(23)


بعد مـــــرور شهــــرين ..


><<< الصــراع مع الحـــياة لـون طاغ ....إيقاع باغ ..عــزف مؤلمـ دامـ ..>><<<


^؛^ ألا يا وقت وين اللي على بالي !!
يجي و يروح هذاك اللي ملك قلبي و تفكيري و وجداني
اموت بطيفه اللي لمحته تنتشي بي روح ..
إذا شفته أحس اني بعالم ثاني
...^؛^




" بعض الشخصياتـ واقعها يعـزف التياراتـ على وتر مشاعرها ذكرياتـ روح...و واقع مجروح..و دمـوع تنوح .."
-
_
-
-
تلك كانت الحياة حافلة بالأحداث السعيدة والحزينة و الأروع من ذلكـ


" ود ولدت وجابت ولد سموه بندر "

" أميرة ولدت وجابت ولد و سموه عبدالعزيز "

" نسرين لا تزال على غطرستها و عنجهيتها وتسعى جاهدة لتعويض نقصها بمظاهر إجتماعية زائفة "

" ضي و خـــــالد يعزفون حياتهم بلحن الحب و الإخلاص "

" بـــــدر لا يزال غائباً عن اجواء وردهـ و يتضجر من حياته بينه وبين نفسه و يؤسفني أن اقول بأنه قد بدأ بعلاقة غرامية مع إنســــانة آخــرـرـرى << نتطرق لها لاحقاً بإذن الله "

" حجرف لا يزال يغوص في عالم النت وقد توطدت علاقته بناصر " دعاني الشوق " واصبح اشهر من نار على علم في ذاكـ الموقع "

" نواف لا يزال يراقب أجواء زينة و يبحث جاهداً عن الإتيان بأي معلومة قد تطمن مشاعره عنها لإنه بات يهذي حتى في نومه "

" بندر حياته خرساء اراد أن يحسن النية ويعمل على تنشئة صوفيا من جديد ليس إلا "

" الهنوف و ريم و داليا للحين على رجتهم و خبالهم ومبسوطات بالنيو بيبيز كثير "

" الشياب لا يزالون على الخطط البالية و التفكير بمستقبل ابنائهم من وجهة نظرهم الشخصية حتى أنهم قرروا أن يبتعث نواف للخارج +_+ دام انه رافض يتزوج "

" سلمان ازداد عشقه للبر اكثر ^_^ و شاعريته صقلت بشكل جيد ، بدر " اخو زينة" لا يزال يغرد خارج سرب السعـــــودية وكذا والدها ....أم زينة " مضاوي " انشغلت بقوة فظيعة عن زينة و همشت وجودها تماماً "

" زينة ازدادت حالتها سوء واللي زود حالها سوء ان ابوها وامها تطلقوا وان بندر استمرت حياته مع العقرب صوفيا في سكون وهدوء "


((()))(( بكيتـ في أولـ الخطـــواتـ فكيف ببـــاقي الخطــوات ))(()((

هنا كانت الطامــــة ....

انيهــــــــــار مشــــــــاعــــــر ..

كســــــــــــــــــر قلـــــــــــوووووب ...

" حتى ابوي وامــــــــــــي تطلقوا ليش بس ليش ....؟ "

امها استقرت بنفس البيت لانه بإسمها و ابوها طبعا في ايطاليا و اخوها يدرس في كندا .. "

&& هذا مـــوجــز بأهم التغيراتـ التي حدثت في ملامح تلكـ العوائــــــل .... &&-
-
-
-
-
( تتــــلاعب الدمــوع بعيــني كلما تذكرتـــــه )

طبعا امها تضايقت بقوة من وجود زينة اللي صارت تتجنب الاختلاط بالناس والحفلات اللي تسويها امها

طبعا كثير ناس خطبوا زينة بس اهي ترفض بقوة بحجة انها تعبانه وماتبي ترتبط

دخلت ام زينة وجلست عندها في غرفتها الظلمة وشغلت النور

ام زينة : قوووومي يلا بقولك..؟

زينة بخوف لانها تكره النور : سمي ....

مضاوي : في خطيب جاي ماشاءالله ثروة وجاه وفوق كل ذا شيخ .؟

زينة حست برعب نفسي فظيع صدت : يمه زواج مابي مابي مابي فكيني ...

مضاوي تبتسم بسخرية : ومين قال انه لك اصلا تفشليننا اذا اخذتيه هذا اعلى من مستواك انت واهلك الهمج البدائيين ههههه بعدين غبيه انا ازوجه وحـــــــــــــده معقدة نفسيا زيك ..؟

زينة بكت و دموعها هماليل : يمة مابي اتزوج تكفين تكفين ......

مضاوي : الظاهر لسى حبيب القلب متربع في القلب الظاهر اللي يصفّقك ويهينك تحبينه وتبوسين رجوله وتبيكن عليه عموما خلاص اهو تزوج ومبسوط سعيد طاير بصوفيا وسمعت انها حامل ( تكذب بس تبي تقهر زينة +_+ )

زينة أطرافها تجمدت كأن روحها صرخت بقوة

وحست بضعف فيها

دموعها نزلت برقة ((( صوفيا حامل .........)))

( الله يابندر اخيرا تحققت امنيتك الحمدلله كذبوا اللي قالوا ان مافيك عيال الحمدلله خاب املهم .. فرحت مره لان بندر بيصير ابوووو..ودها انها تشوفه يوم تلقى الخبر اكيد انبسط ...)

زينة بحسرة و ندم : يحق له يطير فيها سامعه كلامه وبعدين خلاص يمه لازم ننساهم الله يوفقهم بليز ماما ماابي نجيب طاريهم إلا بخير خلاص كل راح بحال سبيله

مضاوي : لا تخافين والله لازوجك سيد سيده شيخ الشيوخ اخليه ينسيك المعفن ولد امه بندر

زينة صدت وبكت بحرارة .....وقالت : اسمحيلي لي يمه مابي اتزوج لو كان شيخ الشيوخ

مضاوي بسخرية : أي بس ذا الخطيب مو لك


صــــــــ صدمــــ صدمه ــه ـــدمه

زينة تناظر امها بنظرات شائكة : لك انتِ ..؟

امها : ايه ........ وراح اوافق ان شالله

زينة تلقائياً حكت بسرعة : يمه بتفضحيننا عيب والله مو حلوه

مضاوي شدتها مع شعرها ولفته على يدينها وقالت : اذا اخذت رايك قوليه بس انا اخبرك بس عشان تدرين

الخطبة الخميس الجاي ..و بعدين صوتكـ لا ترفعينه لا ألعن شكلك فاهمه << أي متعلمة وراقية واللعان 24

ساعة على لسانها والعياذ بالله !!


<><><< آآآآه ياحظي ..

آه يامشاعري المنهارة

وش اسوي بعالم يوم ورى التالي يزيد سواد >><><>

زينة تأثرت لفرقى ابوها وبكت كثير هو اللي كان يعطف عليها

حتى البنات صاروا يخافون من امها ولا يسألون عنها

امهااا تصبحها وتمسيهااا بإهانات ...

حتى اخيرا قررت ترحمها وين ودتها .......؟؟؟؟؟؟


<>>>؛ ()()( عندما تتجرد الأم من مشاعر الأمومة و تلبس رداء القسوة وحب الذات .. وش هالقسوة معقولة ذي أم ؟ )()()؛<><<

?
?
?
?
قطتها في مستشفى الصحة النفسية لان زينة تدهورت مره وصارت تهذي

"
"
"
طبعا قد نتساءل عن موقف العمه هيا او الوالد ... ؟؟

بعد طلاق مضاوي وسعود ابو زينة ..الامور ساءت والجميع معتقد ان زينة في نعيم مع امها وانها بنت امها

الدلوعه لكذا تركوها عند امها تسوي فيها ما يحلو لها ....
-
-
-
" في الحياة لحظات ينسى المرء نفسه و لا ينساها "


<<<>>><<> في المستشفى قسم النفسية ...<<>>><<؛

كانت زينة تنام على سرير ابيض وجهها ذابل جسمها نحل طبعا ذا غير الكوابيس اللي تهدد راحتها في النوم

زينة كانت ترفض أي دكتور او دكتورة تصرخ وتبكي بصوت عالي اذا شافتهم او لمحتهم

أي نعم بتقولون مجنونة بالفعل اهي فقدت عقلها من كل اللي صار لهاا اللي امها تسوي فيها كذى وش تنتظر

من الناس ....؟

الدكتور فؤاد اللي كان يخوف مره يلبس نظارات كبيرة مره وشعره طويل غير مرتب كان جالس في مكتبه

وامر بإستدعاء الدكتور مجدي اللي كان شكله مايقل رهب ورعب عن وجه الدكتور فؤاد ...

الدكتور فؤاد : ايه يادكتور رايك ايه في المريضة زينة البت دي مش طبيعيه ابد قنونهاا كل يوم يزيد ضروري نستعمل معها سياسه ..........

