كاتب الموضوع :
ديمـــا
المنتدى :
القصص المكتمله
تكمل الرواية من قبلي لتأخر الكاتبة بنقلها
********************
(4)
>><< من بين تراتيــلـ الزمــانـ المؤلمة !!
ها هو زفير الشفاة الملتهبة يذوي بالأنفــــاس ....!!
ايها الأرقــ ! امازلت تتذكر بقايا الحزن الذي استوطن بين العين و الهــدب >>><<<
ايا لمحات الأسى .. ارفقي بهــا !
فقد فتكت بها نسمات الحياة و أحالتها لمجرد
انثى بدون ملامح .... و هاهي تباريح الايام
تستريح في محطة ايامهــــا ...!!
تكأت راسها و هي تستشعر بذرات الندم التي لا زالت تتسرب بكميات بسيطة لفؤادها
دمعتها تحرق وجنتيها ليس لمَ حدث !!
إنما لإنكسار شخصيتها امام والدها ... و اخوانها ....
و الشخص الوحيد الذي سكن زنزانة قلبها !!!!!!!
(())))(( بندر (())))(
ارتفعت شهقاتها و هي تتحسس بطنها ... >
تضغط بخفة .. .. ثم تمارس بقسوة الضغط على تلك الأحشاء .....
تتوقف لـ لحظـــات !
" كم هي جميلة تلك النبضات " ...
روح من بندر معي ...!
( تتذكر اخر موقف ..! تلك النظرات التي تحتقرها ..!
من زمان شفت بعيونة نظرات إحتقار بس مو مثل آخر مره !!
أخ يا صوفيا كان بإمكانك تكسبينه و تملكينه !
حاولت بس مقدرت !! قلبه معها ...!
صحيح ساعدني وحاول يغيرني ... وله دور ماانكره
بس ( تذكرته و ضغطت على بطنها بقوة ) عمره ما حبني بيوم
ليش أنا احبه ....؟ )
رمت نفسها بتثاقل على السرير ...
و رفضت كل الأكلـ و الأدوية ....!!
حالتها ساءت جداً مع الحمل ..خصوصا وان الشهور الأولى تحتاج لرعاية
امها ..... لم تنجح في إقناعها بالأمل و التعايش من جديد ..
ابوها يكره شوفتها تماماً .... ولا يطيق سيرتها ...
اخوانها باتوا يستعيرون من سيرتها .. ويحاولون جاهدين كتمها بشتى الوسائل
عيشوها بمدرسة تأديبة ...! لو تم التعامل مع الموقف من زواية ثانية لكان افضل
من وجهة نظري ككاتبة لهذه الرواية ... !!
غرست جسدها المتهالك بين ثنايا السرير المترف ...
( معقولة لو كان عندي اخوان اشقاء بيتعاملون معي مثل كذا مايهموني كلهم بس بندر اللي طعني وش ذنبي لاني حبيته )
انطوت على حالها وبقوة ....
تحسرت على كل لحظة اضاعتها بأشياء لم تفعلها إلا من باب الإنتقام من نفسها فقط !
إنتقام من رفض بندر لها ... من نظراته اللي تحتقرها ....!
إنتقام من أمها اللي ماتدري عنها ...عن د لع ابوها لها ...!
معالمها الجميلة تدثرت في جنح الألم و الندمـ .....
ارهقت حالها وبقوة في التفكير و البكاء على خطاها المبعثرة وسط قسوة الظروف .. وغربة التربية !
ها هو رنين جوالها بتصاعد بالرنين " مابدي ائلك شو بني ....!! .."
طنشت ....
ولا يزال الجوالـ يواصل الرنين بشكل متواصلـ
بيدها المتهالكة مسكت جوالها عفوا ليس جوالها لإن جوالها مع هشام اخوها ... الجوال اللي تحت رقابة اخوانها شخصياً ..
شافت الاسم .... ود يتصل بكـ ...
" ناقصة شماته انا وشذالعالم بس ..؟ "
مسكت جوالها و ضربته بالجدار ...ليتساقط كل ماصادفه على تلك الطاولة !!!!!
و انطوت بقوة بكل حسرة و لوعة ترثي ذكرياتها السوادء ....
