السلام عليكم ورحمة الله وبركاته
كيفكم ياحلوين عساكم دوم بقوه و سعاده وفرح على محياكم وقسمنا يكون منور ومشرق بأحلى أطلاله من الجميع ..
بارت اليوم
رح يكون مميز مثل تميز القسم دوم بمشرفاته وأفكارهم ألنيره
وتشجيع للمنافسه على مسابقة فرفش معنا
حابه اهني البنات الي جمعوا النقاط
لم السؤال : 3 نقاط
دفى الكون : 2 نقطه
ميثان : 1 نقطه
نجمه بعيده : 1 نقطه
بلسم : 1 نقطه
والبارت راح يكون اهداء الي
لم السؤال الي جمعت اكبر نقاط الف مبروك لمووو
يالله ياحلوات كل ما جمعتم اكثر راح يكون البارت القادم لكم
قراءة ممتعه ..
الفصل التاسع والعشـــــــــ 29ــــــــــرون
بيت ابو ملاك
ملاك : بصعوبه خرجت الكلمه وهي تشهق بهلع وعيونها مركزه على عيونه : لـ..اااااا
محمد : نفظ يده عنها من هول صدمته وتكلم بصوت مخنوق و خافت : لاااشنو ...وعلى صوته اكثر ..شنو لااا ..فهميني
ملاك : رجعت تسحب على الخلف وبخوف من شكله
محمد: وصرخ بقهر : ردي ..ويمسكها بقوه مع بلوزتها يوقفها ويهز جسمها ...لا تجننيني كيف لاااا....كذابه كذابه ..مشاف منها أي حركه ورد ...لا اا ..يعني قصيتي علي وانا الاهبل صدقتك....و يشد البلوزه بقوه وتفتحت كل ازاريرها ..
ملاك : صارت ترجف وفاتحه فمها وشفتها مزرقه من الخوف و تخبط فيه بيدينها و الحروف الي تظهر متقطعه لانها مهي قادره تتنفس : بـ.. بـ...بـ..بـ....وتتخيل المشهد نفسه راح ينعاد معها
محمد : رماها على الارض بعصبيه وهو يسب ويلعن فيها و رجع لها ومسكها مع شعرها و هو يصرخ : والله بذبحك اذا منطقتي وقلتي من هوو ..اكيد الي كنتي تكلمينه قبل صح وضحكتي على الكل انه ابوك وينه وينه ياوصخه وينه رددددددي
ملاك : حتى الصرخه مهي قادره ظهرها لألم شعهرها الي تقطع بين يديه
محمد : رماها بقوه جهة الجدار : يا حيوانه ياوسخه ترمين بلاك علي شوفي كان مذبحتك لو ما تكلمتي ..ومعد هو قادر يشوفها قدامه خرج من الغرفه وصار يلف في الصاله قدام الباب
ملاك : خبط كتفها بالجدار وطاحت على الارض و خبطتها حركت مجري التنفس عندها وصارت تحاول تاخذ نفس وهي ضامه يديها على صدرها تقفل البلوزه و عيونها جاحضه و تلف حولها برعب
//...//
بيت يزيد
هند : بعدت يده بقوه وهي حاسه بختناق معد هي قادره تتنفس وتكلمت بصعوبه وهي مصدومه و تحاول تاخذ نفس: ليه حرام عليك وش سويت
يزيد : رفع يده عنها وهو شايف كيف تقاومه ومهي قادره تتنفس ويصرخ بكل صوته وهو مهو حاس بالي يقوله ولا يدري عنه من عصبيته : تسالين ليه وش الي نقصته عليك الي تعاكسين هاااااااااه لكن وحده اخوها سكير وش اتوقع منها وبنت فقر ..
