السلام عليكم ورحمة الله وبركاته
قراءة ممتعه ..
الفصل الثامن والعشـــــــــ 28 ــــــــــرون
*.*.*.*.*.*.*
بيت ابو ملاك
محمد: كان خلفها..... وش رايك
ملاك: تلف له وتنزل النظاره ..ليه سويت كذا من طلب منك تغيرها
محمد: ياربي وش اخر هـ الدموع ودي اشوف عيونها صافيه من غيرها ويحط يده على كتفها وبتسم : هذا اقل شي اسويه كنت ابي اغير اثاث البيت كله بس شفتك متمسكه بكل شي فيه وغرفتك عادي ما فيها شي لو غيرتيها ما يكفي انك ساكنه في بيتك ما أخذت لك بيت غيره
ملاك: بإحراج مستحيل إنسان يتحمل صدها مثله : محمد سوري ما بدي اياها تقدر تاخليها الك
محمد: ضحك على خبالها : ههههههههه وش فيك هي لنا
ملاك: تحركت تبي تبعد عن باب الغرفه
محمد: مسكها مع يدها : تعالي وين رايحه ..فهميني وش قصتك انتي
ملاك: عينها على الارض ومهي قادره تخرج حروف الكلام صعب عليها الي تقوله : من البدايه خبرتك ...وبلعت ريقها بصعوبه ..ما بدي اياك و انت اصريت تكمل كل هـ الشي
محمد: كأنه وصل للكلام الي تبي تقوله بس يكذب عقله و تكلم بهدوء : وش قصدك انا كل ضني انك خايفه ترجعين السعويه متعقده الي ابوك مات فيها
ملاك: منزله راسها ودمعتها بعينها تنهدت بصوت بابا راح بس انت بعدك عني اصعب من احتمالي بس لازم اتحمل و ظهر صوتها فيه رنت البكاء..تمنت انها تكون خرساء ولا تقول هذا الشي : انت فاهم قصدي يا اما نظل كذا.. او...او.. كل واحد يروح بطريقه..ما خلصت كلمتها الا ودمعتها على خدها
محمد:سحبها دخلها الغرفه ويسكر الباب وهو يصرخ: نععععععععم... جنيتي انتي ناظريني وعيدي الي توه قلتيه ..
ملاك:خافت منه ومن سحبته و عصبيته انه يتهور ويسوي فيها شي : بليز خلص تعبت تعبت ..وبكيت ..تركني بحالي الله يخليك وتسحب يدها
محمد:حاس عرق برأسه بينفجر منها ومن جنانها : احلمي تنفذين الي براسك سامعه..و يأشر بيده على راسها ..ويتنفس بعمق...ابي اعرف الحين انتي ليه تكذبين على عمرك ..حطي عينك بعيني وقولي انك ما تبيني ولا تحبيني ولا تحسين تجاهي بشي قولي ..وحزنه شكلها وهي تبكي وشيلتها من نص شعرها و هي منزله راسها و ماردت عليه ورجع يكلمها بهدوء....ليه تسوين فينا كذا حرام عليك ليه تبين تدفنين عمرك وما تعشين حياتك
ملاك:تمسح دموعها : مقدر اعيش خلاص مقدر
محمد:يمسكها بحنيه مع زنودها (يدها):لا تقدرين وانا معك
ملاك : بكيت اكثر ودها تحس بالامان بين يدينه وعلى صدره بس مستحيل يتقبلها بعدين وتكلمت بحرقه تقلب وهي تشهق : صعب ..صعب..خلينا نكون خوان احسن
محمد:قرب وجه منها و حزن على حالها..مهو معقول وفات ابوها تحطمها كذا : كيف اخوان.؟؟...شوفي الزوج ممكن يكون لك الاب والاخ والعم والخال واصديق ..وكل هذول عمرهم ماراح يكنون زوج لك
ملاك : بعدت عنه وهي تبكي و بدون ما تناظر عيونه : بس انا ابيك اخ وبس انت اخوي
محمد : يخنقها هذى الخبله وش اخوي الي طلعة له فيها وضحك وقرب منها :خلاص اخوك وكل شي تبينه بكونه وش تبين بعد بس وشلون نكون اخوان وانتي عيونك الحلوه تهبل بزراقها محد بيصدق انا خوان
ملاك: ثاني مره يجرحها بلون عيونها وشكلها صرخت وهي تبكي وجلست على الارض مكانها : الله يشيل عيوني وارتاح منها ..وغطت وجها وهي تبكي بصوت
