السلام عليكم ورحمة الله وبركاته
النت معلق معي مايفتح الصفحات بسهوله و حاولت انزله بس رجع قطع و ضاع علي التنزيل للبارت ..
(انحذف الاهداء وتم اعدته بواسطة ام لولو جزاها الله الف خير )
بارت اليوم ..اهديه الى من انتظرت طويلاً لترا من ربطت بينهم بعش زوجيه سعيد وأعلنت خطوبتهم من قبل أشهر و أشنت عليها مظاهرات.. مذهله فلترقى طربا مع أنقام العرس ولتسعدي بهذا البارت ..
قراءة ممتعه ..

هل الحلم وهم ام حقيقه..كثير من الناس اصبح يخلط بين كلمتي الحلم والتمني..لانها بنظره كالمرآة تعكس ما يدور بداخله ..فالحلم هو ما يراه الشخص بمنامه نتيجة تراكم لأحداث و ما يدور بداخل النفس من محدثات الحياه


اما التمني : هو ما يريد تحقيقه للوصول الى هدف وغاية محدده ..


وملاك اصبح عندها التباس وخلط بين الاثنين عندما شاهدت صورتها العاكسه في المرآه وهي بفستان زفافها لم يخطر في بالها يوما انها تفكر في ارتدائه كان بمثابة الحلم بل السراب لانها لا تستطيع لمسه مهما ركضت خلفه ..وتجمعت الدموع في عينها ..و افزعها صوت منى


منى : الحين بطولين تتأملين شكلك لا تخافين بيعجبه زين ما انهبل عليك ..


ملاك : بصوت كالصفير لاضطراب تنفسها : منى بليز بلا هـالكلام خلاص ساعديني ..


منى: وهي تناظرها بتمعن : تعرفين أغباء منك ما شفت انتى الحين ليه خايفه و انتي بتضلين عند امي فيه احلى من كذا..


ملاك : تردد بداخلها ..ياليت اعيش بحظن ماما بس.. آآه لو محد بعدني عنها و ظليت بحضنها ما كان صار الي صار .. وبعد ما استلموا الفستان ورجعوا البيت ملاك تسوق بصمت حاسه انها حامله معها كفنها بين ايديها دخلوا البيت و محمد كان جالس بالصاله يعلم احمد لشطرنج..واحمد يتافف ما يحبه يبي أي لعبه إلكترونيه


ام احمد: السلام عليكم


محمد: وعليكم السلام


احمد : بحركه طفوليه طيح حجار الشطرنج و قام بسرعه وهو يضحك على محمد الي التفت له يهدده بنظرته : ماما طولتوا ليه تقوين ساعه وتردين ليه ما خذتيني معك زهقت لوحدي


محمد: سحبه مع بلوزته و يكتفه بيدينه مقهور منه دلوع امه : يالنصاب زهقت و انت فار راسي من محل لمحل تدور على لعبه ..


احمد : وهو يضحك : خلاص ياشيخ توووبه ما عيدها بس شتقت لماما والبنات


محمد: تضحك بعد ..و يضغط مسكته عليه


احمد: خلاص دمعته بتنزل : خلااااص فك يدي


محمد: بتهديد : ياويلك تصيح انت رجال سامع محد يشوف دمعتك


ام احمد : تجلس عنده وتسحب يده وتحضن احمد بحنان وتلوم محمد : هذا الي علمته لك ..الرجال ما يعيبه دمعته اذا نزلت لخشيه وخشوع الربه ولا لحق او ظلم او ضيم جار عليه الي يعيبه هيبته وكلمته للحق اذا راحت بين الرياجيل ..


محمد: ياسلااام عليك يالغاليه المفروض يعينونك تربين هالجيل الي طالع ..بس انا ما ابيه كل من كلمه نزلت دمعته ابيه عنده شده وصلابه


ام احمد : الشده والصلابه بيكتسبها مع الوقت هو بعده صغير ..ويعيني وين يبي يروح عنك وعن ابوه لا تخاف عليه بس لا تعقده عاد ..


دخوا البنات ومي ومنى شايلين علبة الفستان وملاك خلفهم بيدها علبه صغيره ..وكيس حطوا الاغراض على الارض عند الباب ..


محمد يبي يشوف رد فعلها مع انه مرتاح لتصرفاتها هذا الاسبوع وحاس انها تغيرت كثير عن قبل وهو عينه عليها : خالتي جهزوا ترى حجزت بكره الرحله


ام احمد: الساعه كم


محمد: شافها ناظرته بتركيز وتكلم على مهل : الساعه ثمنيه الصبح


ملاك: رمت الكيس الي بيدها وطلعت غرفتها


محمد: تنهد بداخله ولف يناظر خالته


ام احمد: ماعليك منها بكلمها


مي : خالتي وش فيها صاير شي


ام احمد: ما فيها شي أكيد خايفه مثلك ولا نسيتي وش سويتي فيني اطلعوا رتبوا أغراضكم بطلع اشوفها


منى : تجلس ليه تبونا نرجع الحين بعده باقي وقت ما لحقنا نستانس بالسفره مالي دعوه ابي اروح ملاهي التون تاور معتبرها جيه لهنا اذا ما رحت لها


احمد :قام مسك امه قبل تمشي وبصوت كله فرحه وصراخ : ماما الله يخليك نبي الملاهي


محمد: مهبل انتم الاثنين متى ناوين تعقلون أي وقت الي تبون تروحون لها الحين


منى : تناظر ساعتها : لا فيه وقت توها ما صارت وحده قوموا الحين


ام احمد : منى بلا جنان قومي رتبي شنطتك الحين ..


منى: تقوم تبوس راسها : امي والي يعافيك خلي روز والخدم يرتبنها لنا كل شي بس خلينا نروح الحين بسرعه .


مي : شوفوا اذا تبونا نروح عشان ملاك تغير جو لانه بحزنها على ابوها فقدت مرحها


محمد : يناظرها ما هقيت يا مي ان الي فيها بس حزن ياليتك قدرتي تخرجينها من الي هي فيه : انتي تشوفين كذا..يمكن ما ترضى تروح


مي : ايه لازم تغير جو


منى: ياسلااام الحين عشانها بتوافق ..بس مهو مشكله اجيبها من شعرها بس اهم شي توديني ..


محمد: صرخ بصوت عالي : مـــــــــــــــنى


منى: خشت خلف امها : امي لحقي علي...خلاااص توبه ما قول شي بس وديني ابي اروح


ام احمد : وهي تضحك : بعدي عني كسرتيني خلاص محمد اذا ماعنك شي وديهم ..


منى: تبوسها بقوه : يااااااااااااارب يخليك نصر الكل مظلوم


احمد: بفرحه ويبوس راس محمد : تكفي دخيلك يالشيخ تودينا هاااه تراني طالبك قول تم


محمد: وهو يضحك : اوف طلعت علوم الرجال خلاص تم دام الغاليه قالت نروح نروح وش عندنا بسرعه خمس دقايق وانتم بالسياره


منى واحمد من فرحتها طلعوا ركض مع الدرج الكل يبي يجهز


ام احمد : الله يهديهم ويصلحهم هالثنين


محمد: يوقف : امين ويهدي هالمخبوله مدري وشلون بتعرس


ام احمد : تتنهد : الله يعينا عليها ويهديها ...وتطلع وتدخل غرفتها وتحصلها جالسه في البلكونه ...حبيبتي وش فيك


ملاك: سمعت صوتها كانها كانت تنتظره عشان تنزل دموعها بكيت و لفت ورتمت بحضنها وهي تبكي


ام احمد : حضنتها وهي شايله همها : حبيبتي صحيح الظروف الحين مهي بمناسبه بس وش تبينا نسوي


ملاك:صوتها مهو واضح لان وجها بكتف امها : ماما الله يخليك ما بدي اتزوج


ام احمد: تدخلها وتجلس معها على السرير : حبيبتي صحيح ابوك الله يرحمه ما صار له شي متوفي بس يرضيك اناس تتكلم فيك


ملاك: ما بيهمني


ام احمد: حتي سمعت ابوك ما تهمك هم مهم بقايلين ملاك سوت بيقولون بنت خالد سوت يهون عليك ابوك الله يرحمه يقولون بنته ساكنه مع واحد حبيبتي الناس ما تعرف انك ملكتي وعمتك الي اقرب شي لك تكلمت عنك بالشين ما بالك بالناس.. يا يمه كلها كم يوم وبتردين ومحد راح يتكلم عنكم ساعتها يالله حبيبتي اذا تحبين ابوك ولي خاطر عندك لا تبكين


ملاك: تحط راسها على رجل امها وتبكي


ام احمد: يابنتي من وشهو خايفه محمد يعزك وبيحطك بعيونه وابيك انت بعد تحطينه بعيونك وتحافظين عليه لاني شايفتك يايمه ما تعطينه وجه يا بنتي انا لو ماني بشايفه انه يصلح لك ما كان خليته يتقدم وياخذك