هند : ترجع على ورا عنه وهي مهي قادره تصدق شي لو احد خبرها في يوم راح يصير مثل هذا منه ما كان صدقت ..حاسه انه يقطع في جسمها بسكين ويشويها وهي فيها الروح وسط الجمر ويلسع بكل عظمها وخلاياها تتفحم دمعتها نزلت على خدها بصعوبه و ظهر صوتها يرجف برجف تقليبها على الجمر : خاف ربك ..وحاولت تبعد اكثر
يزيد : سحبها وجلسها بقوه على الكنب وهو يصرخ وملامح وجهه كلها شر و جهه مسود من شدة انفعاله وجسمه يرجف من عصبيته : اخاف ربي هااااااااه لين متى كنتى ناويه تخدعيني على بالك مارح عرف عنك وعن عمايلك
هند : رميته لها على الكنب المتها وحطت يدها على بطنها و ملامح وجها تغيرت من الألم ومسحت دموعها و عيونها عليه تشوف شخص ثاني قدامها الشر مسيطر عليه وتكلمت بتعب مثل تعب روحها بس بثقه وصوت واطي وهي خايفه من تهوره : عمري ما خنت أهلي ولا راح خون زوجي لاني ما خفت منكم خفت من الي خلقني
يزيد : وهو يمسك يدها بقوه وميل بجسمه على قدام وهي جالسه : تكذبين على مين ويترك يدها و يمسك الجوال شوفي اقري وش معناه هذا هاااه
هند : بكل ثقه وعينها بعينه و دمعها على خدها : ما يحتاج شوف لاني واثقه من كل كلمه اقولها واذا احد قاص عليك فروح شوف منهو الي مرسل
يزيد : يصرخ فيها اكثر ويمسكها مع كتوفها ويهزها : تخدعين مين انتي بكلامك .. على بالك بصدقك..
هند : صارت تصرخ من القهر بصوت عالي: والله مالي دخل بشي ولا عرف شي انت جنيت وش تقول ..اليوم جاني اتصال من رقم معرفه ما رديت وتكرر اكثر من مره و رديت وطلع واحد يعاكس ..وبعدها حولت الجوال سايلنت لانه ازعجني ومدري وين حطيته وانت دخلت معصب و كنت انتظر تروق اعلمك حرام عليك والله مدري عن شي
يزيد : ترك يدها وهي يشوفها كيف تصرخ وتبكي بشكل فضيع ويصرخ فيها : على بالك بصدقك الحين و مين الي يرسل لي له كم يوم ينبهني للعبك بس معترف غير اليوم يطلب منى اشوف جوالك وش قالوا لك وحده مثلك بتخدعني
هند : قامت وهي تبكي بشكل فضيع وتشهق : اقسم بالي خلق هذا الكون ودب الروح فخلقه اني مدري عن شي ..وراحت تمشي بالم و يدها على بطنها وقفت ولفت عليه وهي تمسح دموعها بقهر وعصبيه ..ياحسافه عليك بس خليك فاكر كلام الله (يَا أَيُّهَا الَّذِينَ آمَنُوا إِنْ جَاءكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلتُمْ نَادِمِينَ) وكملت بتطلع مع الدرج وهي مستنده على الدربزان
يزيد : لحقها وهو بعده معصب بس الكلام الي قالته صفعه مثل الكف على وجهه: تعالي وين طالعه
هند : وقفت مكانه وبلعت ريقها وهي معطيته ظهرها وتكلمت بصعوبه و بصوت باكي : فيه شي ثاني ما قلته بعد لا تخاف مارح اطلع الم شنطتي واخرج لانه مالي شي اخذه من هنا كل شي لك حتى ثيابي الي علي لأني بنت فقر وما عندي بيت و اهل اروح لهم... وشهقت ونزلت ادموعها اكثر..لانه الي باقي لي من اهلي مثل ما قلت عنه سكير مسجون ..وتلف تواجهه ...نسيت عمرك يوم كنت مثله وصرت تعايرني فيه ....وغمضت عيونها بالم ودموعها مغرقه وجها ..لفت وكملت طلوعها
يزيد : واقف مثل التمثال مكانه عيونه عليها ومهو قادر ينطق حرف ولا يتحرك ...يبي يستوعب شي من الي صار وكيف صار ..وشكله اكبر دليل على الصدمه الي هو فيها شعره مبعثر واقف بسروال طويل الابيض و فانيله ...المسجات صحته من النوم ونزل مثل المجنون
//...//
راشد: وهو مبتسم وضحكه بصوته : عمري ليه واقفه تعالي هنا بناخذ راحتنا و محد بيشوفنا