محمد: صدمته برد فعلها ما توقع منها تكره لون عيونها لهذى الدرجه ليه طيب ليه ؟؟؟!!!....ويجلس قدامها : ملاك مهو قصدي ولون عيونك حلو ..ليه ياقلبي تدعين على عمرك ..؟
ملاك : رمت نفسها بحضنه وتبكي اكثر بصوت وتردد: لا تبعد عني الله يخليك
محمد: لف يديه حولها وحضنها وهي على صدره بس وش فيها ليه كل هذا الخوف مهو قادر يفهمها متناقضه بكل شي تسويه : حبيبتي راح كون معك لا تخافين
ملاك : حاسه بالأمان و خايفه من انه يضيع بلحظه لو ضلت كذا اكثر وهي مغمضه عيونها و كلامها مثل الطفل الخائف ويبكي : اوعدني ما تبعد عني مهما صار خليك مثل بابا معي على طول
محمد: يبوس راسها ويمسح عليه : ياقلبي وش مخوفك قومي الحين انتي تعبانه و صايره تهذين من كثر السهر
ملاك : رفعت نفسها من حضنه وهى خجلانه
محمد: وقف وقفها معه : قومي نامي الحين مهو وقت الكلام الوقت تاخر
ملاك : احرجها واصل اعلى حد من طيبته معها وحبه لها بس ما تقدر تنام هنا وتكلمت بصوت هامس : بروح انام بغرفه بابا
محمد : يذبحها على كلامها ولا يضحك على شكلها شعرها معفوس وجها الي صاير الوان : منتى متحركه من هنا ...ويروح ويقفل الباب و ياخذ المفتاح ويحركه قدامها بين يديه ....بدخل اخذ شور و انام بكره عندي محاضره مهمه لدكتور غثيث ابي اكون مصحصح معه ..ماابي منك حركات اطفال زايده ...ويروح عنها ما نتظر ردها
ملاك : تشوفه وهو معطيها ظهره من جده يبيها تنام هنا مستحيل واخذ المفتاح معه سمعت قفلت باب الحمام استندت على اقرب جدار و نزلت مرتكزه عليه بجلسة القرفصاء ومسحت دموعها وقلبها الي مستحيل يهدأ من رجفته وهو قربها ..مسحت عيونها للمره الثانيه وهي تشوف الغرفه الي تغيرت كثير عن غرفتها البناتيه الناعمه .. الغرفه مصنوعه من خشب الصندل لونها بني غامق السرير مرتفع وكبير ومحفور بنقش بارزه وعليه مفرش ستان مطرز مع فر ابيض وعليها مخدات باحجام مختلفه و على جنب مرمي بشكل عشوائي مفرش هندي مستطيل مطرز بالون البني والتسريحه كبيره وعليها نفس المفرش الي على السرير مع مجموعه من الشموع بحجام مختلفه ومجموعة العطور بداخل صندوق منقوش و والأبجورات من العصر الروماني وكنبه عريضه ابيض وعليها قطعه من الفرو البني الغامق و خداديتين(كوشيه) مطرزه بني وامامه طاوله محفوره مثل السرير عليها مفرش كبير مع مجموعه من التحف الرومانيه وعلى الجنب بالزاويه عند باب البلكونه طاوله كرسيين بلون الجدار والجدران بلون العسلي مرخم بنقوشات رومانيه ..ولفت انتباها امام السرير شاشه تلفزيون كبيره هذى الي كانت فاقدتها بغرفتها زمان ماتحب تحطها عشان ما يعزلها عن ابوها وتكون جلستهم سوى في أي برنامج يتابعونه ..سمعت صوته الباب وحركته بغرفة الملابس وقفت على جنب تنتظر يجي عشان تاخذ منه المفتاح وتخرج ..
محمد : اخذ شور سريع دافي وخرج لبس بجامته بنطلون نيلي وتشرت ابيض و نيلي من الاطراف ..وشعره مافيه يمشطه يدور النوم تعبان حيله مهدود ..خرج وشافها واقفه بعباتها على جنب تكلم قبلها بهدوء وهو مبتسم : لا تعبين عمرك ما راح تخرجين من هنا ...و راح تمدد على السرير وهو يثاوب وتغطى ونقلب على جنبه ..
