السلام عليكم ورحمة الله وبركاته
السموحه اعرف طولت هذا الاسبوع بس عذروني عندي ظروف...وان شاء الله ينال حسن رضاكم
قراءه ممتعة ؛؛
الفصل الحادي عشر
بيت ابو عامر
مها :من الظهر وهي تستعد من بعد ما بلغتها امها عن جيت راشد لشوفه اليوم بعد المغرب كان همها الوحيد شكلها وشلون تظهر له راحت الصالون العصر وصلتها امها ....و قالتلها شوي ارجع اخذك بروح مشوار قريب .....سوت حمام بخار لوجها و حطت مكياج و قصت من شعرها شوي ولفت اطرافه بشكل مموج ...واول ما و صلت امها اتصلت عليها ونزلت وراحت معها على البيت ...وطلعت على غرفتها و امها ما شافت شكلها
غرفة ام عامر
ام عامر : دخلت غرفتها وهي فرحانه على الحال الي وصلة له ملاك وتفكر انها اذا استمرت في حالت الهستيريا والجنان راح يرد لها كل اموال اخوها علقت عباتها واخذت تفتح في ازارير بلوزتها وقفت امام المرايه وهي تشتم و تدعي : عسى يدك الكسر يانواروه انتي وبنتك وتناظر بظهرها صاير احمر من ضرب ام احمد لها وكل ما فتكرت ملاك وهي ترمي بالتحف تدعي عليها الي كانت بتصيد وجها دخلت تستحم تبي تخفف من الم ظهرها وتستعد لجيت عريس بنتها ولد اعز صديقاتها
غرفت مها :
مريم : دخلت الغرفه بعباتها ما بعد نزلتها و طرحتها على كتفها وتنادي بمرح : السلام عليكم ....وينك يالعروس ...وشلونك
مها: تكلمها وهي داخل الحمام تغسل يدها والباب مفتوح نصه : هههههه لحظه الحين اجيك عروس مره وحده خليني اشوفه يمكن ما يعجبني ولد ال....
مريم : تضحك على خبال اختها وتنزل عباتها وتعلقها ولابسه تنوره وبلوزه ناعمه : مهو مهم الشكل يا حلوه اهم شي انتي ترتاحين له تعالي وش عندك داخل
مها :تخرج : ولا شي مخلصه اصلن من بدري
مريم : شهقت من شكل اختها كنها بتروح عرس : خبله انتي وش مسويه بعمرك وش حاطه بوجهك وش لابسه
مها : تلف حول نفسها و بفخر : حلو صح
مريم : بعصبيه : وين حلو قالولك اليوم ملكتك ياخبله متزينه كذا
مها : تتكلم وهي شايفه عمرها : عادي وش فيها كل البنات لما سألتهم و شلون يقابلونهم قالوا لي تصلحي بس المكياج خفيف شوي خليه يشوفك بحسن صوره
مريم : وهي معصبه من طيش اختها : احلفي انتي ومن بناته الي خبروك ان الشوفه كذا وهذا مكياج خفيف الي انتي عافسه وجهك فيه ..ياروح امك الشوفه لها شروط في الاسلام مهو تقابلينه بهل شكل
نوره : تدق الباب وتدخل لابسه جلابيه للبيت : السلام عليكم ...وتشهق ...مها وش مسويه بعمرك انتي ..
مريم : وبصوت عالي: تعالي شوفيها الخبله ...وتقرب منها نوره وتقوم تسلم عليها
نوره : مها ما يجوز يشوفك بزينتك كذا
مها : عفست ملامح وجها : وشلون تبوني اقابله يعني وش دراني عنكم محد تكلم منكم
نوره: انتي ما سائلتي و ظنيتك تعرفين
مريم :روحي اشوف اغسلي وجهك وغيري الي عليك
مها : برعب : وشهووووو قالولكم متزينه عشان اروح اغسله لا يا عمري بقابله كذا
مريم : تجلس جنب نوره على السرير بعصبيه: احلفي انتي بس روحي لا تشوفك امي و تعرفين وش بيجيك بعدين
مها :طنشتهم وراحت عند التسريحه تعدل بشعرها وتلف اصابعها مع حركة الخصله الملفوفه بكل برود تكلمهم : امي هي الي وصلتني الصالون لونها ما تبيني اتزين كان ما وصلتني بنفسها
نوره : بهدوء : مها هو مهو انا مانبيك تزينين لا بس الشوفه في الاسلام لها شروط اول شرط ان الي متقدملك يكون راغب بالزواج أن يغلب على ظنه الإجابة(الموافقه) أما إذا لم يغلب على ظنه الإجابة ما يجوز تشوفينه ...و حتى نظرته تكون لك نظرة للاستعلام.. لا للاستمتاع والتلذذ ، والفرق بينهم ظاهر ....وعتقد فاهمه وش اقصد ....يعني ظهورك بهل شكل محرم واغلب الفقهاء اجمعوا على ان لا يرا الا وجها وكفها واذا طلب مشاهدة شعرها او ساقها فله ذلك
مها: تلف لها و هي مهي مصدقه : نوره من جدك الي تقولينه مهو معقول...والبنات كيف يقابلونهم كذا عادي
مريم : وش تظنين ماشيه على كلام صديقاتك ...يا بنت الحلال حتى لبسك لازم يكون ساتر روحي البسي تنوره طويله وبلوزه كم طويل بعد و ساتره
مها : لا تقولون تبوني اتحجب بعد وش رايكم اظهر له بعباتي احسن
مريم : ما قلنالك تحجبي بتظهرين له بشعرك بس البسي شي ساتره
ام عامر : دخلت عليهم و تترعب من شكل بنتها وتناظرها من تحت لفوق مها لابسه فستان عودي قصير تحت الركبه و كم قصير مع بوت طويل و لفه ايشارب ملون على رقبتها وتصرخ فيها: مـــــــــــــــهــــــا يعلك بلي ماني بقايله يا قليلة الحيا وش مسويه بعمرك انقلعي اغسلي وجهك والبسي لبس ساتر لا كسر لك راسك الحين... وش تبين الناس تقول عني ما عرفت اربي ...هو الي باقي اصير علك بفم الحريم مخرجه بنتي لشوفه أغري الولد
مريم : امي هو مهو كلام الناس هذا امور الاسلام حددها
ام عامر : بعصبيه متحب عيالها يردونها بشي : اهم شي عندي كلام الناس..روحي بسرعه ابوك ينتظرك الحين يجي راشد توني مكلمه امه
مها : ترعبت من صراخ امها وبتوتر : يمه انتي ما قلتي شي لما و صلتيني الصالون
ام عامر : وصلتك يالخبله تعدلين وجهك وتنظفينه مهو تحطين مكياج وش البس الي لا بسته يعل رجولك الكسر ضفي وجهك عني وروحي بسرعه اغسلي وجهك وغيري لبسك بسرعه الولد الحين يجي
(شروط النظر للمخطوبة ....شرح كتاب النكاح من صحيح البخاري)
،،*،،
بيت ابو محمد
في الصاله الي فوق
ام احمد : وهي معصبه : خبرته كل الي صار
ابومحمد : دمه فار من الي سمعه وبعصبيه : وش البلوه هذي معندها حشمة لحد بكلم اخوها و اشوفلي دبره معه اما انها تتهجم عليكم بيتكم طالت وشمخت والله
ام احمد : مقهوره منها وجها محمر من قهرها : انت كلمه و خبره على سفرها بكره..و ياني و ياهم اشوفهم يدخلون في بنتي بعد اليوم
ابو محمد : بصوت ثابت واثق : لا تشغلين بالك بكلمه حتي لو ما رضي بهواه ما هو ولي امرها ....وبعد سواتهم معتقد يقدر يتكلم في شي .....ويلف على محمد الي وجهه مصفر ........محمد انت حجزتلها
محمد : ساكت طول الوقت يسمعهم و مهو قادر يصدق لين الحين كل الي يصير من حوله يحس نفسه بحلم وشوي بيصحى منه ومن امس ما قدر ينام غير ساعتين من كثر التفكير : ايه