الدكتور مجدي : واحنا نئدر نتأخر عن كدا انا بحبسها حبس تام وبطير عقلها خاااااالص

الدكتور فؤاد : ياقددددع ايوه كدا ، شوف لك وحده من المقنونات خالص وسيبها بنفس اوضتها

الدكتور مجدي : حاضر ، أي اوامر تانيه سعادتك

الدكتور فؤاد : خاالص تفضل شوف شغلك ..........

())( آخ يالقــــــــهر ... آخ يالـــــــــحنين ... آخ يالألـــــــــــــم )())

زينة كانت ترثي حالها اذا حست انها عاقله فعلا ، بس اذا تذكرت الزمن اللي قسى عليهاا ورماها لسود الايام و قسوة امها عليها .....وسخرية الحظ عليها ..... ؟؟

( بنــــدر ريح تتلاعب في اغضــان قلبــــي ..!! )

تضحك بهستيريا جنونية وتكسر كل اللي قدامها ولا يوقف جنونها إلا أبرة تنومهااا ، وهالابر انهكت جسمها النحيل وسقطت شعر رأسها ......


الممرضة دخلت ومعها مقص كبير مره ... زينة تروعت ونطت من السرير وبكت بهستريا

الممرضة : ايييييييييه فيك أي انا عملت لك حاقه لسىىى...؟

زينة تبكي بهتسريا وراحت للزواية وجلست تبكي ... وتضرب الممرضة

الممرضة : يابت انت شيلي يدك عني لااحسن ائصها لك بامئص دا ؟

زينة : بليز نيرز هيلب مي ،، يو كان نت كت ماي هير .. ( واهي تبكي ) بليز نيرز أي لوف ماي هير سووو ماتش .. بليز دونت كت ات ....

" بكل اساليب الوحشية المتبعه في العالم وبدون أي شعور بالرحمة قربت الممرضة ومسكت شعر زينة الطويل وقصته واهي تضحك بقووه "

زينة طاحت على الارض وبكت بقوه واهي تدعي على الممرضة وش سوت ..و تمسك خصل شعرها اللي طاحت وتبكي ...

( أيتهـــا الحـــياة شكــراً لعطـــائكـ !! فقد سلبتني كل شـــيء )

بكل قسوة ضربت زينة على بطنهااا بقوه وقالت : وانا نائصه مقانين ….

وطلعت من الغرفة واهي تغني : ياطبطب ياادلع يائولي انا اتغيرت عليه ..... << ( احقر شيء أن يكون الضمير البشري في سبات عميــق ؟؟ )

زينة تبكي بحسرة وألم ماتعرف ايش تسوي إلا انها تدعي الله الكريم يكشف ضرها وينتشلها من الفوضى اللي اهي فيها...
-
-
-
-

بـــــــــندر


>>><<< يجبرني ألمـ واقعـــي على تجـــاهل إحــساس و حنيـــن و ابحـــث عن النسيــان <<<>>><


^؛^ ألا يا وقت وين اللي على بالي !!
يجي و يروح هذاك اللي ملك قلبي و تفكيري و وجداني
اموت بطيفه اللي لمحته تنتشي بي روح ..
إذا شفته أحس اني بعالم ثاني
...^؛^

ضغط بأصبعه الذي يسجل خطوات الحسرة على تلك الذكرى التي ولت وانقضت كحلم الصبا في ذهن رجل عجوز ....!

وخلد متصنعاً للنوم و هكذا هي حيـــاته ليلياً يقسم همومه مابين حياته الخرساء الباكية على ذكر تلك الإنسانة المرهفة التي اقترفت في حق والدته ذنباً لا يغتفر من وجهة نظره !!! و مابين والدته التي لا تزال تتلقى العلاج في الخارج ....!! و حياته الخرساء مع الوقحة صوفيا !!

( وينها عيونكـ حبيبي ...سافرت مثلك حبيبي ...)



( حياته هادئة لا معنى لها ابد و زينه دلوعة امها في باله 24 ساعه ) كان في الدوام ..... معه اوراق وراح

يستلم التحقيق في قضية جديدة ، وش محتوى هالقضية ان في بنت طعنت زوجة ابوها وطبعا هذي البنت مو طبيعيه ......

بندر راح لموقع الجريمة وشاف شيء يقشعر له البدن عاين المكان وضبط كل شيء امر بنقل القتيلة إلى التشريح لاعطاء الاسباب الكافيه للوفاة ..........

سأل بندر عن القاتله اللي اهي البنت

قاله له اخو القتيله : في مستشفى الامراض النفسية والعقليه ...

بندر قال لصديقه اللي معه في القضية الضابط سلطان انه يأخذ اسمها وغرفتها وكل شيء يخصها عشان يحاولون يحقوون معها ..

أحمد ( اخو القاتلة ) : وش تبون فيها تحققون معها على طول اعدام ان شالله حسبي الله عليها يتمت اخوانها الصغار اللي مالهم غير الله ثم امهم ...

بندر ناظر فيه بثقل : لازم نشوف كل الاطراف ، بعدين اذا البنت مجنونه فعلااااا فأعتقد مرفوع عنها القلم ماتتواخذ......

احمد بخبث: غصب عنك وعن اللي جابوك تتواخذ فوضى ارواح الناس

بندر في لحظة فقد فيها اعصابه صفقه كف قوي لينه طايح بالارض وقال له : مو ناقص إلا اللي مثلك يعلموني كيف اشتغل .... ناسي انت مين وإلا اذكرك اذا ناسي ... عادي تراي حافظك زين من كثر ماتشرف عند بالمركز

احمد : الله ياخذك ان شالله ، والغبي اللي عطاك هالمركز وإلا انت حدك جندي وتخب عليك بس خسارة فيك

سلطان يهدي بندر : يارجال طنشه اعصابكـ هذا سفيه و سكير لا تحط عقلك بعقله افا عليك بس

بندر ماله خلق يرد على ذالسفيه الطايش السكير وطنشه بنظره قاتله ...

طلع بندر وراح للدوام خلص وقت دوامه ، بس جاه امر يروح حاليا للمستشفى يحقق مع اطراف القضية ......ووجوده هو و سلطان ضرورة قصوى هناك

((()))( للحزن مـــوعــد معــي اتمنــى أن لا يكـــون قريــــــــباً )))((

بندر تضايق مره وقال بينه وبين نفسه : الله يعين على هالمهمه بجد وهقت عمري فيها شكلها من الاول متعقده مره .......

سلطان : ياخي انت اللي منقلب فوق تحت اعوذ بالله وين بندر المزوح صاحب النكتة ماش صار لك فترة منتب جايزٍ لي ...

بندر تنهد : الله يعين يارجال بس ....

وصل افراد التحقيق على راسهم بندر بن فهد اللي كان يبهر كل من يشوفه بجماله وطوله وجاذبيته ،،

بندر وسلطان وتركي يمشون باتجاه غرفة القاتله ( رهام ) ...

واهم في الطريق لهااا شافوا ممرضات في غرفة وحده مريضة يصرخون عليها ثم يضحكون بصوت عالي

؟
؟
-
-

بعدين اصوات الممرضات تختلط في بعض وسط فوضى في مستشفى يتطلب الهدوء التام ثم ينفجرن ضحك ويسمعون المريضة تصرخ وتدعي ..

تركي : حسبي الله عليهم وراهم كذى يسوون فيهم عشان اهم مجانين يعني

بندر : مو مجانين قل تعبانين نفسيا ، بعدين يمكن في احد مظلوم

تركي : هههههه لا والله وش قالوا لك احنا في فيلم مصري او هندي خخخ

سلطان تنهد بعمق : ياشباب المفروض ما تتريقون كذى هالفئة مظلومة محد عطاهم إحترام كافي وذا عدم

رقي و بعد عن التحضر و بعدين لاحظوا ماوصلوا لهالحال إلا بأسباب مختلفه و قوية

بندر يبتسم : ياهوووه يا سلطان اثاريك حكيم وفيلسوف

سلطان بنظرة جدية : لا بالعكس يا بندر انا احكي لكم من واقع عشته و شفته لا تنسى أن امي تمر في حالة

مثل كذى و انا احتقر أي احد يقلل من قيمة هالفئة او يتمسخر عليهم

بندر : وش دعوه سلطان كلنا فاهمين هالشي و كلنا نحترمهم ويالله يكون في عوننا و عونهم
-
-
-
لاحظوا ان الاصوات بدأت تتعالي و الضحكات كذلك

وكأنهم سمعواااا طيحة قوية ،،، وبعدين اشياء تطيح وتتكسررر ...
تركي : ملازم بندر ياخوفي تكون هالمريضة اهي اللي بنحقق معها

بندر : هههه لااا الله لايقوله ذي شكلهاا مره تعبانه الله يشفيهااا يارب

سلطان : بجد حيوانات حسبي الله عليهم وراهم قاسين عليهم كذاا، بعدين وين اهل هالبنات عنهم والله لو

كانت تعبانه نفسيا عادي اجلسها في البيت مو اقطهااا هنا عشان صدق تنهبل بجد

بندر : من جد ناس قلوبهم حجر ( << احلف بس ^_^ ) لا تخاف الله كريم ان شالله المهم هاه وين صارت البنت القاتله ..؟

سلطان : في اخر السيب وصلنا خلاص ........
-
-

>>> جفون الصباح ما زال عالقاً بها شيء من قلق الليل >>>>

لحظات ويدخلون فريق التحقيق ...