ملاك : واقفه تناظر فيه مستحيل من جد يتكلم وين انام هنا وتحركت لغرفة الملابس و سكرت بابها و قفلته انا فرجيك كيف راح نام هنا ..و فتحت الدولاب تشوف لها شي تنام عليه بس ما فيه كل المفارش بمكانها المخصص اسفل و شافت بطانيه خفيفه وفيه كذا مخده ريش كبيره رمتها على الارض عند الدولاب ..وتنزلت عباتها وجلست عليها و هي متغطيه بالبطانيه ..
محمد : من التعب حط راسه على المخده وعارف انها بطول بالحمام ويبيها تطمئن اذا حصلته نايم ممكن تجي تنام على السرير نام على طول ..
//...//
بيت ابو عامر
ما كلمها من بعد الي صار في السوق غير انه عرف برجوعها للبيت :
مها : اتصلت عليه حصلته مشغول والمره الثانيه ما رد عليها رجعت دقت : الو السلام عليكم
راشد: كلمها بكل حزم : وعليم السلام خير مها فيه شي متصله
مها : بكيت راشد حرام عليك ليه تسوي فيني كذا انا وش سويت
راشد: ابد سلامتك
مها: راشد حرام عليك انا احبك
راشد: مها انا ما قلت شي وانا بعد احبك
مها: تبكي وتمسح وجها وانفها بالمنديل :لو تحبني كان رديت علي
راشد: انا قلت لك عشان ما اعذب نفسى خلاص خلينا لغايه يوم العرس وما نشوف بعض
مها: خلاص انا موافقه اني اخرج معك
راشد: وليه غيرتي رايك
مها: حبيبي مابيك تزعل علي
رشد: هااااه بنتي على حقيقتك وعرفت اطباعك قال اهلي مهم موافقين: خلاص حبيبتي لا تبكين انا ماني بزعلان
//...//
بيت ابو ملاك
ملاك : صحيت الساعه خمسه وحاسه بتكسير بكل جسمها ورقبتها تألمها من وضعيته نومتها الغلط وهي جالسه تحركت بصعوبه اخذت اغراضها ودخلت الحمام اخذت شور دافي وطولت عشان يزيل التعب من جسمها وجففت شعرها بالمجفف الموجود بالحمام ولبست بنطلون جينز فاتح وبلوزه اخضر طويله بكم طويل واحتارت وين تصلي الفجر فتحت الباب وعينها جات على السرير على طول شافته بسابع نومه ومرتاح الاخ وهي متكسره عظامها لها يومين من نومتها الخطا خرجت بهدوء وشبشبها اظهر صوت نزلته ومشيت من غيره فردت سجادتها وصلت خلصت صلاتها وهي حاسه ببروده التدفئه ضعيفه بالغرفه ..رجعت لبست جكت ابيض قصير على الخصر وبوت ابيض ..ومعدتها بدت تظهر اصوات تبي تنزل تاكل شي ..قربت منه يمكن يكون المفتاح على الكمدينو مدت راسها تحاول تشوفه مافيه شي تاففت ما تدري وين حطه اذكرت انه هو ماخرج به بعد ما استحم اكيد بدولاب الملابس ولا في الحمام راحت بسرعه تدوره بالدولاب على السريع ما شافت شي و دخلت الحمام تلف بنظرها في كل زاويه فيه و فتحت الصيدليه مافيها شي رفعت يدها تشوف فوقها وفعلاً موجود سحبته بسرعه وهي تضحك على غبائها ليه ما دورته من البارح وتسحبت خرجت بهدوء ونزلت الصاله ودخلت المطبخ و سوت لها نسكافه واخذت فطيرة تفاح وخرجت للحديقه الداخليه المواجه للصاله وجلست على المرجيحه
