السلام عليكم ورحمة الله وبركاته
كيفكم بنات عساكم بخير...
شوفوا توني منتهيه من البارت مالي ثواني وبنزله الحين قبل الليل لانه يمكن انشغل بالليل..
بارت اليوم احببت اهديه الى شخصيه حبها الجميع من روحها الحلوه لفتت نظر الكتاب بردودها و حدة ذكائها حفظها المولى ..وليس الكتاب فقط من الفت الي ردودها بل جميع القراء بارت اليوم الى القلب الحنون(زارا – ضبيه الشرقيه )
قراءة ممتعه ..
الفصل الثالث و الــــعــــــ 23ـــشـرون
~~*~*~~
مجلس ابو ملاك ..
خالد : دخل المجلس و فكره مشغول معها و الف مره يلوم عمره على تهوره بس وش يفيد الوم اذا وقع الفاس بالراس .. و تنهد بصوت ...و مسح على وجهه... الله يسامحك يامنى وش سويتي فيني يارب محبتي لها اجعلها خير لي ما انتهك فيها حرمتك و الله اكلت لي عقلي بحركاتها و طريقة كلامها فديتها يؤؤؤه يازين خويلد على لسانها ..حس بحراره بجسمه من كثر مهو متوتر و نزل الجكت الي عليه و رماه باهمال جنبه..على دخلت محمد
محمد:ملامحه ما بين الجد والضحك وصرخ فيه : خلود وش سويت
خالد :بضحكه جاك الموت يا تارك الصلاه اكيد خبرته ويتكلم بعبط : وش فيك ..؟ وش سويت..؟؟!!
محمد: مسوى بري الاخ ....ويروح عنده ويخنقه ...وش قلت لمنى الي دخلت تركض ما تشوف دربها
خالد:ضحك بصوت عالي : ههههههههههههههههه
محمد: مقهور منه : تضحك بعد..تبيني اكفخك الحين
خالد: ههههههههه ..يبعده عنه... فديتها اختك بتهبل فيني بس سلمت عليها فيها شي
محمد:بحزم : مالت عليك يالخبل ..بس سلمت معقوله ما قلت لها شي ثاني
خالد: هههههههههه عادي واذا كلمتها فيها شي
محمد : بعد عنها احسلك..وبطل حركاتك لو دريت انك بتصير كذا ما كان عطيتك هي
خالد: بلوم : ليه تقول كذا وبعدين يا طويل العمر..يخال عيالي .. تراها خطيبتي
محمد: هههههههه فيصل الثاني .. بيشتغلي خطيبتي ..
خالد: تكلم بجد : محمد ابي اكلمها ..الكل يعرف اني خاطبها..
محمد : يجلس و يتكي على طرف الكنب : ابي اعرف انت وش صار فيك هذا وانت تعاتب فيصل اول ..اسمعني زين لا تعلق البنت بهذى الطريقه اختي بعدها صغيره و جاهله بتتعلق فيك بسهوله ..وانتم ما بينكم شي رسمي غير الكلام
خالد: نزل نظره على الارض ياربي وش خلاني اتسرع وش بيقلون اهلها الحين عسى ما تضيفني ورجع رفع راسه : محمد انت منت واثق فيني الي تقول هذا الكلام
محمد: حاس انه متوتر وفيه شي : لو ما ثقتنا فيك ما اعطناك وافقنا عليك ..وهي بعدها صغيره ..بعدين مهو مسألة ثقه محد يضمن الايام وش بيصير فيها ..
خالد: غمض عيونه بقوه وتكلم بهذوء عكس التوتر الي بداخله : الله يجيب لنا الي فيه الخير ..
~~*~*~~
بيت ابو ابراهيم
حمد جالس عن امه وهي تكلم مرة خاله وبعد ما انهت المكالمه
حمد: هاه وش قالت ؟؟
ام ابراهيم : مثل ما خبرك ابوك البنت موافقه بس شرطها ما تبي ملكه
حمد: وقف و معصب : هو على كيفها تتشرط.... لا بسوي ملكه وبتكون الأسبوع الجاي
ام ابراهيم : لا تصارخ وبعدين خلاص خالك وابوك وافقوا علي شرطها ليه تعترض
حمد : بقهر ويكلم نفسه ..انا ارويك يا اصايل وشلون تتشرطن قولي ما ابيه وخلاص مهو تلفين عليهم وناظر امه : ابوي وينه فيه
ام ابراهيم : فرحانه له بس موترها من يوم عرف شرطها وهو مصدع براسها الا يبيها تكلمهم : معزوم
حمد: يجلس عند امه و يحب يدها : يمه القسم جاهز صح
ام ابراهيم : ايه الحمد لله مهو بناقصه شي
حمد : اجل احسبي حسابك ياطويلة العمر العرس بعد شهر
ام ابراهيم : وشهو انخبلت انت وش بعد شهر
حمد : ايه هى كلمتى ما في ملكه بلغيهم معها شهر واحد و المهر بكره يكون عندهم
ام ابراهيم : اخذت شور ابوك وخالك
حمد : يوقف ويحب راسها : ماراح يعترضون سلااام بروح اجهز اموري وبكره بعطي خالي المهر والحين بشوف ابوي يكلمه ..