ابو محمد : زين انا بكلم عمها وتفاهم معه
ام احمد : بقلق وخوف : محمد ما وصيك عليها لا توديها لبيتهم خذلك شقه
محمد : يناظرها وهو متوتر : ان شاء الله.... خالتي... بس كيف تبيني اخذها وهي تعبانه .....كان خلتوها تسحب هـ الترم وترتاح
ام احمد : والله يا ولدي كان ودي انها تجلس ...بس هي ما هي براضيه... تبي تروح تكمل و ما نبي نغصبها تتعب الدكتور محذرنا من هل شي
ابو محمد : يوقف وبنظره حازمه لمحمد لانه شافه مهو مقتنع يا خذها معه : خلها تروح يمكن تنشغل بدراستها وتنسى الي هي فيه الحين...وينزل بيروح على مكتبه
ام احمد :تلتفت للبنات الي واقفين على جنب: منى مي وش بلاكم .....قوموا روحوا كملوا دروسكم... اختكم مافيها الا العافيه بترد باذن الله مثل اول ....وتكلم نفسها والله مدري اصبركم ولا اصبر حالي بالكلام الي اقوله
*؛*
بيت ابو عامر
دخلت المجلس معها ابوها
ابو عامر : السلام عليكم
راشد : وعليكم السلام
ابو عامر : بكل حنيه : ادخلى يا بنتى ...هاه يا راشد هذى مها.... قدامك ويلتفت لها ...يا بنتي ارفعى راسك وشوفيه
راشد : من اول ما دخلت شافها و بعين قويه ما شال عينه عنها ولا عليه من عمه الي واقف جنبها ..وشلونك مها
مها : متوقعت انها بترتبك و بتحس بإحراج مثل كذا وصارت تدعي وتحمد ربها انها ما ظهرت له بالشكل الي كانت عليه ولا وش بيقول عنها وهي كيف بتحس وهي واقفه قدامه هي الحين وهي مستتره بتنوره طويل مموجه تركواز وبيج وبلوزه بيج حرير كم طويل متوتره قدامه رفعت راسها وشافته و هو يطالع فيها نزلت عينها وشعرها يغطي وجها و ما قدرت ترد عليه من جراءته لما رفعت عينها ابتسم وغمز لها وخرجت من المجلس بسرعه
ابو عامر : منتبه للي صار كان يناظر بمها ....يجلس بعد ما خرجت : هاه يا راشد اعتقد شفتها
راشد : يتنحنح صوته راح متوقعها تكون جميله كذا : اح..حم ....ويجلس ويعد بشماغه..والله ياعمي عني انا ابي الخطبه تم ما راح احصل احسن من بنتكم ونسبكم
ابو عامر: تسلم يا ولدي بس السموحه منك خلني اشوف البنت ونرد عليكم ان شاء الله قريب
راشد: مسموح ياعم ..يصير خير ..ان شاء الله استاذن
ابو عامر : بدري اجلس الحين يجي عامر
راشد : ارتبك لا خبل انتظره يكفي هذاك اليوم طلع روحي وهو يسأل : معليش يا عمي عندي موعد مع واحد
ابو عامر : دامه عندك موعد مقدر اخرك عنه
راشد : تسلم يا طويل العمر ..اشوفكم على خير ....مع السلامه
ابو عامر: مع السلامه وسلم على الوالد
راشد : يوصل بإذن الله
,, * ,,
في الصاله
مها : من اول ما خرجت قابلت امها في الصاله تنتظرها
ام عامر: وهي جالسه وحاطة رجل على رجل : هاه وش رايك فيه
مها : عادي
ام عامر: وش يعني عادي
مريم ونوره يضحكون على شكلها وهي مكسوفه
مريم : يمه الله يهداك خفي عليها شوي
ام عامر : وش اخف عليها فيه الولد وش زينه انا شايفته ويكفي انهم المعروفين
مها : يمة مهو على قد وصفك فيه
ام عامر : بعصبيه خايفه انها تضيعه من بين ايدينهم : وش يعني ما عجبك
مها : انا ما قلت كذا هو مملوح بس مهو قد وصفك له
ام عامر : حيرتها وعصبت عليها : وش فيك موافقه عليه ولا.. لا
مها : ايه موافقه
ام عامر : تقوم تسلم عليها : خليني ابشر ام راشد وافرحها
نوره : ماتحب تدخل بالكلام اذا عمتها موجوده بعد الي صار معها باركت لمها وجلست مكانها
مريم : سلمت عليها : يوه يا مها والله و كبرتي وبتعرسين بعد
مها : بدلع وشوفة نفس : ليه وش شايفتني صغيره الي كبري عندهم عيال
ام عامر : ايه صادقه يالله عساك تفرحيني بعيالك مهو مثل اخوانك..ونظرها على نوره ومريم
مريم : حز بخاطرها الكلام بس هذى امها وش بتسوي ما بيدها حيله : الله يعطيك يا مها العريس الصالح الذريه الصالحه
نوره : تكل نفسها الله يسامحكم مثل ما جرحتوها وحزنت على شكل مريم الي صابره على كلام امها الي ماترحم احمدك يارب الي بناتي مالين علي حياتي
مها : يالله سلام ....طلعت غرفتها
جلست نوره ومريم لوحدهم في الصاله بعد ما راحت عنهم ام عامر يتقهون وشوي ويدخل عليهم ابو عامر ويلحقه عامر و ابراهيم وتوسعت صدورهم بالسواليف الي تسر الخاطر بعيد عن النكد
,,*,,
شقة فيصل :
فيصل : جالس في الصاله ويكلم خالد بالجوال ويضحك : هههههه زين هدي اعصابك مقفل جواله مشغول مع البنت ما يبي احد يزعجه بس خليه يجي
خالد: ياخي والله كل شوي اتصل عليه مقفول ..مهو معقول معها طول الوقت
فيصل : لا ابشرك هي عند امها في نفس البيت فهو صاير رضي و الدين ما يعتب باب البيت هههههههه
خالد: هههههههه الله يرجك ..انت ماراح تجي اليوم عندنا
فيصل : احلف انت هو الي باقي اسيب بيتي و اجيكم
خالد: يتنهد ..الله يرزقنا مثل ما رزقكم
فيصل : يضحك بصوت عالي : هههههههههههههههههههههه والله مشكله الغيره ..ويشوف شذى تاشر له من عند المطبخ ان الاكل جاهز ....خالد بروح اتغدا وبعدين اكمك ميت جوع
خالد : هذا عشاء مهو بغدا هل وقت ...ماشي سلام
فيصل : احنا بكيفنا يا اخي العشاء وقت الغدا او العكس كلها واحد..سلام..ويحط جواله على الطاوله ويدخل المطبخ
شذى : وش هذا الضحك وش الي عندكم ..وتحط صحن السلطه وتجلس
فيصل : يجلس :محمد من يوم راح وهو ما فتح جواله بس كلم لما وصل وبعدها ما نعرف اخباره مرابط عند بنت خالته لو مكلفينه ستلام كان ارحم له ههههههه
شذى : يوووووه منكم ستلمتو الرجال بس عشان ملك الله يعينه عليكم ..وتفتح الصنيه و بتغرف بصحن فيصل
فيصل : يصرخ : شــــــــــذى وشهو ذا
شذى : ارعبها صوته : وش فيه رز حالف على اسويه ذوقه بس ياويلك لو ما اكلته
فيصل : عيونه بتطلع : مسويه رز ابيض شايفتني جاوي قدامك ولا صيني
شذى : هههههههه كل زين بعدين تكلم
فيصل : عمري بحياتي ما شفت الرز ينحط بصينيه في الفرن وينطبخ لا انتي نهايتك على يدي اكيد
شذى : ميته ضحك من شكله : خذ بس كل و ترك من اكل امي وامك هذا ما خذته من عند وحده من البنات وتغرف في الصحن وتحطه قدامه
فيصل : مات ضحك : هههههههههههه رز محشي خضار ولحم انتي وش مهببه
شذى : تهدد بالملعقه : كل بس وبطل ضحك شفت لو ما عجبك ياويلك تقول سوي رز مره ثانيه
