السلام عليكم ورحمة الله وبركاته
الشوق يجذبنا الي احبتنا وبدموع الحب و الأخوة في الله ندعو بصوت واحد لإخواننا في غزه ..اللهم لا نسألك رد القضاء ولكن نسألك الطف فيه ...هذه غزه تدمر اين نحن يا عرب ضحيا بكل مكان مباني مهدمه اطفال و نساء تحت الإنقاذ.... واااا معتصماه... لو كنت بعصر صدر الاسلام لسيرت الجنود و لبوا النداء ...ولكن في عصري هذا يلبونها بحبر على ورق متناثر... انظروا الى حيفا كيف هي جنه بفلسطين من تطور وعمران لأنها اسرائيليه اذهبوا و ابحثوا عنها لتعرفوا مقدار الظلم والمعاناه التي يعيشها شعب تحت القصف
حسبنا الله و نعم الوكيل يا ذا الجلال و العزة
اللهم انقذ المسلمين فى غزة
اللهم كن لهم عونا و نصيرا
اللهم ربنا جل ثناؤك و تقدست اسماؤك
اللهم لا يرد امرك و لا يهزم جندك
سبحانك و بحمدك
اللهم عليك باليهود الظالمين
اللهم منزل الكتاب,هازم الاحزاب,مجرى السحاب
اهزمهم و زلزلهم
اللهم ارينا فيهم عجائب قدرتك .. قتلة الرسل و الانبياء
ظلمت العزل الابرياء
اللهم حرر المسلمين فى غزة يا ذا الجلال و العزة
اللهم فك اسرهم و اشفى مريضهم و اكشف كربتهم
اللهم بدل خوفهم امنا يا ذا الجلال و العزة
اللهم اعز الاسلام و المسلمين و اذل الشرك و المشركين و دمر اعداء الدين و احمى حوزة الاسلام
و اجمع كلمة المسلمين على الحق يا رب العالمين
اللهم انجي المستضعفين المسلمين فى كل مكان
اللهم اصلح احوال المسلمين فى فلسطين و العراق و فى كل مكان
اللهم الف بين قلوبهم و اهديهم سبل السلام و اخرجهم من الظلمات الى النور
يا ذا الجلال و الاكرام و العزة
:: ؛ ::
هذا البارت
إهداء لغلآ عيوني (أم لولو ..العامريه ..عاشقة ملامح ) من ملكت القلوب بطيبها وحسن اخلاقها وروحها المرحه فهي كالشهد للمريض ..و البلسم للمجروح ..و بكل حب و ود و اخوه اهديكي هذا البارت .....و السموحه منك على تأخيري كان من المفترض تشاهديه قبل أسابيع من الان ولكن لكل انسان ظروف تحكمه وتسيره مجبر بها
السموحه من الجميع على التقصير والتأخير ...لاني كل ماقلت هانت يجد علما ً جديد
و امنيتي ان يكون فيه ما يفيد لا ما يدمر
قراءه ممتعة ؛؛
الفصل عشـــــــــــ *14 *ـــــــــــر
ربما هناك الكثير ممن معهم شهادات لكنهم جهله في امور كثيره من الحياه و يفتقرون الي المعلومات الصحيحه وهناك من لم يحمل شهاده ولديه مخزون من المعلومات ما فاق شهادة العالم نفسه فهذه هي الحياه ومدرستها وليس كل متعلم مثقف و انما المثقف هو المتعلم
غرفة مها
بعد ما بدلت ملابسها ولبست بجامه جهازها امامها على السرير و السماعه بذنها تكلم منيره بالجوال
مها : بأسلوب متكبر و بدلع : يؤؤؤه يا منيره والله حسيت اني جاهله معها ما تقولين بنت فقر ابد تتكلم بكل ثقه و تعرف كل شي الماركات معتقد انها جربتها بحياتها الا بعد ما خذها يزيد وتتكلم عنها تقولن لبستها من صغرها .... وتشغل جهازها الي على رجولها وتفتح المسن وتعدل جلستها بمخده خلف ظهرها
منيره : زين انتي وش عليك منها اهم شي ارتحتي لها
مها : بضحكه : هي طيبه بس انا تفاجئت منها انهم عيال الفقر يعرفون هذى الاشياء ...لا و تتكلم عن بعض الدول تقولين زايرتها انا تكلمت عنها عمد ابيها تحس انها اقل مننا بس هي عادي عندها جارتني بكلامي لا وتحكي عن بعض الاماكن انا بحياتي معرفها
منيره : تجاري مها كلامها وهي عندها بنات خالها اقل منهم مستوى و داريه انهم يعرفون كل شي الفقر مهو معناه جهل العقل : يوووه وهي وش عرفها وانتي تقولين عمرها ما خرجت برى الرياض والسعوديه ما تعرفها
مها:وهي تتصفح بنامج عندها على جهازها : يا بنت الحلال من الكتب الي تقراها والنت مستفيده منه في البحث وجمع المعلومات بنت فقر وش تتوقعين تحب تحفظ كل شي وتضحك بستهزاء ...تخيلي وش تقول
منيره : وهي تضحك معها حصلت شي يسليها : وش تقول اتحفينا انتي شكلك بتقضين الليل كله وانتي تتكلمين عنها
مها : انتي لو كنتي معي بيصير فيك مثلي..وغير مريم الي بغت تذبحني وانا كل شوي ناطه لها بشغله ابي احرجها فيها يالطيف يا فيها قوه ولا عليها باحد وترد بعين قويه
منيره: زين قولي وخلصينا بروح انام ..لو ما كانت قويه ما كان اخذت اخوك منكم بدون علم احد
مها : ايه صادقه ...تعالي وين تنامين بجلس معك بسوي عليك تجربتي الاولى افتحي مسن بسرعه
منيره : لا والله وراي دوام مهو مثلك ...الحين خبريني وش قالت عن النت ياحبك لحرق الاعصاب و اسحب منك الكلام سحب
مها : ههههههههه عادي تقول انه سخر لفايدتنا مهو لدمارنا ولازم نستفيد منه ويكون فصالحنا مهو ضدنا ونخاف الله بكل كلمه نقراها فيه او نشوفها وانه الله رقيب علينا...
منيره : بكل عقلانيه : هي صادقه احنا نتمادي بفتح اشياء كثير فيه وانه محد يشوفنا وخصوصا موقع *** هذا بصراحه لازم يتقفل كله دمار ما فيه فايده قد مهو دمار للكل وش الي يعرضه غير الفضايح ومصوره بعد اكثر من الشي المفيد
مها : عادي مثله مثل أي قناه من قنوات التلفزيون الحين...بس تعرفين تمنيت اني اكون زايره فينا من كثر ما حكت عنها وكانها شايفتها وانا الي الف واروح كل مكان ماني عارفه فيها شي
منيره : عاديه مثلها مثل غيرها من المدن زرتها قبل خمس سنوات
مها : انتى الخبله فينا عاديه مدينة العشاق عاديه يوه عارفه شكلي بروح اشوف الاماكن الي قالت عنها ما خلت شي عنها ما قالته تصدقين اول مره ادري انها عاصمة النمسا و أكبر مدنها
منيره : ههههههههههه يوه الي يسمعك يقول نعرف الدول وعواصمها بس بجد ...مها هذى كبيره عاد معروفه انها عاصمه النمسا ومشهوره بعد ما سمعتي ام كلثوم وهي تتغزل فيها
مها : وش دراني عنها ...و ليه شايفتني كم عمري الي تبيني اسمع ام كلثوم يوه تغثني هذى الحرمه مدري على ايه حبوها الناس
منيره : يابنت لحد يسمعك يقول عنك متخلفه يؤؤؤه عليك هذى كوكب الشرق على قولتهم
مها : وش يعني انا ما تعجبني ...مره قلتها علني لهم بمصر جو يذبحوني ..بالله عليك وش جابها لأبو نوره يقارنونها معه ...المهم تعرفين ليه سموها فينا
منيره: انتي تقولين الا ابو نوره عاد ...لا معرف ليه سموها..؟؟.... هههههه احسك بتفرغين شحنة المعلومات الي حصلتيها على راسي
مها : ههههه شحنه تلسعك و تضرب دماغك ..
