كاتب الموضوع :
Emomsa
المنتدى :
الارشيف
الجزء الثامن والعشرين
في اليوم التالي
في ملحق الرجال
بومشعل: بشرني ياخوي
عبدالكريم: ياخوي البنت كويسه .. والي معاها ذا شي طبيعي هذي مخدرات وانا اخوك
بومشعل: الله كريم
هزاع: يحيى وين؟
بومشعل: ما شفته.. دق عليه
هزاع: ها لا .. يامحمد
محمد: نعم
هزاع: قول لام حسام ابي اتكلم معاها
محمد: حاضر
هزاع: خليها تجي بحديقة الورد
محمد: حاضر
سامي: فيك شي
هزاع بهمس: اشيا ياخوي.. اشيا
سامي: انت بخير
هزاع: خليها على الله
سامي: تعال ابي اتكلم معاك
هزاع: لا.. ماهو الان.. خليها لبعدين.. ابي اقعد مع امي الاول
سامي: متعلق فيها لهالدرجه ياهزاع؟
هزاع: واكثر من كذا.. هي الوحيده الي بتطلعني من الي انا فيه
سامي: تفكر في سماح؟ شافك مشغول بها من اول ما جات
هزاع: لا تسألني ما عندي اجابه على سؤالك ذا
سامي باهتمام: يعني سماح هي الي قالبه حالك.. عموما انا موجود متى ما حبيت تتكلم.. ماني غبي او رجعي ياهزاع.. انت اخوي بعد.. لا تمنع روحك اذا ودك تتكلم معاي.. انا هنا
هزاع: والنعم فيك
محمد: هزاع.. ام حسام جات معاي.. تنتظرك بحديقة الورد
هزاع: سامي
سامي: خير ياخوي
هزاع بهمس: احتمال اني اطلع من هنا اسافر.. امي وهلا برقبتك
سامي بحده: هزاع انت ليه في الفتره الاخيره قراراتك متسرعه.. والله ياخوي ماني ناقص تطلع من هنا ويجرا عليك شي.. انت.........
هزاع: انت ما ترضى خراب بيت اختك على يدي.. مشعل بيكون هنا وهي مارجعت الا عشاني.. ليه ماتبي تفهم
سامي: انت !!
هزاع: ايوا انا.. سماح تقصدني انا.. فهمت الان
سامي: كل ما اقول انه خلاص مشاكلنا قاعده تنحل الاقيها تزيد وتكبر
هزاع: هذا انا قلت لك شور علي
سامي: ما ادري.. بس طلعه من هنا لا.. انت سامع
هزاع: اجل فكر في حل يريحني ومايتعب اختك.. انا رايح اشوف امي
بومشعل: ياسامي
سامي: نعم عمي
بومشعل: هزاع وين راح
سامي: يقول صارله يومين ما قعد مع ام حسام.. راح يتطمن عليها
عبدالكريم: مين ام حسام هذي
بومشعل: وانت مالك حاشر نفسك في شي مالك فيه
عبدالكريم: حطني في الصوره يا اخي
بومشعل: الصوره مليانه ما تستحمل وجودك
فهد: هههههههههههههههههههه مافي مساحه لك يادكتور
عبدالكريم: ههههههههههههههههه الا قول من تخنه اخذ كل المساحه وما ترك لي مجال
بومشعل: انا تخين !!.. اقول بتسكت لاقوم اتضارب معاك قدام العيال
عبدالكري: وانت بسرعه تعصب كذا.. الواحد مايمزح معاك ابد
بومشعل: سامي لا تنسى البنات.. ابيك تكلمهم الان
سامي: حاضر .. مانسيتهم.. فهد
فهد: خير ياخوي
سامي: تعال ابيك
فهد: وين نروح.. الحريم برا
سامي: دق على ساره.. خليها تجي مع نور عند الجسر
فهد: حاضر
**********************************
في الصاله
طيف: ما قالك شي عنهم
جمايل: تبين الصراحه ماسألت
طيف: وجاكي قلب تاكلي وتنبسطي وانتي ماتعرفي عنهم شي
جمايل بحده: بلا مثاليات ياطيف.. اسأل عنهم واقلق عليهم بعد.؟
طيف: وليه لا.. هذول اخوانك
جمايل: اخوي يحيى وبس
طيف: حرام عليكي
جمايل بحده: لا تحرمي وتحللي على كيفك.. اذا كانت لك قدره انك تسامحيهم على الي عملوه فينا.. انا ماعندي
هلا: صلي على النبي ياجمايل هبيتي بالبنت
جمايل بعصبيه: انتي ماتسمعيها ايش تقول
ام مشعل: يايما هي ماقالت شي.. وبعدين لو ايش تعملي هذول اخوانك
جمايل: لا يما.. قلبي مابيصفا عليهم
ام مشعل: تعوذي من بليس بس
جمايل: انتو الي سمعتوه مننا غير عن الي كنا عايشين فيه.. الجحيم الي عيشونا فيه ما يتنسى.. اذا هي بتنسى انا لا
منال: جمايل حبيبتي.. اهدي اختك ماهي بوضع حلو حتى تعصبي عليها
طيف: انا كل الي ابي اعرفه مافي اخبار عنهم بس
جمايل بحده مبالغ فيها: خلاص اذا جاكي يحيى اسأليه.. واذا تحبيني لا تفتحي موضوعهم قدامي ابد
يحيى بعصبيه: جماااااااااااااااااااااايل
ام مشعل: ماصار شي يما خواتك يمزحو مع بعض
يحيى: وين يمزجو يما.. تعالي هناااااااااااا
جمايل: يحيى اناااااا
يحيى يجرها من ايدها: ولا كلمه من متى ترفعي صوتك على اختك هااا
طيف: وغلاتي عندك سيبها
جمايل: قهرني سؤالها عن اخوانها.. تسأل عنهم وقلقه عليهم بعد
يحيى مستغرب: تسألي عليهم يا طيف!!