ام ابراهيم : الله يجيب لك الي فيه الخير بس لا تستعجل على البنت ما يمديها تجهز
حمد: بحزم : ابيها بملابسها الي عليها اذا ما يمديها اذا جات تجهز وهي في بيتها
ام ابراهيم : ما عجبها كلامه : احشم بنت خالك يا حمد
حمد : دنق حب راسها : محشومه يالغاليه وحشيمتها من حشمت الخال تأمرين بشي قبل اروح
ام ابراهيم : الله يحفظك
~~*~*~~
غرفة ملاك
منى : طلعت ودخلت غرفه ملاك وسكرت الباب وجلست على السرير وضمت يدها على قلبها وهي مهي مستوعبه و بعد شوى رفعتها و فتحت كفها على مهل وتناظر بالكتابه الي بيدها..اهبل مجنون .. آآآآآآآآه ياقلبي بموت آآآآآآآآآآآه و تبوس يدها خبل اموت فيك.... و دخلت ملاك عليها
ملاك: منو شو عندك هنا..
منى:خبت يدها و تكلمت بتوتر : ادخلي وسكري الباب
ملاك: شو فيك وجهك مخطوف ..
منى: مي فين ..؟؟
ملاك: راحت عند التسريحه نزلت الساعه وحطتها : دخلت غرفتكم بدها تكلم سعد وبعدين تنام
منى: فكت اشاربها وتهف فيه على وجها : ملاك لحقي علي بموت
ملاك:لفت لها تواجها : شوو فيه ..وقربت منها
منى: آآآآآآآه كله منه
ملاك: تجلس عندها : من هوه
منى: يحالميه : خالد
ملاك: وش فيه خالد يا ليلى زمانك
منى: بقول لك شي بس ما تعصبين... تناظر بيدها ...شوفي كتبلي ايميله
ملاك: مهي مصدقه وتمسك يدها تشوفها : كـــــــيف..؟؟؟!
منى: حكتلها الي صار بكل حب تتكلم : آآآآآآه ملاك والله احبه...جنني صوته ..
ملاك: ياعيني على الحب
منى: وش رايك..؟؟
ملاك : لا شو بدك تحكيه بدون ما تخبرى ماما
منى:امي ما راح توافق انتي وش رايك
ملاك :قامت واقفه : لا ما يصير تكلميه مافي شي يربطك فيه غير كلام .. و محدا راح يوفق انك تكلميه ..
منى: بس انا ابي اعرفه معرف عنه شي
ملاك : بتردد هي محتاره : كلمي ماما وشوفي
منى: توقف عند البلكونه وجها للخارج : امي مستحيل توافق ولا ما كان اجلت الملكه
ملاك : دهنت يدها بكريم وجلست على الكرسي : طيب شوفي محمد شو يقول ..وسكتت وسرحت وهي تدهن اصابعه و تتامل أظافرها
منى: قربت منها وخبطتها على راسها : هيه انت اكلمك سارحه بحبيب القلب ما كنه كلها اسبوع وتكنون بحضنه على طول وحسره علي الي ما راح اشوفه
ملاك: منو وجع سكتي عني
منى: الحين قولي لي وش اسوي اضيفه ولا لا
ملاك: ما بعرف بس شوفي مي مخطوبه كم سنه ما عمرها كلمته ليه تكلميه بعدين شو راح يقول عنك اهلها ما عرفوا يربوها..
منى: قطع لسانه الي يقول كلمه عن اهلي ..
ملاك : بس معتقد يجوز انك تكلميه و يسمع صوتك
منى: تفتح غطا العطر و تشمه ترش منه : لا ما راح يسمع صوتي بس مسن
ملاك: منو انتي ممكن تكلميه هلا بس بعدين راح تتعودي وتشغلى نفسك عن الدراسه
منى: انا هذا الي خايفه منه و مقدر اقلك ما راح اكلمه وتطالع بيدها
ملاك: هو متي قال راح يدخل
منى : الساعه عشره
ملاك: اوكي سجليه بورقه واغسلي يدك وتعالى ننزل عند ماما..وخلينا ناخذ راي مي و شوفي اكيد بترفض لانه كلامك معه ما يجوز سوا مسن ولا غيره هذا الي اعرفه
منى :لا مي مثل امي ماراح توافق ..خلاص خلينا ننزل وبعدين افكر
~~*~*~~
غرفة مها
مها: كل الي تمنته حصلته بحبها له نساها كل الي حولها وتفكيرها صار مشغول معه وبس : رشودى حياتي معليش
راشد: بزعل ولوم : مها ما صارت هذى كل ما اقول لك بجيكم البيت امك تخرج و تقلك اعتذري منه وش فيها لا جيت عندك وهي مهي بموجوده انتي زوجتي
مها: ماخبرته انها ما خرجت امها من البيت بس ما تبيه يجي ويكثر زيارات : حبيبي حتى انا ابي اشوفك وش اسوي امي هذا طبعها حتي ابراهيم ولد خالي ما كانت تخليه يجي عند مريم وهي مهي بالبيت
راشد : بكل حنيه يسحرها فيها : يعني وشلون كيف بشوفك كذا اول مره وقلت معليش جات وجلست معنا وما قدرت اخذ راحتي معك والحين ما تبيني اجي
مها: يخدرها كلامه و دمها يضخ بجسمها بجنون بس تسمعه يتكلم بهذى النبره وبدلع : حبيبي خلاص لا تزعل انا بكلمها وبخبرها انك بكره بتجي وش قلت
راشد : وهو زهقان: أكيد بتقول وراها خرجه
مها : لا حبيبي بكلمها وابوي موجود ما راح تعتذر واذا اعتذرت استاذن من ابوي هاه وش قلت
راشد: انشوف حبيبتي اكلمك بعدين معي واحد من العيال يبيني ضرورى
مها : اوكي حياتي باي اذا خلصت منه دق علي
راشد : باي حياتي وقفل وفتح الخط الثاني هلا والله بعمري وحياتي...يحس بالمكالمات الثانيه فيه لها نكه غير ما ميزها مع مها مع انه عاجبته بس ما يقدر يترك الي معه (لان كل شي محرم يحليه الشيطان بعين الانسان وتكون له لذه شيطانيه خاصه فيه ..فكيف لا يحلو بعينهم وقد توعد الشيطان واقسم على ان يغوي الانسان )
صوت انثوي يحمل الكثير من الغنج و إثارة المشاعر الشهوانيه : هلا حبيبي وش فيك كل ما اتصل مشغول ما صارت هذى
راشد: ههههههههه تغارين على ياقلبي
....وي واذا ما غرت عليك بغار على مين
راشد: فديتك يعمري ..