رهام جالسه في كرسي وتغطت لانها سمعت الباب طق .....

دخلواا وعرف تركي رهام بفريق التحقيق....

بندر : احنا بنسمعك ونشوف وش عندك بس لا تلفين وتدوين ..؟

رهام : ماابي اقول شيء ولو سمحتوا برىىى ....

تركي : يااخت احنا بنساعدك ....

رهام : شكرا بس برى الله ياخذكم كلكم واحد ورا الثاني...

بندر عصب لانه تنرفز من كلامهاا ( شكلها بدائية مره ) : الظاهر فعلا عرفوا مكانك وجابوك هنا ...

رهام : عرفت شلون اناا مجنونة وش تبون مني خبله اذا قلت بكذب

سلطان شاف حالها بأسف وكسرت خاطره : يااخت تدرين الاتهامات كلها تقول انك قتلتِ زوجة ابوك بدون

سبب وذالشيء ابد مستحيل انا واثق....

رهام : وانت وش حاشرك كيفي ذبحتهااا كيفي أي انا ذبحتها بيدي ذبحتهااا واحسن اهي ماتت لاااااااااااااا تقولون انها ماماتت تراا معها حظ ( ضحكت بقوووه )

وعصبت بعدين وقفت : حتى اذا مابعد ماتت بذبحها

وضحكت بقوووه

تركي : لحول ولا قوة إلا بالله الظاهر ياشباب ان الاخت فعلااا قاتله

بندر واهو يناظرها : ماعتقد احساسي وخبرتي تقول لي انهاا مو قاتلة لكذا لازم اتروى شوي

رهام : والحين يلااااا برى اطلعوااااا بنتي بتجي الحين بتخاف اذا شافتكم اهي راحت المدرسة وبتجي مع
ابووهاا ان شالله بعدين بكت بحسرة وقالت : بس ابوها ذبحوووه الله ياخذهم الله ينتقم منهم ... والله اني لااذبحهم واحد ورا الثاني .....

الجميع شد انتباهه كلامهاااا ،

بندر ناظرها بثقل وبنظرة جاده مرة وقال : مين اللي ذبحوه ...؟

رهام تبكي وتناظر فيه : ذبحووووه وسيلوا دمه وتخيل حتى جثته اخذوووها واحرقوهاا مادري وين حرموه من ان العالم تصلي عليه وتدعي له ،،،

وقفت وعصبت وتغير حالها وناظرت فيه : انت جاي بتذبحني بعد انت منهم ، انقلعوااا برى بنتي بتجي مالها

غيري وتقعد تبكي بقووووه

طلعوا من غرفتها .......

سلطان اللي تأثر مره من المشهد : بصراحة شكلهااا بجد مقهورة ومطير عقلهاا

بندر : لا تخاف ان شالله بعد اسبوع شهر بالكثير وتلقاهااا تمام

تركي : لاااااا بس اهي مره ماحولك احد والله تتغير بدقايق

بندر : ياشيخ مرت علي حالات اصعب من كذى ومع ذا عرفت اللي وراهم واللي قدامهم اهم شيء ابي برنت

كامل عنهااا وعن حياتها وكل شيء يخصهااا ،،،،

سلطان ناظر في الغرفة اللي كانت مفتوووحه

وشاف الممرضات اللي قبل شوي في غرفة المريضة ويهددونهااا بابر واهي ترفض وتهرب عنهم ، إلا انهم يطقونها طق عشان تأخذ هالابره...

سلطان انشد للمريضه قلبه انجذب لها : حسبي الله عليهم وربي اهم اللي طيروا عقول هالمرضى الله يشفيهم

مر الدكتور مجدي طبعا شكله تحفه ( خخخخخخ) شعره طويل ومو ناعم واهو طويل ونحيف ونظارته عليهم اطار احمر ...........

بندر : بصراحه هالدكاتره اللي يشوفهم يتروع ، احنا وينقالناا فريق تحقيق على وشك الله يعين اللي مقابلهم 24 ساعه .....

سلطان : الله يشفيهم ان شالله ولا يحيجنااا لهم .........

بندر طلع على سيارته وراح للبيت ...

وكان مشغل باله في قضية رهام اكيد تبي وقت بس بنفس الوقت حلوه تساعدني افتك من وجه القرف صوووفيا اشغل عمري عنها بشيء حلوو يعني ...

"
"
"
بندر في السيارة يسوق بروية و ملامحه قد عادت لطابع الحزن الذي يرافقه دائماً...كيف لا هو يستمع لـ :



لعبة الاقدار تلعب في هوانا .. والزمن غدار ما يحفظ أمانه
هذا شي معروف من يملك مصيره .. العيون تشوف وايدينا قصيرة


يا حبيبي وين كنا وانتهينا .. صار دمع العين يتحسر علينا
الزمان سيوف وجروحه كثيره .. العيون تشوف وإيدينا قصيرة

دخل البيت وشاف صوفيا جالسه لوحدها في الصاله كانت تسولف بالجوال ...

دخل وناظرها وطلع فوق واهي ماحست بدخووووووله ...

اهو فرح عشان يهرب عنهااا بس انصدم واهي يصعد الدرج سمعها تقول : وانا اقدر اصبر الله لايحرمني منك ويخليك لي يااغلى احساس بحياتي ... وش دعوه انا اعرفك من 5 سنين من وانا مراهقه للحين وانا متزوجه اكيد لو مااحبك مارضيت استمر معاك وانا متزوجة ....( طبعا بندر مايسمع بشكل واضح همس يسمع فقط)

بندر انجن فقد شعوووره بس خاف يتهور ويظلمها لان تهوره خسره اشياء كثيررره ..

بندر واهو فووووق نادى : صووووووفيا

ارتبكت صوفيا وتغيرت معالمهااا ... : هلااااا حبي متى وصلت ...؟

بندر : هاتي جوالك جوالي مفصول بتصل على سعوود ابيه يمرني
صوفيا تبي تنسيه الموضوع ، : وين بتروح وتتركني وحشتني حبي مشتاقة لك ايش رايك اطبخ لك بيدي ....

( بندر شك فيها اكثر لارتباكهاااا ولطفاتها في الكلام معه عكس دايم )

بندر نزل وقال : ماعليش مقدر انا معزوم هاتي جوالك

طبعا صوفيا متمرسة في ذالشغلات وش سوت .. بسرعه اثناء مابندر ينزل طلعت جوالها الاصلي واهو نفس الجهاز وعطته بندر وخبت الثاني ورى الاريكة ...لزوم الإحتياط

بندر مسك جوالها وناظره زين كل شيء تمام ... غريب ليش ومين تحاكي

بندر : امك حاكتك اليوم .....

صوفيا : ايه اهي اللي كنت احاكيهاا تووو

بندر استغرب من كلامها وبنفس الوقت ظلت شكوكه في محلهاا بس دايم يتعوذ من ابليس وينسى هالشيء

بندر دق على سعووود وقال له : تعال تتعشى معي ؟
.
( تخيلوا وجه صوفيا اكلت هوا ^_^ )

قفل بندر ...... صوفيا : اسوي لكم عشاء

بندر معصب : وش رايك يعني سمعتيني احاكي الرجال اكيد بتسوين وإلا وش؟

صوفيا : ايوووه اوكي بس عاد بتصل في امي تساعدني

بندر تقرف منها وقال بينه وبين نفسه وانا كل مااخذ وحده تطلع لي امهااا مشكله

بندر : لاا ابي اذوق طبخك لاول مره بحياتي لوحدك مابي احد يساعدك عندك شغالتين مو وحده 2

صوفيا : اوكي كم شخص ...........

بندر : اخذوا حساب كثير لان احتمال اقول للشباب كلهم

صوفيا عضت شفتها ناظرها بندر بطرف عين : كانه مو عاجبك كلامي

صوفيا : لا وش دعوه .....!!

بندر قال للشباب كلهم كان جالس ينطرهم في بيت الشعر ...

اول الحضوووور طبعا كان هشام ...

بندر : ههههه غريبة تكتب في التاريخ كيف سمحت لك المدام ...

هشام : لا يارجال حالتك مستعصية ههههه يعني ماتدري انها عندكم في البيت من ساعة ما ولدت

بندر : أي والله هههه والله اختي تسلم يدين اللي ربوها كفووو سنايدي والله تعجبني ساحبة عليك اجل.....

