شكرا ليكي عزيزتي ايمومسا علي هذا البارت الرائع
تطورات رهيبه واحداث ولا أروع
المعذره علي قصر التعليق
ولكني احببت شكرك علي نقللك الرائع
جزاكي الله خيرا
تحياتي

السلام عليكم ورحمة الله وبركاته


مرحبا شبيهة القمر ....



يسعدني دائما متابعتك للرواية ..... و حماسك واعجابك الظاهر بها ............ موضوع الامانة سيظهر مع الاحداث ......... فانتظري ...............



مرحبا رابحة ....


بكون في غاية السعادة وانتي تحاولين التوقع للاحداث القادمة ....... او ايجاد حل لغموض الرواية ..... لكن اسلوب الكاتبة المتميزة ....والاحداث التي تخطها اناملها دائما غير متوقعة .....

سر ضرب اخوات طيف لها ولاختها مرتبط بسر الامانة ............. وتوقعك ليحيى ومشعل ( غير صحيح )( جربي مرة اخرى ).........



مرحبا emotions ........


يسعدني دائما مرورك يا عسل .......... وكلامك الحلو ....... وحماسك للرواية ....... يجعلني احمدالله على حسن الاختيار .........( ذلك من فضل الله )........ وانتظري فمازال التشويق والاثارة مستمران ............




مرحبا .......بنات افكاري .........


واللهي ...... شكرا ..... على ذوقك ..... وتشجيعك الف شكرا ........ وان شاء الله البارت القادم سيعجبك اكثر .................



مرحبا بوسي


وحشتيني يا عسل ........ وشكرا على التوقيع الرائع ......... وبصراحة انا زعلانة التعليق قصير ......... هههههههههههه عارفة ظروفك يااحلى بسبوسة ...... ويكفي تشجيعك لي ......... وانتظري البارت القادم سيعجبك اكثر ........ وسلامي للحلوة بنوتك .............




عزيزاتي الحلوين شبيهة القمر .......رابحة ............. emotions ....... بنات افكاري ....... بوسي .......

شكرا لتشجعيكم الدائم لي ..... ومتابعتكم المستمرة للرواية ....... ربنا ما يحرمني منكم ابدا .......



انتظروا البارت القادم بعد ساعة من الان ..............

الجزء العشرين



بغرفة يحيى وسما

يحيى: كم الساعه الان؟
سما: 6:30
يحيى: وتركتيني نايم كل ذا!!
سما: وليه اصحيك؟
يحيى: وطيف !!.. انا تاركها لحالها
سما: دقيت على بوعذبي هو ومرزوق ورجوه معاها وقلت لعادل وامي يروحو لها بعد
يحيى: ......................
سما: ليه تناظرني كذا!!
يحيى: وانتي ليه مهتمه فيها كذا؟
سما: ايش تقصد؟
يحيى: داقه على بوعذبي .. ودازه عادل وامي .. ليه كل ذا .. انتي قلتي ماتبيني
سما: انا مابيك انت .. طيف مالها دخل بكرهي لك
يحيى: ول كره عاد.. اجل جالسه هنا ليه؟
سما: قلت يمكن تحتاج شي
يحيى يفكر: الي كارهه زوجها وماتبيه تجلس عنده .. عشان يمكن يحتاج شي.. ممكن
سما: لاني سنعه .. ماهو انا الي تترك واحد في حاجه لمساعده عشان تنتقم منه
يحيى يقرب منها: واشهد انك سنعه .. سما وين رايحه
سما: اترك يدي انا نازله تحت
يحيى: ودي اقولك اني ندمان .. والله اني ندمان .. ابي تصدقيني انا بحياتي ما اخلفت معاكي وعد .. سما الله يعلم بغيرتي عليكي كنت بجن .. انا عمري ماحبيت زيك .. ولا شفت وحده زيك .. سما انا محتاج وجودك جنبي .. سما اقعدي شوي
سما: لا ابي اتطمن على البنات
يحيى: البنات بخير .. ومعاهم الي يحميهم .. ماقلتي انك مابتتركني لاني محتاج مساعده؟
سما: وهذا انت بخير .. اتركني ابي امشي
يحيى: من قال اني بخير .. الي جواي اكبر من الي تشوفيه قدام عينيك .. سما اقعدي شوي
سما: يحيى صدقني الكلام الي بتقوله ما راح يغير شي داخلي .. بتتعب نفسك على الفاضي
يحيى: مابيه يغير شي .. المهم تسمعيه
سما: ماله داعي .. بنادي جمايل تسمعه .. ولا اقولك طيف ونور وساره بيسمعوك اكثر مني
يحيى: ماراح يعوضوني عن سما
سما: ياليت تنساها.. سما ماتبيك خلاص
يحيى: اجلسي .. عشان يحيى الي حبيتيه اجلسي