وها هي تستشعر ثنايا فرحتها بالروح التي بين احشائها ثواني
و تنكرها و تقسو بقوة عليها لساعات ...!
قامت و بكت بهستريا فظيعة ....
ناظرت الشباك الكبير ....
مباشرة تبادر لذهنها ..... تلك الفكرة
راحت تجر الخطى بتهالك فظيع
الستاير تذوي بها نسمات الهواء العليل
و عبق الندم ينتشر في أرجاء حزن غرفتها ...!
خصلات شعرها الاشقر .. تتطاير و كانها تكتب شكل نهايتها !!
من على ذاك الرخام البارد جداً ...
ها هي قدميها البيضاء .. تقطع المسافة نحو ذاك المصير ...
لا تزال تسير
خطوة
خطوتين
ثلاث خطواتـ
إلى أن سقطت مغشياً عليها قبل ان تصل إلى فكرتها المستقصدة !!
>><<ومن يواسي ومن يحنو اذا غرقت
روحي بحزني ومن للنفس يشفيها
ليتني مت ولـــم افــــقدك يــــــا
بسمة الدنيا على درب شعور >><<<
بعد مرور ساعة او ربما ساعتين
حجرف بكل حيوية : مرحبا ياخاله
سمحية ( ام صوفيا ) : اهلين
حجرف يناظر ساعته : وين صوفيا تأخرنا على الموعد يالله راحت نومه علي
سمحية : وانت اوش دخلك ..؟ ( تضبط الخليجي )
حجرف تنهد وهو يشخص : والله عاد اوامر الوالد تعرفين
سميحة : اختكـ و تدل غرفتها ....انا خلاص هالبنت ماعاد لي تصرف معها حسبي الله عليها
حجرف بحسرة يناظرها ( حس بنخوة الأخت ) : مايجوز تقولين عنها كذا ، ولو ذا ما كان ذاك
سمحية عصبت : وش تقصد
حجرف وهو يطلع لغرفة صوفيا : كل شيء واضح
اتجه لغرفتها
طق الباب ....
لا مجيب
كرر طرق الباب لعدة مراتـ
حجرف بصوت عالي : صوفيا يالله تأخرنا انجزي
لا مجيب
حجرف : يالله لا تلطعيني عندي موعد بعد نص ساعه
لا مجيب
دف الباب بشويش
انصقع شافها ملقاة على الأرض بشكل ذاوي حزين
راح يسابق الخطى يلتهم المسافات
حجرف : صوفي صوفي وش فيكـ ؟ قومي بوديك
لا مجيب ...
حجرف انتباته حاله إرتباك .... اطرافه بدأت بالإرتجاف ...!!
" وش اسوي يارب "
بدون شعور مسك جواله و دق على بندر ....
-
-
-
-
-
مقفل الخط تبعه
حجرف : يلعن شكل الحظ وقتك انت الثاني ( بصراخ)
بدون شعور دق على سلمان ....
" حصله مقفل و استدركـ انو سلمان في رحلة قنص "
راح حجرف و نادى سميحة اللي اول ماشافت صوفيا ملقاة بهالشكل تحركت
مشاعر الأمومة فيها و بكت عليها
انقلوها المستشفى على وجه السرعه
وش كانت النتيجة ...؟
( نظراً لإن صوفيا من كثر تأديب اخوانها لها ندمت وبكت كثير ..
تغيرت صارت انسانه ثانيه تغيرت جذريا ،،
ولذلك اضربت عن كل شيء ندما على اللي سوت والذنوب اللي اقترفت صابها فقر دم ادى لوفاة الجنين اللي
في بطنها )
حجرف و الصدمة على ملامح وجهه : هلا بندر
بندر ( معه زكام فظيع بسبب الجو ) : اهلين حجرف
حجرف لا يزال منصدم : وينكـ
بندر : بالدوام ليش وش فيه .. صاير شيء ..؟
حجرف ( ياكرهي لهالمواقف ) : بندر ترى صوفي طاح اللي في بطنها
بندر اللي كان متكي على الكرسي وقف مصدوم : وش قلت ...؟
حجرف لا يزال مبلماً : قلت لك الجنين ماتـ
بندر و الحيرة تكتنف معالمه : وش فيك انت شارب شيء و ش قصتك ..؟
حجرف متاثر : اللي قلت لك وإنا لله و إنا إليه راجعون
بندر بجدية : وش السالفه قلي وينك فيه الحين ..