هشام : يارب ان شالله ياجعل اختي صوفيا لو اني مااعتزي فيهاا هههه بس ياجعلهاا اول ماتحمل لين تولد طول التسع شهور تجحدك هههههههه

بندر بألم تذكر موضوع الخلفة : الله يكتب الله فيه الخير يااخو صوفيا هههه يااخي ماتستحي على نفسك من قولة اخو صوفيا
هشام : هههههه الله يهدي ابوي اهو اللي كانت سفرياته كثيره بزيادة وبعدين انا اخو نورررة يارخمه

بندر ضحك إلا بدخلة نواف وحجرف اللي سلمواااا وجلسواااا....

نواف : هاه نشوف هشوم ملبق جوى ناوي تطول انت ووجهك هاه ؟؟

بندر ناظر هشام : ههههههههه مين سمح لك تدخل سيارتك

هشام واهو يتوعد بنواف : تعرف المدام ساحبة علينا لكذا بخليها صباحي الليلة

بندر : لا والله سبيل انا وش قالوا لكم ملجأ ههههههههههه

حجرف : لا تخاف عادي نمون بيت اختنا وإلا لا ؟

بندر تذكر صوفيا وتضايق ما يهضمها ابد واهي حيوانه بعد ماتحبه ودايم تنرفزه وتقلل من قيمته عند صاحبتها لإنها تحبه وهو مو معبرها ....عكس زينة اللي كانت تشتري رضاه بااي شيء...

اخيراا شرف سعووود : ماشاء الله الشله كلهم هنا

نواف يضحك : ارحبوا ابو بندر وصل ياحي الله اخوي ابو بندر وينك وصلت المغرب في البيت ماشفتك ....

سعود واهو يشخص : توي واصل وياالله يالله افتكيت هربت منهم يقولون وحشتهم هههه

نواف : نصابات والله خواتي ههههه

سعود : ا ووما اخواتي هههههه وش لي بخواتي انا اقصد ام بندر الله يخليها لي

نواف : لا قوية قوية لو يشمون خواتي ريحة هالخبر لعنوا نصوا وجهكـ ؟؟

سعود يبتسم : هو نصه بس هههههههه عموما خربت معهم الليلة يبوني اوصلهم مشوار ورفضت وطبعا قوموا الدنيا عل راسي

نواف قفل جواله : اجل بقفل جوالي عشان مايزنقوني ويخلون خالد يكلمني يجبرني اوديهم اعرف حركاتهم

بندر يبتسم : الله اكبر بتقوم الدنيا عاد اذا وصلتهم مشوار

نواف متنرفز : يااخي وين ذا بآخر الدنيا بحي القدس.... ( على بالهم إن زينة للحين عند جدتها نورة أم مضاوي )

حجرف بدهشه جملت ملامحه جنان هالولد : مااذكر لنا احد هنا وين يروحون ..؟

سعود : يروحون عند ام عبدالله .....

بندر فهم الموضوع وبين على ملامحه انه متأثر من فراق الغالية ...(( تذكرها اشتاق لها كثير رغم انها في باله ما تزال دلوعة امها اللي الحين اكيد صارت قوية واشتد عودها صلابه لانها عند امها ولو ايش مستحيل تفكر فيك يابندر خبل انت بعد اللي سويت فيها تبيها تفكر فيك ذي زينة الدلوعه بنت امها عاد كيف الحين وانت متزوج اكيد تلاقيها ماطقت لك خبر وفرقاك عيد عندها اكيد بس ليش هي في قلبي ليش آآه .....))

حجرف : مين ام عبدالله .............<< يسمع بالقرابة حده عائلتهم ذا إن ماضيع بعض اسماء عيال وبنات عمانه ^_^
سعود : لحول ولا قوة إلا بالله انت ماعرفت عماتي وعماني عاد بتعرف ام عبدالله اقول نام بس

حجرف سحب المركا : ههههههههه لا بجد مين ...

سعود : جدة بدر ولد عمي سعوود

حجرف اخذ وقت واهو يفكر : اهاااااااااااا أي عرفتهااا ام راكان اللي درس معي بالثانوي

بندر : أي ام ركان

حجرف : إلا وش صار عليه راكان ... ماعاد اشوفه ابد ..؟

بندر( يغطي حالته الحزينة بأي شكل على الأقل مراعاة لحجرف و هشام ) : والله يقولون الاخ متزوج من مين تتوقع ههههههه

سعود تنهد وناظر بنواف اخوه : لا تقول هبه زوجة ابوي الله يرحمه

بندر : حلا هو عاد كل شوي هبه هبه ههههههه

سعود : هبه ذي مافي رجل اعمال ماشخصت معه و تزوجته خخخخ اللهم لاشماته

بندر : ههههه لا راكان متزوج وحده بعمر امه يمكن

نواف : والله اخس يالبزر صغير و تزوج بهالسرعه

بندر : أي وش فيك خبيت هههههههههه بعدين وراها دراهم ترى

نواف ( آخ يابندر لو تدري قلبي متعلق بمين )

نواف : ههههههههه اعوذ بالله تنعاف العجوز و دراهمها

بندر : على بالي كنت بقوم اسطرك .............

نواف ( الظاهر بجد لو تعرف الخافي بتذبحني مو تسطرني وبس ).....

هشام : بندر مافيه عشاء يااخي مره جوعانين

بندر : وانت ما همك إلا بطنك ماتغيرت للحين ماغيرك الزواج ولا عزوز ماغيرك للحين

هشام : بالعكس فتح شهيتي اكثرررر هههههههههه

حجرف : خلااااص اجل بخطب واتزوج ههههه وخروا عني بسس بتهور بخطب

سعود ناظر في نواف اخوووه صقعه مع راسه بخفه وقال : اقنع الهميل ذا يتزوج لا يعنس علينا ؟؟

حجرف : هههههههههههه
نواف بحسره وألم : فضوهاا ا سيرة خلاااااااااص انا امهاتي مطينات عيشتي بهالموضوع

بندر مايدري ليش يناظر نواف وكانها يشوف فيه نفسه وحياته اللي راحت..؟
"

"
"
طلعواالشباب إلا سعود اللي جلس يسولف مع بندر وينكت فجاءه سكت بندر

سعود : اخبارك بجد مرتاح في حياتك اللي كنت بتطير روسنا فيها هههههه؟

بندر : هههههه يااخي انتقد نفسي كنت كاني بزر بجد

سعود حرك حواجبه : هاااااااااه يعني مبسوط ههههههه

بندر بحزن : اكذب عليك ان قلت مبسوط محس بشيء عادي انام واكل واروح شغلي وبس وذي حياتي تعودت

سعود : بعد غيره هههههههه

بندر ابتسم بألم : الله كريم ننسى اللي قبل كله

سعود بحزن : بندر تدري انو زينة مخطوبة

بندر صاعقة صعقت بمشاعره وكهربت جسمه ودمه وكل شيء وقال بصوت متقطع : زينة مخطوبة ؟؟

سعود : إبتهال قالت لي

بندر بحزن : مين طيب .... وافقت اهي او لا ...؟

سعود : إبتهال تقول رافضه وببشدددده حلوه وبشده صح هههههه بعدين عادي هذا انت تزوجت حتى هي يحق لها تتزوج

بندر بعصبية : اقول تدري انك رايق اخلص

سعود : اعصابك طيب

بندر عصب : سعود بسرعه ترى بجد بديت اعصب

سعود : لااااااااا بس ارتاح لايطق فيك عرق فكنا من شرك ماوافقت بس امهااا بتجبرها غصب إلا تعال داري ان امهاا تزوجت ههههه

بندر : أي دريت وحامل بعد ...........

سعود : هههههههه شر البلية مايضحك

بندر : سعود مين اللي خطبها طيب ..

سعود : رفضت ارتاح يااخي رفضت ....

.( سعود يعرف قصة بندر و زينة كلها يعرف انهم يموتون ببعض للحين )..

بندر بإصرار : طيب مين..؟ ابي اعرف

سعود : كثير ترى مو واحد بس بس الاخت مسوية فيها فاتن حمامه ترفضهم كلهم ههههه
بندر عصب : سعود يااخي سألتك سؤال جاوب على قده وبس

سعود : والله اللي انطردت هههههه يااخي مدري وش دراني انااا يقوولون الشيخ فلان والشيخ علان

بندر متضايق مره

و خش جو الذكرى الماضية العطرة وكأن المهندس يترجم الموقف لـ :


والله واحشني موت
أخاف بعدك اموت
قلبي لو من حديد
ذاب و أنت بعيد
لو خسرتك حبيبي
شلون أحب من جديد
وين ألقى وفا
أو أحس بدفا
ظلما بعدك حياتي
كل شي بيها أختفى
روحي يمك حبيبي
بإيدك أتمنى أموت

وينه ذاك الحنان
يعني معقولة هان
ما خدعنا بعضنا
الزمن بينا خان
وينك أنت و أجيك
و أغفى ما بين إيدييك
لو شفتني حبيبي
حالي يصعب عليك
أخاف أبكي ودموعي
بيها أغرق و أموت

ليلي بعدك طويل
ع البُعد مالي حيل
تدري شوقي اللي بيّا
ينتهي مستحيل
شسوي بيّا هواك
قلبي يمشي وراك
يا اللي مآخذني مني
منهو مني خذاك
قلبي يتمنى يوصل
يمكن أنت و يموت


سعود : هاه يالاخو تأمر بشيء .... ؟؟؟

بندر تنهد : سلامتك ............ إلا اسمع

سعود واهو عند الباب : أي اوامر ياعمي

بندربحزن فظيع : ليش رفضت طيب ....؟

سعود يصفط شماغه : ذي والله النشبة اللي ماكنت عامل حسابها ........وش دراني انا ...؟ بس اكيد السبب مو لانها ميته في دباديب غرامك ابد ابعد هالشيء لانك تدري انها دلوعة امها مستحيل تفكر فيك بعد المرمطة اللي سويتها فيها

بندر يفرك يدينه بقوة ...... سعود : يالله تصبح على خير

بندر : سعود بالله تأكد لي من موضوع زينة وافقت او لا

سعود : الله لا يشغلنا إلا بطاعته ابشر اخاف اقول لا وتصكني كف الظاهر تعودت تصفق هالعالم اللي تحقق معهم ....