منيره: هههههههه زين قولي خلاص
مها : سموها بهذا الاسم من اسمها القديم اللاتيني (فيندوبونا) اذا ماني غلاطانه بالاسم مدري قالته كذا او لا ومعناه الهواء الجميل او النسيم العليل يوه يا منيره وش اقلك وايش اخلي بس بجد شكلها بتسحر يزيد زياده عشان كذا مريم حبتها يا بنتي تسحرك وهي جالسه معك
منيره : هههههههه شكلها ساحرتك بعد
مها :تصدقين عاد ملت لها و اسلوبها حلو وهي تتكلم ...مها كانت تكلم و هي تخترق جهاز منيره وبدون ماتحس عليها ...منور يالدب منتي فاتحه مسن هااااه..حاطته اوف لاين ...
منيره : كانت بعيده عن جهازها و متفاجئه : وانتي وش عرفك يالدب
مها : ههههههه دب بعينك بس صور من هذى الي على جهازك هااااه اول مره اشوفها
منيره : وهي مهي داريه عن ايش تتكلم كانت عند الدولاب تجهز ملابس دوامها خلت التنوره على جنب :.وش صورته و انتي وش عرفك بجهازي وش عليه... وش ماعليه
مها : سحبت الصوره من على الجهاز وعرضتها لها شوفيها عرضتها لك هههههههه
منيره : تروح لجهازها المفتوح وهي مهي مصدقه عيونها توها ما خذه الصوره من اخت خطيبها الي تكلمها وارسلتها لها على ايميلها وتصرخ : يصيبك من بنت و شلون وصلت لك هاااااه ...وراح بالها انه لعاب ومها تعرفه ودمعت عيونها
مها : وهي مبسوطه على الاخر ودها تقوم ترقص : هههههههههههههه نجحت التجربه انتي اول صيده لي بهكر جهازك الحين
منيره : توها تستوعب وهي تشوف مها تتحكم بجهازها وتصرخ فيها : يصيبك من بنت هذا بس من حبستك في البيت خلتك كذا اخرجي احسن لا تصرين مجرمه بعد وسارقة بنوك عالميه
مها : ميته ضحك : الحين قولي صورة من الي عندك
منيره : بخجل وهي تشوف الصوره : يعني مين ما قلت لك اخته بترسل صورته الي عندها هذا هو ايش رايك
مها : بتهور والسانها متبري منها : يؤؤؤه اما عليك ذوق مدري من وين كيف وافقتي ماحسه مناسب لك
منيره : تضايقت من كلامها : ليه وش الي مهو عاجبك وش زينه يهبل(خطيبها اسمر ونحيف مره )
مها: ايه واضح انه يهبل هو و سماره يوه اما عليك ذوق ابد ما تخيلتك كذا من نحفه صاير نخله ههههههههه
منيره : بزعل : مها الزمي حدودك خلاص
مها : تداركت عمرها: اسفه منيره تعرفيني معك الي بقلبي على لساني وش اسوي خلاص ولا تأخذين بخاطرك
منيره : احذفي الصوره من عندك اذا سحبتيها و اياني و ياك تسوين حركتك فيني مره ثانيه ولازم تعلميني الطريقه
مها : هههههههههه مافي اسهل منها اذا مخك مفتح ادخلها عن طريق المسن ..تافهه الحين البزارين يعرفونها ...اذا جيتيني اعلمك عليها اقول منوره بروح العب على العيال واشوف وش اسرارهم الي بالشات مسويه لهم ايميل مخصوص
منيره : وهي منخرعه من تهورها وبصوت مرتفع : خبله انتي العيال اصحي منك وكيف بتخترقين اجهزتهم
مها : بكل ثقه : هههههههههه يا قلبي انا مها محد يقدر علي وبعدين انا مستعده اليوم جبت جهازي المكتبي من المستودع و ستعديت لهم حتى لو احد بيخترقه مستحيل يقدر نزلت برنامج حمايه و ماراح يحصل اي معلومه عندي يالله بكره اخبرك وش صار من اكتشافي لهم واسرارهم ههههههه
منيره: بخوف عليها : مها اعقلي وبطلي خبال لا تورطين عمرك معهم
مها: بجديه بصوتها : بس فيه واحد ابي اعرف عنه شي مهم مورط بنت مسكينه و يهددها له فتره اذا عرفت عنه شي يمكن اساعدها
منيره : عارفتها زين اذا حطت الشغله براسها : لا والله صايره مصلحه اجتماعيه حضرتك ولا سوبر ناني بحل المشاكل
مها : وهي مستانسه : ههههههههه لا سوبر مها و بطلي مسخره اذا عجبتني الشغله بسويها على الكل خدمه مجاني اكسب فيهمم اجر البنات المخبل ههههه سلام وبكره اذا جيتيني اسويلك برنامج حمايه محد يقدر يدخل على جهازك ولا تزعلين علي
منيره : يابنت هذا تجسس على الغير حرام عليك
مها : لا مهو تجسس على قولتك هذا خدمه مجانيه هههههه سلاااام وقفلت منها وعدلت الجهاز على رجلها وحطه مخده صغيره تحته...وبدت تنفذ الي براسها
قال الله عزوجل : ( وَلَا تَجَسَّسُوا وَلَا يَغْتَب بَّعْضُكُم بَعْضًا أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ وَاتَّقُوا اللَّهَ إِنَّ اللَّهَ تَوَّابٌ رَّحِيمٌ )
قال تعالى " والذين يؤذون المؤمنين والمؤمنات بغير ما اكتسبوا فقد احتملوا بهتانا وإثما مبينا " الأحزاب
فالتجسس انواع واصبح الان له طرق وفن مختلف فاتقوا الله فهو يعلم بدبيب النملة على الصخره الملساء في ظلمة الليل..ويعلم بحديث النفس و ما يدور بين خلاجاتها من خير او شر
وعن معاوية رضي الله عنه قال سمعت رسول الله صلى الله عليه وسلم يقول: ( إنك إن اتبعت عورات المسلمين أفسدتهم أو كدت أن تفسدهم ) حديث صحيح رواه أبو داود بإسناد صحيح
* * * * *
شقة البنات:
امل : ملت من الجلسه الوحدها في الصاله من بعد ما رجعوا من الجامعه هي وريم دخلت ريم غرفتها ومعد خرجت منها وجود بعد الي صار مع ملاك وهي بالغرفه ما خرجت منها و محاضرة الفتره الثانيه ما حضرتها وظلت في البيت قامت و دخلت غرفتها هي وجود غرفتهم مكونه من سريرين وتسريحه ودولابين مفصوله قربت من سرير جود وجلست عندها وهي مغطيه وجها ما تدري نايمه او لا وبصوت واطي : جود ...وتحط يدها على كتفها و حست بحركتها .. : قومي اعرف انج منتي بنايمه قومي كلي شي انتي حتى الصبح ما اكلتي ...وترفع البطانيه عنها ..
