كاتب الموضوع :
ديمـــا
المنتدى :
القصص المكتمله
(الجـــــــــــزء الســــابع .. The Seventh part)
(1)
آآآه يانبض حياتي ودمي
وغرامي وتراتيل ضميري
ليتني مت ولـــم افــــقدك يــــــا
بسمة الدنيا على درب شعوري
>><<من بين ذكريات الأمس المتناثرة على الأطلال
و من بين زفرات الألم التي تجلد الذات بسياط لاهية من كل صوبـ
هاهي المشاعر تعزف أوتاراً من نار على القلوبـ ...>><<
ومن بين تلك الملامح نجد :
" نسرين مسافره مع زوجها ابو فراس صار لها شهر و نص يمكن "
كانت الشهر الأول سعيده معه لانو همهما تقهر خالد اللي ماطق لها خبر ومبسوط بزوجته ضي اللي حامل منه
للمره الثانية .. تطلع و تستانس مافيه مكان ما شخصت فيه مع ابو فراس هناكـ بس فيه شيء لسى مابعد
ارتوى بذاتها و حياتها فيه نقص عاطفي كبير تتجاهله نعم ولكنها من حين لآخر تقع ضحيته !!
نسرين بدأت تلاحظ جفاف ابو فراس وقسوووته
لا مبالي
لا يكترث لها
رومانسية عنده صفر على الشمال
شكاك من الدرجة الاولى،،
يالخيبة الأمل التي تلسع فؤاد نسرين المتباهية ...!!
وحتى انو في موقف صفقها كف من قسوته
الساعه 4 الفجر في (امريكا)
كانت نسرين جالسه تنتظر المصون زوجها متى يرجع الشقة لإنها ملت وطقت من الجلوس لوحدهاا طول الليلـ
والنهار ... مترت الشقة من كثر ما تدور فيها ....!
مللت وقوفها المعتاد على تلك النافذة التي تعكس صخب الأضواء و ضجيج الحياة العارمة بالمشاغل..
تماماً المظهر الخارجي لرؤية المنظر من خلف الشباك ...يعكس تماماً تشنج مشاعرها من الداخل ..!
يا لقسوة الواقع ..!
تباً للحظ .... تباً لتلك الظنونـ !
سحقاً لأعمالي السابقة ...!
ها أنا ذا اسيرة بين ثنايا زنزانة ثمار الماضي ....
كيف لا يا نسرين ...!!!
اتناسيتِ .... مقولة
(()) باكر على الظالم تدور الدواير (())) !!!
قطع زمزمة افكارها التي لا تزال تلقي عليها تعويذة من الندم ... صوت الباب الذي انفتح بهدوء ...
ما خلف ذاك الهدوء .....؟
رفعت عينيها و ادارت جسمها للأمام وهي لا تزال تبرح مكانها ...
اطلقت مداد نظرها تتنتظر ....!
دخل الاخ سكران مره ( مسطل لآخر مرحلة من الثمالة )
نسرين بسخرية و عصبية و شماتة بحالها ها هي تجر الخطى
و ضغطت على اسنانها بقهر و يديها على خصرها : بدررررري
ابو فراس تمسك بالجدار : بسم الله ا ا ي ي ايش قلت
نسرين بعصبية ولا تزال تزيد من قبضة يديها على خصرها : بدرررررري ناظر ساعتك كم ..؟
ابو فراس يناظرها بخبث وهو يتحسس بقايا شنبه : كم او كيلو متى هاهاهاهاهاهاه
نسرين تقرفت من شكله واهو سكران وقالت : خلاص يااخي تعبت منك ومن هالحالة صار لنا شهر وشوي
وانت دايم سكران مو عيشة ذي خلاص ضروري تصحى لحالك تراني مليت
ابو فراس عفط يدها وهاهي زفرات انفاسه تقترب من اذنيها : شوفي الحريم مايرفع صوتهم على الرجال
فاهمه وإلا اهلك ماربوووك ناقصة تربية انتِ
( ماذنب الأهل في كل موقف و الآخر يصرخ أدم ويدلو بدلوه على حواء بأنها لم تتلقَ التربية ماذنب الأهل و
المدرسة و المجتمع كي تدلو بدلوك عليهم )
صرخت نسرين بهستريا و عدم استعياب : لا ياللي ماتستحي على وجهك انا ناقصة تربية ..
(طرررررررررررررررررررررراخ )
نسرين شهقت ميب مصدقه : وتضربني بعد
ابو فراس : واكسر دماغك بعد انا اخذتك عشان اتمتع فيك بس متى مابغيت انت حلوه موووت ، لكذا ابي امتع
عمري فيك بس لعلمك مالك وجود إلا .... ( قرب لها و استنشق خصلات شعرها )
ناظرت فيه بتقرف و صدود وخسرته
ودخلت تبكي واهي تندب حظها
رمت نفسها بتثاقل فظيع على جنبات السرير القاسي ...
و نوبات الندم تلطم فؤادها وبقوة .... دموعها ساخنة تكاد تلهب وجنتيها !!
ضمت البطانية لحضنها وهي تفكر بـ :
( آآه يمه تعالي شوفي حالتي انا ظلمت نفسي مع هالسكير مايقدر ولا يحترم ضرب وضربني بس وصلت انو
يغلط على اهلي لا ماارضي ، آخ يااخالد عز الله اني ظلمتك وظلمت حظي ليش تركتك وانت كنت تموت علي
ليش ياليتني مت اول ماتركتك عجزت استحمل انا هالدمث اللي عندي صدق علمني الفرق اللي ماكنت اشعر
فيه علمني اني خسرت انسان بمعنى الكلمة )
تذكرت عيالها و حن قلبها لهمـ
سقطت دمعة ترثي حال رامي و راما ...... وينهمـ ...؟ وش حالهم ...؟
<< وش يسوون ...؟ عند مين ؟ مرتاحين او تعيسين مثل امهمـ ! >><>
المعطـي الله مالخلقـه عطايـا
لو هي على خلقه سقتنا المراير
عزاي ربٍ يعطي حسب النوايـا
يرحم عزيزين الزمن والضماير
"
"
"
"
(2)
>><<< يا رياح الشك هبي واعصفي
ببقايا الروح والقلب الحزين >><<
إبتهال في البيت
ببدأت تتاقلم مع حياتها الطبيعية اصبحت مطلقة واهي مابعد تزوجت
( مشكلة كبيرة وعميقة في السعودية و الخليج صراحه لابد وأن تكون لنا وقفة معها ) ...
رجعت شوي شوي لإبتهال المرجوجه استردت ثقتها بنفسها وتجاوزت الصدمة .......