بندر ابتسم : أي والله تخيل اليوم صفقت واحد كف قوي وتحسفت لانه خبل وبعد عندي تحقيق مع وحدة في الصحة النفسية ...

سعود : الله لا يضعنا تحت رحمتك حلوه يضعنا صح هههههههه بس لا تلومني المدام لغة عربية

"
"
"

طلع سعود و جلس بندر لوحده يتأمل وجه زينة في صورة لهاااا صغيرونه معه ..كانت جالسة قريبة له تبتسم له ......

مرر اصابعه بحســـــرة على صورتــــــها

عيــــــونها

خــــــشمها

فمـــــــها ..

.مستحيل تروح لغيري لو ايش ...؟

تنهد بحسرة ...

يبي لها كسر راس للحين ماتركت الدلع ..

..آآه وش قاعد تخربط يا بندر عذبتها انت خلاص ارحم حالك انساها ..... ؟؟

مايعرف ليش يحس انها مختفيه من 3 شهور بجد قلبه خايف بس تطمن يوم سمع سعود قال ان خواته

يروحون يزورنها تطمن عليهاااا وبنفس الوقت تـأكد انه لسى يحبهاااا لان براكين الغيرة اشتعلت يوم سمع بخطبتهااااااا....

مسك جواله ناظر فيه وكان فيه شيء يجبره يدق عليهاااا ...

كسر كل القيود والموانع هذي حبه الاول والاخير هذي قلبه اللي ينبض ..

هذي اللي عذبها ومارس سطوته عليها وهذي اللي اعلن لها كل رايات العشق والهيام ....لو ايش يصير ..

كيف يابندر نسيت وش سوت في امك طيب ...؟

ماتستاهل ولا شيء انساها تلاقيها ناسيتك ولا طقت لك خبر ماصدقت تتركها ....

ناظر رقمها ....تردد ....

رجع ناظر الرقم مره ثانيه .........

تذكر جمالها الباهر ..

و بسمتها الساحرة

طلب الرقم بس انصدم الرقم غير موجود بالخدمه

انصــــــــدم وتحـــــطم .....

وراوده إحساس انها بالفعل طارت من ايدينه وراح توافق على الخطبه ..( أخ يابندر لو تعرف زينة وين بس )

بدا يسترجع ذكرياتهم مع بعض وكلامهـــــــا

همســــــــــــــــــها ......

قربـــــــها .......

جمــــــــــــــالهااا..

دلعـــــــــها.....

وغنجـــــها......

وحبـــــــها له

" آخ ياليتك تعرف كيف حال زينة ... ليتك تدري انها محتاجتك اكثر من احتياجك لها "

بندر تكدر مره خصوصا وانه سمع ابو نوره يغني الاماكن تقطع قلبه .........

قال ذا وانا مغير الاماكن كلها يازينة مانسيتك بس ليش انت نسيتني و لا كأني حبيبك بيوم ..؟

ليلي بعدك طويل
ع البُعد مالي حيل
تدري شوقي اللي بيّا
ينتهي مستحيل
شسوي بيّا هواك
قلبي يمشي وراك
يا اللي مآخذني مني
منهو مني خذاك
قلبي يتمنى يوصل
يمكن أنت و يموت
"
"
"
((( لا زلت أصــر على أن روحــي تشوهت بجراح عميقة تشوهاً جليا ً واضحاً أفقدها ملامح الوفــاء ))))-


صوفيا كانت منهمكه في مكالمتهاااا ولللي ساعدهااااا ان بندر ماينام عندها كثير مره يستلم ومره ينام تحت ومره يسهررر ،، تغير السيستم تبع حياته فوق تحت .............
دخل بندر البيت وكانت صوفيااا تناظر التلفزيون ناظر فيها وحقرها طلع غرفته ...

ناظرته صوفيا وقالت : خير ان شالله تعرف ان اسلوبك يوم ورا الثاني يزيد قرف

بندر ناظرها بنظرة قامده خالص : طبعا بيكون قرف و إلا وش تنتظرين من واحد انجبر على وحدة هي فرضت عمرها عليه ....

صوفيا بعصبية : لانك خبل وغبي وإلا احد يرفض صوفيا

بندر مايبي يكرر غلطته مع زينة ويطق صوفيا لإنها ما تستاهل حتى لمسة على خدها ، لكذا قال :طيب خبل

ادري لاني عرفتك وش غيره...........

صوفيا حطت يدينها على صدره ورفعت راسها على فوق له : خبل لانك مانسيت الهبلة زينة المعقدة نفسيا على كثر اللي سووته فيك وفي أمك ياقمر ...

بندر بعصبية بعدها بقوة عنه : طاري زينة لا يجي على لسانك فاهمه والله بتندمين اذا جبتِ طاريها مره ثانيه

صوفيا : وليش يا حلو مين تكوووون ..؟ مجرد وحده مطلقة ومعقده نفسيا وفوق ذا كله لسى تركض وراك

عندها امل الاخت ما تنلام فيك....( عطته نظره)

بندر فقد شعوره وصفق صوفيا كف محترم وقال : اذا مابطلت ذالسيرة ترى بيجيك اقوى من هالكف .........

صوفيا ( واسترجعت ذكرى أول كف من بندر ) : انا تضربني اناا عشان وحده ماعندها اهل يلمونهااااا ذي

اهي مطيحه عند عمتي هيا 24 ساعه عندها امل انك ترجع لها بدت بعمتي تشبكها..... .( قبل تكمل )

صفقها بندر كف ثاني وقال : اعتقد كلامي واضح ومو اول طراق تأخذينه مني ( عطاها نظرة حارقة جداً )

طلع وتركهااا طلع برى البيت شغل سيارته واهو متضايق ...( بندر مستحيل تتغير او تهتدي هالبنت الله يهديها بس )

صوفيا فكرت بخطة تنتقم من زينة عشان تخلي بندر يشيلها من تفكيره ....

صوفيا تفكر بخطة وطرت عليهاااااا ذالفكرة ( بأخذ رقمها واوزعه على شباب واكتب اسمهااا واكتب فوووق ذا كله انها مطلقه اكيد بيطمعون فيها) ... << مبدأ حقير و وقح عند تفكير ضعيفي النفوس


.بس الحمدلله دورت على رقم زينة ماحصلته لانه مفصول << رحمة من الله

فقعدت تفكر إلا ان قررت تنتقم بخطة جهنميه.....

< صوفيا تفكر بينها و بين نفسها هين يا بندر أنا ترفضني و تصد عني بقوة حتى و انا تنازلت عن اشياء كثيرة عشانكـ احبه طيب وش اسوي ؟؟ بس هو مجافي و قلبه معها وش الحل ...؟ بس الحمدلله كسبت التحدي و خليته يأخذني بالغصب ... وش نفعك فيه الغصب الحين يا بنت ...اوف لازم الاقي حل >

"
"

( 23 )

حجـــــــرف الشاب الوسيم ...

ها هو في عالمه الآخر ....

وبالتحديد في التشاتنق ...

" ضب لا بس كرفته " خش روم اسمه روم الشعر و بدأ يتمسخر و يتريق هو و ناصر ...

كان متواجد بذالروم :

انجل

المهند

عاشقة جواد << مزاج خخ ^_^

الإمبــــراطـــــور

ملـك جمـــال بوركينا فاســـو

ريـــــــانة ...

ضب لا بس كرفته : وش عندهم الدشير هون ...؟

دعــاني الشوق : تكفى يا جون ملتون زمانكـ ..