جمايل: شفت حتى انت انقهرت.. اسلوبها ينرفزني.. شوف ايش عاملين فيها وتقولك قلقه عليهم
طيف: هذول اخواني.. واخوانكم انتو بعد.. ولا تنسون ابونا
يحيى: طيف ممكن تأجلي النقاش بموضوع اخوانك
طيف: ياخوي ابي اتطمن عليهم بس.. ما طلبت مستحيل
يحيى: حاضر حبيبتي.. حاضر
جمايل: انا بعد عندي طلب
يحيى: ماراح انفذ طلبك حتى تعتذري من اختك
جمايل: ماراح اعتذر.. ووقت الي بتجيب اخبار عن اخوانك وابوك لا تقولها قدامي.. واذا حصل يوم وجاو ندمانين على الي عملوه فينا.. انسى اني اسامحهم.. او اقبل وجودهم بحياتي.. انا طالعه فوق
يحيى بحده: وقفي مكانك
سما: يحيى.. روح انت انا بتكلم معاها
يحيى: شوفي انا ماراح اغصبك واقولك تقبليهم او تقبلي وجودهم.. لانهم هم اساسا مايهموني .. مثل ما راح انفذ لك الي تبينه.. يا ليت انتي بعد تنفذي الي اختك تبيه.. ما في احد بيجبر الثاني على شي مايبه.. بس كل واحد بيحترم رغبة الثاني في الي يبيه.. كلامي واضح؟
جمايل: واضح
يحيى: اعتذري من اختك
جمايل: انا اسفه.. اعذريني ماني طايقه سيرتهم
يحيى: هالكلام موجه لك انتي بعد ياطيف.. اذا كانت لك قدره انك تنسى الي عملوه فغيرك لا.. مثل ماقلت الي تبينه بتعرفيه
طيف: حاضر الي تامر عليه
يحيى: انا عند الرجال تبون شي
ام مشعل: سلامتك يما
يحيى: وانتي يالغلا عندي لك مفاجأه بس خايف عليكي منها
ام مشعل: عارفتها يما.. بس انتظرك تجي وتقول
يحيى: يما انتي ساحره؟!!
ام مشعل: لا.. انا ام
**************************
عند الجسر
سامي: هذا الي صار
ساره: والي دفناه من؟
سامي: هذاك جابر الحقيقي.. ذبحته العصابه الي يحيى كان معاهم حتى ينتقمو من خليل
ساره: وبعدين
سامي: خليل انتهزها فرصه.. شوه الجثه ولبسها ملابس مشعل ورماه جنب البيت
نور: يعني امي معاها حق انه مشعل عايش؟
ساره: والعيال هذول عيال مشعل؟
نور: مريم وراشد عيال مشعل؟ !!!!!!!!!!!!!!!
سامي: ايوا
نور: ومشعل الان مات من جد .. يعني مالحقنا نشوفه
فهد: بعيد الشر مين قال مات.. نقول لك بكره بيجي
نور: سما ماقالت انه خليل قتل جابر؟
سامي: اطلق عليه الرصاص بس ما قتله
ساره: الحمدلله.. الحمدلله
نور: وسماح؟
ساره: هذي ماهي طايقه اسمه.. اجل كيف لو اعرفت انه بيجي هنا
سامي: سما قالت لها
ساره: يعني بنشوف اخونا.. ونلمسه
نور: بنقعد معاه.. ونشوفه بعيوننا
ساره: امي درت؟
سامي: والله انه الخوف كان عليها لا يجرا لها شي.. بس تفاجأنا بها حاسه بكل شي
نور: حبيبة قلبي يا يما
ساره: وهالعيال عيال اخونا؟
نور: طيب امي كيف اعرفت انهم عياله.. هذي من شافت راشد انطقت
ساره: مع انه راشد يشبه سماح.. مايشبه مشعل ابد
سامي: اجابة هالسؤال ماهي عندي
ساره: طيب هو عرفنا؟ يذكرنا؟
فهد: مايذكر احد بالمره
نور: يعني كيف
سامي: ماندري.. يحيى لما جلس معاه وقال له ماكان مصدق.. يحيى يقول ظل ساكت ولا تكلم
نور: يعني هو قال له عن كل شي
سامي: ماهو كل شي طبعا.. قال له عن عمي وعمتي وعنكم ماهو اكثر من كذا
ساره: يعني بنتعامل مع واحد شبه فاقد ذاكره
فهد: جبتيها والله.. تعاملك معاه لازم يكون من جديد في كل شي
سامي: انا عارف انه هالشي صعب عليكم.. بس المهم انه عايش وموجود
نور: صحيح.. انا عارفه انه امي بتجبره يذكر كل شي.. اذا كانت حاسه فيه من البدايه .. اكيد انها بتعرف تتصرف معاه
*************************
في حديقة الورد
ام حسام: انسى الي تقوله.. طلعه من هنا بدوني انسى
هزاع: يما هنا أأمن لك
ام حسام: اعيش بمكان آمن وانت ماهو فيه.. اقولك انسى
هزاع: يما لا تصعبينها ماعندي حل غير الي قلت لك عليه
ام حسام: وهو انا منعتك.. تبي تطلع اطلع.. بس رجلي على رجلك
هزاع: يما وغلاتي عندك ماهو وقت عنادك
ام حسام بحده: لا يعني لا.. والله ياهزاع ان طلعت عن شوري.. لايكون آخر يوم اكلمك فيه
هزاع: يما ايش تقولي
ام حسام بحده: هذا الي عندي.. انا دلعتك كثير.. وانت مشيت الي براسك كثير.. الان جا دوري..
هزاع: يعني يرضيكي البنت تضل رافضه زوجها.. انا قدامها على طول يما
ام حسام: تقدر تصدها.. تقدر تبين لها انك اخوها وبس.. يا يما خلك بعيد عنها.. اقول لك تجاهلها
هزاع: ماشفتي ايش جرا عليها لما ماعرفتها.. وجاها انهيار اجل اذا تجاهلتها ايش بيجرا عليها.. شوفي كيف تكون حزينه اذا شافتني وانا ما اعطيها وجه زي الناس.. والله منظرها يقطع قلبي
ام حسام: خلاص اعمل الي تشوفه في صالحك يما
هزاع: والله مافي منك طمنتي بالي والله
ام حسام: اقول اعمل الي يريحك .. وخلي ببالك انه رجلي على رجلك
هزاع: الصبر يارب.. طيب تروحي معاي وهلا تتركيها لحالها
ام حسام: ماهي لحالها يما.. بتركها عند ناس بيخافو عليها اكثر مايخافو على حالهم
هزاع: روحه معاي لا
ام حسام بحده: اجل انسى انك تكلمني بيوم.. انسى اني اسامحك اذا طلعت من هنا بدوني انت سامع
هزاع: تعالي طيب وين تروحي
ام حسام بحده: ابتعد عني.. ماني جاهل عندك تلعب بعقلي بكلمتين.. تراني فاهمتك زين
هزاع: والله منتي فاهمه
ام حسام بحده: ماهو ضروري
هزاع: وقفي طيب والله مايهون علي زعلك.. والله انه ضاقت على الدنيا ماني عارف ايش اعمل او من اراضي
ام حسام بحده: والله ثم والله ما ارد عن حلفي اذا عملت الي براسك سامع ياهزاع
يحيى: حيلك حيلك .. مالك هابه فيه كذا.. صراخك واصل لنهاية المزرعه
ام حسام بحده: بيذبحني يما بيذبحني
يحيى: يما قصري حسك.. فيه رجال غريب هنا
ام حسام بحده: وانا بعمل حساب للرجال الغريب الي هنا ولا للرجال الي يبي يطلع من هنا ويذبح حاله وبيذبح قلبي عليه
يحيى: اهدي طيب.. والله ماني ناقص يجرا عليكي شي
ام حسام بحده: اسمع يا يحيى.. انا حلفت ومحد راح يرد حلفي لو ايش تعملو
يحيى: محد بيرد حلفك.. بس قولي لي ايش حصل
ام حسام: يقول يبي يطلع من هنا
يحيى: ههههههههههههههه اجل بردي قلبك.. مايقدر
ام حسام: من جد يما؟
يحيى: من جد يما
ام حسام: بس هذا مفكر ان............