جود: بصوت باكي و راح من كثر ما تبكي و راسها يالمها ماتبي تشوف النور : امل ولي يعافيه خليني لوحدي وطفي النور ...ما ابي اكلم احد
امل : ما يصير الي تسوينه قومي معي
جود : وهي مغطيه وجها : امل الله يوفقك خلاص ما ابي اشوف احد ابي انام
امل :طيب اجبلك شي هنا تاكلينه
جود:بصوت باكي : لا بس خليني انام
امل : ما حبت تضغط عليها وهي سامعه كيف صوتها صاير : اوكي نامي وريحي عمرج..وقامت وطفت عليها النور وراحت دقت الباب على ريم ..و دخلت ريم وشذى كانوا بغرفه وحده ...شافتها جالسه على السرير و بيدها ورقه تكتب فيها ..وش عندك
ريم : اكتب الي ناقصنا في البيت لازم نمر نشتريه بكره وحنا خارجين من الجامعه
امل : زين كتبي معك كبتشينو و كوفي ماباقي منها كثير ..و كلنكس بعد وشمبو وبلسم الي
ريم : وهي منكسه راسها تكتب: وشهو نوع الشمبو ؟؟
امل : جلست مقابل لها و تربعه عندها : نيزورال (خاص بالقشره )
ريم ترفع راسها : يا بنت الك فتره طويله شايفتك تستخدمينه ما ينفع لازم كل بعد فتره تغيرين نوع الشمبو
امل : وشنو تبيني اسوي والقشره مهي براضيه تروح من شعري وهذا الدكتوره كاتبته لي
ريم : زين جربي مثل ما قلتلك تغسليه بخل التفاح مر زين
امل : يوه تبين ريحت شعري كلها خل ..لا
ريم : لا ماراح تبان الريحه وانتي تستخدمين البلسم
امل : زين اكتبيه معك ..ايه واكتبي بصل وثوم ..و مكرونه فيه ولا مخلصه
ريم : لا فيه بس يبيلنا نشتري تونه
امل : وهي تضحك : ول عليك مدري وشلون تاكلينها ..وتسحب منها الورقه ..هاتيها الحين وسمعيني
ريم : وهي عارفه وش بتقول : خير وش عندك
امل :تعالي كلمي جود مهي براضيه تقوم تاكل من يوم رجعت ما حطت شي بطنها
ريم : تناظرها و هي مقهوره من حركت الي سوتها جود : ما ابي اكلها لو شفتها الحين مدري وش ممكن اسوي فيها بعد ما شفت و شلون انجي متغيره كله بسبتها
امل: ريومه انتي تعرفين لو مهو احنا معها والله مدري وش ممكن يصير فيها وجود حبوبه بس هي متهوره شوي
ريم : رجعت تعصب : وين متهوره الي سوته قلة ادب مهو تهور ... انتي وشلون يكون رد فعلك لو جات وحده من صديقاتك و تقلك انها تحب رجالك وانك انتي اخذتيه منها ..كيف شعور انجي الحين ليه ما فكرت عدل قبل ما تتكلم ...انجي تعرف انها تميل له ومعجبه فيه بس خلاص ظروفها اجبرتها تاخذه... وهي ما تعرفه ...ولا تظنين من انجي تاخذ واحد صديقتها تحبه مستحيل وهي المفروض تعرف هـ الشي من عشرتنا لها
امل: زين الي صار صار تعالي خلينا نتكلم معها الحين والله صوتها يحزن وهي تبكي
ريم : مدري اخاف الحين لو كلمتها ازعلها اكثر
امل : لا قومي هي تسمع كلامك اكثر وحده مننا روحي لها وانا ابي اروح اسويلنا شي ناكله وش رايك
ريم : وهي باين زعلها على الي يصير من ملامح وجها : عشان خاطرك بس لو قالت كلمه كذا ولا كذا ماراح اتحملها منها الحين عشان كذا قلك خليه لبكره اقدر اضبط اعصابي معها
امل : لافديتك ريومه قومي كلميها الحين هي ضايقه من كل الي صار و لا تخلينها تاخذ على خطرها من الكلام الي قلتيه لها
ريم : زين عشان خاطرك بس يالله تعالي معي ما ابي اكون لوحدي ..راحوا عندها وريم على طول جلست عند راسها ورفعت الغطاء عن وجها ...جود قومي ولا زعلانه من كلامي الي قلته اليوم
جود : بكيت اكثر وهي مغطيه وجها
امل : قربت منها : جود خلاص
ريم : جود بس خلاص ولي يعافك
جود: انقلبت وحطت راسها على رجل ريم الي عندها : ريم ما كان قصدي بس مهو بيدي الي صار ...خبريني ايش اسوي ...والله عارفه اني غلطانه.. بالي سويته و...اكيد انجي ما طيق تشوفني الحين مهو بيدي اني حبيته
ريم : ناظرت في امل و بهدوء : لا بيدك لانه انتي مهو حب اعجاب وصدقيني لو تغضين بصرك عن كل ما يثير في نفسك و تتعوذى من الشيطان ما كان صار هذا كله وانتي الحين تقدرين تسيطرين على وضعك
امل : تجلس جنبهم وتحط يدها على شعر جود :شوفي انتي وكلي امرك بالله و صلي وكثري الذكر والدعاء.
ريم :ايه امل صادقه ...وترفعها تشوف وجها ...وخلي رقابة ذاتية على تصرفاتك و ستشعري أن الله تعالى عالم بصير بك وبكل حركه تسوينها وخلي في بالك ان الله عز وجل يعلم خائنة الأعين وما تخفي الصدور.
جود : غطت وجها بيدينها خجل منهم و تحمد ربها ان عندها صديقات مثلهم يساعدونها على الخير و يبعدونها عن السوء ولا هي عارفه نفسها من النوع الي سهل انه ينحرف بس طول عمرهم البنات مأثرين فيها برغم اختلافها الكثير عنهم بس تتمنى كل يوم انها تكون مثلهم
عن النبي عليه الصلاة والسلام قال : (( إنما مثل الجليس الصالح والجليس السوء ، كحامل المسك ونافخ الكير ، فحامل المسك إما أن يحذيك ، وإمّا أن تبتاع منه ، وإمّا أن تجد منه ريحا طيبة ، ونافخ الكير إما أن يحرق ثيابك ، وإما أن تجد منه ريحا خبيثة ))
وبالفعل فالصاحب يتأثر بصاحبه والقرين يتأثر بقرينه ،
فإذا لم يكتسب الشخص من قرينه العادات والسلوكيات السيئة فهو يكسب سوء الظن من الآخرين فمن يمشي مع الخمار يظن الناس فيه أنه يشرب الخمر حتى وان كان لا يشربها .
ويقول الشاعر:
عن المرء لا تسأل وسل عن قرينة
فكل قرين بالمقارن يقتدي
ويقول شاعر أخر :
أنت في الناس تقاس بمن اخترت فاصحب الأخيار تنجو وتنل ذكراَ جميلا
* * * * *
بيت يزيد
يزيد : وصل البيت و تفجاء من الباب مفتوح وخاف ودخل وينادي : هند ...هند... وطلع يجرى وفتح باب الغرفه ما في احد .....هنــــــــــد ...ويلف راسه ويشوفها بزاويه من الغرفه على اليسار جالسه على سجادتها سكت... والخوف تملكه من الي فتح الباب وهي تصلي هنا ...؟؟؟...لا يكون فيه حرامي داخل البيت وهي مهي بداريه ..؟؟ ما يعرف وش الي خلاه يوقف مكانه مهو قادر يتحرك ولا خطوه
هند : سمعت صوته ودخوله الغرفه حست كانه احد نتشلها من وسط بئر عميق كانت تهوي بداخله صوته خفق قلبها بسرعه ونزل سيل هائل من جديد يتدفق من عيونها ...كانت جالسه بعد ما انهت صلاتها رجعت سجدت وهي تبكي و تحس بحركته حولها وتدعي يارب انت خلقتني وانت ولي فلا تكلني الى نفسي طرفة عين يارب اسألك من فضلك ان تصلح لي امري ولا تكلني الى نفسي طرفة عين ...يارب سهل علي مصيبتي ...رفعت راسها ومسحت دموعها ..وشافت طرف ثوبه عندها ..غمضت عيونها وقلبها يرجف و هي منكسه راسها وتنهدت ورفعته وجها له بتواجهه
يزيد: حاس ان فيها شي وشعور جذبه يقرب منها وهي ساجده وترعب من شكلها لمن شافها ويحس راسه صار يلف ...و بصوت كله خوف والف سوال و سوال تزاحم بافكاره ويصرخ : وش فيك ..؟؟؟ ..ويجلس قدامها ويمسكها ....من كان هنا ؟؟...وليه الباب مفتوح ؟!......و انتي قافلته قدامي...ردي ( وجها مورم من الكف ومن شده الكف نجرحت بشفتها على الجنب من اسفل ومورمه شفهتها و رجعت دموعها تنزل )
هند: ما ردت عليه بس لمن شافته قدامها ارتمت بحظنه وهي تبكي و ما سكه بثوبه بقوه و دها تختفي بين ضلوعه و محد يشوفها
يزيد:خلاص مهو قادر يتحمل و بيجن من الضنون الي تخطر في باله بس الي متاكد منه انه في احد كان في بيته مين هو.؟ مستحيل تكون امي ..!!؟ لا مستحيل ما تعرف بيتي احد دخل البيت واذاها ...لاااا ؟؟؟ يمسكها مع كتوفها ويبعدها عنه وهو يصرخ : ردي علي من كان هنا ؟؟؟
هند: يدها المتها الي سحبها معها يوسف ويزيد الحين يضغط علها رفعت عيونها وتناظر عيونه بصوت فيه بحه وصوت بكا:يزيد ..حلفتك بالله تقول الصدق
يزيد : بسرعه يعدل جلسته وثني ساقه تحته مثل وضع الجلوس في السجود وعرق براسه ينبض بالشكوك وبصوت مرتفع :وش تحلفيني عليه ...ردي علي من دخل البيت و جهك ليش كذا ..؟؟!!!