مها:عينها عليه وعلى الباب وبرتباك : بس
راشد: يمسكها مع يدها ويدخلها : وش بس ..نسيتي يوم قابلنا اخوك زين ما شافنا
مها: وهي بعدها بغطاها و حست بخوف : بس عاد نجلس بشقه بروحنا والله صعبه
راشد: يحضنها ويبوسها وهو يضحك : انا ما خذها عشانك ياقلبي انتي زوجتي ما فيها شي تعالي نجلس تبينا نظل واقفين
مها: لا راشد الله يخليك كله الا كذا..خلنا نجلس باي مكان عام أحسن
راشد: يبوسها على يدها ويرفع نقابها : ياعمري وش فيك انت مرتي حلال مافيها شي اذا جلسنا كذا لوحدنا
مها: لا الله يخليك ما ابي
راشد: بصرار وهو يسحبها لداخل الصاله : بس انا ابي اجلس اسولف معك بروقان بدون ازعاج وانا املي عيني بشوفتك ياقلبي
مها : دخلت الصاله وشافته حاسب حساب كل شي ومجهز الجلسه عصير ومكسرات وكيكه صغيره ومنسق الكاسات : ليه ما خبرتني قبل انت حاسب حساب كل شي
راشد : يضحك : ههههههه ليه تبين نجلس نسولف بدون ما ناكل شي ....و ياخذ حبة لوز ويحطها بفمها ..احلى لوزه لاحلى مهوي بحياتي
//...//
بيت ابو ملاك
محمد رجع لها و ضرب الباب بقوه منشد مهو منفعل وثايره اعصابه و يصرخ بصوت عالي : امك تدري عنك صح ..ويجلس قدامها
ملاك : شدت على بلوزتها اكثر وخرج الكلام مهو واضح وعيونها تبرق بدموع متحجره وتناظر عيونه : مـ ـامـ ـا ..مـ ـا تـ ـعـ ـرف
محمد: يمسح على وجهه ويضغط بيديه عليه و يضرب بيدينه على الارض : ليه انا وش سويت ..
ملاك : شافت بعيونه الامان والقهر الي فيها نفس الي تحس فيه سالت اول دمعه متحجره بعيونها بدون ما تحس و صرخت بصوت باكي و مسكت فيه شاده بيدها على ملابسه وصوتها كل مره يرتفع اكثر بصياحها
محمد : رفع يدينه يبي يبعدها من صدمته بحركتها و طريقة صياحها الي كل مره تزيد ..لانه كرهان لمسها حاول يبعدها ما قدر هي ماسكه فيه بقوه تكلم بعصبيه : ابعدي الحين بعد ما رتكبتي الحرام تبكين ...ويحاول يبعدها ..لكن ما قدر
ملاك : صارت تصرخ وصوت باكي : مالي ذنب بدي بااابا يحميني منهم خايفه اعيش من غيره
محمد : يسمعها و مهو قادر يقول شي من قهره منها ليه تكذب عليه كيف مالها ذنب وسالها بتردد : من هو ..احد اعتدى.. عليك ؟؟؟
ملاك :ضغطت وجها اكثر عليه وهي تحرك راسها
محمد : غمض عيونه بقهر و اخذ نفس عميق وتكلم بهدوء : اهدي وفهميني وش الي صار...وحرك رجوله وقدر يبعدها عنه وجها مهو باين شعرها ملتصق عليه ومغطيه بعده عن وجها بيد وحده بعصبيه ..قولي اشوف منهو
ملاك: وهي تشق و تحط يدها تغطي جسمها المكشوف : الدكتور
محمد : بصدمه اكبر : شنووو ..كيف ..وصرخ ..لا تكذبين علي قولي الصدق تراني تحملتك بما فيه الكفايه ...
//...//
عند راشد ومها
في
ألشقه
مها : بعد فتره تعودت على الجلسه وصارت هي تضيفه و كانت لابسه بنطلون اسود و بلوزه حد الخصر ماسكه على جسمها احمر و كم كت وفتحة الصدر نازله شوي ازارير من الامام ..اول ما نزلت عباتها حاولت تعدل فتحت الازرار بس بعدها واسعه لانها متوقعت انها تنزل عباتها ما قفلتها ببروش او مشبك ..
راشد :كل ما تحركت قدمه وهي تفتنه بجسمها المتناسق الي يحرك كل خليه بجسمه جلسها جنبه : خلص مبي اكل يكفي خليك جنبي وبس ...ويبوسها على ....احبك ياعمري
مها : تبعد عنه اربكتها بوسته متوقعتها وتكلمت بحرج وجها محمر: راشد انت وعدتني وش فيك خلاص خليك بعيد ولا خلنا نمشي ..