البنات ماقصروا معها ..كثفوا الجمعات عندها عشان تسلى ...!
رجعت سهراتهمـ الخقوقية على قولتهم ^_^
تغريد مبســوطة بولدها كثير ....
أميرة وعزوز ... ود و بندر ...كل وحده و ولدها مسويين جو عند إبتهالـ ..!!
الهنوف معصبة : خير إن شاءالله عيالكم صكوا راسي ترى ميب حالة قدروا اني ثالث ثانوي مستقبل واعد
ينتظرني يعني
ود وهو ترفع بندروي : ههههههه اخس يالدفرة بتدرسين يوم الخميس ارحمي عمرك يا عزة زكريا
اميرة : خخخخ تفو تفو ماشاءالله بعدين ترا عديتها لك كم مرة خلاص عاد ترى روعتِ عزوز قصري حسك
ريم التفت كانت تلعب بلاي ستيشن << حرام بنات ^_* : خخخخخ ايه على اساس انو موب متعود على
خشش تروع يعني
الهنوف اللي جت و نطت بين داليا و ريم : من أميرة لهشام إلا قمة الترويع خخخخخ
داليا اللي تباري ريم ^_^ : هههههه تدرون رامي طير قلب عزوز امس (ضغطت ستارت ورجعت كملت )
شهقت اميرة : لا يالدلخ وانا اشوف عزوز البارح مانام عدل ياقلبي عليه بس يشاهق وهو نايم يامال العافية
بس
راما ببراءة و حزن ينطق من عينيها : والله عاد ولدك ياخاله اللي ملقوف
اميرة تناظرها : افا يا رمرم صرتِ مثل داليا يعني علمتك بطولة هاللسان
داليا : ههههههه أي والله من كثر صكتها فيني ماتنلام
راما : من زينك عاد اصلا حتى سرير ماتخليني انوم عندك ترميني بالأرض مالت بس بروح لابوي خلاص
داليا تناظر البنات : قد شفتوا بنوته صبية بعمرها تحاكي خالتها المزيونة القمر اللي هي انا بهيك طريقة
ريم : ههههههه ترى فيه مرايه وراكـ ناظري خشتك او فيسك الميمون بالله
داليا : هههههه دام ان هالفيس موب عاجبك وش مطيحك عليه
ريم قصرت صوتها وتناظرها : تكفين لا تقولين انك ماخذه مقلب واني طايحة عشان ذالفيس خخخخ
داليا تهمس : ادري يالمعلونة عشان نويف
ريم ينقالها خجلت : طيب انطمي ترى استحي والله لا تقولين للبناتـ
داليا : يعني هنيف ماتدري ان بينك وبين نايف شيء افلقيني ياشيخه ههههه
ريم : هنوفه تدري بس هالصبايا الأمهات خخخخ
داليا : أي والله صدقت وكل وحده ماهمها غير رجلي سوا ورجلي قالـ
ريم تناظر ابتهال : ياعمري يا بتو بس والله كاسرة خاطري الله لايوفقه على هالعملة
داليا : لا تدعين عليه البارح دعيت عليه وامي هاوشتني تقول ادعوا له بالهداية وعلى قولة
نايف خيرة
ريم ناظرتها بجدية و عصبت : احلفي نايف قال كذا
داليا : ههههههه ايه قال كذا وش براسك اتحداك تكلمينه تبين رقمه تسألينه هههه
ريم يدها على خصرها : وش قالوا لك صايعه وإلا صايعه اكلمه وهو مابعد صار محرم لي وعلى فكرة ترا موب
من زينة يعني قال خيره قال
داليا وقفت اللعب و مسكت شيبس ليزا لاحمر و فتحته : يقولون من سبك حبكـ والعهدة على القائل
ريم تهمس و تبتسم : اهاااا قلتِ من سبك حبك يعني انتِ تموتين بسلمان
داليا تناظرها بخجل : خير إن شاءالله رجاء لا تطلعين إشاعات
ريم : مو يقولون من سبك حبك انت24 ساعة ماسكة هالضعيف مهايطي و راعي صيد وقنص وماينعرف لك
مرة تستعرضين محاسنه كلها وبعدين تجحدينه بس ما تنلامين والله أنه رجالـ
داليا : خير على كيف ام جيرانكم انتِ
ريم : عشان أم الجيران أم خلف ذي ماتهون علي تعالي والله لاسنعك أنتِ وهنوفه بس
داليا تكرنت ( عصبت) : سوري دوري غيرك يسلك لك امورك عند نايف بعد اليومـ
ريم بدلع : دلو وش فيك تكرنتِ ؟ هذا جزاي بساعدكـ
داليا مكشرة و مسوية جدية : ومن قالك عن سلمان
ريم : لا يالملعونة يعني تحبينه هاه ! ههههههه وقاطمة جد ابو ام العافية
داليا بخجل : لا بس يعني مثل ماقلت لك قبل احس مو من عائلتنا مدري ليش فيه شيء غير
ريم بهيام : أأأه اساليني عن العشق و غرابيله
داليا : كش عليك بس ههههههههه وش دراك عن العشق سامعته بمسلسل شكلك
ريم : والله بعيون اخوك شفته ولا رسيت على ميناه
داليا : ههههههه اخس يالشاعرية يالرومانتيك
ريم : شاعريه شاعريه خلاص الظاهر حمى الشعر بدت تخمك ههههههههه
داليا سكتت لان اميرة قربت و صارت تسولف لهمـ عن هشام
الهنوف : ياليل الليل إلى متى وانتم تستعرضون محاسن رجالكم الشيون ترا قرفتونا ميب عيشة وربي ياليتكن
عنستن و لا صار كذا
اميرة : هههه نشوف بكرة وش بتسوين يام شرَين ...؟
الهنوف بكبرياء : بحطه بجيبي هنا ( تشر لجيبها ) ولا نيب طاقة لابو ام خالة عمه خبر ...
