كاتب الموضوع :
ساعه بلا عقارب
المنتدى :
القصص المكتمله من وحي قلم الاعضاء
السلام عليكم ورحمة الله وبركاته
اسعد الله أيامك يا من لهم الود والحب و الأخوة في الله..نفحكم عبير من شذى الياسمين على هذى الصفحات المتواضعة
السموحه من الجميع على التأخير كان ودي أنزلكم جزء هديه عشان التميز بأسرع وقت بس عاكستني الظروف وهذا إهداء مني لكم و خصوصا ً بنات المقلط ...
(مذهله) يا قلبي هذا الجزء الي طلبتيه و حصرياً فقط على ليلآس>>حاسه عمري كاني اسوي اعلان مسلسل على mbcخخخخخخخ
(ام عنان) ياحلوه ..هاه تراني طولته شوي مثل ما طلبتي يارب طوله يناسبك
اتمنى من كل قلبي ان ينال حسن رضاكم و ستحسانك ويستحق التميز ..بس السموحه منكم اذا كان هناك بعض الشوائب به فهي من هلوسة الصداع ...
قراءه ممتعة ؛؛
الفصل الثالث عشر
هل الصوت المرتفع ما يرعبنا...؟ ام الشخص نفسه الذي يتحدث بصوت مرتفع يكن الرعب بداخلنا ....ام الخوف مكنون داخل نفوسنا ..فكم من.. امرأة وطفل... يخاف من الصوت العالي و هناك الكثير فمنهم من يشعر ان الصوت المرتفع هو أهانه له وهذا حال الكثير من الرجال...
ملاك: خافت من صرخته عليها و هي ترجف و بعصبيه تنفض يده :ابعد عني و اعطيني المفتاح ما دخلك فيني محدا قلك تخليه ينام هون
محمد:يحط يده على فمها ويكلمها وهو مسكر على اسنانه من عصبيته و مقهوره منها و بحركاتها المتهوره بتذبحه : اسكتي لأحد يسمعك ..ما يكفي نازله كذا وفيصل في البيت... الشرهه عليه الحين.. الي طالبه من مرته تنام عندك... احمدي ربك الي وافق انها تضل معك تبيني اقطه برا البيت ...ويلفها قدامه وهو مسكر فمها وتحاول تفك نفسها منه ويسحبها لأقرب باب منه يفتحه ويدخلها و يدفها داخل الغرفه و يفتح الأنوار ويسكر الباب
ملاك: مقهوره و حاسه بمهانه من حركته معها وحابسه دمعتها بداخل عيونها و بصوت مرتفع و يرجف : اطلع برا ما الك حق تكون هون في بيتي ما بدي شوفك روح من هون
محمد: بصوت ثابت وقوي وعيونه كلها تهديد : وطي صوتك لا احد يصحي على صراخك وتكلمي معي بأدب ..انا ماني ابوك الي مدلعك..... و احسبي حسابك من بكره بتتركين البيت و ترحين معي على بيتي
ملاك :تصرخ ودمعتها نزلت وكل جسمها يرجف وبتنفس مضطرب :لاااااا ماراح اخرج من هون.. هنا روحي هنا حياتي ...وتلف حولين نفسها مثل الغريق الي يدور طوق النجاه و تأشر على المكان وبصراخ...هون كان يجلس اكثر الوقت ...و تأشر على المكتب ....وهون على هذي الكنبه كنت احكيله كل شي يصير معي طول اليوم..
محمد : توه ينتبه انه مدخلها غرفة المكتب وشاف هي كيف صايره و يلوم نفسه بدل ما يهديها يزيدها.. بس هي تخليني اخرج عن صبري معها... ويقرب منها
ملاك: شافته جاي جهتها وعيونه مسلطه عليها و ملامح وجهه تدل على غضبه تصرخ وبخوف :لا تضربني ...ابعد عني لا تضربني ... وترجع على ورا وهي خايفه منه و غطت وجها بيديها وهي تبكي بصوت
محمد : وقف مكانه مصدوم من كلامها لهذى الدرجه تخاف منه وسود وجهه ..و يقرب منها وهو يكلم نفسه.. استأهل انا الي جبته لنفسي ولا فيه واحد يمد يده على مرته اول يوم يشوفها فيه وش بيجني بعد كذا غير خوفها منه وكرهها له....ويمسك يدها... انجي لا تخافين ما راح اسويلك شي
ملاك : بعدت يده بقوه وخوف ورجعت خلف المكتب صار فاصل بينهم وجها كله دموع و صاير اصفر وبصوت كله خوف : اطلع من البيت لا تجلس هون ما بدي شوفك
محمد: يتنفس بعمق ويحاول يهدي اعصابه وبصوت هادي : اسمعيني زين خرجتي من هنا يعني انتي راح تكونين معي ما راح اتركك لوحدك وحطي هـالشي في بالك
ملاك : تمسح دموعها و تحط يدينها على المكتب و تميل على قدام وبصوت كله خوف بس تحاول تبينه قوي و متماسك :لا راح تخرج من هون وراح تطلقني انا ما بدي اياك
محمد: يحس الكلمه شلت دماغه و قفت قلبه و صرخ فيها: وشهووووووووووووو
ملاك : بخوف من صرخته وبلعت ريقها بس تحاول تبين قويه معه : ايه ما بدي اياك طلقني انا بس وافقت عليك عشان اخرج من هناك مثل ما قلت...و ما الك دخل فيني و تنزل الدبله وتحطها على المكتب
محمد : بخطوه وحده وهو قدامها و ماسكها مع زنودها وبصوت مثل الرعد : انتي منتي بعقلك اكيد ..و اياني و اياك اسمع الكلمه على السانك ....(ما قدر ينطقها)
ملاك : بعصبيه وخوف من قربه منها الي يشل جسمها صايره مثل العصفور قدامه : لا راح اطلقني غصبن عنك ولا راح ارفع عليك قضيه وطالب بالطلاق
محمد: عيونه بتطلع من عصبيته وكلامها الي يرفع الضغط بس ضحكته لمن تقول ترفع قضيه : حلوه ترفعين قضيه و انتي هنا
ملاك : بكل اصرار ترفع راسها و تحط عيونها الذابله وكلها خوف ودموع بعيونه : ايه راح طالب في الطلاق وما راح احد يمنعني وعيش هون طول حياتي ما حدا اله حكم فيني انا معي الجنسيه و شوف شو راح اعمل
محمد: راسه ينبض بالم وصداع وعيونه بتطلع من كلامها وبصوت عالي ومتعجب : وش جنسيته الي معك...؟؟؟!!
ملاك : وبكل ثقه لمن شافته مهو مصدق : ايه معي الجنسيه هنا... طلقني الحين احسن الك
محمد: كل عرق بجسمه ينبض بقوه ويهزها مقهور منها كل شوي تعيد كلمة الطلاق :فوقي يا مجنونه وبطلي اكاذيب ابوك ما معه الجنسيه..
ملاك : ردت بسرعه وهي حاسه يدها بتخلع من ضغطه عليها وهزه لها :ماني بمجنونه بابا ما معه بس انا معي اخذتها لان خالتو معها اخذتها بكل سهوله وما تقدر تسوي شي انا هلآ في بلدي وغصبن عنك راح تطلقني
محمد: ثبتها على الجدار الي خلفها و حط يده على فمها وضغط عليها من قهره منها ويده الثانيه تنغط على يدها وده يخرج الغضب الي فيه كله على جسمها وجهه قدام وجها ما يفصل بينهم غير كم سانتي وبصوت واطي و كله تهديد : سمعيني زين يا بنت خالد ...معك الجنسيه او ما معك ما يهمني والطلاق لا اسمعه على السانك و لو سمعت انك رافعه قضيه لا تلومين الا عمرك انتى ما فكرتي كيف راح يكون رد فعل خالتي ممكن تروح فيها بسبتك
ملاك :تسحب في يده الي على فمها ...رفع يده عنها وهو ما زال مكانه ما تحرك : ..انا بكرهك عمري ما كرهت احد بحياتي مثلك
محمد: جرحه كلامها و بصوت عميق يجرح قلبه قبل ما يجرحها : عاد انا الي ميت عليك و على عيونك الزرق و اذا ضأنه الكلام الي قلته لك قبل صدق بتكونين غلطانه كله عشان امك ولا انا وش ابي بوحده كانها اجنبيه
ملاك : كلامه جا على الجرح العميق الي دافنته من سنين وتحاول تنساه بكل عصبيه وبصوت عالي : ابعد عني بكرهك ليه اخذتني وانت تعرفني
محمد: بس لا ترفعين صوتك و انتي تتكلمين معي انا اخذتك عشان امك وبس وحطيها حلقه باذونك عـ.شـ .ا.ن امـ .ك ...وقال الكلمتين الاخيره وهو يتكي على كل حرف فيها
ملاك : بصوت باكي وكسير زاد كرهه في قلبها و ايدينها على صدره تدفه عنها:ابعد عني ما بدى اياك ولا بدي أي حدا خلاص اتركوني بحالي اعطيني المفتاح
محمد : مسك يدها بقوه وده يضمها لصدره بس هذا ما ينفع معها بتهينه وتجرحه و عيونه تخترق عيونها الي كلها دموع وبصوت هادي : ما راح تدخلينها و انتي بهذي الحاله خليني اعطيك علاجك احسن
ملاك :بعدت عنه وجلست على الارض وتبكي وبصوت انكسار معد فيها تقاومه : لا ما بدي علاج ما بدي نام خلاص اعطيني هو الله يخليك
جلس على ركبه قدامها : انجي انتي لازم تستوعبين انه مات خلاص
ملاك : تبكي بصوت جرح روحها :والله بعرف انه مــــات ...مـــات خلاص هو و خالتو وتركوني ونزلت راسها على ركبها وتبكي