هند:بكل هدوء ودها يقول عكس الي تعرفه : انت كيف تزوجتني ..وليه ؟؟؟
يزيد : وهو بقمة شكوكه خدره سوالها و صار تفكيره بامر ثاني وبعصبيه و يهز جسمها : الحين اسالك تردين علي بسؤال من الي دخل البيت...؟
هند: صوتها يقطر بالذل مهي مصدقه انها رخيصه لهذا الحد عند اخوها ونظرها على وجهه تبي تشوف الصدق بكلامه : صحيح انك تزوجتني بالدين الي على يوسف و هو الي طلب منك .؟؟؟؟
يزيد:انخطف وجهه كان احد لسعه بقوت فولت 220 وفتح فمه مهو عارف وش يقول ما تخيل انها بيوم راح تعرف :هاااااه
هند: وصلها الجواب من رد فعله وحست عمرها رخيصه لأبعد حد نكست راسها .. و نزلت يده و حاولت تقوم
يزيد : مسكها بقوه ويصرخ بعد مستوعب وربط كل الي صار :يوسف كان هنا ومد يده عليك والله لا ذبحه ويوقف بسرعه يبي يخرج
هند : مسكت بثوبه وهي تبكي بكل صوتها : دخيلك ما تسوي له شي وتحضن رجوله وهي تبكي مالي اخو غيره حامل اسم ابوي
يزيد : يصرخ من قهره عليها و يرفعها مع يدينها : مهو انتي الي توطين راسك عند رجولي انتي تاج راسي سامعه ويحضنها بقوه
هند : على قد فرحها فيه جرحها اكبر من كل شي وتبكي بكل صوتها: ليه تسون فيني كذا ليه انا وش سويت فيكم رد علي ليه اخوي ولد امي وابوي يذلني ...و تبعد عنه شوي وتمسح دموعها بشرشف الصلاه الي على راسها خذ فلوسك الي عطيتني هي ما ابيها وتمسح دموعها والحمد لله ما نقص منها شي عشان انت ما كنت تخليني احاسب فيها وتدفع من عندك مشكور ما قصرت معي بس انا اليوم..... وبكيت بصوت عالي وشهقت.......... خنتك و عطيت يوسف من فلوسك الفين وكان يبي اكثر
يزيد : يحضنها : بس الله يحرق الفلوس وسيرتها ويوسف انا راح اعرف شغلي معه
هند: لا الله يخليك انا بشتغل وعطيك الفلوس لا تسوى فيه شي هو الي فاضل لي من اهلي
يزيد: يبعدها يصرخ : هند حرام عليك ما همتني الفلوس لكن يدخل البيت ويمد يده عليك ما راح اسكت عنها سامعه
هند: حطت يدينها على اذنها: بسسسسسسسسس حرام عليكم لا تعذبوني
يزيد:يحضنها وهو يغلى من القهر : خلاص حبيبتي ما راح يصير الا الي تبين ارتاحي انتى ويجلسها جنبها ويلف يده عليها
هند: ليه ما علمتني ؟؟ ... وليه اعطيتني الفلوس وتقول مهرك ؟؟ ..وانت دافع مهري والله العالم كم؟؟
يزيد: هند خلاص انسي الي سمعتيه
هند : كيف تبين انسي ...كيف ؟؟ واخوي الي باعني انت اذا وجعك شي بتصرخ.. أخ ..تعرف يعني شنو اخوك يذلك
يزيد: يرفع وجها ويمرر يده مكان الكف وعلى الجرح الي بشفتها و يمسح دموعها
وده يخنق يوسف الحين لو يشوفه : والله راح اخليه يدفع الثمن على انه جرح مشاعرك وخبرك وعلى الضربه لك
هند: حطت راسها على صدره وتبكي بقهر والم و حرقة قلب من المهانه الي اهي فيها
يزيد: لف يدينه عليها وتحل شرشفها ونزل عن شعرها ويمسح على شعرها ومقهور من الي يصير بعد ما كانت فرحانه تتنكد كذا وبخوف عليها وعلى ولده : خلاص حبيبتي لا تزعليني منك يوجعك شي
هند: تهز راسها يعني لا
هند: وبصوت خوف و مراره وهي مغمضه عيونها : يبى يجي بكره.... عشان ياخذ فلوس
يزيد: يتوعده بداخله : قومي الحين وبكره يصير خير ويبوس جبينها
* * * * *
بيت ابو ملاك
محمد : متوتر وكل شوي يناظر الساعه بتصير تسعه وهي بعدها ما رجعت البيت و لها اكثر من ساعتين وهي موصله مرت فيصل لبيتها ولين الحين ما وصلت و المسافه بينهم ما تاخذ بالكثير ربع ساعه وخلاص حاس يبي ينفجر من الغضب والخوف عليها و خرج قدام الباب ومفتاح السياره بيده يبي يروح يشوف وينها فيه وهو بسيارته يشغلها الا يشوف انوار سياره عند المدخل ينزل ويطبق الباب بقوه و يتقدم و نتظرها لين ما وقفت فتح الباب بعصبيه ويصرخ : وين كنتي ياهانم ..هاااااه ردي وينك فيه ....؟؟؟؟؟
ملاك : ارعبها فتحته للباب وصرخته و رجعت على ورا في الكرسي وبخوف بس تحاول تبين عادي : وين بكون يعني
محمد: مرر يده من عندها وسحب المفتاح وسحبها يخرجها من السياره : قدامي على البيت اشوف نتفاهم داخل انتي معد ينفع معك الكلام
ملاك: عصبت من مسكته ليدها : ابعد عني شو بدك انت مجنون
محمد : وهو يسحب شنطت يدها من السياره ويرميها عليها وبعصبيه ويكلمها وهو معصب بس من خوفه عليها اول مانزلها كان وده يضمها لصدره يهدي من رجفة قلبه وخوفه عليها : ايه مجنون كان خليتك بعد اليوم تخرجين من البيت لوحدك ..ويضرب باب السياره يسكره بقوه
ملاك : ضمت شنطتها لصدرها قهرها بحركته وسحبه لها : مجنون سيب ايدي ويطلعها مع الدرج ويدخلها البيت
محمد: يلف عليها وهو بعده ماسكها مع زندها و مهو قادر يسيطر على اعصابه المتوتره من مسكته لها ويكلمها وهو مسكر على ضروسه : وين جوالك ليه قافلته
ملاك: تحاول تنزل يدها عنها موترها قربه : شو بدك فيه
محمد: قلتلك وينه معك ولا لا
ملاك: مرعبها شكله وهو معصب وعيونه تقدح شرار وخايفه منه وتكلمه بهدوء: لا و ما بدي اياه خلص ترك ايدي انت شو دخلك فيني
محمد: يسحب الشنطه منها ويصرخ : شفتي لو حصلته معك ما تلومين غير عمرك سامعه ..ويفتح شنطتها وهي تحاول تسحبها منها وطاحت على الارض بينهم و تناثر كل الي بداخلها
ملاك عصبت من حركته مره و جها صار مثل الطماطم وهي تشوف الاغراض الي على الارض وتصرخ : مش هون بغرفتي انت شوبدك مني هاااه
محمد: وهو يدور بين الاشياء ما كان معها غير بوك(محفظه ) و بعض الاوراق و كريم يد و خجل من نفسه وهو شاف عمره ماسك فوط صحيه بيده ما كان منتبه لها و رماها بعصبيه داخل الشنطه عشان ما يبين توتره
ملاك : صدت عنه تبي تطلع خلاص مهي قادره توقف قدامه وهي محرجه من الحركه الي سواها شو مفكرها لهذى الدرجه يضن انها لعابه و خاينه وتجمعت الدموع بعيونها
محمد: شافها تحركت وقف ومسكها : تعالي معي... وجوالك الحين بتفتحينه واياني وياك بعد اليوم لو اتصلت عليك وكان مقفول ..و سحبها معه على فوق ..
