اتمنى أكون قد وفقت في البداية .....اليوم نكتفي بهذالقدر .... و بعد فترة إن شاءالله راح أكتب بارت بارت ...حتى تكون الرواية سهله وممتعه للجميع ...

تحياتي : شـــــــوق ألمــــــــاس



نقلاً عن الكاتبة المبدعة شوق ألماس



تحياتي اختكم " ديما

بكمل الرواية اتمنى اعجبتكم .........





(الجزء الثـــــــاني .. The Second Part)(1)


خالد بالسيارة ينتظر زوجته نسرين لأنهم بيطلعون البر..
طبعا نواف وام خالد والبنات مشوا قبلهم بنصف ساعه.. هنا في هذه الاثناء.. ركبت راما السيارة وكانت كاشخه تدنن ياقلبو بس ..
خالد: راما ين ماما..؟
راما بلهجة مكسرة كلها براءة : تلبث عبايتها ..
خالد : ورامي وينه ؟
راما: راح مع خالو بندر الملاهي بابا وديني ابي ألعب..( لاحظوا ان راما عند ابوها قدام) ناظرها خالد وكانت عيونها تعني له الكثير قال: إن شالله ماما بوديك..
خالد فقد صبره ، طولت نسرين واهو ماله خلق يدق يستعجلها لانه ماخذ بخاطره كثير مع انه يعشقها بجنون..
نسرين : هاي.. خالد : وعليكم الهاي.. ساعه والله لو انك رايحه عرس.. ذا وأنا قايلك البارح... نسرين : حبيبي متضايق لا تحط حرتك فيني تراك ما قصرت اللي فيني كفاية وزود.." مشكله نسرين انها ترد عليه بعنفوان ماتدري ان الرجال إذا هاوش مايحب احد يرد عليه.~نظرية متفق عليها عند السعوديات فقط ~ "
خالد : أنا قايل هالطلعه ميب معديه على خير..!
نسرين تتأفف تقول بنفسها " أحسن ياليتك تنزلني عند أمي اصرف لي من مقابل امك وخواتك"...
نسرين: امش يالله بس حرك ادري تبي تنرفزني عشان اتضايق..
خالد : أنت من يوم ركبت قابسه ومتضايقة..
نسرين : لا والله... شي طبيعي من تصرفاتك التافهة...
خالد التفت بنظرة حادة "قامدة اووي" بسكت ماراح ارد عارفه ليه..؟ مو عشان سواد عيونك ، عشان هالبريئة اللي وراء...
نسرين:اي أحسن لي ولك...
خالد بينه وبين نفسه تضايق مره ليه بس نسرين تعاملني بقسوة ، ما كانت كذى ! وش فيها تدري اني متيم فيها لكذا شافت نفسها بس لازم اشدد اسلوبي حتى تستقيم...ياساتر ياخالد أنت يوم ونص بس قسيت عليها وتحس بقلق..بعدت عن حضنها وعن شوقها وعن الأمان بين يديها..! ليش بس من غيرك حسبي الله عليه صدق العواذل نقص...وهالعالم غريب
عالم غريب وداخله ناس أغراب
..تبقى بهذا الكون أكثر غرابه.
.ليه السما صافي و الانسان كذاب.
.وليه السؤال يموت قبل الإجابه..
وصلوا عند ام خالد ونواف و تغريد والهنوف..كانوا في مكان رائع..
نواف قبل يوقف خالد قام وقال : لبق السيارة زين عشان امي و البنات يأخذون راحتهم.. ابتسم خالد برقه وقال سبحان الله نسخه من ابوي الله يرحمه يانواف بكل شي..
خالد قبل يفتح الباب وينزل كان متضايق مره،
نسرين : اسمع ساعه وبنروح مابي اطول رامي مو معي...
خالد: تنهد قال يسهل الله..
تغريد جالسة مع الهنوف بعيد شوي ناظرت بحده وقالت :شرفت البرنسيسة الله يعيني عليها بجد اتنرفز منها واضح انها ماتحبني ياختي ناظري ماسلمت على أمي بس قالت " مساء الخير" تغريد : الحمدلله زين اللي طلعت منها بعد ماتوقعتها تجي..