محمد: صحي على فتحتها للباب و قام وهو يضحك شكلها ما خلت مكان ما دورت فيه لين حصلته وشاف الجهه الثانيه من السرير مهي مرتبه ابتسم معناه انها نامت هنا بس كيف ما حسيت فيها ...ما يدري انه من التعب هو ما حس بعمره انه يتقلب و عفس السرير كله قام بعد ما خلص صلاه ولبس نزل شاف باب الصاله مفتوح وهو عند الباب : صباح الخير
ملاك:بدون ما تلف خلفها : صباح النور
محمد: قرب وجلس عندها واخذ الكوب من يدها وشرب منه
ملاك: ناظرته بقوه لمن سحب الكوب من يدها : شو بتعمل بدك بروح اعملك
محمد: لا هذى غير تنعش مع الصبح
ملاك:قهرها كيف بيخرج حضرته وريحة عطره على بعد مسافه تفوح وراتها تشبعت من ريحت عطره ....وتوقف
محمد: يشرب من القهوه : على وين
ملاك : بدي روح جهز اغراضي
محمد: توه بدري محاضرتك الساعه كم
ملاك: ثمنيه
محمد: جلسي ابي اكلمك
ملاك: خير شوفيه
محمد: وش فيك بظلين واقفه ويمسكها ويجلسها ويتامل يدها قربها من انفه يشمها
ملاك: اربكتها حركته الي ما توقعتها
محمد: باسها بطن كفها : ليه متحنيه الحين كيف تبين تخرجين كذا يدك حلوه من غيره كيف وعليها النقش
ملاك: سحبت يدها وضمت كفوفها بخجل : ماما طلبت منى اسويه
محمد رجع مسك يدينها و يتأمل النقش الناعم جاي على جنب من يدها على صباعها الصغير (الخنصر ) ويعرض اخر الكف ومن الامام بنفس الطريقه..البس شي طويل يغطي يدك ما ابي احد يشوفها
ملاك:طيب ممكن اترك ايدي بدي روح
محمد : نزل الكوب على الارض و تكي قريب منها وهو يتأمل وجها و يمرر اصباعه على حاجبها ويكلمها بهمس :ممكن طلب كمان ..
ملاك : صارت تتنفس بصعوبه وتبلع ريقها وغمضت عيونها ويديها ترجف
محمد : ليه مغيره لهجتك ما بيك تتكلم بغير لهجت اهلك
ملاك : بعدت وقامت عنه بسرعه ودخلت وطلعت غرفها بسرعه وهي حاسه تنفسها بيوقف
محمد : ما لحقها من رد فعلها و سرعتها.. ودخل وشاف روز بوجهه
روز: صباح الخير استاذ بدك حضرلك فطور
محمد: صباح النور..ايه روحي حضريه…مهو منك مغيره لهجتك وكل البيت من حولك نفس الهجه..
ملاك: ترمي الجكت الي عليها على السرير وتمسح دموعها بصعوبه وهي حاسه بختناق رحت عند الدولاب وجلست وظهرت علبتها الي شافتها وسحبت منها جلال الصلاه واستنشقته بصعوبه وجلست فتره مكانها على الارض لغايه ما قدرت ترجع لطبيعتها وتقدر تتنفس و رشت من العطر الي بالعلبه شوي على يدهَا ورجعت الاشياء مثل ما كانت و دخلت غسلت وجها وغيرت بلوزتها ببلوزه كمها طويل يغطي الحناء وماسك على الكف واخذت جهازها تفتح الاب توب وتكمل شغلها وتجهز اغراضها و عقلها مشتت شكله ماراح يتركها بحالها ابد ..جاتها روز تطلب منها تنزل للفطور جمعت اغراضها واخذت بالطوا بيج متين و ايشاربها و نزلت ..حاولت ما تناظره جلست معه أفطرت ..