فيصل : ياخذ الملعقه وبياكل : احلفي انتي بس ياشيخة الحريم وشوفي وش يجيك لا فطرك رز بعد وياكل ويناظرها ..مممممم اها يالنصابه وتقولين ما تعرفين وياخذ ملعقه ثانيه
شذى : مبتسمه : اهم شي يعجبك تراني بخلي منه لبكره احسب حسابك ماراح سوي
فيصل : مهو معها جالس ياكل..وتوه ينتبه وش تقول ..هذا اذا خليته لك
شذى : هههه بالعافيه ياعمري انت (مسويه صينيه رز ابيض محشي في الوسط خضار ولحم مسبك وعليها طبقه خفيفه من البشمل على الوجه )
بعد اذان العشاء
بغرفة مكتب ابومحمد
ابو ابراهيم : كان جالس في الصاله ويقوم ويدخل غرفته : وش تقول كيف صار هـ الشيء
ابومحمد : يتكلم بنبرت لوم وعتب : والله هذا الي صار ....وانا شاره عليكم وطالبك بالحق... ما يصير تتهجم على مرتي بيتها وتسب مرت ولدي..... حتى لو كانت بنتكم احشمو انها مرت ولدي الحين ....وتمديدها عليها ليه بيتي ما له حرمه عندكم .....الي على كيفكم تدخلونه
ابو ابراهيم :سود وجهه ويسب بداخله بخته الي نكست راسه عند الرجال و قبيلته لو بيجمعهم يطلب بحق بيته وش بيرد عليهم ساعتها بينفضح اسمه وسمعته في السوق : السموحه منك يابو محمد ...والله ما ارضي الي صار عليكم ....وانا راح وقفها عند حدها... بس اذا تسمح ....بجي اخذ بنت اخوي عندي ....لين ما يسافر ولدك .....ما يصير تضل معه بنفس البيت
ابو محمد : طلعت قرونه من تصرفاتهم غير عن اخوهم خالد بكل شي ما يهمهم غير هم وش يبون وبنبرة صوت توقف الي غلطان عند حده وتردعه بهيبة الي يتكلم معه بدون ما يكون صوته مرتفع : يا طويل العمر كيف الكلام ذا ....هي تعبت علينا اليوم ...بسبب الي صار... وغير كذا مصره ...انها تسافر تكمل دراستها ...وطالما ولدي بنفس الجامعه ...تروح معه تختبر وترجع ...و نسوي العرس
ابو ابراهيم : بصدمه ابد ما توقعها منهم : كيف ؟؟ ...وش تقول تبيها تسافر معه لوحدها..!!
ابو محمد : بثقه : الله يطولي بعمرك يا ابو ابراهيم ...هو زوجها الحين ولي امرها ... وتكى على حروف كل كلمه قالها .....تروح معه تختبر لانه ما نقدر نسوي العرس الحين ....وبعدين محد يدري انها ملكة ....ما راح احد يشره عليك اذا انتم ما تكلمتم
ابو ابراهيم : بقهر معجبه كلامه الي قاله ومابيده شي يمنعها ويضغط بقهر على المخده الي بين ايدينه : بس ما يصير تروح لوحدها خل امها على الاقل تسافر معها
ابو محمد : يبي ينهي الموضوع : انا حبيت خبرك انه راح تسافر بكره معه ...على الأقل لو سافرت راح تتحسن نفسيتها وتنشغل بدراستها ما راح تفكر بابوها كثير
ابو ابراهيم: وبصوت لوم وحاد : ليه ما قلت هـ الكلام قبل ما يملك عليها
ابو محمد : بلين يحير الي يتكلم معه : السموحه منك احنا ماكنا نبيها تسافر ...بس الحين غير نبيها تسافر معه على الاقل تخلص بنفس الفتره....... و انت نسيت وصيته ابوها الله يرحمه..... انها تخلص دراستها وترفع راسه ....ولا تبي تخلف بوصيته.... وشدد على الكلمتين الاخيره بلوم له
ابو ابراهيم :سكت شوي محتار في امره : الله يرحمه بس مدري وش اقلك الناس لو يدرون راح يشرهون علي
ابو محمد : قلت لك لاتجيبون سيره عند احد انها ملكة ....عندها محد راح يشره عليك وغير كذا اهي مسافره مع زوجها مهو احد غريب وخلها تبعد اريح لها من المشاكل الي هنا والي تطولها وهي فبيتي وشلون لو كانت عندكم..... نغزه بالكلام
ابو ابراهيم : النقزه بالكلام قصمت ظهره مهو قادر يعارض من بعدها : الله يهديهم خلاص خلها تروح هي متي بتسافر
ابومحمد : بكره على الساعه عشره
ابوابراهيم : خير ان شاء الله بكره اقابلك بالمطار مع السلامه
ابو محمد : مع السلامه
ام احمد : دخلت عنده وهو يكلم وجلست على الكرسي الي قدام المكتب وتسمع لكل حرف يقوله وتدعي برها انه يخليه لها ذخر هي وعيالها ويحميه ويحفظه من كل مكروه : وش قال
ابومحمد : يبتسم على شكلها المتوتر: وافق انها تروح هو يقدر بعد الي صار يعترض وين محمد من العصر ما شفته
ام احمد : صلى المغرب وطلع غرفته والله احس انا شيلنا الولد هم ما هو بقادر عليه من امس و شايفته متغير
ابومحمد : لا ما عليك محمد قدها ان شاء الله
ام احمد :شايله هم انها تتعب عليه وينشغل عن دراسته
ابومحمد : احنا نخبره اذا شاف انها تعبت ما تقدر تدرس تقدم اعتذار ويجيبها ومنها سوينا الي علينا عشان ما تلومنا بعدين
ام احمد : مدرى الله يجيبلهم الي فيه الخير ويستر عليهم ويوفقهم خلني اروح اشوف منى تقول عندها اختبار بكره اخاف تجلس تفكر باختها ما تذاكر
ابومحمد: زين الله معك .. بخلص الي عندي قبل العشاء
,,*,,
غرفة مها :
مها : تكلم منيره في التلفون : ايه وافقت وامي ردت لهم خبر بس صدق منور والله ما تخيلت اني بخاف كذا الله يقطع بليسك ما خبرتيني ان لها رهبه الوقفه قدامه
منيره : وتضحك : ههههههه مبروك ....وليه ياحلوه وش الي ارعبك الي يسمعك ما يقول تسافين وتقابلين رجال وتتكلمين معهم في الاسواق
مها : خبله انتي وش جاب هذي لهاذي هذا واقفه قدامه بشعري
منيره : هههههههه والله انك رهيبه المهم وشصار من علوم
مها: تذكر نظراته لها وهي تبتسم وفرحانه :يصيبه تخيلي مره جري ما قدرت اشوفه عدل من كثر مهو مبقق عيونه في ...لا ويغمز بعد لما ناظرته ولا عليه من ابوي الي فيه
منيره : هههههههه يا عيني ما قلتيلي كيف شكله
مها : بدلع وضحكه : و انتي وشلك بشكله
منيره : يا عيني وصرنا انغار بعد يا حلوه انا مخطوبه وبلا نذاله قولي كيف عجبك شكله لاني اعرفك متشرطه
مها : ايه هو حلو بس مهو على قد وصف امي خلته تقولين.. تركان
منيره: ههههههههههههه الله يقطع بليسك المهم انه اعجبك اخيرا
مها : ايه على قولتك
منيره : تعالي قلتوا لـ ابوك انك بتتركين الكليه
مها : ايه
منيره : وش سوى
مها : ههههههه اما امي عليها حركات تخيلي قالت له من هنا وعشان ما يعصب على طول خبرته بجيه راشد عشان الشوفه
منيره: وما قلك شي
مها : لا امي قالتله انها بتعرس وش تبي بدراسه ومن هـ الكلام وما علق كثير
منيره : وخوانك خبرتوهم
مها : لا ..منور بعدين اكلمك
منيره : ليه وش عندك