يحيى: خليه يفكر زي مايحب.. هي جات على التفكير؟ .. يلا يوريني كيف ينفذ
هزاع: يايحيى.. الموضوع ماهو محتاج لضحكك .. الراي الصح يقول...............
يحيى: الراي الصح يقول.. انك تكرمني بسكوتك.. وترحم حال هالمسكينه من البكا عليك
هزاع: بس ياخوي انتو.................
يحيى: اقول يما
ام حسام: قول يما اسمعك
هزاع: انا اتكلم!!
ام حسام: سيبك منه يقول الي يبيه
يحيى: ههههههههههههههههه اقول تراكي تذكريني بسما
ام حسام: وليه انا ماقلت لك اننا نتشابه
يحيى: لا ماقلتي
ام حسام: اجل تعال اقولك
يحيى: يلا تعالي
هزاع: هههههههههههه هذول من جد طنشوني
*******************************
في المطبخ
خالد: ايوا .. ايوا .. انا قايل له يشتري الارض.. اسمع ابي منك تروح لشركة هزاع بتلاقي واحد اسمه فواز هناك.. قوله خالد يقولك اشتري.. انا بدق عليه الان وبعطيه خبر.. اول ماتقوله اشتري هو من نفسه بيعطيك اوراق.. توقع عليها كلها.. غسان.. الله يخليك لاتتأخر تروح الان.. وطمني ياخوي .. مع السلامه
هلا: طيب تعالي هنا وابكي براحتك
جمايل بحده: تفهمي يعني ايش سيبيني لحالي
هلا: لا تزعقي وتفضحينا.. محنا قاصرين يجي مره ثانيه ويبهدلك
خالد: مين ذا الي يبهدلها!!!!!!!!!!!!
هلا: خالد!!!!
خالد: تكلمي.. مالها تبكي كذا .. مين ذا الي يبهدلها
هلا: مافي شي انت بعد لا تعملها حكايه
خالد: جمايل ليه تبكين ردي علي.. لاتعصبيني
جمايل: مافي شي
خالد: مين ذا الي بهدلك
جمايل: سوء تفاهم بيني وبين يحيى
خالد: اكيد؟
جمايل: ...................
خالد بحده: هلا اكيد
هلا: اكيد والله اكيد قصر حسك لا تفضحنا خالد الله يخليك روح الان
خالد: نادي سما ابيها
هلا: طيب اطلع برا.. وانا اروح اناديها
خالد بحده: هلا لاتجننيني روحي نادي سما الان
جمايل: خذيني معاكي
خالد: استني هنا
جمايل بحده: لا طبعا.. انت فاكرني من الشارع الي بوقف اتكلم معاك
خالد: حبيبتي انا ماهو قص.....................
جمايل بحده: اخرس.. قلة الحيا ذي ماهي معاي انت سامع.. اطلع برا.. برااااااااااااااااا
خالد: تمدي يدك علي !!!!!!!!!
**************************
في ملحق الرجال
خالد بحده: يحيى بغيتك شوي
يحيى: خير مال وجهك مقلوب
سامي: ايش في ياخالد
خالد بعصبيه: مافي شي ابي اكلم الرجال فيها شي هذي
يحيى: طيب طيب.. هذا انا جيت
هزاع: الحريم فيهم شي؟
بومشعل: اختك فيها شي؟
خالد بحده: لا الاه الا الله .. محد جرا له شي كلهم بخير.. ابي اكلم الرجال وبس
هزاع: ههههههههههههههههههه ياقلبيييييييييييييييييييييييييي
سامي: هههههههههههههههههههه
خالد بحده: شوفوه عاد والله ماني ناقص.. لا تنرفزوني تراني واصل حدي .. اكثر من كذا بتخانق مع الكل
يحيى يجره لبرا: تعال طيب تعال
عبدالكريم: ايش الموضوع
هزاع: هههههههههههه عاشق الاخ.. ومايبي يعترف
عبدالكريم: ههههههههههههه والان جلست الاعتراف
بومشعل: ههههههههههههه الله يكتب الي فيه الخير
عبدالكريم: اقول هزاع
هزاع: سم
عبدالكريم: مين الحرمه الي بهدلتك من شوي
هزاع: ههههههههههههههه انفضحت على كذا
عبدالكريم: انا كنت انتظر انها تمد يدها عليك
هزاع: هههههههههههه ول تمد يدها علي عاد.. لا ما تسويها
عبدالكريم: من جد مين هذي
هزاع: هذي مربيتني
عبدالكريم: ماهي امك؟
هزاع: امي متوفيه من زمان.. هذي مربيتني.. وغلاتها من غلاة الوالده الله يرحمها
عبدالكريم: تصدق من صراخها الي باين انه خوف عليك انا قلت امك
بومشعل: هالحرمه روحها فيه بس مين يقدر
هزاع: هاااااااااااااااا انقلبتو علي الان!!
عبدالكريم: عيال اليوم مافيهم خير
هزاع: ايش الي مافيهم خير.. دكتور لا تقول عني كذا
عبدالكريم: وليه معصب انت الان.. لو فيك خير ماكنت تخليها تتنرفز منك كذا.. الحرمه زين روحها ما طلعت.. والله كنت مجهز حالي لها
بومشعل: ههههههههههههه ايواااااااااا قول كذااااااااااااا
سامي: ههههههههههه وجالس تعصب بالرجال وتنرفزه قول انك معجب بها
عبدالكريم: جا دوري الان تنقلبو علي.. طيب انا اوريكم
هزاع: اقول تراها اصغر منك بكثير يعني انت قدامها بحسبة جدها
بومشعل: هههههههههههههههههههه
فيصل: سامي الحقني
سامي بخوف: مالك
فيصل: سماح صحت.. وجالسه تبكي
****************************
عند الجسر
يحيى: انا ماني فاهم منك ولا شي
خالد: اسمع انا ماقاعد الف وادور عليك انت لازم تفهم هالشي زين
يحيى: ياربي الصبر.. افهم ايش
خالد: المهم انك تكون شايف هالشي زين.. وبعدين انت تعرفني زين
يحيى: ايوا ايوا
خالد: ها ايش قلت
يحيى: في ايش؟
خالد: المشكله اني ماقلت لسما لسا.. انا ماني عارف ابتدي منين.. كل المشاكل الي حنا فيها والي انا ابيه شي ثاني
يحيى: طيب اعرب الجمله
خالد: ها !!!!!!!
