نبض قلبي


[SIZE="6"][COLOR="Orange"] الجزء الثالث



ام احمد: صباح الخير يما انتي صاحية

مرام: صاحيه يماام احمد: ايش فيكي بعيد الشر

مرام: سلامتك يما .. تعبانه شوي

ام احمد: معلش يما تتعبي اليوم وبكره تنسيه

مرام: مقدر يما مقدر.. سامي لي

ام احمد: ايش لك انتي بعد .. اخته تقول .. بيخطبو له بعد العزا.. خلاص عاد.. يما سيره واقفليها بكره الله يعوضك غيره.. واحسن منه

مرام: مابي غيره ابيه هو يما .. ابيه هو .. تراني ازلزل الكل لو سواها واخذ غيري

ام احمد: اسمعي عاد .. من عقب سالفتك ذيك محد طايق اسمك .. وخصوصا سما.. عاد انتي تعرفي ست الحسن والجمال محد يكسر لها كلمه من يومها وهي قويه.. لا انا ولا ابوكي ولا انت بنقدر عليها .. وسامي مايعيش بلاها ومايزعلها حتى لو جا على شي هو يبيه.. انسيه يايما .. وصدقيني بتلاقي الاحسن منه .. انا منظره لك على واحد يسوى سامي هذا

مرام: لا .. مابي.. لا تفتحين معي سيرة الزاواج الا اذا كان المعرس سامي

ام احمد: الله يهديكي يايما.. بس انا اقولك انا ماني قد سما وعصبيتها .. ترانا سلمنا منها هذيك المره لانه عمك موجود .. عمك الان مات مين بيمسكها عنا

مرام: هذيك المره كنت مستعجله بامور كثيره .. المره هذي بخطط صح .. وسامي لي

ام احمد: اقول اتركي عنك .. امس بنت عمك احلفت اذا لمستك يدها عقب أي غلط تغلطيه مابتتركك غير ميته.. وهذا انا حذرتك وشوفي عاد

مرام: ماعليكي منها .. ان جات اني اذبحها بذبحها ولا يهمني .. المهم عندي سامي .. سامي وبس

ام احمد: اقول تراكي وجعتي راسي .. عاشقه واحد هو مايبيك .. ومعيشه نفسك بوهم ماله اخر .. وبعدين يعني مافي بالدنيا رجال غير سامي.. يا يما اتركينا منهم .. انا بصراحه مابي نسبهم .. شايفين نفسهم على الفاضي.. على ايش هذا كله ..وبعدين حتى لو اخذتيه انتي فاكره انو سما بتترك سامي يعيش برا الا بتخليه قاعد معاها بنفس البيت .. عاد هذا انا مابيه .. ابي اذا جا رجال يخطبك .. اقعد واتشرط .. ابي مهر وابي شبكه وابي بيت لك لحالك وابي سياره خاصه لك بسايقها وشغالات و.................

مرام: حيلك حيلك .. ليه ذا كله

ام احمد: بنتي واول فرحتي وابي اتشرط على عريسها.. تتوقعي اذا جات سما تخطبك لاخوها بتنفذ لي الي ابيه؟؟ .. لا يحبيبتي بتقول بنعطيكم كذا وبنسوي لكم كذا وبس.. عاد انا مايعجبني هالكلام .. لا بتخليني اطلب ولا اتشرط عاد انتي تعرفيها

مرام: طز ماتهمني .. المهم عندي سامي.. سامي وبس

ام احمد: ها .. اليوم بتروحين بيت عمك تراه اخر يوم

مرام: اكيد بروح .. لازم اروح

ام احمد: ايوا روحي واجلسي جنب الباب مثل ماقالت لك .. ها .. بعد اكثر من كذا مذله انا ماشفت .. يا يما خلي عندك شوية كرامه.. لا بيت عمك ولا ولد عمك يبونك

مرام: طز المهم انا ابيه واحبه

ام احمد: طيب قومي تغسلي وصلي

مرام: الا ابوي وينه

ام احمد: ابوكي ياخذ دش

مرام: يما قولي للخدم يجهزو الفطار تراني جعانه موت

ام احمد: من عيوني يا يما كم مرام انا عندي

مرام: الا ماقلتي لي

ام احمد: خير

مرام: منهو ذا الي المنظره عليه

ام احمد: تذكري صفيه صاحبتي؟

مرام: ايوا اذكرها

ام احمد: ولد اختها .. مال وجمال وهيبه وسمعه ماقلك عليه .. واسمه جمال ها ايش قلتي

***************************

في بيت بومشعل -في غرفة الطعام-

سما: صباح الخيرعمي

بومشعل: صباح النور يبا

سما: عاد تعرف اول مره بحياتي اقعد معاك على فطار

بومشعل: وانشا الله كل مره

سما: والله ياريت .. مابقول لا.. مين يحصله يفطر مع رجال مثلك .. جمال وحلا ووسامه وشخصيه وتاخذ العقل

ساره: يالله تعيننا على هالصباح .. اشوف تتغزلي في ابوي

سما: كيفي يحق لي اتغزل فيه ابوي انا بعد

بومشعل: ماينلام راشد اذا حبك .. اخلصي ايش عندك.. هالمقدمه وراها شي

ام مشعل: ايش وراها يارجال .. ايش قالت هي عاد

سما: أي والله ياخالتي كلوني مايسوى علي

ام مشعل: مايقدرون وانا خالتك ..دامي معك كل الي تبينه بيصير

سما: يعني ايش؟

بومشعل: يعني انتي اطلبي وانا انفذ عندك خمس دقايق بس تطلبي فيهم بعدها اسحب عرضي

سما: يه وليه عاد .. حتى المسابقات يعطون فرصه ايام وايام وانت خمس دقايق بس .. هذا وانا سما خمس دقايق اجل وحده غيري ايش تقول لها

بومشعل: اقول لها تقلب وجهها .. ها بتقولين ولا اسحب عرضي

سما: لاااااااااا كذا ازعل .. موضوعي يبغاله قعده

ساره: يعني منتي خاليه وراكي شي .. قالها ابوي وصدق فيها

سما: يعني تتوقعي بتغزل برجال بو عيال ولا اكبر من ابوي بعد على وشو على الفاضي

بومشعل: هههههههههههههههههه من شوي حلا ووسامه وشخصيه طلعت حقيقتك الان

سما: ياعمي لا تصدق كل الي ينقال لك عاد

بومشعل: هههههههه الا منك يايبا .. كل الي تقولينه صدق

ساره: ياربي لو اعرف انتي ايش مسويه بعقولهم الي يحبونك كذا.. والله لو هالكلام يطلع مني له كان من زمان ذبحني

سامي: صباح الخير

بومشعل: صباح النور

ام مشعل: هايما .. نمت كويس

سامي: كويس يما لا تقعدي تقلقي علي عاد

ساره: ياربي انا الي بموت من هالاثنين .. وحده يحبونها ويموتو عليها والثاني نايم صاحي يقلقو عليه

سامي: اقول وين الفطار تراني جوعان

ساره: وانت من دخلت هالبيت وانت كله جوعان

سما: والله عطوه الي يبيه وهو يشبع

سامي بحده: سما.. موكذا

سما: وليه مو كذا.. حنا ببيتنا وقدام امنا وابونا .. ماهو صح يما

ام مشعل: الا صح وصح يما

بومشعل: نور وين

ساره: لساها نايمه

بومشعل: روحي صحيها

سما: وصحي معاها لينا

ساره: حاضر .. انتي تامرين .. ايش طلباتك بعد

سما: شكرا وياليت تعجلي بالفطار ممكن؟..