محمد: حاس كنه يتعامل مع طفله وهي بشكلها هذا وكلامها يحط يده على راسها : زين خلاص احمدي ربك انك و دعتيه وشفتيه قبل يدفنونه
ملاك : رفعت راسها و جها احمر وتشهق : انا لو ماشفته... كان لفيت.. عليه العالم ..ادوره بس تعبت من بعده عني ..بدي اطلع غرفته احس انه موجود معي بدي شم ريحته فيها .......والله العظيم تعبت ....تعبت من دونه يارب اموت وارتاح
محمد: بكل حنيه : حياتي هو موجود معك فيك انتي بنته الي حامله اسمه الي تسوينه حرام يعذبه بقبره انتي خلي ايمانك بالله اقوى راح تقدرين تتغلبين على الي انتي فيه وهوه محتاج لدعائك مهو دموعك ابكي بس بدون اصراخ انتي ما تشوفين الي تسوينه لو تشوفينه ما عتقد ترضين عنه لانه حرام
ملاك: صوتها متهدج وتتكلم بصوت واطى: انتم كلكم منتم بحاسين شو خسرت انا ...كل وحد يقول الكلام وهو ما بيعرف شو يعني وبدون احساس ..انا خسرت كل شي حياتي كلها راحت كل خليه بجسم تصرخ تبيه معد لي حدا بعده ...وتبكي اكثر
محمد: وده يضمها لصدره ويقاوم نفسه ...و يمسكها مع يدها ويده الثانيه على شعره : ليه تقولين كذا وحنا وين رحنا عنك و امك وين راحت
ملاك:تشهق: ماما طول عمرها بعيده عني ما شوفها بس اسمع صوتها ...ليه راح و ما خذني معه
محمد: يمسح على شعرها ....اششششش قولي لا اله الا الله و انتي حتى لو كنتي معه وربي ما كان كاتب لك الموت بتخرجين من الحادث مثل الشعره من العجين ...و شافها بترد حطيده بشويش على فمها ....ششش خليني اكمل ..واذا اشتقتيله قومي صلي و دعيله وهو راح يكون معاك بكل مكان بقلبك ...انتي فقدتي جسده لكن هو موجود بكل شي حولك موجود فيك انتي بنته الي حامله اسمه وما عنده احد غيرها اذا انتي تدعين على نفسك بالموت من راح يدعيله اذا تبين تعوضينه عن كل شي سواه لك ادعيله الله يغفرله ويوسعله وينورله بقبره ويكون قبره روضه من رياض الجنه ويريحه بتربته
ملاك:غمضت عيونها وتبكي وشفتها ترجف : بليز بدي نام بغرفته
محمد: يتأمل وجهها المرهق : توعديني ما تنهارين
ملاك: تهز راسها بمعني ايه
محمد: تدخلينها بس بشرط ما تنامين فيها تصلين ركعتين و تدعين له و ما تصرخين
ملاك : تحرك راسها وهي ماتناظره وعينها على يدينها الي بحظنها .. اعطيني هوه
محمد: نبض الصداع يزيد وهو شايفها كيف منكسره مثل الطفل الضايع : يوقف تعالي ويمد يده لها راح كون معك ما راح خليك لوحدك
ملاك : توقف وطنشت يده الممدوده
محمد: مسكها مع يدها: لحظه ويلبسها الدبله لا شوفك تنزلينها من يدك هي مهي مهمه عندي اثبات انك معرسه بس هنا لازم عندهم
ملاك :غمضت عيونها وقلبها محروق على كل شي
محمد: وصل لين الباب لف لها بصوت واطي : انتظري هنا لا تخرجين اشوف الطريق ..خرج الصاله ورجع وهي مكانها وراسها منكس على الارض ...خذى البسي هذا
ملاك: ناظرت بيده وبصدمه وتمسح دموعها وبهدوء:شو
محمد: وش فيك ما حصلت غيره لفيه زين بسرعه
ملاك : بصدمه وعيونها على الي بيده : البس شرشف السفره ....؟؟؟؟؟؟
محمد: يقرص عيونه فيها : ايه يمكن نقابل فيصل وهو خارج ..ويحطه على شعرها ...
ملاك لفته بسرعه وتحجبت فيه..مافيها تجادله وراسها يوجعها
محمد : ماشي قدامها مع الدرج وده يضحك على شكل الشرشف وهو عليها ويسحب خلفها صد عنها وطلعها فوق : روحي توضي على بال ما جيب المفتاح
ملاك :دخلت الغرفه بشويش عشان ما تصحي شذى ورمت المفرش بقرف و توضأت بسرعه خايفه انه يكذب عليها و اخذت شرشف الصلاه وخرجت شافت محمد عند الباب مفتوح دخلت والغرفه مرتبه (محمد حط كل الملابس في الدولاب...وناوي بس يجون الخدم يجمعها كلها ويرسلها للجمعيه الخيريه )
محمد : تعالى صلي ..وبعد ما كبرت و بدات بصلاتها صلي ركعتين وصلي الوتر وفضل ينتظرها تخلص
ملاك : فضلت تصلي وتدعي وجها كله دموع ومهي شايفه من الصداع وبعد ما انهت صلاتها رفعت رجولها ولفت ايدينها حولها وسندت راسها على ركبتها
محمد: قرب منها : انجي فيك شي
ملاك : وهي منكسه راسها وصوت يادوب سمعه : رأسي بيوجعني
محمد: الحين اجيبلك حبوب الصداع.. وخرج عنها والمفتاح معه وراح جابها و حصلها مثل ما هي حط يده على ظهرها: خذي اشربي
ملاك: اخذت الحبوب والكاسه وشربتها ورجعت راسها مثل ما كان
محمد: قومي رتاحي بغرفتك ويمسكها مع يدها يقومها
ملاك: ما ردت عليه و تروح على السرير وهي بشرشف الصلاه وتاخذ مخده ابوها وتحضنها وتغطت
محمد: ما يبيها تنام بالغرفه بس اذا هي هاديه الحين مهو مشكله ..ضعف اضأة الغرفه وترك الباب مردود و جلس على الكنب عندها والافكار تاخذه وتجيبه كيف بيتعامل معها وهي مره مثل الطفل ومره بس تصرخ وتعاند و قام اخذ من الحبوب يمكن تسكن الم راسه و قلبه وش بيسكنه و هي ماتبيه وتكرهه ورجع على الكنب تمدد و بعد فتره نام وصحي متروع على الساعه ثنين ونص وقف وراح عندها شافها على وضعها و نايمه اخذله غطأ ورجع مكانه على الكنبه ونام
،.*.،
الرياض
الصباح
في المدرسه
وقت الفسحه كل مجموعه من المعلمات لوحدهم وهم مكاتبهم الثلاثه متقاربه ومقربين الكراسي و مخلينها حول مكتب واحد يفطرون تميس و جبنه بلدي مع كاسات الشاهي على المكتب وريحة النعناع تفوح منها
مريم : تاخذ رشفه من الشاهي : ايه انا هذى المره اذا حملت باخذ استثنائي
جواهر : الله يعوضك ان شاء الله بالضنى الصالح
مريم: امين
العنود: الدكتوره متي قالت لك ممكن تحملين
مريم : انا الحين بفتره راحه بعد مرتين الاجهاض اخر مراجعه تقول ان الرحم سليم و ما فيه أي مانع
جواهر : وتاخذ قطعه من الجبن وتدهنها : وما حددت سبب إجهاضك كل مره
مريم: لا على قولته ابراهيم الله ما كتب لنا بعد
العنود: الله يخليكم البعض ولا يغيره عليك شوفي بنت خالتي ما كملت سنتين زوجها تزوج عليها بس عشان أجهضت مرتين
جواهر: تضرب العنود على رجلها: لا مهو بفالها... رجالها يحبها من يوم ما كانوا صغار
العنود: أي ما قلت شي
مريم : ايه بس بعد هذا ما يمنع تصدقين لو امي هي عمتي كان يمكن جنيت مهي مخليه اخوي براحه وتبيه يعرس ليش مرته جابت بنات يا ويلي لون عمتي مثلها كان نهبلت من زمان
العنود: تحط الاكل من يدها : يعرس على نوره؟!!(تعرفها بالاسم من كثر ما تتكلم عنها )
مريم : ايه تبيه عشان يجيب الولد
العنود : وش يعني بنت ولا ولد
جواهر: شوفوا انا بحكم حياتي الي مهي مستقره افضل الولد على البنت لانه بياخذ حقه لكن البنت الي بتنظلم
مريم : جواهر لا تفرقين بين عيالك انتي عندك بنت
جواهر : لا والله مافرق بينها وبين اخوانها بس البنت ضعيفه
مريم : ربك يقويها ويصلح ابوها لكم بس احنا المشكله امي الله يهديها ما تعرف هـ الكلام وعندها الولد هو العزوه بس تحلم هي ان عامر ياخذ غير نوره
العنود : والله صادقه هههههههه انا كل ما فتكر لما تحكيني عنكم و انتم صغار اجلس اضحك حتي لما اكون لوحدي
مريم : آآآآه كانت ايام حلوه
جواهر: تصدقين كنت اتوقع حمد ياخذ مها ويكنون عايشين مثل قصتكم
مريم: لا يا معوده هذول الاثنين من يومهم وهم بس مشاكل كانت مها تفتن على يزيد وحمد وهم يضربونها الي تعلم عليهم
العنود: امك للحين ما تعرف انك كنتي تكلمين ابرهيم من صغرك
مريم : تبينها تذبحنا هذا سر بينا احنا الاربعه بس
العنود: بس ما اتخيل واحد من اخواني يعطيني التلفون ويقول لي كلمي