ملاك : خلاص معد هي قادره تتحمله و فضلت انها تسكت هو احسن حل بموقف مثل كذا بس كانت تضغط على اعصابها لانها ما تعودة على هذا الشي وطلعت بهدوء تام ولا قالت حرف
محمد: فتح باب الغرفه وهو مهو عاجبه صمتها وموتره يكلمها بهدوء : وين الجوال افتحيه اشوف قدامي
ملاك: بعدت عنه و تقدمت اخذت الجوال من درج الكمدينو و دخلت الرقم و مسكت كفه بعصبيه وحطته بقوه بيده قبل ما يشتغل وهي بدون ما تناظره شوي الا تهل نغمة الرسائل ورا بعض وبصوت هادي و هي معطيته جنبها : تفضل لو سمحت اطلع برا الغرفه
محمد: يناظر الجوال الي بيده وفيها ويسمع نبرة صوتها الي كلها الم .. و بقهر واضح من عيونه و مهو قادر يسيطر على عصبيته واضح من صوته : انتي وين كنتي ليه تاخرتي ولا تقولين عند مرة فيصل
ملاك : لفت تواجهه و معد فيها تتحمل شكوكه وبصوت جارح وبارد : كنت مع حبيبي اكيد يعني وين بكون..عندك أي اعتراض
محمد : مسكها بقوه مع يدها وانتبه ان ما عليها الدبله وصار يغلي غلي : الزمي حدك معي يا بنت خالد لا تخليني ارتكب فيك جريمه الحين ..ويضغط على يدها اكثر ..واقص السانك الي ما يحشم احد الحين ما قلت لك دبلتك ما تنزل من يدك هاااه ولا مهي بعاجبتك بكره تروحين وتخذين غيرها
ملاك :حطت عينا بعينه : مهو هي الي مهي عاجبتني انت الي ما بتعجبني
محمد : ضغط على يدها بكل قوه وسحبها له ما بينهم غير كم ملي و هو يصرخ : لو تموتين ما راح اتركك فاهمه لا تحولين انك بكلامك هذا بتجرحيني ما همتيني سامعه والدبله بتلبسينها وبعد اليوم منتي معتبه خطوه من غيري لين ما يعتدل حالك يابنت خالد
ويدفها على السرير ويخرج من الغرفه مثل الاعصار الهائج وهو معه مفتاح سيارتها وجوالها...
ملاك مهي مستوعبه الي يسويه وش هذا مجنون وحاسه عمرها مخنوقه ولوعه بمعدتها وراحت الحمام رجعت الي اكلته مع شذى قبل يخرجون من الصالون
محمد : دخل غرفته وهو معصب لبعد حد و صاير رايح راد فيها و ضرب الكرسي برجله بقوه من قهره ومهو حاس بالالم ..ومهو مصدق كلامها مستحيل تحب احد مستحيل وينتبه للجوال الي ماسكه بيده ويتنهد بهوه ويقلب فيه بسرعه وصل لرقم نبض قلبي وفتح عليه و يناظر بالرقم وفتح جواله يبي يشوف نفس الي عنده ولا لا جلس على السرير بقوه وهو مغمض عيونه ..بعد ثواني ابتسم ورفع الجوال يشوفه وهو مبتسم ...
الصباح
محمد: صحي من بدري وجهز عمره ونزل ينتظرها اسفل بالصاله وطلب الفطور
ملاك نزلت وهي وجها مرهق من السهر ما قدرت تنام غير ساعتين وتأففت يوم شافته قدامها كانت نازله تبي تخرج و معها المفتاح الاسبير
محمد: صباح الخير ..تعالي افطري عشان اوصلك معي
ملاك : رمت الي بيدها على الكنب و عباتها عليها وما ردت عيه وشافت روز وهي جايه معها الفطور : روز بليز بدي قهوه ساده ثقيله
روز : حاضر
محمد : يناظر فيها وبصوت هادي ويمد يده : خذي جوالك
ملاك : ما بدي جوال مش بحاجته
محمد: بكل هدوء وهو جالس : بنت خالد اقصري الشر ...ويوقف ويقرب منها ويحط الجول بيدها وكانت لابسه ربع كم ونتبه لبقعه كبيره بيدها و سحب يدها ومسكها ..وش هذا
ملاك :وهي صاده عنه بدون نفس وهو كاتم انفاسها بريحة عطره رجعت لتظاهر بالبرود وهي تغلي بداخلها : اسال عمرك من شو
محمد : يتامل وجها ويرفع كم البلوزه بسرعه يبي يتاكد وشاف بعد كدمه باهته بزندها
ملاك : رفعت عيونها له وهي ترجف من القهر وش يسوي ذا بس ما قدرت تتكلم فيه شي تحسه يمنها عن الكلام معه
محمد: وده يضرب يده بالجدار عشان يرتاح وتكلم وهو يناظر عيونها و بهدوء عكس البركان الي بداخل : مره ثانيه نبهيني اذا مسكتك بقوه ...وترك يدها بسرعه وراح ياخذ قهوته وجلس يشربها وتصدت نفسه عن الاكل..وهو جعان ماتعشاء البارح
ملاك :لمسته لجلدها لسعتها يده دافيه و مررها بحنان على الكدمات الي بيدها نفضت الافكار من راسها وراحت تاخذ شي تاكله و تشرب قهوتها بهدوء وبعد ما نتهت شافته يتامل فيها
محمد : اذا خلصتي يالله
ملاك : اعطيني مفتاحي بدي اروح لوحدي محاضراتي غير عنك
محمد: وهو يلبس سويتر : لا اليوم مثلي امشي بسرعه
ملاك لبست عباتها رمادي فاتح ومعها ايشارب ارزق ورمادي
محمد شافها وهي تتحجب وقف لين ما نتهت وهو منبهر من شكلها وبيجن لو خلاها تخرج كذا
ملاك شافته واقف مكانه ما تحرك وعينه عليها بكل برود :شو ما بدك تروح ولا بظل كثير كذا
محمد: وهو ياخذ اوراق يدخلها بشنطته ومايناظرها : اطلعي غيري حجابك
ملاك : عيونها نطو على برا لا هذا اليوم بيجلطها : شووو
محمد : سمعتي وش قلت روحي غيريه بسرعه
ملاك: وهي خلاص وصلت حدها منه ومن تحكمه وبعصبيه تنازلت عن برودها بالرد : ولشو ان شاء الله..ماراح غيره والي بدك تعمله اعمله ..
محمد : يصرخ بصوت عالي : روز ..واول ما وصلت ..روحي جيبي أي احجاب للمدام من فوق غير الازرق بسرعه
ملاك : اخذت شنطتها وملفها وعدت من عنده بسرعه خارجه من البيت
محمد : يصرخ : وقفي عندك احسن لك وعدي اليوم على خير ..ويصرخ بروز ..روحي انتي ليش و اقفه بسرعه
روز طلعت جري
وهو راح لحقها وهي بتنزل مع درج المدخل وسحبها : قلت بتغيرينه سامعه ولا لا
ملاك : كانت الدموع بعينها بس لفت عليه طاحت على خدها وتصرخ وهي تنتفظ من الكبت الي بداخلها : شو بدك مني اذبحني وخليني ارتاح منك من كل هـ العالم بكرهكم كلكم بكرهكم
محمد : ماقدر يقاوم شكلها وهي منكسره كذا حضنها بقوه ..وهي ما قاومت و صارت تبكي اكثر ..بعد ثواني نادها بصوت هامس..ملاك ..قال اسمها وحس له رجفه بقلبه غير عن أي اسم يلفظه ..خلاص ولي يعافيك ..حست بعمرها هي وش تسوي و بعدت عنه ..ما وده تبعد وهو مازال ماسكها .. ما كان قصدي ..بس الي انتي لابسته ملفت عليك مره
ملاك : مسحت دموعها بعصبيه بقفا يدها : مهو ملفت بس انت تحب تفرض اوامر انا ماني بنتك ولا اختك تتحكم فيني
محمد : بحنيه وهدوء ما يدري كيف اكتسبه من عيونها : انتي زوجتي وهذا اكبر من أي شي
ملاك : صدت وبنبره هاديه مثله كل واحد يمثل الهدوء على الثاني : بتوصلني ولا بروح
محمد: باس راسها بكل حنيه : ارجعي بدلي الي عليك اول
ملاك : اربكتها حركته و شافت روز جايبه حجاب وردي وناظرت فيه وفي الحجاب الي معها
محمد :تنهد : تعالي الي عليك ارحم من هذا بعد ..وطلعوا بالسياره وكل واحد بافكاره بعالم ثاني ما غير هواء نسمة الصباح يمر عليهم و محد فيهم شعر فيه واول ما وصلوا افترقوا كل واحد على كلاسه لانهم متاخرين و يادوب لحقوا قبل دخول التتشر
ملاك شافت البنات وهم جالسين بس فظلت تجلس بعيد عنهم لانه مهي قادره بعد الي صار مع محمد في البيت انها تتكلم مع أي مخلوق حاسه كان كوره تتحرك بحلقها من المرار الي تحسه بس هي خايفه تبعد عنه تتحطم حيات امها وغير انها تبي تستفيد منه في ادارة اعمال ابوها الي ماتعرف فيها شي وماتبي اسمه ينزل في السوق