محمد : شاف وجها محمر بزياده فضل انه يتامل تصرفاتها بصمت لين ما يشوف وش الي يضايقها ..خلصوا فطورهم وخرجوا والجو كان بارد وفيه هواء ..شغل الراديو على fm ..وكانت فيه اغنيه قديمه لمحمد عبده
القصيده كلمات الامير بدر بن عبدالمحسن
أنا حبيبي بسمته تخجل الضي
يكسف سنا بدر الدجى من جبينه
راعي العيون الناعسه رمشها فّي
وإن سلهمت ذاب الحشا من حنينه
له نظرةِِ لا هي سَرابٍ ولا مَيّ
راعي الهوى تفنى وراها سنينه
نور الصبايا .. بسمة الدّار والحيّ
نوره ولا شمس الضحى تستبينه
دامه معي أغلى الحبايب فأنا حّي
بالقلب أضمّه يوم قلبي ضنينه
له في ضميري من لهيب الوله كي
روحي معه عذب المناجى رهينه
ياصاحبي لا تنشد الروح عن شيّ
أنا حبيبي .. نور كل المدينه
محمد: خفظ على صوت المسجل وهو كان يردد معها : وش فيك منتي قادره تتنفسي عندك صعوبه بالتنفس في الشتاء
ملاك : فاجائها تفسيره لصعوبة تنفسها ردت بهدوء : لا
محمد وهو قريب من الجامعه دق جواله ..الو
فيصل: السلام عليكم
محمد: وعليكم السلام
فيصل: صح النوم وينك يالمعرس
محمد: توني وصلت انت وين
فيصل: ايه اشوي ظنيتك بسابع نومه الله يعينك عرس ودراسه نكد اسالني انا
محمد: عينه عليها يبتسم معرس عروسته خوافه شكلي بنحرها اليوم :هههههه اخلص وينك الحين
فيصل: ههههه ياعيني على الرايق تعال عند ...
محمد: خلاص جايك سلام .
فيصل: سلام
محمد: يالله نزلنا
ملاك: شذو معه
محمد: ما سألته بس أكيد معه
ملاك: فتحت الباب ونزلت معه..على خوفها من قربه اذا كانت لوحدها في الاماكن العامه ودها تكون ماسكه بيده وتحس بقربه اكثر وحمايته لها انتظرته وقربت منه وهو يمشي
محمد: السلام عليكم
..وعليكم السلام
شذى: توقف تسلم عليها : صباح الخير
ملاك: صباح النور
شذى: تكلمها عند اذنها : شكلك يجنن و انتي ما شيه معه وجهك يقول انك راضيه عليه صح
ملاك: شذو تعالي نروح
شذى: ههههه يالله باي
فيصل : على وين
شذى: نبي نروح نشوف البنات
فيصل: اوكي اذا خلصتي محاضره وين احصلك
شذى: مدري اكلمك لا خرجت باي وتمشي وتمسك ملاك مع يدها ..وش فيك مكسوفه مننا كذا حتي ما ودعتيه قبل ما تمشين
ملاك: شووو
شذى: ههههههه وش فيك منتي معي ياعيني تضحكين علي و انتي الي عقلك مهو بمعك يبيلك احد ينتبه لك الحين
ملاك: سكتي عني انتي وين بدك تروحي
شذى: نبي نروح عند البنات ريم توها مكلمتني
ملاك: اشتقت لها لي اكثر من اسبوعين ما شفتها
شذى: وانا مثلك شوفيها
ريم: هلا والله من طول الغيبات جاب الغنايم
شذى: تسلم عليها هههههههه اشتقت لك وش اخبارك
ريم: الحمد لله انتي وش اخبارك وكيف الرياض واهلها ؟؟...
شذى: تسلم عليك وتتمنى شوفتك وتشمين هواها
ريم: الله يسلمها ويسلم كل غالي فيها ..فديت هواها يارب ..و تسلم على ملاك مبروك ياعسل
ملاك: الله يبارك فيك
ريم : جبتي صورك ابي اشوفها والله كان ودي احضر عرسك
ملاك: تبوسها اعرف حبيبتي
ريم : احكيلي كيف كان
شذى: فاتك يجنن و فيه الشريط انجي جبتيه معك
ملاك: ايه
ريم : ياااي شوقتيني الله يهنيك يارب ويسعدك معه
ملاك:ردت بخجل : امين
شذى: وين البنات مهم معك
ريم : راحوا يخذون فطور..اليوم تاخرنا في النوم ومالحقنا ناكل شي
ملاك : ناظرت شذى بقوه ..لانها من يوم الي صار رافضه انها تجلس مع جود وتقابل ريم و امل لوحدهم وقد ماحاولوا يجمعونها معها ترفض ..
امل : هلا والله بالعروس ..والداشره الي هادتنا ورايحه مع رجالها من بدري ..وسلمت عليهم
شذى : وهي تضحك : ماداشره غيرك يالدب وش فيك منتفخه
امل : من كثر الاكل تعرفيني اذا جاء البرد لازم ازيد كم كيلو
جود : وقفت على جنب
امل : مبروك انجي..