حجرف : في مستشفى الـ ...
بندر اعصابه انشدت : جايك بإذن الله السلام عليكم
حجرف قفل وهو لا يزال منصدم .... ( كيف يطيح الجنين حرام لا يكون بس من الطق مسكينة << شاعري ينرحم ^_^ )
بعد ربع ساعه
بندر بشموخه المعتاد ...
حجرف يفرك ايدينه وقف و يتأمل بندر
بندر : وش السالفه ؟؟؟؟؟؟
حجرف بعد صمت مذهل : رح للدكتور و انشدهـ
بندر يناظر باب غرفة الدكتور وقلبه مابعد استوعب .. راح عند الدكتور
الدكتور وضح له الصورة
بندر : فقر دم سبب وفاة الجنين
الدكتور : والعياذ بالله فقر الدم عنيف وفيه محاولة من الأم للإنتحار لان التحليل كشف عن تناولها كمية لا بأس
بها من الحبوب وانت تدري ان الحبوب مضرة للحامل .....!!! شكل الأم بحكم صغر سنها تجهل هالامور بس
الله يعوضكم خير
بندر ( أي خير يادكتور ) مازال مبلماً : الله يجزاك خير
طلع بصمت ....
استسلم بندر لهالشي لانه من الله واللي من الله حياه الله ....
انتشر الخبر بسرعة البرق ... ( سبحان الله الأخبار الشينة تنتشر بسرعة الله يحمينا وإياكم من كل شر )
العم فهد : سقطت وشلون وليش ...؟
ام تركي : مكتوب و هذا اللي ربي كاتبه البنت صغيرة و جويهله ماتدري عن شيء
العم فهد : والله ولدك الثور اللي مايعرف وش يسوي ماتنلام طلقها اكيد من خيبتها فيه و بافعاله ..انا احمد
ربي اللي الله فك بنت اخوي من ولدك ذا ولا ربطه معها بولد او بنت ... والحمدلله يمكن ربي رحمني ولا
بشوف عيال ولدك ذا هاللي مايدري وين السنع فيه ؟
ام تركي بعصبية : الله يسامحك بس ماقدر اقولك شيء وهذا انت وهذا طبعك تركت تركي والحين استلمت بندر
العم فهد بسخرية : هذا انتِ وذا عيالك انتاجك !!! ماتقولون غير فلان وعلان عندكم عقدة ونقص
طلع معصب و راح للملاذ " المزرعة "
داليا بحزن : يمه معليش هدي نفسك بليز
ام تركي معصبه : هاتي لي حبه بسرعه
داليا : يابعد راسي مو كل ما انفعلتِ بتأخذين هالحبه .. يمه حرام تسويين كذا توك البارح اكليتها و الدكتور كاتب للإهمية
ام تركي بحزن : وش اسوي البارح يوم كلمت نسرين دقتني العبرة ما تحملت اختك رايحة فيها و تكابر اعرفها
زين انا عمرها ما كانت بهالشكل ، و الحين بندر الله يستر عليه بس ابوك ذا قلبه من ايش مدري ؟؟
داليا : بسم الله عليك ياقليبي هدي عمرك ..اذكري الله ..وكل الامور بتنحل هذا كله امتحان و إبتلاء من رب العباد
ام تركي جلست تستغفر و تهلل .....
دق جوال داليا .. اميرة .. وبدت تحاكيها عن الوضع الراهن المؤسف ...
-
-
-
(5)
>><< ذلك هو أنـــــــــــا !!
إنسان مبهم في سماء العشق ...!
كيف لي أن ابتسم و ملاكي بين أحضان إيطاليــــــــــــــا !!
ابتسمت عندما رأيت شمس صوفيا تغرب عن حياتي الجريحة شيئا فشئياً >>><<
" بكل لغات العالم .... و بكل سموفينيات الحيرة
ينطق حاله المتهالك على عش الهجران "
بندر صار يتحسس كل مايشوف نواف مايعرف ليش ؟؟
يمكن لانه يفكر في زينة .....!! و تجرأ و خطبها ....