شذى : انتبه لها ولدخولها اخذت اغراضها وهمست لريم انها بترجع في الخلف عند انجي و من سوء حضها لمن جات تبي توصل قريب منها فيه بنت جلست و ضطرت ترجع مكانها جنب ريم واول ما انتهت المحاظره التفتت للخلف وقفت وسط زحمة البنات الي خارجين بس ما شافت انجي وراحت تبي تلحق عليها قبل ما تبعد عنهم وشافتها واقفه على بعد مسافه من الكلاس ومستنده على الجدار وعينها على الجوال الي بيدها وجها يدل ان فيها مصيبه صايره معها راحت بخطوات واسعه وقربت منها ونادتها بصوت واطي ماردت عليها و رفت صوتها اكثر و مسكتها مع يدها ..انجي وش فيك وش صاير ليه وجهك كذا ..؟؟
ملاك : رجعت تناظر بالجوال الي بيدها وعيونها زايغه
* * * * *
قسم عامر:
غرفة البنات :
نوره ترتب ملابس بناتها الي ما تحتاجها بالشنط وهم حولها ما خذينها لعبه كل ما قالت لهم عطوني شي راحوا سباق من فيهم الي تجيبها منهم..و شروق تلف ورا اخواتها بعربيتها تظن انهم يلعبونها ...دخل عليهم عامر وشاف كيف الغرفه محتاسه من الملابس بكل مكان
عامر: لا اله الا الله كل هذا ملابس واذا جو يبون يرحون مكان قلتي ما عندهم شي يلبسونه
نوره : وهي جالسه قدام الشنطه وتضحك تعودت عليه وهو يقول هذا الكلام وهو بعدين اذا ودها السوق يشتري لهم شي وشويات ما يحب ينقص عليهم شي : قول ما شاء الله هذا من خيرك ياعمري
عامر: يجلس على السرير قدامها ويبعد بعض الاكياس عنه ينزلها على الارض : ايه ما شاء الله بس انتم الحريم يا حبكم لجمع الخلاقين(الملابس) وتقولون ما عندنا و غيركم يدور قطعه يستتر فيها
نوره: تناظره والابتسامه على وجها وهي تطبق البلوزه وتحطها بالشنطه : ياعمري وش فيك ترى اكثرهم انت شاريهم ولا تحاسبني انت الي ماتمسك عمرك اذا نزلت السوق
شهد: مسكت ابوها من الخلف وتلف يديها على رقبته وتبوس خذه : بابا ابي غرفه لوحدي في بيتنا
عامر : يلفها ويجلسها على رجوله ويبوس راسها وهو مبتسم : وش عندها شهد ابوها تبي غرفه لوحدها هاه
شهد : عشان محد يلعب لي بغرفتي و ابي رسمة ..ستروبرى ..على الجدار مثل الروضه
شرق : نطت عليهم من الغيره : لا ستروري لا ابي فله احلا
عامر: ههههههههه وش يطلعون الي قلتوهم
نوره: هههه ياحليلك ايه مهم مصدعين راسك مثلي بالعابهم
شهد : هي غرفتي ما لك دخل انتي سوي بغرفتك الي تبين صح بابا
شرق : توقف على السرير وتمسك يد ابوها : لا ما ابي علفه لوحدي بابا لا انا حاف هي تبي تزيني ام الثعف واليف الي ذده تقول عليها
شهد : احسن عشان ما تحوسن الغرفه خليها تاكلك
نوره وعامر يضحكون عليهم
شرق : لااااا ما ابي و تمسكها مع شعرها ..وشهد ..صرخت
عامر: يمسك يدها شرق : عيب اختك تمسكين شهرها ولا تمدين يدك عليها
شوق: هي تحوفني تيب وانا ابي فله وهي تقلي لا
شروق : تبي توصل ابوها واخواتها والشنطه مسكره عليها الطريق
نوره : رسم على الجدران مافيه حرام بعدين الملائكه ماتدخل غرفتكم حبيبتي اذا رسمناها نرسم لكم أي شي بس صور فيها ارواح لا
عامر: يحط شهد ويتناول شروق من عربيتها ويبوسها : تعالي ياعصفوره انتي وش تبين بعد انتي لا يكون فروحه بعد ولا هايدي مثل امك الي كانت مخبلتها
نوره : هههههه وتناظره بمكر ايه هايدي فيه احلا منها ولا الي كان مخبلهم كبتن ماجد
عامر: هههههههههه مدري وشلون كنا نتابعهم
شهد : وهي تضحك : ماما انتي شفتي هايدي
نوره : ايه وسالي و سندرلا و ليدي كلها تابعتها والحين اشوفها معكم بعد
* * * * *
محمد : كان جالس في المحاضره الي بقيلها ربع ساعه وتنتهي وهو مهو داري عنها اليوم ايش انقال فيها والجوال بيده ومهو عارف وشلون ممكن يعتذر عن الي يسويه وهو مهو من طبيعته يتصرف بهذا الشكل..فجلس يكتب الي يخطر على باله
لو يسألوني عن غلاك
قلت هي النبض والعين..
من له حياة بلا نبض
كالصحراء بلا رمال
كالضمان خلف السراب
كالوريد بلا دم
كالمزن بلا مطر
كالعين بلا نظر
طلبتك
تحي وتحيني معك
* * * * *
شذى : بنت وش فيك وش صاير عليك
ملاك : لفت لها وهي خلاص نشف الدم بعروقها وبصوت هامس ..بابا
شذى : زاغ بصرها على الجوال الي تناظر فيه وشافت المرسل بغت تنهبل مهو هذى المسكينه وسحبته منها ...تعالي نجلس شوي ..جوال ابوك وينه معك ولا لا
ملاك ماردت عليها وافكارها مشتته ..
شذى : طلعت جوالها وارسلت مسج لفيصل ..ابيك بعد ما تنتهي ضروري..وشافت انجي خلاص مهي معها وشوي و يغما عليها من الصدمه ..سحبتها مع يدها وشالت اغراضها عنها و جلستها على اقرب كرسي صادفها ..خبرت فيصل
ملاك : وهي تأيهه : لا ما تخبري احد الله يخليك ..
* * * * *
وبعد يومين
بيت ابو ملاك
منى:من اول ما سمعت الرد هبت فيها على طول :اخيرا رديتي ياست الحسن وش عندك قافله جوالك هااااه
ملاك: جالسه بصاله الي فوق ولابسه ترنق رمادي واسع ومعه جكت بنفس الون ومن الداخل توب ابيض شتاقت لصوتها وضحكت على رجتها : شو بكي شوي شوي علي اكلتيني وانا كمان مشتاقه الك وحشتيني يادب(من بعد المسج الي جاها ما قفلت جوالها وكل لحضه تترقب انه يوصلها مسج جديد بس معد وصلها شي )
منى: ايه قصي علي لو مشتاقه لي كان اتصلتي مهو تقفلين جوالك وما تكلمين احد
ملاك: تسيب القلم الي بيدها وتحط وسط الكتاب الي بيدها وتقفله :منو ماعندي وقت نشغلت بالدراسه
منى:احلفي انتي بس بتفهميني انك سيدة اعمال الحين ياويلك اتصل عليك واحصله مقفول
ملاك: اخذت نفس وهي ضايقه : خلص كرمال عيونك راح خليه مفتوح
منى: ايه خليك سنعه ما تجين الا بلعين الحمرا
ملاك: لا والله منو حبيبي غريبه متصله بهـ الوقت ليه ما نمتي لهلأ عندكم الساعه وحده
منى:وهي توقف عند الشباك وتكلمها وهي تلف في الغرفه : ملاك ابيك تساعديني محتاره وخايفه
ملاك: بتوتروخوف ان فيهم شي : شو بكي شو فيه..؟؟؟
منى: لا تخافين ما فينا شي.... وحكت لها الموضوع
ملاك:وهي تبتسم وفرحانه : عن جد بتحكي
منى: تجلس على السرير: ايه انتي وش رايك غريبه محمد ماخبرك
ملاك : مبروك يا قلبي..فرحانه الك كثير
منى: انا لسى ما وافقت عشان تباركين لي لوكى ساعديني
ملاك: شو كيف بدك بساعدك..
منى: ملاك انا معرف عنه شي انتي عمرك شفتيه
ملاك: ايه شفته ليه شو فيه
منى : زين هوه كيف شكله و ابيك تسألين محمد عن طباعه
ملاك: حبيبتي اهو شكله عادي وكثير منيح و دمه خفيف ومحترم حتي بمزحه والله بيناسبك انا هذا الي اعرفه من الكم مره الي شفته فيها بس اذا بدك تعرفي اطباعه اسألي اخوكى هو بيعرفه كان عايش معه
منى: تصرخ وشهووو ...ونتبهت لعمرها ان صوتها عالي ...تبيني كلم محمد وسأله عنه منتي بصاحيه
ملاك: بعدت الجوال عن اذنها من صرختها: خبله انتي بشويش احكي ..