يحيى: ههههههههههههههه والله العضيم تكلمني بالالغاز.. ولحد الان ماقلت الي تبيه
خالد: خلاص انسى الموضوع
يحيى: انسى ايش
خالد: الوضع الي انا فيه ما يعطيني الحق في طلبي
يحيى: وهو انت طلبت؟!!.. من جلسنا وانت جمله عدله مثل الناس ماقلت
خالد: اعذرني.. انا تسرعت بجيتي لك.. المفروض اني اصبر شوي
يحيى: تصبر على ايش
خالد: ااااااااااااه ولاشي ولاشي .. سامحني ياخوي.. انا ماشي
سما: ماشي وين
خالد: ماشي ابي اكون لحالي
سما: مالك
خالد: ولا شي
سما: ليه الضيق ماليك
خالد بحده: يووووووووووه ياسما قلت ولاشي.. مالكم اليوم علي تراكم ضيقتو صدري
سما: ماقلت لك شي.. هبيت فيني ياخوي
خالد: انا اسف بروح اشوف سماح شكلها قعدت اشوف سامي يركض عليها
سما: اقعد مكانك سماح ماهي لحالها معاها اخوانك وعادل والدكتور عبدالكريم بعد.. اجلس ابيك
خالد: قعدنا.. اذا بتسأليني مالي.. بقولك متضايق .. بتقولي من ايش.. بقولك ما ادري.. بتقولي من زعلك بقولك.. ما في احد زعلني.. واذا طولتيها معاي.. بعصب عليكي ويمكن اغلط فيكي وانا ماني قاصد.. خليني امشي احسن ما اقول شي اندم عليه
يحيى: ول كل ذا.. هذي اختك الكبيره يارجال
خالد: يوووووووووووووووه يا يحيى قلت لكم امشي احسن
سما: يحيى
يحيى: ياروحه
سما: انا طالبه طيف لخالد
خالد: هااا لا انا ابي جمايل.. جمايل ماهي طيف
يحيى: هههههههههههههههههههه
سما: ههههههههههههههه ايوا كذا يا اخي انطق.. والله اني قاصدتها
يحيى: وانا اقول الاصابع الي معلمه على وجهه من مين
سما: من حبيبة القلب
يحيى: جمايل؟
سما: ايوا.. صحيح اخوي زودها شوي بس
يحيى بحده: بس يستاهل
سما: اكيد يستاهل
يحيى: ايش رايك تستاهل ولا لا
خالد: استاهل واستاهل.. وغلطان وياليتها تعطيني كف غيره
يحيى: واذا انا اعطيتك
خالد: لا من جمايل احلى
سما: والله انك ماتستحي
خالد: ما استحي احسبو الي تبون تحسبوه البنت هذي انا احبها.. اذا ناوي موتي يايحيى ارفض
يحيى بجديه: بس ياخالد انا ارفض
سما: يحيى !!!
يحيى: اعذريني ياسما.. هذي اختي وانا ما ارضى احد يغلط عليها
خالد: انت فاهم غلط
يحيى: فهمني الصح
خالد: انا كنت بالمطبخ اكلم غسان المسؤل عندي بالشركه.. تفاجأت بجمايل هي وهلا داخلين وجمايل قاتله روحها من البكا .. والله اني خفت عليها.. سمعت هلا تقول انه في احد بهدلها.. فزعت مين ذا الي يبهدلها.. تدخلت وسألتها.. وهي ماردت علي.. كنت اتكلم مع هلا بحده وهي ابد انها تنطق ولا انطقت.. هلا قالت لي انها زعلانه معاك.. ما ادري كيف قلتلها حبيبتي.. طلعت مني ما حسيت بها صدقني.. كنت ابي اهديها انت ماشفت كيف هي تبكي قطعت قلبي.. ماكملت جملتي.. الا
سما: الا واحلى كف على وجهك
خالد: هذا الي صار
يحيى: كفو عليها والله
خالد: ادري انه كفو عليها.. يحيى طلبتك.. انا ابيها.. تراني ما قلت لحد من اخواني.. جيتك على طول
يحيى: اعذرني ياخالد.. انا رافض
خالد: ليه طيب
يحيى: لي اسبابي
خالد: ابي اعرفها
يحيى: شوف خالد انت ما تتعيب.. ونسبك يشرف.. بس في موضوع لازم انه ينحل الاول وبعدين ممكن افكر
خالد: سما لحقيني
سما: خلاص ياخالد.. هالشي عائلي بينه وبين خواته.. لا تجبره انه يتكلم اذا مابغى.. وبعدين الزواج قسمه ونصيب.. اذا لك نصيب فيها بتاخذها
يحيى: لاتزعلو مني انا....................
سما: الله لا يجيب الزعل.. محد فينا زعلان.. صح خالد
خالد بكسر خاطر: اكيد.. حنا اهل
سما: تعال معاي خالد بغيتك
يحيى: خلكم مع بعض انا ماشي
سما: براحتك
خالد: سما لحقيني
سما: اصبر شوي مانعرف ايش ظروفه
خالد: كسرتو بخاطري
سما: ليه ما تقول انه ذا صلاح ليك.. يا خوي الامور ما تنخذ بهالسرعه.. من يومين ماكنت تفكر حتى بالزواج.. واليوم تبي تعجل به.. خالد وسع صدرك.. الليله اقعد معاه واعرف منه ايش فيه
خالد: يعني بتقدري تقنعيه
سما: اذا اقنعني بأسبابه.. ما اقدر اعمل شي
خالد: انا ابيها.. سما.. البنت هذي سرقت قلبي.. انا................
سما: ايش ذا.. هذي سماح؟
خالد بخوف: لا هذي جمايل
سما: جمايل !!
