كاتب الموضوع :
شرف عبد العزيز
المنتدى :
عالم ماوراء الطبيعة
قصة مرعبة جدا بس مكتوبة باللهجة المصرية العامية اوي هههههههه فلو حد مش فاهم اي كلمة يقولي عليها وانا هشرحله معناها ..........
سيد
اصلا كانوا توئم
كانوا مبيسبوش بعض ابدا
"صــلاح" و"ســيــد"
"صــلاح" كان هادى جدا
"ســيــد" كان شقى جدا جدا جدا
منين ؟
من الشرقيه من مركز اسمه فاقوس
فى الوقت ده من 45 سنه ممكن اى حد يتخيل ازاى كانت البلد ديه بتيقى ضلمه من بعد المغرب
وكان سعتها عمرهم 9 سنين
وكان ليهم مغامرتهم اليليله
واللى كان "صــلاح" بيروحها بس عشان خاطر "ســيــد"
بعيييييد فى اخر حته فى الارض الزراعيه كانوا بيروحوا الاتنين يلعبوا تحت ضوء القمر
الجو جميل جدا
القمر منور
الارض كلها ملكهم
وكل الشجر يقدروا يطلعوه
بس كان فيه مشكله صغيره جدا
الساقيه اللى فى الارض ديه
كانت دايما دايره
بس مش لوحدها
كان فيه واحد بيدورها
الساقيه ديه اصلا محدش يقدر يدورها الا بقره عفيه او طور
بس هوه مكنش اى حد
تقريبا طوله مترين
عريض كأنه باب
اسود لدرجه ان ملامحه مش باينه
مبيبصش لحد
ولما ماكنش بيدور الساقيه بيبقى قاعد على جمب
معاه زى ناى كده بيعزف عليه
الناى ده بيطلع صوت غريب
والساقيه وهيا دايره كانت بتعمل صوت منغم جدا
تيييييت تيت تيتت تيييييت تيت تيت تيييييت
تيييييت تيت تيتت تيييييت تيت تيت تيييييت
تيييييت تيت تيتت تيييييت تيت تيت تيييييت
والناى بيعمل نفس النغمه
مكنوش بيخافوا
بس كانو عاملين حدود ميخطوهاش
يلعبوا زى ما هما عايزين
بس الراجل بتاع الساقيه ده ميقربوش منه خالص
وفـ يوم لعبوا لحد ما خلاص وقعوا على الارض من كتر التعب
بس ايديهم كانت متوسخه جدا
وكان لازم يخسلوها واقرب حته فيها ميه
كانت قريبه جدا من الراجل بتاع الساقيه
(( يلا يا "صــلاح" هانغسل ايدينا ونرجع على طول ))
((يا سلام يا بنى نروح ونغسل هناك؟!! ))
((ده الموضوع مش هاياخد ثوانى يا "صــلاح" بقى متبقاش خواف))
(( طيب بس على طول ))
((ماشى ماشى يلا ))
وفعلا قربوا ومدوا ايديهم
بس ملقوش ميه
الارض زى ما هيا بس هما شايفين الميه
((امال ايه اللى احنا شايفينه ده يا "صــلاح"؟؟!!))
((................))
(("صــلاح" مبتردش ليه؟؟!))
((................))
(("صــلاح"....))
((اجرى يا "ســيــد" الراجل قام اجرى بسرعه ))
وفعلا مسكه "صــلاح" من ايده وشده وطلعوا يجرو ومن وراهم الراجل سكت الناى وقام بصلهم وجاى عليهم
محدش منهم بص وراه
وجريو
جريو
بس "ســيــد" وقع على وشه
اتكعبل
رجله اتشدت
فى خوف ورعب
(("ســيــد" قوم يا "ســيــد" لازم نمشى ))
((................))
((الراجل يا "ســيــد"))
((................))
بصعوبه شده "صــلاح"
وفعلا قام بس بقى ماشى كأنه مش معاه فى الدنيا ديه
اخيرا وصلوا البيت
و"صــلاح" نيمه ونام جمبه
وكانت المفاجئه شديده الصبح
"ســيــد" مبقاش يتكلم
و"صــلاح" مش عارف يقول لحد اى حاجه ساكت وخايف وبيعيط
وكل اللى "ســيــد" بيعمله انه يقعد فى اى ركن وبفمه بيعمل نغمه كده كانت بتخوف "صــلاح"
تيييييت تيت تيتت تيييييت تيت تيت تيييييت
تيييييت تيت تيتت تيييييت تيت تيت تيييييت
تيييييت تيت تيتت تيييييت تيت تيت تيييييت
النغمه اللى كان الراجل بتاع الساقيه بيعملها بالناى
واللى كانت الساقيه بتعملها وهيا دايره
"ســيــد" مبقاش يتكلم خلاص
"صــلاح" مش عارف يعمل ايه
كان بيروح مدرسته بأنتظام ويرجع يقعد مع "ســيــد"
كان بيحب قوى القعده مع "ســيــد"
يحكى معاه كل اللى حصل فى المدرسه
وفى الشارع وكل حته
وبعد اربع سنين
رجع "صــلاح" من المدرسه عشان يسمع الخبر
"ســيــد" مات
وفضل "صــلاح" طول عمره مشيل نفسه ذنب "ســيــد"
لحد لما مات "صــلاح" من شهرين
وهوه بيحلم باليوم اللى الراجل فيه قام من جمب الساقيه وكان جاى عليهم
وكان بيقوم مفزوع من النوم
ومفزوع على "ســيــد"
|
03-11-08, 04:59 PM
جديد مواضيع قسم عالم ماوراء الطبيعة
العرض العادي