ملاك:خلاص ما بدي فرح


ام احمد: حبيبتي حاسه فيك بس وش نسوي لعمك وبعدين هو صادق الناس مالها الا الي تشوفه وتسمعه و انتي يابنتي كلها كم يوم بتعدي ماراح تشعرين فيها بننشغل هناك بتجهيز ما راح يكون عندك فرصه تفكرين قومي حبيتي غسلي وجهك ولا تزعليني منك ..وأبيك تنسين كل الي صار عليك قبل اذا خايفه منه محمد ماراح يضرك بشي ..وترفعها عن رجلها وتناظر وجها ..قومي البسي اخوانك ينتظرونا اسفل بنخرج الحين





~~ ***




بيت ابو عامر :




في المجلس




ابوعامر : هلا حياك ياولدي



راشد: يتكلم بكل هيبه و الي يسمع نبرت صوته يحس برهبه منها : الله يحيك ويسلم على راسه وش اخبارك



ابو عامر: الحمد لله بخير وش علومك وكيف الوالد عساه بخير



راشد: الحمد لله وش اخبار العيال وينهم ما في احد منهم



ابو عامر : لا اليوم ما جو



ام عامر : السلام عليكم



... وعليكم السلام



راشد: يوقف ويسلم على راسها ولقط شرارت عيونها وبادلها بامثل : وش اخبارك ياعمه عساك بخير



ام عامر: الحمد لله بخير انت وش علومك



راشد : الحمد لله بخير



ام عامر : مقهور الي جايهم الساعه تسعه وهي لابسه و تبي تخرج و مرت تشوفه وهي لابسه عباتها ما ترتاح قبل تعطيع الكلمتين الي بحنجرتها الذهبيه و تناظر بساعتها : امك وش فيها ادق عليها ما ردت هي مهي برايحه للعرس اليوم



راشد: مايحب نظرت الشماته الي بعيونها و رد عليها بكل كبره : يمكن ما سمعت جوالها عندها خالتي مجتمعين



ام عامر : كان خبرتني انها مهي برايحه



راشد: والله مدري عنها كلميها وشوفي



ام عامر : يصير خير يالله مع السلامه ابو عامر لا تجلسون بالمجلس البيت فاضي ما فيه احد خذ راشد واجلسو بالصاله و تخز راشد بنظرها يعني افهمها زين ..



ابو عامر :يوم سعده يوم مايشوف وجها : الله معك تيسري



ام عامر: مع السلامه وخرجت وقابلت مها بتدخل وتهمس قريب منها : مثل ما وصيتك جلسي بالصاله عند ابوك و تراني موصيه الشغاله تراقبك خلها بس تقول انك الوحدك معه وشوفي كان ما رويتك



مها :ملت من كثر ما تعيد وتزيد عليها بالكلام و حتى لبسها خلتها تغير الي كان عليها بنطلون وتوب وجكت خفيف لجلابيه فخمه : زين ..وقفت لغايه ما خرجت امها ودخلت وهي خجلانه من وجود ابوها وبصوت واطي : السلام عليكم



...وعليكم السلام



راشد : وقف



مها : مدت يدها وصافحته وهي خجلانه من نظرات ابوها



راشد: ضغط على يدها وبتسم لخجلها : وش اخبارك



مها :الحمد لله وش اخبارك انت



راشد: بخير دامنا شفناك يالغاليه



مها : حمرت خدودها



الشغاله : بابا فيه رجال كلام يبي انت برا



ابو عامر: يالله عن اذنك بشوف منهو الي جاي ..



راشد : اذا بيطول عندك الرجال ياعم بجيكم شوي



ابو عامر : خلني اشوف منهو واكلمك البيت بيتك منت بغريب



راشد : تسلم يا عمي ..وبعد ما خرج عنهم.. ليه جالسه بعيد تعالي هنا



مها : بخجل حتى كلمة حبيبي مهي قادره تقولها الي عادي تنطقها بالجوال وهو مهو قدامها :مهو بعيد



راشد : يقوم ويروح عندها : وش فيك بتخجلين مني ويقرب منها ويبوس خدها ليه ما سلمتي علي قدام ابوك



مها: راشد



راشد: تخجلين تسلمين على رجالك وش فيك الحين لو واحد من اخوانك جا مهو بتسلمين عليه



مها : ايه



راشد: انا اولي منه آآآه ياقلبي مشتاق لك و يلف يده على كتفها حبيبتي بضلين كذا مكسوفه ما صارت يقرب منها ويبوس خدها



مها :راشد خلاص ..بروح اجيب العصير



راشد: انا ابي اجلس معك انتي مهو اكل واشرب



مها: ترفع راسها : حبيبي تعال انا مجهزه لك عشاء



راشد: وين لا تقولين بالصاله أكيد امك موصيتك توها قالتها لي



مها: ابتسمت لا بالمجلس الثاني







~~ ***





بعد خمسه ايام




ملاك خلال هذى الايام كانت بغرفتها ما تخرج منها ورفضت تختار أي شي للعرس وتجيها شذى تجلس معها واكثر وقتها صامته تحاول تبتسم بوجه امها والبنات اذا جوها ومنى ومي انشغلوا مع خالتهم بالتجهيزات


منى ما كلمت خالد خلال هذا الاسبوع


محمد نشغل بكماليات اغراضه من ثوب ولوازمه ..




يوم الفرح بالليل بقاعة الرجال




فيصل: محمد وش فيك


محمد: لا ما بي شي ..توتره من افكاره الي تخطر على باله ويرجع يكذبها وكان خايف من خوفها منه انه يكون خلفه مصيبه اكبر غير خوفها من الرجال الي لفت انتباهه وكان موتره


خالد : وشلون ما فيك شي و انت نكلمك ولا انت معنا


فيصل: بضحكه : كلها كم ساعه وتكون عندها لا تفكر وتعب عمرك


خالد : آآآآآه حرام عليكم ابي اعرس


محمد:ضحك عليه الي يقولها بقهر : ههههههههه


خالد: ايه اضحك انت وهو حريمكم ومعكم وانا الي بضيع الحين كل واحد بيجلس مع مرته يبي ينساني


فيصل: هههههههه كلها كم شهر وتلحقنا


خالد: وينك خمسه اشهر بسهله هي


محمد: ما عليك يا يالشيخ بتعدى بسرعه بس لا تحسبها انت


فيصل: محمد شكلك تعبان انت ما نمت زين


خالد: رد قبله وهو يضحك : وين ينام وهي معه اربع وعشرين ساعه


محمد: يضربه على ظهره : عن الحسد تصدق من يوم وصلنا ما شفتها ما كنها معي بنفس البيت


فيصل : ليه


محمد: وش تبوني اقول لكم بس ربي يعديها لي على خير الليله : ما تخرج من غرفتها وين بشوفها


خالد: لو اني مكانك اطلعلها و اجلس معها بغرفتها


محمد: منت بصاحي انت ..وسكت قام يسلم على رياجيل يواجهونه





عند الحريم بالغرفه




شذى : لابسه فستان فضى ناعم وشعرها مرفوع بتسريحه مكسره من ستايل الستينات : انجي وبعدين معك ترك تعبتيني بنادي خالتي


ملاك: ناديها قلت لك ما بدي حط شي


ام احمد: دخلت مبتسمه بفرحتها الكبيره اليوم بعرس عيالها وجمعت احبتها حولها وسمعتها : وش فيكم منى تقول تبيني


شذى: خالتي شوفيها مهي براضيه تحط مكياج


ام احمد: وشهو كيف هـ الكلام تبين تطلعين لناس بدون مكياج


ملاك: ايه ما راح حط شي وما ابي اطلع وغطت وجها بيدينها و بكيت


ام احمد: تقرب منها يا حبيبتي تبين الناس تتشمت فيك خصوصاً عمتك الله يعطينا خيرها اليوم


ملاك: توترها وصل حده و بكيت بصوت عالي : يااارب تموت بكرها


ام احمد : حضنتها وتسمي عليها و اشرت لشذى تخرج الكل عنها و حاولت تهديها وبعد ما شافت انها بدت تهدا وراح تسمعها الحين زين كلمتها بهدوء : عمتك ربي بيجازيها على سواتها فيك بس اذا تبين تفرحيني وتقر عيني بشوفتك مثل ما تمنيت لا تخلين احد يمسك عليك شي ورفعي راسي يا نظر عيني انتي وفرحيني وتمسح دموع بنتها وتسلم على خدها زين حبيبتي


ملاك :ناظرت وجه امها وهي عافه وش كثر هي عانت بحياتها وتكلمت بصوت رجفت الخوف متمكنه منه :ماما خايفه


ام احمد : تبوس جبينها : لا تخافين ماراح يصير عليك شي الحين مافي وقت ابيك تجهزين بسرعه زين عيوني