~~*~*~~
بيت ابو ملاك
الساعه تسعه ونص
ام احمد جالسه واحمد حاط راسه على رجلها و نايم و ملاك حاشره عمرها عشان تكون بحضنها من الجهه الثانيه وامها تلعب بشعرها ..ورجولها مرفوعه على طرف الكنب و منى تسحب لها اصابعها وتاذيها تبيها تقوم من حضن امها ..
ملاك : على اذيه منى لها وهي بحضن امها حاسه انها طفله مثل احمد و تسحب يد امها من شعرها و تشمها بعمق وهي مقفله عينيها و تبوسها وتبتسم ..
محمد: دخل الصاله وشافها و يتامل حركاتها و بلبسها الترنق الابيض مثل الطفل البري ابتسم لمشاعره الي يشعر فها تجاهها و شاف منظرهم كلهم حول خالته و تمنى تكون حياته مع عياله بكره بنفس الطريقه لو مهو حنان خالته وحبها وطيبت قلبها ما كان شاف هذا المنضر الي اسر وجدانه حتى النخاع قرب منهم و بهدوء : السلام عليكم هلا والله عاش من شافك ويجلس جنب منى
ملاك : نقزت بسرعه وعدلت جلستها و هذا الشي ما طاف على منى وضحكها
..وعليكم السلام
منى: عاشت ايامك
محمد: احد كلمك يالملقوفه انا كلمت القمر
ملاك: ميلت على كتف امها وفهمته انه يقصدها : منو لا يكثر حكيك
منى: تناظرفيها : انا
محمد: وجهه جهت منى وطرف عينه على ملاك : منى احبك واموت فيك
منى: هههههههههههه
ملاك: عجبتها العبه وبعدها بحساسها وسعاتها الطفوليه : منى اصحي شوفيك
محمد: منى عيونك تجنن تطير العقل
منى: تناظر فيهم ومقهوره منهم : ههههههههههه لا والله وبعدين
ملاك: بدلع و هي تدفن وجها بزند امها و تبوسه : منى شوبيك عقلك ضربت فيوزاته
منى: هههههههههههههههههههههههه أكيد
محمد: حط رجل على رجل وقرص خد منى : منى تعرفين لو بنوديك مستشفي المجانين يشفون عيونك حبيبتي يعقلون
منى: تصفق وهي مبسوطه : ههههههههههههههههههههههه وش تنطر يالله
ملاك: منى تقهرين سكتي احسلك
منى: هههههههههههههههههه خلاص حرام عليك مقدر
محمد: منى حبيبتي ترى توني متعشي ودي احلي فيك
منى: ههههههههههههههههههههه بس
ام احمد : تتفرج المسلسل ومهي منتبه لكلامهم زين و أزعجوها : بس انتو الثنين وش فيكم عليها ذبحتوها
الكل:ههههههههههههههههههههه
محمد: هههههههههههه اوكي سكتنا عشان خاطرعيونها بس
منى: هههههههههههههههههههههه شكرا
محمد: وين مي واحمد ليه نايم هنا
ام احمد: مي نايمه
منى : والدب ما كنك تعرفه ما ينام الا كذا
محمد:ما الدب غيرك تاج راسك الصغيرون هذا
منى : مالت
محمد : ميل عليها و يكلمه بصوت واطي : وش قلك خالد اعترفي هاااااه
منى :بلعت ريقها و خافت و تناظر ملاك
ملاك :حست ان فيها شي قامت : تصبحوا على خير يالله منو
محمد: على فين جلسوا ما شفتكم اليوم
ام احمد: لا خلهم يطلعون ينامون بكره موعد استلام الفستان الصبح..وخذ اخوك طلعه فوق
منى: تصبحوا على خير
ام احمد: و انتى من اهله
ملاك: تسلم على راسها : تصبحي على خير
ام احمد : تلاقين خير ناموا مهو تطلعون وتجلسون فوق
منى: تسلم على راسها : اوكي يالله ملاك ..وتسحبها مع يدها وتطلع وهم طالعين مع الدرج ...ملاك محمد وش يقصد معقوله خالد خبره
ملاك: لا مستحيل المهم انتي لا تكلميه وخليك عاقله روحي نامي
منى: تنهدت : ماشي وش رايك امي تنام عند مي وانا عندك
ملاك: تاشر بصبها لا : مستحيل ماما عندي
منى : مالت يالدب يارب حماده يصحي ويجي يهجم عليك مايخليك جنبها
ملاك : هههههههه يالطيف شو هالغيره ..