ساره: ياربي صبرك

سامي: ههههههههههههه وانتي ابد منتي عاتقه احد

سما: سيبها اصلها فرصه ..عمي

بومشعل: قولي يبا

سما: اقول انت عند قولك لي

بومشعل: ايوا عند قولي لك

سما: مهما يكون طلبي

بومشعل: مهما يكون طلبك .. قولي ايش هو

سما: طلبي يتوقف على موافقة نور لسامي

بومشعل: ايوا.. نور.. تجي ونشوف

سما: الان عاد

بومشعل: ايوا الان ليه في شي

سامي: انت فاتحتها

بومشعل: ايوا

سما: متى مالحقت

بومشعل: الا لحقت

سامي: لا ما لحقت.. وهي بعد ماخذت وقت تفكر

بومشعل: طول البال .. تجي وتشوف

سامي: بس ياعمي

بومشعل: لا بس ولا غيره

نور: صباح الخير

بومشعل: صباح النور يا نوري

سامي: ايش فيها عيونك كذا

نور: مافيها شي

سامي: الا فيها ايش صاير ياعمي

بومشعل: ماصاير غير الخير

سامي: ماني حاس

بومشعل: سامي .. بتكذبني؟!!!

سامي: محشوم ياعمي

بومشعل: نور يبا

نور: سم يبا

بومشعل: فكرتي بالكلام الي قلته لك

نور: ايوا

بومشعل: ايش قلتي

نور: موافقه

سامي: موافقه على ايش

نور: خل ابوي يقولك

سامي: نور تعالي

سما: خلها بتكلم معاها

بومشعل بحده: خلك مكانك.. نور تعالي هنا .. نوووووووور

ام مشعل: خير ليه الصراخ

سامي: يما قولي الصدق نور مالها

بومشعل بحده: يعني اكذب عليك ياولد

سامي:لا ياعمي ماقلت كذا بس عيونها تقول غير كذا

بومشعل بحده: عيونها تقول اني اكذب عليك يا ولد

سامي: لا بس

بومشعل بعصبيه: بس.. نووووووور.. نووووووووووور

ساره: اروح ان..
.
بومشعل: مكانك .. نووووووووور.. يانور

نور: خير يبا

بومشعل بعصبيه: ليه ماتردي .. ننادي عليك .. ليه ماتردي

نور: سلامتك كنت عند العيال

بومشعل: كنتي عند العيال نايمين ولا صاحين

نور: نايمين يبا

بومشعل: دامهم نايمين .. اقعدي افطري

نور: حاضر

بومشعل: ها ياسامي ايش بغيت تقول لزوجتك

سامي: ها .. لا بس موافقتها جات بسرعه.. اخاف انها وافقت خوف منك ياعمي

بومشعل: ها يبا انتي وافقتي خوف مني

نور: لا يبا

بومشعل: يعني تبينه

نور:...................

بومشعل: يايبا ليه الحيا الان هذي موافقت زواج قولي.. ايوا او لا .. لا تخافين

نور بحيا: ايوا

سامي: ايوا على ايش

نور:....................

بومشعل: ردي على زوجك يبا

نور: موافقه ياسامي .. بس لي شرط

سامي: انت تامري

نور: انا مابترك امي .. عاد انت وكيفك.. هذا شرطي

سامي: لك الي تبيه

نور: من جد

سامي: ايوا من جد.. ماراح تتركيها ولا هي تتركك ولا انا بتركها بعد في حد يترك امه

ام مشعل: ياربي يخليك لي .. ياعيني انت .. ماتعرف ايش يبي يستوي فيني اذا خذتها عني .. انت عيني وهي نور عيني .. الله يخليكم لي واشيل عيالكم وعيال مشعل معاكم

نور: مشعل؟!!

سما: مبروك يامرت اخوي

نور: الله يبارك فيكي عقبالك

ساره: وعقبالي انا بعد

نور: وعقبالك انتي بعد

بومشعل: ها خلاص ارتاح بالك ياسامي

سامي: الله يريح بالك ياعمي ويفرحك بالعيال انشاالله

بومشعل: بس ها ماوصيك تراها نور .. هذي نور العين عاد

سامي: بشيلها بقلبي ياعمي .. هذي الغاليه بنت الغالي

سما: مبروك ياروحي انت

سامي : يباركلي فيك ياعمري انتي.. مبروك يانور

نور:...................

سما: واااااااااااااااااااي على الاحراج .. خلاص لا تنتظر منها رد .. يكفي عيونها

نور: سكتي انتي .. الله يبارك فيك

بومشعل: اقول بلا دلع وكلام فاضي.. ترانا واقفين احترمو وجودنا انت وياها ترا والله احلف انو تملك عليها الان

سامي: هاااا

سما: ياربي .. تراها وصية ابوي

بومشعل: كيف يعني

ساره بهمس شديد: تعمل نفسك ماسمعت شي البارح ها؟

بومشعل بهمس: بس يابنت

سما: ابوي جا لسامي بالمنام وقاله انو ملكته على نور اليوم

بومشعل: من صدقك انت

سامي: أي والله .. من مصدق

بومشعل: نكمل فطار ونروح نملك .. ايش قلت

سامي: ايش اقول ؟!!! اقول بلا فطار ونروح الان

بومشعل:هههههههههههههههههه

سما: ههههههههههههههههههههههه

ام مشعل: عيني ولدي مستعجل .. وغلاتي يابو مشعل قومو الان وخلونا نفرح

بومشعل: اتصل على اخوانك يا سامي .. يلا قمنا

***************************

في بيت راشد - في مجلس العزا-

بومشعل: مرحبا بالرجال .. وينك ياخوي فقدتك

سلطان: تعرف ياخوي ماودي اتركك لحظه بس انا خايف على العيال من وجودي

بومشعل: يعني ماجيت اليوم الا وانت مأمن الطريق

سلطان : ايوا الشخص الي يراقب البيت رجع مكانه

بومشعل: وعرفت مكانه وين

سطان: ايوا عرفت

بمشعل: بشر سماح معاه

سلطان: لا .. المكان خالي تماما من أي انسان غيره

بومشعل: طيب اكيد هو رجع وخلى احد مكانه هنا

سلطان: تطمن مافي احد ابد

بومشعل:وعرفتو هو من

سلطان: ايوا هو جابر ابو العيال

بومشعل: طيب ليه ماقبظت عليه ياخوي

سلطان: لا تستعجل ياخوي دام سماح ماهي عنده ما بينفعنا وجوده عندنا بشي خله يتحرك تحت عيوننا .. يمكن يوصلنا لشي

بومشعل: خلني اعرفك على سامي .. ياسامي

سامي: سم يا عمي

بومشعل: هذا عمك سلطان صاحب ابوك الله يرحمه.. الي كلمتك عنه

سامي: حيا الله عمي سلطان

سلطان: الله يحيك وانا عمك .. عضم الله اجرك

سامي: اجرنا واجرك ياعمي.. بشرني عنك انشا الله طيب

سلطان: بخير ربي يسلمك

سامي: بشرني عمي مافي اخبار جديده عن سماح

سلطان: مافي جديد ينذكر وانا عمك .. طول البال وانشا الله خير

سامي: حنا لازم نقعد مع بعض

سلطان: اكيد وانا عمك لازم اقول لكم على التحركات الجديده الي لازم تتبعوها.. هذي عصابه ماهي هينه.. اكيد بيحاولو يتصلو فيكم .. الا ماحد اتصل فيكم لحد الان؟!!