ملاك : تمسح دموعها وتبي تفرح امها باي طريقه وهي عارفه انها راح تتحطم بعدين : احط شي خفيف (اول مره تحط مكياج من وفات ابوها )


ام احمد: زين اهم شي تحطين ...ونادت على شذى ...شذى خليك معها


شذى: زين خالتى ما راح اخرج من عندها لا تشلين هم نزلي للمعازيمك و انتي مرتاحه


ام احمد : الله يرضي عليك يا بنتي خلاص يمه ملاك انزل عنك ما تفشليني وتبوسها على راسها


ملاك: تبكي : ماما خليك معي


ام احمد: حبيبتي معك شذى بنزل اشوف المعازيم واذا تبين ارسلك خواتك


شذى: لا خالتي هم مع صحباتهم خليهم توهم نازلين


ام احمد: زين وتخرج عنهم





ملاك : بعصبيه : شوهيدا قلت الك بدي خفيف


الكوفيره :اووف اول مره يعدي علي مثل هيك شو فيها شكلها مغصوبه : شوبكي مدام هيدا كتير خفيف


شذى: انجي حبيبتي خليها تزيده خفيف كذا


ملاك: لا كملي وخلصيني بدي شوف اخرت هـ اليوم


شذى: تجلس جنبها حبيبتي وش فيك معصبه اهدى شوي


ملاك:اعصابها خلاص تالفه لابعد حد وحاسه بالم براسها مثل النبض كل شوي يزيد : شذو بدي حبوب صداع


شذى: اوكي الحين بجيب لك بس انتي هدي اعصابك توترك طبيعي انا مريت فيه بس لا تشغلين بالك كثير ..




بعد ما انهت مكياجها ولبست فستانها و مكياجها ناعم الالوان الترابيه مع لمعه على الوجه وشعره مرفوع خصل عشواي متداخله ونازل منه خصل على وجهها وفستانها الصدر دنتيل مفرغ وكم طويل تول ناعم و طرفه الاسواره من الجلد الابيض و فرو بسيط ومن اسفل دنتيل مشغول مع تول ناعم ومفتوح من الامام لعند الركبه ولابسه بوت تول والطرحه عباره عن بلسيه على شكل ربطه على الشعر وفي الوسط تركيبات كرستال و ورد ناعم وصغير كانها قبعه تلف على الرقبه من الخلف ونازله على الجنب ومثبته من اسفل الشعر الطرحه طويله طرفها دنتيل


الكوفيره : ما شاءالله عليكي امر


شذى: شكرا من ذوقك وتبوس ملاك طالعه قمر حبيبتي


منى: تدخل وقفت وتسمي : كلللللللللللللللللللللوش اخيرا خلصتي وتروح وتبوسها لا بيروح فيها محمد اليوم


مي : تبوسها مبروك يا قلبي والله تحفه الله يحفظك


ملاك :بتبكي فين ماما


مي : لا تبكين يخرب مكياجك تعالي جات المصوره بتصور معك


وبعد ما تصورت مع البنات


ام احمد: مسحت دمعتها اول ما دخلت وراحت سلمت عليها


منى: امي وش تسوين


ام احمد: احصنها يمه حبيبتي حصني نفسك انتي بعد


مي : خالتي تعالي نبي نتصور صوره جماعيه


ام احمد: زين عجلوا عشان محمد بيدخل الحين


منى: امي من بيدخل معه


ام احمد: أكيد ابو ابراهيم


مي : اجل انا بنزل


ملاك : مسكت يدها لا خليك


مي : خالتي معك


ام احمد: دق جوالها يالله بنات يبون يدخلون


ملاك : ماما خليك وين رايحه


ام احمد: الحين اجيك البس عباتي وخرجت تنتظرها برا عشان عمها بيدخل


ملاك : واقفه بوسط الغرفه الكل نسحب عنها خايفه تغمض عينها تطيح دموعها وعينها على الازهار الي بيدها شكلها جذاب بس عندها احساس انها ممكن تبتلعها وتبتلع كل شي كان حلوا بحياتها


دخل محمد ومعه ابوه وعمها


ابو ابراهيم :سلم على راسها : مبروك يا بنتي


ملاك: عينها بالارض وداري دمعتها ولفت انتباها نبرت صوته اول مره تركز فيها قريبه من ابوها رفعت نظرها و تكلمت بهمس محد سمعه : الله يبارك فيك


ابو ابراهيم : سلم على محمد : ملاك امانه عندك ما وصيك عليها


محمد: كاشخ بالبشت والغتره و محدد لحيته الخنجر مخففها وطالع شكله جنان و من يوم دخل لين الحين ما حط عينه عليها و بصوت كله هيبه : عمي لا تخاف عليها بالحفظ والصون وامانه برقبتي احافظ عليها


ابو ابراهيم : الله يحفظك لشبابك ويبارك لكم


ابومحمد: سلم على راسها مبروك يا بنتي الله يهنيكم ويسعدكم


ملاك: الله يبارك فيك


ابومحمد: سلم عليه مبروك و انا ابوك الله يتمملك بخير ويرزقكم الذريه الصالحه


محمد: يسلم على راسه ويده ....امين


ابو ابراهيم :مع السلامه وديري بالك على نفسك وانا عمك وسلم على راسها


ملاك: سلمت على يده وخرج


ام احمد: دخلت والدموع تبرق بعيونها وهي تشوف عيالها باحلى زينه لهم وهم بيبدون مشوار حياه واسره جديده واي ام بهالموقف تشعر انه انشطر جزء منها و أنبنا جزء اخر: مبروك الله يسعدكم يارب


محمد: قرب منها وسلم على راسها ويدها : الله يبارك بحياتك خالتي ويخليك لنا


ام احمد: قربت من بنتها تبارك لها مره ثانيه : مبروك يايمه


ملاك: معد قدرت تداري دمعتها وبكيت وهي بحضن امها


ام احمد:بقصه بحلقها بس تحاول تقاوم : بسم الله عليك حبيبتي خلاص لا تخربين مكياجك انا معك وتمسح دموعها


محمد: مسك يدها وهي ترتجف و رفع نظره يشوفها وهي با اجمل صوره تخيلها فيها ومن يوم دخل وهو يقاوم النظر لها ما يبي يربكها ويحاول يذكر الدعاء الي قالته له خالته يقوله اذا شافها ..(اللهم إني اسألك خيرها وخير ما جبلت عليه و أعوذ بك من شرها وشر ما جبلت عليه )




البنات عند الباب


منى: يوووه كيف بدخل الحين كذا..فستانها لونه وردي و ماسك على الصدر والكتف عاري


مي : وهي تلبس شالها بالون البرونزي مثل فستانها : وين شالك كان معك


منى : نسيته اسفل مع اريج اعطيتها هو لمن طلعت ترقص انتظري لا تدخلين بجيبه واجي




ملاك تشوف الكل حولها و تصورت مع الكل امها وعمها واخواتها تسمع تعليق منى و ضحكها تتمنى تقدر تبتسم لو ابتسامه كل تفكيرها منصب بعد ساعات راح تفقد كل الي حولها وكيف نظرتهم راح تكون لها مثل مهم فرحانين بوجودها ولا بينكرونها ويتمنون موتها ..انسحب الكل واحد خلف الثاني وضلت معه لوحدها عشان تقدر تتصور بحريه حست بيده حول خصرها رفعت نظرها ورويتها شبه معدومه من بريق الدموع الي بعيونها تمنت غير هالحظه غير هالماضي عشان تقدر اطير معه لبعد مكان ويحاوطها بجناحه


محمد: نسي وجود المصوره و يتاملها وهي مركزه نظرها عليه اول مره يشوف عيونها من هذا القرب و نسحر بحزنها فيها كلام كثير مكبوت تتمنى تقوله بس مقيده خلف اسوار من رموشها الكثيفه مايدري كم من الوقت مر عليهم ومهم بهذا الوضع والمصوره استغلت الفرصه واخذت كذا صوره و صحي على كلمت المصوره وهي تطلب منه يغير وضعه


ملاك : جاها شعور حبت يكون عندها صور تضل معها مهما راح يصير هذى هي حياتها مجرد صور تجمعها بكل ألحظات




و انزفوا على اغنيه (بدر) الراشد الماجد


ملاك : ما سكه بيد محمد وضغطت عليها بقوه وقفت مكانها اول ماطلت مهي قادره تتحرك و ترتعش و رموشها بدت ترف بسرعه وهي تشوف العدد الكبير الي بالصاله


محمد: حبيبتي اهدي ما فيه شي يخوفك باينه رعشت يدك حياتي عشان خالتي تفرح فيك لا تبكين


