كاتب الموضوع :
doode al 7aloo
المنتدى :
القصص المكتمله
(( شركة ابو سعود .. ))
( الساعة 1 الظهر .. )
اتصل ابو سعود في كل الموظفين .. ووصاهم يروحون معاه يعزون ابو عوض .. بعد صلاة العصر ...
وسعود استاذن عشان يرجع البيت لانه تعبان ...
وهو طالع من الشركة .. دق جواله .....
سعود : الو .....؟؟
.........: الو ..
سعود : مين..؟؟
......: انت سعود ...؟؟
سعود : أي نعم ... خير انشالله ...؟!؟!
.........: معاك وليد اخو خالد
سعود : اهاااا ... هلا والله .. شخبارك وليد ..؟؟ سوري والله نسيت صوتك
وليد : لا عادي يا رجال.. شمسوي...؟؟
سعود وهو يمشي لسيارته : والله تمام الحمدلله..
وليد : طلعت من الدوام ..؟؟
سعود : أي والله ..
وليد : طيب ... ا .. مشغول ..؟؟
سعود عقد حواجبه : ليش...؟؟ شعندك..؟؟
وليد : بغيتك تمرنا المستشفى شوي
سعود وقف مكانه : خير ..؟؟ عسى ما شر...؟!؟!
وليد : كل الخير .. بس خالد صار له حادث بسيط .. ويبغاك تكون عنده ..
سعود انصدم : قول والله ..؟؟ متى ...؟؟؟ وليش ما قلتولي من اول ..؟؟
وليد : اذكر الله .. خالد الحمدلله ما في شي خطير .. وانشالله يقول الدكتور بيتعافى قريب.. بس بغيت ابلغك اذا كنت ما تدري عنه يعني ..
سعود : زين قلتلي .. هذاني جايكم الحين ..
سكر سعود عن وليد .. وركب سيارته بسرعة وعلى طول مسك الخط للمستشفى ..
بعد نص ساعة ...
وصل سعود المستشفى .. وقف سيارته ونزل ..
دخل المستشفى ومر على محل ورد .. اخذ له باقة ورود .. وراح فيها للغرفة اللي قاله وليد عنها .. قدام الغرفة شاف وليد واقف يكلم الممرضة .. تقدم منه بسرعة
سعود : ها بشرني وينه ..؟؟
وليد : شوي شوي .. اول شي شخبارك..؟؟
سعود : توك سائلن هالسؤال من نص ساعة .. انا بدخل
وليد : اوكي .. تراه صاحي من الصباح وما رضى ياكل شي .. حاول معاه
سعود : طيب....
دخل سعود عى خالد صديقه .. وانصدم صدمة اكبر .. شاف وجهه كامل مغى بشاش ابيض .. وعيونه منتفخة .. ورجوله مجبسة .. ويده مجروووحة ومبين عليها ضربات ..
سعود : خالد.........!!!!!
حط الورد على جنب وتقدم وحضن صديقه .... بعدين قال: شصار لك ..؟؟ وشلون ما قلت لي..؟؟
خالد بصعوبة : اجلس .. بقولك ..
جلس سعود ع الكرسي اللي جنبه ...
خالد اخذ نفس : ي.. يوم كنت .. راجع .. م .. من الشقة .. كنت .. م .. مسرع .. و .. ف الطريق .. ما انتبهت .. .. للاشارة .. و .. كان في سيارة .. ب .. تقطع الشارع .. انا من السرعة .. م .. ما قدرت اوقف .. ف .. صدمت اليارة .. وطيرتها .. م .. مع سيارتي .. وانقلبت سيارتي ..ك .. كم مرة .. وطاحت .. و .. ما وعيت على نفسي الا .. و .. الا وانا ف المستشفى .. واخوي وامي حولي ..
سعود : طيب وش صار لك ..؟؟ يعورك شي..؟؟
ابتسم خالد بالم : اسكت يا رجال .. ق .. قول وش ما يعورني ...!!!!
سعود : لا ما شالله عليك .. رجال .. حتى وانت زي الفرعون المكفن حلو .. لا تخاف ..
هههههههههه
ضحك خالد ع الخفيف ...
سعود : الا ما قلت لي .. اللي صدمته .. شصار عليه ...؟
نزل خالد راسه : تصدق يا سعود معورني قلبي .. يقولون .. انه .. توفى ..!!!!
سعود : لا تقول .......!!!!!
خالد : أي والله .. عاد اكيد الحين القضية بتنقلب علي ..
سعود : لا تخاف من هالناحية .. انا بكلم ابوي .. يشوف لك احسن قاضي .. ويقلب القضية لك انت ..
خالد : يقولون اسمه عوض بن صالح ال (.....)
سكت سعود وفتح عيونه الثنتين ع الاخير....
خالد : شفيك...؟؟ ادري انه الموضوع مرة يخوف .. وضميري صراحة ماهو مخليني براحتي ابد .. من دريت وانا افكر بعائلته .. احسهم يتعذبون الحين بسببي ..
سعود : تدري عوض هذا مين ..؟؟
خالد هز راسه بالنفي....
سعود : هذا اللي كان يشتغل ف شركة ابو ي.. اللي قلت لك عنه .. صديق احمد ..
فتح خالد عيونه الثنتين بدهشة : قول والله .....!!
سعود : والله ..
خالد رجع راسه وتسند ع المخدة وغمض عيونه : كله بسببي .. لا حول لله .. ياربي سامحني .. والله ما كنت اقصد
سعود : انا وابوي والموظفين بنروح نعزي ابوه اليوم بعد صلاة العصر
خالد : سعود اسكت ... يكفي اللي فيني .. خلاص
سعود : تراك ذبحت واحد وقاعد تقول خلاص...!؟؟؟!؟!
خالد بدون ما يفكر : وانت هدمت مستقبل بنت خالتك وولا مهتم ...!؟!؟!؟
سكت سعود وسكت خالد ... الاثنين عندهم اغلاط كبيرة لازم يتحملونها .. ويصلحونها..
___________________________________
|
04-11-08, 10:55 PM
جديد مواضيع قسم القصص المكتمله
العرض العادي