داليا التفت : مشكلة يختي من جد وجيه فقر تقولين مبسوطات على هالزيجات والله اللي يسمع حكيهم يقول
رجل الوحدة باتريك او آل باتيشنو
ريم : كح كح يالمعفنة آل باتشينو قال ههههههه حدك ذا
الهنوف قربت لريم وداليا
الهنوف بحماس : لا باتريك ولا جون ابراهام ولا كلمة بسرعه يالله قولوا لي كل شيء ترا اشوفكم شغالات من
تو قرقر واجد وش فيه ؟
قاطعتها ريم بشاعرية : اسكتِ ياهنيف دلو طلعت تحب سلمان
الهنوف تناظر داليا بإعجاب : ياسلام عليك يا دلو والله الحين بس صرتِ بنت عمي و صديقتي الصدوقة
بصراحة اهنيك على إختيارك كفك يا قمر الحين بس صرتِ صقيقتي خخخخ
داليا تكرنت : مصدقة خرط اختك النصابة ذي ...انت يا اكبر (... نسبتها لدولة تشتهر بالنصب خخ)
الهنوف " ياهمي لا يكون تحب حجرف بس " : اجل مين اللي متربع هنا على قولة دينا حايك << الله يخلف على امك بس ^_^
داليا : وش اللي مين انت الثانية خير إن شاءالله ؟
ريم تناظر داليا بنظرات خبث : علينا علينا من سبك حبك اجل هاه ههههههههه
الهنوف : لا يبي لها تربيعه ذالسالفه يالله هاتي اشوف ( تربعت بالأرض )
ريم بحماس : لا تخافين مو حجرف
الهنوف يإهبال يدها على قلبها : خوفتيني تصدقيييييين يمه بيغمى علي
ريم : انكري بعد انت الثانية صدقتك تصدقين
الهنوف : لا انكر ولا شيء بس عاد ليش احبه وهو ما يدري عني ولا يدري كان له بنت عم اسمها هنوفه
داليا : هنوفه اجل احلفي بس مدلعه عمرك بعد خخخخخخ
ريم : ياشيخه وش دراك يادلو هذا مخارج عشان تاخذنا بعيدعن السالفه !
الهنوف وقفت تعدل البنطلون : والله ياعقب البارح يوم انا بالإستراحة شفتِ كيف جحدني خخخخ احس طاح
من عيني وبقوة اجل انا يقولي بزر مين يكون يعني يناظر عمره تراه اكبر منا باربع سنوات بس
داليا : أي ياحرام ههههههه كرشك كرشة قوية انا شخصيا تبريت منك خخخخ وقت التهزيئ بس عاد ماخذت
بالي بعين إعتبار الإعجاب اللي انك تخقين عليه
الهنوف : البارح حقدت عليه يوم قال عنا بزران وإلا يوم يضيع اسمي بلا بشكله
ريم بتحليل << - - تحقيقات هالبنت : انا اشك انه ناوي يسويها قولي ليش عشان يلفت إنتباهك
الهنوف : كح كح ههههه ضحكتيني حجرف بن عبدالله الـ ... يبي يلفت إنتباه بنت لا وبنت عمه بعد خوش
خوش
داليا : وش فيك كذا ترا منيب بحب البنت اللي تقلل من قيمتها ابد
الهنوف بثقة : مو تقليل بس حجرف يحب ياناس يحب وحدهـ وقسم اني متأكده يحب ويعشق بعد
ريم : وش دراكـ ؟
الهنوف : دريت وبس و لا تنسين قصيدة سلمان اللي صور فيها حالة اخوه المحب الجريح و يخاطبها فيها
يعني مين بيكون ذالعاشق الجريح هشام زوج الهبله ذي ( تشر لاميرة) و إلا وليد زوج نورة اختي ههههه
داليا : ههه وليش مستهينة بهشام ووليد ..؟
الهنوف : لا مستهينة ولا شيء بس إحساسي وبعد نظري يأكد لي هالشيء
ريم: طيب انتِ تكنين له مشاعر من زمان حرام قهر
الهنوف تفرك اصابعها : انا بأول عمري شيء طبيعي راح اعجب فيه اكيد بنساه مع الايام بس الاهم ماافرض
نفسي عليه و اتعمد اطيح بوجهه مثل بعض الناس تطيح بوجه احم احم وتقول تبلاني ودرعم البيت وهي في
بيتهم اصلا هههههههههه
داليا + ريم : حرررررررررررام
وضحكوا كلهم
الهنوف : يالله بسم الله بالدور حبه حبه كل وحده تقولي وش سوت بالضبط كفشتكم انا قلتها اقصد ريم طلعتِ
يا دلو بعد نايمة على بلاء يالله هاتوا نشوف خخخخ ...؟
قاطعهم تحضير العشاء اللي كمل تحضيره
اميرة : يؤ لو انا قايلين لصوفيا بتزعل اكيد
ود : صوفيا ماعاد تجي الحين تنام كثير الله يصلحهاا ليلها نهار ونهارها ليل
داليا : بندر بالشرقية اعتقد
ود بحماس : ايه مع سعود راحوا بس بيرجعون الليلة بإذن الله بس صوفي غريبة من جد مشقلبه نومها
ريم برباشتها : عاد شغل بندر العكس كله بالنهار يا سبحان الله
الهنوف بتحليل : تصدقون هذا دليل انهم ما يشوفون بعض كثير
تغريد زعقت عليهم : وش دخلكم بالناس
ريم قمطت : سموا سموا العشاء برد << ضاع ماء وجهها ^_^
وهي تناظر وجه الهنوف اللي قمطت بعد
( ضي كانت معزومة عند خالتها لذا لاوجود لها في هالمشهد )
-
-
-
-
"
لم نعد ندري ولفحات الاسى
تفرق الروحين في يأس عميق
وتوارت شعلة الحب الذي
كان غوثا ....من غريق لغريق
( بعد ما تمت مغادرة جميع الصبايا )
" ومن نفس اجواء ذاك القصر "
سعود وصل قبل سويعات .. وخبر اخوانه عن حالة بندر الصحية
دخل نواف وجلس بالصالة ناظر فيه سعود اللي موجود عندهـ
سعود : نواف دريت عن بندر ..؟
نواف بحنية : أي قالي نايف الله يقومه بالسلامة إلا وش فيه هالأيامـ ؟
سعود : الله يستر انا خايف من هالصداع اللي يجيه بالفترات اقوله يكشف ورافض يقول لا
نواف : لا توسوس بالرجال خله ان شاءالله مافي إلا العافيه .....
إبتهال : وش فيه هو ..؟
نواف : تعبان بس تحسنت حالته بكثير ماشاءالله ...
خالد وهو نازل مع الدرج يعدل شماغه ناظر اخوانه : شباب تعالوا ببيت الشعر بدر موجود لا تتأخرون ...
وطلع ..
((((... إبتهال حست بغصه في قلبها لانها قست على بدر لين طلقها شتمته وحتى زينة ماسلمت من شرهااا..
ليش انا انانية بقوة حتى نواف يوم فكر يخطب زينة اول من عارض انا ليش يعني كل ذا عشان اخوها وش
ذنبها اهي طيب ... آخ منك ياابليس اعوذ بالله منك بس... زينة كانت اقرب بنات اعمامي لي والحين حطيتها
في خانة الاعداء مسكينة مالها ذ نب ...))))