ملاك: تضغط على يده


محمد: حبيبتي سمي بالرحمن





~~ ***




منيره : ما شاء الله تجنن


مها : ايه ما شاءالله عليها فستانها حلو


منيره: واااااااااااااااااو على عريسها يطير العقل


مها : سكتي فضحتينا لا تسمعك امي تذبحك الحين


منيره: وامك وش عندها ما تبيه والله يهبل ما عنده اخوان اخذ واحد منهم


مها: ههههههه عنده اخو صغير احلى منه


منيره : موافقه اخذه


مها: هههههههههه خبله سكتي ولا كنك مخطوبه


منيره: ما شاءالله عليك ملكتي وعقلتي


مها: عن الحسد بيكفيني رشودي والسانه الحلو





~~ ***




هند هي ونوره جالسين على طاوله بروحهم بعيد عن عمتها تتفادا المشاكل


هند: حضرت متاخر لان يزيد مهو براضي في البدايه انها تحضر وتقابل امه : الله يحميها قمر بس مهي مثلكم امها اجنبيه


نوره : تمسح دموعها :لا بس ليها جذور مهى سعوديه و الله يرحمك يا عمي كان يتمني يشوفها وهي بفستانها


هند: الله يرحمه ويصبرها ويعوضها خير برجالها


نوره : امين


الكل عينهم عليهم ويسمي ويكبر عليهم





~~ ***




محمد: وصلوا الكوشه كانت عباره عن قطعه من الثلج الابيض كلها بريق ثلج بلمعه فضيه على الارض والمقعد الطويل ورود بالون الابيض على طول الممر والبالونات باطراف الورد وقفوا ثواني وتبادلوا الدبل وباسها على يدها


محمد: وقف شاف جدته جايه مستنده على يد خالته قرب منها بخطوات ثابته سلم على جدته وعماته وخالاته الي طلعوا يباركون لهم وبعد ما نزلوا غنت المطربه ورقصت مي ومنى و ام احمد وطفت انوار الصاله وفضل كشافين واحد على العرسان والثاني على الباب التفتت الأنظار لطرف الثاني من الضوء وغنت المطربه ودخل احمد يرقص بالسيف وطول مهو ماشي يرقص و يفجر البالونات بالسيف وبداخلها اوراق ورد ابيض وكلين فضي و ييطاير بالصاله على الناس وبعد ما وصل الكوشه رقصوا معه خواته وراح قوم محمد ورقص معه


منى: ملاك قومي وتسحبها مع يدها


ملاك:ناظرت منى بترجي وهي تتمنى ماتنتهي هذى ألحظات لي الكل فرحان من حولها والسعاده على شفاتهم وبعيونهم : لا ما بدي ...وعمتها قدامها من يوم دخلت وهي موترتها بنظراتها وتشوفها تضحك مهى مغطيه وجها و حبت تقهرها لو لثواني وتقوم


مي: تمسك يدها الثانيه تعالي ورقصوها و رقصت مع امها وهي ما تشوف الي قدامها من الدموع الي بعيونها وقهرها من عمتها ليه تضحك اكيد علي ولا فيه شي بدها تسويه فيني بعد


محمد: يمسك يدها منى بعدي برقص معها ويرقصون


منى : محمد وتكلمه باذنه


محمد: اوكي




منى: تروح تكلم المطربه بعد ما نتهت من الاغنيه و تاخذ منها المايك وتتكلم بدلع وفرح وتاشر لصاحابتها ...احم احم ماني مغنيه لاني اخاف على سلامة اذونكم ..الكل يضحك على خبالها ..و بالنيابه عن امي اشكركم كلكم على تشريفكم عرسنا و خصوصا صديقاتي ..و الصاله ترجت بصفير مدوي وترسل لهم بوسه بالهواء وتقرب من اخوانها ..اهدى من المعرس لعروسته .... وتمد المايك عليه




انتظروا فيه بارت بعده الحين …

الجزء الخامس والعشرون

محمد: يسحب المايك منها ..ويتكلم بصوت واطي لازم يعني تتحفينا بمقدمتك ..مسك يدها وهي واقفه قدامه وعينها بالارض وغنالها (من بين الناس) لعبد الكريم عبد القادر



من بين الناس حبيتك من بين الناس (دقت معه المطربه)



وكل احساس اغليتك بكل احساس



منبين الناس حبيتك من بين الناس



خلا حياتي غيرمن بين كل الناس



صرت بحياتي الروح والهفه والاشواق



الصمت لك والبوح ولشوفتك اشتاق



عمري فدى عيونك يا ساحرى بلونك



وياك مهما يصير منبين كل الناس



اسكن في عيني وشوف وشكبرها دنياك



ماحس انا باي خوف ان صرت انا وياك



خل ايدك بايدي تحلى موعيدي خذني بلا تفكير من بين كل الناس .........ويبوس يدها وجبينها




منى: نزلت عند صديقاتها و سوت جو بالصاله تصفر وتصرخ هي ومي وشذى وشلتها من اسفل وبعد ما انتهاء تصرخ بصوت عالي مـــــــــــــــلاك ردي عليه تكفين و تصفر



ملاك : تناظر فيه اعطاها المايك



محمد: شاف لمعه الدموع بعينها ويقرب منها: حياتي مهو وقت الدموع الحين ..و مسحور بجمالها ونعومتها ..



ملاك : شافت نظرات الحقد والشماته بعيون عمتها الي جالسه قدامها..وحبت تعاند روحها وعقلها عشان تكسر راس عمتها باي شي حتى لو هي مهي راضيه فيه ..وممكن يسي لها ويجيب عليها الكلام ..



ام عامر : ترفع صوتها وسمعوها الي حولها من الطولات وهي من يوم دخلت وهي تتشمت و مهو عاجبها شي : قلت ادب معد بيه حيا يسلم عليها و اخته بعد تصارخ قليله الحيا بانت تربيتك يا انوار فعيالك شوفي وشلون مربيتهم على المصخره



ام ابراهيم : ام عامر لا تفضحينا بين الناس



ام عامر: هي قليله الحيا طالعه على امها



ملاك: تحاول زيل الغصه الي بحلقها احم.... احم... و تاخذ المايك وتغني اغنيه نجوي كرم..الي تغنيها لاحمد ويحبها .. (شو هالحلا) في البدايه كان فيه بنبرت صوتها البكي



شوهالحلا بلاني زمان ...(وتاشر عليه وتمسك خده )



محمد: مهو مصدق يبتسم ياويل حالي ..



حلا على هضامه كمان



الي شوفيك ياروحي شوفيك ... (وتحرك يدينها وهي تغني وترقص)



البي بغرامك طاير طيران.....( وترفع يدها بحركه طيران )



عينيك شغلي..(تاشر عليه)



ماعندي غيرون شغله



ولا عمله ما تستغرب لو مني طار عقلي (وتاشر على راسها وتحرك يدها بمعني وين)



وين عقلي عقلي وين



الي شوفيك ياروحي شوفيك



البي بغرامك طاير طيران



شوفيك حتي ..وتقرب منه وتحط يدها على صدره



محمد :يمسك يدها ويبوسها



كل ما مرئت ابالي بدوخ حتي ....



ما يبقى شي ببالي غيرك انت مين انت مين



الي شوفيك ياروحي شوفيك



البي بغرامك طاير طيران



شوهالحلا بلاني زمان ....و تبعد عنه وتقرب من طاوله عمتها وتلتفت له و ترقص



حلا على هضامه كمان ....(وتروح عند احمد وتنحني وتبوسه بحب )



الي شوفيك ياروحي شوفيك ........(وتمسك خدوده)



البي بغرامك طاير طيران



منى : تصفر هي وشلتها



ام عامر : الله يفضحك مثل ما فضحتينا يالوطيه انا راويها هي وامها كيف كان ما فضحتها الليله



مريم : امي خلاص وش فيك كل الناس يسون كذا الحين



ام عامر : محد يسويها غير الهمج الي مثلها



محمد: يمسكها مع وسطها ويميل جهتها وبصوت مسحور فيها : وين مخبيه هالصوت عني يدوخ عذاب



ملاك : ساكته وترتعش من القهر وكبتها لدموعها..وحاسه انها بترجع ومعدتها تقلب عليها من توترها و من القهر



ام احمد: طلعت وهي معصبه من حركاتهم الي ماتدري عنها : تعالوا قطعوا الكيك



منى: وراها : انتظري امي خليهم يرقصون



ام احمد:بعصبيه و بصوت واطي وحازم : سكتي انتى كل الي صار من تحت راسك ما سمعتي الناس وش تقول



منى: امي حرام عليك انا مالي دخل



محمد: ماحب تحط الوم على منى لوحدها معنه فكرتها : لا خالتي احنا متفقين



ام احمد: زين



المطربه : تفظلوا للعشاء ومحد قام الكل جالس يتفرج و غير الكلام والغمز على حركاتهم والبنات كل وحده تتمنى تكون ليلتها مميزه وغير ..