سامي: لا والله

سلطان: تلفون ابوك وين

سامي: اااااااااه مع خالد .. ولسا منتبه انه مسكر

سلطان: خذه من اخوك وفتحه خله معك اكيد بيحاولو يتصلو فيك

سامي: انشا الله عمي

ناصر: السلام عليكم

سلطان: عليكم السلام

بومشعل: عليكم السلام

سامي: اعرفكم عمي ناصر

سلطان: عضم الله اجرك ياخوي

ناصر: اجرنا واجرك .. الا من الرجال

سامي: هذا الاخ سلمان .. واحد من الي تعامل معاهم الوالد بتجارته

ناصر: حياك الله ياخوي

سلطان: تحيا وتدوم

ناصر: الا قولي اخوي سلمان .. عسا تجارتك مع اخوي الله يرحمه كانت رابحه

سلطان: الحمدلله

ناصر: وعساها دخلت عليك مبلغ محترم

بومشعل: اقول اخوي سلمان حياك معاي اعرفك على عيال المرحوم

سلطان: حياك ياخوي

بومشعل: هالرجال محد يطيقه ابد.. كيف هذا اخو راشد ماني عارف

سلطان: عجبني سامي ذكائه حاد .. غير اسمي حتى محد يعرف عني شي

بومشعل: سامي يعجبك .. رجال من ظهر رجال .. لا واليوم ملك على بنتي

سلطان: والله ؟!!! .. والله ياخوي ماني عارف ايش اقول اعزي ولا ابارك

بومشعل: لا عزي ..وعقب كم يوم انشالله تبارك

سلطان: بس عارف الزواج صار لصالح العيلتين

بومشعل: ايوا ادري .. العيال فكرو اننا نعبش مع بعض أأمن للكل

سلطان: هذا الراي الصح .. أأمن لبناتك وانا اخوك

بومشعل: معاك حق..

***************************

بيت راشد - في الصالة عند الحريم-هدى: سما
سما: نعم ..

هدى: امي تبيكي

سما: حاضر


ام خالد: ها وينها

هدى: جايه يما

سما: خير عمتي بغيتي شي

ام خالد: بغيت اقولك اني راح انام عندكم الليله انا وهدى

سما: خير!! في شي

ام خالد: ابد بيت اخوي وابي انام فيه

سما: انتي تنوري عمتي البيت بيتك بس هدى لا

ام خالد: هذا كلام تقوليه ياسما .. ايش فيكي على بنت عمتك

سما: ابد ياعمتي هدى حبيبتي ومابيني وبينها شي

ام خالد: اجل هذا رد تقوليه؟.. بدل ماترحبي بيها وبعمتك تقوليلي هدى لا

سما: ياعمتي قلت لك البيت بيتك بس انا عندي شباب .. الله يحفظهم سته .. وهدى صحيح بنت عمتهم .. بس ماتحل عليهم .. انا مابربط اخواني بغرفهم عشان بنت عمتي .. لو كان وجودها لحاله اظطراريه بقول عادي.. بس ماله داعي نومتها هنا .. الزم ماعلي راحة اخواني

ام خالد: معاكي حق بس مثل منتي شايفه بنت عمتك هاديه والعيبه ماتطلع منها.. محد بيلاحظ وجودها

سما: عمتي اسمحي لي .. نومتها هنا ماراح اوافق عليها .. وبصراحه اكثر ما بعيد سالفة مرام مره ثاينه .. حتى لوزعلتي .. اخواني اهم عندي

ام خالد: يعني انتي شايفه هدى مثل مرام؟!!

سما: والله عاد مثلها غير عنها .. مو مهم عندي .. المهم اني ابعد المشاكل عن اخواني .. الزم ماعلي راحتهم .. اسمحي لي عاد

ام خالد: درب مايرد انشالله

ام احمد: ها ايش قالت

ام خالد: مارضت قليلة الحيا

ام احمد: ايش قايله لك انا

ام خالد: قلتي وماصدقتك .. بس بعد عابت على بنتك .. وبنتك هذي خربت على نفسها وعلينا بعد

ام احمد: عاد ايش نقول هذا الي صار

ام خالد: لو مو حركتهاعاد كنا زوجنا هدى لخالد ولا سالم .. عاد يقولك اخوي ترك خير يغطي عين الشمس

ام احمد: ايوا .. ناصر يقول خير ماله اول من تالي

ام خالد: حسبي الله على بنتك .. كان صار لنا نصيب فيه

ام احمد: عاد هذا الي صار لا تقعدين تدعين على بنتي

ساره: اقول سما

سما: خير

ساره: شوفي عمتك وزوجة عمك صارلهم زمان وهم يهمسو لبعض الله يجيرنا

سما: اشوفهم .. ادري ايش يتكلمو فيه .. اصبري شوي واوريكي ايش اسوي بعد صلاة المغرب

ساره: الله يستر.. بس لو درو عن زواج نور وسامي ايش بيعملو

سما: الله يستر

***************************


في مجلس العزا

سامي: خير خالد تدور علي؟!!

خالد: سامي هذي برقيه من هزاع بن محمد

سامي: هزاع والله فيه الخير

خالد: يعتذر لانه مسافر .. ويقول مادرا انو الوالد توفي غير اليوم الصبح .. يقول بعد انه بيكون عندنا بكره او بعده

سامي: معذور .. مانشره على حد .. يكفي وقفته معانا.. والله ماقصر .. وبعدين عادل يجي كل يوم وهذا يكفي

خالد: اقول

سامي: سم

خالد: مبروك.. ترا ماباركت لك

سامي: ياربي والله اني بطير من السعاده

خالد: عشان البنت اكيد

سامي: عشان اني شفت ابوي .. والله اني مرتاح .. احس انها صخره هم وانزاحت عني

خالد: الله حابك .. الحمدلله .. والبنت قعدت معاها؟

سامي: لا والله ماقعدت ولا اتصلت

خالد: حرام عليك عاد .. كفاها ماجاها

سامي: عيب عليك.. ماني قاصدها .. منتظر لحد الليل واروح لها

خالد: الله يكتب لك الخير فيها .. تراها تستاهل

سامي: الله يسلمك ياخوي .. وياربي اشوفك معرس قريب

خالد: انا؟!! خلهاعلى الله يارجال

سامي: فيك شي؟!! .. صح

خالد: انا؟!! لا ابد .. سلامتك

سامي: بنتكلم بعدين .. مو وقته الان

بومشعل: ها يبا.. خير .. فيكم شي

خالد: سلامتك ياعمي ابارك له بس ومبروك لك انت بعد

بومشعل: والله ياخالد لو ماهي وصية راشد ماكنت عجلت بالزواج ذا

خالد: ياعمي.. الولد ولدنا والبنت بنتنا ومحد له عندنا شي

بومشعل: صدقت

سامي: عمي ترا هزاع بن محمد بعث برقيه .. يعزي و يعتذر.. يقول انه مادرى عن ابوي غير اليوم

بومشعل: فيه الخير

سامي: الا عمي سلطان مشى

بومشعل: ايوا مشى .. بغيت شي؟!!

سامي: سلامتك بس ما حددنا موعد معاه حتى..........

