حبيبتي لين فهمت المعنى ده لكن حبيت ارد عليها من زاوية ان البعض يستبد بهم الغرور لابعد الحدود
وانامعاكي يالني ان الافضل ان باقي الجمل تنزل هنا
منتظرين

اولا هقول شكراااااااا جدا جدا جدا للي دخلوا الموضوع وشاركوا فيه ( فتاة الجليد وكوكا باشا دكتورة e)

وردكم حلو بجد وزي متوقعت مش الكل اتفق ومش الكل فهم.......بس انا عاوز الناس تتفاعل اكتر في الموضوع

بجد يا جماعه ده موضوع حلو ........ظريف اوي اننا نعرف ثقافات الناس التانيه زي شكسبير وبرنارد وارسطو وطريقة تفكيرهم ورايهم في الحب ونقارن بيه وبين الكلام بتاع جبران وانيس ونزار

الناس دي قالت كلام كويس اوي احنا لحد دلوقتي موصلناش لربعه......بس برده الكلام الخايب بتاعهم كتير:(

اقلكم انا راي بقه في ال15 جمله دول
جايز الاعضاء تتشجع وتقول اكتر

1-الحب ليس اعمي ولكنه يري اكثر .........ولانه يري اكثر فهو يحتاج ان يعرف اقل

صح مليون في الميه من وجهة نظري......ني ما بحب وحده ...بحبها من قبل ما اعرف تاريخها ايه ولا ارتبطت بكام واحد قبلي ولا اسال عليها ولا الكلام ده خالص......زممكن بعد ما نرتبط ابقي ادردش معاها في الموضوع ده ( من باب الفضول مش اكتر)....فعشان كده مبحتجش اني اعرف حاجه خالص عنها متخصنيش ( منا كده كده وقعت خلاص :) )

2-ينتعش جمالك وتزداد ثقتك بنفسك اذا كان هناك شخص يحبك
صح جدا جاد بس بلنسبه للبنات بتبقي اكتر شوية

3--ان تحب جارتك ممكن...... ان تتزوجها خطا ........فقد عرفت عنها اكثر مما يجب

صح......لان مش حاجه ظريفه اني لما اجي اتجوز وحده اكتشف انها كانت علي علاقه بجاري اللي اسمه مش عارف ايه .......ولا كانت تعرف مش عارف مين اللي ساكن في الشارع اللي ورايا .....ولا والدتي تيجي تقلي علي فكره دي مره اختك شفتها واقفه مع ابن مين لحد الاسعه مش عارف كام........وهكذا
اظن انتوا فهمتوا قصدي

8-فرق كبير بين انك تحبها لانك تحتاج اليها.........وان تحتاج اليها لانك تحبها
9-لا تطعن في ذوق حبيبتك /حبيبك.....فقد اختارتك/اختارك اولا
الجملتين دول لا يحتملوا التشكيك فيهم بس التانيه ( نص نص بصراحه)
لان انا ممكن اصلا اكون عامل زي القرد...بس حبيبتي هي اللي معندهاش نظر.....او نفسها حلوه :)


4--المراه تحب الرجل الحنون .........وتستغفله ايضا
راي هو راي فتاة الجليد بلظبط....لاسف مسبتليش حاجه اقلها :)

5-الغرور .... هو اخر ما يلجا اليه الرجل الفاشل
صح برده ...وخدوا بالكم ان انا بتكلم من وجهة نظر الحب ...يعني مبقصدش ان يكون الراجل ده فاشل في كل حاجه.... انا قصدي في الحب بس....وانا شفت امثله كتير اوي للمثل ده لحد مسدقته

6- ان لم تحب المراه تمسكت بلاخلاق...........وان احبت فقدت .........فقدت كل شيئ
المقوله دي بقه صح مليوووووووووون في الميه ( مع الاعتذار لمن يهمه الامر :) )
بس بجد الكلام ده سليم ومحدش يقدر يقول عليه حاجه.....لان اللي هيقول مش هيكون جرب
وانا مش طالب راي غير من اللي جرب في الجمله دي بلذات

- الرجال يحبون المراه التي لها جغرافيا عن المراه التي لها تاريخ
برده صح...ومعناها يا كوكا باشا ان الولاد بيبحبوا البنت اللي الاموره اللي شكلها حلو وجسمها حلو عن البنت المتفوقه في دراستها ودماغها كبيره وذكيه......وهكذا
وكل الولاد كده ...يمكن المقوله دي مبتكسرش غير من الرجاله اللي عمرهم 30 سنه .... لما يجوا يتجوزا سعتها ممكن يفكروا باسلوب عقلاني شويه لانهم بيكونوا كبروا بقه وبيفكروا في المستقبل والاولاد
مش في بنت يخرجوا معها وخلاص

-عضلات الرجل في ذراعه.....وعضلات المراه في لسانها
صح...بس سعات الراجل مبيبقاش عنده عضلات في دراعه ولا البنت عندها في لسانها

-نحن نعترف لاحبائنا بهفواتنا واخطائنا الصغيرة ...........لنوهمهم اننا ليس لنا اخطاء كبيره
الجمله دي سليمه اوي ...ويمكن كوكا باشا متعمقتش في المعني بتاعها......بس هو ده فعلا اللي بيحصل
مش من كل الناس ....بس من الاغلبيه


13-الحب ليس رواية شرقية بختامها يتزوج الأبطال (نزار قباني)
تقيلة الجمله دي يا نزار........وقاسيه اوي


14-ماردك علي رجل يقول ( الفتاه التي احبها ليس لها ماضي......فقد ولددت يوم احببتها)
مش كل الناس تقدر تعمل كده ....بس لو واحد قلي ان انا بعمل كده.....هقله برافوا عليك....بس انا مش زيك



15- وراء كل رجل عظيم امراه عظيمة .......ووراء كل امرأه عظيمة حب فاشل
كلام سليم....ولو يا كوكا باشا هنخلي وراء كل امره عظيمه حب اعظم ...سعتها هتبقي عظيمه بس في البيت والطبيخ والاولاد وحبها لجوزها مش في اي حاجه تانيه :)


بلنسبه يا جماعه لسؤالي علي برنامج اسامه منير.....فانا مش هقول راي فيه بس عاوز اعرف راي البنات فيه ( بلتحديد البنات غيراالمصريات) ده لو بيسمعوه

وارجوكم اي ولد يخش بقه....انا شفت كام مشاركه هنا لولاد بس مش عارف راحوا فين بعديها

معقوله تكون الدراسه خدت الناس اوي كده

عموما ادينا مستنين الاراء الحلوه والمشاركات الاحلي

وتقريبا انا مؤيد لكل الجمل زي مختوا بالكم .......ز لاني قلتلكم انا ناقلهم عندي من زمان اوي من وقت مجمعتهم

واكيد مكنتش هجمع حاجه انا مش مقتنع بيها

بس اوعدكم ان المجموعه الجايه هتبقي مختلفة جدا....... وهتلخبط الناس بجد

شكراااااااااااااا