منى: محمد وتاشرله



محمد: بعد ماشاف انه الحريم بدوء يخرجون ويحرك راسه اوكي وتعزف ميوزك كلاسك ويحط يده على ظهرها ويمسك يدها الثانيه ويرقصون عليها وبعد ما نتهت الاغنيه بدات اغنيه ثانيه



محمد: حياتي هذى الاغنيه اهداء مني لك وتبدى اتحدا العالم



ملاك : من اول ما سمعت لحنها معد قدرت تتحمل لفت يدها على رقبته وحطت راسها على صدره بين ايديها ونهارت كل قوتها



محمد: فرح وصار يرقص معها وشوي حسها ترتعش وتبكي ...وش فيك ياعمري وزادت رعشتها وهتزازها لف وعطي الناس ظهره ...يضمها له اكثر حبيبتي اهدى ويبوس راسها



ملاك: ما ترد عليه



محمد: حبيبتي تعالي جلسي ..ماترد عليه وتبكي بصوت مكتوم .. ياعمري وش صار عليك حبيبتي الناس عينها علينا اهدى شوى



مي : انتبهت لها وجات جنبهم : وش فيها



محمد: حبيبتي اهدي شوفي مي انتبهت عليك أكيد الكل راح يلاحظ انك تبكين



مي : ملاك اهدي شوفي خالتي جايه



محمد: حياتي تعالى نخرج خلاص ويبعدها عنه ويمسح دموعها



مي : محمد غطي كتفك بالبشت تعدم ثوبك وتعدله له وتمسح وجه ملاك وتعدلها مكياجها



ام احمد: وش بلاكم



محمد: خلاص خالتي بننزل



ام احمد: انزل مع مي ملاك اهلها بيطلعون يسلمون عليها و انتبهت لوجها وش فيك يمه



ملاك: تتكي على كتفه



محمد : يلف يده على وسطها :خالتي مهو لازم بنزلها تعبانه



ام احمد: زعلوها بحركاتهم : حسبي الله على عدوينكم هذى سواه تسونها قدام الناس أكيد عين صابتها



منى: وش فيكم الناس تناظركم



مي : مني قولي للمطربه دق الزفه بيخرجون



منى: ليه بدري



مي : روحي بعدين اخبرك



محمد: حبيبتي اهدي ويثبت يده على وسطها يمسكها ومشيوا و مي وام احمد وراهم



~~ ***






مها دق جوالها



منيره : مين



مها : راشد باي وخرجت برا: هلا حبيبي



راشد: هلا حياتي وش اخبارك بعدك فالعرس



مها: ايه بعد شوي ارجع البيت



راشد: وش رايك امر اخذك اوصلك



مها: لا حياتي امي معي واكيد ابوي الي بيوصلنا



راشد: زين اول ما تصلين كلميني



مها : اوكي حبيبي بعدين اكلمك العريس يبي يخرج



راشد: ليه انتى وين



مها: خرجت برا عشان اقدر اسمعك باي حياتي شويى اكلمك



راشد: اوكي






~~ ***





ام عامر : من بداية الليل وهي تنتظر هذى الحظه ..عدو من عندها نادتها بصوت عالي عشان تسمعها : ام احمد



ام احمد: اعوذ بالله منك يا بليس لفت تشوفها : هلا



ام عامر : على وين زفتها وحنا ما بعد باركنالها



ام عامر : يادوب يلحقون يرتاحون



ام عامر : خير ان شاء الله نطري شوي ابيك



ام ابراهيم :وش عندك خلي المره تروح مع بنتها



ام عامر : بنتها فيه مهي بعيده بنفس الفندق (القاعه بداخل فندق فخم )



ام احمد: خير وش عندك



ام عامر : انطري بيه كم حرمه يبون يسلمون عليك تعالي معي وتروح عند طاوله وتكلمت بصوت له رنه و اضحه : هاذي ام احمد ام العروسه... ام احمد اعرفك هذى ام راشد ال.. الي ماخذ مها وهذى ام جابر وهذى ام فهد



ام احمد: الله يستر منك : حياكم الله



..الله يحيك



ام احمد: تفظلوا ادخلوا تعشو



ام عامر : تجلس : لاحقين على العشاء



ام احمد: وين لاحقين الصاله فضت



ام عامر: هذا الي ابيه جلسي ابيك بموضوع



ام احمد: جلست: خير وش موضوعه



ام عامر : شوفي يا ام احمد ويشهدون علي الجالسين بنتنا مافي مثلها بس الناس مالهم الي الظاهر



ام احمد: وش تقصدين



ام عامر : وسلامه الحاضرين ابيهم يشهدون على شرف بنتنا



ام احمد: توقف وبعصبيه : وشهووو تخبلتي و ما تستحين



ام عامر :سوتها في ام احمد يوم عرسها وطلبت منها تشوف شرفها وقالت لها انه هذا عندهم بعائلتهم لانها بنظرها تبي تهينها لان ابوها مارضي على الي هي كانت تبيها لخالد : هذى ما فيها شي يا وخيتي ابي الكل يتكلم عن شرف بنت اخوي وهي مسافره بكره متي يمديهم يشوفون شرفها



ام احمد: عصبت منها : وش تقولين بنتي اشرف من الكل



ام فهد: مكاره مثل ام عامر : ياوخيتي هي ما قالت شي خطا بنتك بتسافر وش بيدريهم الناس



ام عامر: روحي لها وكلميها انا حجزت غرفه بالفندق رقم ... بنطرك فيها وهم معي



ام احمد: حسبي الله ونعم الوكيل وتروح عنهم



ام راشد : انصدمت منهم : حرام عليك وش سويتي ما يصير هـ الكلام واذا انتم من النوع الي يعرضون شرف بنتكم قدام الناس مهو الحين على طول صدمتي امها بكلامك



ام عامر : تبتسم علامه النصر : يام راشد البنت مسافره متي بتشوفون شرفها



ام جابر : صدمتيني ما ضنيتكم كذا احنا عندنا بس محد يشوفه الا هي وزوجها و امها وامه



ام راشد: احنا ماعندنا هـ الشي مهو سالفنا وعيب الكلام فيه



ام عامر : تعالوا الحين تعشو ونطلع الغرفه






~~ ***






في الغرفه



فتح الباب ودخلت (الصاله كلها اضائه خافته وطاوله عليها العشاء منسق بطريقه حلوه وشموع )



محمد: حبيبتي هاتي عباتك (عبايه مغربيه لها زرار على الرقبه و من اسفل على قصه كلوش قطعه وحده ولها طربوش كبير مثل الجلابيات المغربيه نازل وغطي وجها ) واخذها منها وحطها على الكرسي ونزل بشته وغترته وحطه ومسك يدها



ملاك: تبكي و خايفه من الي بيصير لو ما صدته عنها



محمد: حبيبتي اهدي تعالي جلسي



ملاك: وتصرخ :ابعد عني



محمد:هو بعد متوتر مثلها : وش فيك تعالي ارتاحي



ملاك : تسحب يدها : روووووح ما بدي حدا وتروح على الغرفه (الغرفه الاضاءه فيها من الشموع الموزعه على زاويه من جدار الغرفه مثبته بالجدار مكتوب ملك روحي و الورد منثور تحت رجولها )اول مادخلت سكرت الباب جلست على الارض في الزاويه عند الباب وتبكي بكل هلع وخوف انها تفقد كل من حولها



محمد: دخل خلفها فتح الباب وشافها راح عندها ...يا عمري لا تسوين كذا



ملاك: مغطيه وجها بيدينها و منزله راسها على ركبتها وتبكي بصوت وتشهق



محمد: حبيبتي وش فيك ويمسك يدينها



ملاك: تصرخ وتبكي: ابعد عني مابدي اياك تلمسني



محمد: حبيبتي اهدي ماراح سوي فيك شي



ملاك: روح عني بعيد لا تقرب مني وتبعد يده عنها



محمد: ياعمري ماراح قرب منك بس اهدي انتي



محمد:يكلمها بهدوء : ملاك تعالي معي لا تجلسين كذا



ملاك: تصرخ : رووووووووووح عني وتقوم



محمد: يمسكها مع يدها بتجننه اذا بتستمر كذا الشك بيلعب بعقله من خوفها ونفورها : وش فيك



ملاك: تسحب يدها منه وتروح وتدخل الحمام وتقفل الباب..ورجعت الي بمعدتها



محمد: يدق عليها وتوتر وهو يسمعها : حبيبتي طلعي اخرج عنك برا بس لا تبكين بالحمام مهو بزين ويدق عليها وسمع جرس الباب ومسح وجه بيده وخرج وسكر الباب وراه واخذ عباتها وبشته وغترته من على الكرسي وعلقها وفتح الباب ....خالتي ؟؟؟؟؟!!