بومشعل: لا تقلق.. بتلاقيه بنفسه يدق عليك ويحدد معاك موعد

***************************

في بيت راشد -في الحديقه-
فيصل: ايش الاخبار نمت كويس

محمد: أي والله ماحسيت بنفسي.. وصلنا بيت عمي بومشعل .. كنت ادور السرير بس.. رميت نفسي عليه ورحت بنومه عجيبه

فيصل: اما انا ما قدرت انام .. جلست افكر كثير.. كان ودي اكون مكانك .. وحشوني العيال

محمد: انا سمعت انهم بيظلون ببيت عمي بومشعل لحد ماترد سماح

فيصل: ماني موافق.. على كيفهم هذول عيالنا ليه نتركهم ببيت الناس

محمد: انت مادريت عن خالتي ام مشعل

فيصل:خير ايش فيها

محمد: يقولو انها تكلمت اول ماشافت راشد

فيصل: والله؟!!

محمد: ايوا .. سامي قال لي.. يقول بعد يخافو يخاذو العيال منها يصير عليها شي مسكينه يقولك من
شافت راشد وهي تناديه مشعل

فيصل: مسكينه

محمد: ياخوي بيت عمك طول عمرنا واحنا فيه وعايشين معاهم .. متى مابغيت تشوف العيال دق عليهم
تلفون وروح محد بيقول لا.. وبعدين سما تقول هناك أأمن للعيال احسن مايجي حد للبيت هنا وحنا غافلين مع الناس ويعمل لهم شي

فيصل: ايوا محنا ناقصين .. كفايه سماح

سالم: ايش عندكم تتكلمو فيه

فيصل: سلامتك اقول العيال وحشوني وابي اشوفهم

سالم: الليله بعد مانخلص بنروح كلنا بيت عمي بومشعل

محمد: ايواااااااااااااااااااااااا.. الليله عندنا معرس

سالم: قصر حسك .. لاحد يسمعك

فيصل : لا تخاف الناس بعيده عنا

سالم: وعمك ناصر نسيته.. هذا يسمع مشية النمله

محمد: ههههههههههههههه

فيصل: ابي العزا يخلص بسرعه بس حتى اخلص من شوفته

سالم: لا تقول كذا هذا عمك

محمد: من صدقك انت !! .. محد قادر يطيقه ابد.. انت عارف مسكني اليوم اول ماجيت وسألني .. انتو وزعتو الورثه ولا لا

سالم: من صدقك !!

فيصل: ايوا انا شفتهم بس ماكنت معاهم.. قال امسك اصغر واحد فيهم واخذ منه الحكي

محمد: هههههههههههههه محسبني غبي مثله

سالم: وانت ايش رديت عليه

محمد: بقولك بس ماتعصب علي

سالم: الله يستر منك

محمد: بديت تصارخ .. انا ماقلت لسامي عشان خايف يعصب علي

سالم: وبعد سامي مادرى .. قول الله يستر

فيصل: قال له "اذا صار لك نصيب في الورثه تعال واسأل عنه .. ودام انه مالك شي في الموضوع .. ياريت تحترم نفسك ولا تتدخل في شي مايعنيك"

سالم: بعدي والله.. والله انك سويت الي محنا قادرين عليه

محمد: يعني ماهو غلط

سالم: الا..غلط.. بس تبي الصدق انا سعيد..

محمد: هذا انت وسعيد .. الله يستر من سامي بيبهدلني.. هو محذرنا محد يقترب من عمي ناصر الا نعطيه خبر الاول

فيصل: الصراحه هذا زودها.. والله خايف تجي ساعه وامد يدي عليه فيها

سالم: ظبطو اعصابكم مانبي مشاكل معاه .. وخلوني اقول لسامي

محمد: الله يسلمك ياخوي لا تقوله الان تراه بيبهدلني

سامي بعصبيه: خير من ذا الي يبهدلك وانا عايش

فيصل: ياخوي هو..................

سامي: اسكت انت.. تكلم يا محمد .. من غلط عليك وليه ماقلت لي

سالم: لاتعصب.. تراه بيقولك كل شي

سامي: اقول اسكت انت بعد.. انا ايش قايل .. ماقلت أي شي يصير تجو وتقولولي

سالم: طيب لا تعصب تراه خايف منك.. اهدى شوي وهو يقولك

سامي بحنيه: تخاف مني انا.. هذا وانت الغالي.. قول يا محمد وانا اخوك .. تظن بعصب عليك وانت حبيبي فيهم

محمد: عمي ناصر سالني عن الورثه

سامي: وبعدين؟!!!!

محمد: قلت له ..................

سامي: ايوا ايش قلت له.. قول مالك خايف كذا

محمد: قلت له اذا صار لك شي فيها تعال واسال عنه .. ودام انه مالك شي.. ياريت تحترم نفسك ولا
تتدخل في شي مايعنيك

سامي: بعدي والله

محمد: والله!! منت زعلان

سامي: لا .. ماني زعلان

سالم: مالك سامي

سامي: ضاق صدري من هالرجال.. ايش اعمل معاه .. عجزت والله .. كلمته بالطيب بالصراخ مانفع

فيصل: قايل لكم.. هذا يبغيله بوكس من ايدي يعدله

سامي: الظاهر انو انا الي بسويها معاه ماهو انت

سالم: طول بالك ياخوي .. كلها هالساعتين ويخلص العزا وينقلع الله لا يرده

محمد: الا هو ليه يسأل عن الورثه كذا.. ايش له فيها

سالم: ماله شي طبعا .. بس هو يحب يدخل نفسه في اشيا ماله دخل فيها

سامي: ياخوفي بس .. فهد وين ماني شايفه

فيصل: نايم.. طول الليل ما نام سهران يراقب .. لا.. وركب كاميرات بعد

سامي: روح صحيه الناس تسأل عنه.. قوله يستحمل هالساعتين وبعدين ينام براحته.. محمد قوم اقعد داخل عند الرجال وابيك تطالع عمك بعصبيه.. واياك تنزل عينك او تكسرها قدامه

سالم: ياخوي .. رد عليه وخلاص لا تكبر راسه عاد

محمد: الا بكبره هو غلطان ماهو انا

سامي: قوم وكبر راسك .. واذا كلمك مره ثانيه رد عليه لا تسكت

************************

داخل البيت عند الحريم
ام عدنان: سما

سما: نعم خالتي

ام عدنان: اقول ياروحي .. ايش رايك لما يخلص العزا تجين مع بنات خالتك الليله تنامي معاهم

سما: واترك بيتي ياخالتي

ام عدنان: ماتتركيه يما .. هي كلها ليله وحده غيري جو

سما: تسلمين ياروحي .. راحتي مع خواني

ام عدنان: اذا انك خايفه من قعدت الشباب بالبيت ابشرك تراهم الليله بينامو عند واحد من ربعهم عازمهم

سما: ياربي خليكي لي ياخالتي.. بس ماودي.. خليها مره ثانيه

ام عدنان: تراني ماني غربيه يا يما ان اخت امك


سما: على راسي ياخالتي والله يشهد انو غلاتك من غلاتها الله يرحمها

ام عدنان: الي يريحك يما

ام خالد: اقول اتركيها عنك يا ام عدنان تراها كذا .. تحب تلزق بخوانها كانهم بيطيرو

ام عدنان: ايوا هذا السنع .. اجل تترك اخوانها لمين

ام خالد: بيجي اليوم الي بتتركهم فيه وتروح مع رجلها ولا انتي منتي ناويه تتزوجي ياسما