سعود وهو توه واقف بيطلع يناظر نواف : يالله لا تتأخر ترى الخطط ذي موب علي يعني اني اقرأ
الجرايد وبتسنتر فيذا
نواف :هههههههه كل يرى الناس بعين طبعه يلا جاي وراك بإذن الله
وطلعوا
راحوا بيت الشعر
" جلسواا وكان مبين من بدر انو شكله تعبان مره .."
صابر على طول الليالي والايّام
أنشد و ادوّر راحتي والرّقادة
كم ليلةٍ أسهر بها و غيري ينام
و اعاف انا مرقدي والوسادة
يزورني هوجاس و اعيش الاحلام
و اشوف انا حيرتي في زيادة
( حاول يفك رموز لغز زينة بس فشل بالإضافة لمشاكله مع إيليانا اللي ما تاقملت ابد بالرياض )
خالد : عسى ماشر يا بدر ..؟
بدر : ماشر بس قلقان شوي ودي اسافر عند ابوي واختي بس بالي بينشغل على اللي هنا
سعود : توكل يارجال واحنا هنا ان شاءالله لا تشغل بالك بشيء.. افا بس وانا اخوك
نواف : بتسافر ايطاليا ... بروح معك بس بطلع هناكـ لان جتني بعثه ..
بدر ابتسم بحزن : مبروووك وهاه ان شاءالله عزمت تروح ...؟
نواف : ان شاءالله لازم اروح نغير جو ونشوف وش يصير ومايصير قبل نوقع ونتوهق !
خالد يقلب يدينه ناظر بدر : بدر احس ان عندك شيء وشوو عادي تكلم انا فاهمك
بدر ابتسم وقال : صدق ماخاب ظنك
خالد : وش السالفه ...؟
بدر : فواز زوج امي لمحت عنده الاوراق اللي هبه ارسلت ناس يضربون الحارس الشخصي حقك واخذوا
الورق منهم
خالد انبسط وطار من الفرح : بالله من جدك ....
بدر بحماس : لقيت الاصل بعد الظاهر انه هاك على هبه
سعود بحماس اكثر : أي هاك عليها وآخذ فلوسها وطاردها من بيتها بعد
((((هنا تأثر بدر لانو خايف على امه كثيررر )))
بدر : لكذا انا خايف اتحرك أي حركة ....عجزت نفسيتي زفت والاقشر من ذا اني دخلت بحرب معه لاني تحديته
وسفرت اختي عند ابوي مبين انو كان ناوي يزوجها ولد اخوووه السكير ذا
نواف بقهر ضغط على اسنانه : ابن نصار ...
بدر يقرأ عيون نوافـ : أيه ....
خالد طق كتف بدر بحنية : شد حيلك ومافي شيء صعب على الرجال ..
سعود و واضح انه يتذكر واستدرك : اقولك بدر تعال فواز مو هو اللي ...؟
قاطعه بدر تنهد : ايه هو بشحمه ولحمه
سعود فتح عييونه على الاخر : لا ياللـ....... الحيوان السافل .... ابن الــ... كيف قدر يلعبها و يوصل لكـ !
بدر بضيقة : انا اول ماشفته نسيته بس بعدين تذكرت وجهه الشين ووين شفته فيه ..و عرفت بعدها انو
ماخذ درس بعد اللي صار له من سنين
نواف بحماس فظيع : وش السالفة يا عيالـ ؟
سعود : يالله سالفة قديمة من اربع او خمس سنوات تقريبا
بدر : منيب متذكر بس قديمة حيل
نواف : ياليل لحسة المخ تكانة انا يوم انكم تلحسون مخي ابي السالفة وش قصته انا منيب برتاح له خير شر
بدر : يارجال سالفة قبل 5 سنوات يمكن ، كنت انا و سعود طالعين استراحة هنا بالرياض عزمونا شباب
اخوان دنيا و تعرف حفلاتهم خليطية و مالك بالطويلة يوم انا دخلنا و نشوف فواز ذا شيخ الجلسة و متصدر
المجلس
نواف سحب المركا : اسلم
بدر : مدري وش بالضبط بس اللي اذكره انو فيه بنت واضحة انها مبليه او مظلومة مدري كيف دخلت هناك
سعود يتذكر : ايه والله مبين انها مخطوفة او حاجة من هذا القبيل
نواف بحلق عويناته : اها و بعدين
بدر : البنت مسكتني و تفزعت فيني نختني و و فزعت لها طلعتها من ذاك المستنقع الوسخ والحيوان ذا فواز
بينتقم منها مدري كيف اكيد ان بينهم شيء مكالمات وبس ورفضت تشوفه و جابها بالغصب عن طريق
صديقتها الوفية و هربت وحتى اول ما شافتنا خافت مرة بس طمنتها و وصلتها مكان سيارتها سالمة
خالد : الله يسترنا دنيا و آخره الله يستر عرضنا وعرض المسلمين جميعاً
نواف : لا يالخسيس لا يالكلب وتتوقع مانساها ..؟ بس كيف عرف
بدر بطناش : قال بساعتها انه بيخليني اندم هههههه تافه من جد
سعود : بس اذكره عصب و سكر لين قال بس يوم طلعنا ذيك البنت وعرف انهاانحاشت لا ومعك بعد هههه
بدر يتذكرها : ايه كان بينتقم منها الضعيف لإن هي الوحيدة اللي ما رضت تشوفه من بد خوياته كلهم اللي
يخقون على خشته
نواف : أي خشه وربي سعد الحارثي مقعد خخخخخ
سعود : وش فيه الحارثي جنتل والله
بدر تنهد : الله يكفينا شره بس مدري وش ناوي عليه بالضبط هالتفخ
بدر بضيقة : انا تقفلت معي كل حياتي انقلبت فوق تحت وازيدك من الشعر بيت زوجتي تهدد كل شوي
والثاني تبي تسافر وتأخذ البنت تقول ماتأقلمت هناا
نواف : بصراحه اكيد مش راح تتأقلم هههههه ما تنلام ترى
بدر عقد النونه << يجنن : بالطقاق عمرها ماتأقلمت بس البنت ماابيها تروح
دق جوال بدر ناظر الرقم ....<< -زينة يتصل بك ..
تغيرت الفيشال اكسربيشن تبعه " تعابير وجهه " للسرور و الإرتياح ..
فرح مره وفز من المجلس
بدر والبسمة شاقة الكشرة : عن اذنكم شباب....
نواف : هههههههه الظاهر ابو الشباب يحب ناوي يتزوج اشوفه فز من المكالمة قايل لكم مانصبر عن بنات
الديرة خخخخ
سعود : تدري في مثل قلته تو وجاز لي كل يرى الناس بعين طبعه
خالد :هههههههههههههه
-
-
" بعد مرور 10 دقايق "
دخل بدر وحاله تبدلت مره انبسط .....