~~ ***






مها : امي يالله ما تبينا نروح



ام عامر : لا روحي خلي واحد من اخوانك يوصلك او ابوك اذا فيه انا بجلس شوي بعدين اجي مع السوق



مها: بس حريم اخواني راحوا من اول



ام عامر : وابوك



مها: مدري اشوف الحين بس أكيد راح



ام عامر : شوفي عنه اذا ماحصلتيه روحي مع السواق وخليه يجيب معه وحده من الشغالات



مها: زين وتصلت على ابوها وكان بالبيت امي خلاص بروح مع السواق كلمته الحين يجي



ام عامر: اول ما تصلين البيت كلميني وخليه يرجع ينتظرني



مها : زين



ام راشد: جاتهم : وش اخبارك



مها: الحمد لله ياعمه



ام راشد: وش فيك واقفه بعباتك



مها : انتظر السواق يوصل



ام راشد: ام عامر كيف تبينها تروح مع السواق بالليل بروحها



ام عامر: لا معه وحده من الشغالات



ام راشد : ايه اشوي احسن الدنيه معد بيها امان





~~ ***






ام احمد: معليش يايمه تعال ادخل ابيك



محمد: وش فيك خالتي وجهك متغير



ام احمد: تحاول تخفي توترها : ملاك وينها



محمد: بالحمام وش فيه



ام احمد: زين ما ابيها تسمع الي بقوله لك



محمد: خير خالتي خوفتيني



ام احمد:عينها بالارض وحاسه بحراج كبير ما تخيلت انها بتسويه يوم بحاتها : يا يمه مدري وشلون اقول لك حتى انا صعب علي الي بقوله بس غصب عني



محمد: ساكت ويناظر فيها



ام احمد: وتطلع منديل ابيض خذ يمه



محمد: وش فيه ؟؟



ام احمد: عينها على الارض : ابيك تدخل على مرتك الحين و تجيب شرفها بهـ المنديل



محمد: كان احد اطاه كف يوقف مهو مصدق الي انقال وتكلم بحراج كبير : خالتي وش تقولين انتي



ام احمد: ياولدي لا تزعل مني انتو عيالي وما ارضئ عليكم الكلام



محمد: وشهو الكلام... خالتي ما يصير الي تقولينه



ام احمد: اجلس و اسمعنى قبل ما تطلع ملاك يا يمه هذى عمتها فضحتني قدام الناس وتبي تشوف شرفها



محمد: معصب : وينها بنحرها الحين السافله



ام احمد: تمسكه مع يده وطى صوتك اهدى هذا عندهم بعيلتهم شي عادي يشوفونه امها وامه لكن الحين هي معها حريم غرب وتنطرني اوديه لها



محمد: خالتي و انتي بطاوعينها



ام احمد: لاني اعرف ولدي وبنتى زين طاوعتها .........يا يمه لا تخرج ملاك وانا هنا بروح و انطر اتصالك ........الله يرضي عليك لا تفشلني وتردني ..ونزلت نظرها وهمست بكلامها لو تمع الخجل الي بالعالم كان موقف وصوت ام احمد وقتها ..اول ما تخلص دق علي وتسلم على راسه عفيه عليك ياولدي



محمد: وجه صاير الوان احراج وغضب و توتر واصل حده و عرق جسمه وهو بس يفكر بالوضع الي هو فيه الحين : خالتي الله يطولنا بعمرك انتي متعلمه وفاهمه انه غشاء البكاره انواع وش عرفنا هي من أي نوع



ام احمد: خلها على ربك والله يسترها معنا



محمد : يسلم على راسها : تامرين خالتي بس محد يلومني بلي بسويه بعمتها بعدين



ام احمد: سو الي تبي بس الحين لا تفضحوني مع الناس ...وتروح عنه تفتح الباب ...انطرك لا تطول





~~ ***






مي : منى خالتي وين راحت



منى: مدرى عنها امي اليوم على رغم فرحها احس فيها شي



مي: لا بس هي خايفه على ملاك ما شفتيها وشلون تبكي



منى: ياقلبي عليها بس صدق يهبلون الاثنين لايقين على بعض



مي: تعالي بروح عند شذى شوفيها شكلها تبي تخرج



منى: صدق هذى الصداقه ولا بلاش شكلي بغار منها على حب ملاك لها



مي: لا اله الا الله... تعالي وخلينا ندفع للمطربه فلوسها شوفيها رازه وجها عند الباب



منى: ياختي تستاهل بيضت الوجه الكل انبسط منها اليوم




شذى: يالله امي فيصل عند الباب



ام شذى : انتظري خليني اشوف ام احمد وعطيها الموجب (رفد – فلوس تعطي لأم العروس والمعرس )نسيت اعطيها هي



شذى: امي اعطيها هي بكره على العشاء



ام شذى : عيب يابنتي كيف تبيني اعطيها فبيتها وش بتقول عني بكره ناخذ هدية بنتها ..سكتي شوفي بناتها خليني اسألهم عنها






~~ ***






محمد: يسكر الباب آآآآآه ياعمري ما تدرين وش المصايب الي تتحذف عليك ويدخل الغرفه ويروح يدق عليها حبيبتي فتحي الباب لا تجلسين بالحمام



ملاك: جالسه على طرف البانيو بعد ماغسلت وجها وتبكي ..: روح عني هناك ما ابي اشوفك



محمد: حبيبتي اخرجي جلس بالغرفه راح اخرج عنك برا بس لا تظلين بالحمام



ملاك: روووووووووووووووح



محمد: ما بروح الا اذا خرجتي يالله حبيبتي اقسملك بالله اني ما راح سوى بيك شي بس فتحى الباب وبدلي ورتاحي يالله حياتي



ملاك: اطلع برا الغرفه



محمد:يحاول يمسك اعصابه المتوتره منها ومن الي صاير مهو مصدق كيف انقلب كل شي : اوكي افتحي الباب وانا بطلع عنك



ملاك: بعد عن الباب



محمد: يالله فتحيه بعدت وياخذ مفتاح الغرفه ويحطه بجيبه



ملاك : فتحت الباب وجها منفخ من البكاء والمكياج الي مسحته واثاره باقيه



محمد: تعالي ياعمري والله ماراح سوي لك شي تعالى جلسي ورتاحي



ملاك: تروح وتجلس على الكنب الي بالغرفه وهي تبكي ومنزله راسها



محمد: يروح عندها ويجلس عند ارجولها : يا عمري خذى اشربي شوي واهدى ويمسكها الكاسه بيدها ويمسكها معها وتشرب منها



ملاك: غطت وجها بيدها ورجعت تبكي بصوت عالي



محمد: جلس جنبها واخذها بحضنه: بسم الله عليك قولي لا اله الا الله



ملاك: مسكت بثوبه وتبكي بصوت عالى وتشهق



محمد: لف ايدينه عليها وجلس يقرأ عليها بعد ما خلص: ياعيوني وش فيك



ملاك: تبكي و تمنت انها تضل كذا بس خوفها اكبر هذا مهو ابوها الي يحن عليها وينه الحين محتاجته اكثر من أي لحضه : بدي اياه...الله يخليك .. تعبت ....



محمد: يبوس راسها ياعمري اطلبيله الرحمه لا تبكين ودعيله



ملاك: تبكي وتشهق ..شتقت له .. بدي ....بااااااااابا...... ياربي تعبت بدي روح لعنده...... باااااااابا



محمد: لا اسمعك تقولين كذا تبين تذبحيني.... دمعته متجمعه بعينه صوها وهي تبكي الم فيه وحسره .... بس حبيبتي



محمد : حبيبتي لا تعذبين نفسك رددي معي الدعاء راح تهدين ان شاء الله.. يمسح بيده على ظهرها حبيبتي سامعتني قولي معي استشعري بكل كلمه تلفظينها ...((لا اله الا الله ...العظيم الحليم ...لا اله الا الله ...رب العرش العظيم ... لا اله الا الله ... رب السموات ...ورب الارض ... ورب العرش الكريم ((



يسلم على راسها يا عمري قلتيه



ملاك: تبكي بصوت واطي وتهز راسها



محمد: قولي (( اللهم اني امتك .....ابنة عبدك.... ابنة امتك... ناصيتي بيدك ...ماض في حكمك ...عدل في قضاؤك.... اسالك بكل اسم هو لك..... سميت به نفسك ....او انزلته في كتابك.... او علمته احدا من خلقك ...او استاثرت به.... في علم الغيب عندك..... ان تجعل القران..... ربيع قلبي ....ونور صدري .....وجلاء حزني... وذهاب همي )) رجع قرأ عليها الفاتحه و المعوذات وايه الكرسي وظل فتره بعد ما شافها هدت شوي



ياخذ الكاسه من على الطاوله الي بجنبه وقرأ فيها الفاتحه سبعه مرات ونفث فيها : حبيبتي ارفعي راسك خذي اشربي مويه



ملاك: وهي على صدره ودموعها على خدها وخايفه تبعد عنه و ماتبي تفكر بقربه منها اكثر ...صوتها ضعيف : لا راس بيوجعني



محمد: بهدوء ارتاح لهدوئها : حبيبتي أكيد بيوجعك من البكاء ارفعي راسك وشربي الحين اجيبلك حبوب



ملاك : رفعت راسها



محمد: مسح دموعها : خذى اشربي شوى ..ويشربها ...شيلي الطرحه عن راسك أكيد راح تزيدك ويفكها لها ويحطها خلفها ويبوسها على جبينها تعالى حياتي كلي شي قبل ما تخذين الحبوب



ملاك: تحرك راسها لا ونزلت دمعتها



محمد: يا عمري خلاص ويمسح دموعها قومي معي



ملاك: لا ...اطلع بدي بدل



محمد: اوكي ويبوس يدها ويوقف ويوقفها معه وراح اخذ اغراضه وخرج عنها وسكر الباب وراح الحمام اخذ شور وبعد ما خرج وهو لابس بيجامه جلس بالصاله شغل التلفزيون و يقلب بالقنوات شافها اتاخرت قام وراح دق الباب محد رد فتحه ودخل .....جالسه بمكانها ...