ضب لابس كرفته : << ---- يسمع بجون ملتون والأنقلش لتليتشر

ريــانة : خخخخخ واضح انك تعرف بس تستعبط

ضب لابس كرفته : ياليل التبن شوفي ترا منب بحب البنت اللي تتلزق ^_^

ريـانة ( عبرت بفيس العصبية ) : احلف بس

ضب لابس كرفته : مالك علي يميـــــــــن

دعــاني الشوق : خخخخخخ لقطي

الإمبراطور : خير انت وهو وش عندكم تتميلحون قدامي ..؟

ضب لابس كرفته : بالله عليك نتميلح اجل ليش و وش قالوا لك .....( مشفرة ) من زين ذالخشة عاد

الإميراطور ( من النوع اللي يخش بجد ويتصيد بنات فقط) : اقول احترم نفسك يابزر الشرهه على اللي علمكم التشاتنق

عاشقة جواد : حياتو خلاص طنشه بزر ذا

ضب لا بس كرفته : هههههههههه عشان خويتك لا تفطس كل كبر راسك انت وهي و اكلوا هوا بس عاد انتبه وانت ترقم غيرها لا تكفششك

دعاني الشوق : خخخخخخخخخخخخخخخ حلوة

ريانه : ضب من جد دمك خفيف

ضب لابس كرفته : للمرة العشر طعش اقولك منب برقم ترى لا تتميلحين << كثر منها ^_^

الأمبراطور : لا من جد فيه حثالة لازم ينشاتون ...؟

ضب لابس كرفته : شف والله إذا جينا للصدق مابحياتي خشيت شات إلا وبباند على خشتي

دعاني الشوق : ههههههههههه ماعمري شتك ترى ابد

ضب لابس كرفته : والله شكلي انا اللي بشوتك من الليست ماش طحت من عيني

الإمبراطور : على بالك كذا انك اوكي وبيرفكت ....يعني بتحسب البنات معك << ينرحم على هيك تفكير

ضب لابس كرفته : هههههههههههه يحول وانا اقول وش فيه الورع ماكل تبن اثاريك خايف اسحب بساط الشهره من تحت رجولك يعني عوووووع

الإمبراطور : تهبى والله تبطي عظم تسحب صديقاتي مني

ضب لابس كرفته عطاه من هالكلام وبدأ يتريق ويتمسخر عليه وبقوه لحد ما وصل سوبر و شاتهم اثنينهم

حجرف بحكم إنه متمرس فك الباند ببساطة بس الغبي الإمبراطور على شوتته مابعد دخل شكله هو اللي يسمع بالنت ^_^

بدأ حجرف يتريق على صديقاته اللي اول ما لمحوا ضب لابس كرفته بدأ الهواش و قلة الحياء و المسخرة و حجرف عطاهم لين عرفوا إن الله حق ....

وليلياً على هالمـــــوال حتى اشتهر ذالشات بكثرة زواره خصوصا الساعة 12 بالليل لانه وقت مسخرة حجرف على الإمبراطور و صديقاته القروب تبعه اللي مكون من شباب وصبايا ....

حجرف ماخذ السالفه من باب التسلية ليس إلا ينسى من مجرد مايغلق اللاب ...!!

<<< من الجانب الآخر >>>>


...................: والله وربي الكريم إن مافقعت مرارته ماكون ولد ...( من اشهر العوائل بالخبر )

........... : حياتي طنشه خلاص ترى شات ليس إلا

..........................: يهبى والله اجل انا يمرمطني قدام امة لا إله إلا الله

...............: بس تبي الصدق دمه خفيف ههههههههههه يفطس ضحك

....................: ايوه قولي كذا جايز لك لا يكون كلمتيه بس ؟؟

....................: طارق وبعدين ترى مااسمح لك مجرد إبدا راي
طارق : إبــداء راي اجل اسمحي لي رأيك خياس اصلا من اسمه ضب لابس كرفته ..! صدق بدوي خخخ

العـــنود : هههه اللي اعرفه اانك بدوي بعد

طارق : انا بدوي متحضر يعني قبيلي بس متحضر

العنود : والله إحساسي يقولي انو كمان متحضر وبقوة

طارق : اهااا تقولين لي كذا اجل ...اعترفي شكله مرقمك صح ..

العنود عصبت : ترى زودتها بزيادة انتبه عاد ....دق على ناصر و اسأله إذا بيني وبينه شيء

طارق : ناصر صح ذكرتيني يعرفه معرفة شخصية بجيب رقمه و اعطيك اياه دام اهو عاجبك هالكثر

العنود : احلف بس

طارق : منيب حالف غصب عليك بتسوين كذا وإلا .... شكلك نسيت طارق مين يكون ...او

العنود : اوووف خلاص مايحتاج

طارق : بحاول اجيب لك رقمه عشان تشبكينه بأي طريقة وبعدين لي خطة بنت كلب معه !

العنود بدهشه : قول لحنين او سلوى طيب

طارق عصب بتهديد : براحة امك ماتبين عمرك ما بغيتِ

العنود : اوكي اليوم بالإستراحة نتفق

طارق : اوكي حياتي بس بليز اكشخي الليلة ودي اكحل عيني بشوفة الغزال

العنود : فيه غزلان عندك

طارق : انا كذا مجنون جمال احب اجمع الغزلان حوالي واموت فيهم ...

العنود : هههههههههه اوكي قلبو يالله سي يو

طارق : بايات ...
-
-
طارق : هلا ناصر

ناصر : هلا وغلا

طارق : وينك ماعاد نشوفك تمر الإستراحة ؟

ناصر بتضجر : ياخي تعرف اني محب الجمعات اللي خليطية وفيها حركات مدري وش تبي

طارق : ههههههههه الله اكبر اللي يسمع قولي بريء

ناصر : ههههههههه انا حدي بنات وبس بس ماجازف واسوي نفس سواتكـ
طارق : يارجال الدنيا رايحه ودام معك فلوس متع عمركـ

ناصر : بس راح نسأل عن كل دقيقة يا طارق

طارق تضجر : ياليل النصائح لا تكثر هرج هالبنات او الغزلان هم اللي مرخصات نفسهم لنا

ناصر : الله المستعان

طارق : اقولك نصور

ناصر : دام نصور فيه شيء

طارق : ههههههههههه كويس انك فاهم

ناصر : سم

طارق بنظرة قوية : سم الله عدوكـ تعرف ضب لابس كرفته اللي بشات .....

ناصر : خخخخ ياحبني له ايه وش فيه ...؟

طارق : ابي اعرف وش اسمه ..؟

ناصر : اسمه حجرف

طارق ابتسم بسخرية : حجرف اجل تقولي ههههههههه من وين هالحجرف ..؟

ناصر استنكر سخريته : ليش تسأل ...؟

طارق بتصنع : ولا شيء بس معجبني و البارح دخل واحد وقالي أمانه إلا و توصله ودي اوصلها

ناصر : انا اوصله افا عليك

طارق : لا مابي اكلف عليك عطني رقمه ودي اتعرف عليه اصلا معرفة شخصية

ناصر : عز الله انه رجال و يطلق وجه ابوه ماشاءالله عليه

طارق : وش اسمه ولد مين هو ...؟

ناصر : طال عمرك ذا حجرف بن عبدالله بن ... الـ .....

طارق وقف شعر راسه من رهبة اسم العائلة : اها تقولي من الـ.... ؟

طارق : قلتِ لي اسمه حجرف ..؟

ناصر : يب

طارق : طيب الله يسلمك مشكور ولا قصرت يا نصور ويالله مر علينا ترى عندنا سهره الليلة إن شاءالله على كيف كيف ام جيرانكم ...!

ناصر: مع ان مالي بذالشغلات بس اذا فضيت بجي بإذن الله ...!!
-
-
-
طارق اتفق مع العنود في الإستراحة إنها تشبك حجرف حتى يحبها و يجن عليها وعطاها رقمه .. واتفقوا على خطة لحين يطيح معها حجرف ...؟؟؟ وش ذالخطــــــــة ...؟؟
-
-
في نفس تلك الليلة ...

من الرياض تحديداً ...

حجرف و نواف و نايف في الإستراحة يتابعون مبارة في الدوري الأوربي ...

دق جوال حجرف ....

نواف : سرى ليلك اجل هههههههه

حجرف ابتسم و هو يناظر الرقم : لا تسيء الظن خاف الله هذا رقم مااعرفه والله هدوء شباب


............: الاخ حجرف

حجرف ناظر نواف وابتسم : أي نعم ..عفوا مين معي ..؟

........: عاشقة جواد

حجرف بلم شوي وبعدين ابتسم : كيف جبتِ رقمي ...؟

.............: لو ما أنتِ بغالي علي ما كان طلعت رقمكـ

حجرف بنظرة شائكة : تخوفين والله شكلك شغاله بالكونجرس

..............: ههههههه ( ضحكة سحرية متصنعه) لعيونك نشتغل لو وين ...؟

حجرف ( غريب هالبنت وش وراها إلى البارح مسحت في بلاط الشات كرامتها هي و القروب الخايس اللي معها الله يستر وش تبي بس يالله بشوف وش تبي ) : الله يسلمك بس غريبه والله

العنود وهي تناظر طارق : ولو حبي مايصير

حجرف : ههههههههه حبك باي شرع بس قلت لك منب

قاطعته : لا تقول منتب مرقم جبت رقمك خلاص ههههههههه

حجرف : هههههههههه آمري اختي و ش بغيتِ

العنود : افا حوحو ( ذكرته هالكلمة بأول حب خانه ) هالكلمة ما حبيتها منكـ ابد وش اختي الحين مقطعة عمري عليك وبالملعونة واختها طلعت رقمكـ ....