مريم :بضحكه وهي تفتكر ايامهم اول : يا حبيبتي عامر كان يخليني اكلمه عشان يقدر يكلم نوره و احنا مكنا نكلم بعض الا بعد ما خالي كلم ابوي وخطبني وابوي بنفس اليوم خطب نوره
جواهر: هههههههههه والله إنكم نكته بكل شي مثل بعض
مريم : لا بس خطبه اما العرس فكل واحد لوحده
جواهر: وشلون رضي رجالك ان اخوك يعرس وهو لا
مريم: هههههههه بهذلني ليه قلت لهم ابي اكمل دراسه و ابوي اجل العرس وبحكم ان نوره مخلصه دراستها عرست قبلي ...وعينها على العنود الي سرحت شوي ...يالله يارب يا العنود ربي يرزقك بالرجال الي يشيلك ويصونك ويحافظ عليك مثل عيونه
جواهر: امين يارب
العنود: تحط الاكل من يدها وبصوت هادي : اقول سكتي انتي وهي والي يعافيكم لا تدعون و لا تجيبين سيرة العرس انا خلاص راح على ...وبضحكه مصطنعه ....وبعدين انتم جبتولي عقده من كثر مشاكلكم وغير مشاكل اخواني مع حريمهم الي قاط عياله عندنا و مرته مهي راضيه ترد بيتها وتبوني اقط عمري في النار بيدي لا خليني عند اهلي ارعاهم و اتحفا بشيباني مثل مارعوني وانا صغيره
مريم : وهي شايفه كيف وجه العنود متغير و حاسه بلي تخبيه بقلبها : يعني انتي الحين لو احد تقدملك بتردينه
العنود: ويا حسرتي من الي بيتقدم لوحده بمثل عمري (عمرها 29وعلى وشك دخول الثلاثين ) غير شايب يعرج ... ولا يدور مره ثانيه ...وحاط كل عيوب الدنيه بحرمته الي قبل ...ياحرمه خليني من وجع الراس ودوخه ريحة اهلي الطيبه و لا نار العرس ...ودق الجرس توقف تهرب من نفسها قبل ما تهرب من الناس .... انا عندي حصه سلام
،.*.،
بيت ابو ملاك
محمد: صحي الساعه سبعه و اول ما فتح عيونه وما شاف احد على السرير قام بسرعه راح يدور عليها دق على باب الغرفه
فيصل : خارج من الغرفه : محمد انت وين نمت صحيت ما حصلتك
شذى: فتحت الباب وهي لابسه عبايتها شافتهم واقفين : صباح الخير
فيصل: صباح النور يالله مشينا
محمد: بقلق وهو صاد وجهه على فيصل : فين انجي
شذى: بهدوء وهي تسكر الباب : صحيت ما لقيتها وحصلتها كاتبه ورقه تقول بتروح المستشفي
محمد: بروعه يصد عليها : وش فيها أي مستشفي
شذى: وهي شايفه خوفه عليها : تطمن مافيها شي بس تبي تروح تاخذ اوراق الاجازه الي من هنا عشان تقدمها اليوم
محمد: هي بأي مستشفى
شذى: مستشفي .... (خاص) مدير المستشفي صاحب ابوها
محمد: يتكلم وهو رايح على الغرفه اوكي انا بروح لها (ويكلم نفسه وهو متوتر ...انا رويها هذى ما بتعديها لبر الحين خارجه وبدون ما تعطيني خبر كاني طوفه عندها )
فيصل: لا تتاخر المحاضره الساعه ثمانيه ...يالله حبيبتي ما فيه وقت بروح البيت ابدل
شذى: تبوسه على خده وعينها على الباب الي دخل منه محمد تخاف يخرج ويشوفها : صباح الفل يا عسل ...وتحرك حواجبها..كيف النوم بعيد عني اريح صح ؟
فيصل : يمسك بيدها : ايه والله يازينه من نوم يرد العافيه
شذى : تلف عليه: وشهو احلف انت بس
فيصل : وهو فيه ضحكه بصوته : يالله اصبحنا واصبح الملك لله...وش عندك يامره مع هالصبح امشي بس خلينا نروح بيتنا ولا ردينا نتفاهم
،.*.،
ملاك: صحت الساعه خمسه وهي حاسه براحه بس خوفها من الايام وش راح تخبيلها وكيف بتعيش وراحت الحمام اخذت شور وصلت الفجر و لبست و أخذت مفتاح السياره وخرجت وفضلت تلف بالشوارع تحاول تهدي غربت روحها قبل غربة المكان والساعه سبعه ونص دخلت المستشفي بعد ما كلمت الدكتور من جوال ابوها و خذت الاوراق من عنده وطلعت على طول
محمد : دخل المستشفي وسأل عنها وعرف ان توها خارجه خرج وراح على الجامعه ..دق جواله ..الو
فيصل: ياخي وينك فيه كلها ربع ساعه و تبدأ المحاضره
محمد: جاي بالطريق تكفي فيصل اتصل على مرتك و سألها اذا انجي وصلت ولا لا.. اتصل على جوالها مقفل
فيصل: اوكي بس لا تتأخر سلاااام
محمد: سلااااام (مصدع وماله خلق لدلعها وحركاتها ويضرب على الدركسون ويتوعد فيها اذا شافها )
بعد ما وصل
محمد: السلام عليكم
فيصل: وعليكم السلام
محمد: هاه كلمتها وصلت
فيصل: لا.. انت وش فيك خايف مهو قلت تبي تروح لها
محمد: بقلق ويدور بعيونه : ما حصلتها كانت خارجه
فيصل: اوكي تعال خلنا ندخل
محمد: لا اول شي ارجع دق عليها
فيصل: ياذا البلشه شتغلنا سنترال انا ومرتي عندكم
محمد: يضربه على كتفه :يا اخي كلمها بلا غلاسه ماني بناقصك انت بعد
فيصل: زين اركد وش صاير فيك
محمد: يا اخي خايف عليها يكون صاير معها شي خلصني دق ..والله راسي يبي ينفجر
فيصل: زين روق ...ويتصل الو
شذى: جالسه على الطاوله ومعها ريم :هلا حبيبي
فيصل: يلف عنه : حياتي هذا محمد عندي راح يجن انجي وصلت ولا.. لا
شذى: حبيبي كاهى توها جات.... شافتها جايه تمشي .... قل لمحمد يرتاح راح انتبه لها
فيصل:يرفع صوته ويسمع محمد : زين قولي لها تفتح جوالها محنا جالسين سنترال عندهم
شذى: هههههههههه ياعمري تقول معد تبيه
فيصل : مهو بكيفها نشتغل عندهم سنترال حبيبتي مع السلامه انا دخلت الكلاس
شذى: ههههههه مع السلامه يا قلبي
ريم: وش فيك من محمد الي تتكلمين عنه وشله علاقه بانجي
شذى: ترددت شوي وهي تناظر فيها وانجي تقترب منهم : محمد صديق فيصل تزوج انجي
ريم: وشهوووووو..؟! متى؟
شذى: عمها رافض انها تجي تكمل ومحمد طلع ولد زوج امها و كتبوا كتابهم وجابها اقول بعدين هي تعلمك وش صار معها
ملاك: كل الي حولها بالجامعه تشوفه غير عن اول كنها اول مره تدخلها كل شي فيها كئيب و كاتم على نفسها و بكل هدوء : السلام عليكم
..وعليكم السلام
ريم : تسلم عليها: وش اخبارك عظم الله اجرك
ملاك: ببرود حتى ملامح وجها بارده ما تدل على أي معالم والهلات السود حول عيونها : جزاك الله خير
شذى: تسلم عليها وهي عند اذنها: كيف تخرجين و ما تصحيني
ملاك: بصوت واطي : ما حبيت ازعجك و صحيك بدري
جوهم البنات
امل : بيدها كوب نسكافه وتسلم عليها : البوقى براسك حبيبتي
ملاك: وراسك تسلمين
جود: تسلم : عظم الله اجرك الله يعوضك خير
ملاك: جزاك الله خير
شذى : يالله بنات راح نتأخر ...وهم ما شين مسكت يد انجي ولفت لها وهي تمشي ...افتحي جوالك محمد يبي يتطمن عليك دق علي فيصل يسأل عنك
ملاك: بعدين نحكي تعالي الحين
بعد ما انتهت المحاضره الساعه عشرة ونص البنات جالسين
شذى: انجي كُلي شي لا تشربي النسكافه لوحده
ملاك : لا ما بدي أكل
ريم : عينها على جود لازم تعرف وتنهي الموضوع الي براسها : انجي مبروك الله يوفقك ويسعدك
جود: تناظر فيهم وبضحكه : على وش تباركين لها فاتني شي من سوليفكم
ريم : بصوت حازم : انجي ملكت
امل :كيف ؟ متى ؟..ما شاء الله...منتبهت عشانك منتي لابسه الدبله
شذى :تناظر بانجي وهي تحرك كوبها بتوتر ..وعينها على يدها وفعلا منزله الدبله
ريم : تضغط على كل كلمه تقولها وعينها على جود : محمد صديق فيصل
جود: وشوووووووو ...وترمي الكرسي وتوقف وتصرخ ...ما حصلتي الا هو تاخذينه مني و انتي تعرفين اني احبه ...وترش عليها من المويه الي بالكاس الي قدامها ....ضاقت بك الدنيا و خلصوا الرجال الي تبينه
البنات : صرخه وحده : جـــــــود
شذى توقف وتصرخ في جود : وجع وش سويتي
ملاك: تدفها وهي جالسه قريب منها بعصبيه : ... مدخلك انا حره اخذ الي بدي
جود: تعطيها كف وهي تبكي : الله يحرق قلبك
ملاك : تردلها الكف وتبعدها عن طريقها وتصرخ : تحرق خلاص و مات ....تأخذ شنطتها و اغراضها وتروح تجري
شذى: تنادي.. انجي انتظري ...وتلم اشيائها وتصرخ على جود ... حسبي الله عليك ..وتروح خلفها وما لحقتها شغلت سيارتها وراحت اتصلت على فيصل ما رد عليها رجعت تتصل خمس مرات خلف بعض