نواف مسوي فيها يمون قال : مين هاللي طيرك
بدر بفرح : اذا ماطرت لها بطير لمين ..؟
الجميع استغرب ،،،
بدر : ههههههههه اعرفكم ظنكم سيء اختي زينة تراهااااا
نواف تغير وجهه لانو مازال يموت فيها و يعشق طاريها و ذكرها
" ليتني لم اعرف الحب ولـــــم
أعشق العشق ولم ادرِ مصيري "
خالد : بشر عنها كيفها وكيف عمي ..؟
بدر : ابشركم يالله لك الحمد والشكر تحسنت وصارت تتكلم ماتشوفوني فزيت اهي اللي حاكتني رجع
صوتها
ألتفت خالد لسعود وقال : ليش اهي ماكانت تحكي
بدر : هههههههههههه لااا بس اضطرابات نفسية شوي اثرت عليها
( ناظر فووق مايبي يحسسهم بتقصيرهم معهاا وانه كان معتمد عليهم اذا ضايقها شيء)
خالد فهم نظرته لانه بدر صديقه مره قرب له .....
خالد : الحمدلله اهم شيء انهاا بخير.. وان شالله راح تتحسن مع الايام ...
بدر : الدكتور يقول علاجها يبي له وقت
نواف بعد صمت العاشق المريب : طيب ليش يعني ..؟
بدر تأثر مره وصرف السالفه لانه لو تكلم اللوم على امه اللي شاغله تفكيره وخايف عليها
بدر : اعذروني انا اترخص عندي شغل مهم ...
خالد : اتعب انا يامهم مره هههههههههه
بدر : ليش انت ووجهك بس انت يعني اللي مهم هههههههههههههه
نواف : أي يااخي اخوي خالد ماخذ مقلب بنفسه مره مير حتى ولده رامي يشوف الناس حشرات ماادري هههه
سعود يناظر ساعته : اوووف تأخرت وانا بعد استأذن بروح لبندر بتطمن عليه ..؟
بدر رفع حاجب واحد ( بندر يا بندر يبي لي جلسة معك وياويلك من ثأر زينة ) : أي صح وش فيه الرجال ذا
منقلب 180 درجه ماادري وراه متغير مره اهو وش فيه وش فيه ...؟
سعود : مدري بس المهم انه في الفترة الاخيره صحته ميب ذاك الزود ....
خالد : الله يكون بعوووونه مين اللي عنده ...
نواف : اعتقد سلطان الـ ...
خالد : والله رجال ولا يلحقه أي قصور سلطان من جد فيه مسد
سعود : اخو دنيا يارجال وإذا مافزع ذالوقت متى فزعته !
بدر ( سلطانـ ماغيرهـ اللي ابوي قد تزوج امه قبـلـ منيب برتاح له مدري ليش ) : صديق بندر صح ..؟
سعود : ايه صديقنا درس معنا بنفس الإبتدائي لا تقول نسيت هههه
بدر ابتسم بجنان : ومين الحمار اللي قايل لك اني دارس معكم ..؟
سعود : هههههههه نسيت يا رجال انك بتاع دراسة برى من يومك دارس هناكـ
بدر ابتسم بغموضـ : بندر وينه فيه ..؟
نواف : اعتقد طلع اكيد فيه بيته مشينا نزورهـ !
سعود ارتبك( لإنه يدري ان بندر طلق صوفيا و بينهم خلاف كبير بس مايدري وش صاير بالضبط )
سعود : لا اعتقد انو في بيت عمي فهد مو في بيته
بدر ( والله لا اوريك يوم انها زينة وانت رازعها بالبيت وذي مطلعها برى ) : اوكي شباب انا استأذن
خالد مسك يد بدر : مايصير كذا ترا ميب حلوة ما تسأل عن ولد عمك
بدر بنظرة غريبة : لا تخاف لي زيارة خاصه معه بس موب الحين لحد ما يتحسن شوي
سعود بحكم معزته الجنونية لبندر تضايق نوعاً ما : اللي يزور يحتسب الأجر عند الله مو يدقق و يختار وقت
على كيف ام جيرانهم
بدر يناظر سعود نظرة مختلطة حادة : ولو يا ولد العم تعرف طبعي زين
سعود : طبعا اعرفك زين خبز ايديني ( احتد النقاش )
بدر ابتسم بغرور : شيء طيب على كذا لا احد يلومني على أي شيء تعرف طبعي يعني انت بالذاتـ
سعود بحكمة : شوف يا بدر لو بصغر عقلي وافكر مثل ما تفكرك الآن كان ما قبلت اخذ واعطي معك ...خليك
بالصورة اللي سواه بندر لأختك وينقالك متحسس منه انت سويت اللي افظع معه ومع اختنا كلنا ( اشر على
اخوانه كلهم )
بدر يناظرهمـ : واللي ماعنده بالدنيا غير اختـ وحدهـ وش يسوي يقعد يناظر هالناس اللي لعبوا بحسبتها لعب!
خالد : اذكروا الله اطردوا الشيطانـ
بدر + سعود : لا إله إلا الله محمد رسول الله .... اعوذ بالله من الشيطان الرجيم
خالد : عيب والله هاللي يصير انتم رجال معكم اطفال وذي علومكم وش ذالهرجه بس ! ليش واقعكم غير
متحضر كذا انتقام و قرفـ بدر اطرد الشيطان ولا لك حق تأخذ موقف من بندر لاننا بالنهاية عيال عم وكل اللي
يصير لا تخليه ياثر علينا ...شفنا رغم اللي صار مع ابتهال عادي تقبلناك عادي ياعرب حنا عيال عم عيال عم
بدر بتفكير جدي : انتم صاحين انا منيب بذبحه او بضايقه بس ضروري يكون فيه اخذ وعطاء بيني و بينه
سعود ابتسم و طق كتف بدر : هذا من ابسط حقوقكـ
نواف : هههههه ايوه طلعت جلسات الأخبار و ماتسوي امشوا بس
ابتسموا جميعاً .. وها هم يجرون الخطي لزيارة بندر
-
-
-
-
-
>><<<من الطرف الآخر <<<>>
حيث تعتلي شهقات القسوة ...