وش فيك ليه ما بدلتي ؟؟



ملاك: عينها بحضنها وما ردت



محمد: يقرب منها حبيبتي بك شي ردي علي ويجلس جنبها ويرفع وجها بيده ومسح دمعتها الي نزلت ليه يا عيوني تبكين



ملاك: عينها على فستانها



محمد: حبيبتي ليه ما بدلتي قومي عشان ترتاحين



ملاك: دمعت عينها وسالت على خدها



محمد: حبيبتي ناظريني ...وش فيك؟؟



ملاك: ما رفعت عينها



محمد: ملاك عيوني ردي علي بك شي ؟



ملاك: نزلت دمعتها .....وحاسه بضعف كبير ..الفستان؟؟؟



محمد: يمسح دموعها: وش بيه الفستان



ملاك: بكيت ..مهو ..قادره... افتحه



محمد:ناظر فستانها الساتر وهذا الي عجبه مهو مثل مايشوف ويسمه عن فساتين البنات الي الحين ..وضحك غصب عنه : هههههههههههههههههه عشان كذا تبكين تعالى اساعدك



ملاك:بخوف بلعت ريقها : لا..خلي وحده من العاملات تجي



محمد: يسلااام حلوه ذي .. انا كنت ابي اساعدك من البدايه بس خفت تطقين علي هاتي اشوف افتحه لك



ملاك: كشت على ورا : لا مابدي



محمد:هههههههههههه وشلون يعني تبين تظلين بالفستان تعالي صدقيني ما راح سوى شي



ملاك: ساكته



محمد: مسك يدها ترتعش : حبيبتي من وش خايفه ويبوس يدها ويوقفها معه



ملاك: وصوت يرجف وتبلع ريقها : غمض عيونك



محمد:وهو يضحك على شكلها الي متوتره وجها احمر ماتدري انه هو بعد متوتر مثلها : وشلون افتحه اذا غمضت



ملاك: خلص مابدي



محمد: قربها منه بحزم : تعالي عندي حل... يوقف مقابل لها



ملاك:لاااخلاص بعد



محمد:خليك واقفه راح افتحه لك و انتي كذا و يقربها منه ويمرر يديه للخلف ويفتح لها ازارير الفستان بسرعه وحس برعشتها وهي قريبه منه



ملاك: جسمها كله يرتعش مهي قادره توقف على رجولها بس لازم تنزل الفستان و بعدها راح تبعده عنها بكل ما تقدر



محمد: وقف قدامها بصمت لثواني : روحي بدلي



ملاك :اربكها صمته وبعدت على الخلف : اطلع برا



محمد : خرج بصمت ويسكر الباب..



ملاك: راحت اخذت اغراضها ونزلت الفستان ودخلت الحمام تاخذ شور



محمد: يشوف الساعه اوه راح الوقت ويدخل المطبخ التحضيرى وياخذ سكين وياخذ المنديل ويجلس بالصاله ويرفع بنطلون البجامه ويجرح نفسه بساقه ويمسح الدم بالمنديل ولما شاف كميه الدم مناسبه قام للصيدليه وخذ لصق وغطا الجرح وغسل السكين ودق على خالته ..الو



ام احمد: هلا ولدي



محمد: هههههههههه وش فيك خالتي خايفه



ام احمد: مبروك يا يمه الله يسعدك ويهنيك



محمد: امين خالتي انتي وين



ام احمد : بالفندق



محمد: زين تعالي انتظرك



ام احمد: جايه انا قريبه منكم مع السلامه



محمد: مع السلامه وقفل السماعه ويفتح الباب وشافها جايه





~~ ***





شذى: بعد ما استحمت وخارجه من الحمام وقفت عند التسريحه وهي تمشط شعرها



فيصل : وش فيك



شذى : تلف وتروح عنده على السرير بكيت: خايفه على انجي بعد ما كانت فرحانه وتغني وترقص بالاخير صارت تبكي بشكل يقطع القلب أكيد تبي عمي خالد الله يرحمه معها



فيصل: يقربها منه حياتي هي الحين مع محمد وهو بيتصرف



شذى: مدرى لو مهو كلام الناس كان طلعت لها وحاولت اهديها



فيصل: ياقلبي على الحنونه



شذى: تتريق حضرتك



فيصل: لا يقلبي هي كان معها امها و صدقيني الحين لو بدقين عليها بتهزئك لانك اشغلتيها عن محمد



شذى: بتصل اتطمن عليها وش رايك



فيصل: وش فيك جنيتي انتي تبين محمد يذبحني اخليك تكلمينها الليله



شذى: وش فيها خمس دقائق



فيصل: ههههههههه من جد تخبلتي هذى ليلتهم ولا ناسيه احنا كيف كنا قافلين الجوالات ويبوسها قومي طفي النور خلينا انام ناسيه الغداء بكره عند اهلك



شذى : لا حياتي ما نسيت وتروح تطفي النور وترجع تنام





~~ ***





ام احمد: تدخل وفرحتها بنتها اكبر من الولد : مبروك يايمه



محمد: يسلم على راسها الله يخليك لنا خالتي ويبارك فيك



ام احمد: وين ملاك



محمد: بالحمام تعالي خالتي لا تجبيلها سيره هي ما تدري وتعرفينها لو درت بتقلبها علينا كلنا هي خلقه ما تواطن عمتها تعالي بسرعه قبل ما تخرج بروح معك



ام احمد: لا يمه وين تروح معي



محمد: بروح معك العن خيرها السافله الي تبي توطي راسك ولا ماني بمعطيك هو



ام احمد: بس يا يمه



محمد: لا بس ولا غيره تعالي بسرعه وخرج معها ونزل لدور الي تحت هم غرفه كم



ام احمد: غرفه(..)انتظر لاتدخل على الحريم ما يكفي انك خارج بيجامتك



محمد: زين انا عند الباب



ام احمد: عطني المنديل



محمد: لا نادي عمتها ودق الباب وقف على جنب



ام عامر: فتحت الباب و بشماته وكبره : ما ضنيتك بتجين



محمد: يرفع صوته بعصبيه : وش عندها ما تجي تحجبي زين انتي ولهمج الي معك



ام عامر : ارتبكت من وجوده : وش تبي تدخل



محمد: وش فيك الحين طاح عليك الحيا ما كنك برا شايفك وعارفك بسرعه ما ني بفاضيلك ولمثالك



ام احمد: توقف عند الباب تعال ادخل لا تفضحني بصراخك من برا



محمد: وهو عند الباب معصب ويصرخ : سمعي انتي وهي يالي ما تخافون الله ياهمج ياوطين يالي معندكم عرف بعادات العرب اذا فاكرين ان كل من سافرت ضيعت شرفها ولا كل من سكنت مع رجال ضيعت شرفها هذا الجيل الي انتي وهي وهي بتربونه (ويأشر عيهم )مهو خالتي الي تعبت وسهرت يجون حثاله مثلكم بيوطون راسها ويرفع المنديل هذا شرفها وما جبته عشان ناس جاهله مثلكم جبته عشان خاطر امي ويسلم على راسها و انتي يالنسره (وياشر على عمتها) لو سمعتك بيوم تقولين كلمه على خالتي ومرتي لا تلومين الا نفسك لا خليك تلفين حولين عمرك ما تعرفين انتي مين فاهمه تفو عليكم من امهات ويسحب خالته ويسكر الباب بقوه



<<< الرسالة التي أتمنى أن تصل.............