فيصل : كان في المحاضر تفاجئ من اتصالاتها و اول ما خرج دق عليها ..الو خير حبيبتي وش فيك
شذى: وهي متوتره : فيصل انت فين تعال بسرعه
فيصل : حبيبتي وش فيك
شذى: تعال بسرعه جود تمشكلت مع انجي وراحت بالسياره معرف فينها
فيصل: بهدوء : انتى فين الحين نجيك
شذى: انا عند ..... بسرعه أكيد راحت البيت
فيصل : خليك مكانك الحين اجيك
محمد: شاف فيصل يكلم بطريقه غريبه ومهو سامعه بس يشوف ملامحه ان فيه شي : وش فيه
فيصل: تعال معي انجي راحت بالسياره وهي زعلانه خلنا نروح ندورها
محمد: وجهه مصفر: وشهووو... فين راحت
فيصل: مدري خلنا نروح البيت ونشوف
محمد: الحقني ...يجري بسرعه ويروح لسيارته ...الله يسامحك يبه كان خليتوها عندكم هذي تبي تضيعني عن دراستي بجنانهاكاني فاضي لدلعها
فيصل: راح اخذ شذى ولحقه
شذى : قالت له كل الي صار
،.*.،
ريم: تصرخ : شلون جاتك الجراءه تسوين كذا حرام عليك انتي ما تخافين ربك
جود:جلست على الكرسي وتبكي : هي الحقيره تعرف اني احبه ليش تاخذه مني
امل: بس ما يصير الي سويتيه
ريم: انتي ما تستحين ما شفتي كيف شكلها ونفسيتها تعرفين هى وش كثر تحب ابوها
جود:بصوت مرتفع : بس خلاص وين حبها لأبوها وهي ما حسبت يموت و تزوجت
ريم: ترفع صوتها : خلاص سكتي انتى الكلام معك ضايع و منتي فاهمه شي وهو ما يحبك حبك من طرف واحد.. لو تستحين على عمرك ماكان قلتي انك تحبيه وخشيتي حبك بقلبك لكن بجد انتم بنات معد فيكم حيا ابد الوحده تجي بكل عنجهيه تعترف انا احب فلان وعلان حبتكم القراده ما فيكم لا دين ولا حيا لأهلكم بدل ما تحبين الولد حبي ربك وتقربي له بس صدق الي قال الي ختشو ماتو وتقوم عنهم وهي معصبه
جود: منزله راسها على الطاوله وتبكي
امل : جود انا ماراح زيدك بعد الكلام الي قالتلج هو ريم تراك غلطانه..قومي خلينا نروح البيت
،.*.،
بيت ابو محمد
الظهر بعد الغداء
في الصاله قبل ما يطلعون البنات
ام احمد: بنات اليوم يبون يجون حريم ابيكم تكنون فيه
مي:وهي جالسه على جنب : ليه خالتي من الي يبي يجى
ام احمد : اهل خالد صديق محمد
منى: و اقفه على جنب : امي انا ما ني بفاضيه عندي ادراسه خلى مي معك
ام احمد : تناظرها وهي خايفه عليها و بحنيه :لا ابيك تنزلين تسلمين عليهم وبعدين اطلعي
منى: امي ما احب جلسه الحريم الكبار
ام احمد: ما قلت لك اجلسي سلمي و اطلعي على طول و لبسوا تنوره طويله او جلابيه لا تلبسون بنطلون ....وش يعرفنا بعوايد العرب يمكن بناتهم ما يلبسون ينقدون علينا
منى: بطفش : يوووووه امي وش التعقيد هذا ما عندى تنوره طويله مهو لازم انزل
ام احمد: الشرهه علي الي مطوعتكم بلبسكم...ياويلك يا منى لو شفتك لابس بنطلون... لبسي أي جلابيه
منى: امي انتي تعرفين اني ما البسها الا للعيد لما نروح الصلاه ما حبها
ام احمد: بعصبيه : منى وبعدين معك لبسي الي لبستيها بالعيد كلها لبسه وحده و قطتيها بالدولاب و محد شافها عليك ولا خذي من عند مي يا ويلك لو شفتك لا بسه بنطلون فاهمه
منى: و بدلع و ستهبال :زين خلاص امي بس لا تعصبين علي
مى: بهدوئها ورزنتها المعتاده : لأنك مزعجه قالت لك من البدايه ناس ما نعرفهم و انتي منتي براضيه تفهمين
منى: بزعل : زين خليت الفهم لك يا الفهيمه
مى: الحمدلله والشكر وتبوس يدها وجه و قفا....خالتي الساعه كم بيجون
ام احمد: بعد المغرب
منى:تقرب من امها وتحرك يدينها : امي حاسه عندك سالفه وش فيك مهتمه انا نكون فيه
ام احمد: تلف وجها عنها: لا سالفه ولا شي اهل صديق اخوك ما تبينا نقابلهم كلنا هذى الفشله والله وش تبينهم يقولون عنا
مي : هم عندهم بنات من سننا
ام احمد: مدرى عنهم والله لا جونا نشوف ..منى اياني و ياك تفشليني قدام الناس اركدى وانا امك
منى: تجلس جنبها وتلف يدها عليها: فديتك يالغاليه وش فيك حاطه على اليوم ومعصبه ابوي مزعلك ..ولا قرودك الاثنين الي مسافرين وتحرك حواجبها
مي : تضحك على هبالتها الي ما تخلص
ام احمد : لفت وحضنتها مهي متخيله البيت من دونها
منى: امي وش فيك ...وتبوس راسها
ام احمد: غصه بحلقها : ما فيني شي بس سوي الي قلته لك
منى: شافت ابوها جايهم : يبه امي وش فيها انت مزعلها ولا قرودها الي هناك ...و تضحك... لانها الحلوه اول مره ما تمسكني مع اذوني
ابو محمد: وهو يضحك : خلي امك بحالها
ام احمد: بعصبيه : قومي اشوف ولك عين تعيدين ان خوانك قرود ما القرد غيرك
منى: بصوت عالي : ايه كذا رديتي امي الي اعرفك وتبوسها
ام احمد : توقف وهي متوتره : خلني اروح المطبخ اشوف وش فيه اسويه لا تتأخرون ابيكم قبل تصلون المغرب وتكنون جاهزات
مي: ان شاء الله خالتي
،.*.،
بيت ابو ملاك
محمد: دخل البيت وحصلها في الصاله جالسه و تنهد برتياح وشاف الخدم فيه كم وحده يمسحون بالاثاث الي على جنب قرب منها وبصوت قلق : وش فيك ..؟! وش الي صار...؟!...وراح عندها
ملاك: صدت بوجهها عنه بهدوء : ما فيني شي
محمد: بصوت رزين : انتي كيف تخرجين الصبح بدون ما تخبريني
ملاك: لفت وجها جهته وهو واقف : شوووو
محمد: ما هتم لكلمتها قرب منها ومسك وجهها : وش فيه وجهك كذا...؟؟
ملاك : تتكلم وبصوت واطي : بعد عني قلت الك ما فيني اشي
محمد: جلس جنبها ويطالع بوجها وعيونها الحمرا : وش صار لوجهك
شذى : دخلت الصاله بسرعه : انجي... و نتبهت لمحمد الي جالس جنبها... سوري
محمد: بدون ما يناظرها وعينه على ملاك : تعالي فهميني وش فيه
ملاك : توقف : ما صار شي
فيصل: واقف عند الباب : ياولد..محمد
محمد: تعال ادخل
فيصل : السلام عليكم
..وعليكم السلام
محمد:وش الي صار معكم بالجامعه
ملاك : ما في اشي حبيت ارتاح ما عندي محاضره الا الساعه ثنين فيها شي..... شذو تعالى نطلع فوق
مديرة الخدم لبنانيه روز : انسه انجي المحامي على التلفون بده اياكي
ملاك :تتكلم ببرود و وحزم : حولي المكالمه على المكتب ..و تروح المكتب
محمد: معصب :وبعدين يعني فهموني وش فيه
فيصل: يكلم شذى: روحي معها ...تعال اجلس انا افهمك وعلمه كل الي صار
محمد: معصب يوقف ويضرب بيده على الكرسي : وجع عسى يدها الكسر ما باقي الا اهي افكر فيها
فيصل : هدى نفسك لا تعصب
محمد: كيف ما تبيني اعصب اهي ناقصه تجي وحده مثل هذى تزيدها مشاكل وهموم
فيصل: هدى عمرك وربك كريم ويصبرها
،.*.،
بيت ابو ابراهيم
حمد : من اول وهو يحاول في امه : يمه ولي يعافيك كلميه تراه زعلان علي ما يبي يروح يخطبها الحين واخاف تروح مني
ام ابراهيم : انت الحين وشلون تبينا نخطب الصغيره قبل الكبيره خالك معتقد بيوافق
حمد: يتنهد : يمه و بعدين يعني وش فرقت عن اختها كلها اقل من سنتين وقال كبيره و الي يعافيك يمه كلميهم و لا تراني بكلم خالي لوحدي وخطبها
ام ابراهيم : راسها صدع من الصبح وهو يلحقها من مكان لمكان و يزن على راسها : ايه سوها وشوف وش يجيك من ابوك ..وانا خبرتك اخوي واعرفه زين ما راح يزوج الصغيره قبل الكبيره
حمد: يالغاليه انتم اخطبو و خالي انا احاول معه وبعدين هم كلهم متخرجات مهم بصغار الي يضيع نصيب وحده عشان اختها بعده ماجاها نصيبها
ام ابراهيم : بهداوه وعقل : يا يمه والله داريه ان تفكير خالك غلط بس وش تبيني اسوي وانا قلتلك الي اعرفه ..قوم الله يرضي عليك رد الدوام لا يفقدك ابوك ويحط عليك بعدين
،.*.،
بيت ابو ملاك
في المكتب...