سما: الا ناويه.. ناويه اخذ واحد متربي ويعرف السنع زين .. غير كذا ماراح يلاقي غير الرد الي عطيته
لولدك خالد لما جا يخطبني

ام عدنان: بسم الله الرحمن الرحيم ايش فيكم هبيتو ببعض كذا

سما: اقول خالتي

ام عدنان: قولي يعيون خالتك

سما: ايش رايك تنامي عندنا الليله انتي والبنات

ام عدنان: يا يما ان بغيتيني من عيوني انام عندك .. بس البنات .. لا

سما: ليه يا خالتي .. هذا بيت خالتهم يعني بيتهم

ام عدنان: ايوا بيت خالتهم ماقلنا شي.. بس يا يما اخوانك شباب .. مابياخذو راحتهم وبناتي هنا

سما: يسلم سنعك ياخالتي.. اقول عمتي

ام خالد بقرف: خير

سما: تراني قلت للخدم ينزلو شنطك انتي وهدى ويخلوها بالسياره .. والسواق جاهز انه يوصلكم.. تراه ينتظر اشاره منك

ام خالد بتريقه: سنعه يابنت اخوي

سما: تربيتك حبيبتي

ساره بهمس: يالله ياربي ودي اصير كذا

سما: قوي قلبك وانتي تصيرين

ساره : الله يعينك عليهم مافي وحده منهم عدله معاك

سما: هذا النصيب عاد ايش نعمل

ساره: اسمعي انا لازم امشي .. بسبقك للبيت وانتو الحقوني

سما: وليه انشا الله كلها نص ساعه وبنمشي

ساره: ابي اروح اشوف اختي .. وانتي بعد .. قعدي شوفي اخوانك

سما: اتصلتي سألتي عن العيال؟

ساره: ايوا .. خذتهم امي مع نور ولينا وراحو المستشفى .. كل شي بخير تطمني ..

سما: طمنتيني الله يطمنك ياربي

ساره: ابي منك شي

سما: عيوني لك .. ايش في خاطرك

ساره: ودي انك تنامي الليله وتريحي نفسك ممكن

سما: وليه ايش مخبيه لي انشا الله

ساره: ماني مخبيه شي .. بس منتبهه عليكي انك مانمتي امس بالمره

سما: لا نمت.. لا تقلقي علي انا بخير.. بس

ساره: لابس ولا غيره .. اسمعي مابعرفك امس واليوم حنا نعرف بعض من زمان .. انتي مانمتي من كم
يوم .. هذا ماهو بصالحك انا ادري انك تضحكي قدام الكل وانت في داخلك نار .. وادري بعد انه مافي حل .. بس انتي بكذا ماراح تحلي شي ابد .. لا بتقدري ترجعي ابوك ولا حتى اختك.. نامي وارمي حمولك على الله .. بكره هو يحلها من عنده

سما: والنعم به .. الله يفرجها

ساره: اسمعي انا لازم اروح اشوف نور.. اكيد اخوك بيقعد معاها .. وانا عارفه اختي حايسه مابتعرف تتصرف

سما: طيب .. خليها تخف من حدتها معاه تراه يحبها كثير

ساره: ادري والله.. لا تخافي بقولها .. بس لا تتأخرو .. ترا امي مسويه عشا الليله

سما: ايوا قال لي سامي

ساره: يلا سلام

سما: سلام ياروحي

********************************

في غرفة فهد

فهد: سما ترا والله انا مانمت وماني قادر اروح

سما: يلا عاد .. بنسوي حفله صغيره لسامي وعيب عليك ماتكون موجود

فهد: طيب هو بيروح لزوجته وبيقعد معاها.. انا ايش يخليني اروح .

سما: فيه عشا

فهد: يعني بيتنا خلى من الاكل

سما: بلا دلع بتروح يعني بتروح.. وقوم اغتسل وبدل ملابسك .. ابيك معرس الليله

فهد: وليه انشا الله

سما: يعني بنروح لحبيبة القلب

فهد: هاااااااااااا

سما: عيني بعينك ياخوي .. ماتحبها؟!!!

فهد: من هي.. صاحيه انتي؟!!

سما: من هي ؟!! قال من هي قال.. فهد

فهد: اقول اسكتي شكلك انتي الي محتاجه نوم ماهو انا

سما: طيب ليه تخبي

فهد: اخبي ايش

سما: ليه ماتقولي انك تحبها

فهد: من هي عاد

سما: مرام بنت عمتي

فهد: منننننننننننننننن؟!!!!!!! اعوذو بالله مرام عاد ايش ناويه تبيني اموت

سما: شوف اذا ماقلت لي تراني اسويها واخطب لك مرام وبشوف مين بيعارضني ساعتها


فهد: لا يا شيخه اياك تعمليها .. الا مرام

سما: اعترف يلا

فهد: انتي من متى تدرين

سما: من زمان .. اشوفك واشوف نظراتك .. احس فيك .. بس مافي يدي شي.. حزن امي ابوي مكتفني ما كنت اقدر اسوي لك شي

فهد: حبيبة فلبي والله ياختي .. بس.. الوقت ماهو مناسب

سما: الا مناسب واحسن من كذا مانلاقي

فهد: ايش ناويه عليه انتي

سما: يجيك العلم

فهد: طيب وهي .. تعرف؟

سما: هي ؟!!! ههههههههههه ولا تدري بالدنيا

فهد: طيب كيف بتفتحي الموضوع

سما: اتركها على الله وعلى اختك

فهد: سما اقول لاتستعجلي ..خليني اشوف البنت بالاول .. خليني اتأكد بنفسي

سما: تأكدت انت ولا انا.. ايش بيفرق ماهو النتيجه وحده.. وانا اذا اتظرتك ولا عقب سنه اخطبها لك ..
خلني اتصرف وماعليك

سامي: ايش عندكم انتو كل مادخلت على حد الاقيه يوشوش الثاني

سما: وااااااااااااااااااااااااااااااااااااي ايش هالحلا ايش هالجمال ياربي تحفضك وتحميك محظوظه نور
فيك

سامي: عجبتك

سما: بدلتك لا يقه على لون عيونك ياسامي

سامي: يعني اعجب؟!!

فهد: تعجب يا ماما تعجب يا حبيبي .. خلصوني ابي ارجع انااااااااااااااااااااااااااام

سما بخبث: متأكد انت بعد الي قلناه بتنام

فهد: اقول انسي الي قلناه .. وانا رايح البس

سما: تلبس مثل ماقلت لك فاهم

فهد: بكره نتكلم

سما بحده: فهد تعااااااااااااااااااااااااااااال

سامي: ايش ناويه عليه

سما: ناويه على الخير.. يلا ننزل

محمد: وينكم ماجهزتو يلا عاد ابي اشوف العيال

سما: يلا حبيبي.. فيصل وين

محمد: فيصل وسالم بالسياره

سامي: وخالد؟!!