خالد: قومي قومي.. شوفيها ايش فيها
***************************
في المطبخ
جمايل: اقولك لا تقترب مني
يحيى: قصري حسك
جمايل برعب: بوعذبيييييييييييييييييي.. وينك الحقني
يحيى بحده: جمايل.. تستهبلي انتي
جمايل: ابتعد عني.. ابتعد عني.. لا تقرب مني
ام مشعل: يما لو تقولي ايش فيه.. البنت خايفه منك ايش الي حصل
ام حسام: يما قولي انا ايش فيك مع اختك
جمايل وهي متخبيه ورا ام حسام: يما لا تخليه يقرب مني بيذبحني يما بيذبحني
يحيى: ايش الي اذبحك انجنيتي انتي.. جمايل.. مالك
جمايل: والبكا مقطعها: بوعذبييييييييييييييييييي
خالد: مالكم
ام مشعل: مافي شي يما.. اخوانك معصبين بس
خالد: يحيى اذا لك حق تاخذه مني لا تدخل البنت بيننا
يحيى: أي حق انت الثاني
خالد: البنت مرعوبه منك.. ابتعد يا اخي
يحيى: انا الي بقولك لا تتدخل بيني وبين اختي
خالد: لا.. بتدخل.. هالشي بيني وبينك.. وهي ما اغلطت
يحيى: انجنيتو انتو.. أي غلط تتكلم عنه.. اقول ابتعد
جمايل برعب: بوعذبيييييييييييييييييييييييي
يحيى بحده: جماااااااااااااااايل قصري حسك.. مالك ايش الي حاصل لك
خالد: تعال معاي
يحيى: وين اجي معاك.. والله انه دماغي لف منكم
بوعذبي بخوف: خير.. خير ايش في
جمايل: يبا بيذبحني يبا بيذبحني
بوعذبي: مين ذا يبا.. مالك ايش في
جمايل برعب: خذني من هنا ابي اطلع.. خذني معاك
يحيى: والله العضيم ماعملت لها شي.. لا تناظرني كذا يابو عذبي.. جيت اعتذر بس عن الي صار اليوم بيننا
بوعذبي: ابتعد طيب
يحيى: وين ابتعد ابي اتكلم معاها ايش هالرعب الي فيها
جمايل وهي تحتمي با ام حسام: يمااااااااااااا يما الحقيني
ام حسام: يا يما ماحيعمل لك شي.. يبي يتكلم معاكي بس.. انتي ليه خايفه منه كذا
بوعذبي يوقف بوجه يحيى: يحيى
يحيى: يابوعذبي ابي..........
بوعذبي بحده: روح انت الان.. انا باخذها معاي تهدا وارجعها ثاني
يحيى بحده: لا.. انت سامع لا
خالد بحده: يحيى خليها تروح معاه
بومشعل برا المطبخ: ياعيال.. مالكم ايش فيه
خالد: تعال يبا حياك
بومشعل: ايش فيه.. مالها البنت
خالد: خذها يابوعذبي.. خذها تهدي وترجع
بوعذبي: يلا يبا تعالي
يحيى بحده: اناااااااااا قلت لا
بومشعل: تكفي يبا.. خليها تروح معاه.. عشاني انا
بوعذبي: يلا يبا تعالي.. بطلي بكا عاد.. تعالي
يحيى: اشوفك صرت البطل بالموضوع ياخالد
خالد: الموضوع اساسا بيني وبينك البنت مالها دخل.. اذا فيك شي تعال قولي عليه.. بس انك ترعب البنت كذا لا
يحيى: والله؟؟؟
خالد: انسى اني نسيبك.. انسى انه سما اختي ابيك تتعامل معاي على اني واحد غريب.. اعمل الي تبيه فيني بس جمايل لاتقرب منها.. اياك تأذيها.. البنت ما غلطت
يحيى: ومين الي قال انها غلطت والله اني جيت اراضيها
بومشعل: يبا الحاله الي هي فيها تقول غير هالشي
يحيى: انا دخلت المطبخ وهي فيه قلت لها تعالي بكلمك وهبت بكا وصراخ.. هذا الي قلته يبا صدقني
خالد: البنت خافت منك.. اظن انها تمسي بضرب وتصبح بضرب.. لاتنسى هالشي.. عصبيتك تخوفها
يحيى: انا ماكنت معصب وقت الي كلمتها.. والله كنت اشوفها وانا مبتسم
خالد: ولو.. هذي حساسه
يحيى: والله.. حساسه؟ ومتى عرفت كل هالشي ياخالد.. اشوفك فاهم اختي اكثر مني
خالد: مثل منت فهمت اختي اكثر مني
يحيى بحده: خااااااااااااالد
خالد بحده: يحيييييييييييييى
بومشعل بعصبيه: بتتخانقو قدامي ياعيال.. تعالو برا واقصرو الشر يلاااااااااااااااا
********************************
في ملحق الرجال
عبدالكريم: طيب هي بخير
يحيى: وانا ايش عرفني هي بخير ولا لا
عبدالكريم: اشوف دق على بوعذبي خلني اكلمه.. اذا لساها تبكي تحتاج ابرة مهدء
خالد: خذ تلفوني دق عليه اكيد ما بيرد على تلفون يحيى
عبدالكريم: انت صح اشوف جيبه
يحيى بحده: وانا الي طلعت الشرير الان.؟
عبدالكريم: قصر حسك.. اذا سكرت من بوعذبي زعق مثل ماتبي .. الو
بوعذبي بحده: من
عبدالكريم: مالك يارجال انا عبدالكريم
بوعذبي: هلا دكتور سامحني ماعرفتك
عبدالكريم: اقول ايش اخبار البنت
بوعذبي: ماهي راضيه تبطل بكا
عبدالكريم: قولي انت وين.. خلني اعطيها ابره تهديها
بوعذبي: انا راجع جايك
عبدالكريم: استناك برا.. سلام
يحيى: لساها؟
عبدالكريم: ايوا انا طالع اشوفها وراجع
هزاع: وانتو قالبين الوجه على بعض ليه.. سوء تفاهم وانحل.. خلاص عاد
خالد: اعذروني ابي اكلم غسان.. انا برا بحديقة الورد
يحيى: وانا ماشي عندي شغل
هزاع ماسك الاثنين: بلا دلع ويلا سلمو على بعض.. قلنا سوء تفاهم وانحل.. اخلصو يلا
بومشعل: اذا بتظلو كذا انا الي بزعل من جد.. وشوفو كيف برضا عليكم
يحيى: لا .. الا هذي
خالد: انا اسف
يحيى: اعذرني
هزاع: يلا انت انقلع روح كلم غسان تراك تأخرت ما كلمت فواز.. وانت تعال معاي ابي اتكلم معاك
****************************
عند اسطبل الخيول
هزاع: اول مره اجي هنا
يحيى: فيه اماكن كثيره لسا ما شفتها
هزاع: ترتاح القلوب ويصير خير بعدين
يحيى: ايش اخبار قلبك
هزاع: تعبان.. تعبان كثير
يحيى: تفكر فيها
هزاع: ماهو عشق يا يحيى.. بس ابي الاقي حل ما يأذي مشاعرها
يحيى: اتركها على الله
هزاع: هو لنا غيره
يحيى: والنعم به
هزاع: مالك مع خالد.. باين عليه انه خطب جمايل
يحيى: تبي الصراحه.. خطبها وانا رديته
هزاع بتعجب: افا ليه ترده.. والله انه رجال زين
يحيى: ادري عنه.. واليوم زاد اعجابي به اكثر.. انا حاس انها بتكون في امان معاه
هزاع: طيب ليه ترده
يحيى: ابوها عايش ياخوي.. انا مالي سلطه عليها
هزاع: ابوها؟؟؟؟؟ وينه ابوها
يحيى: مكان مايكون.. بس المهم انه عايش.. ما اقدر اتصرف بوجوده
هزاع: الشرع يعطيك الحق
يحيى: لو كنت مكاني تسويها؟
هزاع: اسويها واسويها.. جاي الان وتقولي ابوها عايش !!.. وين كان ابوها وهي تشوف الي تشوفه من اخوانها.. الان جاي تحسب له حساب.. صاحي انت
يحيى: قلبي ما يطاوعني
هزاع: قول انك تحبه.. وان الحكي الي قلته عن ابوك كان من ورا قلبك
يحيى: ......................