ملاك: الو
المحامي : السلام عليكم
ملاك: وعليكم السلام
المحامي : حمدلله على سلامة الوصول
ملاك: الله يسلمك خير شو فيه
المحامي : يا ستاذه ملاك فيه اوراق مهمه بخصوص صفقات اجراها الوالد الله يرحمه لازم توقعي عليها اليوم لانها مؤجله الها فتره و اصحابها يطالبون فيها اذا ممكن تجي المكتب او انا اجيك البيت
ملاك: وهي خايفه وش تبي تسوي وهي ما تعرف شي و بهدوء: خلص انتظرك في البيت تعال
المحامي : ان شاء الله ربع ساعه وكون عندك
ملاك: وتحرك يدهها على المكتب بتوتر : اذا سمحت قول للسكرتير يجهز كل اوراق المحاسبه الخاصه بالشهر الماضي وجيبها معك وكشف رواتب الموظفين ..كيف صرفتوا رواتبهم الشهر الماضي ؟
المحامي : ايه يا ستاذه الله يرحمه الوالد كان موقع على صرفه ...الكشف راح جيبه معي اوامر ثانيه
ملاك: بنغزه بقلبها وتتنهد وتكلم نفسها ...كان مرتب كل شي حاس انه بيروح ...وبصوت فيه قصه : لا شكرا لا تتأخر مع السلامه
المحامي: حاضر مع السلامه
شذى: دخلت من اول المكالمه وجلست تناظر فيها ومستغربه من طريقه كلامها : انجي وش فيك
ملاك: ترفع عيونها وتناظرها : ما في شي تعالى نطلع فوق وتخرج ...وتنادى.... روز
روز: نعم انسه انجي
ملاك: حضري فطائر و قهوه عربيه وجيبها هون عند الاستاذ محمد و بدي وحده ثانيه بغرفتي وشوفي الاستاذ شو بده على الغداء و اذا اجا المحامي دخليه المكتب وناديني ..وراحت بتطلع ورجعت لفت.... لحظه روز
روز : نعم انسه
ملاك: خبري المزارع (مسؤل الحديقه) يقص الحشائش و يغير مويه المسبح بدي البيت مثل ما كان اوكي ... خلص شكرا تقدري تنصرفي وتلف تطلع
روز : حاضر انسه انجي
ملاك: شذو شو بكي تعالى ليه واقفه
شذى : واقفه جنبها مستغربه طريقة كلامها
محمد: جالسين هو فيصل في الصاله وسمعها : يسند راسه على يدينه: آآآآآآآآه راح جن من تصرفاتها راسي راح ينفجر من الصداع
فيصل: يقوم و يجلس جنبه وحط يده على ظهره: محمد طول بالك عليها وساعدها كل الي اهي فيه من وفاة ابوها وصدمتها فيك و الدراسه وشغل ابوها هذا كله راح يغيرها المسوليه الي اهي فيها ما هي قليله وانت لا زم تكون جنبها واقف معها بكل شي
محمد: داري يا فيصل بس الله يعين
فيصل: انت خلك معها وراح تتغير وعلى كلام شذى تراها ضعيفه ما تعرف شي عن الشغل طول وقتها بدرستها ...مرتك معتقد انا بخبرك عنها اكيد تعرفها زين
محمد: ايه واضح اعرفها مغير بتهبل فيني : الله يجيب الي فيه الخير
،.*.،
بيت ابو عامر
نوره :راحت عند مها بغرفتها ودقت الباب
مها: تفتح الباب : هلا نوره
نوره : هاه مها بتجين معنا
مها : و تتلفت حولها ما تبي احد يسمعها : مرت يزيد بتكون فيه...
نوره : ايه انا مكلمتها ومريم بعد بتكون معنا و نبي نجتمع عندها اول شي
مها : تصدقين بخاطري اشوفها وعرف الي مريم صجتني بها
نوره : بتعجبك اذا تعرفتي عليها هي بعمرك روحي البسي عامر ينتظرنا نخلص
مها : خلاص بروح معك بس ابدل الي علي
ام عامر: جايه وعباتها بيدها : وين تبين تروحين معها ..؟
مها : بتوتر امها من يوم انخطبت وهي ما تخليها تخرج : نبي نروح السوق
ام عامر : وش تبين من السوق
عامر: يكلمها وهو توه طالع عند الدرج : بتروح معي السوق تبيلها شويه اغراض و نبي نتعشاء برا
نوره :انسحبت تبعد عن المشاكل وراحت تلبس عباتها
ام عامر: لا مهو ناقصها شي و كثره طلعات ما لها لزوم وهي الحين مخطوبه وش تبي الناس يقلون عنها
عامر: يمه هي بتروح معي مهي لوحدها ...ويوجه كلامه لاخته ...مها روحي البسي عباتك
ام عامر: هذا الي اخذه منك تحب تعاند باي شي اقوله ...وتنزل مع الدرج وتلبس عبايتها بتخرج
مها: دخلت بدلت بسرعه الي عليها ولبست بنطلون وبلوزه ...بعد ما طلعت السيارة: الحين انتم من جدكم تبون تروحون السوق
عامر : لا يا حلوه بس ابوي منبه ما نقل لـ امي عن البيت الا بعد ما نخلص تأثيث واليوم الي بنقل فيه نخبرها
مها:ليه ما خبوتوني مالبست شي عدل ولا حطيت مكياج
عامر: والمكياج الي توه على وجهك هذا مهو مكياج
مها :هذا مكياج بسيط كيف اقابل مرة يزيد اول مره اشوفها
نوره : هههههههه انتي بس شوفيها وتشوفين مكياجك مكلف معها
مها : وبفخر بنفسها : صدق
نوره: ايه شوفيني وش حاطه غير كحل وروج
عامر يلف يشوفها ويحرك شفايفه قمر
نوره انتبهت له وتضحك
مها : تنهدت : تصدقون ...والله بيفضاء علينا البيت
نوره: لا والله الي يسمعك يقول جالسه معنا طول الوقت
مها : حرام عليك نوره انا صرت اجلس معك مهو مثل اول
عامر: بعصبيه : الحين بس بعد ما تركتي دراستك
مها: بهدوء : عامر لا تزعل ما حبها
عامر: يناظر في المرايه : انتي حره بس انتي بتندمين بكره انك ما درستي... ونزلي الشيله على عيونك
مها: بخوف سحبت شيلتها : مشكلتي ماحب الدراسه وش اسوي ...وين بناتكم
نوره: يزيد جاء اخذ شهد وشوق وهذى شروق معي
مها: الا تعالو من صدقكم امي الي احرقت شوق بيدها
عامر: يلف يشوفها وبصوت عالي : وانتي وشلون عرفتي
مها: سمعت ابوي وهو يعاتب امي
عامر: هذا الي خايف منه متي صار هـ الشي
مها : اليوم الظهر
نوره : دق جوالها : خلاص عامر الحين مهو وقت الكلام فيه ..الو
هند:بصوت كله ضحك : السلام عليكم
نوره : وعليكم السلام وش عندك تضحكين
هند: هههههههه لحقي على بناتك لا يذبحهم عمهم
نوره : ههههه ياويله وش مسوي فيهم
هند : ملعبهم سباق (كله عشان ما يجلسون عندها)
نوره : خليني اشوفه بس لا اردها له
هند : انتم بعدكم بالبيت
نوره : لا قربنا نوصل
شوق: عمه ثوفيه ....وتطلع على الكنب وتدخل وراى ظهرها
هند: تبعد الجوال وتضحك ....وتلفها تمسكها بحضنها ....يزيد حرام عليك تعبتها بعد عنها
يزيد: تعب من لعبهم وركضهم في البيت : مهو بكيفها هاتيها مجلستها على رجولك بعد
شوق : احثن عمه تحبني اكثر منك
يزيد : مفرصع عيونه :نعم ..نعم..هو الي باقي يالنتفه انتي تحبك
هند: ههههههههههههههه نوره بعدين اكلمك
نوره : هههههههههه قوليله يترك بنتي بحالها
عامر: تكلمين مين
نوره : هند
عامر : يبتسم : هاتي اعطيني يزيد أكيد مهبل في البنات الحين اعرفه خبل
نوره: هههههه طالع عليك هند اعطي الجوال ليزيد عامر يبيه
هند: الله يعينا عليهم .... خذ ابو شهد يبيك
يزيد: ياخذه منها: الو
عامر : يزيدوه اترك بناتي بحالهم
يزيد: ههههههههه يا اخي تعال خذهم و فكني منهم ما ني بعارف احط شي بمكانه
عامر: هههههه محد قلك تعال خذهم معك
يزيد: مهو ذي البلشه هي الي تبيهم معها قال وش يونسونها لين ما توصلون
هند: بصوت واطي : انا بلشه
يزيد: يضحك : لا هو مهو انتي
عامر: ههههههههههههههههه ايه قص عليها وحطها براسي يا جبان سلام انا وصلت
يزيد : شوق قومي تعالي بابا وصل عند الباب
شوق : تدخل بحضن هند اكثر : ثدق
هند: تبوسها : هههههههه معد توثق فيك
يزيد : انتي السبب
شهد: كانت متخبيه خلف الكنب :تجري بابا جا
شوق تنزل من على رجول هند وتروح تجري
هند: شوي شوي حبيبتي لا تطيحين
يزيد: جلس عندها وحط يده على كتوفها : هنودتي حبيبتي تخيلي يكون عندنا بنتين كذا ونلعب معهم
هند: ان شاء الله
يزيد: يبوسها على خدها ويحط يده على بطنها : هو متي بيكبر وتطلع لك بطن ابي احس انه معنا موجود