منى: دب روحي نخمدي تحضنين امي تحسبينها محمد ..وتشرد عنها
ملاك : راحت بتلحقها بس دخلت الغرفه وسكرت الباب ..ورجعت على غرفتها وهي مبتسمه
~~*~*~~
غرفة مها :
مها: رجعت دقت عليه حصلته مشغول له اكثر من ساعه : ما صارت هذى يكلم من كل
هـ الوقت لا ويتحكم ما يبيني اكلم منيره او احد بوقت متاخر
ارسلت له مسج
%%حبيبي معليش انتظرتك وانت مشغول انا تعبانه بنام تصبح على خير%%
و اخذت تيلفون البيت و تصلت على منيره
منيره : الو
مها: سلام وش اخبارك
منيره : مها وش عندك متصله من تيلفون البيت
مها : يا سلام شوفي الساعه كم وبتعرفين ليش دقيت من هـ الرقم
منيره : ما تخيلتك جبانه كذا
مها : لا يعمري ماني بجبانه بس ما ابيه يزعل وبعدين انتي فكري فيها صح لو احد غيره دق وحصل جوالي مشغول بيضن اني اكلمه
منيره: صح كلامك بس هو وش عنده معناه يشك فيك
مها: بكل حب : لا مستحيل انتي ما تعرفين وش كثر يحبني ..المهم انتي وش عندك بكره
منيره: ما عندي شي خير
مها: ابي اروح السوق
منيره: متي تبين تروحين
مها : الصبح
منيره : لا خليها بعد المغرب
مها: لا ما اقدر يمكن راشد يجي بكره وبعدين انا ابي اخذ له هديه هاه وش قلتي
منيره : خلاص فيها سوق صحيني اروح معك
مها : زين انا بنام عشان اقدر اصحى الصبح تصبحين على خير
منيره : وانتي من اهله باي
مها : باي وقامت طفت النور وراحت على سريرها ودق جوالها ....الو
راشد: معليش حياتي تاخرت عليك صحيتك من النوم
مها : لا بعدني ما نمت
راشد : حبيبتي بتنامين الحين اذا كذا اكلمك بعدين
مها : لا حياتي انت معي وتبيني انام
~~*~*~~
بيت ابو ملاك
غرفة البنات
منى :دخلت الغرفه ومي نايمه بدلت ملابسها ببجامه قطنيه مريحه و دهنت ايديها ورجولها بكريم ولبست خف برجلها و تقلبت على السرير وكل شوي عينها تجي على الاب توب و ترجع تنقلب الجهه الثانيه..و شهقت يوم خطر في بالها سؤال..وتكلم نفسها بصوت واطي لازم اعرف مستحيل اعيش معه اذا مهو مثلي و تقوم بسرعه تفتح جهازها..وتضرب جبينها بيدها ..يوووه الورقه عند ملاك و تقوم بسرعه وتخرج من الغرفه تتسحب و تدخل غرفة ملاك و تسمع صوت المويه في الحمام و امها ما بعد طلعت تاخذ الورقه من على التسريحه وتخرج بسرعه ..و تضيف الاسم و تتاكد من حروفه و تناظر الساعه كانت عشره و خمسه وثلاثين دقيقه ..بعد ما ارسلت توترت و رجعت تهدي عمرها انها بس سؤال وحد تسأله وتخرج ..
خالد : كان التوتر وصل حده عنده و لما ماشافها دخلت ارتاح شوي و قام راح ياخذ له كاسه مويه و العيال الكل نايم رجع دخل غرفته و سكر الباب و جلس على طرف السرير بيقفل الجهاز الا يشوف فيه اضافه اخذ ثواني وهو متنح في الشاشه شرب رشفه من المويه و تنهد كله منى انا الي جبته لعمري سمي بالرحمن وهو ناوي يخبرها انه ماراح يكلمها اذا كانت هي وقبلها وحب ياتاكد انها هي ولا لا لانه جلس فتره بعد ما اضافها ما تكلمت
:: وما كنت ممن يدخل العشق قلبه و لكن من يبصر جفونك يعشق ::
السلام عليكم ...ممكن اعرف من معي ...؟؟
منى : بلعت ريقها وتوترت مهي قادره تكتب
خالد : شاف انه مافي رد ..وابتسم وعرف انها هي ...
:::وما كنت ممن يدخل العشق قلبه و لكن من يبصر جفونك يعشق:::
اذا ما قلت من انت بحذفك من عندي على طول ..