مها : هذا ملك الحب دخل بدردش معه شوى
منيره : صرخت : مها يا مجنونه بعدك بتكلمينهم وانت خلاص مخطوبه
مها: ههههههه بشويش علي ايه يكلمهم و تسلي لين ما تصير الملكه وبعدين اقلب على راشد
منيره : يا خبله اخاف انك تتعودين و ما تقدرين تتركين الي تسوينه
مها : ما الخبله غيرك انا ما تعلق بحد وما خذتها تسليه باي بعدين اكلمك و قفلت
,,* ,,
بيت ابو محمد
الساعه تسعه
مي : ادق الباب :محمد تعال للعشاء
محمد : ادخلى مي
مي: تفتح الباب وتوقف عنده: يالله انزل الكل ينتظرك للعشاء
محمد : متمدد على الكرسي الي قدام التلفزيون : لا ما ابي اكل بس اذا فاضيه بعد العشاء ابيك شوي
مي: حست ان فيه شي كبير شايله بقلبه : زين الحين اطلعلك وخرجت ونزلت اسفل
ام احمد : وين اخوك ما جا يتعشاء
مي: يقول ما يبي عشاء
ام احمد : كيف ما يبي وهو على الغداء ما اكل شيء
ابومحمد : خليه هو لاجاع ينزل ياكل انتي وهو بعيد شايله همه وهو عندك بعد شايله همه
ام احمد : بصوت يكسر الخاطر: انت مدري وشلون قلبك تبيني اشوف ولدي ما يبي ياكل و اسكت ما يكفي ملاك الي طايحه علينا و ما ذاقت الاكل طول اليوم
ابومحمد : بحنيه يصبرها : عيالك كبار كل واحد يعرف مصلحته كٌلي انتى وريحي بالك وملاك الله بيرفع عنها ويلطف بحالها
منى :تقطع في الخبز : امي ملاك بعدها ما صحت
ام احمد : لا ماراح تصحى ابوك كلم الدكتور وقله راح تنام لين الصباح انتى خلصتي مذاكره
منى : ايه ما باقي الا درسين و خلص
ام احمد : زين خلصى بسرعه عشان تنامين بدري
منى : امي صحيني بدري الصباح ابي اراجع شوى
ام احمد : زين الله يوفقك
مي بعد ما أنهت عشها طلعت عند محمد
مي : يالله يا حلو وش عندك هذاني جيت
محمد : تعالي دخلي وسكري الباب معك
مي : وتسكر الباب :يالله يا سيدي امر وتجلس مقابل له
محمد : يقوم جالس ويحط مخده صغيره على رجوله ويستند بيدينه عليها وبتوتر : ما يامر عليك عدو ويمرر يده بشعره بس ابيك ... وسكت
مي : محمد وش فيك محتار ترى الكل ملاحظ ان فيك شي
محمد : لا ما في شي بس كنت ابيك تكلميني شوي عن انجي
مي : متوقعه الي يبيه من شكله : ههههههه زين قول كذا ...وبعدين لا تسمعك خالتي و انت تناديها كذا
محمد : مبتسم ومنحرج منها : زين لا تضحكين لا اكفخك الحين ....ليه وش فيها اذا نديتها انجي
مي : بجديه : خالتي تقول الله ما كتبلها احد يناديها كذا
محمد : نفس الشي وش فرقت يعني هذا دلع اسمها
مي : مدري المهم نرجع للموضوع وش تبي تعرف عنها .....وتبتسم
محمد : مدري انتي قولي الي تعرفيه عنها وعن طباعها انا معرف عنها شيء غير الي احيانا كنتم تقولونه عنها ما كنت احط بالي للموضوع
مي : زين اول شي لازم طول بالك عليها محمد انت عصبي و ملاك ما تعودت احد يرفع صوته عليها تعرف لو تكلمها مثل ما تكلم منى ...تضن انك تصارخ عليها ... ولا تفكر انه نتيجه دلع ...لا هي ناعمه بكل تصرفاتها ودلعها بس لـ أبوها... وابوها كان محترمها ومعطيها حريتها بحدود ...برغم من كل هذا عمرها ما سوت شيء لو قدر راس الابره.. بدون ما تاخذ شوره وعشانها وحيدته تعلق فيها وهي تعلقت فيه لدرجه ما تتخيلها لدرجه انا ومنى كم مره كلمناها و قلنالها انه بكره زوجك راح يغار من ابوك تخيل وش كانت ترد علينا..بس......؟؟؟؟؟
محمد : رفع كتوفه : مدري ايش....؟؟
مي :تبتسم وترفع رجولها وتتربع على الكنب : ما ابي اتزوج ولا افكر عندي خلودي حبيبي يكفيني
محمد : وبصدمه : خلودى..........؟؟!!!
مي : ايه ..ما كانت تناديه الله يرحمه ...الا كذا اصلن تكلمه كنه صديقها مهو ابوها و ياكثر الاسماء الي تناديه بها واكثر شي تناديه بالاسم الي مسجلته بجوالها تعرف وش كاتبه اسمه
محمد : بقهر تقوليلي وهذا الي ورطني معها و يستهبل: كيف يعني أكيد بابا
مي : لا يا عيوني كاتبته ..نبض قلبي.. هي طول عمرها ما اسمعها تناديه الا كذا تعرف وش كبر هـ الكلمه عمري بحياتي ما شفت بنت تحب ابوها هـ الكثر احيان اشك انها حبت احد بحياتها من كثر ما تحبه حتى لو خالتي
محمد : نزل راسه وصار يمسح بيده على وجهه من الهم الي فيه والي حارق قلبه ظلمه وشكه فيها..بس الشك ذبحه مهو قادر يصدق
مي : تكلمه بجيده وبصوت متوتر وخوف عليهم الاثنين من حبها لهم : محمد ...ترى من الحين اخبرك راح تعاني معها من هـ الناحيه لين ما تخرجها من الي اهي فيه حتي احنا الي متعوده علينا ما تبكي قدامنا ولا تبين ضعفها الا نادر ..الله يخليك حطها بيونك تراها حبوبه و ضعيفه ما تتحمل ما تتخيل كيف عانت الايام الاولى لوفاة عمي خالد كان قلبي يوقف اذا شفت حالها وهي تصرخ تناديه الي شفته اليوم و لا شي مع الي قبل
محمد : يكلم نفسه وهو منكس راسه : اها يا مي ما تدرين وش الي مسويه ولا بتحطين الوم علي بطيحتها اليوم و شلون لو خالتي عرفت عن شكي في بنتها وظني السي فيها ولا عن ضربي لها هي الي ربتني عيب الرجال يمد يده على اخته و مرته اجي بكل خبال اهين بنتها واطعن فيها ويتنهد يرفع راسه وبخنقه بصدره وصوت مكتوم : زين هي و شلون وافقت
مي : مدري انا الي عرفته من خالتي انها عصبت الي عمها ما خلاها تسافر بعدين عرفنا بموضوع الخطبه
محمد : صدمه ثانيه زلزلت كيانه : كيف يعني اهي وافقت بس عشان تسافر ؟
مي : ممكن لانها عمرها ما فكرت انها تتزوج وانها توافق بظروف الي اهي فيها كل شي جائز بس صدقني يا محمد ما راح تلاقي احسن منها... ومنى دايم تقولها انها بتخطبها لك
محمد : بوجه باهت مخطوف لونه ...ليه يا مي تثبتين كل كلامها لي انها تبي تسافر عشان تعتقد ان ابوها حي ونظرة عيونها الي حطمتني مستحيل انسي نظرة الانكسار و الاحتقار الي شفتها بعيونها و ياخذ نفس عميق يجرح صدره و ابتسم يناقض الي يدور بداخله : وش كانت ترد عليها
مي : اخر مره عصبت علينا وتقول لا تجبولي سير انا كرهت اسم محمد من واحد عندنا بالجامعه شايف حاله ومتكبر... وترفع صوتها وبتعجب..... لايكون انت!؟؟؟!...والله شكلك الحين يدل انه انت و صاير شي بينكم
محمد : و يناظر فيها و يبتسم: لا يمعوده ...وين اعرفها وهي مرتين الي شفتها مع ..مرة فيصل وعلى السريع ...