سما: هذاك مات .. والي مات مايرد
يحيى: طيب وغلاته عندك .. وغلاوة يحيى الي مات عندك اجلسي شوي
سما: اتركني طيب
يحيى: شوفي ادري انك ماتبين حتى تسمعي صوتي .. انا مقدر هالشي .. عارف حالي غلطان .. بس ابيكي تذكري يوم كنتي بحضني وقلتي احميني .. تذكري هاليوم؟
سما: لا
يحيى: الا تذكريه .. عارف انك تذكريه .. تذكري وقت كنت في البيت عندكم .. وقت البوسه ..تذكري؟
سما: ..................
يحيى: انا عارف انها غلط بس بعد عارف انك كنتي فرحانه بيها كثير .. كنتي عارفه اني احبك .. على اني كنت قاسي عليكي بس كنت صادق معاكي .. وانتي عارفه هالشي .. احبك بجنون روحي ماكانت مهمه عندي وانا اخذك بحضني في بيت جابر كان مهم عندي احميكي زي ما طلبتي .. سما .. تذكري هالاشيا الحلوه بيننا .. هي بتردك لي .. يابنت انتي لما كنتي بتتدلعي علي .. كنتي عارفه ايش يجرا علي .. سما انتي عارفه هالشي زين .. انا كذبت عليكي في البدايه حتى نطلع من الي حنا فيه .. بس بحياتي ماخدعتك .. مشاعري واحساسي كانت صادقه وربي يشهد على الي اقوله .. سما ياليت ترجعيلي .. ياليت .. احبك .. احبك
سما: خلصت؟
يحيى: ماخلصت باقي كثير
سما: اجل وفره ما ابي اسمع منه شي
يحيى: حبيبتي الله يخليكي................
سما: شوف يحيى .. يمكن ذكرياتي معاك حلوه .. واذا اذكرها تردني لشعروري القديم انه في احد مهتم بي ويحبني .. بس من اذكر انك ذليتني وضربتني واهنتني .. انسى كل شعور حلو تجاهك .. انا ماني بنت ليل الي جلست ترددها علي .. ولا انا وحده وسخه بايعه شرفها وجالسه تدور عليه زي ما اتهمتني .. كان ودي تسمع مني هالكلام وانت تضربني وتذلني .. كان ودي انك تسمع قصة سماح مني ماهو من عمي .. ذليتني حتى قدام هلي .. كسرت فرحتي فيك .. باول ليله كنت فيها معاك .. ماراح انسى كيف رميتني على الارض وسبتني ومشيت .. ما بنسى نظرات هلي وهم يقولو لي .. طلع ؟!!! تمنيت وقتها موتي .. ما كنت حابه انه عمري يطول .. صدقني لو خيروني بين العيشه معاك وبين الموت .. بختار الموت على اني اكمل حياتي معاك.
يحيى: على فكره كل ماظليتي على حالتك ذي تراكي تذليني وتهيني رجولتي .. ما فيه رجال يرضى زوجته تبات بعيده عن حضنه كل هالمده .. مافي رجال يمنع روحه من انه يرتاح مع زوجته .. فاهمتني ايش اقصد.. بس انا ماراح اعمل كذا .. ابيكي ترضي علي بالاول .. مابي اخذ منك شي بالغصب حتى لوكنتي تبينه وكبريائك يمنعك عنه
سما بحده: تعال هنا لا تتركني وتمشي
يحيى: خير
سما بحده: مين قالك اني ابيه؟
يحيى: عيونك .. رجفتك مني كل ما اقتربت منك .. انفاسك الي تتسارع كل ماحاولت احضنك .. سما انتي تعاندي نفسك .. تراكي تذليها انتي بعد
سما: انت غلطان
يحيى: غلطان ؟!!
سما: ايوا
يحيى: تبين اثبت لك اني صح
سما: لا
يحيى: ليه لا .. يعني انا صح
سما: لا منت صح
يحيى: اجل ليه ماتبين اثبت لك
سما: ماله داعي .. انا مقتنعه اني صح
يحيى: مقتنعه بايش؟
سما: .............................
يحيى: قومي اوقفي
سما: لا
يحيى: مابسوي شي .. اوقفي بس
سما: يحيى اتركني
يحيى: قلت لك مابسوي شي .. بس اوقفي
سما: وقفت خلك بعيد
يحيى: شوفي انا بثبت لك اني صح من غير ما المسك
سما: من غير ماتلمسني
يحيى: منغير ما المسك .. انا واقف بعيد عنك .. شوفيني هذا انا قربت .. قربت اكثر .. قربت اكثر
سما بخوف: يحيى
يحيى: ليه ابتعدتي .. هذا وانا مالمستك .. شوفي انفاسك كيف تسارعت .. شفتي كيف ترتجفي .. روحي قدام المرايه وشوفي عيونك كيف عاملين .. انا رايح .. وجايب لك معي مفاجاة حلوه الليله بتفرحك كثير .. ودي افرحك بس .. ابيكي تعرفي اني نفذت كل وعودي لك .. انا رجال ياسما .. وغيرتي على زوجتي تشفع لي الي سويته .. صحيح كنت قاسي كثير .. بس احبك .. وروحي فيكي.


