السلام عليكم موضوعك جميل بس مش بالنسبه ليا
اصل انا عشت طفوله بائسه
ما شاء الله كل اللى دخلوا كانت طفولتهم سعيده ويارب الباقى كمان
انا حبيت بقى اديكى الناحيه السلبيه
بس متتخضيش هاه

[ المحطه الاولى ]

اوصف طفولتك بجملة واحدة ؟


بصراحه متعتبرش طفوله قوى معشتهاش يعنى


[ المحطة الثانية ]

ما هو اجمل موقف او اجمل ذكرى تتذكرها من طفولتك ؟

بما ان طفولتى بائسه فمفيش مواقف كتير يعنى مثلا لمة العيله فالعيد مع ان بابا كان بياخد عيديتى لكن كانت حلوة كنا بنجيب لعب ونظارات شمس وحلويات
لكن الذكرى اللى بجد حلوة هى مش فالطفوله قوى يعنى هى بين الطفوله والمراهقه كان عندى 12 سنه واتعرفت على الانسان اللى بحبه لغاية دلوقتى كان قدى


[ المحطة الثالثة ]

ما هو أصعب أو أحزن موقف مر عليك في طفولتك ؟

كتيييييييييييييييييييير ميتعدوش لكن اصعبهم ان ماما مره ضربتنى لدرجة انى كنت بجد حموت والسبب انى مخلتش بالى من اختى الصغيره و وقعت ودماغها اتفتحت


[ المحطة الرابعة ]

ما هي أجمل هدية تلقيتها في طفولتك ولم تنساها لليوم ؟

امممممممم مش فاكره حاجه معينه بس كنت بحب قوى لما العيد ييجى كانت ماما بتجبلى نوع برفان كده كنت بحبه


[ المحطة الخامسة ]

هل هناك انسان معين كرهته في طفولتك .. ولماذا ؟

نعععععععععععععععععععععم بس دلوقتى خلاص انا كبرت ومبقتش بكره حد
كان عندى عشر سنين وبصراحه ودا مش حيضرنى فحاجه انا ماما وبابا معرفوش لغاية دلوقتى يكونوا اباء بجد كان اسلوبهم الضرب و مكانوش بيهتموا بيا خالص ( مش مفتريه انا والله دى الحقيقه )
المهم بسبب غياب الاهل وعدم الاهتمام حاول واحد قريبى يعتدى عليا و دى اول مره اصرح بالموضوع دا عشان دا كان سر بينى وبين ربنا وقتها كرهت الدنيا ونفسى مش كرهت الولد بس كنت صغيره

[ المحطة السادسة ]

ما هي اصعب مرة انطقيت ( انضربت ) فيها ولا زالت محفورة في ذاكرتك وسبب الطق ( الضرب) وش كان؟

كتييييييييييييير ومعظمهم من غير سبب يعنى انا مثلا لو ماشيه مع ماما فالسوق وعجبنى حاجه فمحل وشدتها عشان تشوفها كنت بتضرب لما اروح وساعات فالشارع واتضربت مره بالالم على وشى فالشارع
وكانت حتموتنى بجد عشان لما اختى وقعت وكنن بتساب فشوارع معرفهاش بعيد عن البيت وتمشى
هاااااااااااااااه ايام

[ المحطة السابعة ]

هل كنت غيور بطفولتك من اخوانك وتحس فيه تمييز بينك وبينهم ؟

اه لأن فعلا كان فى تمييز خاصة انى الكبيره ولما اخواتى جم مبقتش فالدماغ بقوا هم كل حاجه حتى انا وصلت لدرجة انى كرهت اختى لكن برضه لما كبرت عرفت انه مش ذنبها


[ المحطة الثآمنه ]

ما هي اكثر وافضل لعبة كنت تلعبها و أنت صغير ؟

كانت لعبه اخترعتها بما انى كنت محرومه من حاجه غريبه بيقولوا عنها الامومه وانا مجربتهاش فكنت بعمل بيت تحت السفره واجيب اكل ولعب واقعد اخواتى واعمل مامتهم ومن وقتها وانا بحس بدا فعلا انى امهم بدل ماما يعنى ... على فكره انا ام وحشه شديده واللى ييجى جنب اخواتى او ولادى يعنى تبقى عيسته سودا انا مش ممكن اسمح ان واحده منهم تتاذى احنا عيشتنا مش ناقصه
وكنا بنلعب استغمايه برضه

[ المحطة التاسعة ]

هل ستربي اولادك بنفس الطريقة التي تربيت بها في طفولتك؟


ابدددددددددددددا
لأنى فضلت فتره كبيره معقده من اهلى وكارهه الدنيا لكن دلوقتى اتخلصت من دا
لكن فى برضه حاجات وحشه يعنى انا منطويه على نفسى وهما السبب الاكتئاب بقى رئيسى فحياتى
لكن فى حاجه حلوة حصلت بسبب قسوتهم انى لما لقيت حد عوضنى عن حبهم عشت معاه اجمل قصة حب و هو اللى غيرنى وخلانى متفتحه للدنيا وبواجه مشاكلى صحيح احنا انفصلنا لكن هو سبب انى بقيت كده دلوقتى هو اللى كون شخصيتى وحببنى فالدنيا
معلش انا طولت
طفوله مصدمه صح بس حبيت اوريكم الجانب التانى من حياة بعض الناس
انا مش مكسوفه من دا لأنى مليش ذنب فى
وانا كتبت دا عشان انا قررت الايام دى انلا اواجه ماضيا واحل اى مشكله فى وموضوعك كان نقطة انطلاق
ثانك يو يا قمر مع ان موضوعك طلع حاجات دفنتها من سنين
تحياتى لك
(سارة)

الموضوع حلو وكان لازم امر..