هزاع: لسا الغلا بقلبك من ناحيته يا يحيى.. معاك حق.. يبقا ابوك.. انا اسف
يحيى: لا تتأسف.. انت ما قلت شي غلط
هزاع: اسمعها مني ياخوي.. بكره اذا ابوك عرف بمكانها.. يقدر يسحبها مكان مايبي.. بس اذا زوجتها.. لا ابوك ولا اخوانك يقدرو يقربو منها
يحيى: ما ادري.. ما ادري.. ودي اعملها وازوجها.. بس قلبي مايطاوعني
هزاع: اذا الرعب الي سمعته منها اليوم يسرك.. انتظر ابوك يجي يزوجها بنفسه.. واذا انك تبي تحميها من اخوانها.. عجل وانا اخوك
يحيى: خلاص اكلمها واشوف رايها
هزاع: لا .. الله يخليك انت بعد روحك عنها .. خلي سما تكلمها.. هي بتعرف تتصرف
يحيى: خلاص.. اشوف سما.. واقول لها
هزاع: كيف عن مشعل.. متى بيجي
يحيى: بكره ان شاء الله
هزاع: الله يسهل الامور.. خلينا نرجع للرجال
**************************
في اليوم التالي
في الملحق مع سماح
منال: سموحتي حبيتي انتي بخير؟
سماح: منال انا بخير.. ابي اقعد لحالي شوي
منال: سموحتي حبيبتي.. ماتبين تشوفي راشد ولدي.. لفي وجهك وشوفي ولدي تراه يشبهني
سماح: منال ابي سما
منال: حاضر ادق عليها
سماح: منال عطيني راشد ابيه بحظني
منال: خذيه انا رايحه لسما اناديها ادق عليها وتلفونها مسكر
سماح: جيبيه.. تعال حبيبي.. انت راشد؟ .. ياحلاتك يما.. مين احلا انت ولا ولدي.. راشد يما .. انت تضحك لي؟
سامي: حبيبتي
سماح: ياروحي
سامي: مين معاك.. هذا راشد
سماح: هذا الشيخ راشد
سامي: ههههههههههههه الشيخ مره وحده عاد
سماح: سامي
سامي: ياروحي
سماح: ابي عيالي هنا
سامي: حاضر.. الان يجوكي.. رايح اجيبهم
سما: صحيتي ياروحي
سماح: ايوا ياروحي
سما: اشوف منال رمت عليكي راشد
سماح: انا قلت لها تتركه عندي
سما باستغراب: اه ايوا.. تبيني اخذه منك
سماح: اذا سامي جاب عيالي خذيه
سما باستغراب اكبر: اه حاضر
سماح: انا اسفه على الي قلته
سما: انا ما اتذكر انك قلتي شي
سماح: ههههههههههه ماتبين تحسسيني بالذنب
سما: سبق وقلت لك ابيكي تقولي لي على الي بخاطرك.. ماهو مهم ايش يكون.. بس المهم انك تقوليه
سماح: تعرفي اني ارتحت لما قلته لك.. حسيت انه صخره وانزاحت عن صدري
سما: ممتاز
سماح: على فكره.. انا غيرت خطتي
سما: ممتاز .. المهم انه تكون نتايجها لصالحك
سماح: ماتبين تعرفي ايش الخطه الجديده
سما: وقت ماتشوفي نفسك تبين تقولي لي.. لا تترددي
سماح: توقعتك بتلحي علي تبين تعرفي ايش خطتي الجديده
سما: انسي هالشي.. انتي منتي صغيره.. انتي تقرري هذي حياتك.. انا علي اني اساعدك
سماح: محمد وينه ماشفته اليوم
سما: تلاقيه مع عيالك هو وفيصل
سماح: متعلقين فيهم كثير
سما: اكثر مما تتخيلي
سماح: متى قلتي جابر بيجي
سما: الليله بس ما اعرف متى بالضبط
سامي: انا جيت
منال: وانا معاه
محمد: وانا معاهم
فيصل: وانا هنا بعد.. عارف انه محد سأل عني بس بعد جيت
سماح: تعال جنبي ياروحي
فيصل باستغراب: مين انا؟
سماح: ايوا انت
فيصل بفرح: وين اقعد
سماح: هنا بجنبي
فيصل يمناظر سما: هههههههههه تقول هنا جنبي يافرحتي
سما: هههههههههههههههه يابختك خليك جنبها
سماح: سامي.. مين بيدك
سامي: هذا راشد
سماح: عطه فيصل.. عطيني مريم يامنال.. محمد وين البوم الصور الي قلت لي عليه
محمد: دقايق اجيبه
سما: تبين مني شي انا رايحه اجهز الفطور
سماح تناظر عيالها: ..........................