***************************

في زاويه من زوايا الحديقه


فهد: والله اذا فكرنا بالكلام ذا كويس نلقاه منطقي كثير
خالد: كيف يعني؟
فهد: تذكرو يوم سلمت عليه ساره وهو ناسيها
سامي: ايوا
فهد: يمكن ما يكون ناسيها و شوفتها ذكرته بغلطته قدامها هذاك اليوم.. فخاف واخذ وقت يستجمع قوته قدام الكل
هزاع: صح .. تذكر انه قال اسم خليل قدامها .. عشان كذا خاف منها تكشفه
ساره: لو انه خايف كان على الاقل يحاول يكسبني حتى ما اتكلم او ممكن يهددني .. بس هذا ما عمل لوجودي أي اعتبار وبعدين اللحظه هذي كانت ثواني بس .. مابين عليه انه متأثر او مهتم
هزاع: بعد هذا مايعطيكي دليل .. يضعف الفكره
ساره: وبعد مايعطي دليل انه يثبتها
فهد: عمي انا سمعت انه من رجع .. تخانق مع ابوه وابوه طرده .. ليه ؟
هزاع: عندك فكره عن هالشي؟
بومشعل: عندي وما اقدر اقول
خالد: ليه يبا؟
سامي: عشان هذا سر صعب البوح به
خالد: انت تعرفه؟
سامي: ايوا
بومشعل: ومين قالك؟
سامي: يحيى قالي يوم جا يخطب سما
بومشعل: والله اني احترت
خالد: من ايش يبا؟
بومشعل: من شخصيته .. ماني قادر احدد هو زين ولا ..............
هزاع: لا تكمل يابومشعل.. يحيى رجال ماعليه زود .. بس الظروف هي الي خلته كذا .. لو ماكان رجال ماجا من نفسه وقال لسامي .. هذا يبين انه معدنه طيب .. حياتي وحياة اهلي .. بايش كانت تهمه .. كان تركنا نموت وخلاص هو ايش عليه .. وحنا ايش نقرب له .. شوف حراسه كيف موزعين وعيونهم ماتنام .. شوف شكله من التعب ايش عامل .. هو ايش دخله بنا من الاساس .. تذكر يوم شافك وبكى في حضنك مثل الطفل .. كان بداخله تعب يهد جبال .. شوفته لك اذبحته
فهد: قصر حسك هذا هو جاي
ساره: ياخوفي لايكون حس علينا
بومشعل: وحنا ايش عاملين
سامي: عادي جالسين نسولف
يحيى: وانتي ليه قاعده مع الرجال؟
سامي: هلا والله يحيى.. اعذروني انا شوي
يحيى: هلا وغلا خذ راحتك .. ماقلتي لي ايش تعملي هنا؟
ساره: عادي اغير وجوه
يحيى: دخلي داخل
ساره: ما ابي
يحيى: اقولك دخلي
ساره بحده: وانت ليه تكرهني كذا .. انا ايش عامله فيك؟
يحيى: كذا بكيفي
ساره: والله عاد .. لا تزودها معاي .. يحيى ما احب احد يعاملني كذا
يحيى: طيب وليه الزعل انا امزح معك
ساره: مزحك ثقيل
يحيى: طيب اذا قلت احبك
ساره: تقولها لزوجتك .. هذي زوجي يقولها لي
يحيى: والله انه مايقولها زيي
فهد: كيف يعني؟
يحيى: يعني احب اختي اكثر ماتحبها انت
فهد: والله عاد !!
يحيى: طبببببببببعا هذي حبيبتي ساره
ساره: ايوا كذا خلك حلو
يحيى: يعني ماني حلو
ساره: الا جمالك يهبل
يحيى: ياربي يخليكي .. خواتك وين؟
ساره: تبي الصدق مدري عنهم .. انا من العصر وانا اتمشى مع فهد .. يادوب اصلي وارجع
يحيى: الله يهنيكي ياروحي
بومشعل: وانت ناسي الكل لا سلام ولا كلام وجالس مع اختك بس
يحيى: هههههههههههههههه سلام عليكم
بومشعل: وعليكم السلام
يحيى: معلش يبا اراضيها ايش اعمل صرت عصبي معاها هاليومين
ساره: ايوا اعترف.. يعني حاسس اني اعاني منك
يحيى: معترف وحقك على راسي .. ساره وغلاتي شوفي جمايل خليها تجهز بخذها لطيف
ساره: يحيى وغلاتي عندك خذني معك
يحيى: شوفي زوجك وجهزي روحك
هزاع: بشر كيف صحتها الان؟
يحيى: مكلم الدكتور عبدالكريم من شوي .. يقول محتاجه وقت حتى الكسور تبرا .. بس ممكن اطلعها بكره .. وتكمل علاجها هنا
هزاع: بس ياخوي هناك احسن لها
يحيى: هزاع .. انا وخواتي بالذات ماعرفنا نعيش حياه مستقره زي الي عايشها معاكم الان .. انا متأكد طيف بتتحسن بسرعه هنا .. يكفي حنان امي عليها .. بينسيها كل الي شافته
خالد: طيب ليه مو الان تطلعها؟
يحيى: الدكتور عبدالكريم يقول انه بيعمل لها بكره اخر صور للاشعه .. وبعدين ممكن اطلعها على طول
بومشعل: والصور الي عملها قبل كذا ماهي كفايه
يحيى: يعمل الي يعمله يبا .. اهم شي انو مافي نزيف داخلي اوشي ماندري عنه
بومشعل: ان شاء الله ماعليها شر
يحيى: ان شاء الله
هزاع: يعني نقول بكره الصباح بتكون هنا؟
يحيى: بكره الصباح بيكون يوم غير .. الكل بيكون هنا الكل دون استثناء.. كل الي نحبهم بيكونو هنا
ساره: حنا جاهزين ياخوي
يحيى: يلا ياروحي جمايل وين؟
ساره: هذا هي
يحيى: حبيبتي
جمايل: هلا ياروحي .. بشوفها خلاص؟
يحيى: اكيد .. ليه ماتبين؟
جمايل: ايش تقول انت اكيد ابي اشوفها بموت واتطمن عليها
يحيى: كلامي مايطمنك يعني؟
جمايل: يصبرني بس .. انا ابي عيوني تشوفها
يحيى: يلا اجل
خالد: عمي يحيى وحنا متى بتفرجون عننا يعني .. نبي نشوف الشارع عمي
يحيى: اقول ليه ماتسكت وتحافظ على حياتك قبل لاتذبحني اختك اذا صارلك شي
جمايل: ههههههههههههههههه
خالد: ياقلبيييييييييييييييي
بومشعل بحده: خالد
يحيى: يلا سلام
بومشعل: سلام يبا
هزاع بحده: ايش الي قلته؟
خالد: هااا
هزاع: هذا راح فيها
بومشعل: هههههههههههههههههه احد يعمل كذا؟
فهد: فشلتنا الله يقطع بليسك
هزاع: خالد وين وصلت؟
خالد: هاااااا
فهد: لااا هذا من جد راح فيها
هزاع: الوووووووووو
خالد: ها
فهد: يييييييييييييي اقول اتركه وخلنا نكمل الي قلناه
هزاع: اصبر خلنا نشوف الي سبح في ملكوت ربه
بومشعل: خاااااااااااااااااالد
خالد: ها
هزاع: ووجع قول نعم
خالد: ايوا .. ها
بومشعل: هههههههههههههههه اقول اخطبها يبا
خالد: لايبا لا .. ايش تخطبها
هزاع: تعال وين؟
خالد: وانت ايش عليك رايح اشوف خواتي
هزاع: خواتك الله ياكثرهم عاد
خالد: اقصد اخواني .. يوووووووه مالك ياهزاع ؟
هزاع: الان انا الي مالي؟
بومشعل: ههههههههههههه اتركه يبا
هزاع: ههههههههههههه خلنا ننبسط شوي مالك
بومشعل: شوف عاد تراك انبسطت في الكل .. مابقا الا انت .. تعرف عاد ان عملتها وتزوجت .. لاكون اول واحد يتريق عليك
هزاع: وتسويها عاد؟
بومشعل: بسويها .. وبتقول بومشعل قال
هزاع: تراني هزاع
فهد: هههههههههههههههههه ياحلوك وانت تترجاه ايوا كملو
بومشعل: هههههههههههههههههه مابكمل الان خلاص انا قلتها كلمه
فهد: ايوا عمي خلها لوقتها احلى
هزاع: طيب يافهد .. تشمت بي
فهد: هو انت عتقت احد .. خلنا ننبسط فيك شوي