راشد : يلف يده على كتفها و جهه قريب من وجها : حبيبتي لا تنسين العرس بيكون قريب وش فيها كثير مثلنا يسون كذا
مها: شهقت وبعدت عنه : لااااا انت وعدتني
راشد: وش تبيني اسوى ما عد اقدر ابعد عنك اكثر من كذا ويبوسها على رقبتها
مها : قامت عنه بسرعه : راشد وبعدين معك خلاص خلنا نرجع
راشد : سحبها جلسها عنده وهو لاف يدينه حولها : شوفي انتي بتكسبين اكبر اثم بحركتك هذى ..لازم تسمعين كلامي
مها : بترجي وخجل : ليه تقول كذا خلاص خلنا نمشي .
راشد :وهو يهمس بكلامه يمسح على شعرها : تعرفين انك بصدك لي الملائكه تلعنك
مها : لفحها نفسه على وجها وغمضت عيونها وبرجفه بصوتها : ليه وش سويت اتلعن عليه الي انت تبيه ما يصير
راشد : وهو يضحك بصوت واطي : هههههه ياعمري تعرفين انه فيه حديث صحيح ....وتكلم بمكر مدروس ...يقول النبي صلى الله عليه وسلم: (إذا دعا الرجل امرأته إلى فراشه فأبت، فبات غضبان عليها، لعنتها الملائكة حتى تصبح) ......متفق عليه.
مها : بدلع وخجل : لا اول مره اسمع فيه ..بس انت مابعد صرت فبيتك
راشد: من قال لازم فبيتي انتي زوجتي الحين
مها : وتبعد شوي : بس قلت اذا كان غضبان ..وانت منت غضبان...عشان هذا الشي ما يصير
راشد : من قال خلاص انا غضبان ..ويضحك ..
//...//
بيت يزيد
رجع يتفقد الجولات وشوف الكلام المكتوب و الرسائل والاتصالات الي جاتها مقهور هو كيف قدر يمد يده عليها بس الكلام يثبت شي هي مهي معترفه فيه بعد فتره طلع شافها وهي على السرير مالها صوت وجسمها يهتز من تحت الغطا مقدر يكلمها لانه بعده معصب و مايبي يضربها اكثر فضل بس نظره عليها و بلع ريقه بصعوبه يوم ذكر كيف ضربها وهي حامل ليكون صار شي لولدي قرب منها وتكلم بصوت بعده عالي من عصبيته : بنت فيك شي ولدي فيه شي ..وذكر مع كلمت ولدي امه لمن تقول له روح شوف ولد من متبليتك فيه..
//...//
بيت ابو ملاك
الصباح الساعه تسعه
ملاك : ظلت فتره طويله جالسه مكانها بعد ما خبرته كل شي صار معها وخرج من الغرفه ولا قدرت تشوف ملامحه ما قدرت تنام طول الليل لبست ونزلت اسفل
روز: صباح الخير ستي بحضرلك الفطور
ملاك:بصوت مضخم و مبحوح : بدي قهوه ساده
روز: حاضر
ملاك: قبل ما تمشي لفت بنظرها في البيت وسالتها بصوت واطي : محمد فين
روز: الاستاذ محمد خرج من بدري
ملاك:تجمعت الدموع بعيونها : الساعه كم ؟؟؟
روز: على سبعه ونص
ملاك: اوكي روحي... وقفت قدام الباب الزجاجي متكثف من قوة المطر ما هو واضح الي خلفه و تمسح دموعها وسندت وجها لى الزجاج البارد وهي مغمضه عيونها برغم الي صار حاسه براحه وبعد ما شربت قهوتها و كانت تلبس في البالطو الجلد الاسود و الاشارب دق جوالها ..الو
شذى: صباح الخير وش هـ النوم كله ياعسل
ملاك:حاولت انها تتكلم بشكل طبيعي ما تبين شي : صباح النور شو عندك على هـ الصباح مروقه
شذى : مثلك ياحلوه ولا فيه وحده تصحى بهـ الوقت
ملاك: شذو شو عندك وبعدين انتي فين في الجامعه
شذى: بالبيت مري علي
ملاك: وليه ما جيتي الحين بنتاخر
شذى: مهو بسبت نومك كلمتك جوالك مقفل و فيصل كلم محمد خبره انك نايمه
ملاك:نايمه وانا ما شفته : ليه ما جيتي وصحتيني