تغريد : لا تخافين اخوك سبع جابها بالغصب..
تغريد: اي هين والله انها مشيته مثل ماتبي وبعدين كلنا ندري انهم يحبون بعض...
الهنوف: طيب لا تكثرين فلسفه وتعالي نروح لا يزعل خالد ما يستاهل...
نسرين: اوف الجو قرف نسيت اخذ معيs p f ‎50 بشرتي جفت ..
تغريد : ذا وانت متغطية..
ام خالد تغمز لبناتها خصوصا تغريد يعني عيب استحي..
خالد قاعد يقرا جريدة الجزيرة مو معهم ابد ،
ام خالد : يلا عاد انا ودي اخذ بنياتي واحكي لهن عن طلعاتنا بالبر قبل يوم انهم صغار..
تغريد: يمه أنا تعبانة ودي اجلس عند خالد و نسرين
نسرين بينها وبين نفسها تقول: جلس حظك ان شالله.. طبعا التعابير على وجه نسرين واضحه زي عين الشمس ..
ام خالد: تغريد شوفي نواف بالسيارة بيسمعك قصيدة قومي روحي له ..! يالله بسم الله..
خالد توه يشعر باللي عنده رفع رأسه ومالقى إلا زوجته وكانت الشمس ساطعه على بشرتها البيضاء و شوية خصل من شعرها البني.. تنهد لأنه ينتظرها تراضيه .. قال : وين امي وخواتي؟ نسرين بلهجه رزينة: راحوا يتمشون..
خالد : ليش مارحت معهم ؟
نسرين: اروح واخليك لوحدك هنا.. (خالد داعب شعوره احساس دغدغ مشاعره وناظرها.)
خالد واهو يتأملها: ليش يعني خايفه علي ؟
نسرين بخجل : لا مو خايفة بس اغار عليك..من هالبنات اعوذ بالله حتى في البر مغازلجيات.. خالد : تدرين حبي شكلي كل يوم بشخص بمجمع عشان تحنين وتغارين علي..
نسرين : قلبي كله حنية وشوق لك ياأبو رامي . (خالد المسكين راح فيها )
خالد :كيف بس قدرت تروضين غروري بكلمتين بس وأنا كنت جامح بقوة..
نسرين بخجل : يابعد هالدنيا ليه صاحبك تقسى عليه.. لأن قلبك طيب ياروحي..
خالد: حبي وش رايك نروح نتمشى ! ...نسرين: اوكي
خالد ألتفت يمين يسار ماشاف احد.. قال: سوسو بسرعه بوسه عالطاير قبل يشوفنا احد..
نسرين: يو يو مجنون مو صاحي عشان نصير مقطع بلوتوث محترم... واهي تضحك
خالد: فديت الضحكه وصاحبتها وقرب خالد لنسرين.. نسرين بعدت شوي.. خالد: وش فيك زوجك حبيبك مشتاق لك ابي بوسه صغننة قد النملة بس..
نسرين انحرجت
نسرين : اوكي قرب واهي كانت يدها بالشنطة..
خالد قرب وعاش بجو افلاطون..
نسرين طلعت عطرها(هيبونز من لا نكوم ) وبخته بعينه... خالد شهق.. نسرين وقفت ميته ضحك على شكله...
خالد: طيب طيب اوريك .. (خالد شخص ولبس نظاراته وقام يتلفت قال بروح اغازل)
... نسرين حطت يدها بيده..وهي ميته ضحك خلاص امزح معاك قلبي...
خالد ونسرين شافوا الوالدة وصلت هي والبنات..
خالد : اي بعلم امي عليك.
نسرين: تضحك وش بتقول قلت لها ابي ابوسك هاااه وتضحك..! عشان تهاوشك انت!
خالد: اي صدقت خلاص عاد ثقل الحين..
الوالدة : شكلكم ماتمشيتوا ،
نسرين: لا ياخالة خلودي تعبان وجلست اسولف معه ( كانت تتكلم بغنج عشان ترفع ضعط خواته) حطت يدها على كتفه وقالت : أنا قلت نجي وراكم بس حبي خاف على بشرتي .
تغريد كان ضغطها فوق فوق تغريد تساسر الهنوف تقول : يختي مادري ليش احس انها تكذب؟
طبعا راما كانت طول الوقت مع عماتها..
"
"
"
(3)