*************************

في الصالة


هلا: وين كنتي كل ذا؟
منال: اتركيها حبيب القلب تعبان ودقو على عادل وقالو له يروح يشوفه .. وبعدين هم بنفسهم راحو
سما: شوفي انتي تبتدي وبعدين تزعلي
منال: خلاص خلاص .. اعوذو بالله ماحد يمزح معك
سما: وين البنات؟
هلا: جمايل وساره راحو مع يحيى لطيف ..
سما: وعيالك وين؟
منال: يتعشو
سما: من الان عاد !!
منال: الساعه 8:15 يادوب ياكلو وينامو
سما: مادريت عن الوقت
منال: غرقانه بالعسل وين تدرين
سما: طيب .. ونور وين؟
هلا: نور مع خالتي .. وامي معاهم
سما: امي جات؟
منال: من بدري
سما: خلوني اروح اشوفها
هلا: تلاقيهم برا
منال: سالم وين؟
هلا: مع فيصل ومحمد
منال: زين سوى الي راح يقعد معاهم انا شايفه محمد من امس ماهو بخير
هلا: لسا صغير .. ياختي اذا حنا خفنا كيف هو
منال: صدقتي .. الحمدلله على كل حال
هلا: اهم شي سلامتكم ياختي
منال: العيال اهم من روحي يا اختي .. كل ما افكر بالي صار......................... ..
هلا: تعوذي من ابليس بس .. واذكري الله .. الحمدلله الي الله سخر يحيى لنا ولكم
منال: الحمد لله


************************

في الحديقه


سما: يما
ام مشعل: ياروحي يما
سما: وحشتيني
ام مشعل: وانتي اكثر
سما: يما كيف حالك؟
ام حسام: حالي طيب .. دامك بخير
سما: اكيد بخير تشوفي شي ثاني يعني
ام حسام: اذا علي انا اشوف .. بس ما ادري اختي ام مشعل تشوف هي بعد ولا انا بس
ام مشعل: اشوف واشوف بعد
سما: ايش الي تشوفونه وانا ما اشوفه
ام حسام: انتي قولي
سما: خليني اعرفه بالاول حتى اقول
ام حسام: ماهو علي يابنت .. قولي
سما: ياربي ايش اقول
ام حسام: قولي مالك
سما: انا بخير والحمدلله سعيده وفرحانه ولافي زيي بهالكون كله
ام مشعل: علينا يما
ام حسام: محسبتناعيال بتضحكي عليهم بهالكلام
سما: هههههههههههههه عيال عاد .. اعوذو بالله انتو اعز واغلى
ام حسام: ايوا خذينا بهالكلام الحلو ونسينا
سما: ههههههههههههه خلكم مني وقولو لي
ام حسام: شفتي قايله لك انا
ام مشعل: ههههههههههههه خليها على راحتها متى مابغت تتكلم .. هي عارفه تلاقينا وين
ام حسام: صدقتي
ام مشعل: قولي يما.. ايش بغيتي؟
سما: كيفها طيف؟
ام مشعل: والله يما وجهها تعبان مره .. وجسمها جثه مايتحرك .. مخدرينها يما حتى ماتحس بالوجع
سما: لاحول ولاقوة الابالله
ام مشعل: عادل يقول انها احسن من اول بكثير
سما: ان شاء الله تطيب بسرعه
ام حسام: ان شاء الله يما
سما: اظن انو يحيى بيجيبها بكره
ام مشعل: ايوا بيعملو لها اشعه بكره وبيجيبها على طول
ام حسام: تظنين!! .. ماقلت لك ياختي هذا هي اعترفت بلسانها
سما: مالك ماسكتني على الوحده
ام حسام: انا الي مالي؟!!
ام مشعل: قولي لنا انتي مالك
سما: مافي شي
ام حسام: اجل كيف تظنين .. ماسألتي زوجك عنها .. مايصير سألتيه ومارد عليك
سما: لا تشغلي بالك يما
ام حسام: وكيف ما اشغل بالي يما .. هو انتي لسا تفكري بالي قلتيه لي هذاك اليوم؟
سما: أي يوم؟!!
ام حسام: يوم الي جبتي لي هلا بعد حفلة نور وساره
سما: ايوا !!!!!! ايش قلت؟
ام حسام: منتي قاكره؟
سما: لا ماني فاكره
ام حسام: اقول يعني
سما: اكيد قولي وانا ايش عندي اخبيه
ام حسام: اقول خليني اوشوشك باذن يمكن تنحرجي من ام مشعل
سما: ولا انحرج ولا شي .. انا ماعندي شي اخبيه
ام حسام: طيب بقول
سما: ياربي ..قولي
ام حسام: قلتي لي انك تحبي
سما: ايواااااااااااااااااااا
ام حسام: انتي لسا تحبيه؟
سما: واموت فيه بعد
ام مشعل: يما ايش الي تقوليه؟
سما: مالك يما .. انا كنت احب .. ولسا احبه وما ابي احب غيره ابد
ام حسام بحده: انجنيتي يابنت!! .. عشان كذا منتي طايقه زوجك .. ولا انتي كويس معاه
ام مشعل: والله عيب عليكي .. الرجال ماقصر مع الكل وهذا جزاه منك
سما: ههههههههههههههه مالكم بس .. يحيى هو الي كنت احبه
ام حسام: هاااااااااا بس انتي قلتي انه فقير
سما: لعب على وصدقته
ام مشعل: من صدقك انتي؟
سما: أي والله ..يحيى هو الانسان الوحيد الي حبيته .. وما بحب بعده ابد .. يحيى هو الرجال الي حلمت به طول عمري
ام حسام: ما ني مصدقه انتي تغطي على حالك؟
سما: ابد والله عندكم ابوي روحو اسألوه .. انا قايله له عن يحيى حتى قبل لايجي ويخطبني
ام مشعل: ابوكي يعرف؟
سما: اكيد يما .. هو انتي ضانه اني العب؟
ام حسام: كبرتي بعيني يابنت .. قلتي لعمك بكل صراحه!!
سما: وليه لا.. انا ماكنت اسوي شي غلط .. كانت مشاعري تجاه يحيى مشاعر تخصني لحالي ..محد درا عنها حتى يحيى .. انا حالي حالكم تفأجات فيه جاي يخطبني
ام مشعل: وكيف ابوكي ماقال لي؟
سما: وكيف يقولك!! .. هذا شي خاص بي
ام مشعل: انا امك
سما: ولو .. هذي مشاعري ومكنت ابي احد يدري عنها
ام مشعل: كذا يما .. طيب انا الان صرت ما.......................
سما: انتي الان صرتي كل شي بحياتي .. انتي عمري وهواي الي اتنفسه .. وشوفي كيف الله عوضني الخير .. بدل الام عندي ثنتين .. وبدل مايكون حضن واحد عندي حضنين .. شفتي احلى من هالدلع
ام مشعل: الله يديم عليكي هالفرح يما
ام حسام: لا تقولي فرح وتصدق حالها بس
سما: يما ايش عندك بعد قولي
ام حسام: ابي اعرف ليه منتي ماعطيته ريق حلو .. اذا تقولي انه حبك الي حبيتيه والرجال الي تمنيتيه .. ليه مانتي مطلعه هالاهتمام ..شوفي البنات الله يحفظهم .. هلا ونور وساره .. كلهم مع رجالهم غير .. وانتي لحالك غير
سما: ايش تبين اعمل .. ابوسه كل شوي قدام الكل .. ولا اركض وهو يركض وراي زي الفلام ولا اقولك ايش رايك اجلس بحضنه زي الاطفال هذي احلى صح
ام حسام: تتريقي يابنت
سما: ايش تبين اقول يعني.. وهم البنات ايش يعملو غير عني .. هذا هم مع ازواجهم يسولفو ويضحكو زيي
ام مشعل: ماهو زيك .. انا ماشفتك وقفتي معاه ..ولا شفتك تكلمتي وضحكتي معاه .. ولا شفت انو فيه حياة بينكم اساسا
ام حسام: معاك حق .. انا بعد ماشفت هالشي .. على طول صادته .. ماسمعتك تقولي له كلمه حلوه ..ولا حتى تدلعيه قدامنا .. كانكم اغراب يما كل واحد فيكم بعالم
ام مشعل: هي لحالها بعالم ..انا اشوف يحيى كيف يناظرها وهي ولا تدري عنه .. وكأنها تتعمد تصده
سما: انتو اكيد جرا لكم شي .. ماني عارفه عن ايش تتكلمو .. صدقوني مافي بيننا هالشي ابد .. الحياه عاديه جدا بيننا انتو بس مكبرينها
ام حسام: وهو في وحده تحب واحد وتتمناه وتصير حياتها معاه عاديه جدا .. اقول شوفي احد غيرنا تلعبي عليه
سما: انتو فاهمين غل.....................
خالد: سما
سما: ياروحها
خالد: ابي اكلمك شوي
سما: جايه ياروحي
ام حسام: ايوه جاكي منقذ روحي له
سما: هههههههههه اكيد بروح له .. اقول شوفو موضوع ثاني غيري تتكلمو فيه .. لا تحشون فيني
ام حسام: روحي ..روحي قبل لا اجي امسكك واخليكي غصب تتكلمي
سما: هههههههههههههههههه هذي عاد محد عملها معاي من قبل
ام حسام: خلاص بقول ليحي يسويها معاكي
سما: يما
ام حسام: اصبري وتشوفي
سما: يما مو كذا عاد
ام حسام: بتقولي امي قالت .. روحي
سما: اخلص من خالد وارجع لك .. سلام
ام مشعل: روحي يما ام حسام تمزح معك