شذى: لا ياعيوني وبعدين انتي كيف نايمه و مخليه زوجك لوحده يروح الجامعه بدون ما تودعينه
ملاك:بلعت ريقها وبقوه ثبتت صوتها : شذو بسرعه راح اجيكِ لا تتاخري ما باقي وقت على المحاضره باي
شذى: صرفي الهرجه زين باي
ملاك : راحت مرت عليها
شذى: تطلع بالسياره: السلام عليكم وش فيك جننتيني
ملاك: وعليكم السلام الحين انا ما خبرتك جهزي لا زم انتظرك عشر دقائق تاخرنا
شذى: لسى بعد باقي وقت
ملاك : يمكن ما في مواقف هلا نوصل على وقت المحاضره
شذى: تمسك وجها وتغمز لها : هنياله محمد فيك توك صاحيه وينه يشوف الخدود والانف المحمره من البرد
ملاك:بحراج وهي تعدل بنظارتها : شذو بليز لا تخليني اذبحك متاخره وبعد تتمصخري
شذى: هههههههههههههه متى راح تبطلين خجل منه
ملاك: سكتي احسلك
شذى: هههههه وتشغل المسجل و فيه اغنيه احساس جديد لنانسي عجرم وفضلت تردد معها
ملاك: سرحت مع الكلمات
وبعد ما وصلوا نزلوا بسرعه وراحوا للكلاس وحصلوا البنات حجزين الهم المقاعد وبعد ما انتهت المحاضره وهم جالسين بالكوفي
امل : باي ابي اروح المكتبه
ريم : بجي معك بنات احجزولي مكان اذا تاخرت
جود:محبت تجلس معهم لوحدها : خذوني معكم
شذى: وش فيكم جلسوا
جود: نبي نروح نكمل للبحث باي
فيصل: شافهم وجا : فيصل: السلام عليكم... وش فيكم غريبه جالسين هنا
..وعليكم السلام
شذى: حبيبي برد برا وهنا مافي زحمه
فيصل:ميل قربها يكلمها بصوت واطي وهو يضحك : تذكرين هذيك الطاوله
شذى: هههههههه عمري ما بنساها لقيت تهزي يومها من بعض ناس
ملاك:ملاك كانت عينها على الباب .. ومهي منتبهه عليهم
شذى: حبيبي ليش لوحدك وين محمد عنك
فيصل : راح يبي يتناقش مع الدكتور بخصوص بحث عنده انجي وش مفطرته اليوم
ملاك:لفت يوم سمعت اسمه و ردت برتباك : ليه شو فيه
فيصل : اليوم كل ما اكلمه ما يستوعب وبس مسرح ....يالله حبيبتي اشوفك بعدين
ملاك: تناظر بيدها وتحرك بالدبله
شذى: ليه حبيبي وين تبي تروح
فيصل : ابي اروح اجلس مع العيال
شذى: اوكي انتظرك ولا اروح مع انجي
فيصل : لا خليها توصلك معها لا تنطريني اتاخر اليوم
شذى : خلاص بروح معها علي بيتها انت اذا خلصت مر علي
فيصل : اوكي باي
بعد ما نتهو دوامهم راحو على البيت
ملاك: شذو تعالي نطلع فوق
شذى: ايه ابي انام شوى اذا جاء فيصل صحيني
ملاك: شو عيوني ليه ما رحتي على بيتك اذا بدك تنامي
شذى: لا ما احب اكون بروحي بدون فصولي معي بالبيت
ملاك: شو فيك ليكون حامل
شذى: لا عيوني مني بحامل لا تسوين مثل امي تبيني احمل
ملاك: و لشو مستعجله خليها بعد ما تخلصين دراستك
شذى: وهم طالعين مع الدرج : تخيلي وش قال لمن خبرته امي تبيني احمل
ملاك: ردت بشرود وهي طالعه معها وراسها يالمها : شوو
شذى: ههههههههه سهرني طول الليل كل ما جيت انام ما يخليني انام ويقول قولي لعمتى تشيل الفكره من راسها انا ما ابي احد يشاركني فيك
ملاك:بتسمت : ولشو يسهرك
شذى: هههههههههه قال ايش عشان اجرب سهر الصغار و ما حط الفكره براسي
ملاك:ضحكت فرح لصيقتها واختها و الم لحالتها الي اهي فيها : ههههههههههههههه اما انتي وهو مجانين الله يسعدكم
شذى: انت المجنونه ...وتفتح الغرفه ....وااااااااااااااااااااو روعه متى غيرتيها وما تقولين
