدي احلى وهذي ترد عليها ولدي احلى.. والضحك ماينتهي بينهم.. جعل الضحك ماينتهي ببنا ياربي.. خالتي وعمي السعاده ماتفارقهم.. دايخين ورا عيالنا ما يفرقو بين احد منهم حتى عيال عادل وهزاع.. ياحبي لهم عوضوني كثير كثير.. كنت فاقده امي الي حرمت روحها من الحياه عشاني راحت وانا سبب حزنها وكربها.. شوقي لها كبير وشوقي لابوي اكبر.. اه يانبض قلبي تمنيت اشوفهم تمنيت القاهم واجلس معاهم.. حلمت بحضنهم.. ياربي ترحمهم ياربي ترحمهم.
سما: مالك جالسه كذا
سماح: ابد ياروحي.. مستمتعه بالورد
سما: ايواااااااااا الورد الي زرعه حبيب القلب مشعل
سماح: ههههههههههههههه ودي اشكرك
سما: على ايش؟
سماح: نبهتيني لمشعل.. من غيرالله وغيرك كنت هدمت الحياه الحلوه الي انا فيها كنت ضيعتها بغبائي
سما: الحمدلله.. هذا رضى من الله
سماح: الحمدلله.. ودي اقول لك شي
سما: خير
سماح: انا حاسه بشي
سما: بشي!! مثل ايش
سماح: تراني حاسه باعراض حمل
سما بفرح: والله من جد الف مبروك
سماح: انا حللت بس ماطلعت حامل
سما: مافهمت!!!
سماح: اكيد انتي
سما: !!!!!!!!!!!!!!!
سماح: ماهو ببعيد عن الله يا سما.. بعد العلاج الي تابعتيه.. اكيد الله استجاب دعائك.. حللي الان باذن الله انتي حامل
لو تعرفو سعاتي.. فرحي.. سما اخيرا حامل.. تعبت صحيح بس الحمدلله ربي استجاب دعائها ودعائنا.. كلنا بخير وكلنا مبسوطين ياربي لا تفرقنا.. وتجعلنا قلب واحد.. انا عارفه تماما انه الدنيا فيها الابيض والاسود.. وفيها الخير والشر.. وفيها من كل الوان البشر.. اكيد بنتعرض لضغوط ثانيه واكيد بنشوف ايام سوده من جديد.. اكيد بنعيش الحزن.. بس اكيد اننا بنفرح في الاخير.. مستحيل الله يكتب علينا الحزن على طول.. الله رحيم بعباده ومالنا غيره نحبه ويحبنا.. سما دائما تقولي عن هالشي خلوني اقول لكم عليه.. الدنيا هي زي ايش.. هي زي الورقه البيضا.. تخيلوها معاي.. ورقه بيضا هذي هي السعاده بحياتنا.. تخيلوها صارت سوده السواد هذا هو حزننا فيها.. مستحيل تظل على طول هذي الورقه سوده.. هي جالسه تصغر والسواد او الحزن الي جواها بعد يصغر.. لحد ما تصير نقطه سوده في صفحه بيضا.. وتروح.. واكيد بترجع وبيجي يوم وتروح.. هذي حياتنا.. واكيد اننا اقوي لاننا عايشين فيها واكيد اننا بنجتازها بفضل من الله ورضى منه.
اه يا نبض قلبي.. اخيرا مرتاح.. وحتى لو جا يوم وتعبت بتلاقي جنبك الي يحبك ويخاف عليك.. سعادتي لا توصف.. وفرحتي ما حد يقدر يتخيلها.. اخواني كلهم جنبي.. والاهم مشعل اماني الي الله اكرمني به.. الله يرحمك يبا.. الله يرحمك يما.. تمنيتكم جنبي تنبسطو زيي.. الله يرحمكم فاقده وجودكم.. بس الحمدلله.. كذا الله اراد.
|
30-01-09, 01:36 AM
جديد مواضيع قسم الارشيف
العرض العادي