منى: والله لي كم يوم ما اعرف النوم من الخوف
ملاك: شو بكي منو خايفه من شو
منى: ما اتخيل اني بعمري هذا ازوج.. ملاك وش رايك اوافق..
ملاك: حبيبتي الرأي راجع الك و انا مثل ما قلت الك الي بعرفه انه منيح حبيتي شوفي ماما شو بتقول انا مثلك ما بعرف شو اقول الك
محمد: كان طالع مع الدرج ويفصخ بالجكت الجينز و الاسكارف و قف يسمعها و جا عندها : السلام عليكم ..ويستهبل وهو عارف من تكلم وبصوت مرتفع .. تكلمين مين
ملاك: تضايقت من سواله حست فيه بنبرة شك : منو هذا اخوكي هون خذي كلميه و سئليه شو ما بدك
منى: تصرخ : ملاك وجع ان شاء الله لا تقولين له الي قلته لك مع السلامه
ملاك: مهي داريه وش فيها تصارخ : شو بكي ما قلت شي كلميه... وتمد الجوال ...كلم منو بدها اياك
محمد: من صوتها عرف انها تضايقت من سواله وعرف انها تضنه يشك فيها ياخذه و يجلس مقابل لها وما شال عينه عنها : هلا منى وش اخبارك
منى: وهي تدعي عليها الي خلتها تكلمه : هلا الحمد لله انت وش علومك مع الحلوه
محمد: الحمدلله اذا هي بخير انا بخير
منى: هههههههه ياعيني على الحب
محمد: ههههههه.. ويغمز بعينه لها... خير يا بنت وش عندك لا يكون عندك مانع
ملاك: مقهوره من حركته منى أكيد قالت شي
منى: هههههههههههههههه لا عندي نافع واخوانه وعياله
محمد: هههههههههه الله يقطع بليسك
ملاك: انا راويك كان ما رديتها لك : منو تسأل عن خالد كيف اطباعه
محمد: هههههههههههههههههههههههههههههههه وانا اقول وش اتصال اخر الليل هذا مهو لله يا معوده وافقي عليه وفكينا من حنته صدعني و راح يجن علينا خويلد والسبه انتي وافقي وانا اضمنه لك
منى: ولع وجها : مع السلامه : و قفلت بدون ما تسمع رده وتتوعد ...زين يادب يا ملاك شغلك معي بس خليني اشوفك لا اذبحك يادب وترمي جوالها على السرير وهي مولعه
محمد: ههههههههههههههههههههههههههههههههههههههههه قفلت اول مره منى تسويها دايم بالعافيه عشان تقفل او انا اقفل عنها
ملاك: ما تدري له عصبت من ضحكه قامت واخذت كتبها بتروح
محمد: تعالي اجلسي وين رايحه
ملاك: بهدوء بنبرة صوتها : تصبح على خير وتروح تدخل غرفتها
محمد: و ستند على الخلف : يارب يعيني عليك مدلعه وعنيده بعد مدري وش اخرتها وش تبيني اسوي معك..خلال اليومين ما جلست معه بحجة ان عندها دراسه كثفه للي فاتها
* * * * *
بيت يزيد:
هند:واقفه معه في الصاله : حبيبي الله يطولي بعمرك خلاص خليني بالبيت و ما راح افتح الباب
يزيد: بكل اصرار : لا ما راح اقدر اركز بشغلي وانتي لوحدك روحي البسي بسرعه لا اتأخر
هند: تناظره وهي الخجل صدق باين بعيونها : والله اخجل من خالتي ام ابراهيم اروح عندها مع الصبح(خلال هذى اليومين يزيد اخذ هند عند بيت عمه وخبرهم انها تعبت وطاحت وهي سبب الكدمه الي بوجها و ما يقدر يتركلها لوحدها لانها ممكن ترجع لها الدوخه في أي لحظه)
يزيد: لا هي بينشغل بالها عليك لو ما جيتي عندها اليوم
هند: حياتي الحين اكلمها واخبرها اني بجلس بالبيت
يزيد:مايبي يمشي عنها مهو قادر يرتاح من كثر التفكير وخوفه عليها : هند لا تعاندين ولو جاء يوسف
هند: تقرب منه وتحط يدها على كتفه بكل حب وامتنان : حبيبي ما راح افتح الباب وكلها اليوم او بكره و ام شهد تكون فيه
يزيد: بقهر واضح من صوته : آآآآآه انا بس لو اعرف فين اختفاء..؟!
هند: بخوف على نفسها وهم اخوها الي متعرف فينه بس ماتبي تبين : حبيبي خلاص روح لا تتاخر على الدوام
يزيد:حط يده على خدها : اوكي روحي نامي وانا ما راح طول بخلص الي عندي و استاذن و ارجع بدري
هند: تعدل له اتجاه الكبك بالثوب الي على شكل فص اسود : اوكي بس ما راح انام عندي شغل بالبيت
يزيد: وبعدين معك لا تشتغلين مريم راح ترسل شغالتها اليوم وكلها هـ الاسبوع وتوصل الشغاله روحي ارتاحي
هند: تبوسه على خده: اوكي حبيبي بس لا تعصب
يزيد: انتى السبب ليه تعاندين قلت لك لا تشتغلين و انتي تعبانه
هند: هههههههه حبيبي انت تكذب الكذبه وتصدقها الحمد لله انا ما فينى الا العافيه
يزيد: يمسح على شعرها : شوفي وجهك وشلون صاير ارتاحي ما ابي يجي اليوم الي اشوفك فيه تعبانه
هند: لمعت عيونها بريق دمعه لحبه لها وخوفه عليها و ماشفع لأخوها فعلته معها الا انه اهداها لكنز لو بتعيش عمرها كله تخدمه وتحت رجوله ما قالت لا : الله لا يحرمني منك لا دنيا ولا اخره قول امين
يزيد: امين يبوس جبينها يالله انا تاخرت مع السلامه
هند: مع السلامه
يزيد: خرج وقفل الباب..وهو يدعي اللهم اني استودعتك زوجتي وطفلي وبيتي ومالي ونفسي فحفظنا بحفظك
(ملحوظه: من قال عند خروجه من البيت اللهم اني استودعتك نفسي واهلي ومالي وبيتي فحفظه لي ...فهو بحفظ الله... فهو خير من تستودع عنده الامانات )
* * * * *
بعد الظهر بيت ابو عامر :
على الغداء
ابو عامر :قبل ما يأكل شي يناظر بالي جالسين : وين بناتكم ما جو للغداء..؟؟
نوره: ناظرت عمها بامتنان و بصوت هادي : فديتك عمي غديتهم قبل شوي
ابو عامر : ناظر فيهم كلهم : وليه ما خلتيهم يكلون معنا
ام عامر: تاكل محشي وتغمس الخبز فيه : الحين تقول لك غدتهم وخلاص
ابو عامر: ناظره نظره يعني انكتمي..وماهتمت وكملت اكل : بالعافيه عليهم .. بس ارسلي الشغاله تخليهم يجون يجلسون معي ...ويلف يناظر عامر الي جالس على يمينه ...عامر خلصت شغلك
عامر : فهم ابوه انه يقصد البيت : ايه يبه
ابوعامر : ومتى ناوي تروح
عامر: بكره اذا الله راد
ام عامر : لقمتها بيدها وترفع راسها لعامر تشوفه : وش عندكم وين تبيه يروح
ابوعامر : راحة عيالي اهم شي عندي ..اخذت له بيت و بينقل فيه
ام عامر : ترمي الي بيدها و دها تاكله بعينها :وشهوووو وانا اخر من يعلم..و عشان وشهو البيت ماهو بعاجبه عيشتنا
ابوعامر: بصوت هادي لكن صارم : وش عندك الحين ... لا مهي بعاجبته ... مهو هذا الي تبين هذا البيت بيكون لك بروحك محد راح يزعجك فيه
ام عامر: توقف: انت طول عمرك ما تحب الا تنفذ الشي الي ما ابيه ...وصبت غضبها على نوره ....سويتي الي براسك يا نوير تبين تخذين ولدي مني وتتحكمين فيه هااااه ...وانت يالخبل ضاحكه عليك وغاسله عقلك لكن بكر بتندم وما بتحصل ولد يشيل اسمك اذلف معها الله لا يردكم
ابو عامر : يصرخ : ذلفي انتي على غرفتك ولا اذلفي عند الي يجاملونك برا البيت
ام عامر : مالت عليكم ...وراحت وهي تتحلطم وهي تطلع مع الدرج ..وجت على بالها ملاك وصارت تسب فيها : ااااه يالقهر لو مها الحين مملكه كان فضحتك يابنت انوار بس وش بيقولون الناس عن بنتي لو عرفوا الحين وهي ما ملكت ماعندها حيا مثل بنت خالها وداشره بس وش يفهمهم ان بنت انوار مثل امها مالت عليهم ..