ملاك:لفت نظرها فيها بمسحة حزن : مهو انا الي غيرتها
شذى: مين
ملاك: بلعت ريقها : محمد
شذى: روعه وتلف بالغرفه يجنن انتي خترتيها معه
ملاك: لا هو اختارها ولما سافرنا سواها
شذى: تبوسها على خدها الله يهنيك ويسعدك معه انجي هو يحبك حافظي عليه لا تضيعينه من يدك بتصرفاتك مثل حركت البارح بدل ما تكونين معه عازمه البنات قال وش احتفل بعرسي حبيبتي اذا تحمل تصرفاتك الحين راح يجي يوم ويتضايق و يزعل منك
ملاك:آآآه مسكينه ما تدري عن شي و تكلمت وهي معطيتها ظهرها عشان ما تشوف دموعها : بعرف حياتي ما بدك تبدلين ولا تنامي بلي عليك
شذى: تنزل البالطو: جيبي لي أي بيجامه...وبعد مالبست وهي عند السرير... نجوي
ملاك: تطل عليها من غرفه الملابس: شوووو
شذى: انتي أي جهه تنامين بنام بجهتك ما ابي انام جهه محمد
ملاك: (آآآآه يشذو لا تزيدي علي الهموم)
شذى: تاشر بيدها يااااااهو و ين و صلتي
ملاك: شو بيك معك
شذى: هههههههه ايه واضح وصلتي عند محمد وتقولين معي
ملاك: وجها حمر : وجع انتي صايره قليلة ادب
شذى: هههههههههههههه وينه عنك يجي يشوفك
ملاك: شو بدك وبعدين معك
شذى: ههههه وين تنامين خلصيني قبل ما يطير عني النوم
ملاك: انا وين بنام ما كن بتعرفي نفس المكان
شذى: تتمدد على السرير: توقعت يالله يا حلوه طفي الايت ولا اسمع صوت
ملاك: أي اوامر ثانيه ياست شذى
شذى: تتغطي لا شكرا
ملاك : ترمي عليها دبدوب صغير: قومي اشوف جايه غرفتي وبعد تتامري
شذى: حبيبتي نجوي خليني انام بس شوي قبل ما يجي زوجك ....وتصرخ ....وييييييي تجلس على السرير.......قفلي الباب ليروح يدخل محمد وانا نايمه
ملاك: لا تشيلي هم نامي بصحيك قبل يجوا
شذى: شكرا حبيبتي وتغطي وجها وتنام
ملاك : بدلت الي عليها و خرجت جلست بالصاله الي فوق وهي تيهه بافكارها مره تركز و تذاكر وما حست بالوقت
//...//
محمد: طالع مع الدرج ونادا : ياولد ...عشان ينبهم اذا فيه احد ..شافها فاتحه الاب توب ومهي منتبه لوجوده وشكلها ما سمعته يتأملها من تحت لفوق لابسه اسود فسود بلوزه وبنطلون و تنهد بقهر وتعب : السلام عليكم
ملاك: رفعت راسها تناظره : وعليكم السلام
محمد:يكلمها وهو معطيها ظهره رايح على غرفته :فيصل فيه اسفل قولي لهم يحطون الغداء
ملاك: عينها عليه لا محمد لا تسوى كذا عاملني مثل اختك سامحني على الي اسويه فيك بس مهو بيدي : اوكي ....وتقوم تدخل الغرفه وتستند على الباب وتمسح دموعها وتدخل الحمام تغسل وجها وتروح عند السرير..شذوو قومي
شذى: فصولي حبيبي شوي بس
ملاك: تسحب الغطا عنها : ياخبله قومي فيصل اسفل يبيك
شذى: اوه نجوي الحين اقوم وتتمغط
ملاك: قومي بطلب لك الغداء
وتغدو ملاك وشذى فوق وملاك ماقدرت تاكل شي...ومحمد وفيصل وخالد اسفل
وبعد الغداء ... الكل راح
روز : ست انجي استاذ محمد بده اياكي تروحي غرفته تاخذى الملف الي فيها وتوقعي عليه
ملاك : هو فين
روز : اسفل بالصاله ..و كمان بده
ملاك : شافتها متردده : خير شو فيه
روز : طلب انقل ملابسه كلها من هنا لغرفته