سما: انا قايله له يجهزلي الفيديو والكاميرا

محمد: بروح اشوفه عجلو .. ترا والله امشي عنكم

سما باستغراب: حلوه هاذي

سامي: ههههههههه انا مكبر راسه .. امشي بالسياره اقولك

***********************


في بيت بومشعل

بومشعل: حيالله من جا .. ياهلا ومرحبا

خالد: تحيا وتدوم عمي

بومشعل: وين المعرس

فهد: بالسياره ورانا عمي.. لا تقلق جبنا لكم ولدنا صاغ سليم وماهو ناقص فيه قطعه

بومشعل:هههههههههههههه وهو انت جايبه لي.. جايبه لحرمته

فهد: اقول جعل لنا نصيب مثل نصيبه بس

بومشعل: انت انوي وانا حاضر لك الان اروح اخطبها لك

خالد: اتركه عنك هذا مايترك عنه

بومشعل: ليه ياولدي ماعليه قاصر .. فهد رجال والنعم فيه

فهد: ياربي يخليك لي

بومشعل: حياكم ياعيال .. حياكم

خالد: مسا الخير.. يما كيف حالك

ام مشعل: هلا وغلا يما .. وحشتني يايما .. وينك يايما من زمان عني

خالد: لسا من اسبوع عندك يما

ام مشعل: واسبوع شوي يايما .. انا اذا ما اشوفك انت واخوانك انجن يما انجن

فهد: بعيد الشر عن عيونك يما .. عساه فيني ولا فيك

ام مشعل: ياعمري انت بعيد الشر عن عيونك .. وانت يالي ماشوفك غير بالمناسبات وينك.. ماغير يبغالك
قرص وذانك حتى متنسى تسأل عني

فهد: ااااااااي يما اذني .. يما ما اعيدها خلاص وغلاتك يما رحميني

ساره: هههههههههههههههههههههههههه

خالد: هههههههههههههههههههههههههههه

لينا: هههههههههههههههههههههههههههههههههه

فهد: تضحكين انتي بعد شوفي دبره وفكيني من ايدها

ساره: كلهم ضحكو اشمعنى انا الي تبيني افكك

فهد: عشان هي تحبك اكثر مني .. عشانك بتتركني

ام مشعل: وبعد طويل لسان .. من متى احب احد اكثر من الثاني

فهد: طيب وغلاة فهد اتركي اذنه

ام مشعل: هذا عشان خاطر حبيبي فهد بس

فهد: والله يما من صدقك

ام مشعل: ايش هو الي من صدقي

فهد: انو فهد حبيبك

ام مشعل: حبيبي ونظر عيني بعد

فهد: سويره تراني حبيبها ونظر عيونها

ساره: ايوا ايش الجديد بالموضوع!!

فهد: اقول جهزي عمرك

ام مشعل:ههههههههههههههههههههههههههههه

ساره: بسم الله علي ايش اجهز عمري له

فهد: يعني اقول .. اذا طلبت منها انها تذبحك بتذبحك لجل عيوني

ساره: عاد عطيناك وجه .. بس لا تصدق نفسك عاد.. قال تذبحني قال

خالد: ها .. ابتدينا انت وياها

فهد: وانت ايش دخلك .. انا اكلم بنت عمي

ساره: ياربي الصبر.. ما اخلص من سما حتى تجيني انت

فهد: انا ثقيل كذا

ساره: واااااااااااي منت حاس بنفسك .. ياثقلك يافهد .. من صدق اكره وجودك من كثر مادمك ثقيل حيييييييييييييييييييييييييييل

فهد: افااااااااا !!!!!!!!!! انا اسف

خالد: فهد ايش فيك.. وين رايح

فهد: بشوف العيال

خالد: خذني معاك

فهد: لينا ورينا الدرب

ام مشعل: الله يقطع لسانك هذا كلام تقولينه

ساره: امزح يما

ام مشعل: هذا مزح .. شوفيه حط في خاطره

ساره: ماعليكي منه بس .. مايزعل هذا.. يجيكي الان ويزيد من ثقل دمه

ان مشعل: بس لا اسمعك تتكلمي معاه كذا فاهمه

ساره: حاضر .. وان بغيتي ما اقعد في مكان هو فيه .. يرضيكي كذا

ام مشعل: لا مايرضيني .. خلك عاديه معاه.. سامعه

ساره: حاضر.. تبيني اعتذر منه بعد

ام مشعل: تتريقي علي يا بنت

ساره: ايش اسوي يعني يما.. رجال يزعل وتبين البنت هي تراضيه.. وين صارت هذي

ام مشعل: بس.. ايش قلنا

ساره: حاضر تامرين امر

ام مشعل: كل شي جاهز؟

ساره: ايوا ياروحي جاهز .. الورد والعطور جاهزه

ام مشعل: ومن غير صوت او موسيقى فاهمه العيال زعلانين على ابوهم مانبي نضايقهم

ساره: اكيد يما .. لا توصين حريص

ام مشعل: واحرصي على فهد بعد.. ما ادري لي متى بتظلي غبيه كذا.. فتحي عينك شوي

ساره: ياربي حاضر .. والله قلت حاضر.. مابضايقه ابد خلاص ارتاحي انتي

سما: مسا الورد

ام مشعل: مسا الورد على وردتي

سما: يما.. ماتتخيلي فرحتي بيكي وانتي تتكلمي .. والله كل ما اسمع صوتك احس بروحي تردلي

ام مشعل: الله يخليكم لي ياعيال .. والله انه دخلتكم علي ترد لي الروح

سما: اجل عندي لك بشاره بتفرحي لها كثير

ام مشعل: والله ايش هي فرحيني

سما: بعد شوي اقول قدام الكل.. الا العروس وين

ساره: وينها بعد .. قاعده تنتظر حبيب القلب

سما: خليني اروح لها

خالد: سما تعالي شوفي العيال

سما: ياربي يسلم قلبه .. هذا مين

ام مشعل: هذا مشعل .. ومريم عند فهد هذا هي

سما: مشعل؟!!!!!!

خالد: هذا راشد يما

ام مشعل: اقول جيب مشعل عندي ورح جيب مريم من يد فهد

سما: فهد تعال انا هنا

خالد: سامي وين

سما: مع عمي

ام مشعل: ساره تعالي معاي ابيكي

فهد: وصلتو حبيبتي

سما بتريقه: لا لسا

فهد بنرفزه: طيب

سما: ايش فيك

فهد: سلامتك

سما: شوف مريم تبتسم في حضنك

فهد: شوفي عينها .. جمالها يهبل

سما: جمالها عادي بالنسبه لجمال ناس

فهد: اقول اسكتي بس

سما: وليه انشا الله

فهد بحده: شوفي لا تفتحين هالموضوع معاي مره ثانيه.. انا غيرت رايي خلاص

سما: ايش اقلبك انت الان لسا ميت عليها

فهد بحده: خلاص هالباب سكريه ..ممكن؟ ولا تعصبيني ترا اترك البيت وامشي

سما: طيب طيب.. لا تعصب ولاشي

فهد: خلاص

سما: بس وغلاتي لتقولي ايش صار

فهد: في البيت اقولك

خالد: ايش عندكم تتهامسو

فهد: انا رايح لسامي

سما: خالد .. اخوك ايش فيه

خالد: هههههههههه لساها حبيبة القلب مسمعته كلام.. يكره الواحد في نفسه

سما: ياربي .. ياربي على هالبنت والله انو الاعمى يشوف وهي ماتشوف انه يحبها

خالد: والله ولاتدري عنه

سما: ايش اسوي بس.. يما

ام مشعل: سمي يما

سما: خليني اساعدك

ام مشعل: ماعندي شي يما خلك مرتاحه كل شي جاهز

سما: اجل ايش ناطرين.. ياسامي انا بروح لنور فوق شوي وتعال ورايا

سالم: جاهز يابطل؟

سامي: انكتم انت

سالم: ياقلبي اخيرا نور حليلتك

فهد: الله يبارك لك ياخوي

سامي: ويبارك لي فبكم

********************************
في غرفة نور
سما: ادخل ولا ممنوع اخت المعرس تدخل

ساره: ادخلي عشان تضحكي

نور بعصبيه: وبعدين

سما: ياربيييييييييييييييييييييييييييييييي بينخبل اخوي .. موكذا عاد بتجنني الولد .. ايش هالجمال