سما: ايوه ياروحي انت
خالد: كيف حالك؟
سما: بخير وانت كيفك؟
خالد: بخير
سما: مرتاح؟
خالد: الحمدلله
سما: زهقان؟
خالد: لا ابد
سما: تجي نجلس عند الجسر
خالد: ايوا ياريت
سما: الجلسه هناك عجيبه مره
خالد: المكان كله حلو احسن يحيى الاختيار
سما: طبعا .. ضروري يكون اختياره صح .. عشان هو اختارني
خالد: ...................
سما: ايوا
خالد: مرتاحه معاه؟
سما: الحمدلله
خالد: هو رجال زين ويحب الكل واولهم انتي
سما: وانت؟
خالد: وانا ايش
سما: ايش تحب؟
خالد: احبك
سما: وبس!!
خالد: لا واحب اخواني
سما: وبس !!
خالد: وبيت عمي بومشعل .. وهزاع وعادل واهله .. وبيت ام حسام
سما: وبس!!
خالد: ليه انا نسيت احد
سما: ما ادري انت قول
خالد: ايوا ويحيى كمان .. اعذريني نسيته
سما: لا عادي
خالد: يحيى ذا من الاول ما ارتحت له .. من شفته يبكي مثل الاطفال وهو بحضن عمي بومشعل .. وانا................
سما: ايش اخذت موقف
خالد: تقدري تقولي كذا .. بس بعدين تغيرت نظرتي له ..صرت احترم فيه بكاه .. احترم رجولته
سما: وانت رجال بعد .. ماتختلف عنه .. ايش قاصرك يعني .. مال وجمال ونسب يشرف .. يكفي انك اخوي
خالد: وعشان اني اخوكي ابقا .. رجال زين
سما: وزين الزين بعد .. انت خالد الراشد .. حبيبي انا
خالد: ياروحي انتي .. والله الدنيا بلاكي ماتسوى
سما: وليه هو انا بموت وانا ما ادري؟
خالد: بعيد الشر ليته بي ولا بك
سما: بعيد الشر عن عمرك .. لا تقول كذا
خالد: ساعات افكر .. يوم الي بترجع سماح كيف اقدر ادلع ثنتين .. عارفه اشوف دلعكم وانتو الثنتين وانا دايخ ما ني عارف اراضي من واترك من .. ياحلوها من لحظه والله اني اتمناها .. ياليتها تتحقق
سما: باذن الله قريب
خالد: وحنا بهالحال كيف بس
سما: الله كريم ياخوي .. انت تريد وانا اريد والله يفعل مايريد
خالد: والنعم بالله
محمد: انا احتج
سما: وانا احكم لصالحك اكيد
خالد: كذا ومن غير ماتسمعي على ايش هو محتج
سما: بدون ما اعرف هو مايغلط اكيد احد غلط عليه
خالد: يلا قول من غلط عليكي
محمد: انتي
سما: هاااااااااااااا
خالد: ههههههههههههههههه حبيبي والله انت زين تسوي فيها يلا احكمي على نفسك الان
سما: محمودي انا مزعلتك؟
محمد: ايوا
سما: اذبح روحي ولا تزعل مني
محمد: بعيد الشر ان شاء الله انا ولا انتي
خالد: قول لي يامحمد .. لو سماح ترجع .. تحب مين اكثر
محمد: ...................
سما: هههههههههههههه حرام عليك ياخالد
محمد: مافكرت فيها تصدق
سما: لا تفكر فيها .. مثل ماتحب اخوانك كلهم .. بتحب خواتك بعد
محمد: بس انا افضل سامي على اخواني
خالد: ايوا لانه اكثر واحد يدلعك ويعطيك .. ويكسر روسنا عشان عيونك
محمد: هههههههههههههههههه وانت تغير؟
خالد: وكيف ما اغير
محمد: اجل بتعامل مع خواتي نفس الشي بخليهم يحبوني اكثر منكم ويكبرون راسي عليكم
خالد: من غير ماتعمل .. بيكبرونه علينا انا عارف
محمد: اعوذو بالله من هالناس ياختي .. الحسد عندهم شغال
سما: تجي نزوجه ونرتاح منه
محمد: اي والله .. سما والي يخليكي خلينا نزوجه ونرتاح منه زي مرتحنا من فهد
سما: ههههههههههههههههههه خلاص بحط الفكره ذي براسي
خالد: طيب انتي وياه .. تجي سماح واخليها بصفي واحرق قلوبكم
محمد: اعمل الي تبيه .. بس هي تجي
سما: اقول يا خالد تراني فاهمتك .. اخوانك وين يامحمد
محمد: فهد وسالم وفيصل مع بعض .. وسامي مع عمي وهزاع .. وانا وخالد مع اجمل بنت بهالكون
سما: ياربيييييييييييييييييييييي ياولد انت بتجنني.. كلامك عسل
محمد: سما ناظريني
سما: تعال
محمد: عارفه هاليومين كنت اشوف فيهم تعب .. مكنتي مرتاحه كان في شي مضايقك .. عارفه اليوم غير .. انت مفرحك شي
سما: هههههههههههههه كل هذا تعرفه لما تشوف عيوني
محمد: اكيد اعرف كل شي عنك
سما: ياروحي.. والله اني لو اجيب عيال ماراح احبهم زيك .. انت غير ياروحي انت .. بسم الله الرحمن الرحيم ايش ذا
خالد: منال تصارخ
محمد: قومو