منى : طيب يا خويلد يارب تحذفني ماني راده ..يووه وش فيني انا كيف بسأله ..وكتبت وهي يدها تغلط باماكن الحروف وترجع تعدل الكلمه
][ أحبك حتى كأن الهوى تجمع وارتاح في أضلعي ][
وعليكم السلام ..شوف ما اضفتك الا عشان بس اسئل سؤال وابي اجابه بصراحه
منى تنهدت بعد ما ارسلتها ..و ختفت ابتسامتها يوم شافت نكها ما غيرته و تكلمت بصوت ..خبله طول عمرك خبله الحين وش بيضن..و شافت مي تحركت و نطت عن السرير و سحبت مفرشها وجلست على الارض بالزاويه والنور مطفي مافي غير نور الشاشه ..
خالد : ابتسم على عفويتها بس حب يتاكد انها هي ولا لا
:::وما كنت ممن يدخل العشق قلبه و لكن من يبصر جفونك يعشق::
اعطيني اشاره انه انه انتي الي في بالي وبعدين اسئلي الي تبين
منى يوم جلست شافته مرسل خبل يشخمط بيدي ويبي اشاره
][ أحبك حتى كأن الهوى تجمع وارتاح في أضلعي ][
انت اعتقد ماشي مع اغنية شخبط شخبيط
خالد : ضحك يناس خبله واحبها
:::وما كنت ممن يدخل العشق قلبه و لكن من يبصر جفونك يعشق:::
وانا خطيبك تطمني ..وشهو ..سؤالك الي تبين تعرفينه
منى : ارتاحت اكثر ..وترف عينها تشوف مي بعدها نايمه او لا
][ أحبك حتى كأن الهوى تجمع وارتاح في أضلعي ][
ابي اعرف انت وش ناديك الي تشجعه مره سمعت محمد يقول انه واحد من الي معه شبابي متعصب ..
خالد : تنح بسؤالها مهو مصدق انه هذا الشي الي دخلها ..
:::وما كنت ممن يدخل العشق قلبه و لكن من يبصر جفونك يعشق:::
الحين من جدك تسالين هذا السؤال
][ أحبك حتى كأن الهوى تجمع وارتاح في أضلعي ][
ايه مهم وابي الصدق
خالد :ابتسم وحس انه فعلا يتعامل مع مراهقه
:: وما كنت ممن يدخل العشق قلبه و لكن من يبصر جفونك يعشق ::
ايه هو وش بتسوين يعني
منى : عصبت لا مستحيل
][ أحبك حتى كأن الهوى تجمع وارتاح في أضلعي ][
نعععععععععععععم وش تشجع ..خلاص اقول مافي خطبه سامع مع السلامه
خالد : ضحك من قلبه بصوت ...هيه خبله هذى وش قصتها
::وما كنت ممن يدخل العشق قلبه و لكن من يبصر جفونك يعشق::
بنت تعالي وش قصتك انتي ليه حضرتك وش تشجعين ..وش دخل الانديه بحياتنا
منى : ردت بسرعه عليه وهي تبي تخرج خلاص
][ أحبك حتى كأن الهوى تجمع وارتاح في أضلعي ][
لا لها دخل مستحيل اقبل في واحد مهو مثلي ..ضنيتك مثل محمد هلالى حتى النخاع فديته وفديت كل من يحبه
خالد :ضحك على خبالها حتى هنا حركاتها عفويه
:: وما كنت ممن يدخل العشق قلبه و لكن من يبصر جفونك يعشق::
هههههههه منى اعقلي بلا جنان انا احبك ومستحيل ابعد عنك سامعه وحطيها حلقه باذنك ..انا اعشق ناديك مثلك..وانتي قلتيها فديتي الي يحبه يعني انا
منى : بتسمت بفرحه ..تيه قول كذا من اول تلعب علي فديت روحك وناديك يارب
][ أحبك حتى كأن الهوى تجمع وارتاح في أضلعي ][
زين مع السلامه ..ولعد ترسل مره ثانيه
خالد نسي عمره من كثر مهو مستانس فيها
:: وما كنت ممن يدخل العشق قلبه و لكن من يبصر جفونك يعشق::
احلفي انتي مهو بكيفك تضيفيني و تتامرين علي على كيفي انا ..وبعدين وش دخل الانديه بحياتنا الزوجيه
منى : بنفعال وخبال
][ أحبك حتى كأن الهوى تجمع وارتاح في أضلعي ][
ايه على كيفي وش بتسوي يعني و بعدين وشلون مالها دخل عادي يعني اكسر التحف والصحون على راسك
خالد بس قرأ ردها..مات ضحك على خبالها
:: وما كنت ممن يدخل العشق قلبه و لكن من يبصر جفونك يعشق::
آآآآآآآآآآه يا يمه لحقي علي ذبحتيني ياخبله احبك
منى: انا الي بموت اليوم وترسل بوسه في الهواء ..و كتبت بجديه
][ أحبك حتى كأن الهوى تجمع وارتاح في أضلعي ][
لو سمحت بطل قلت ادب واكتب عدل ..كلام غزل ما ابي لانكم كلكم مثل بعض الحين كلام حلو وبعدين تعطونا على روسنا
خالد : ههههههه لا اشو فيها ذرة عقل مع خبالها ..