كيف له أن يستبيح قربها ...؟
ألم يعلم بحرقة العشاق ..؟
"""" كانوا جالسين الشباب في الإستراحة ...""""
بدر ( اخو زينة ) : هاه نواف جاهز تسافر إن شاءلله ؟
نواف بحماس : الله الله وزع بس لاهنت
بدر يبتسم : بوصيك تمر على ابوي توصل له اغراض
نواف : هههههههه وش قالوا لك كم تدفع طيب ..؟
هشام يعيد التوزيع : اصولهاا يانواف لاترحمه ماعليك منه ههههه
****************
بندر يناظر بصمت ،،،.
و سلطان بالقرب من بندر ... يقرأ ملامحه الحزينة ... ويسولفون بصوت خافت
سلطان : اقول
بندر انتبه له : سم
سلطان : وش قصتك يارجال خلاص ماينعرف لك قبل شهر مصدع براسي ماتبي تصير اب مع اني منيب
مستوعب انو فيه سبب يخليك ترفض الابوة خصوصا وانك تحلم من زمان بالابوة ، و يوم خسرت هالولد
مطين عيشتك و عيشتنا
بندر بضيق : يارجال خلها على ربك مدري والله احس اني ملخبط ( وش تبيني اقولك بس يا سلطان وربي انك
اقرب شخص لي ودي اصارحك بس صعبه شوي اصارحك بخيبة بنت عمي )
سلطان : اقولك بندر
بندر تكأ راسه على راس سلطان : سم ولا يكثر تراك ازعجتني ههههه
سلطان : ههه مشكلة اللي مسويين يمونون موب مشكلة المهم انو ولد عمك ذا اللي مسوي مايعرف يوزع
غيره منيب بهضمه احس انه مغرور وفيه شوفة نفس
بندر يبتسم : هو اللي اول مره يشوفه يقول عنه متغطرس بس قلبه من ذهب والله
سلطان : من ذهب براحة امه بس عاد لايشوف الناس حشرات منيب مرتاح له ياخي من تو يناظرني نظرات
مادري وش قصده فيها ...
بندر : يارجال لاتتحسس هو كذا اصلاا ما يحب يخش بسرعه مع الواحد بس صدقني اذا عرفته كفو و فيه
فزعه
سلطان : هههههههه والله لو مايبقى غيره مااتفزعه ، من جد راز عمره ليش يعني عشان منصب ابوه ياشين
البطارى اذا طلعوا بعيال مثل كذا
بندر : ههههههه مو كنك تسب من تو وأنا قامط ام ابو جد العافية لعيونك
سلطان : تقدر تنكر انك تغليني هههههههههه مشكلتك ماتقدر علي
بندر ابتسم : أي وربي انك غالي يالشين
سلطان : احلف بس ششين اجل وش مطيحك علي كل شوي رسمة خشمك تذكرني بناس غالين ههههه ماش يا
بندر سامحني يا صديقي ماضيك طلع مختوم بعلاقات كثيرة هههه
بندر ناظره بحنيه ( نفس الخشم يابشر) : انا اصلا و ش مصبرني عليك غير انك تذكرني بوليفي اللي تلاشى
سلطان يضحك : الظاهر حمى الشعر انتشرت بينكم بتقلدون سلمان كلكم البارح حجرف داق علي الساعة 3
يمكن يقول بسمعك بيت شعر مشكلتكم ما تستغنون عني
بندر : ههههههه حجرف موب صاحي ...
سلطان يناظر بدر اللي من وقت للثاني يختلس له نظرات غامضة : والله اللي موب صاحي ولد عمك ذا
بندر : ترا اسمه بدر للمعلومية يعني
سلطان : بالله عليك تقولي اسمه بدر .. لا تقول بدر ولد سعود الـ.....
بندر يبتسم و يده على راسه : وتلومني فيك خخخخخ
قطع عليهم ارتفاع صوت بدر
بدر : نواف لازم تمر على ابوي بإذن الله بوصيك ..