مي : تضحك : مهقيت ..اكيد فكم شي ....
محمد: لا صدقيني مافيه شي ...... مي .....وين جول انجي ...يبي يتاكد من رقم ابوها
مي : وش عندك تبي جوالها رقمها انا اعطيك هو بس جوالها مقفل تكسر لما رمته يوم عرفت بوفاة ابوها و شتريت لها واحد الأسبوع الماضي و رافضه انها تفتح جوالها
محمد : ويكلم نفسه والله بهلوس بسبتك يا انجي ...انا متكبر ومغرور والله احبك و انا مدري ما حسيت بهشي الا لمن شفتك والله شكلي رحت فيها اكثر من فيصل كله من دعوته علينا
مي : تحرك يدها قدام وجهه : هيه يا معود وين وصلت
محمد : يبتسم : ايه معك ...وش فيك انتى ..؟
مي : هههههههه سارح تفكر فيها وقال معي
محمد : مي وبعدين معك كملي وخلصيني ...
مي : وش اكمل تعرف خالتي كيف اهي مثلها بكل شي بس ..
محمد : بس ايش..؟؟
مي : هههههههههه عليها حركات مجنونه مثل منى واخص
محمد : هههههههههه انا وحده وما خلصت من جنانها يصيرون ثنتين بعد... لا رحت فيها
مي : هههههههههه يالله تصبح على خير
محمد : وين رايحه اجلسي
مي : لا يمعود بروح انام بكره عندي درس اشرحه
محمد : ليه بديتي تطبيق
مي : ايه بدينا تربيه عملي من السبت و المشرفه الي معنا مره شايفه عمرها ادعيلي
محمد : الله يوفقك وسوي الي عليك ما يهمك منها اذا انتي صح ما راح تقدر تنقصك
مي : امين ...تصبح على خير
محمد: و انتي من اهله... مي... انجي ما صحت
مي : تلف عليه وهي ماشيه للباب : ههههههههههه ليه شتقت لها ..لا ما راح تصحى الا الصباح
محمد : تضحكين.... ويرميها بالمخده
مي : هههههههه وتشرد وتسكر الباب بسرعه
محمد : يرمي جسمه على الكنب و يتمدد بتعب فكري ...شكلي بشيب قبل يومي بسبتك يا انجي ....آآآآآآآآه لو يدرون عني العيال والله ما راح يرحموني وبذات خويلد.. ويضرب بيده على راسه يوه... لازم اسأل ابوي بكره وش رده لا يهبل فيني
,, * ,,
بيت ابو ابراهيم
قسم ابراهيم
مريم: جالسه في الصاله تصحح اوراق اختبار الطالبات
ابراهيم : السلام عليكم..ويسحب غترته من على راسه و يعلقها بداخل العقال
مريم : تبتسم : هلا وعليكم السلام وش فيك تأخرت
ابرهيم: يجلس : كنت عند العيال مجتمعين عند حمد وش عندك و يمسك اوراقها الي منثوره على الطاوله
مريم : اصحح اوراق الاختبار
ابراهيم : حني على البنات وراعيهم
مريم : تناظر فيه : لا وش مخبرينك عني
ابراهيم :يوقف: مخبريني انك مريوم القمر
مريم : تبتسم : لا والله
ابراهيم : يضحك : ايه منتي مصدقه انك قمر
مريم : ترفع حواجبها : تصدق توني اعرف
ابراهيم : هههههههه ويمشي راعيهم بالدرجات عشان يدعون لك ما يدعون عليك
مريم : تعال وين رايح
ابرهيم : بدخل استحم زهقان من عمري من البعد ما وصلتك البيت وانا عند العمال
مريم : زين روح وبعدين تعال خبرني وش سويت معهم..
ابراهيم : وقف ولف يشوفها اقول مريوم عمتي وش مسويه الي ابوي معصب منهاوسمعته يكلمه و يصارخ
مريم : مدري علمي علمك انا جيت من عند اهلي معك مافيهم شي
ابراهيم : والله مره ماخذ على خاطره من شي مسويته بس ما رضي يخبرني وش هو
مريم : يمكن على خطبة مها
ابراهيم : يمشي : معتقد بينهم شي اكبر من كذا
,, * ,,
بيت ابو محمد
الساعه 12بالليل
محمد: قلقان ما جاه نوم خرج من غرفته بعد ما الكل نام وراح ودق الباب بشويش وهو متردد بس لازم يشوفها محد رد عليه دخل شافها نايمه قرب من السرير وجلس يتاملها كانها طفله حاضنه مخده صغيره ونايمه على جنبها وشعرها منثور حولها وجزء من وجها مغطى بالمخده جلس جنبها ومسك يدها اعرف انك أكيد تكرهيني بعد الي سويته بس والله ما هو بيدي ما كنت حاس بلي اسويه من كثر الغيره انعميت ما ني قادر اعترف لحد انك شاغله بالي ما حسيت بكل هذا الي اقوله لك الا بعد ما شفتك امس ما ني مصدق انك انتي صرتي لي وبدون ما اطلب او افكر فيوم انك راح تكونين من نصيبي لأني ما توقعت انك راح توافقين ابد وما كنت أتخيل اني بوم اخذ و حده مهي سعوديه الأم و الأب شوفي و شلون الصدف بسبة ملامحك ضنيتك منتي سعوديه ولا عمري خطر على بالي ان بنت خالتي بتكون كذا بس اوعدك اني راح صونك وما زعلك وخليك تغيرين الفكره الي اخذتيها عني وتحبيني مثل ما انا احبك ويتأمل بوجهها كتبلها الورقه وحطها على التسريحه ويبوسها على راسها وهو خارج يبي يسكر الباب
ام احمد : خارجه من قسمها و شافته وهو يسكر الباب : محمد وش عندك هنا
محمد : لونه انخطف و صفر و انكسف ويحرك يده بشعره يالفشله وش اقول الحين : لا.. ولا شيء خالتي.. بس جيت اتطمن عليها اشوف صحت ولا لا ..ويتوتر ..ما دخلت روحي شوفيها وطمنيني
ام احمد : الله يطمن قلبك ويريح بالك ويهنيكم ما وصيك عليها هناك انتبه لها
محمد :يسلم على راسها : خالتي لا تشلين هم بحطها بعيوني
ام احمد : تسلم عيونك والله يخليكم لي
محمد : بس خالتي... انا ما اعرف اعطيها الابره
ام احمد: لاتخاف هي علاجها كله حبوب بكره ذكرني اعطيك هو وافهمك على المواعيد
محمد : بس انتي عطتيها ابره اليوم
ام احمد : هذى تأخذها للضروره اذا انهارت مره شفتها اليوم ماهي راضيه تهدا
محمد : زين وش ضمني انها ما تنهار علي كيف بعطيها هي
ام احمد : تعال انا اعلمك هي يبالها تركيز ماهي صعبه ( تعودت تعطي ابوها الله يرحمه ابر السكر( الانسولين ) )
,, * ,,
شقه يزيد:
على الفطور
يزيد: الحمد لله ويوقف
هند: حبيبي بتجي على الغداء
يزيد : يلبس في الغتره يمكن عندي شغل كثير ابي اخلصه و اذا بجي اكلمك ولا تسوين غداء انا اجيب معي تبين شي
هند: ايه ابيك تجيب معك شويه اغراض من السوبر ماركت
يزيد: خليها بعدين تروحين معي و تاخذينها
هند: لا هي شويه بسويبها حلى بشيله معي لا رحت عند مريم