العائله تجهز لفرح بدر و وردة.. في بيت أم بدر..كانت هناك فوضى عارمه..
نورة: ريم وصمخ ساعه جوالك يدق..
ريم : واو وقردي هذي الهنوف وش تبي ..؟
ابتهال كانت كاشخه بفستانها تعرضه لخواتها عشان يحكمون ،
ابتهال تناظر ريم بالمرايه و تقول : ردي حرام شوفي وش تبي..!
ريم : لا مابي ارد اكيد بتسأل عن فساتينا من وين وكيف ؟ اصبري دقيقه وتدق عليك.. فعلا مباشرة دق جوال ابتهال ، واهي اختها غير الشقيقه الهنوف .
ابتهال : هلا ازيك عامله ايه ؟ احنا بخير... اي ابشرك مبسوطين نطلع ألف خطه وخطه لفرح بدر.. الهنوف وش فيك..صوتك مو طبيعي ..لا سعود مو فيه..ليش وش فيكم..؟
((((((((((((فجاء))))))))))))))))
وابتهال تحاكي الهنوف
تغريد فتحت الباب بعشوائية وبدون اذن
دخلت تبكي نورة قامت من على الصوفه الليموني
نورة : خير وش فيك عسى ماشر ؟
تغريد : أمي أمي .... أمي يانورة تعبانة ومافي احد.. اخواني برى تكفون دبروا لنا احد..
ريم نطت وقلبها يضرب من الخوف ،
فتحت الباب بخشونة على سعود اللي كان يحاكي بندر بالتليفون..
ريم : سسسعود بسسسرعه الحق خالتي ام خالد تعبانة ودها المستشفى ،
سعود قفل الخط بوجه بندر اللي ضاع بالطوشة.. وراح بسرعه هو وتغريد عند ام خالد وودوها المستشفى..
سعود : هاه يا دكتور طمنا؟
الدكتور : خير يابني ماتخفاش ممكن تتفضل معايا؟
سعود قلبه يضرب بقوه خايف.. سعووود : دكتور بليز قولي وش فيها خالتي رجولي ماعاد تقوى..!
الدكتور : حزرتك تشرب ايه..
سعود : مابي شي بس بسرعه حرقت دمي ..
الدكتور: هو بص حزرتك مامتك عندها بالزبط يعني
سعود : دكتور واللي يرحم والديك فكنا من هذرتك قولي وش فيها بالضبط؟
الدكتور: عندها ارتفاع معدل السكر نتيجه لضغوط نفسية وبس وحزرتك تاخذ الدوا دا وان شالله راح تتحسن..!
سعود : ان شالله.. (سعود طلع وشاف تغريد متقطعه من البكاء ونورة تهديها حتى وليد زوج نورة جاء وقاعد يطمن تغريد..)
سعود : اطمنكم انها ازمه ارتفاع سكر بس وان شالله بتعدي على خير...
تغريد : وحرتي على امي انا بنام عند امي برافق عندها .
سعود : الدكتور يقول ما تحتاج مرافق وبكره الظهر طالعه..
وليد : نوره اخذي اختك وروحوا البيت ..
تغريد: مانيب رايحه لو اقعد هنا...
نوره اقنعت تغريد تروح معها
( طبعا سعود ناسي جواله في البيت )
ابتهال كانت مختبه للغاية..مرت بتشوف غرفه سعود لقت في جواله١٤ اتصال من بندر
دق بندر في هالوقت ردت ابتهال لانها توقعت عنده خبر .
ابتهال : نعم..
بندر : مو جوال سعود ؟
ابتهال : إلا بس سعود ناسيه