هند: هو معنا وسامعنا صح حبيب ماما ...وترفع عينها و تبوسه على خده ...ويقلك يا بابا قوم روح عيب عمي عند الباب وانت عند ماما
يزيد : هههههههههههههههههههههههه والله انك خبله واحبك
هند : وانا كمان احبك روح بس
يزيد : يوقف ويبي يروح
نوره :دخلت عليهم : السلام عليكم
...وعليكم السلام
يزيد: مها هلا والله لي فتره ما شفتك
مها :ترفع غطاها تسلم عليه : انت معد تسأل عنا... وتلف تشوف البيت الصاله واسعه وكبيره و فيها جهه مرتفعه بكذا درجه و الأثاث حلو بس نقصه اكسسوارات وشوية كمليات
يزيد: انا اسأل عنك انتي الي متسئلين عن احد
مها : يا سلام اقول مبروك البيت اولاً... وهي رافعه راسها وتناظر جهتها ...متبي تعرفني على المدام
يزيد:الله يبارك فيك ... يلف ...هذى هند قدامك مايحتاج اعرفك عليها ...مهو متوقع جيتها
مها: هلا... وراحت تسلم عليها وهي تشوفها بتفحص
هند: وهي متوتره شافت طريقه كلامها مع اخوها بشوفة نفس : هلا فيك
مريم : تدخل: السلام عليكم ما شاء الله عليك خلصت بيتك مبروك
يزيد : الله يبارك فيك ويسلم عليها
مريم : مبروك هند جعله مسكن السعد.... الله يبارك لكم فيه
هند: تسلم عليها الله يبارك فحياتك
مريم: نقلتوا كل شي الليله بتنامون هنا
يزيد : ايه يالله بروح اشوف عامر وش ناقصه
مريم: مها انتى هنا
مها : لا توك تشوفيني من اول و انا هنا بس انتي اذا شفتي يزيد معد تشوفين احد
مريم:هههههههه وتسلم عليها اخيرا شفناك معنا
مها:تطالع في : هند كان ودي بس انتي تعرفين امي ما تخليني اجي جمعاتكم
مريم: وشلون رضيتلك اليوم
مها : عامر قال لها بنروح السوق
مريم : وش رايك بهند حلوه صح
مها : تشوفها من تحت لفوق وهي بنطلون واسع ابيض و ابلوزه شيفون لنص الفخذ كم قصير فوشي وابيض وهي مهي حاطه غير روج لمعه وشعرها ملفوف و عليه شباصه فوشي شكلها مره بسيط بس ناعمه فيها شي يجذب : ايه
هند: عيونك الحلوه تسلمين هاتو عباياتكم و تعالوا اجلسوا خلونا نتقهوى (مجهزه القهوه والشاهي بالترامس والحلى على الطاوله )
نوره : نزلت عباتها : الحين خلصتي ترتيب كل الاغراض ولا بعد فاضل شي
هند: ايه خلصنا احنا ما سوينا شي يزيد جاب الشركه هم رتبوا
نوره : وغرفة نومك رتبتي الملابس
هند: ايه الشركه فيها حريم هم جو معهم ورتبوها لي
مريم: حلو نوره خلي عامر يجيبهم عشان ماتعبين عمرك والشغالات ممكن ما يرتبون بسرعه
هند: بصوتها الهادي : ليه ابو شهد هو الي دل يزيد عليهم ويبي يجيبهم
نوره: عشان كذا كل ما قله خلينا نشيل الملابس دفعات عشان الشغاله ترتبهم يقول خليها مره وحده
مها : بعد فتره من جلستهم : هند انتي ما عندك أهل ؟
هند: بكل هدوء : عندي بس كلهم مهم هنا هنا مافيه غير اخوي
مها : بكبره : واخوك اكيد موظف عادي على قد حاله
مريم طالعت فيها بنظره يعني انكتمي
هند : متضايقت من اسئلتها وحستها عاديه : ايه احنا على قد حالنا واخوي موظف حكومي
مها : كملت سوليفها و ستانست من الجلسه معهم و اخذت على هند بسرعه وحست رغم انها اقل لكن تعرف كل شي و كيف انها حارمه نفسها من الجمعه مع اخوانها بسبب جلستها طول الوقت على الشات الي لها كم يوم تحاول تخفف منه
،.*.،
بيت ابو ملاك
روز: دقت باب غرفة نومها ودخلت : انسه انجي المحامي وصل
ملاك: جالسه هي و شذى على الكنب والقهوه قدامهم و شذى تشرح لها محاضره بعد شوي عليهم : اوكي شوفي شو بده يشرب هلأ بنزل
روز : اوكي..وتخرج
ملاك: توقف : شذو انتظري بس خلص الاوراق و بطلع الك
شذى: تبيني اجي معك
ملاك : لا عادي
شذى : نجوي.. انتبهي لكل شي توقعين عليه
ملاك: وهي تلبس عباتها الاسود وتلف الايشارب الاسود : أكيد حبيبتي لا تخافي علي وتنزل و هي متوتره وشافت محمد قدامها و بتسمت بداخلها وقفت في الصاله وبصوت واطي ..محمد اذا ممكن شوي
محمد: يوقف ويروح عندها :خير وش فيك
ملاك: بكل هدوء وهي ما تناظر فيه : اذا ممكن بدي اياك تكون معي عند المحامي
محمد: اوكي اصلاً من قال لك بخليك تدخلين لوحدك تعالي... ويروح ويدخل معها ...السلام عليكم
ملاك : السلام عليكم
المحامي : وعليكم السلام
ملاك : محمد بعرفك المحامي الاستاذ طارق وتأشر للمحامي الاستاذ محمد (وترددت وطالعت فيه )زوجي
محمد: طالع فيها وبتسم
المحامي : تشرفنا ستاذ محمد مبروك مدام
ملاك: تفضل ...وتجلس خلف مكتب ابوها وهم جلسو مقابلين لها ...فين الاورق الي طلبتها
المحامي : يفتح الشنطه هذا يا استاذه الملف الاوراق الي طلبتيها وهذه الاوراق الي تحتاج الى توقيع
ملاك : تاخذ الاوراق وتطلع عليها وتتناقش معه في بعضها وبعد ما وقعت خلي هذا الملف راح اطلع عليه
المحامي : حاظر
ملاك : وهي منزله راسها وبصوت صارم تقلد ابوها : اعد عقد بتعين الاستاذ محمد نائب اول عن الشركه ومسؤل عن كل العقود والصفقات في الشركه و راح اوقع عليه بكره ...شكرا أستاذ طارق تقدر تنصرف
محمد : طول الوقت يطالع فيها ويتناقش معها في بعض النقاط و انصدم من كلامها
المحامي : يوقف مع السلامه
محمد وملاك:مع السلامه
ملاك : توقف بتوصله لين باب المكتب
المحامي : ارتاحي يا ستاذه اعرف الطريق مع السلامه
ملاك: مع السلامه و جات بتخرج من المكتب
محمد: مسك يدها : تعالي وش الكلام الي قلتيه كيف تبيني نائب عنك
ملاك: وهي مرتبكه من مسكته : انت حر القرار راجع الك اذا حاب توقع على العقد او لا
محمد:انجي انا راح اكون معك وساعدك بأي شي تبينه بس بدون هـ الوظيفه ما ابي شي رسمي
ملاك: تناظره و خايفه انه يرفض : ما بدي مساعده مجاني و اذا حاب تساعدني عندك العرض الي قدمته و انت حر القرار راجع الك اذا بدك توقع على العقد او لا
محمد: بس...
ملاك: تسحب يدها وتقطع كلامه : فكر في العرض معك من هلأ لبكره وجات بتخرج مسكها
محمد: تعالي انا ما انهيت كلامي وبصوت صارم ..لعد اشوفك تخرجين من البيت بدون اذن مني ...و يتاملها من تحت لفوق وعينها على وجهها ...لعد تتحجبين باسود
ملاك: تكلم نفسها اهدي لين ما يوقع وبصوت هادي: ليه
محمد: وده يبوسها ليه يا خبله وهو يزيدك جمال : بس و ما ابي اعيد الكلمه مره ثانيه الي اقوله تنفذينه زين
ملاك تنهدت داخلها : اوكي ...وتنسحب و تخرج عنه شافت شذى في الصاله وتشوف الساعه شذو بدي اطلع اخذ اغراضي بدك تجي معي الجامعه ولا بدك تروحي مع فيصل
محمد: وهو جنبها محد سمع صوته : خليك انا راح اوصلك
ملاك : بهدوء وهي تغلي منه من داخلها الي يبي يتحكم :لا معليش انا بدي روح بسيارتي
شذى: تكلم فيصل بصوت واطي : حبيبي ابي اروح معها خليك مع محمد
فيصل: ماشي روحي
شذى: انتظريني بروح معك
ملاك: يالله على فكره ممكن اتاخر بدي روح الصالون بعد اذنك فيصل بدي اخذها معي
فيصل: اوكي بس لا تطولون
ملاك: اوكي وتطلع فوق ومعها شذى
محمد: وده يخنقها ما استأذنت منه وكلامها موجه لفيصل و لا كنه مكلمه
فيصل: محمد وش فيك شكلك متضايق
محمد: آآآآآآآه جلس وصب قهوه وشربها دفعه وحده وحس بلسعتها بلسانه وعلم فيصل بكل الي صار وش رايك كيف اتصرف
فيصل: مدري والله وش اقول لك بس من تصرفها تبيك تكون معها وتساعدها
محمد: ماشى انا راح اكون معها بس بدون هـ الوظيفه وش راح يقولون اهلها لو عرفوا طمعان فيها