يزيد: لا تعبين عمرك ناخذ أي شي جاهز وحنا رايحين لهم
هند: لا حبيبي شوق بتجي وهي يا عمري عليها طالبته مني
يزيد: يتكي على الطاوله نعم عيدي من الي عمرك
هند: وش فيك ... وتبتسم ... يا غيار حتي من بنات اخوك بتغار
يزيد: حتي من ولدي بغار مهو بنات اخوي
هند: تبعد الكرسي وتوقف وهي ببجامتها ستان بدي و برموده : ههههههه خلي ولدك يجي وبعدين غار منه ومسكت الصحون تجمعها
يزيد: بستهبال وضحك : يحط يده على بطنها اغار منه لانه معك طول الوقت
هند: تركت الي بيدها ولفت تواجهه وبجديه : و انت هنا وهنا (اشرت على عقلها وقلبها)طول الوقت معي وباسته على خده
يزيد: آآآآآآآآه لا زم يعني اروح العمل اليوم
هند: ههههه روح لا تتاخر على عمي يزعل عليك
يزيد: الله يصبرني و يبوسها يالله سلام تأمرين شي يالغاليه
هند: انتبه على عمرك و انت تسوق ولا تنسى الي وصيتك خذ هذى الورقه وترووح معه عند الباب وتبوسه وخرج
,, * ,,
بيت ابو محمد
ملاك : صحيت من النوم على الساعه تسعه الصباح فتحت عيونها ورفعت يدها ضغطتبها على راسها و حاسه بالوعها و قامت و دخلت الحمام و اخذت شور وبعد ما خرجت لبست بنطلون ابيض واسع و تيشيرت و وردي وشافت الوقت وصلت فروضها الي فاتتها و لمت شعرها بشباصه مرفوع على فوق و فتحت ادراج التسريحه ادور على حبوب للصداع ما حصلت وشافت الورقه الي على التسريحه تحت العطر سحبتها و قرأتها
ماتمنيتك لانك كنتِ
ابعد من خيالي
ماخطر في بالي مره
اني ممكن اوصلك
كنت اشوفك مثل نجم
في السما ساطع وعالي
يا بعيد و جابك الله
لين عندي وصلك
جيتني مثل الشروق
اللي محا عتم الليالي
جيت فرحه للحزين
اللي من همومه هلك
جيتني وانت يحبك
ألف محبوب بدالي
سخرك سبحانه اللي
في عيوني كملك
هو صحيح احنا التقينا
هو صحيح انت قبالي
هو صحيح اني حبيبك
كان لي حق أسألك
كانني احلم طلبتك
خلني هايم لحالي
خلني بالحلم عايش
فيه دامي به معك
ممتلي بالحب قلبي
وغير قلبي قلب مالي
اهدني قلبك حبيبي
خلني فيه عشقك
سامحيني على الي صار قبل كان سوء تفاهم لا زم اوضحه لك
محمد
(كلمات/ تركي)
و قطعتها وهي دمها يفور وصداعها بزيد ورمتها بالسله ....مهو انا الي تضحك علي بكلمتين وتتهمني بالخطيئة و تمد يدك علي واسكت... خرجت من الغرفه وهي بتنزل مع الدرج
محمد : توه صاحي من النوم لابس برموده كحلى مع فنيله اصفر سيافاتها كحلي عليها كتابه بالكحلي جالس بالصاله الي فوق اول ما شافها خارجه ابتسم و عيونه تبرق من اعجابه فيها : صباح الخير ياقمر
ملاك : التفتت متفاجئه من الصوت و شافته ما كانت منتبهه لوجوده وراحت بترجع على غرفتها وهي تدعي عليه بداخلها وجع عساك المرض انت وضروسك
محمد : (ياويل حالي عليك) :ههههه زين على وين رايحه تعالى الحين يجيبون الفطور
ام احمد : خارجه من قسمها: صباح الخير حبيبتي وتروح لها
ملاك : وقفت عند باب غرفتها وهي مضايقه : صباح النور... وتبوسها على راسها ويدها
ام احمد : وش فيك حبيبتي وين رايحه تعالى افطري
ملاك : ماما ما بدي فطور بس بدي حبوب صداع راسي مصدع
ام احمد : سلامتك حبيبتي اول افطري انتى من امس ما اكلتي شي وبعدين اعطيك الحبوب
محمد : صباح الخير خالتي ويسلم على راسها
ام احمد : صباحك الله بالنور متى صحيت
محمد : توني صاحي
ام احمد : زين نزلوا عشان تفطرون
محمد : خلاص طلبت فطور الحين يحطونه
ام احمد : زين يالله
ملاك : خجلانه بتدخل غرفتها حاسه جسمها يفور من وقفته قدامها و مهي طايقته
ام احمد : تعالي وين رايحه
ملاك : ماما ما بدي فطور
محمد :تعالى نزلي معنا
ملاك : رفعت عينها له وتكلم نفسها وجع ان شاء الله و شلك دخل بس خلني اسافر ونفك منك
محمد : يكلم نفسه آآآه يا قلبي بيروح فيها عقلي بعيونك الحلوه كل هالزين لي مشاء الله اللهم لاحسد الله يحميك
ام احمد : لا وش ما تبين تعالى وتمسكها مع يدها لا تخجلين محمد صار زوجك
ملاك : منزله عينها على الارض وتكلم عمرها الله يشيله
ونزلو اسفل و حصلوا الفطور جاهز
ام احمد : صبت الحليب خذي شربي الحليب و كُلي .....محمد وبعدين معك كُل شيء قبل متاخذ هـ المرض الي تشربه (قهوه تركي ساده)
ملاك : تاخذ الحليب وتشرب منه وهي غثيانه من ريحته
محمد : ههههههههه خالتي لحد يسمعك و انتى تقولين على القهوه مرض وشلون انتى وابوي تشربون قهوتنا الصبح
ام احمد : تشبه قهوتنا بهاذي الي مدري من وين تلقيلها حلا على الريق
ملاك : عينها على صحنها وتقطع بالخبز لقطع صغيره و ما أكلت شيء: ماما.. بدي روح البيت
ام احمد : تلف وتناظرها : أي بيت
ملاك : ترفع عينها وتناظر امها : ماما شو فيك ...وعينها لمعت بدمعه ...بيت بابا
ام احمد : مانعتها انها تدخل بيت ابوها حتى لما طلبت منها الاسبوع الماضي خايفه عليها يصير فيها شي : حبيبتي وش تبين من هناك
محمد : يطالع فيها وما شال عينه عنها ياويل حالي عليك يا قلبي الله يصبرك ويقدرني اشيل نظرة الحزن من عيونك
ملاك : ماما بدي اخذ اغراضي
ام احمد : بحنيه وحزم : لا الشي الي تبينه ارسل الخدم يجيبونه لك
ملاك : بس ماما ...
ام احمد : لا تقليلي بس ولا غيره وشوفي وش تحتاجين تشيلينه معك وخليهم يرتبونه لك عشان رحلتك اليوم الساعه عشره
ملاك : اوكي وتوقف تبي تروح
محمد : جلسي وين رايحه ما اكلتي شيء
ملاك : ناظرت فيه بحتقار و صدت عنه : ماما فين حبوب الصداع
ام احمد : يا بنتي حرام عليك كيف تاخذينها و انتي ما اكلتي شي من امس وحليبك ما كملتيه
ملاك : تحط يدها على فمها وتروح تجري للحمام
محمد : وقف بسرعه : وش فيها ....ويروحون وراها
ملاك :دخلت الحمام ورجعت كل الي اخذته...