بندر: بالله جد ..؟
إبتهال: لا استهبل اناااااا خييييير ان شالله داق وتستخف دمك ( الخبله نست انها ردت على جوال سعود )
ابتهال درت ان ماعنده خبر وسرحت تفكر . ( بينها وبين نفسها ياعلك السنع واحد ناسي جواله عادي تصير بأرقى العائلات )
بندر : اعوذ بالله وشذالكيرم مصرقعه لا حشى
سكت بندر واهي ساكته..
ابتهال كشرت : عن اذنك احنا مشغولين.. ( وقهرها كلام بندر عنها بهالشكل )
بندر زي الاطرش بالزفه..
تغريد ونوره مع وليد بإتجاه السيارة.
تغريد في حاله يرثى لها ، نورة ماسكه يد تغريد وتقطع الشارع لان وليد موقف السيارة بعيد.. هنا قال وليد : وقفوا هنا دقيقه بجيب السيارة..(جاء وليد وكان معه شاب وسيم طويل مسوي سكسوكه مسكته عليه للغاية.). كان راكب قدام مع وليد.. -
-
نورة: يالله توتو ذا وليد وصل بس يو من اللي معه؟ شكله من عيال عمي تركي..
تغريد : يووه يختي مالي خلق خلاص انت روحي اجي مع سعود..
هنا وليد طنب بوري يعني اركبوا.. نورة مسكت يد تغريد وركبوا السيارة..
تغريد : كيفك عبدالله..؟ واخبار الاهل !
عبدالله : بخير ياعساك بخير.. (تغريد كانت صامته ماطلعت ولا كلمة)..
دق جوال تغريد وطلعته من شنطتها " اقنير" جلد بني..ناظرت رقم خالد تضايقت لأنه بهالوقت سافر وتركهم بظروف صعبه ، وردت ، .... تغريد : هلا خالد كيفك ! (وكانت كاتمه العبره..) مافي شي بس..لا مافي شي وانخرطت تبكي نورة اخذت الجوال منها وبينت له السالفة..
وليد : لاحول ولاقوة ألا بالله.. تغريد مايجوز حرام ارحمي حالك ، امك بخير..
عبدالله بحياء: ان شالله انها بخير..(واشغلته حنية تغريد وعطفها كثير). اخيرا وصلوا البيت تغريد نزلت قالت بصوت كله شجن وانكسار : مشكورين..
وليد : نورة وصليها لا تغلط تدخل بيت الجيران حالتها صعبه اختك بزر ماكنها جامعية.
.نوره : الله يصبرها بس ..
عبدالله : وليد تغريد وين تدرس ؟ وليد بإبتسامه صفراء : ليش بتخطبها أنت ؟
عبدالله : هههههاي انا وجه خطبة خير اي خطبه واي خرط انت..
وليد : هههههههاي لاتستحي عادي اخت زوجتي عادي ترى اتوسط لك
.. عبدالله: تكفى عاد انت وواسطاتك اخاف توسطي لي وتنحاش البنت هههههه
وليد اطلع من مخي ماني ناقصك اخذت هم ام خالد بحاتيها يارب تشفيها..
وليد : يا حياة الشقااااااااااااااا ياعبووودي بس
عبدالله : خبل انت او تخيبل..أحب وحده ماشفتها بحياتي إلا ربع ساعة.
وليد : أنا اللي شفت نورة يعني قبل اتزوجها.
.عبدالله: اقول زانت علومك بس لا تنسى شارع تقاطع بيتنا واترك هالخرط عنك.
"
"
"
(4)