ملاك: الله يبارك فيك عقبالك
...امين
جود:تقرب من ملاك وهي منحرجه لدرجه كبيره : انجي ..اسفه على الي صار.. وبكيت حاسه انها اقل منهم بأشياء كثيره..
ملاك: كانت بتبعد بس لمن شافتها تبكي هي كمان شتاقت لها تحضنها هم الثنتين مالهم يد بالي صار : انا الي اسفه ما كنت اعرف انه هو
جود :انا الي اسفه انتي مالك ذنب تبوسها قالولي البنات..بس ابيك تسامحيني والله عرفت حجم غلطتي ..
ريم : الحمد لله اخيرا رجعنا مع بعض
امل: والله شتقت لجمعتنا كلنا
//...//
بيت يزيد
يزيد : نزل من غرفته وهو يصرخ بصوت عالي : هنـــــــــــــد
هند : كانت جالسه في الصاله اسفل و الاب توب مفتوح قدامها
يزيد :نزل وشافها وهو بعده يصرخ : وين جوالك هاااه ردي علي
هند: ردت بهدوء له يومين ما تدري وش فيه بس يصارخ واليوم من يوم جا من الدوام وهو نظراته غريبه لها : مدري يمكن فوق و سكرت شاشة جهازها
يزيد بس شافها سكرته جن اكثر وقام يصارخ وهو مقرب منها : وش عندك سكرتيه هاااه ما تبيني اشوف مصايبك وبلاويك ..
هند بصدمه : انا...؟؟!!!
يزيد : شاف الجوال على الكنب الي على الطرف شاشته تنور ويتكلم بحده : هذا الي متدرين عنه خاشته عني ... وياخذه بكل عصبيه وحصل 30 مسج و 40 اتصال وكلها ارقام داخليه ودوليه .. و اول واحد فتحه كان دولي ..(اذا ما تبين تردين ليه تعرضين رقمك وصورك تهبل...يا بنت .... ) ...حذفه جنبها ومسكها مع شعرها ..بجنان و ثوره ..وهو يصرخ ..وش الي نقصته عليك ردي ياحماره ردي ياخايسه ويعطيها كف ليه ليه شلتك من العيشه الخايسه الي كنتي فيها ..ويعطيها كف ثاني ..ويخنقها مع حلقها ..ويصرخ بجنان ...رديييييييييييييي
//...//
فيصل: وش اخبارك ان شاء الله مرتاح
محمد: الحمد لله يالله مشينا ..خالد متي محاضراته اليوم
فيصل: مثلنا نشوفه بالاستراحه
بعد ما نتهو من المحاضره
العيال: السلام عليكم
..وعليكم السلام
شذى: وش فيكم واقفين جلسوا
فيصل: وش اخباركم بنات عيدكم مبارك مع انها متاخره
البنات :..عساك من عواده
محمد: يميل جنبها ليه جالسه معهم
البنات: مبروك محمد
محمد: تعدل الله يبارك فيكم عقبالكم ويكلم ملاك بصوت واطي : هذى وش تسوي معكم
ملاك: مين
محمد: جود
ملاك: تناظر فيه : نعم وشو دخلك انت
محمد:اموت بلي يغارون
ملاك: انا اغار عليك انت احلم وتوقف قوم ماراح تجلس معنا روح لوحدك ..