:: وما كنت ممن يدخل العشق قلبه و لكن من يبصر جفونك يعشق::
طيب وعد ما اكتب غزل بس اكلمك بحدود ايش قلتي
منى : تبي تعرف يومها هو كيف كان رد فعله وتتحرقص من اول تبي تعرف
][ أحبك حتى كأن الهوى تجمع وارتاح في أضلعي ][
وش كان ردت فعلك يومها
:: وما كنت ممن يدخل العشق قلبه و لكن من يبصر جفونك يعشق::
آآآآآآه ذبحتيني عمري بحياتي ما راح انساه من يومها معد اشوف الي انتي قدامي وطول وقتي افكر فيك .....تعرفين
منى:ابتسمت وحمر وجها
][ أحبك حتى كأن الهوى تجمع وارتاح في أضلعي ][
خير
:: وما كنت ممن يدخل العشق قلبه و لكن من يبصر جفونك يعشق::
ان محمد ما صدق لما قلت له ابي اخطب وقعد يضحك علي
][ أحبك حتى كأن الهوى تجمع وارتاح في أضلعي ][
وليش
:: وما كنت ممن يدخل العشق قلبه و لكن من يبصر جفونك يعشق::
لاني عمري ما فكرت اني اعرس بس احسن شي سوتيه انك قلتي اسمك ولا كان جنيت لما قال لي ان اخته مخطوبه
منى : السعاده غمرت قلبها
][ أحبك حتى كأن الهوى تجمع وارتاح في أضلعي ][
وشلون عرفت انه مهو انا
:: وما كنت ممن يدخل العشق قلبه و لكن من يبصر جفونك يعشق::
آآآه ياعمري قلتله وختك الثانيه قلي منى صغيره قلت ايه هاذى الي ابيها الي ما خلت فيني عقل
][ أحبك حتى كأن الهوى تجمع وارتاح في أضلعي ][
سلامه عقلك
:: وما كنت ممن يدخل العشق قلبه و لكن من يبصر جفونك يعشق::
انتي ما فكرتي فيني يومها بعد ما سبحتيني معك
منى خجلت و ماعرفت وش ترد
:: وما كنت ممن يدخل العشق قلبه و لكن من يبصر جفونك يعشق::
هههههه وش فيك ما تردين
][ أحبك حتى كأن الهوى تجمع وارتاح في أضلعي ][
لا لاني من الخوف نسيت شكلك
:: وما كنت ممن يدخل العشق قلبه و لكن من يبصر جفونك يعشق::
هههههههههههههههههههههه من وشو خايفه
][ أحبك حتى كأن الهوى تجمع وارتاح في أضلعي ][
كنت اضنك محمد لما طيحتك وخفت تخبره
الخالد : حب يكون كلامه جدي معها ..
:: وما كنت ممن يدخل العشق قلبه و لكن من يبصر جفونك يعشق::
انتى باي قسم
][ أحبك حتى كأن الهوى تجمع وارتاح في أضلعي ][
علمي
:: وما كنت ممن يدخل العشق قلبه و لكن من يبصر جفونك يعشق::
وش ناويه تدخلين
][ أحبك حتى كأن الهوى تجمع وارتاح في أضلعي ][
مدري للحين ما بعد قررت .... كلمنى عن نفسك وش تحب وش ما تحب..و عن اهلك
:: وما كنت ممن يدخل العشق قلبه و لكن من يبصر جفونك يعشق::
اوكي سئلي وانا اجاوبك و انتي بعد ابي اعرف عنك كل شي
~~*~*~~
بيت ابو عامر
على الفطور
مها : نزلت وشافت ابوها يفطر سلمت على راسه : صباح الخير
ابوعامر : صباح النور وش مقعدك من بدري اليوم مهي العاده
مها : حبيت افطر معك
ام عامر: لها كم يوم متحسنه حالتها وهي تشرب عصير برتقال طازج وصوتها فيه بحه من الزكام : غريبه نازله الصبح
مها : تسلم على راسها وتجلس : يمه ابي اروح السوق اليوم
ام عامر: متي تبين تروحين
مها : الحين الصبح بيكون فاضي
ام عامر: وين تبين
مها : الفيصليه
ام عامر: خلاص اجهزي واوصلك معي انا بروح بعد نفطر هناك ..زهقت من جلست البيت
ابو عامر: انتي حتى بمرضك ماتعرفين تجلسين بالبيت امس خارجه
ام عامر :وش عندي بالبيت اجلس عشانه نجتمع ونشوف احوال الناس والمحتاجين
ابو عامر : بتريقه : ايه صدقتك
مها :تبي تلحق تقول الي عندها قبل ما تقلب الجلسه لخناق : امي منيره بتروح معي
ام عامر: خليها تجهز ونمرها
ابو عامر: مها ترى اودعت بحسابك مهرك واذا نقص عليك شي خبريني
مها : تسلم يبه الله يخليك لي ويطولي بعمرك ...وخفظت صوتها وقالتها بحيا... يبه راشد كلم البارح يبي يجي اليوم وش ارد عليه
ابو عامر : الله يحيه باي وقت