***************************
في المطبخ
سما: ماريا جهزي الفطور لسماح
ام حسام: صحت يما
سما: ايوا يما
ام حسام: خلاص روحي انتي انا بجهز الفطور يما
سما: وانتي تحبي التعب يما.. ارتاحي ماريا تعمله
ام حسام: من ايدي احلى يما
سما: ههههههههههههههههههه احبك يما
ام حسام: ماهو قد حبي لك يما.. تعرفي وجودك عوضني اشيا كثيره بحياتي.. كنت خايفه اروح واترك هلا لحالها.. انا عارفه انها تحت رعاية الله.. بس هذا مايمنع خوفي عليها.. الان قلبي متطمن
سما: كلنا تحت رحمته يما.. وبعدين مابيكي تجيبي هالموضوع بلسانك ابد.. انتي بالذات اذا جارا لك شي من جد بموت قبلك
ام حسام: بعيد الشر لاتقولي هالكلام
سما: انا بحياني ماتكلمت عن امي.. وماراح اتكلم عنها.. بس من جد وجودك وانتي وخالتي عوضني الكثير
ام حسام: عارفه انه حملك كبير
سما: والي جاي اكبر
ام حسام: تقصدي مشعل
سما: ايوا.. خالتي وين
ام حسام: بغرفتها.. من قال لها عمك انه بيجي اليوم وهي حابسه روحها بغرفتها
سما: لحالها؟ .. والله ماني ناقصه
ام حسام: خليها يما.. خليها تفرغ الي بقلبها.. هذا ولدها وحيدها.. يرجع لها بعد هالعمر
سما: يما ابي اقولك شي
ام حسام: قولي يما
سما: سماح تبي تتطلق.. ماحد بيساعدني غيرك
ام حسام: ااااااااااه فهمت.. اجل خليها على.. انا بعرف اتصرف.. روحي انتي لخالد اشوفه بحديقة الورد جالس لحاله متضايق.. خليني اجهز الفطور واروح لسماح
سما: اوعي تحس اني قلت لك شي
ام حسام: لاتخافي.. انا بخليها تحس اني امها.. وقتها هي من نفسها بتقول لي
سما: الله لايحرمني منك
ام حسام: ولا منك.. يلا روحي لخالد شوي وبتبكيني
سما: يما احضنيني
ام حسام: ياروحي يما.. جعلك ماتفارقي حضني
سما: ههههههههههههههههههههه آمين
***************************
بغرفة ام مشعل
نور: الحلو قاعد لحاله ليه
ام مشعل: قاعده يما.. لاتقلقي علي انا بخير
نور: فرحانه؟
ام مشعل: وعلى ايش بفرح
نور: يه بعيد الشر ايش تقصدي؟!!
ام مشعل: ههههههههههههه الابموت من الفرح
نور: حسيت قلبي وقف
ام مشعل: هههههههههه بعيد الشر يما
نور: بايش تفكري
ام مشعل: مشعل وسماح
نور: اتركيها على الله
ام مشعل: صح.. بس اذا سماح ماهي طايقه عيالها.. تظنيها بتفرح بجيت اخوك
نور: وهذا الي مكدر فرحتك
ام مشعل: اكيد يما.. لاتنسى حنا ساكنين ببيت واحد.. لا تنسي كيف هالعيله داخله في بعضها
نور: يا يما ارمي حمولك على الله.. الي الله كاتبه بيصير.. عشنا سنين وحنا رامين حمولنا عليه.. الان جايه تفكري
ام مشعل: صدقتي يما
نور: قومي اشوف تروشي.. والبسي احلى ماعندك.. الليله ولدك بحضنك
ام مشعل: شوفي.. اخوك يحيى يقول انه مايعرف احد.. لازم نصبر عليه حتى يتعود علينا.
نور: ايش تقصدي يعني
ام مشعل: يمكن يتضايق من موضوع الاحضان.. اكيد بيحس حاله غريب
نور: فهمتك
ام مشعل: قومي يلا خليني اتروش
نور: يلا لاتتأخري خالتي المسكينه قاعده لحالها
****************************
في حديقة الورد
سما: ماهي نهاية العالم ياروح اختك انت
خالد: ومن قالك اني مهتم
سما: اذا بتخبي وبتمثل علي تراني بمشي
خالد: ياليت تتركيني شوي
سما: طيب
خالد: ايش ذا قلت لك اتركيني ماقلت لك اجلسي جنبي
سما: خير تكلمني
خالد: تتمسخري يعني
سما: لا استهبل
سامي: جالسين لحالكم؟
سما: تعال ياخوي
سامي: ايش الي صاير.. عمي يقول متخانق مع يحيى
سما: طلبنا جمايل
سامي: يه من وراي ايش هالخيانه
سما: هههههههههههه قلت الحق على هالمسكين قبل يجرا له شي
سامي: خير ما عملتي
سما: يحيى رفض.. يقول عنده اسباب
سامي: رفض عشان المعرس خالد ولا عشان الاسباب
سما: لا يقول عنده اسباب
سامي: خلاص تهدى الامور وارجع اكلمه.. وانت الله يهديك.. مالقيت الا هالوقت.. عجزنا معاك نقولك نخطبها لك وانت رافض وقت الي كانت الامور شوي رايقه.. جاي اليوم وتعالو زوجوها لي.. ياخوي خلي ببالك احنا ايش فيه.. اليوم جيت مشعل والكل على اعصابه.. روق روحك.. يحيى الف شغله وشغله براسه.. هذا غير اخوانه وابوه الي مانعرف كيف تصرف معاهم.. وبعدين يحيى عارفك زين.. مستحيل يعيب فيك.. هدي اعصابك وروق
سما: وكيف عن اختك
سامي: والله ما ادري.. اليوم اشوفها مبسوطه بعيالها
سما: اتمنى انها فعلا مبسوطه بهم.. وماتكون خطه جديده تنتقم فيها من مشعل
سامي: اذا كان الي تقولينه صدق.. اختك ناويه على خراب البيت الي حنا فيه.. هي ماتكلمت عن طلاقها مره ثانيه؟
سما: اليوم ماجابت سيره
خالد: طلاق؟!! أي طلاق
سما: اختك ناويه عليه
خالد: والعيال؟!! انجنت هذي؟
سما: تقول تبي تاخذ العيال وتحرق قلبه
سامي: لا تلومونها.. لو كانت عايشه بسعاده معاه.. ماكنت تفكر بكذا
خالد: ايش تقصد.؟!!
سامي: اذا شفت ان الطلاق بيريحها.. بسعى فيه
خالد: صاحي انت!!