ابو عامر : يتنهد ويمسح على وجهه بيده وصدت نفسه عن الاكل: حسبي الله ونعم الوكيل عمرها ما راح تتغير وانت وانا ابوك لا تحط بخاطرك روح والله يهنيك بيتك
عامر: الله يطول لنا بعمرك اهم شي رضاك علينا والباقي يهون
مها : شي عادي عندها صوت امها وابوها اذ ارتفع تعودت : يبه ابي اروح معهم اليوم
ابو عامر: روحي مع اخوك باي وقت ما علي منك انا ما امنعك الا من الخرجه الي مالها داعي مع زميلاتك و روحة الاسواق
عامر: التفت لمها ونفسه تصدت عن الغداء بس ما يبي يقوم عشان ابوه : ليه من متي هي تروح السوق مع زميلاتها
مها:بارتباك : لا مارحت..
نوره: شافت ارتباك مها وهي عارفه زوجها لو عرف وش يسوي : لا من قال انها تروح لوحدها انكون معها او مع عمتي يالله مها خلينا نروح بدري عندي شغل هناك
مها : بطلع ابدل ملابس (الله يسعدك يانوره انقذتيني)
* * * * *
بيت يزيد
يزيد: يالله حبيبتي كلميه
هند: بس يمكن ما يجي
يزيد: حاولي وشوفي
هند: بيد فيها رجفه خفيفه اتصلت ....وفتحت اسبيكر وجلست جنبه على نفس الكنب ..سمعته فتح الخط مغصتها بطنها وبصوت هادي : الو..السلام عليكم
يوسف : بصوته الصارم : وعليكم السلام ..وينك فيه امس اتصل عليك ما تردين و جيت البيت الصبح بعد منتي موجوده
هند: تاشر له وش اقول
يزيد: يكلمها باذنها : قولي تعبانه
هند: كنت تعبانه وكنا بيت عمي
يوسف : جبتي الفلوس الي طلبتها
هند: وهي تناظر يزيد وهي خايفه من صوته : ايه تعال الحين خذهم يزيد مهو فيه..يزيد شافها متوتره حط يده على كتفها
يوسف: كم الفلوس الي عندك
يزيد: يأشر لها عشره
هند:عشره الاف
يوسف : زين الحين اكون عندك وقفل السماعه
يزيد:بفرح : حلو خلاص مثل ما خبرتك
هند: تمسك بيده : خايفه ايصير شي منت حاسب حسابه
يزيد: لا تخافين روحي جهزي العصير وانا بكلم حمد
بعد ما كلم حمد جا عنده وبعد ثلث ساعه وصل يوسف
هند: تفضل ادخل
يوسف : وين الفلوس
هند: انتظر ادخل اجلس الحين اطلع اجيبهم
يوسف : يصرخ وهو بعده واقف عند الباب : وش عندك مهي معك روحي بسرعه
هند: بخوف : زين اجلس الحين اجيبها وتطلع مع الدرج
يزيد:كان واقف في موقف السياره ودخل ومعه حمد وفتح الباب : حياك حمد ادخل
يوسف : سمع صوتهم وقف...وجع والله لاذبحها مكلمته الحماره
يزيد : ويدخل الصاله وسوى عمره انه مانتبه له وينادي :هند ...ويلف ... هلا والله وينك يامعود لي فتره ما شفتك
يوسف : وهو مرتبك : هلا فيك ويسلم عليه
يزيد:وقهور وهو شايفه قدامه وده يفصخ عقاله و يضربه ويضغط على يده وهو يسلم بقوه : وش علومك وش الزياره الحلوه
يوسف : رجع يصنع الهدوء : جينا نبارك لكم بالبيت الجديد
يزيد: وهو مقهور منه زياده ايا الكذاب لو مهو اختك كان نحرتك الحين : الله يبارك فيك
هند: حست براحه يوم شافت يزيد دخل : هلا يزيد متي وصلت
يزيد:توني سوى القهوه والشاهي عندي حمد تعال يوسف نروح المجلس
يوسف : (يطالع هند سويتيها يهندوه والله لاذبحك أكيد مكلمته ): لا انا جيت ابارك لكم بروح مواعد واحد الحين
يزيد: مواعد واحد ولا تبي السم الي تاخذه : اول مره تزورني فبيتي الجديد وما تبي تتقهوى لا مهقيتها منك يالنسيب
هند: ايه يوسف خليك انا بعدين ابيك و تاشر له بالظرف الي مخبيته معها
يوسف : زين بس ما راح اطول
يزيد: ويسحبه مع يده : امش من زمان ما جلسنا معك هند بسرعه وش عندك واقفه روحي سويلنا القهوه
هند: طيب تعال خذ العصير معك
يزيد: جهزيه الحين اجيك وراح مع يوسف
حمد: هلا عاش من شافك وينك فيه
يوسف : عاشت ايامك موجودين بهـ الدنيا
يزيد: وش رايكم نتصل على الربع يجتمعون معنا اليوم
حمد: ايه احسن انت من عرست معد سهرت معنا
يوسف : بضحكه : هو احد يشوفه كل الي بالاستراحه يسألون عنه..شكل اختي ماخذه عقله
يزيد:بلاك ماتدري عن الجوهره الي اعطيتني هي : ياخي عن الحسد انت وهو اعرسوا وفكوني.. ويوقف... خلني اروح اجيب القهوه ويدخل ....هاه سويتي الي قلتلك
هند: لا خذ هذا العصير
يزيد : من وش خايفه هاتي اشوف
هند: حبيبي انتبه
يزيد: لا تخافين راح اعطيك خبر قبل ما اخرج ويدخل المجلس ويوزع العصير وبعد ما شربوه
يوسف : انا استاذن منك
يزيد: على وين اجلس
يوسف : لا تعبان بروح ارتاح راسي مصدع..بس ياليت تنادي اختى ابيها قبل اروح
يزيد: لا خليك وين تبي تروح اذا تعبان فيه غرف فاضيه عندنا
يوسف : يجلس وهو دايخ
حمد: يوسف ارتاح (ويمسكه ويخليه يتكي على الكنب ويكلم يزيد) وش بتسوي الحين
يزيد: الحين اجيك بروح اجيب الاوراق من فوق ونوديه
حمد: لا تتاخر
يزيد: دخل الصاله : هند جيبي الاوراق
هند: خذ شوفها معي ودمعت عينها
يزيد: يبوس راسها : ياعمري لا تخافين عليه
هند: الله يخليك خلهم يحطون بالهم عليه
يزيد : لا تشيلين هم انتبهي لنفسك يمكن اتاخر شوي
هند: لا تخاف توها ام شهد مكلمه بتجي بيتها بروح عندها
يزيد: زين خليها ترسل لك الشغاله مابيك تخرجين لوحدك حتى لو كنا بحوش واحد
هند: طيب بكلمها
يزيد : سلام توصين بشي
هند: تبوسه سلامتك يالغالي الله يحفظك لي انتبه وانت تسوق
يزيد: يبوس راسها وخرج يالله حمد شيله معي
حمد: راح يستقبلونه الحين
يزيد: ايه ما قلت لك انا متفق مع الدكتور وهو الي اعطاني المنوم
وخرج وحطه بالسياره وراح المستشفي الامل وخلص كل الاوراق والإجراءات للدخول
هاااااه شوفوا ما سويت لكم اكشن مدخرته لبعدين هههههه
عارفه ودكم تذبحوني بعد هذا الغياب راده في بارت قصير
لكن المفاجئه لكم بكره فيه بارت
فقط على ليلآس
عشان ام لولو
لنا لقاء أخر بإذن الله
تحياتي ؛
04-01-09, 07:39 PM
جديد مواضيع قسم القصص المكتمله من وحي قلم الاعضاء
العرض العادي