حجرف : إلا كيف اخذت رقمي بالله ..؟

العنود : اسال نفسك يمكن تكون مرقم بنات الشات ووحدة منهم عطتني

حجرف : والله شوفي انا بحياتي ماقد رقمت بالشات ارقم بمولات و بمجمعات مستشفيات ههه أي مكان بس شات او النت بشكل عام نو ويل إن احس بنات النت خياس متخبين ورى الشاشة ليس إلا ...

حجرف : اهاا يعني على اساس انك طبق الأصل من تاراكان ( وش دراها خخ) او جون ابراهام ..؟

حجرف بتضجر : يخسون والله وش هالقواطي قدامي ولا شيء وعلى فكرة منب من اللي يشخصون بالنت عشان يجمعون اكبر قدر من المغفلات ابد انا واثق بخشتي ولله الحمد ...

العنود عصبت و ناظرت طارق : قصدك مثل طارق

حجرف : مين طارق خياطـ او عامل محطة ..هههههههههههه

طارق تنرفز بقوة و جنونه طارت ^_^

العنود : حلووه ههههههههه ياهو سخيف احتقره بجد لا هذا الإمبراطور

طارق : اخبره صديقكـ وش غيركم هههههههه وإلا حيلهم بينهم

العنود : شوف حياتي انا حبيتك أنت والله كبرت بعيني مبدأك حلو و انا احتقر قروب الإمبراطور و المهند و طقتهم خايسين وبقوة انا حبيتك و شفتك وانت تمرمطهم اعجبت فيك

حجرف ( انبهر من كلامها مسرع إلى البارح ماسح كرامتها هي معهم ) : الله يجزاك خير بس عاد

العنود : لا عاد ولا غيره بليز حس فيني انا وحيدة وحالتي حالة واحس انك ..

قاطعها حجرف ( بشوف وش وراها ) : كسرتِ قلبي خلاص ولا يهمك ...

العنود تبتسم : ممكن تكلمني عن نفسك شوي ..؟

حجرف يناظر ساعته : والله يالغلا ترى وقت صلاة بصلي بإذن الله

العنود : اوكي قلبو بعد الصلاة بدق عليك ونخليها صباحي << -- تباً لتربية على شاكلة تربيتها السخيفة

حجرف ( ياليل التبن وشذاللزقة الحين تدق سارة و ندى ومدري مين ويلاقونه ويتنق بس بالطقاق اكبر همي عاد ) : اوكي يالله السلام عليكم

العنود : انتبه لنفسك باي

طارق : برافو عنوودتي بس والله ياهو يبي له كسر خشم ..

العنود : وبقووووه بعد

راحوا يعجون بأضواءهم الصاخبة حتى الصلاة نادراً من ركعها في تلك الإستراحة !!
-
-
-

في المستشفى


كانت رهام جالسه على كرسي وتناظر مع الشباك وهي تبكي بحسره وبيدها صورة لبنتها رغد ،

فجاءة

واهي تبكي سمعت صراخ مختلط بضحك ...

صدع راسها لانها تكره الصراخ اللي فيه ضحك لانه واضح من الصوت ان واحد يضحك والثاني يتعذب ...

فصابتها حالة جنونية و طلعت تبي تشوف وش السالفه ؟؟؟

ناظرت شافت الممرضة / بسمة/ والممرضة /نهال/

ي ضحكون بقوه ووبين ايديهم في مريضة يطقونهاا بالارض بقوووه ويقطعون شعرهااا ،،،

رهام ماتحملت هالموقف اندفعت بقوه و دفعت بسمة و نهال

بسمة : أي دي المقنونه كماااااااااااااان ....

نهال : ايوووه دي المقنونه قاتلة اوعى تئتلناا كمان ....

رهام ناظرت في المريضة اللي طايحه ارض وتبكي بقووووه وبألم قربت لها وضمتهااا بحنيه

مين ذا المريضــــــــه ..؟
-
-
-
-
-
<<<>>> زيــــــــــــــــــــــــــــــنة <>>><

اسالي نفسي بالدنيا والدنيا تسلي نفسها فيني
اجاري الوقت لو عاته لوه ما يجاريني
تعلمت اني اسامح واعدي زلة الايام
تعلمت ارضي بالواقع ولا اتبع سنا الايام
ولا اتمني ولا استني ولا اتمني ولا استني
ولا ودي عنيني
اسلي نفسي والدنيا تسلي نفسها فيني
اجاري الوقت لو عاته لوه ما يجاريني

انا حبيت بس مره وخان الحب ظني فيه
وقلبي انكسر مره ولين اليوم اجمع فيه
وتبت وتاب احساسي وصرت اقسي منن القاسي
وهذا الي يخليني اسلي نفسي والدينا تسلي نفسها فيني


رهام ضمت زينة ولمت شعرها المبعثر اللي قصووه بالغصب للمرة الثانية

ناظرت جسمها اللي كلها كدمات

وبكت وناظرت في الممرضات وصفقت كل وحده كف وبعثرت شعرها بشكل هيستيري .....

الممرضات هربوا يقولون للدكتور ان القاتلة ناوية تقتلهم كمان

زينة تتأم ،،

ناظرتها رهام بكل حنان وسندتها حتى وصلت السرير ...

زينة تبتسم : شكرا ..
رهام عيونها كله دموع : ان شالله انك طيبة ...

زينة تتألم : الحمدلله على كل حال .....

رهام : ممكن سؤال ..؟

زينة تبتسم يعني موافقه ..

رهام : من متى انت هنا ..؟

زينة : من فترة يمكن شهر

رهام تبكي : انا لي اسبوعين وعقلي طيروه بجد

زينة تبتسم بخوف منها وعدم ثقة بحالها ابد ....

رهام : ممكن سؤال ثاني ...

زينة تبتسم ....

رهام : احساسي يقولي انك مو مريضة نفسيا ليش انت هنا ....؟

زينة بكت وقالت : مدري ،،،

رهام : اكيد ذبحوووو رجلك واخذو بنتك صح

زينة تضايقت

شكل حالة رهام مره حالتها متأخره لكذا ما قدرت إلا انها تبكي معها وتضمهااا..

رهام : تخيلي اخذو رجلي وذبحوووه واحرقووووه وحتى بنتي اخذوها مدري وين ....

زينة تدمع عيونهااا ،،، ( وانا وش اقول مدري اصلأ اني نكرة بذالوجود ..؟ )

رهام تناظر زينة وتغير المود تبعها

فجاءه

عصبت وطارت عيونها : بس لا انا ماراح اخليهم بذبحهم كلهم .....

وضحكت بصوت عالي ...

رهام : مثل ماذبحت زوجة ابوي انا ذبحتهااا

وتضحك بهستيريا.... ضحكاتها تملاء المكان الفارغ عاطفيا وشعورياً

زينة تتألم وادركت فعلا ان عقلها لسى مابعد طار لانها شافت اسواء منها حاله


مسكت زينة يد رهام : ادعي ربك والله كريم ..............
رهام بحزن فظيع : الممرضات ليش يقسون عليك ...؟

زينة صدت وقالت : يبون يعطوني ابره تهدء الاعصاب وانا مانيب مريضة عشان اخذهاااااااا مانيب مريضة اخاف تأثر على عقلي

رهام : واهو بقى فينا عقل ههههههههههههههه

زينة : هههههههههههههههه انا عقلي طار من يوم مادخلت هنااا

رهام : حسبي الله عليهم .... يمه يختي شفتِ عندك دكتور يروووع لو يشوفه شارون اسلم

زينة : هههههههه أي شكله ارهاب مره اهو اللي طير عقلي

رهام : بس مبين من شكلك انك لسى بعقلك ...

زينة تكدرت : لااا لو انا لسى بعقلي كان ماشفتيني هنا

رهام : الحمدلله يمكن فرصة اننا نشوف بعض الله كاتب اني احصل وحده مثل اختي

ضمتها زينة وبكوا سووااا....

مرـرـــرـرـرـــرـــرت الايام والاسابيع


ورهام وزينة تعرفوا على بعض وصاروا زي الخوات رهام تفزع لزينة اذا شافت احد يضايقها او يطقها وزينة تواسي رهام وتصبرها دايم

كانت زينة في غرفة رهام تسولف معها ( طبعا اهم يتسللون لغرف بعض عشان محد يسجنهم )

زينة : اقول رهام انا عرفت منك انك ذبحت زوجة ابوك ليش..؟

عصبت رهام وتضايقت وطيرت عيونهاا وقالت : أي ذبحتها انا ذبحتها ... وبعدين ليش تسألين انت ايش دخلك هاااااااااااااااااااااه ( بكت رهام وقالت ) بس اهي لازم تموت لازم

زينة خافت وصدت .....