***********************

في الصالة
نور: مالكم كذا!!
سامي: انتي مالك؟
نور تمسك راسها: مافي شي
سامي: وين تروحي خليكي مريحه
نور بتعب: مريحه!! .. انا وين؟
سامي: بالصاله
نور: ايش صار؟
سامي: ما تدرين؟
نور: لا .. اااااااااااه ياراسي
بومشعل: دقيت على عادل
هزاع: ايوا دخل المزرعه خلاص
نور: ايوا تذكرت انا دخت .. بس راسي يألمني
سامي: طيب ريحي عادل جاي
نور: لا خلاص انا بخير .. مايستاهل الموضوع
ام مشعل: وينها صحت .. خذي يما اشربي ذا
نور: ايش ذا؟
ام مشعل: وانتي ايش عليكي .. اشربي وبس
عادل بخوف: خير ياجماعه ايش في؟
نور: مافي شي انا دخت وعملوها حكايه
عادل: ايش يألمك؟
نور: مافي شي .. راسي بس
عادل: طحتي على راسك؟
نور: ما ادري
منال: ايوا على راسها انا كنت معاها
نور: ما اذكر
عادل: طيب ياحلوين اطلعو خلوني اشوف البنت .. خلك ياسامي .. وانتي بعد يامنال

*****************************

عند باب الفله

يحيى: خير .. ايش في مالكم واقفين عند الباب
خالد: مافي شي .. نور داخت ..وعادل يشوفها
ساره بخوف: نور!! ليه مالها؟
فهد: مافي شي .. اكيد اتعبت.. اليوم بطوله وهي مع عيال منال تلعبهم
ساره: ايوا من صحت وهي معاهم
جمايل بهمس: ساره يعني هي بخير؟
ساره: وليه تهمسي تكلمي بصوت واضح
جمايل: لا كذا احسن
ساره: طيب
يحيى: مالك؟
سما: ولا شي
يحيى: انت ترتجفي .. خذي الجاكيت خليه عليكي .. مابي تدوخي انتي بعد
سما: لا انا بخير
يحيى: حبيبتي .. خليه على كتفك بس
سما: يحيى
يحيى: ياروح يحيى
سما: خلنا نوديها المستشفى
يحيى: خايفه عليها ياروحي؟
سما: مرعوبه عليها
يحيى: من عيوني .. ادق على رجالي الان ننقلها .. لا تقلقي انتي بس
سما: يلا اجل اسرع
يحيى: سما .. عادل معاها داخل يطلع ويطمنا
سما: ايوا بس
يحيى: تعرفي.. الدكتور عبدالكريم .. يمدح بعادل كثير .. يقول انه يسمع عنه انه ممتاز .. تعرفي انو عادل مصنف من افضل احسن عشر دكاتره هذا العام
سما: من جد!!
يحيى: ايوا من جد الدكتور عبد الكريم سعيد كثير انه تعرف عليه
سما: يستاهل الخير عادل طول عمره انسان ممتاز الكل يشهد له
يحيى: مو مهم الناس يكفي انو حبيبتي تشهد له .. خلينا نروح الملحق الجو هنا بارد عليكي
سما: لا خلني هنا ابي اتطمن عليها
يحيى: عليا
عليا: نعم عمي
يحيى: لفي من باب المطبخ وجيبي لباس ثقيل لعمتك
عليا: من عيوني .. عشان عمتي اطير
سما: ههههههههه لحقت تحبني؟
يحيى: ومين مايحبك .. انتي روحي .. اذا انا بموت على ابتسامه منك
سما: زودتها قدامهم
يحيى: مايسمعون .. وبعدين حلالي وانا حر فيه
سما: لسا عايش بخيال
يحيى: لا عايش برجا .. انها ترجع تحبني.. ها
سما: ......................
يحيى: ليه ماتردي؟
سما: طيب احلم
يحيى: طيب بحلم وانا عارف انو الله بيحقق حلمي وان شاء الله قريب
سما: قريب بعد؟
يحيى: ايوا قريب .. والليله بعد
سما: والليله بعد !! .. والله انك واثق
يحيى: خلاص .. بنشوف
سما: طيب
يحيى: مانسيتي اني قلتك عندي مفأجاه بتفرحك صح
سما: ما اتذكر انك قلت لي هالشي
يحيى: عيني بعينك
سما: ......................
يحيى: خجل ولا خوف؟
سما: لا هذا ولا ذاك
يحيى: طيب عيني بعينك
سما: هذا هي
يحيى: ياربييييييييييييييييي عيونك خياااااااااااااال .. ما ابيكي ترضي علي .. ابيكي تعذبني اكثر واكثر .. عارفه .. بعيونك اضيع
سما: خلاص طيب عمي يشوفنا
يحيى: خليه يشوفنا ايش يعني .. اناظر عيون زوجتي .. غارق بسحر عيونها .. ليه .. ليه حرمتيني منهم
سما: ماطلبت اني اعذبك خلاص بعذبك واستحمل الي يجيك
يحيى: وطلبت انك ترجعي تحبيني .. اشمعنى عذابي الي وافقتي..................
سما: كذا لانه جا على راحتي
يحيى: خلاص ياروحي اعمل الي تبيه .. كلي لك
عادل: ياجماعه
بومشعل: خير يبا ايش في؟
عادل: مبروك نور حامل
سما: واااااااااااااااااااو
ساره: ايواااااااااااااااا
هزاع: مبروك يابومشعل والله اني فرحت
فهد: مبروك
خالد: وين سامي؟
عادل: خلوه مع زوجته انت ايش عليك
ساره: يلا عاد بلا دلع انا خالة الولد ومحد يقدر يمنعي ابي ادخل
يحيى بهمس: مبروك .. عقبالنا
سما: باحلامك
يحيى: هههههههههههههه دامك سمحتي لي بالحلم .. اجل بحلم
ام مشعل: حياكم يما تعالو
يحيى: وين وين رايحه؟
سما: اتركني ابدخل لها