ام احمد: بسم الله الرحمن الرحيم عليك وتدخل وتمسكها مع راسها وتوقفها وتغسلها وجهها
ملاك : تحط راسها على صدر امها: راسي يوجعني بيتفجر من الالم وتحس بنبض قلبها ضعيف
محمد : واقف عند الباب: تعالي اجلسي الحين اطلع اجيبلك الحبوب
ام احمد : لا خلني اطلعها غرفتها ترتاح وتطلع معها ودخلتها بفراشها
محمد : راح غرفته اخذ الحبوب : خذى يعطيها الحبوب وكاس المويه
ام احمد : تاخذها منه وعطتها لها : ارتاحي الحين شوي اجيبلك شي تاكلينه هذا عشانك جيعانه ما اكلتي شي
ملاك: تتغطاء وتنقلب على جنبها عن محمد
محمد : يكلم نفسه آآآه يقلبي ...وش الي صاير فيك
ام احمد : تمشي و تأشر : تعال محمد خلنا نتركها ترتاح
محمد : وهو خارج: خالتي انا بروح ل أبوي المكتب
ام احمد : زين ارجع كمل اكلك وبعدين روح
محمد : لا الحمدلله شبعت ويروح لغرفته
ام احمد : الله يهديك هو انت اكلت شي ما غير القهوه الي صدت نفسك لا تشيلني همك يكفيني ملاك الي تعبانه وشاغله عقلي
محمد : يبتسم : ريحي بالك يالغاليه ...تبيني أكل سويلي يا هريس او مرقوق او مثلوثه مشتهيها سوي أي وحده منها على الغداء و يفتح باب غرفته
ام احمد : زين اسويها لك بس اهم شيء تاكلهم
,, * ,,
شركه ابو عامر
يزيد : خير يبه طلبتني
ابو عامر : كل خير اجلس وين اخوك
عامر : السلام عليكم
...وعليكم السلام
عامر: خير يبه
ابو عامر: وش فيكم كل خير ان شاء الله
يزيد: لا بس السكرتير قال الوالد يبيك الحين لا تتأخر خفت انه يكون فيه شيء بخصوص المناقصه الاخيره
ابو عامر: لا بعدها ما عرفنا لمين واذا الله كاتبها لنا بتكون من نصيبنا انا راضي بحكمه
عامر: امين
ابو عامر : شبك اصابع ايدينه بعض و ستند على المكتب
عامر: خير يبه فيه شي تبي تقوله
ابو عامر: ايه يزيد انت مرتاح مع مرتك
يزيد: ايه يبه وانا خبرتك كل الي صار معي ولولا الله ثم هي ما كان شفتني الحين بهل شكل قدامك
ابو عامر : الله يهنيك ويسعدك وشقتك الي ساكن فيها زينه
يزيد: ايه الحمد لله هي ما خذها مفروشه وبدور على شقه غيرها
ابو عامر : وانت يا عامر ؟؟
عامر: يلف يناظر ابوه : خير يبه وش فيني
ابو عامر: مرتاح بالبيت
عامر: ينزل عيونه : الحمد لله
ابو عامر: الحمدلله على كل حال لا تظن و انا ابوك اني ماني بحاس فيك وبلي تسويه امك واخر مره لمن قلتلك خذ الغرف الي تبيها ما كنت اعرف بلي سوته امك لأنك خبيت عني وطلبت من الكل ما يتكلم
عامر: بس ...
ابو عامر: يقاطعه: اسمعني للاخير
عامر: تفضل يبه
ابو عامر: انا عشان اريحك من الكلام والخوف الي صرت اشوفه بعيون بناتك وخصوصأ شوق الي معد تبي تقرب من جدتها اخذت فلتين صحيح انها صغار بس هي قريبه من البيت بنفس الحي الي نحنا ساكنين فيه وسورها واحد وحده لك وحده لـ أخوك روحو شوفوها وهذى مفاتيحها
عامر: هم ونزاح عن صدره وبفرحه : مشكور يبه ماتقصر الله يطولنا بعمرك ويخليك لنا وقام و سلم على راسه
يزيد : سلم على راسه : سامحني يبه على كل الي سويته
ابو عامر: مسامحك بس وينك متبي تجيب مرتك البيت تعرفها علينا
يزيد: يبه انت تعرف امي ماتبي تشوفها وهي يتيمه ما ابي احد يجرحها بكلمه و احنا اليوم مجتمعين بيت خالي مريم عازمتنا وش رايك تجي وتقابلها
ابو عامر : حز فنفسه الي عياله مهم قادرين يخذون راحتهم بيتهم : يصير خير انشوفها بيت خالك ولا يهمك
يزيد: وسلم على راسه :الله يطول لنا بعمرك يالغالي
,, * ,,
شركة ابو محمد
محمد : دخل المكتب وهو كاشخ رزه بالثوب والغتره الأبيض: السلام عليكم
ابو محمد: وعليكم السلام
محمد : يروح ويسلم على راسه كيف اصبحت يبه
ابومحمد : الحمدلله بخير هلا والله متى اشوفك مكاني وتريحني
محمد :الله يطولنا بعمرك يالغالي وخليك لنا ....وجلس على الكرسي
ابو محمد : ليه ما ارتحت بالبيت انا راجع بدري اليوم عشان اجلس معك
محمد : مرتاح الله يخليك لي وش عندك تبيني اساعدك
ابومحمد : لا ما عندي شي كلها كم ورقه اراجعها واوقع عليها
محمد : يبه وش قلت بموضوع خالد أكيد يسأل عنه اول ما ارجع
ابو محمد : خلاص خله يكلم اهله يجون طلما انت تعرفه زين ما يحتاج نسأل عنه والله يجيب الي فيه الخير
محمد : مبروك يبه بس خالتي موافقه
ابومحمد : الله يبارك فيك ايه موافقه بس انا ابيك بموضوع ويوقف تعال اجلس هنا ويروح ويجلس على الكنب الي بالجه الثانيه من المكتب
محمد : يجلس جنبه خير يبه
ابومحمد : اسمع وانا ابوك انت كل مره تسافر فيها تكون شايل هم نفسك بس لكن الحين غير معك مرتك صونها وحافظ عليها و لا تفشلني مع عمها هو لو ما الي سوته عمتها وساعدنا ما كان وافق وشي ثاني اياني وياك يغويك الشيطان و تدخل عليها هي صحيح مرتك قدام الله بس فنظر الناس بظل بنت ليوم عرسها
محمد : يسلم على راسه لا تشيل هم يبه انا تربيتك وعارف هالشي ولا تشغل بالك و طمن خالتي بعد أكيد حتي اهي شايله هم كلام الناس على بنتها
ابومحمد : الله يطمنك و يريح بالك يا محمد مثل ما ريحتني ما تتخيل وش كثر شايل هم
هـ البنت ابوها الله يرحمه موصيني عليها وهي امانه عندنا
محمد : لا تخاف عليها يبه بحافظ عليها اكثر من نفسي
ابو محمد : هذا العشم فيك والله يسعدكم انتم الاثنين يا ولدي
وكملوا سوليف عن الشغل لغايه ما اذن الظهر راحو صلو بالمسجد ورجعوا على البيت
,, * ,,
في احد مدارس الرياض
مريم : السلام عليكم وتدخل وتجلس على مكتبها ...غرفتهم فيها ثمنيه مكاتب
جواهر : وعليكم السلام
مريم: آآآآه تعبت حاسه شوى ويغمي على من التعب
جواهر : كم حصه عندك ما شفتك اليوم
مريم : عندي ثلاث حصص ورا بعض والله تعب و انتي وينك الصبح طلعت الحصه الاولى وانتي بعدك ما وصلتي
جواهر: آآآه يابنت الحلال خليها على ربك
مريم: الله يكون بعونك بعده مهو براضي انك تروحين مع أي احد
جواهر : بكيت : والله تعبت والي يغثك بعد فوق الغثى الي بحصله بالبيت اجي واسمع كلمتين من المديره على التأخير و هي ما الومها بس انا بعد وش ذنبي
مريم: تقوم وتجلس جنبها سمى بالرحمن وامسحي دموعك الحين يصلون المعلمات
جواهر: والله معد فيني اتحمل وش الحل
مريم: ادعي الله يهونها ويفرج عليك
العنود: السلام عليكم.... بسم الله الرحمن الرحيم.. وش فيكم
مريم: ما فيه شي سكري الباب معك