رهام قربت لزينة ومسكت يدها وقالت : انا آسفه سامحيني غصب عني

اذا تذكرت رجلي وبنتي انجن بصدق ماابي اعيش من بعدهم تخيلي يازينة اخذوا بنتي من بين يدي وذبحوا رجلي وانا اشووف ...

زينة ضمتها واهي تواسيها بدمووووعهاااا....

اثنينهم عرفوا اسباب بعض وقصص بعض ...

رهام : انا خايفة تتوقعين يذبحوووني

زينة : لا إن شاءالله الله مع الحق وانت تدافعين عن شرفك وعن سمعتك مافيها شيء

رهام : بس اللي يحقق معي الملازم شكله قاسي وما يرحم

( زينة ماتدري ليش خطر بندر على بالها ) وقالت بحزن : ان شالله الله معك

رهام : يختي شكله ذكي ويعرف كل شيء تخيلي يقول لاصحابه ذي مو مجنونه ذي متأثرة بظروف نفسية

زينة تبتسم بألم وهي تسترجع ذكاء بندر الخارق ،،

( ياترى كيف حياته معها ....؟؟ اكيد مبسوط بتجيب له الولد وهذا منى عينه ..أكيد تسمع كلامه و مطيعة له

ياحظها بجنة بندر إذا كان راضي عنها بس ينعاف )

ورهام تكمل : وواحد من اصحابه قالي مجنونه وهاوشه بقوه قال لو سمحت قل مريضة نفسيا بس لا تقول مجنونه ...

زينة اعجبها الكلاااام شكله كله انسانيه هالملازم,,,

رهام : بكرة بيجي الله يعين خايفه ياخذني معه السجن ...

زينة : سوي نفسك مو صاحيه عشان يخلونك تكفين لا تروحين وتتركيني اخاف لوحدي تعودت عليك

رهام ضمت زينة وقالت: الله كريم ان شالله جمعنا ولا راح يفرقنا بإذن الله

زينة تناظرها وتبتسم بسمة مختلطة بحزن ...


رهام : اقل شيء يكون عندي احد يبكي علي اذا مت...

زينة حطت يدها على فم رهام وسكتتها وقالت : بعد عمر طويل ان شالله بالعمل الصالح

جففت زينة دموع رهام ..

رهام : الله يوفقك ويسعدك يارب تدرين زوجك ماعنده نظر ليش طلقك ... ؟؟

زينة تضايقت مره من هالموضوع وقالت بحزن : نصيب ..

رهام : بس انت ماشاء الله مزيونه وفوق ذا كله قلبك من ذهب ....

.ضمتها زينة وبكوووا سوا ...
"
"
"

خـــــــالد اللي كان سعيد مره بحياته مع ام محمد ضي اللي عوضته ايام الشقا والحرمان ..

توسعت اعماله واسمه صار يقرقع الديرة كلها...

خـــالد جالس في مكتبه يناظر في عقود جديدة من شركة يابانية في دبي تبي تفتح لها فروع هنا وتبيه يكون

وكيل لها في السعودية ،

تردد في البداية وبعدين صار يدرس الموضوع ..

دق جواله ...< --- حب عمري تتصل بك

خالد : هلاااااااااااا قلبي

ضي : هههههههه المهلي مايولي يابو رامي .. كيفك

خالد : انا الحين بس يوم سمعت صوتك صرت بخيررر

ضي : اوف اوف ارفق علي ههههههه ترى اصدق

خالد : وليش يالدوبه مو مصدقه ،، تدرين اني متيم فيك اهواك واعشقك

ضي : يارب عساني ماانحرم من هالمقطوعه الموسيقية اللي تعزفها ارق انامل بالعالم

خالد : تدرين شكلي بسحب على الشغل واجيك طاير

ضي : ههههههههه لا الحين كلمتين سوت فيك ذا كله وشلون عاد لو قلت اكثرر...

خالد : حبي بجيك وغردي علي مثل ماتحبين

ضي : لاااااااا ياقلبي شغلك اهم ان شالله لاحقين على خير

خالد : حرام عليك انا عاشق وهيمان وذااااااايب في حب قلب هو مو قلب هو جنه بحالهااا

ضي : يابعد عمري انت عساني مافقدك ياروحي انت ،، وحشتني وحبيت الطف جوك هههههههه واثقه شوي

خالد : هههههههههه يحق لك يالغاليه قلبي وبين يديك ليش ماتتدليين

ضي : اها يعني افهم اني لو اطلب بتنفذه ..؟

خالد : افا عليك بس اشري بس هاه تبيني اجي هههههههه

ضي : هههههههههه لا وانت ذا همك بس ،،، اممممممممممممممم (تبي تفكر بشيء )
خالد بإحساس مرهف : لبيه
ضي : يؤ يؤ احرجتني بقفل هههههههه
خالد : يالبيه ياكل الحب والشوق وش براسك بعد كيفي زوجتي وانا حر

ضي : الله يخليك لي ...

خالد : امري ياعيون خالد سمي وش بغيت بس ...

ضي : ابيك تغني لي أي اغنيه .... << رومانسية ^_^

خالد : ابشري قلبي اسمعي وحسي بالاغنيه

ضي : اوكي

هااااااااا حبيبي ابتسم هدي اعصبك خلي راسك بين ايديا ...

.... ( وكمل الاغنيه ) ......

ضي : وااااااااااااااااااااااااااااو قلبووو روعة الله لا يحرمني من ذالصوت العذب

خالد : احم احم لا تكبرين راسي

ضي : اهههههه أي اخاف تغطي على ابو نورة بعدين

خالد : هههههههههههههه بحرق أي كاسيت له من زين صوتي

ضي : الله يخليك لي هههههههههه

خالد : وش فيك انت مهبوله وش يضحكك

ضي : ههههههههههه حمودي يناظرني من توووووو

خالد : وقلبوو بوسيه لي طيب

ضي : ياسلام وامه مالها شيء ههههههههههه

خالد : ماعرفنا لك من تو نرسل بوسات ومسويه مستحيه والحين تغارين من ولدي هههههههههه

ضي : شكل الولد يتعلم مناااا ههههه خلاص لازم نسوي حدود اذا كان معنا

خالد : أي طالع على ابوووووه هههههه

ضي : طيب قلبوو يالله بنزل لخالتي تحت والبنات

خالد : اوكي قلبي ديري بالك لعمرك ولحمودي انتبهو له لا يطيح مثل ذيك المره

ضي : ياعمري لا تخاف راما ماتخليه ينزل من يدينها ابد... حاطته عروسة لها تلعب فيه هههه

خالد : اوكي ياعمري انتبهي لراماا بعد ترى البارح شفتها عليها حرارة لا تخلينها تكفين

ضي : افا عليك لا توصي ذي مثل بنتي واكثر بعد كفاية انها بنت الغالي

خالد : احم احم

ضي : لا تنفخ عمرك علينا هههههههههههه

خالد : هههههههههه

ضي : انتبه لنفسك يلااا في امان الله ...

خالد : بامان الله

"
"
طبعا الجميع يتسآل عن حالة نسرـرـرـرين ....

نسرين زادت حدتها الانفعالية بعد ماطلقها خالد وبعدما اكتشفت ان ضي بعدها عايشه

حاولت بشتى الطرق تدمير حياة خالد اللي حبها من قلبه واخلص لهااا ،،

بس كل طرقها باءت بالفشل لان الله سبحانه يحمي خالد وضي من نسرين وخططها الجهنمية ....

نسرين صار لها فتره يعني شهر شهر وونص جالسه لوحدهااا في غرفتهااا ماتطلع حتى امها ما تسلم عليها

ولا شيء .... ورافضه رفضا قاطعا انها تروح طبيب نفسي .. تقول انها مش مجنونه وذي نظرة قاصرة لذو العقول الصغيرة جدا ...

حالة نسرين ازدادت حده وعصيانها وتمردها زاد ....

إلا ان خطبهاا واحد من اصحاب ابوهااا

نسرين بدون مقدمات حتى مابعد عرفت اسمه وحالته وافقت

( على بالها قهر خالد او تبي تنتقم من اهلهاا ومن نفسها بهالموافقه )


بنـــــــــدر بشمــــــــوخه واقف أمام نسرين ......









اتمنى يعجبكم البارت وتهمني الملاحظات و التوقعات كثير ...

_ وش ممكن يصير على حجرف مع طارق و العنود والقروب تبعهم ..؟

_ وش ممكن يصير مع بندر و سلطان بالتحقيقات ...؟

_ وش ممكن يصير مع سلطان لو افترضنا انو يشوف زينة ..؟

_ وش يصير بين زينة و رهامـ ..؟ ووش يصير على رهامـ ..؟

_ وش بيصير على بندر و صوفيا ....؟ و نسرين بتتزوج او يوقف بندر بطريقها ...؟

يعطيكم العافية