يحيى: لا.. نسيتي المفاجاة؟
سما: خليها لك مابيها .. اترك يدي
يحيى: سما بتندمي
سما: ندمت كثير يا يحيى .. ماجات على مافاجئتك .. انت خليتني اندم على وجودي بهالدنيا .. سيبني اروح افرح مع اهلي .. وتعال انت بعد تراها اختك
يحيى بحده: استني هنا
سما: وليه العصبيه الان لسا كنت غير
يحيى بحده: اسلوبك ماعجبني
سما: يدي
يحيى بحده: غيري اسلوبك معاي
سما: ليه يشبه اسلوب بنات الليل؟
يحيى بحده: ولا كلمه
سما: ما هو انا الي اقول .. هذا كلامك ياعمري
يحيى بحده: سمااااااااا
سما: عن العصبيه يا يحيى.. هذا كلامك
يحيى: وانا اعتذرت عليه .. واذا بغيتي بقطع جسدي ندم
سما: مابيرضيني
يحيى بحده: ايش يرضكي اجل ها .. ايش يرضيكي
سما: مابي شي .. ما ني محتاجه شي
يحيى: اكيد منتي محتاجه؟
سما: لا
يحيى: فكري شوي .. يمكن تكوني ناسيه شي
سما: صوري وانا بحضنك .. صح معاك حق .. محتاجه لها .. على الاقل تكون ذكرى ..لاقسى ليله واحلى ليله بعمري
يحيى: ودك تشوفيها؟
سما: ياريت
يحيى: بس انا ما قصدت الصور
سما: تتوقع انه مهم عندي اعرف
يحيى: انا متأكد انه مهم .. تعرفي لا تخليني اعاندك الليله اذا مشيت عنك الان ماراح تشوفي الي عندي
سما: وايش الي عندك مهم عندي لهالدرجه؟
يحيى: فكري وانتي تعرفي
سما: افترض اني اجي معاك واشوف ايش عندك .. بنساومني عليه
يحيى: لا والله ابد .. ماكان قصدي كذا ابد
سما: اجل ايش قصدك؟
يحيى: قصدي اني افرحك واسعدك واقول انو احلامك عندي اوامر لازم انفذها لاجلك انتي وبس وصدقيني .. زادت غلاتي عندك بعديها او قلت.. ماهو مهم المهم اني جنبك وانفذ لك كل الي تتمنيه
سما: .......................
يحيى: ايش قلتي .. بتيجي معي؟
سما: ايوا
يحيى: يلا .. بنمشي شوي
سما: وين رايحين؟
يحيى: الملحق .. انا جهزت الملحق للمفاجأه
سما: هي موجوده بالملحق يعني؟
يحيى: هي جايه بالطريق .. يبيلها ربع ساعه وتوصل
سما: اجل خلنا نروح داخل معاهم لحد ما مفاجئتك توصل
يحيى: لا .. اذا دخلنا بينتبهو علينا اذا طلعنا قدامهم وانا مابيهم ينتبهو .. ابيكي انتي لحالك تفرحي .. وبعدين هم يفرحو
سما: يعني هالشي بيفرحهم معاي؟
يحيى: اكيد
سما: اجل خلهم يفرحو معاي
يحيى: لا هم فرحانين بنور الان .. ابيكي تفرحي بمفاجأتي لحالك وبعدين هم يدرون
عذبي: عمي الغرفه جاهزه
يحيى: عملت زي ماقلت لك
عذبي: بالحرف عمي
يحيى: دق على ابوك شوفه وين وصل
عذبي: دقيت عليه .. زمانه دخل بوابة المزرعه
يحيى: يلا ياروحي قومي .. وصلت
سما: دامك قلت بوعذبي .. اكيد طيف صح؟
يحيى: .....................
سما: يحيى بس انت قلت بتنتظر لحد بكره عشان الاشعه ليه استعجلت عليها
يحيى: ......................
سما: طيب طمني هي بخير؟
يحيى: .......................
سما: بتظل ساكت عني كذا ومابترد علي؟
يحيى: ابيكي تصبري شوي
سما: ابي اتطمن؟
يحيى: هذا هي السياره اقربت وبتتطمني ياعمري
سما: ليه السياره سوده كذا؟
يحيى: حراسه ياعمري
سما: يحق لك تخاف عليها الحمدلله على سلامتها
بوعذبي: عمي .. يا عمتي
يحيى: بشر يابوعذبي
بوعذبي: معي الخير ياعمي .. وراك بوعذبي
يحيى: والنعم بك يابوعذبي .. والله انك قدها
عذبي بفرح: قدها يبا .. قدها
سما: ايش الي قدها؟
يحيى: افتحي الباب وتشوفي
بوعذبي: استني ياعمتي استني .. انا افتح الباب .. هذي عمتي واميرتي بعد
سما: سماااااااااااااااااااااااااااااااااااااااااااااااا ااااااااااااااااااااااااح
سماح: سما
يحيى: بوعذبي اتصلت في الدكتور عبد الكريم
بوعذبي : جاي وراي ياعمي
سما: اااااااااه عليكي ياقطعه من روحي .. ياعمري الي راح .. ياعمري كله .. ياشوقي لك .. ياروحي انتي
سماح: سما
يحيى: خليها تجلس طيب .. سما فكيها من ذراعك
سما: مابي مابي خلها بحضني شوي
يحيى: هذا هي معك العمر كله .. بشويش عليها تراها تعبانه
سما: انتي بخير؟ .. بخير ياعمري؟
سماح: سما
سما: ايوا انا سما ياقلبي .. اجلسي طيب
سماح: لا تتركيني
سما: ومين قال اني بتتركك .. ماراح اتركك طول عمري .. ياروحي ياسماح
سماح: اااااااااااااااااه
سما: ايش يوجعك علميني
سماح: سما
سما بخوف: شوف عادل يا يحيى عبدالكريم تأخر شوف عادل
يحيى: حاضر ياروحي . عذبي .. بشويش نادي عمك عادل
بوعذبي: استنى ياعذبي .. الدكتور عبدالكريم وصل