فيصل: لا تفكر كذا انت عندك خير مثلها واكثر
محمد: مدري حطتني بموقف صعب بتصل على الوالد اخذ رأيه بالموضوع و اشوف وش يقول
فيصل : على قولتك رأيه احسن منا
،.*.،
بيت ابو محمد
بعد المغرب
في المجلس
ام خالد ولدها الكبير عبد العزيز وبناتها ام عبدالله وام تركى
ام احمد: حي الله من جانا تفضلوا
ام عبدالعزيز : الله يحيك وش اعلومك انتى ولعيال
ام احمد: الحمد لله بخير و انتي وش علومك عساك بخير
ام عبد العزيز : الحمدلله بخير وعافيه
ام احمد : وش اخباركم يا بناتي عساكم بخير
ام عبدالله : الحمد لله ياخاله وش اخبارك انتي
ام احمد: بخير الله يسلمك
ام تركي: وش اخبارك يا خاله
ام احمد: الحمد لله ما شاء الله يا ام عبد العزيز هذول بناتك
ام عبد العزيز: ايه وتأشر هذى ام عبدالله وهذى ام تركي
ام احمد: الله يحفضهم ويخليهم لك
ام عبد العزيز : تسلمين يا لغاليه
مي : السلام عليكم وتروح وتسلم لابسه تنوره طويله الون مداخله عنابي وبلوزه عنابي فاتح
ام احمد: هذى بنتي الكبيره مي
ام عبدالعزيز: ما شاء الله الله يحفظها لك سنه كم
ام احمد: امين اخر سنه بالكليه
منى: السلام عليكم وتروح وتسلم
ام احمد: (تكلم نفسها حسبي الله على بليسك راح تجبيلي جلطه بعندها) هذى بنتي الصغيره منى ثالث ثانوي
ام عبد العزيز : ما شاء الله تبارك الرحمن الله يحميها ويخليها لك وتتأملها من فوق لتحت هي وبناتها
منى : سلمت وجلست جنب امها
ام احمد : الله يحفظهم لنا جميع ان شاء الله
وبعد السلام والسوال عن الاحوال
ام احمد: تكلم منى بصوت واطي : قومي شيلي كاسات العصير وجيبي القهوه
منى: من نبرت صوتها عرفت انها معصبه منها : ان شاء الله ..وتوقف.. مي تعالي ابيك وتخرج معاها ....مي ودي القهوه انا بطلع فوق احسن حاسه امي بتذبحني لو رجعت
مي: انتي حماره هذا لبس منتي شيفتهم بناتها كلهم لابسين تنانير طويل
منى: وش تبيني اسوي ما عندي وبعدين كلهم كبار وعندهم عيال بس والله يقهرون ما شالوا عينهم عني عشان كذا ابي اطلع فوق اذاكر
مي: خلاص روحي انا ما عندي شي بروح اخذ القهوه..... واخذت القهوه وصبتها و وزعت الحلى وباشرت بالحلا وه
ام احمد: مي وين اختك
مي: راحت تذاكر عندها اختبار
ام عبدالعزيز : الله يوفقهم بدراستكم
ام عبدالله: الله يعينها هـ السنه ثالث ماهي بسهله
ام احمد: ارتاحت لهم : الله يجيبلها الي فيه الخير هي تسوي الي عليها و ان شاء الله ربي ما راح يضيع جهدها ويوفقهم كلهم بدراستهم
(اتصلت ام عبد العزيز على ولدها الكبير وخبرته بصوت واطي انهم يكلمونهم اليوم وهي مرتاحه للبنت )
في مجلس الرجال
متعب ابو عبد العزيز ومعه اخوه ابو فيصل ولده الكبير بعد ما سلموا و تقهوا
ابوعبد العزيز : يا بومحمد احنا جاينك اليوم نبي القرب منك ونسبك و نبي نخطب بنتك الصغيره لولدنا خالد
ابومحمد: لي الشرف بنسبك يابو عبد العزيز وخالد مثل محمد عندي وعني انا موافق بس خلني أشاور البنت ومثلك تعرف النبي صلى الله عليه وسلم وصانا نشاورها
ابوعبدالعزيز: أكيد يا ابو محمد وهذى ما يبيلها كلام انت شاورها ولا تجبرها على شي و انا اخوك هذا زواج وعشرت عمر مهو لعب
ابومحمد: أكيد تسلم يا خوي والله انك خير النسب والله يقدم الي فيه الخير
وبعد ما خرجوا
في الصاله
ابو محمد: بعد ما جلس : ام احمد شوفي بنتك شاوريها وخليها تفكر ولا تتأخر خلونا نرد على الناس
ام احمد: وهي متوتره : وش تكلمتوا فيه اليوم
ابو محمد: يلف صوبها يشوفها : ما تكلمنا فشي بس طلبوها بعد ما نرد عليهم نشوف وش يبون
ام احمد: بصوت كله قلق وخوف : من الحين اقلك لو وافقت ترى اشترط عليهم ما في ملكه الا قبل الزواج بسبوعين بعد ما تخلص دراستها ولا ترني ما ني مزوجتها ما ني ناقصه تضيع نفسها ويشغلها عن دراستها
ابومحمد: يرفع صوته : كيف تبينا نربط البنت بالكلام كل هـ المده معتقد يوافقون
ام احمد :بحزم : انت قول لهم اذا يبونها راح يوافقون
ابومحمد : انتى وش فيك خايفه
ام احمد: البنت بعدها صغيره
ابومحمد: انتى زوجتي اختها وهي اكبر منها بسنه وش فيك
ام احمد: ملاك مع محمد ما بعدت عني و ماني بخايفه عليها
ابومحمد : يحاول يهدي قلقها الي واضح : لا تخافين و لي الله كاتبه بيكون انتي شوفي بنتك اول وبعدين نتكلم
مي: باستقراب من كلامهم : خالتي تتكلمون عن مين
ام احمد: اهل خالد جو اليوم خطبوا اختك منى لخالد
مي:بصوت متعجب: منى!!
ابو محمد: ايه انا بروح اصلي العشاء..... ايه على فكره يسلم عليكم محمد كلم اليوم ( كلم ابوه وخبره على الموضوع و اقترح عليه يكون مستشارها ومساعد لها ما يكون نائب عنها عشان يتفادوا المشاكل)
ام احمد: وش اخبارهم
ابومحمد: الحمد لله كلهم بخير
مي : خالتي ملاك وش فيها كل ما دقيت عليها جوالها مقفول حتي المسنجر ما دخلت
ام احمد: مدري عنها والله اذا تبينها كلمي على محمد وخليه يعطيك هي بطلع اصلي واشوف اختك
مي : حتى انا بطلع معك ....وتضحك بدخلها على اختها الي بس تدعي انها بتعرس وهذا نصيبها جاها
،.*.،
بيت يزيد
بعد ما تعشو اخوانه عنده وراحوا
يزيد: دخل الصاله تعشاء هو وعامر بالمجلس: السلام عليكم
هند و مريم : وعليكم السلام
يزيد: يجلس بتعب صاحي من بدري
مريم : وين جالس قوم وصلني البيت
يزيد: بعده بدري جلسي شوي
هند: ايه خليك
مريم : لا ولي يعافيك عندي دوام بكره
يزيد: آآآآه معد فيني اتصلي على ابراهيم وهو خارج يمر ياخذك
مريم: يا سلام هو يبي يتاخر في العرس وانا مكلمتك من اول وانت وافقت الحين جاي تقلي تعبان بعد ما راح عامر
يزيد: يناظر فيها : الله وكبر عليك اكلتينى
مريم: قوم زين بروح البس عباتي
يزيد: امرى لله يا الله هند قومي لبسي عباتك روحي معي نوصلها
هند: تجمع فناجين (البياله)الشاهي بالصينيه : لا ما فيني
يزيد: كيف تبيني اروح عندك وانتى بروحك فالبيت
هند: لا تخاف اقفل الباب
مريم :جاتهم وهي لابسه عباتها : يالله..مع السلامه هند
يزيد: قفلي الباب زين
هند: مع السلامه ..ان شاء الله
يزيد: يالله مسافه الطريق و اكون عندك
هند بعد ما خرجوا قفلت باب الفله وراحت المطبخ غسلت فناجين الشاهي وجففتها ورتبتها في الدولاب وهي طالعه مع الدرج دق الجرس ورجعت وتوقعت انه يكون يزيد ....:وتفتح الكمره (الانتر كوم) مين وتشوف يوسف عند الباب وخافت
يوسف : انا اخوك فتحي الباب
هند: فتحت الباب وهي خايفه و مرتبكه : هلا (لانه عمره ما زارها وهي لوحدها دايم يكون يزيد بالبيت وهي مرتين الي جا فيها )
يوسف: يناظر البيت : السلام عليكم
هند: وعليكم السلام
يوسف : مبروك عليكم البيت...وهو يتلفت حوله
هند: وهي متوتره وباين من صوتها خايفه منه عيونه ما اطمن وهي حمرا: الله يبارك فيك حياك ادخل...
يوسف : يزيد فيه
هند: لا توه خرج الحين شوي يجي تفضل انطره داخل
يوسف : لا انا ابيك انتي زين انه مهو موجود (شافه وهو خارج)
هند : بقلق : خير ان شاء الله
يوسف : يجلس بكل ثقه : كل خير
هند: لفت بتمشي
يوسف : تعالي وين رايحه
هند: بجيب شي تشربه
يوسف : جلسي ما ابي شي
هند : جلست وهي تفرك بيدها
يوسف : اسمعي انا جاي مهو عشان اشوفك ابي فلوس
هند: تناظره بخوف وتناظر جهت الباب : بس..