زينة : يمه صار لنا يومين من وصلنا ولا احد زارنا..
ام بدر بغرور فظيع : احسن .......... ( طبعا ام بدر تحكي بتعالي ) ماني فاضية لاحد امي وشفناها امس وخواتي مو في الرياض حاليا ، وخوالك ان شالله نشوفهم في بيت جدتك الخميس..
زين ةببراءة : لا اقصد عماني..
ام بدر تتمسخر : مو عادة ياعيوني..!
زينة بإقناع : طيب ودي ازوهم أنا يمه ..
ام بدر: تعدين على مين او مين يزعلون بعدين..!
زينة : اذكر عيد ميلاد داليا بنت عمي فهد بكره بشتري لها هدية واروح
ام بدر:اي والله وأنا قايله لبندر وعد اسير عليكم.. ((زينة قلبها يقرقع من طاري بندر بس.ووجها صار كوكتيل ألوان )..
زينة: بكره نروح لهم ان شالله..
ام بدر: اوكي ان شالله..

(5)

ام تركي : ياحياكم الله زارتنا البركه ذي الساعه المباركه اللي شفناكم يامرحبا ومسهلا.. البخور يا اميرة.. بخري خالتك..
كانت زينة ضاربه ابو الشيطان بالكشخه والاناقة..لابسه فستنان قصير حرير فوشي مع صندل فضي من فرزاتشي.. وشعرها اسود طويل مطلع بشرتها البيضاء كانها قشطة..وشنطه طبعا عشان تطقم اخذت شنطه فوشي ( كانت بتأخذ قوتشي بس خافت بندر يعرفها وغيرتها اخذت شنطة فوشيا من كريستيان لاكروا..)
اميرة كانت لابسه برمودا جينز على تي شيرت رصاصي..شعرها قصير بني.. اما دلو الشيطونة فكانت لابسه فستان ابيض مصممته لها اميرة خصيصا بعيد ميلادها...بعد ما تضيفوا
اميرة : زينة تفضلي معاي فوق غرفتي.. زينة بإبتسامه : اوكي ..
هنا بهالوقت والبنات بيطلعون فوق شرفت نسرين بصوت عالي : مرررحبا
(وسلمت على البنات وحده وحده وراحت عند امها وام بدر..)ام تركي : وش اخبار خالتك ؟ ..........
.نسرين : يقولون طيبه..........
ام بدر : مين ؟...............
نسرين : ام رجلي خالد خالتي .
ام بدر : سلامات ماتشوف شر .( دخلت زينة غرفه اميرة ذات الطابع الكلاسيكي..)
زينة : واو تحبين تقرين ،
اميرة:بجنووووووووون..
زينة: بس انت هنا في بيتكم تحبين القراءة ( تبي تعرف بندر يقرا او لا )
صدمتها اميرة : ايه..
زينة : تقرين لمين اغلبيا؟
اميرة : شكسبير او جين اوستن .. (هنا زينة دق قلبها.)
.دخلت دلو... زينة : تعالي يانونو ياصغننه أنت..
دلو بخجل : نعم ...............
اميرة : مسويه فيها خجوله ههههههه لا تخافين بتعطيك هديتك ............
دلو عصبت : لا والله كل يرى الناس بعين طبعه
زينة : افتحي الكيس شوفي هديتك..
دلو تناظر في اميرة بإبتسامه و فتحت الكيس، لقت هدية مغلفة.فتحتها لقت دبدووووب يدنن ومعه دونالد داك كبير اكبر من دلو نفسها (اخخخخخخخخ)
داليا : واااااااااااااااااااااااااااااااااااااااااوووووو ثانكس تصدقين عاد بندر اخوي وعدني يجيب لي بس خلاص بقوله يجيب لي شي ثاني عن جد ثانكس وجت دلو بوست زينة..
زينة: هابي بيرث دي تو يو...
أميرة: ذكرتوني بالمسلسلات المصرية ههههههههه..ماناقص إلا تقطعون الجاتوووه
دلو : ايييييييييي ذكرتني تركي قايل لي بعيد ميلادك بجيب لك جاتوه 3 ادوار لا وبيحط صورتي بعد نسيت بروح اذكرررررررررره
اميره : كن اخواني بيخلون صورتك عاد اقول اركدددددي
زينة : هههههههههه عادي لسى صغيره اهي
اميره : يااختي يعرفون صغيرة من كبيرة عندنا نظام دكتاتوري العيال يسوون اللي يبون امااا حنا في آخر كتمة