محمد : ضحك من قلبه بنتعاش على غيرتها :ههههههههههههههههههه
خالد : جايهم وهو مهموم من اول ما خرج يحاول يكلمها ماترد عليه ولا فكرت انها تطمن على وصوله غير بمسج : خير ضحكنا معك
فيصل: وهو واقف على جنب : اتركه من يوم عرف ان عندنا اختبار وهو متنكد ويدعي على الدكتور
شذى: ليه متى اختبارك
فيصل: الأسبوع الجاي...وماده مهي بسهله
خالد: ليه مقدمين الاختبار
محمد: حضرته يبي يسافر ويقول ما يأثر لو تقدم الاختبار أسبوع
شذى: اوف حتي احنا عندنا بحثين توه يطلبها يبيها واحد هذا الأسبوع والثاني الأسبوع الجاي..وش فيهم علينا
ملاك: توقفت وتشيل اغراضها : بنات اليوم مثل ما تفقنا تجو للعشاء
خالد: وحنا محنا معزومين
ملاك: ولو شو انت من اهل البيت
شذى:قرصتها بيدها وسحبتها لها وتهمس بصوت واطي : إنتي خبله توك معرسه وتعزميهم..وش قلت لك انا
ملاك: شو فيها
شذى: لا تخليني اذبحك الحين محمد أكيد يبي يجلس معك لوحدكم
ملاك: ضحكت على عصبيتها :تصدقي اريح لي
خالد: دق جواله .. مسج من منى ...سلااام اشوفكم بعدين ..وراح عنهم
//...//
بيت ابو عامر
راشد: يالله حياتي انا عند البيت
مها: انا عند الباب المدخل وينك فيه
راشد: تعالي برا ما راح ادخل جوه
مها: حرام عليك تبيني امشي كل هـ المسافه تعال ما فيه احد بالبيت
راشد: زين الحين ادخل ويدخل
مها: السلام عليكم
راشد: هلا حبيبتي وعليكم السلام
مها : حياتي وش فيك قلت لك امي مهي فيه وابوي اليوم مسافر الشرقيه بيظل يومين
راشد: والخدم ممكن يخبرون أي احد
مها: لا محد شافني وانا خارجه انت وين تبينا نروح
راشد: يبتسم خليها مفاجئه بتعجبك أكيد
مها: لا تحرق لي اعصابي ماحب انتظر خبرني الحين
راشد: لا حياتي كلها ربع ساعه وتشوفين ..المهم امك متى بترد البيت
مها : هي معزومه على عشاء بالمزرعه ما راح ترد قبل وحده ليه عمتي ما راحت معها
راشد: مدري عنها ويمسك يدها الحين خليك منهم وفكري فيني وبس
مها: حبيبي انت فبالي على طول
//...//
في الجامعه
ملاك: قربت منه ليه واقف يالله
محمد: يالله امشي
ملاك: باي بنات وتروح معه وهم بالسياره
محمد:بتجننه وكلمها بزعل : كيف تعزمينهم الحين وش تبينهم يقلون عنك
ملاك: شو فيها ..
محمد: تكلم بحنيه : جود بتجي معهم
ملاك: لفت تشوفه بقهر لو بيدها شي ضربته على راسه : ايه بتجي وشو دخلك انت فيها
محمد: ماقدر يمسك ضحكته : ههههههههههههههه تصدقين البنت حلوه وش رايك فيها تنفع تكون زوجه لي
ملاك : شوووووووووو وشرقت .. باللبان(العلك) الي في فمها بلعته من صدمتها ..
محمد : مات ضحك مهو قادر يساعدها وهو يضحك حاول يضربها على خفيف على ظهرها وهو يشوف كيف عيونها تدمع من شرقتها :ههههههههههههه يا غيوره انتي عندي وتبيني اناظر غيرك
ملاك: مهي قادره ترد عليه من شرقتها ومقهوره ماتتخيله مع أي وحده ثانيه مهما كان : محمد خلص
محمد: ههههههههههههه
ملاك: وبعد ماهدت شوي بس القصه بحلقها تبي تبعد عنه عشان تقدر تبكي براحتها : بدي روح الصالون
محمد: متى الحين
ملاك: ايه
محمد: خليه بعد الغداء
ملاك: لا بدي روح نزلني وبعدين ارسل السواق
محمد: لا راح انتظرك بطولين
ملاك: لا وين تنتظر
محمد: بالسياره يعني وين بالصالون الا على فكره انتي ليه ما تحوليه كله للمحجبات
ملاك: ليه العاملات الي فيه كلهم نساء ما تفرق و ممنوع دخول الرجال
محمد: سوى الي يريح انتي وش تبين منه و انتي منتى مطوله
ملاك:وعينها على الطريق : بدى اخذ الفواتير المفروض الجرد يكون الاسبوع الماضي خالتو الله يرحمها كانت كل شهر تجرد المحل
محمد: الله يرحمها اوكي لا تطولين جيعان ابي اروح اتغداء
ملاك: اوكي بكلم روز تجهز الغداء
محمد: لا نبي نروح نتغداء برا ما يكفي العشاء عازمه البنات
ملاك: (ياربي ساعدني ) محمد خلها بكره اليوم بروح اجهز للعشاء و عندي دراسه وغير الجرد
محمد: ايه الي يسمعك يقول تبي تطبخين بنفسك وكمليها وبعده عندك اختبار وعازمه البنات على الغداء قولي ما تبين تروحين وخلصينا
ملاك: محمد
محمد: صد وجهه عنها مهو داري كيف مكن يتصرف معها وما يبي يجبرها على شي غصب عنها : خلاص نزلي وصلنا لا تطولين
ملاك: نزلت وما ردت
//...//
بعد العشاء
البنات مجتمعين في الصاله الي اسفل ..