يوسف : وبصوت تهديد : لا بس ولا غيره سمعيني زين الحين ابيك تروحين وتجيبين لي فلوس
هند: بصوت مضطرب : بس انا ما عندي
يوسف : يوقف ويصرخ ويحرك يدينه : كيف ما عندك بسرعه روحي جيبي أي شي قبل يزيد ما يرجع
هند: خافت منه وقلبها يرجف نسيت صراخه عليها الكم شهر الي طافوا :انا
يوسف : بصواخ وراسه مصدع : انتى هيه على بالك مزوجك هو على الفاضي عشان تتهنين انتي بخيره و انا لا روحي اشوف جيبي أكيد هو يخلي فلوسه بالبيت
هند: بهدوء وتلتفت صوب الباب تتمنى يزيد يرجع : يوسف والله مقدر اخذ شي من غير ما علمه
يوسف : بكل صوته : هيه انتي... انقلعي روحي جيبي الي عندك.. ويمسكها مع يدها ويلفها لها
هند: ايييييييييييييييييي حرام عليك لا تضربني انا حامل
يوسف : وبصوت كله ضحك : وش علي فيك... روحي اشوف... على بالك انه.. ميت عليك يالخبله خذي من عنده فلوس وجمعيها قبل لا يمل منك ويرميك بالشارع انتي والي فرحانه فيه الي بطنك
هند: تبكي وجعتها يدها جسمها معد يتحمل مثل اول تعودت على الدلال :حرام عليك اترك يدي وجعتني ويزيد يحبني
يوسف : يلفها له وعينه بعينها بضحكه : نعم وشهو وش قلتي يحبك...... هههههههه يا حلوه هو ما رضي فيك ...الا عشان ياخذ الدين الي علي له..... وانا الي عرضتك عليه فاهمه .......ولا عمره ما فكر ياخذ وحده منتفه ما حيلتها شي مثلك يا خبله .....قال ايش يحبني
هند: قلبها يرجف من الالم وصدمتها بالكلام : لاااااااااااا حرام عليك تكذب علي
يوسف : بتهديد : ما اكذب عليك اسئليه وشوفي كان قدر ينكر كلامي او لا ويدفها روحي اشوف بسرعه
هند: وقفت مكانها بتحدي وهي خايفه : لا ماراح اعطيك
يوسف : يقرب منها و يعطيها كف ويصرخ : روحي لا ذبحك الحين
هند: من قوة الكف طاحت بالارض وتبكي
يوسف : يسحبها مع يدها ويوقفها ويصرخ : قومي بسرعه قدامي
هند : وسحبتها ليدها حستها تخلعت من كتفها وتقوم وتطلع مع الدرج وهو معها ماتبيه يدخل غرفتها بصوت باكي :انتظر.... وتدخل غرفه نومها و تاخذ الفلوس وتخرج وتعطيه هي
يوسف : يسحبها من يدها : وش هذى الفين ريال بس
هند: تبكي : ما فيه غيرها
يوسف :بصراخ : زين ...و ياشر بيده .....بكره راح اجيك ابيك تجيبين فلوس سامعه وينزل يجري مع الدرج
هند:جلست مكانها على الارض وتبكي
،.*.،
بيت ابو محمد
ام احمد: دخلت غرفت منى وش عندك
منى: جالسه على السرير ولابسه ترنق برموده وتشيرت كت و كتابها على رجولها و تقوم تنزل عن السرير بسرعه : امي والله اسفه السموحه منك اعرف زعلانه علي ...وتروح وتسلم على راسها ...والله اسفه كله ولا زعلك علي يا قمر
ام احمد: بعصبيه : ابعدي هذا الي احصله منك الكلام بس وتمسكها مع اذنها الحين انا سايبتك و انتي لابسه الجلابيه بس انزل عنك تقومين تبدلين (منى لبست تنوره بني قصيره نص الساق وبلوزه كت اورنجي وتطريز بني مع صندل ناعم وحاطه مكياج خفيف ) انتي وبعدين معك متي راح تعقلين
منى: اييييييييييييييييي امي الله يخليك والله العظيم معد بعيدها بس لا تزعلين علي وتحضن امها يرضيك يا ام احمد تزعلين على بنتك حبيبتك وتبوس خدها
ام احمد: حسبي الله على شياطينك من بنت غير تسوين الي براسك...وبكل حنيه ... الله لا يحرمني منك ومن السانك الحلو تعالي اجلسي ابيك
مي:وهي واقفه على الباب : يا عيني على الحب..الله لنا
ام احمد: تقربها منها : ولا منك يا حبيبتي وانا كم بنت عندي غيركم انتو الثلاثه الله يخليكم لي انتو واخوانكم ويحفظكم
... آآآآآآآآآآآآآآآآمين
منى: ويخليك لنا يا احلي أم بهدنيه
ام احمد : وتناظرها وبتهديد : اتركيك من كلامك هذا الحين بس سواتك لعد تسوينها يايمه بكره تروحين عند عرب مهم مثلنا وش تبينهم يقولون عنا ماعرفنا نربيي بنتنا ولا نحشمها بلبسها
مي : تجلس على السرير : ايه والله صادقه خالتي الناس مالها الا الظاهر
منى : وش فيكم علي ...وتجلس هي وامها على الكنب ...الحين جات علي الي البس امي تراني بعدني صغيره شوفي عمتي موضي وهي بسنك والله تلبس لبس مثلنا تقال وحده صغيره
ام احمد : انا مالي بعمتك اهم شي بنتي الناس ما ينقدون عليها وانتي تنقدين على عمتك الناس تنقد عليك مثلها
منى: امي بس هذا لبسنا الحين البنات كلهم كذا مهم مثل اول
ام احمد: عاد من زينه من لبس لاهو حشمه ولا شي شوفي ملاك لا جات اذا دخل علينا ابوك غير تدورلها بلوزه تلبسها على البدي مهي بحاله لبسكم هذا و انتي بكره تعرسين وتروحين عند الناس يمكن ينقدون عليك
منى : يوه امي خليه يجي بالاول بعدين قولي تعرسين
مي : تضحك وعينها على خالتها : ههههههههههههه
ام احمد :بصوت كله ضحك : كاهو طلبتيه وجاك
منى: تلف تشوف وجه امها : امي وش فيه
ام احمد : بصوت هادي :حمدلله انا تطمنت على خواتك و اخوك و ماعد باقي الا انتي
منى: امي وش قصدك
ام احمد: حبيبتي اهل خالد الي جو اليوم خطبوك لولدهم خالد
منى: توقف متروعه وبصوت عالي وعيونها تبرق خوف : احلفي... وتاشر بيدها ...والله لا علم عليك ابوي معد تبيني عندك..ومنزلتني لهم وانا مدري كني بضاعه يتمقلون فيها
مي ماتت من الضحك على ردة فعلها وتضحك بصوت عالي
ام احمد : تناظر فيها وهي واقفه : الله يقطع شياطينك وطي حسك ابوك لا يسمعك..وتبيني اخبرك عشان تفضحيني اذا ما عجبوك
منى : بخوف : لا امي ما ابي اتزوج
ام احمد: تمسكها مع يدها وتجلسها : اجلسي وسمعيني للاخير
منى: لا امي الله يخليك انا ما ابي بظل عندك
ام احمد: بسم الله عليك وش فيك خايفه
مي: ههههههههه متبين تعرسين وانتي كل شوي زوجوني ..زوجوني هذا ربي ستجاب لدعائك ولحقتي ملاك على طول
منى: بصوت عالي : وجع سكتي ...يعني الواحد ما يعرف يمزح معكم
ام احمد: بهدوء وهي بداخلها عارفه انها صغيره : حبيبتي هي بس خطبه انتي ما راح تعرسين الحين بعد ما تخلصين هذى السنه و الولد اخوك يعرفه زين ما راح تحصلين احسن منه
منى: مهي مصدقه الي امها تقوله و من جدهم يبونها تعرس وهي ماخلصت دراسه : امي بس انا ما ابي عرس ..ابي ادرس
ام احمد: حبيبتي راح تدرسين مهو تبين تكملين برا خلاص راح تعرسين وتروحين معه هو يدرس بعد هناك
مي: بكل اصرار : لا امي ما ابي اكون الوحدى بروح ادرس بس و انتي معي بدون زواج تبين تدفنيني
ام احمد: وش ادفنك فيه حبيبتي ما راح تكونين لوحدك فيه محمد وملاك معك وش فيك وبعدين انتي استخيرى وترا الراي لك انا وابوك ومحمد موافقين لأنه الولد زين و اخوك معه وعارف كل اطباعه وشايف انه مناسب لك
منى: تبي أي حجه عشان تنهي الكلام وهي ترجف من داخلها مهي مستوعبه اهلها شلون يزوجونها وهي في هذا العمر : طيب انا معرفه كيف تبيني اوافق عليه واستخير و انا مدري عنه خلاص مهو لازوم قولوا لهم لا
ام احمد: وش لا فكري بالاول انتي تعرفين اسمه خالد و اهله يقولون انه هو مقتنع بختيارهم وما يبي يجي الشوفه
منى: تصرخ: هو على كيفه ولد امه ...لا انا ابي اشوفه يمكن ما يناسبني
مي : بنت اعقلي وش هالكلام
ام احمد : يابنت وبعدين معك وش هالجنان
مي : خالتي طيب اطلبي صوره له من اهله
ام احمد : يابنتي بينقدون علينا وش نقلهم اعطونا صورة لودكم بنتنا تبيها وهو مهو بجاي اذا على الشكل ابوك يعرفه يقول الولد وسيم و ما يبعد بملامحه عن محمد انتي اول ستخير وبعدين فكري زين وهذى فرصه جاتك لعندك اذا تبين تدرسين برا
منى: امي وش اوافق عليه لا ما ابي ..وبعند..تبيني اوافق خليني اشوفه
مي : منى زين انتي اتصلي على ملاك طالما مع محمد أكيد تكون شافته تقدر توصفه لك او يرسلك محمد صوره
منى: هي خليها تفتح جوالها كل ما دق احصله مقفل وحلوه صوره عشان يكون متعدل ويخدعني فيها لا ماني موافقه
ام احمد: شوفي بكلم ابوك انه اذا جا باي وقت يطلب منه انك تشوفينه بس انتي الحين فكري زين وتركيك من جنانك و ابوك ما يبينا نطول على الناس و نردلهم خبر وانتى وكلي امرك لربك لا خاب من استخار
منى: لا امي ماني موافقه مهو بلازم استخير
ام احمد : توقف وهي قلقها زاد : انتي صلي الاستخاره وبعدين اعطيني ردك
مي: انتي تعرفين وش تدعين في الاستخاره
منى: لا
ام احمد: تلف عليها : مي اكتبيه لها
مي : سهل بقوله لك واذا ما حفظتيه كتبته (( اللّهمإني أستخيرك بعلمك .. وأستقدرك بقدرتك.. وأسألك من فضلك العظيم.. فإنك تقدر ولاأقدر.. وتعلم ولا أعلم.. وأنت علام الغيوب، اللهم إن كنت تعلم أن (زواجي من خالد) خير لي في ديني ومعاشي وعاقبة أمري فاقدره لي .. وإن كنت تعلم أن (زواجي من خالد) شر لي في ديني ومعاشي وعاقبة أمري فاصرفه عني واصرفني عنه .. واقدر ليالخير حيث كان ثم رضِّني به(( .. هاه حفظتيه
منى: لا اكتبيه احسن
ام احمد: المهم ما بيك تفكرين كثير وتشغلين نفسك عن دراستك وتخرج عنها وهي تدعي ربها ان الله يبارك لعيالها ويحميهم من كل شر ويجيبلهم الي فيه الخير والصلاح والهدايه
، * ،
بيت يزيد
يزيد : وصل البيت و تفجاء من الباب مفتوح وخاف ودخل وينادي : هند ...هند... وطلع يجرى وفتح باب الغرفه ما في احد .....هنــــــــــد
سوري مره أخرى على التأخير
يا رب استمتعتوا بالقراءة
لنا لقاء أخر بإذن الله
تحياتي ؛
التعديل الأخير تم بواسطة ساعه بلا عقارب ; 21-12-08 الساعة 11:03 AM
|
15-12-08, 10:17 PM
جديد مواضيع قسم القصص المكتمله من وحي قلم الاعضاء
العرض العادي