سامي: اكيد صاحي حياتها وسعادتها عندي اهم
خالد: وبيت عمك؟
سامي: بيتفهمو الوضع اكيد
خالد: وانت وفهد وحريمكم.. وسما ويحيى.. ايش عن هذول كلهم
سامي: ماراح يتغير شي.. المهم عندي راحة سماح
خالد: لاطبعا انا ماني موافق على الي تقوله
سامي: وليه؟.. بتوقف في وجهي وتعارض راحة اختك؟
خالد: راحتها على عيني وراسي.. بس طلاق لا.. هذي فيها خراب لبيوت كثيره
سامي: يعني جمايل اذا ابوها طلبها تروح له احسن.. صح
خالد: لا طبعا.. هذي حاله وهذي حاله.. لا تخلط بينهم
سامي: ايش الفرق.؟ هذي تنضرب وتتبهدل.. وهذي تنضرب وتتبهدل
سما: ليه تتوقعو الاسوء.. يمكن الجاي اجمل
خالد: هههههههههههههه على اجمل فهو اجمل
سامي: ايش هالتشائم.. حب جمايل عمل فيك كذا
سما: هههههههههههههههه نور عملت فيك اكثر.. نسيت ولا اذكرك
سامي: لا لا لا تكفين
خالد: قولي لي انا.. انا ابي اعرف
سامي بحده: سما اياكي
سما: عاد اقولك يا خالد.. كنا قاعدين نتعشى
سامي: سما تراني بشيلك وبرميكي بحضن زوجك حتى تتأدبي
سما: وايش ياسما صار ايش صار.. اه ايوا دخل سامي وزوجته من ثلاث ايام العسل زعلانين
سامي بحده: سمااااااااااااا
خالد: ايواااااااااا هذا خوش موضوع ايوا كملي تكفين ايش عامله فيه زوجته
سما: ايش كانت عامله فيه ايش ياسما
سامي بحده: وبعدين معاكي انتي بتسكتي ولا اعملها
عبدالكريم بحده: انتو يالمهابييييييييييييييييييييييييييييييييييييييييييي يل
***********************
داخل في ملحق الرجال
بومشعل: هههههههههههههههه ارجع يارجال لاتعصب على عيالي
عبدالكريم: انت كيف مستحمل عايش معاهم.. اشوف الشيب ملاك.. هذول عيال ياشيخ.. لو انا مكانك كنت انجنيت.. الكل يصرخ من ناحيه.. الواحد مايلحق بفتح عينه.. الا مشكله تجر مشكله.. لا الاه الا الله
بومشعل: محمد رسول الله .. اجلس كمل فطورك طيب..
عبدالكريم: ماني جالس.. انا قلت بجي هنا من الصبح اغير جو.. ما الاقي غير التوتر
يحيى: خير مالك ايش صار؟
خالد: خير يادكتور ايش صار؟
سامي: مشعل جرا عليه شي؟
هزاع: تكلم مالك تناظرنا كذا
عبدالكريم بحده: انا قلت بجي بريح نفسي بالمزرعه شوي.. صراخ من كل مكان.. هذا متخانق.. وهذ متعقد .. وهذا انهيار.. وهذا اكتئاب.. وهذي مخدرات وواحد مضروب برصاص.. بسميها مزرعة المهابيل على كذا
سامي: هههههههههههههههههه الله يقطع شرك
يحيى: هههههههههههههههه تتريق على حالنا يعني
هزاع: ههههههههههههههههههه ماشي نعديها لك يادكتور
عبدالكريم: وانا اقول هالرجال عجر قبل اوانه كيف؟ .. اعتقوه ارحمو حاله.. ترا الي بعمري وعمره لساهم شباب.. بس الي يعيش معاكم يعجز بدري .. يالمهابيل
خالد: ههههههههههههههه رجع عادها
عبدالكريم: والله من صدقي.. ماسمعتو " ان الله لايغير بقوم حتى يغيرو ما بانفسهم".. غيرو من نفسكم ونفسيتكم.. يايبا الدنيا ماتبي كل هالشي.. طبيعي فيها الحزن.. والضر.. والخراب.. والاكتئاب.. بس ماهو على طول.. فيه بعد الضحك والفرح.. والنفع.. يايبا الي تعملوه بنفسكم والي حولكم مايجوز.. عجزتو من روحكم ومن هالرجال الي شايل الهم بقلبه وساكت.. مالكم بس ماكنتو كذا.. تحمدو الله الي جمعكم بهالمصيبه.. ناس غيركم متفرقين.. يا عيال اسعدو بحياتكم.. وانت يالثور ليه رافض تزوج اختك من الثور الي واقف قدامك
يحيى: ومن قال اني رافض.. ابي اخذ رايها على الاقل
خالد: موافق ؟!!
يحيى: ياخوي مايهون على ازوجها وابوها عايش.. بس صدقني الاامن لها اني ازوجك ياها
سامي: والله انك اسعدت قلوبنا والله
يحيى: استنى ياسامي
خالد: ايش بعد
يحيى: اخذ راي البنت الاول وبعدين يصير خير
عبدالكريم: وانت يالثور عامل روحك العاشق الي يبدي مصلحة غيره على نفسه.. اقول انكتم واقعد مكانك.. الدنيا ماتمشي على كيفك على طول.. فتح عينك وبتشوف البنت الي تناسبك قدامك واذا على الي ببالك.. اذا شافتك تكمل حياتك بتكمل حياتها هي بعد
سامي: انت تكلمني انا؟!! اشوفك تناظرني
عبدالكريم: اكلم الثور الي وراك
هزاع: انا.؟؟!!!!!!!!!
عبدالكريم: ايوا انت ما فهمت قصدي يعني
هزاع: ماهو مكان لهالنقاش يادكتور وبعدين.................
عبدالكريم: يلا عاد.. اترك عنك هالمثاليات.. اقولك كمل حياتك مع غيرها وهي من نفسها بتكمل حياتها.. تبيني اقول اسامي بعد.. الي اعرفه انك منت غبي
بومشعل: هزاع توكل على الله واستخير.. بتلاقي كلام عمك صحيح
عبدالكريم: وانت يالثور
بومشعل: هاه .. صاحي انت جات علي انا بعد.. اقول انقلع من هنا قبل لا نتضارب قدام العيال انا وياك
عبدالكريم: انت تظن اني بجلس هنا ثانيه وحده بعد.. اكيد اني بنقلع.. احد يعيش بمزرعة مهابيل.. انا ما اقدر على كذا.. بس اسمعها مني.. ولدك اذا شاف حنانك عليه..بيتعلم كيف يكون حنون مع حرمته.. اذا تركت له فرصه انه يعرفك ويعرف امه عدل.. بيتقبل الي صار له.. صحيح بياخذ فتره طويله حتى يتكيف مع الوضع الجديد.. بس صدقني الي عرفته عنه يقول انه معدنه طيب مثل ابوه وبيسامح الكل.. والان انقلعو عني خلوني امشي .. وجعتو راسي الصراحه.. وابي اروح ارتاح..
محمد بحده: سامييي الحق
عبدالكريم: هاه جا يصرخ اكيد مصيبه .. ماقلت لكم مزرعة مهابيل
*************************
تابعو في الجزء التاسع والعشرين
الحقوووووووووو خالد يشوف جمايل نظره شرعيه
وصول مشعل
لينا تتعرف على مشعل
بيطلع حنون ولا شرس وقاسي[/SIZE][/SIZE]
|
10-01-09, 10:42 PM
جديد مواضيع قسم الارشيف
العرض العادي