تتصدر الموقف ...القلق يتحكم في اشرعة سفن بندر
كما هي العادة ...السطوة على القلوب الرهفة تنتظم على قلب العاشق
العم فهد بعصبية شديدة : سودت وجهي حسبي الله عليك من ولد تفوو عليك بس لا بارك الله فيك
بندر ( يقاوم احزانه وصداعه ) غمض عيونه و اكتفى بالصمت
العم فهد : مارديت علي يامسود الوجه ليش طلقت بنت عمكـ ؟ انا وش قايل لك
بندر ناظر ابوه : يابوي هذا النصيب وانت من البداية تدري اني ماخذتها إلا
ابوه : كل تبن ولا يكثر و خيبتي فيك بس كبرتك و وصلتك منصب وين والحمد لله وذي مجازاتك لي يالثور
بندر ( سئمت هذا الواقع بجد ) : يبه خلاصة الموضوع انا وهي مانلتم لو ايش ..!
ابوه بعصبية : لك عين تحكي فضحتنا بنتين من بنات اعمامك اللي طلقت يامسود الوجه وين اودي وجهي من
اخواني حسبي الله عليك سعود وماعاد يهضمني من بعد ماطلقت بنته وعبدالله وش بيسوي الحين الله يحرق
قلبك مثل ما حرقت قلبي على اخواني
بندر ( إلا الدعوات يبة فديتك يابعد راسي إلا الدعوة وش دعوة قلبي مابعد انحرق ) : يبه انا تحت شورك بس هذا النصيب يابعد راسي
ابوه : تفو عليك بس ياسفاه بتربيتي ذي امك ودلعها لكـ ...
وطلع يجر اذيال الخيلاء و الكبرياء ...
بينما بندر اكتظت بعالمه اهازيج الألم و الواقع المر ...
( يارب صبرني اني موكل امري لكي اربي يأرحم الراحمين انتشلني من غيبوبة احزاني و اغثني بشلالات رحمتك )
ضغط على راسه بقوة فظيعه ...
تركي بخوف : توجس شيء بندر
بندر بضيقة : لا بس تعرف اسلوب ابوي و لا نمت من فترة
تركي يناظره : والله وجهك مايبشر بخير اكيد ابوي جايب العيد ولا يهمك
بندر يناظره : ياخوي ياعزوتي تعبت والله تعبت
تركي يدهـ على كتف بندر : الله مع الصابرين ياخوي ابوي و تعرف طبعه شف وش صار لي معه قبل مصيرك تنسى ولو ماهوب حريص عليك ماكان اهتم و نشدك والله
بندر ابتسم بألم : الله يخليه لنا يارب
تركي : يالله يا محققنا اللي دوخ حرامية الرياض كلهم هههههه الشباب ينتظرونك ببيت الشعر
بندر تنهد : مع اني تعبان مرة بس يمكن اسلى شوي ...مين اللي مشخصين هنا ههه
تركي : عيال عمي محمد ومعهم بدر السعود
(( معالم وجه بندر تغيرت ))
بدر السعود هنا ... اول مواجهه لي انا و هو بعد ما خنته بالوعد اللي اهو زينة ...!
الله يستر ...
طلع بندر يضغط على نفسه يكون طبيعي قد مايقدر ...
بندر : السلام عليكمـ
الجميع : وعليييييكم السلام و الرحمة اهليين
سلموا عليه
و بدر لا يزال ينظر إليه بعين العتب و اللومـ ....
بدر واقف بشموخه و عتبه امام بندر
بندر ( اشتقت لطلته ياناس والله يذكرني فيها ريحتها معه )
بندر ابتسم و سلم عليه
بدر : كيفك إن شاءالله بخير ...؟
بندر : يالله لك الحمد والشكر بخير ونعمة
جلسوا الشباب يتحمدون لبندر بالسلامة و يسولفون
بدر مكتفي بالصمت ولا يشاركهم نقاشاتهم ... لا يزال اسيرا لزنزانة تردي حالة زينة و سرها
نواف : هاه بدر منتب رايح بجحدك ترى لو تموت منيب راجع لك بعد شوي منيب طاق مشوار اقولك من الحين
ابتسم بندر و هو يناظر بدر : لا بدر مشتاق له موب رايح
بدر استوعب وجوده بينهم : لا بروح وقت ثاني إن شاءالله ( ناظرة بنظرة غامضة) الحين مانبي نتعبك
بندر ( ياولد طق الحديد وهو حامي هي خاربة خاربة الليلة خربها ابوي من ت وجت على بدر ) : اقولك اجلس بس حلف ان ماتروح عاد
بدر تكأ ظهره بإرتياح : دام حلفت نجلس يارجال اعصابك هههههه
سعود يبتسم : يالله بالاذن
طلعوا سعود و نواف ونايف خاواهم .....
-
-
-
بدر : بشرني عنكـ كيف صحتك وش اللي معك ؟
بندر الخوف يجلده بسياط لاهية : الحمدلله بخير و نعمة
بدر : وش التشخيص و قال لك الدكتور ؟
بندر يبتسم : بتضحك علي لو قلت لك اني مابعد شخصت للحين
بدر ( يا خوفي يابندر ان فيك شيء ) : اووما ذي ليش طيب
بندر : ولا شيء كسل وماعندي وقت
بدر : يابن الحلال الدنيا مولية واذا بتجلس عشان شغلك تنطنش حياتك ( يلمح لأشياء ثانية ) بتروح فيها
بندر ( فهم قصده) : إن شاءالله مافيه إلا كل خير ....