ام عامر : متي قلك بيجي
مها: مدري ما حدد
ام عامر : خليه يجي بدري بعد المغرب انا معزومه اليوم عندي عرس بحضره ولا يطول زين نبهي عليه
ابو عامر : كيف تبينها تقله كذا بيعتبرها طرده خلاص ما عليك انا بكون بالبيت
ام عامر: سوى الي تبيه يالله اجهزي انتي انا بطلع ابدل الي علي
مها : وهي فرحانه : زين
~~*~*~~
بيت ابو ملاك :
الصباح
مي : منى قومي بيكفيك نوم بسرعه خالتي تنطرنا بنروح مع ملاك
منى: خليني ابي انام
ملاك: تدخل و ترفع صوتها : مهو بكيفك قومي ...وتسحب عنها الغطاء
منى: وجع ملاك ذلفي برا
ملاك:تجلس عندها تبوسها صباح الخير ..وتكلمها باذنها قومي ولا اخبر ماما انك كلمتيه شوفي الاثار باينه و تاشر على الاب توب والشاحن الي بالارض و المخدات
منى: اووووووف وجع نذله
مي : وش فيكم
منى: ولا شي وتوقف قمت خلاص طلعوا بالبس وانزل تحت
مي : بسرعه وتخرج
ملاك : تمسكها مع يدها انتي كلمتيه بجد و متى نمتي
منى:تفرك عيونها : ايه .. الساعه ثنين
ملاك :شوووووو طول الوقت تكلمينه
مى: ايه
ملاك: لا عن جد الها حق ماما تمنعك بضيعين عمرك كذا
منى: لا حبيبتي تفقنا بس يوم الاربعاء والخميس
ملاك: بنشوف
منى: يابختك محمد معك مهو مثلي
ملاك: وجع روحي بسرعه لا علم ماما
منى: حرام عليك محمد يحبك و انتي ما اشوفك تتكلمين عنه وتعطينه وجه
ملاك: انا نازله لحقيني وتخرج وتسكر الباب
منى : ايه زين تهربين من الموضوع
ملاك: صباح الخير وتروح وتبوس امها
ام احمد: صباح النور
ملاك : صباح الخير حبيبي وتبوسه
محمد: صباح النور يا حياتي
ملاك: تجلس شو احد كلمك
مي وام احمد: هههههههههههههههههه
احمد : يثاوب وش فيه تضحكون
محمد: اكل و انت ساكت محد قدك على هـ الصبح يا ليتني مكانك
ام احمد: محمد عيب
محمد: الحين من اولي انا ولا اهو
ملاك: هو عندك مانع
محمد: زين انا راويك
ام احمد: محمد وش فيك على هـ الصبح بسم الله الرحمن الرحيم
مي: قالتها بعفويه و نيه حسنه : احمد ربك اهي معك طول الوقت
محمد:فهمها شي ثاني و ابتسم : ايه عن الحسد عشانهم ما خذينك عنه ما كنك طول اليلل و انتي تكلمينه
مي: خجلت و مهي قادره تبلع الاكل
ام احمد: وش فيك يالله صباح خير خجلت اختك
محمد:اوكي عشان خاطرك بسكت
ام احمد: لا تنسى اليوم روح احجز
ملاك: قامت
ام احمد: تعالي وين رايحه ما فطرتي
ملاك:مابدي واخذت كوب الكوفي و طلعت
محمد: خالتي خلينا كم يوم وبعدين نحجز
ام احمد: لا ما فيه وقت توه نروح نرتب امورنا هناك اذا حصلت حجز على بكره او بعده بيكون ازين
محمد: ماشي .. ويقوم
ام احمد: وش فيك ما كملت فطورك
محمد: الحمدلله
~~*~*~~
غرفة مها
مها:صباح الخير حبيبي
راشد: هلا صباح النور
مها: حبيبي ليه نايم مارحت العمل
راشد: ليه الساعه كم
مها: الساعه وحده
راشد : اوكي ما عليك الحين اروح ابوي ما يقول شي
مها: حبيبي كلمت اهلى تعال اليوم
راشد : اخيرا ما بقت توافق خلاص الساعه عشره اجيك
مها: لا حياتي وش عشره تعال قبل
راشد: ليه
مها : امي تبي تروح عرس تعال بعد المغرب
راشد: لا وش رايها العصر يكون احسن
مها: حبيبي لا تزعل
راشد: خلاص بعدين اكلمك بروح اخذ شور و بروح الدوام سلام
مها : راشد زعلت
راشد: لا حبيبتي بعدين اكلمك خليني اصحصح شوى زين
مها : اوكي
راشد: باي
مها: باي
~~*~*~~
بيت يزيد
يزيد : دخل بيته وهو طفشان من الدوام واصل حده من التعب سحب شماغه و عقاله من على راسه وشاف هند وهي جالسه و جهازها الاب توب قدامها ..وتكتب شي فيه : السلام عليكم
هند : وعليكم السلام ..هلا راد مبكر اليوم ..وقفلت الجهاز قبل يوصل ..تبي الغداء الحين
يزيد : يجلس بتعب : لا خليه بعدين ما ني مشتهي ..