امل : واااو روعه انجي يجنن شكلك
ملاك: عيونك الحلوه
ريم : ما توقعت محمد كذا باين عليه خجول
جود: الله يسعدك ويهنيك
ملاك: حست بغيره فضيعه من جود من يوم شافتها و ماكان ودها تشوف صورها ولا الشريط وردت برسميه : تسلمين
شذى: يالله انجي انا بروح فيصل اتصل
ملاك: بدري بعدها سبعه
شذى : لاحبيبتي بدري من عمرك باي بنات
ريم : يالله حتي احنا بعد لازم نروح
ملاك: وين رايحين انتم بعد
امل: لا حبيبتي زوجك أكيد يبي يجلس معك
جود: سكتت وتمنت انها ما شافت الصور لانها تقلب عليها كل شي تتمناه يصير لها صار مع ملاك ..
ملاك: انتظروا خلو السواق يوصلكم
امل : وش فيك نسيتي ان معي سياره
ملاك: اوه سوري
بعد ما ودعت البنات دخلت المكتب وتكمل شغلها ودق جولها ..الو
محمد: حبيبتي البنات راحوا ولا بعدهم فيه
ملاك: لا راحوا
محمد: اوكي باي وقفل دخل الصاله ما حصلها روز كانت ترتب ..فين المدام
روز: بالمكتب
محمد: ويروح يدخل و يجلس : وش عندك
ملاك: اكمل الجرد
محمد: هاتي اساعدك
ملاك: لا خلصت وتقفل الكمبيوتر وتوقف
محمد: وين رايحه
ملاك: بطلع انام ليه فيه شي
محمد: ابد سلامتك
ملاك : تطلع وهو معها وتروح بتدخل غرفه ابوها
محمد: مسكها مع يدها : روحي نامي بغرفتك
ملاك: ما بدي
محمد: عصبته مهو معقول الي تسويه ورفع صوته : اذا مهي بعاجبتك من بكره روحي غيريها... مثل ما تبين اعطيك بطاقتي واشتري ...لين متى تبين تضلين كذا فهميني ..ويدخلها غرفتها ويسكر الباب ويكلمها بهدوء ..سمعيني زين ما يصير الي تسوينه انا زوجك ولي حق عليك ..وقرب منها يبي يبوسها..
ملاك : شافت الرغبه بعيونه جنت وصرخت فيه بكل صوتها و صارت تضرب بيديها في الهواء: بعععععععععععععععععععد لاااااااااااا
محمد : كتف يدها ضربه من يدها جاته على جنب وجه يصرخ : بنت بلا جنان ودلع وش صاير فيك
ملاك : بعد لا تلمسني الله يخليل دخيلك لاااااااا وتبكي بشكل هشتيري ..
محمد: لفها له تواجها : ليه وش فيك قولي انطقي ...ما ردت عليه وزاد صياحها ..مستحيل تسوي كذا الا اذا كانت وضغط بكل عصبيه على يدها ويتكلم وهو مسكر على ضروسه : انتي بنت ولا لااااااااااااااا انطقي ردي
ملاك : طاحت بين ايدينه على الارض مهي قادره تتنفس
محمد : يصرخ : ردي لا اذبحك الحين ....و يمسكها مع وجها انطقي ..وبيجن لو ما تكلمت معد يهمه ان شاء الله تختنق بس اهم شي يعرف
ملاك : بصعوبه خرجت الكلمه وهي تشهق بهلع وعيونها مركزه على عيونه : لـ..اااااا
أتمنى استمتعتم بالقراءة
استودعكم بحفظ المولى
10-04-09, 07:58 PM
جديد مواضيع قسم القصص المكتمله من وحي قلم الاعضاء
العرض العادي