ساره: اسكتي بس لا تصدق عمرها

سما: خليها ياعمري يحق لها .. ياربي .. خايفه على اخوي من جمالها لا ينخبل .. ساره

ساره: نعم

سما: روحي قولي لهم سما تقول نور تبي تأجل جيته لحد بكره .. خليهم يمشو

نور: وين يمشو انتي بعد

سما: هااااااااااااااااااا يعني تبينه .. تحبينه

نور بحيا: بس عاد

سما: شوفي تراه متحلف فيكي الليله .. هذا انا اقولك.. سمعيه هالكلام واجد تراه يحبه منك

نور: ياويلي هو قالك

سما: ايوا هو قال

نور: ياويلي خلكم معاي لاتتركوني

ساره: والله انا ما اعرفك

سما: وانا بعد

ساره: كله ولا انه احد يقولي امسكي الباب وفارقينا

سما:هههههههههههههههه ولا يمسكنا من شعورنا ويرمينا برا

نور وهي تبكي: ياربي يبلغني فيكم .. وانتو مكاني .. واوريكم ايش اسوي فيكم صبرو علي

سما: هذي بكت من صدقها

ساره: امسحي دموعك لا تفضحينا.. بيهج الرجال منك وانتي كذا.. اسمعي لا تقعدي تبكي وانتي معاه.. خليها ليله حلوه

سما: أي والله .. واتركي سالفة مرام عنك .. خلاص سامي الان حليلك ..عيشو حياتكم.. خليها ليله حلوه تتذكروها على طول

نور: ياويلي هذا هو يدق الباب

سما: هههههههههههههههه حلوه هذي ياويلي

ساره: ياويلها افتح له الباب ولا لا

سما: ههههههههههههههه الا افتحي تبين تخلي اخوي واقف برا.. هي عاد تتصرف معاه

سامي: مسا الخير .. زوجتي وين

ساره: ههههههههههههههههههه متخبيه ورا سما

سما: ههههههههههههههههههههههه اصبر عليها شوي تراها من جد متوتره

سامي: نور .. نور

سما: سامي اصبر شوي

سامي بحده: ابتعدي انتي

سما: ااااي يدي شوي شوي علي

نور: اااااااااي يدي سامي

سامي بعصبيه: نور .. حتى بهاليله بعد

نور: يدي ياسامي

سما: سامي .. شوي شوي على البنت.. لا تبكيها عاد

سامي بعصبيه: طلعو برا شوي .. يلاااااااااااا

ساره: طيب طيب

نور: سامي ماقصدت اضايقك والله .. والله انو النار بقلبي احرقتني عليك .. حبيبي انا اسفه

سامي: ايش قلتي

نور: انا اسفه

سامي: لا الي قبلها

نور: هااااا

سامي: الكلمه الي قبل انا اسفه ايش هي

نور: حبي....بي

سامي: بعد

نور: سامي يدي

سامي: نور..بعد

نور: حبيبي

سامي: من جد تحبيني

نور: واموت عليك بعد

سامي: احلفي

نور: احلف على ايش

سامي: اني حبيبك

نور: والله انك حبيبي وروحي وعمري .. انا من غيرك ما اعيش ياسامي

سامي: تعالي بحضني

ساره: ياخوفي.. اخوك ناوي عليها

سما: اسكتي خليني اسمع

ساره: المشكله مافي صوت

سما: هذا الزين .. دام انه مافي صوت هذا معناه انهم متصافين

ساره: تأخرنا عليهم تحت ايش نعمل

سما: ما ادري

سامي: فيكم شي

سما: بسم الله الرحمن الرحيم

ساره: خبصت قلوبنا .. ها بشر اختي عايشه لسا

سامي: هههههههههههههههههههه عايشه لا تخافين ما اكل الناس انا

سما: يلا طيب تأخرنا

سامي: يلا يانور..

****************************

بوسط الحفله

فهد: ها امشي الان

سما: صاحي انت

فهد بضيق: ابي اروح انااااااااااااااام ممكن

سما: شويه بس

فهد: سما ابي.....................

سما: وبعدين يافهد .. ماصارت كلمتين سمعتهم منها .. اذا هي ماتعرف انك تحبها.. كيف تبيها تتصرف معاك .. يايما مو كذا اصبر لما اقولها واشوف رايها وصدقني اذا عرفت انك تحبها هي من نفسها بتغير معاملتها معاك ..لا تستعجل عاد

ساره: فهد ماتعشيت؟؟

فهد: لا تعشيت.. شكرا

ساره: فهد لا تزعل مني تراني امزح معك

فهد: تمزحين؟!!! صدق عاد

ساره: والله امزح .. فهد انت غالي عندي .. مو انا الي بضايقك بالكلام

فهد: غالي مره وحده .. من متى

ساره: من زمان زين.. ارضى علي عاد

سما: ساره

ساره: شوفيه قالب وجهه على .. والله كنت امزح

سما: طيب البنت واعتذرت .. وقالت لك انك غالي ايش تبي اكثر .. اضحك عاد ..

فهد: ساره سما تبي تقولك عن موضوع يخصنا انا وياك ياريت تسمعيها كويس .. يهمني رايك كثير.. انا جالس مع الشباب

ساره: ياربي .. بذبحه ايش يبغى اكثر من كذا.. بيجنني .. كنت امزح معاه بس قلبها جد

سما: يابنت انتي غبيه؟!!!

ساره: الكلمه هذي كثير ترددت على اذني اليوم

سما: لانك غبيه من جد

ساره: ايش مسويه انا عاد

سما: مانتي ملاحظه انو فهد مهتم فيكي كثير

ساره: اناااااااااااااا

سما: لا امي

ساره: من جدك انتي

سما: الصبر ياربي .. تحبي اقولها لك في وجهك ولا تستنتجيها

ساره: ابي استنتجها الاول

سما: على كذا عنس الرجال

ساره: أي رجال

سما: لااااااااااااااااا .. كذا حالك لا يطاق

ساره: ياربي شوي شوي علي

سما: طيب فهد يحبك .. يحببببببببببببببببببببببببك .. الليله جاي يطلبك

ساره: ايش؟!!!!!!!!!!!!!!!!!

سما: وصلت ولا لسا

ساره: ايش فيكم ياعيال راشد من مات ابوكم وانتو منتو صاحيين امس نور واليوم انا؟!!

سما: الصبر ياربي.. طالبه منك الصبر على هالبلوي

ساره: شوفي انا ماحب اخبي عليكي .. انا ما انكر اني فكرت فيه .. بس بعدين شفت نور وعذابها مع

سامي .. قررت اني ما اتمدى في مشاعري معاه

سما: اهاااااااااا عشان كذا تصديه بغباء

ساره: تقدري تقولي كذا.. بس من جد تفاجأت به االيله

سما: يعني تبينه

ساره: مادري

سما: ايش اقول للولد الان

ساره: لا تقولي شي .. شوفي انتو استعجلتو بنور لان نور تبي سامي من زمان .. اعطيني فرصه افكر بفهد شوي

سما: وين رايحه

ساره: رايحه احطله ياكل .. فديته ماكل شي

سما بتعجب: تعرفي ..

