كاتب الموضوع :
الحب الكبير126
المنتدى :
الارشيف
علي فكرة ...برج العقرب عنده رغبة عظيمه في الامتلاك ومتحدث بارع ومقنع
معتقدش يا صاحبة الحب الكبير انك لما كنتي بتخشي معاه مناقشه من اي نوع كنتي بتعرفي تتجاوبي معاه وتجاريه في الكلام
ديما كان بيبقي مقنع ....بارع ....عنده سرعه في الرد
يمكن دي برده نقطه اعجاب عندك بيه.... انك حسه انك معاكي واحد عارف كل حاجه وفاهم كل حاجه
وخبرته اكبر منك....ولانه متحدث بارع اعتقد انه كان بيعرف يحتويكي بسرعه في اي مشكله وياما يحلها او يقلبها هزار
حقيقي شخصيات الولاد دي التعامل معاها شبه مستحيل وانا بقلك كده لاني عارف النوع ده كويس اوي
كويس اكتر مما تتخيلي....... وهقلك حله
حله انك تتجاهليه.....متدليوش فرصة ابدااااا ان يتناقش معاكي او يتجادل وبلذات في الموضوع الاخير ده
لانه سدقيني هيعرف يطلع نفسه منه زي الشعره من العجين ولو هتهدي المعبد زي مقلتلك
تهديه ادام عيلتك......عشان سعتها هيبقي مطالب انه ياكل دماغ كل اللي موجودين ويقنعهم بحسن نيته واد ايه هو اللي كان مظلوم وبنت عمتك مموته نفسها عليه
وان اقنعك انتي مش هيقنع والدتك او والدك مثلا........هيبقي خسر الجوله دي تماما
انا قلت التحليل ده طبقا لان دي علامات برج العقرب ولان مستواه الثقافي عالي وواضح ان سنه كمان مش صغير يعني بقه واحد واعي ودماغه كبيره
وانا مقصدتش خاااااااااااااالص لما بقلك ممكن تكوني لسه متمسكه بيه انك تفهميني بلطريقه دي ومش عارف ليه بتقولي انا مش زباله عشان اكمل معاه.......الموضوع ملوش دعوه بلزباله خالص.....دي شخصيات
في بنات بيقدروا يسامحوا وفي بنات مبيقدروش يسامحوا بس حبهم بيخليهم يعملوا نفسهم مش واخدين بالهم ويعدوا الموضوع ده بمزاجهم ( اينعم مبينسهوش وبيقرفوا الولد اللي معاهم شك وتلقيح كلام وحاجات من دي بس بيستمروا برده)
وفي نوع تالت بقه لما بتحصل حاجه زي كده مبيسبش الموضوع و بتفضل ورا الولد لحد مترجعه ليها تاني وتتاكد ان محدش خده وبعد كده هي اللي بتسيبه بمزاجها لما تكون في موقف قوه ( شخصية انتقاميه يعني)
اما قلبك ده يا ستي ........فحطيه في تلاجه وريحيه خاااااااالص لان هو اللي ميستهلوش ...انا عارف ان سكينة الخيانه وحشه وبتوجع القلب اوي ومبتنيمش
بس استحمليها انتي ....مؤقتا لحد مترجعيها لاصحابها تاني
ومتفكريش في الموضوع ده خااالص حاولي تشغلي نفسك بدراستك او شغلك او مع اصحابك او في اي حاجه
واعتبري ان انتي علاقتك بيه دلوقت مش اكتر من تضييع وقت ...لحد ما تنتهي
بمعني ادق اعتبريها بداية النهاية........وحلو اوي موضوع البلوك ده ....ياريت تخليه يعرفه بس ادام شويه
وكويس كمان موضوع الرنات وانتي نايمه ده....انا قلتلك ردي عليه وكلميه ببرود....لكن ممكن كمان مترديش اصلا يوم كامل
ولا حتي ترنيله.....ولو جه يقلك كنتي فين مش تقوليله معلش والله اصلي مش عارف ايه
لاء .............ده انتي بمنتهي الهدوء تقولي معلش مختش بالي اصلي كنت مشغوله.......او كنت نايمه
من الاخر كده يكون عذر مش مقنع.......عشان يكون مستفز ...... هههههههههههههه
ولو قفل معاكي وهو مدايق اوعي تفكري ترنيله ولا تعبريه....سبيه..... هو عمل نفسه زعلان وادايق لوحده عشان يعلمك متعمليش كده تاني
يبقي سبيه يصالح نفسه لوحده برده زي مزعل لوحده
ومن غير متقولي واضح من طريقة كلامك انك فعلا انسانه اخلاقك عاليه وبنت ناس....وبنت ناس اوي كمان
وعشان انتي بنت ناس واخلاقك عاليه يبقي لازم تخدي واحد كده وفي ايه في القراءن بتقول
(( الطيبون للطيبات...والخبيثون للخبيثات))
يعني متقلقيش ...انتي ربنا معاكي وعشان هو معاكي خلاكي تكتشفي الموضوع ده وهيقدرك علي ان انتي اللي تنهيه بنفسك قبل مهو اللي ينهيه وتبقي كسرة قلب من كل الجهات
وبرده هرجع اقلك عوزينك تهدي كده وترتاحي شويه لمدة يومين وتفكري باسلوب عقلاني اكتر مش عشان تغيري رايك في اي حاجه
لاء عشان تبقي مقتنعه برايك في كل حاجه وهيبان هو كمان من تصرفاته معاكي الفتره الجايه
واحنا برده معاكي ........ وبقلهالك تاني ...متديقيش نفسك ومتفكريش في الموضوع ده علي اد متقدري واشغلي نفسك باي حاجه عشان التفكير في حد ذاته ده كارثه تانيه لوحدها (وانا بطلب الطلب ده منك وعارف انه صعب اوي اوي اوي ......بس مش مستحيل )
شكرااااااااااااا
التعديل الأخير تم بواسطة romio_201085 ; 12-10-08 الساعة 09:36 PM
|
12-10-08, 08:40 PM
جديد مواضيع قسم الارشيف
العرض العادي