بدر ( عيب اناقشه بسالفة زينة وهو تعبان ) : الله يجيب لك الخير
بندر دق جواله ... سلمان << و اتفق معه بندر على اجراءت الطلاق
بدر عاقد النونة : بندر انت مطلق زوجتك بعد
بندر : هذا النصيب
بدر بحيرة : طلقتها يعني اقصد زوجتك بنت عمي عبدالله طلقتها
بندر ناظره : طلقتها
بدر بتساؤل : بندر انت موجس شيء ..؟
بندر : خخخخ وش فيك منتب اول واحد قالي كذا
بدر : مدري بس يعني احس صعب تكون مطلق مرتين وكلهم بنات عمك
بندر ( يالبيه يا زينة ياعمري وقلبي بس ) : يا رجال هذا النصيب ولو ان القلب رايح فيها
بدر : بندر بما انك بديت هالسالفه انا ممكن تأخرت بالسؤال بس يهمني اعرف
بندر ناظره بحنية : من غير ما تناقش الله يوفقك ( مد يده لقدام) لا تنشدني
بدر ضغط على شفته : من حقي اسأل عن اختي الوحيدة يا بندر ..تعرف وش غلاتها عندي انت ماشفتها يمكن
ماتدري وش اللي صار لها وكل ذا له اسبابه وانا ماادري عن شيء
بندر بحزن : بدر يمكن ما يفهمني غيرك .... انت تدري وش كثر حبي و عشقي لزينة
بدر بتساؤل : تحبها تعشقها تسوي فيها كذا ...صحة نفسية يا بندر .... طق واهانات ...كل خلق الله اللي يسوى
واللي مايسوى يتمشت فيها ولا الافظع من ذا وذاك تتزوج عليها اقشر بنت كانت تعاديها ابي افهم فهمني
بندر بحزن جمل عينيه : بدر انت ماتدري عن شيء ماعشت الظرف صدقني
بدر : يارجال لا تهك علي مهما كان لو انك صادق بحبك وعشقك على قولتك ماكان فرطت فيها بسهولة انت
تدري وش حالها الحين ...؟ تدري كيف وضعها
بندر ( طمني عنها وش حالها عيونها ..؟ وحشتني وبجنون ..) : انا ما تركتهاو تخليت عنها إلا لاني تأملت
بلحظة انها بتكون سعيدة مع امك ماحبيت اعذبها اكثر
بدر : كل شيء تغير والله
بندر : كل شيء تغير يا بدر انت شف حالك وش سويت بعد !! حس فيني يمكن حنا الاثنين اللي نحس بجرم فظيع سببناه لقلوبنا قبل الغير
بدر : بس اللي سويت هانت لا يمكن يغتفر يعني انا قول عندها اخوانها عوضوها عن كل شيء وذا اهي
الحمدلله مثل ماسمعت اجتازت الازمة ...بس اختي لا ماحولها احد كلكم تخليتوا عنها يا بندر ...حتى بنات عمها
اللي هنا تخلوا عنها ابتهال اللي كانت خطيبتي او زوجتي بالاحرى صحيح ماقصرت معها بفترة بس بعد
حركتي فيها شقلبت الامور على راس اختي ليش كذا وشذالقلوب ابي افهم ...؟ تدري وقسما بالله لو انه واحد
غيرك كان امديني نقعت ماء دمه و ارتويت فيه و نقشت اسم زينة بدمه .... ويمكن لو انك بكامل صحتك كان
لي تفاهم من نوع آخر بس الظروف لعبت دورها
بندر تنهد و ضغط على راسه
بدر وهو واقف بعصبية التفت : اللي شفع لك يا بندر اني خابر انك تحبها و خابر انك للحين بعد ميت عليها
بس تذكر
انت اللي ضيعتها
وطلع و هو معصب
بدر طلع ويدق على نواف يجيه بالغصب ...
بندر لا يزال يتذكر ( انت اللي ضيعتها )
طيب أنا من اللي ضيعني يا بدر ..؟
( هي اللي ضيعتني و ضيعت قلبي معها و ضيعت صحتي و مشاعري معها )
لم نعد ندري ولفحات الاسى
تفرق الروحين في يأس عميق
وتوارت شعلة الحب الذي
كان غوثا ....من غريق لغريق
(2)
زينة وبفضل من الله استاجبت للعلاج وتحسنت نفسيتهاا بشيء خفيف لوجود ابوها اللي تموت عليها وبرضوا
لانها في روما اللي تعني لها الشيء الكثير....
مر على وجودها هناك شهر والحمدلله حالتها في تحسن مستمر ......
زينة جالسة عند ابوها ...في اجواء نفسية شاعرية جداً
كيف لا و رائحة المطر قد انتشرت و اختلطت برائحة عبق القهوة العربية
صبت فنجان قهوة عربية لابوها
زينة وهي تقدم الفنجان لابوها : بابا ماعليش ممكن اتطفل شوي واسألك ...؟
ابوها يبتسم : تفضلي ولو زينة انت دلوعتي وتعرفين
زينة بحزن فظيع وهي تتذكر تهديد امها : بابا انت كنت متزوج على ماما صح
ابوها رفع عيونه بحسرة وناظرها : ههههه وش الطاري ...؟
زينة بحزن لانها لمحت نظرة حب في عيون ابوها يوم جابت طاري الزوجه الثانية : كذى بس ماقد تناقشنا
بهالموضوع
ابوها نزل الاوراق : أي زينة تزوجت على امك بس ما صار نصيب و طلقتها
زينة بحماس فضولي : مين تزوجت وينها الحييييييييين ..عايشه او ميته وين هي بالضبط ؟
ابوها لاحظ الحماس و حيرة جملت ملامحه : هههه ليش تسألين خلاص راحت في سبيلها بعد مادري هي
عايشه او لا
زينة بألم فظيع ( يارب تكون عايشه) : بس ودي اعرف بابا بليز
ابوها : ابشري زيون ذي وحده عرفت اخوانها ناس بسطاء طيبين مره خطبت منهم وحده جملية جداً واخلاقها
عالية انسانه فعلا يا بنتي خلتني اكره جنس حواء من بعدها
زينة بألم تحاول تكتم : دام تحبها بابا ليش طلقتها مو بحرام
ابوها : مانتب خايفه تسمعك امك هههههه
زينة تمسح دمعه : لا بابا عادي انا اسأل بس هههههه
ابوها : ماصار نصيب ياقلبه خصوصا انها تغيرت بعد ما ماتت البنت اللي جابت ( زينة ودها تصرخ بقوة)
تغيرت كرهت كل شيء كرهتني انا بعدما كانت تموت فيني وكرهت الرياض وكل شيء جمعنا قبل كرهته
وتغيرت عشان كذا حاولت اساعدها تتعالج بس صبرت معي سنة او سنه وشوي عشان اكون صادق وبعدين
شفت حالتها تردت لانها كرهتني وبقوة ... طلقتها عشان ترتاح وبالفعل وصلتني انباء انها ارتاحت وعاشت
حياتها
زينة تكأت راسها على صدر ابوها : كيف عاشت حياتها يعني عايشه للحين ..؟
ابوها ( حس ان البنت عندها شيء ) : أي تزوجت وقبل كان معها بنت وولد
زينة ( معقوله يكون عندي خوات واخواااااان ) : صدق
ابوها بحيرة : ليش انت مهتمه فيه شيء ؟
زينة بألم فظيع بس تخفيه : لا بابا بس حسيت انها طيبة ويهمني اعرف اخبارها طيب بابا يقولون انها ميب
طبيعيه صدق
ابوها تضايق : مين قالك امك صح
زينة اربتكت : لا عمتي هيا
ابوها : لا بالعكس هي اوكي بس مدري وش صار لها بعد ما ولدت صار عندها خلل شوي ذا لان الاطباء
محذرين من حملها خير شر بس الله كتب و حملت
( زينة حست بالخطر اللي يهدد حياتها يعني ممكن في يوم من الايام اصير بحالة امي وافقد عقلي وش دعوه
ما صارت لي بس جتني خفيفة والله صدقت مضاوي انا ورثت عن امي هالمرض والله يستر الحمدلله اللي
تطلقت من بندر قبل لا يعرف بمرضي ويتوهق فيني اعرفه قلبه حنون بيرفض يطلقتي لو كان عارف بحقيقة
المرض ....آآآه يا بندر لو تدري وش صار لي ....اشتقت لك كثير كثير " دمعت " ؟ ))
ليش صايرة افكر كثير فيه هالايــــــام .. احس فيه شيء ..إحساسي يخبرني أن بندر فيه شيء ..