نواف : أي عمي كلمني يقول انو حجز غصب يبيني امر يعني ههههه
بدر : ابوي عاد زنقة هههههههه ما يمديك تلعب عليه
سلطان يحاكي بندر : ابوي و ابوي هذا من جلسته ماسولف غير ابوي و ابوي هههههه
بندر يناظر سلطان : شكلك انت اللي ودك تتمشكل معه يارجال كبر عقلك
سلطان : يا بندر انت تعرفني منيب بحب المهايطية خير شر
رجع سلطان يناظر بدر و بدر يبادله النظرات
بدر يناظر بندر و سلطان ....
سعود يبي يقطع توتر الموقف : نواف انت بكندا صح
نواف : أي كندا الله يرحم حالكـ خخخخ ... الله يخلف عليك نام بس نام
سعود : هههههه ابك تسيف
حجرف اللي كان سرحان باللاب توب : وش بيوديك لايطاليا بالله << يعني اني عندي سالفه انك في روما خخ
نواف بتريقة : ابد طال عمرك بحترف في الدوري الايطالي بناطح أمبروسيني و مونتيلا وش موديني
يعني بودي اوراق الاخ ابو روز هههههه و بشوف ارواقي و بعثتي اللي عمي ماهوب مرتاح لين اروح لها
هشام : اسم بنتك سياحي يااخي هههههههههههه
بدر يضحك : بالعكس حلو روز حلو أي بكرة يجوني بزارينكم يصفون طوابير يبونهاااا وبشوتهم
واحد ورا الثاني ههههههه
سلطان بصوت خافت : اقولك صدق عنده بنت ذا خخخخخ
بندر يبتسم : وراك مستهين فيه ؟
سلطان : لا بس مو مبين عليه و تعال صدق اسمها روز هههههههه او مهايط
بندر : سلطان وش فيك منيب بخبرك راعي تعليق كذا و مسخره اتق الله
سلطان : اتق الله هاه هههه وإلا لإنه اخوها راح تشتغل دفاع
بندر ناظره نظرة شجية حزينة ( ياناس سلطان اللي يذكرني فيها ) : مو لإنه اخوها ولا شيء بس من جد
احس طيناها
سلطان : أي والله انك صادق يالله انا بروح الساعه 12 اختي ام محمد جاية الرياض بروح عشان اجلس معها
قبل ترجع لعنيزة إن شاءالله
بندر مسك يد سلطان : يا رجال اجلس بس لاحق عليهم
سلطان وهو واقف : لاحق على خشتك انت بإذن الله هههههه بس اختي فوق كل إعتبار معليش لو انه انت
بندر : لا ياقليل الخاتمه ذا و أنا ياما و ياما لطعت زوجاتي كلهن عشانك
سلطان : خخخخخخخ مسيكينة والله زوجتك الاولى اخت ذالمهايطي ( يشر على بدر) ايامك الاخيره معها
معطيها اشكل وبقوة اوما الثانية عاد تنرحم ووبقوة بعد
بندر ترك يدهـ : تدري طس بس
سلطان استأذن و طلع ولا يزال بدر يرمقه بنظراتـ غامضة .....
بندر بعد صمت : على فكرة يا خالد ترى أحمد طلع هو هو اللي قلت لي عنه اقصد القضية اللي قفلتها فعلا
احمد نفس الشخص اللي استخدمه فواز للاوراق اللي تخص هبه
خالد بحلق عيونه : متوقع تصدق دايم الشر نابع منه بس تراه معتوه يضيع لا تواخذه
بندر : لا ياشيخ انتبه لنفسك بالله ترى الجماعه ناصيك ههههههه
نواف : بسم الله على اخووووي
بدر بحماس : أي صدق ترى شيكت على الاوراق ياخالد بس فواز شافني والاوراق معي ولا حبيته يمسني مع
نقطة ضعف بينت له اني مو مهتم
بندر : ايووه خلك كذى احسن نطبخ على نار هاديه
قطع الإنسجــــــــــام رنين صوت جوال بـــدر ...
بدر ألقى نظره على الجوالـ
إيليـــانا تتصل بك
( ياليل التبن وش تبي ذا ما اتعضت بعد هوشتنا البارح وقبله وقبله ...؟ )
بدر واعصابه مشدودة : بالاذن شباب ............
و هو طالع كل معالم الضجر تبدو على محياهـ
يقلب جواله يقرأ مسجات إيليانا ....