*************************

في الصالة

سامي: سما وين؟
نور بهمس: يمكن انها غارت وراحت تعمل زينا
سامي: ههههههههههههههههه اجل اسكت احسن
نور: سعيد؟
سامي: ومن قدي
نور: ياروحي انت
سامي: هذي كلمة سما دوري لك على جمله ثانيه
نور: هههههههههههههه
سامي: ايش رايك اوديكي ترتاحي فوق
نور: ياريت .. ابي ارتاح احس لسا دايخه
سامي: من عيوني .. وبشيلك على ايدي بعد
نور: لا ايش تبي يقول عنا
سامي: يقولو الي يقولوه
نور: عن الجنون عاد .. وخلك عاقل
سامي: وهو واضح علي الجنون
نور: بعيد الشر عنك ياروحي
سامي: خلاص يلا قومي وانتي منتي قادره تفتحي عينك .. قومي بشويش
ام مشعل: وين يما؟
سامي: بوديها تنام احسن لها من القعده هنا
ام مشعل: امانة الله يما
بومشعل: سما ويحيى وين؟
خالد: كانو واقفين معانا وماشفتهم بعدين
بومشعل: ايوا
جمايل بهمس: تجين نطلع حنا بعد
هلا: وليه تتكلمي بهمس
جمايل: بس كذا .. تجين معي
هلا: يلا انا تعبانه وابي انام
ام حسام: وين يما؟
هلا: بنطلع ننام يما
ام مشعل: والعشا يما؟
هلا: ماني مشتهيه
ام مشعل: انتي متشتهين وجمايل؟
جمايل بهمس: شبعانه يما
ام مشعل: ايش يما ايش قلتي؟
هلا: تقول شبعانه يما
خالد: ههههههههههههههههههههههههههههههه
هزاع بحده: وبعدين معاك ليه تعمل كذا
خالد: ههههههههههههههههههههه
بومشعل بحده: بس ياولد لا تخليني ارفع صوتي عليك قدامها
جمايل بهمس: يلا انا طالعه
هلا: يلا
سالم: من صدقك انت !! والله عيب
خالد: ايش صار لكل ذا مالكم؟
بومشعل: انت ماتدري بحالك؟
هزاع: يا اخي احرجت البنت مالك ومالها
خالد: ماكان قصدي ضحكني اسلوبها
فهد: والله ياخوي الي اشوفه بعيونك غير هالشي
خالد: ايش يعني؟
فهد: يعني الي ضحكك ماهو اسلوبها بس
خالد: اجل ايش؟
هزاع: يعني قصده يقول البنت عاجبتك
بومشعل بحده: شوف عاد حركه مثل هذي مابيها تتكرر مفهوم .. مره ثانيه ابحرجك قدام الكل سامعني
خالد: حاضر يبا .. تعال وين قايم
بومشعل: نرفزني اسلوبك ياخالد .. انت بحياتك ماكنت كذا
فهد: خذني معاك يبا
سالم: وانا بعد
خالد: اتركوني لحالي
هزاع: انا قاعد
خالد: ماقصرت .. يا اخي اخذو مني موقف
هزاع: تشوفه صح الي سويته
خالد: لا طبعا
هزاع: ماني فاهمك
خالد: ولاني فاهم روحي ياخوي
هزاع: اذا انك حبيتها قول .. بس من غير هالحركات
خالد: ما احس باي شي
هزاع: اجل وقف من لعب العيال معاها .. ولاتنسى حنا ضيوف عند اخوها



****************************
تابعو في الجزء الواحد والعشرين

يحيى وسما اختفو والخوف عليهم شديد ايش صار لهم؟!!
مين يخوف خالد ويخليه يكلم حاله؟!!
اكيد ماهي جمايل.. بس ايش التطورات الي بتصير بينهم

احداث جديده ومثيره
تابعوني





--------------------------------------------------------------------------------

السلام عليكم ورحمة الله وبركاته


اتمنى لكل المتابعين من الزوار والاعضاء قراءة ممتعة وشيقة مع البارت 20 ...........



وانتظروا البارت21 ......... ان لم يكن الخميس ( بأذن الله ..... اكيد يكون يوم السبت ( بعون الله )



ولا تحرمونا من ردودكم ............... في امان الله ...............