وش لك فيه يا زينة شاتك و رماك رمية الكلاب على قولة مضاوي و تزوج ....
تذكرت كل شيء صار لها مع بندر ...... قد ما اشتاقت له بجنون قد ما كرهته لانه سبب لها اللالام لن تضمد
مهما طال بها الامد .....
ماعاد يهمني شيء حاليا غير هاجس امي الحقيقة وكيف اوصل لها ...؟
مابي اوصل لها بعيش كل حياتي عند ابوي و بس ....؟
"
"
(3)
بندر تحسنت حالته بشيء طفيف
بس الصداع مازال يراوده بقوه بين وقت لااخر ...
" طبعا بندر تبون تعرفون وش سوى بالولد اللي مع صوفيا سجنه بتهمه أداب عامه وجريمة اخلاقية واعتداء
على اعراض الناس وطوى قيده من شغله وسمعته صارت بالارض ولا بنت رضت تتزوج منه ......"
صوفيا تركهاا مداره لعيون اخوانها اللي يترجون بنظرات عشان يستر على اختهم مهما كان بندر يشعر
بالنخوة وشعر بموقف عيال عمه ولا حب يخيب نظرتهم فيه بالعكس كبر بعيونهم
صوفيا عاشت بسجن بمدرسة تأديبية من اخوانهاا ربوها من جديد وكل ذا لمصلحتهااا
دق سلمان على بندر ...
بندر كان في الدوام ...
بندر : هلا سلمان
سلمان : شلونك ..:
بندر : الحمدلله ابشرك بخيررر نزقح هههههه
سلمان حزين : دوم يارب ... وش اخبار الوالدة .؟
بندر : الحمدلله والشكر ابشرك صارت تمشي وتتكلم وبخير والحمدلله يارب ....
سلمان : دوووم يارب ....
بندر : اخلص انا عندي شغل وانت واضح ان عندك موضوع ههه ؟
سلمان بحرج : يااخي مدري وش اقولك بس عاد الشكوى لله بقول مافي ل إلا اني احطك بالصورة ....بندر
صوفيا حامل ...
صـــــــــــــــــــــاعقة مشوبة بألم فظيع
بندر تجمد ودمه صار مكعبات ثلج << ياعيني على الوصف ملح ملح ^_^:D : حامل ...
سلمان : أي ولا تقلق والله العظيم اني قبل لا اكلمك مسوي فحص دي ان أي والفحوصات اثبتت انو من دمك
بندر سكت مايعرف وش يقول : اوكي ماقصرت
وقفل...
( يا انا وقح حسست سلمان اني شاك انو ولدي بس وش اسوي من البهاذيل اللي شافتها عيني معها .. اللهم
ان لا اسالك رد القضاء ولكن اسألك اللطف فيه )
قعد يفكر بندر " معقولة صوفيا حامل يعني انا تمام اقدر اجيب عيال ..."
" طيب ليش الفحوصات اختلفت من طبيب لطيب...."
" ياربي تعيني في مصيبتي ابوي بيجبرني ارجعها وانا بذبحها ماابيها بموتها اذا رجعت لي يارب تفكني
ان شاء لله اموت وافتك اصلا بعدي عند زينة بحد ذاته موت ..
آخ يالدنيا ما تمنيت صوفيا هي أم ولدي بس الحمدلله على كل حال ! "
اشتقت للحلم اللي ضيعته ...!
" أه يا إيطاليــــــــــــــــا طاب لي مسائكِ ايتها الأرض التي تحتضن الأحبابـ "
..
..
انتشر خبر حمل صوفيا بين العائلة اللي فرحوا مره للحمل لانو بندر من زمان وده يصير أب
وان في ناس تكلموا وشوشرا عليه انو مابينجب ،،،
وكثير كثير ...
الشياب اكثر من فرح بهالحمل .....
بندر يفكر ليش كلهم فرحانين إلا انا ليش ..؟
و لسان حاله يترجم الموقف لـ :
في غربتي ، عارضت أنا ركب الأغراب
أشد .. وأنزل .. والليالي ركايب
أضداد .. وأقران وعدوان .. وأصحاب
متناقضات الخلق .. ماغاب غايب
أسهر معا تهويم نجمات الأحباب
حتي يصير النجم بالصبح غايب
أصبح على فجرٍ ضحوكٍ .. وعجاب
وأمسي على همسات ، ستر العجايب
وقامت تجاذبني على درب .. الأسباب
نفس الشباب .. يحدها عقل شايب
مشيت في رمضا .. وسنّدت بهضاب
وعارضني سيول ، وهبّت هبايب
وأمسيت في صحرا .. و قيّلت في غاب
ومن طاول الغربات ، شاف العجايب
مرتني الدمعه ، بها الوجد ماذاب
في غربة الأشواق ، راحت هبايب
مرتني البسمه ، تقل فوقهاحجاب
وراك خجلي يارسول الحبايب
والحب.. مريته غريبٍ على باب
عقب القصور .. أمست قصوره خرايب!!
بغيت أسلي خاطره .. عقب ماشاب
لقيت ماله بالتسلي طلايب
أقفى مع المقفين .. وجلٍ ومرتاب
على عقوق الوقت ، بالحيل عايب
في غربتي .. مريت رجلي وركاب
أرزاق .. من رب الخلايق ، وهايب
اخيرا
التمس منكم عذراً على التأخير و آمل ان ينال الجزء على رضاكم ... وتهمني الملاحظات كثير كثير  و انتظر التوقعات لانها تهمني كثير ^_^ ...
- وش ممكن يصير على بندر يطلق صوفيا او بترجع له ...؟
- وش ممكن يصير مع بندر و بدر و كيف راح تصير علاقتهم تتحسن او تسوء ..؟
- فواز وش بيسوي لبدر ...؟
- ابتهال راح تتجاوز عن غلط بدر ام لا ...؟
_ الصبايا ريم و داليا و هنوف وش ممكن يسوون كيف راح يلفتون قلوب العشاق 
- نواف يسافر بعثتة في ايطاليا او لا ..؟ واذا سافر وش ممكن يصير .. واذا ماسافر ..؟تحياتي و شكري
|
11-11-08, 12:34 AM
جديد مواضيع قسم القصص المكتمله
العرض العادي