" من الطرف الآخر "
يبحث في سيارته عن جواله ..... يمين ..يسار ...
تحت المرتبة .... فوقهااا
مالقاه ...
سلطان و ا لتضجر بقوه على محياه : لا إله إلا الله
عصب و هاهو يأخذ الخطى و يرجع بسيارته للإستراحة و مازال يحمد الله لإنه لم يقطع مسافات كثيرة
وقف سيارته ... و فتح الباب ولا طفى السيارة ...
و نزل يلتهم المسافات ...
يمشي بسرعه و التضجر مبين عليه
( من الطرف الآخر )
بدر متضايق و كل هموم الدنيا براسه توه متهاوش مع ايليانا ...لانها تقوله بتطلع تتعشى مع ولد خالتها
اللي يصير دكتور بمستشفى الملك فيصل التخصصي ....
بدر تهاوش معها هوشة كبيرة ... وقفل للتو
و ها هو يتمتم مع نفسه
< استاهل انا اللي جبته لنفسي >
صوت مسج
رفع جواله و شاف المسج المرسل : زينة
ما أن ابتسم إلا أن
ارتطم جسمه بجسم آخر
بدر بعصبية : خير ماتشوف
سلطان بعصبية اشد : انت اللي ما تشوف وين عيونك استغفر الله وخر هناك بس
بدر : وش وخر هناك احترم نفسك ما تعرف كيف تحاكي الرجال
سلطان ابتسم : اقول هناك بس ترا منيب فاضي لك اطلع من راسي
بدر : انا اللي فاضي لك يعني اطلع من مخي انت بعد
بندر و حجرف طلعوا على اصواتهم : وش فيكم يادافع البلاء !
نواف : يالله ياشباب كل واحد يصلح سيارته خخخخخخخخ سليمة
بدر يناظر سلطان بنظرات مريبة : مدري عنه جاي طاير و يصقع خلق الله و ينافخ بعد
سلطان يناظره وماعاد فيه صبر : تدري عاد دام انك مصر اني ناوييك ايه انا ناوييك وش براسكـ
بندر يهدي الوضع : تعوذوا من ابليس شباب خير خير إن شاءالله
بدر بعصبية : أي خير و ذا للحين واقف هنا
سلطان ابتسم بسخرية يقطع الخطى بيدخل : اقول بندر ولا عليك امر دق على جوالي ناسيه بذا شكلي
حجرف مسك بدر : اعصابك يارجال وش فيك عليه طنشه يارجال
بدر : ناقصه انا وربي ماناقصني غير ذا يجي يتهاوش معي
تنهد بحسرة
نواف : لا يبدو انها متقفله معك للآخر
بدر بعصبية : ومتى انفتحت معي اصلاً ...
طلع سلطان و لا يزال يرمق بدر بنظرات غامضة قوية
قطع حبل النظرات المتبادلة رنين صوت بدر
بدر بعصبية : ولعنتين وش تبي ذي بعد منيب فاضي لها مابعد فهمت كلامي يعني ( على باله انها ايليانا)
بدر لا يزال يرمق سلطان بقسوة و إفتراس
اعاد الرنين التصاعد مجدداً .....
سلطان قرب لبندر : ابشرك لقيته يا بندر خلاص لا تدق
بدر القى نظرة على جواله مكالمات لم يرد عليها = 1 زينة
دقت مباشرة
بدر بلا شعور ابتسم : هلاااااااا توهاا الديرة نورت تصدقين يالغلااا
جر الخطى بعيداً عنهم
سلطان القى نظرة على عيون بندر و فهم النظرة التي كست عيون بندر و تغطت بالشجن الفظيع
( بندر يخاطب عيون سلطان ..... هذي الجرح ..هذي الحلم اللي انكسر قبل ان يشتد عودهـ ... هذي العشق
الدامي ...هذي سعادتي اللي ما انكتبت لي ....هذي الأمل اللي بيقضي على جروحي كلها .. هذي اللي جرحتني
و حطمت قلبي يا سلطان )
سلطان طق كتف بندر كمحاولة لمؤازرته لانه الوحيد اللي فهم نظرة بندر .....
-
-
|
27-11-08, 11:19 AM
جديد مواضيع قسم القصص المكتمله
العرض العادي