زينة : لا تظلمينهم لمصلحتناااااااا هههههههههه
اميرة : يارسميات انت ههههههه جانا خرط بندر اخوي ( دق قلب زينة )
اميرة : إلا اقولك تدرين بندر وي يفكر يهدينا بالمناسبات ؟
زينة : ؟؟ ايش .. اميرة : كتب.لأني مدمنة قراءه.. ( بهالوقت دخلت ابتهال وود عليهم.. )
اميرة : اهلين حياكم الله مابغيتوا تجون .. زينة بعدما سلمت قالت: وحشتوني مره اشتقت لكم ، ود : اي واضح والدليل اتصالاتك يالقاطعه.. زينة : ياويلك من ربك دايم اسأل تغريد عنك..!
اميرة قاطعت زينة : بنات من جابكم ، ابتهال : سعود اخوي ، اميرة : سعود طيب ود وش حاشرها معكم؟
ود شدت اميره مع شعرها وقالت : دقت علي وقالت تجهزي اقول لا ..!
زينة : هههههههه ه.....
اميرة: لا بس يمكن حاطه عينك على سعود...(عادي تراه رزه و شخصية..!)
ود: اميروه انطمي تموتين سبحان الله اذا ماجبت طاري هالخرابيط..
ابتهال : الحين هالللي تقولين خرابيط وربي ماعندك سالفه اقول الله يرزقنا بسسسس هههههههه بس فعلا على قولتك ماابي من عيال عماني ..
زينة : يؤ يؤ يؤ وش فيهم ناقصين يد وإلا رجل هاه ؟
ابتهال : ايووووه يا هجوم يازينة بعد اكثر بس تراها ماتنفع لاخوك بدر شوفيني انا مثلا ونطت قدامها..!
ود : هههههههه ماقول الا اهل العقول براحه....
اميرة : خير ان شالله وشذا الاسطوانة اللي طايحين فيها ، تخيلوا اخوي بندر ( زادت نبضات زينة ) يقول ماأبي من بنات عمي ...
صــ ــ ـــ ــ ــ ـــ ـدمة
ابتهال : من زينه اخوك هالبدوي لا ومتغطرس بعد .
.ود تستهبل : بنات بموت آآآآآآآآه أأأأأأأخ ياقلبي بندر مايبي منا ، يختي منى عيني اطلع من العائله،..
أميرة : لا والله بجد لا يسمعك سعوووود هههههههههه
ود ضربت اميرة بخدادية سماويه
ابتهال : مقيوله ياوخيتي زواج الاقارب عقارب
(( زينة تحطمت مشاعرها واللي عذبها زود انها تسمع..؟؟؟؟؟؟))
ود : يمكن يااميرة اخوك اللي ماخذ مقلب بنفسه يعرف وحده و يبي يخطبها..!
اميرة : والله اساليني ان الرجال متغير 180 درجة شكله هه هه والله اعلم انو فعلا يحب .. ابتهال : جايز لانه حلو ..
<<----- اميرة تشر باصبعها على زينة اللي راحت بخبر كان من ذا الصاعقه..!
ابتهال بصوت عالي : زينة وش فيك ؟ زينة بشرود : ايه حلو
أميرة ، ود ، ابتهال : ههههاي
ود العبيطه : وشو الحلو.......
زينة : اللي قالته اابتهال...
ابتهال وود : ههههههههههه
ابتهال قالت بندر حلو ؟ قلت ايه حلو
هنا زينة انحرجت مره حمرت خدودها ... زينة : لا ابدا صدقوووني لا مو قصدي كنت سرحانة ماأنتبهت.. ود : اميره ماله حق اخوك قولي له ان زينه تقول انه حلو ؟( زينة مسكت الخدادية وشاتتها على ود النحيله ذات الجسم المصقول الرائع...)
طلعت زينة بخيبة امل فظيعه.. كيف الشخص اللي لي شهر واكثر افكر فيه وأكتب عنه خواطر.. يحب وحده..! انا بنت عمه اولى فيه من أي وحده يحبهاا؟ كيف بس إحساسي كان يقولي انه يحبني..؟.الظاهر بعدي بزر( طفله لغير الناطقين النجدية ) ماعاد اميز بين مشاعري..!
آه لو تدري بنار قلبي تحرق ضلوعي...
جواي لك إحساس بيكبر كل يوووم .....
العين تنام والقلب عمره جاله نوم ...
من كثر شوقي ولهفتي ....
آآآآه يإليسا بس صوتك على الجرح .
****

وذا نهاية البارت الثاني


وبكرة بكمل لكم بإذن الله