ساره: ايش

سما: انا الي طلعت غبيه

ساره:هههههههههههههههههههه كيف

سما: لسا عارفه انك انتي بعد تحبيه

ساره: هههههههههههههههههههههههههههه كنت ابيه هو يبتدي

سما: شاطره.. غلبتيه وغلبتيني معاه

ساره: اجل بنت ابوي على الفاضي

سما: صدقتي اخذتي منه الدهاء

ساره: هههههههههههههههههههه طيب خليني اروح العب باعصابه شوي

سما: شوي شوي على اخوي.. انتي من صوب واختك صوب ثاني.. شكلكم بتجننوهم يابنات بومشعل


********************

في الصاله
ساره: فهد تعال شوي

فهد: الله يستر

خالد: ايش فيك

فهد: سما اكيد فاتحتها شكلها مايبين انها موافقه ابد

خالد: توكل على الله وقوم شوفها

فهد: قمنا

خالد: خلك هادي معاها


في البلكونه

فهد: خير بغيتي شي

ساره: لحد الان زعلان؟

فهد: ساره

ساره: نعم

فهد: ايش ردك

ساره: الا بقولك

فهد: لا تقولين .. ابي ردك

ساره: ردي على ايش؟

فهد: على الي قالته سما

ساره: ايش قالت سما

فهد بحده: تبين تجننيني انتي

ساره : بعيد الشر عليك من الجنون انا ابي اخبلك بس

فهد: والله؟

ساره: ماقلت لي ايش قايل لسما تقولي عليه

فهد: .....................

ساره: لا تناظرني كذا.. ابي ايسمع منك

فهد: اهااااا .. جالسه تلعبين باعصابي يعني

ساره: انا العب باعصابك انت غالي عندي

فهد: من صدق انا غالي عندك ولامزح هذي بعد

ساره: بقولك صدق ولا مزح بس بعد ماتقولي ايش قايل لسما تقولي

فهد: قلت لسما ابي اخطب.. ابي وحده احبها من زمان مادرت عني اني اموت عليها .. واتحرى شوفتها..
يفز قلبي لجا طاريها اتعذر باي حجه عشان اجي لبيتهم واشوفها.. نفسي تواقف انها تكون حليلتي ..
وياليتها تحس مره فيني

ساره: من هالغبيه الي ماحست فيك

فهد: البقره الي قاعد اكلمها

ساره: عن الغلط ترا والله ارفضك

فهد: هااا ايش يعني انتي موافقه؟!!! ساره انتي موافقه

ساره: لا ماوافقت قلت ابي افكر .. ليه مو من حقي

فهد: الا من حقك

ساره: طيب خذ تعشى

فهد: قلت لك تعشيت

ساره: لا شايفتك ماتعشيت لاتكذب علي

فهد: وكيف شفتيني وانتي ماتدرين عني

ساره: والله!! .. داريه من زمان بس بستغبى

فهد: والله عاد .. طيب فكرتي ولا لسا

ساره: لا طبعا لسا

فهد: بسرعه بعطيك دقيقتين بس وبعدها انا بقرر عنك

ساره: صاحي انت

فهد: لا بستغبى

ساره: هههههههههه فهد لا اصبر شوي

فهد: طيب قولي احبك وانا اصبر

ساره: خييييييييييير لا طبعا

فهد: خلاص اجل انا رايح لعمي

ساره: لا .. اسمعني بس

فهد: قولي احبك

ساره: والله ما اقولها.. بتسمعني ولا امشي عنك

فهد: وين بتروحي عاد .. بمسكك بمسكك .. يلا قوليها

ساره: والله والله ما اقولها

فهد: هذا انا رايح لعمي..وخلي عنادك ينفعك

ساره: طيب ماتبي تسمع لساره حبيبتك ابش تبي تقول

فهد: ياعمري والله .. انتي حبيبتي وعمري.. وحياتي .. تدللي ياعمري قولي .. امريني

ساره: انتظر شوي مالك مستعجل كذا .. لسا موضوع امي ما انحل .. انا خايفه انه................

فهد: لا تقلقي .. حلينا الموضوع هذا من زمان

لينا: ساره

ساره: نعم

لينا: سما تبغاكم

***************************
في الصاله

سما: وين محمد وفيصل

لينا: مع العيال

سما: لينا الله يخليكي ناديهم

لينا: حاضر

بومشعل: خير يبا ايش فيك

سما: ابد يبا .. دامنا كلنا مجتمعين قلت اقولكم الي بخاطري ..

بومشعل: قولي الي بخاطرك يبا

سما: انا عندي طلبين

محمد: خير حبيبتي ايش فيك

سما: اقعدو ياروحي

بومشعل: شوقتيني قولي .. ومن الان طلباتك مجابه .. من غير ماتعرضينها وتطولينها

سما:ههههههههههههههههه حافظني انت

ام مشعل: قولي عاد شوقتينا

سما: حنا الليله نحتفل بزواج سامي ونور.. والليله ابي اطلب ساره لفهد

بومشعل: والطلب الثاني

سما: لااااااااااااا توافقون على الاول

بومشعل: ها ياساره ايش قلتي

ساره:..........................

سما: ابي اسمعك رايك يبا قبل لا اسمع ساره

بومشعل: انا لوعندي بنات غير هالبنات كنت زوجتهم لاخوانك يبا

فهد: يعني موافق عمي

بومشعل: موافق ياروح عمك

فهد: يما ليه ساكته.. متى بموافقه

ام مشعل: الا يما موافقه بس

سما: لا بس ولاغيره .. حنا فكرنا بعد موافقتكم طبعا اننا نشتري بيت يضمنا كلنا

محمد: ايوااااااااااااااااااا انا موافق

فيصل: وانا بعد

بومشعل: بس ياعيال.................

سما: بنعمل في البيت اقسام حريمي واقسام رجالي .. اسمناعايشين مع بعض.. ومافي شي بتخاف
منه ياعمي بناتك في ذمة رجال وانا واخواني بحضنك والعيال بحضوننا .. انا مابي خالتي يجرا عليها شي اذا قلنا بناخذهم

ام مشعل: لا ... تاخذوهم لا ,, خذو روحي ولا تاخذوهم مني

سما: مابناخدهم منك يما لا تخافين .. ابوي وصى انهم يكونو عندك والله

ام مشعل: من صدقك

سامي: ايوا من صدقها .. حتى لو ما رضيتو نعيش مع بعض .. بيظلو عندك يما لاتخافين

ام مشعل: انا موافقه

سامي: ننتظر موافقتك ياعمي

بومشعل: هالخطوه لازم نناقشها مع سلطان انتو عارفين ياعيال ان..................

سامي: ياعمي بيتنا اكيد مراقب .. واكيد هم عارفين تحركتنا كويس.. بيعرفو بيتنا الجديد لا تخاف

سما: انا في بالي فكره تعلمهم مكاننا لا تخاف .. بس ضروري نقعد مع عمي سلطان بالاول

بومشعل: ساره ايش رايك

ساره: في ايش يبا

سما: مو وقت غبائك يالداهيه .. عمي انا خذت رايها وهي موافقه

بومشعل: خلاص نتوكل على الله

ام مشعل: ومشعل ليرجع كيف بيعرف مكاننا

****************************

تابعو في الجزء الرابع
ظهور هزاع
ظهور العصابه
احداث جديده ومثيره