ملاك :لفت عنها و تكلمت بصعوبه : اوكي نفذى الي طلبه .... و تخرج و تدخل غرفته شمت ريحه عطره وغمضت عيونها ومسحت دمعه تمردت و سالت فمجرها الي تجرح من كثر الدمع وراحت عند الطاوله الي بالغرفه جلست وفتحت الملف واخذت القلم الموجود وقعت وهي بتوقف عينها جت على التسريحه ونتبهت للاشارب الي اخذه منها بكيت وخرجت و هي نازله مع الدرج شافته جالس في الصاله عند التلفزيون وتكلمت بصعوبه وحرج تبي تعرف كيف راح تكون معه بعد ما عرف : السلام عليكم هذا الملف وقعته... وحطته على الطاوله
محمد: جالس ورافع رجوله على الطاوله وعينه على التلفزيون رده كان بارد : وعليكم السلام
ملاك: جلست وهدوء محد تكلم و ما في غير صوت التلفزيون على المباراه وعينها على الباب الزجاجي للحديقه و شافت الثلج بدا يتساقط تذكرت لما كانت بنفس مكانها بنفس اليوم جالسه مع ابوها وخالتها
ابوملاك: يالمجنونه تعالي وين رايحه
ملاك: بابا تعال وتروح تفتح الباب
دليدا:وليك بنتي تؤبريني شو بتعملي ماعليكي ملابس بدفيكي
ملاك: واااااااااااي روعه وتلف وتلعب وتسحب ابوها وتلف معاه وتغنيله
اطبطب ودلع يا.... ايلي انا تغيرت عليه انا ازعل اولع ما كل همي ازاي ارضيه ......
ابوملاك: هههههههههههههه ياعمري ترا بزعل عليك لو ما دخلتي...الي يشوفك يقول اول مره تشوف ثلج يساقط
دليدا: وهي عند الباب : وليك خالد دخلها ح تمرض هيك
ملاك: تروح عندها وتبوسها وتمسك خدودها وتصرخ .....وليك بحــــــــــــــــــــبك
دليدا: هههههههه شو بكي جنيتي وتسحبها ودخلتها تعالي حبيبتي ح تمرضي هيك
وبنفس الليله ارتفعت حرارتها لانها رفضت تدخل وابوها فضل عندها
ملاك: تمسح دموعها الي نزلت خلاص راحوا وتركني ..وتنهدت بصوت وتوقف تطلع فوق
محمد: سمع تنهيدتها ناظر فيها وهو من اول يقاوم انه يشوفها حاس من القهر الي فيه لو بيضربها يخلص عليها و يقتل نفسه وكل من حوله معه
//...//
بيت ابو عامر
ام عامر : جالسه في الصاله السعاده ظاهر على ملامحها وكل شوي تتوقع ان يزيد يدخل عليها ويعتذر ويخبرها بطلاقه لها : مها وش فيك اليوم شكلك تعبانه
مها : لا بس حاسه شويه برد بطلع انام ...... دخلت غرفتها نزلت الجكيت بكوله طويله على الرقبه وشافت الاثار الي على رقبتها ومررت يدها عليها وهي تتنهد ...ياويلي لو امي تشوفها وتعرف بتذبحني ودق جوالها ونقزت بسرعه ترد عليه ..الو
راشد:بصوت كله نوم نايم طول اليوم : هلا بهـ الصوت الي يرد الروح اشتقتلك يا قلبي
مها: بكيت
راشد: حبيبتي وش فيك ليه تبكين
مها: خايفه و تعبانه
راشد: حبيبتي وش الي يوجعك
مها:وهي حاسه بخوف كبير وتبكي : خايفه رااشد تعال الله يخليك
راشد:بصوت مرتبك : حبيبتي ليه احد عرف الي صار
مها : لا وبكيت
راشد:تنهد برتياح : ياعمري خلاص احنا مسوينا شي حرام ليه تبكين
مها: تبكي : تعال ابيك معي خايفه
راشد: حياتي خلاص الحين اجيك بس لا تخبرين امك انا اذا جيت اقلها سمعت صوتك تعبانه وجيت اتطمن عليك سامعه
مها: زين
راشد: سلام مسافه الطريق واكون عندك
راشد : كان من الاساس هو خارج البيت بسيارته لف وراح جهت بيتها و نزل وقابل امها بنظره تعالي : هلا عمه وش علومك
ام عامر: الحمد لله بخير انت وش علومك
راشد: الحمد لله معليه عمه على الزياره بهـ الوقت وبدون موعد بس اذا ممكن ابي اشوف مها كلمتها و حسيت انها تعبانه قلت اجي اشوفها