هند : جلست عنده : وش فيك ياقلبي تعبان و تمسح على شعره
يزيد : ميل على كتفها وسند راسه : مصدع و جسمي كله مكسر شكلها بداية زكام
هند : تحس راسه وحرارته عاديه : زين الحين احيب لك عصير برتقال بليمون و حبة بندول ..وش رايك تبي العصير معه نعناع
يزيد : وهو مغمض عيونه : نفس الي سوتيه قبل
هند : تمسح على وجه بيدها و تسمي عليه بخوف كانه ولدها الصغير الي بيتعب : ايه حبيبي هو
يزيد : طيب بس لا تكثرين النعناع فيه .
~~*~*~~
بيت عامر
نوره كانت بالمطبخ بعد ما خلصت غداها طلعت تشوف بناتها وينهم ما لهم صوت ودخلت عليهم غرفتهم شافتهم ما فيه احد و راحت غرفة الالعاب تصدمت من منضرها مافي لها موطي رجل حايسين الدنيا فيها و مهم فيه بعد نادت عليهم محد رد عليها والمشكله الثلاثه مختفين دورت في الدور الي فوق ما فيه ولا وحده منهم ..
عامر : دخل البيت و هو ماشي بالمدخل سمع اصوات جايه من جهو مجلس الحريم قرب منه وقف مكانه يضحك بدون صوت على المنظر الي قدامه ..وشاف نوره نازله اشر لها تجي وبدون صوت قربت منه و كلمها باذنها وباس راسها وهو مبتسم ..وفتح الباب عليهم
نوره : شهقت و ضحكها منظرهم : وش تسون يالمخبل
شروق شافت امها وابوها قامت تصفق
شهد : نلعب حجاج
شوق : تعالي العبي معانا لبيك
عامر : يضحك: فديتكم تعالوا لا تنقض عليكم امكم بسرعه شوفوا عيونها عندها نية غاره جويه بسرعه
البنات شافوا امهم من جدها معصبه راحوا يركضون عند ابوهم
نوره : بعصبيه وضحك على اشكالهم : الحين ما كفاكم لعبكم فوق وحايسين الغرفه نازلين تكملونها هنا ولعبين بجلال الصلاه
شهد : ووهي عند ابوها : عشان نسوي زي الحجاج
شروق : هم يلبسونه ويطيح الجلال من عليها و ترده بخجل لانها بملابسها الداخليه وسروالها النص
نوره : قربت منهم وتصرخ فيهم :وبعدين معكم انتوا الحين ترتبون كل شي ..وانا رويكم المجالس ما قلت ما تدخلونها ..
عامر : شال شروق وهو يضحك : غاره بسرعه بنات اركضوا وراح يجري معهم و طاح جلالهم من عليهم وهم يركضون على الصاله و مات ضحك عليهم و ياشر لنوره تعديها لهم
نوره : والله محد بيخربهم غيرك الحين لو جاني ضيف والمجلس كذا
( البنات لمن شافهم ابوهم كانوا لابسين الجلال ابيض ولفينه مثل الأحرام و يلفون من حول الطاولات و يلبون لبيك اللهم لبيك و يرمون من الحلاوه الوزيه على الطاولات على انها الجمرات ..والمجلس حاله صاير يرثي له )
~~*~*~~
بيت هزاع
اصايل : بغرفتها من يوم خبرها بوها عن موعد الزواج وهي معصبه وتسب فيه
شمايل : ابي اعرف الحين على ايه تسبين فيه المسكين تستاهلين ولا فيه بنت ترفض الملكه جالسه تتشرطين عليه خلاص نفذوا الي تبين والحين معترضه على موعد العرس وانتي مثل ما قلك ابوي ماعندك شي الي ياجل عشانه
اصايل : بعصبيه واصله حدها : ايه ما ابي ملكه هو على كيفه ليه الملكه وش بستفد منها ماغير يضحك على فيها شوفي لي وحده تقلك انه زوجها مستمر مثل ما كان ايام الملكه ..كلهم نفس الشي مسخره
شمايل : تعبت من تفكير اختها المشقلب ما تدري ليه هي الوحيده فيهم تفكيرها كذا : انتي مدري وشلون تفكرين الحين ليه تنظرين لشين منهم مهم كلهم مثل بعض ..والملكه تمهيد لك عشان تعرفينه قبل تدخلين بيتك ..
اصايل : ما ابي اعرفه و ابي مثل امي وجدتي مهو مثلكم..
شمايل : قامت عنها : خبله انتي بعدين بتندمين
اصايل :بطفش وتوتر : اندم على ايه على غزله الي مدري من وين يبي يجيبه ما هقيت حميدان يعرف لهذا الشي ..وخليه يوفره لبعدين مهو بملكه وخربيط
~~*~*~~
ام عامر دخلت بيتها وهي تحس انه مرضها بدا يخف اخيرا بدت تنفذ مخططها و داريه انها بس حدها هند اسبوع مع يزيد و بيطردها شر طرده
~~*~*~~
ايه على فكره بنات جهزوا فساتينكم العرس بالبارت القادم بعد ايام..اذا ربي راد
تحياتي
استودعكم بحفظ المولى
19-03-09, 02:36 PM
جديد مواضيع قسم القصص المكتمله من وحي قلم الاعضاء
العرض العادي