أولاً :

إلى رجالنا وشبابنا.......اتقوا الله في نسائكم وأعراضكم...
هل بضع نقاط من الدم هي ما يثبت شرف وعذرية الفتاة؟؟؟!!!!!....أينعقولكم؟؟؟؟... وأين الرجولة؟؟؟ عندما يذبح الرجل زوجته او ابنته او اخته دفاعاً عنعرضه الذي لم يشاهده امام عينيه ...... الفتاة بحيائها وليس بضع قطرات ..و إلا فأعلم ايها الزوج انك مخدوع اذا وقعت في الاعيب النساء والترقيع الذي انتشر في هذا الزمان والعياذ بالله







ثانياً:

إلى الآباء والأمهات......ربواأبناءكم تربية صحيحة...من قال أن غشاء البكارة هو دليل العذرية ( ألم يدقق فيأخلاقها قبلالزواج؟؟؟؟ ألم يتزوجها لأخلاقها؟؟؟؟؟ أم أنه اختار فتاة منالشارع زوجة له؟؟؟؟؟).......ومن قال أن النزيف لابد أن يملأعلى الأقل نصفكوب....ومن قال أن لونه لا بد أن يكون أحمر أو أسود قاتم؟؟؟؟؟؟ ...( هذا الكلامسمعته من عدد كبير منالاشخاص) كل تلك أفكار تسيطرعلى عقولنا ولابد منتغييرها.......







ملاحظــــــه:

الي كل فتاه مسلمه اتقي الله في نفسك وراقبيه في خلوتك قبل ان تراقبي اعين الناس وتخشيها ..ولا تنخدعي بكلام الناس فغشاء البكاره احيان قطرات الدم منه لاترى الا شي بسيط ومثل الصفار الغامق ..






اللهم أني أسألك العفو والعافية.....والستر والعفاف والطهر لجميع المسلمات والمسلمين في الدنيا والآخرة يا أرحم الراحمين>>>>
محمد: السموحه منك خالتي ويسلم على راسها



ام احمد: بكيت : الله يخليك لي يا ولدي وينصرك على كل من يعاديك



محمد: امين .....خالتي وش فيك تبكين وبعدين وين البنات وابوي ما سألتك عنهم



ام احمد: اسفل بالقاعه



محمد: وش يسون الحين الساعه ثلاثه ونص



ام احمد: عشان ما يشكون ويعرفون بشي خبيت طقم الالماس وقلتلهم ضاع وجالسين يدورون عليه وطلعت لك



محمد: ههههههههههههههههههههههههه ويسلم على راسها اما عندك افكار وصلها المصعد الي ينزل على القاعه خليني اطلع لا اتأخر على ملاك تفتحلي قضيه وين كنت تصبحين على خير



ام احمد: ضحكت براحه وسعاده : الله يسعدكم و انت من اهله






~~ ***





ام عامر: جلست على الكرسي و نزعت شيلتها وبصراخ : وجع عسى الله يشيله



ام راشد : ياربي فضيحه لو يدري عني ابو راشد يطلقني



ام جابر : حسيت قلبي بيوقف والله فشله قلت لكم هـ الامور بين الاهل وخلتوني اطاوعكم وهاذي اخرتها جانا الكلام



ام عامر : سكتي انتي وهي الله يشيله وش يظن بنساها له ما راح اتركه بحاله



ام فهد: انتي الحين وش عليك مهو شفتي شرفها خلاص



ام عامر : ماراح ارتاح قبل ما خليه يندم على الي قاله((وتكلم نفسها ....وافرق بينهم مثل ما فرقت بين امها و خالد))



ام راشد : ام عامر ترا احنا غلطنا ونستاهل الي جانا



ام عامر : وش قصدك اني ابي اشوف شرف بنت انواروه خطا لا مهو بخطأ عيوني



ام راشد : زين اهم شي شفتيه معن هـ الشي عيب عندنا ارتاحي الحين يالله انا بروح سواقي ينطرني مع السلامه



ام جابر : خذيني معك السواق من زمان برا





~~ ***






محمد : طلع ودخل الغرفه بعدها بالحمام جلس على السرير ينتظرها







استودعكم بحفظ المولى

سلااااااااااااااااااااااااااااااااااااااااااااااااام

سوسو الجزء هذا والله حسيته فعلاااااااا لنا على القل توضح الاشياء

اللي حناااااا ما نعرفهاا وصدق كثير من الرجال اذا ما خرج من

زوجته دم خلااص هي مو شريفه طبعااا انا اعتبرهم جاهلين بس حراام

هذا في جرح كبير لهااااااا بنت صاينه نفسهااااا مو عشان خشته

اولا عشانن الله سبحانه وتعالى وابتغاء مرضاته وبعدين عشان اهلها

ايجي واحد جاهل يلعب بشرفهاااااا على كيفه وكثير صارت للاسف

ام تركي والله ما قصرتي جيتي جاااااانب لازم ينظر له كثير

نجي للقصة ملاك والله خوفك على شيء مووووو طبيعي معقوله انك تعرضتي

للاختصاااااااااب لاااااا اتوقع للتحرش بس هي مسكينه كانت صفيرة

ولا عرفت تفرق ولاكيد ام عامر لهااا يد بالموضوع ولا ما قالت

يتأكد من انهااااا عذراء الله ياخذهااا طيب تحترم اخوهاااااا اللي

مات ولا جايبه حريم معهاااااااااا الله ياخذهم كلهم يارب

ولاااااااااا شيخ الشباب حمودي خخخخخخخخخ وش االرمنسيه اللي عليك

شوف انا انسانه لا احب خراااااابيط الشباب اللي يغنيلهااااا وتغنيله

بس معااااااك ان ملوكه لا شكلي بغير رايي خخخخخخخ

ولااااااا كله كوم ولا الزفه المحترمة اللي عطيتهااااا ام عامر شيء

والله تستاهل حبه على رااااااااسك احم احم (( بعد اذن المدام طبعا))

مهااا وش معقوله يصير لهاااااا اكيد رويشد راح يجي ياخذهاااا

هل راح يرجعها للبيت ولا لا مممممممممم الله يستر وكله من بلاوي امك

الف مليووووووووووووووووون شكر سوسو والله الجزء يطير العقل

احلا ما فيه النصااااااااااااايح الله يأجرك عليهااااا يرب ويوفقك

في حياتك مهما اكتب اليوم وارد على الجزء والله احس اني مقصره في احقه

ونتظرك مع مزيد من التشويق

اشتكي

ابدعتي ام تركي البارت رهيب رائع فيه فرح ودموع
وقهر .فرحنا بزفاف محمد وملاك وابدعتي في الوصف
كان احنا معاهم.
محمد وش ذا الرومانسيه مع انه المسكين متوتر الا انه
ماقدر يخفي اعجابه وانبهاره بملاك .وغنى ورقص معاها
بس الحمد لله ان ملاك مافشلته قدام الناس وكانت متجاوبه
معاه وغنت له .بعض الناس يشوفون هالحركات قلة ادب
وبعضهم يشوفونها رومانسيه انا من وجهة نظري اعتبرها
رومنسيه لان الانسان اللي يحب تطلع منه حركات غير متعمده وغير مقصوده كل همه ان يوصل مشاعره واحاسيسه
حق اللي يحب وهاذي كانت حركات محمد حق ملاك .
ملاك حيرتينا بدموعج ليش وشنهو السبب شللي صاير لج
وانتي صغيرة اللي مخليج خايفه من محمد حتى محمد قام يشك ويوسوس انصحج ياملاك انج تخبرين محمد بكل شي صاير
لج وانا متأكده انه راح يتفهم خوفج وراح يساعدج .
اما اذا ظليتي تنفرين وتبعدينه عنج راح يشك فيج واهوا رجال ماينلام اذا شك لان تصرفاتج غير طبيعيه والله يعينه المسكين عليج .
منى صج خبله الله يعين خويلد عليها اتوقع ليلة زواجها منه بتقلبها نكته ومسرحيه خصوصا انه خبل مثلها .
ام عامر الساحرة الحيوانه عساها ماتعمر في الدنيا كثر ماعمرت عساها الجلطه اللي تسدحها ماتقوم منها
انا قايله ماراح تعدي العرس على خير لازم تنكد على ملاك ومحمد الله ينكد عليها عيشتها وين عايشين احنا وف اي عصر فيه ناس كذا ماصدق ينتظرون يشوفون شرف البنت
وش ذا التخلف حتى زمن جدي ماسوو هالحركات هذا شي خاص بين الزوج وزوجته شي محرج محرج مرة الله ياخذج ياام عامر بس زين محمد عرف يتصرف وبرد قلبي يوم راح هزءأهم وخلاهم مايسوون فلس هالعجايز .
ام عامر يتجيها عقوبة رب العالمين على اللي سوته واللي بتسويه والله مايطق بعصا .
مشكورة ام تركي على توضيحك عن غشاء البكارة ترى في ناس جاهله مايعرفون عن هالموضوع شي يعض الرجال يتوقعون انه لازم يطلع دم كثير حشا ذبيحه واذا ماطلع الا شوي قالوا البنت غير شريفه مايدرون ان غشاء البكارة انواع بس مين اللي يقرى ويتثقف ويتعلم .
تسلم ايدينج سوسو والله يعافيج .
وجه الصباح