ام عامر:تتمصلح عشان بنتها : ايه والله اليوم مهي نشيطه حتي اكل ما اكلت ونزلت من غرفتها شوي ورجعت طلعت تبي تنام ارتاح اشوفها لك الحين
راشد: بنغزه بكلامه عشان تفهمها : عمه اذا نايمه لا تصحينها اجيها بكره
ام عامر: ناظرته بحده و رجعت ابتسمت : الحين اشوفها ما اظن انها نامت وتطلع ودق الباب مها
مها : تفتح الباب خير يمه تبين شي
ام عامر : وشافت وجها احمر وعيونها مورمه من البكاء : مها وش فيه وجهك كذا تعالي نوديك المستشفي
مها: لا يمه انام ويروح التعب قلت لك شويه برد
ام عامر : راشد اسفل يبي يتطمن عليك
مها : راشد وش جابه بهـ الوقت
ام عامر : سمع صوتك تعبانه وجاء يشوفك فيه الخير يالله..اذا يبي يشيل همك اذا مرضتي .. بدلي ونزلي قابليه
مها : زين وبدلت و لبست تنوره طويله و بلوزه ولفت على رقبتها شال كبير ونزلت عنده ودخلت المجلس وكان لوحده
راشد: وقف مرعوب من شكلها وجها محمر وعيونها مورمه و مهي حاطه غير روج وردي
مها: راحت بسرعه ورتمت بحضنه احساسها بالخواف فوق قدرتها وهي تبكي
راشد:خاف انه صاير فيها شي كبير : حبيبتي وش فيك ...ويبعدها عنه ...ليه تبكين وش الي صار عليك
مها: رجعت راسها على صدره وتبكي :راشد والله خايفه
راشد: تنهد : ياعيون راشد خلاص تعالي جلسي... ويجلسها ويجلس جنبها ويلف يدينه عليها ....خلاص ياقلبي قلت لك ما صار شي تخافين منه
ام عامر : جات بتدخل وشافته وهو يجلسها رجعت على ورا وعرفت ان بينهم مشكله وهو جاي يراضيها وخلتهم لاول مره وراحت غرفتها
راشد: يبعدها ويمسح دموعها : بس حبيبتي ...ويبوسها على خدها ...اشتقتلك ياقلبي
مها : وجها احمر : راشد
راشد: عيونه تعرفين اني ماني بقادر انام من كثر ما افكر فيك ويرجع يبوسها
مها:بخوف وحيا: راشد خلاص وبعدين
راشد : الحين بتفهميني ان كل هـ الصياح والخوف من الي صار محد راح يعرف اذا انتي ما تكلمتي
مها: شوف انت وش مسوى وتقول محد يعرف وتوريه الاثار الي على رقبتها
راشد: يقرب منها عند اذنها : وش تبيني اسوى حبيبتي اذا انتي جننتيني زين مني ما اكلتك البارح
مها: وهي خجلانه : راشد ..وتبعده عنها
راشد: ياويل حالي كيف بنام من غيرك والله مشتاق لك انتى ما شتقتي لي
مها : راشد خلاص
راشد: يبوسها على خدها آآآآآآآه مشتاق لحضنك ويبوسها
مها: تبعد عنه : حبيبي خلاص الحين تجي امي
راشد: ايه غريبه خلتنا لوحدنا
مها: حبيبي ازعل منك لا تقول عنها كذا
راشد: يرجع يبوس خدها كله الا زعل الحلوين مقدر عليه وجلس عندها لبعد الساعه 12
بيت
//...//
بيت عامر
نوره : توها راجعه من بيت اهلها بعد ما انهت كل شي مع امها لبيت اخوها و ترتيب لزواج شافت عامر داخل الغرفه بعد ما حط بناته النايمات كل حده بسريرها : عامر يزيد هو في البيت انا من امس اتصل على هند ماترد على جوالها اقلقتني
عامر : والله سيارته فيه عند البيت بس حتى هو ما قابلته على امس يمكن رايحين مكان
نوره : كيف تبيهم يرحون مكان وسيارتهم عند الباب .
عامر : يوقف عند الشباك وفعلا السياره على وقفتها امس الظهر ما حركها ..
أتمنى استمتعتم بالقراءة
ونال استحسانكم
استودعكم بحفظ المولى
16-04-09, 02:24 AM
جديد مواضيع قسم القصص المكتمله من وحي قلم الاعضاء
العرض العادي