العنود: سكرت الباب جواهر وش فيك لا تقولين رجالك
مريم: هو فيه غيره
العنود: آآآآآه يالقهر لو اطوله لذبحه وريحك منه
مريم : العنود لا تزيدينها منتي بشايفه حالتها
العنود: وش مسوي هـ المره
جواهر : وتمسح دموعها مثل كل مره يغثني عشان يقوم وغير كذا ما خلا كلمه سب ما قالها على الصبح
مريم: زين ليش انتى قلتيله شي
جواهر : هو من البارح معصب ليه قلت له روح قدم للشغاله
العنود: وليه حضرته يعصب وانتي الي بتدفعين
جواهر: وش تقولين لما قلت له كذا قال اذا عندك فلوس هاتيها احنا أولى فيها وغير كذا عشان ابيه يوصلني اليوم
مريم: واخوك وينه
جواهر : مهو فيه اتصل يقول مهو بفاضي اليوم
العنود: تسحب كرسيها جنبها : الله يشيله من رجال لا يريح ولا يخلي احد يرتاح ما يبي يوصلك يخليك تجين مع سواق
جواهر: آآآآه يمعوده سكتي لا تزيدين همي هم بس لو يفتحون السواقه للي مثل حالاتنا كان ترحمنا من المذله والمهانه الي نحصلها وما ركبنا مع سواقين وشفنا امورنا الضروريه على الاقل اقدر اجي الدوام بوقته و اجيب اغراض بيتي بدون ما اطلب من احد يجيبها ويتمنن علي
العنود: سكتي يامعوده لا تعشمين عمرك احنا حتي لو سمحوا لنا بالسواقه رجالنا المتخلفين ماراح يخلونا نسوق على بالهم بنصيع
جواهر : تمسح دموعها والله صادقه
مريم : لا هم مهم فكرتهم كذا بس ممكن تتعرضين لمخاطر كثيره من ورا السواقه
جواهر : تتكلم بقهر : لا و أزيدك من الشعر بيت قلت لأخوي روح اسأل اذا اقدر اقدم للشغاله باسمي تخيلي وش قالوله ؟؟
مريم: ايش ...؟؟
جواهر : ما يعطون الا الأرامل والمطلقات
العنود: عيونها طلعت : معقوله..!! زين انتي موظفه وعندك راتبك ليه ما بيعطونك
جواهر : وش عرفني عنهم على بالهم كل من كانت على ذمه رجال ان رجالها مسؤل عنها ما يدرون ان ثلاث ارباع الموظفات بالمملكه هم الي قايمين بشؤون بيتهم والرجال بس اسم
مريم:تقوم وتصب لهم الشاهي في الكاسات وتوزعه وتجلس على مكتبها : لا تعممين على الكل فيه رجال هم الي يصرفون
جواهر: مريم انا ما قلت الكل و انتي مشاء الله الله يديمها عليك نعمه ...بخير حتي راتبك منتي بحاجته ورجالك هو الي صارف البيت فلا تقارنين نفسك فينا احنا الي الراتب هو الي معيشنا
مريم: تناظرها : عارفه هـ الشي والله يكون بعونك
العنود: والله انك صادقه انتي سمعي كلامي وروحي بيت اهلك يمكن يحس ويرجع يعتدل
جواهر: وين اروح بيت اهلي وهو صغير كلها ثلاث غرف وعيالي تبيني اعذبهم معي اتحمل انا ولا هم
العنود: جواهر احمدي ربك ان اهلك لو رحتيلهم بيشيلون عيالك فيه اهل يقلون لها مثل ما خرجتي لوحدك تردين لوحدك ما نشيل عيال احد
جواهر: عارفه و يمكن يجي يوم وربي يفرجها علي
مريم : الله يكملك بعقلك و يخليلك عيالك ويعوضك ربي خير فيهم
جواهر : امين ويرزقك انتى بعد الذريه الصالحه
مريم : تدعي من قلبها : امين
,, * ,,
بيت ابو محمد
على الغداء نزلت ملاك و مني معها و لابسه ترنق اسود
الكل جالس على السفره الي بشكل دائري
مني : جلست جنب مي وغمزت لـ محمد
ملاك : تطالع فيها وتكلم نفسها انا اراويك يا منى تبيني اجلس جنب اخوك مالت عليه هو شكله وجع يصد النفس
محمد : (يغمز لمنى الي فهم قصدها ويكلم نفسه تسلمين يا اختي والله فاهمتني ويطالع بملاك من اول ما نزلت ) تسلم يدك خالتي الأكل يرد العافيه
ام احمد : الله يسلمك بالعافيه عليك
منى: يوووووووه الله يقطع بليسك ياحمود انت ما تجي غير تخليهم يصلحون اكلات جدتي
محمد: وش زينها اكلات جدتك و ياكل من المثلوثه وتلذذ بها ترم العظم
ام احمد : كلي و انتي ساكته وهذا عندك مسويه لكم اكل غيره خلي اخوك ياكل بالعافيه عليه
ابومحمد : جلسي يا بنتي وش فيك واقفه
ملاك : مي ممكن شوي معليش بدي اجلس جنب حماده ... وتطالع بمنى
احمد : ايه مي خليها جنبي بشتاقلها وهي تاكلني بيديها يبي ياخذها محمد الدب معه
محمد : انا دب يالدب انت وتبيها تاكلك بعد لا حبيبي مرتي ما تاكل احد خلها تأكل نفسها
ملاك: (اوف وجع قال مرتي فرحان بعمرك انتظر علي بس )
احمد : بشكل يضحك وهو يأكل بطاطس و كتشب : تراها اختي من قبل ثمان سنين انت توك مالك يومين رجالها يعني انا أولا منك فيها
محمد : ههههههه ولد اشوف لسانك طول علينا هذا كله غيره على اختك
مي : قامت وقرصتها منى: اييييي وش فيك
منى :سلامتك
ملاك : جلست مكان مي وتبوس احمد على خده
محمد : يناظر مي الي جلست جنبه
مي : تقرب منه : ادري عن حركت منى بس صدقني مارح ترضى هي يالله نزلت تبيها تجلس جنبك ولاصقه فيك احلم
احمد : فاتكم اليوم بهذلت العيال والاستاذ الغبي
محمد : خير يالذكي وش سويت.. ؟...وعينه عليها
احمد : هههههه لعبتلك بعصابهم لعب قلت للاستاذ ...كيف اتقلي اخوي ما يقدر ياخذ اختي.. ؟
ويقلد صوت الاستاذ ...قلي ايه قلت لك حرام ..قلت له والله العظيم ان اخوي ماخذ اختي ..قال انت تستعبط ماتفهم قلت لك حرام ....قلت له والله العظيم انه ماخذها يالله استاذ فكر وحلها كيف تصير..و سكت عني شوي وعشان يسكت العيال قلهم الي يحصل الحل له عشرة ريال الكل سكت يفكر وبعد شوي دخل علينا المرشد وقالوا له العيال الغز و طلب مني اعيده له وجلس يضحك المرشد قال لهم تبون تعرفون الحل العيال الكل يصرخ ايه قلهم هذا اخوه من ابوه او من امه وفهمهم وقال لي مهو صح يا احمد قلتله ايه اختي من امي والاستاذ الغبي ضرب راسه بيده قال كيف ما فكرت فيها كذا وضحك المرشد والعيال عليه وقال لي لا عاد تجيب الغاز ما تنفهم ههههه وطول مهو يتكلم يسوي حركات بيدينه وجهه يقلد الأستاذ تضحك
الكل : ههههههههههههههه
ملاك : حبيبي عيب تقول على الاستاذ غبي
احمد : ادري بس والله هـ الاستاذ من اول قاهرني
ابومحمد : خلاص احمد كُل اكلك و انت تضحك عليهم وناسي نفسك
محمد: ههههههههههه فاتكم يقول خلها انا باخذها هههههه
الكل : ههههههههههههههه
احمد : تضحك علي ملاك الله يخليك لا تروحين معه شوفي شلون يضحك علي
محمد : يطالع فيها ويبتسم
ملاك : تكلمه بصوت واطي : خذ حبيبي ..و تاكله ..انا بسافر منشان دراستي ما بدك ياني انجح
احمد : ايه زين خلاص روحي
ام احمد : حمادة وبعدين معك كمل اكلك برد و انت تتكلم و انتي كُلي مهو جالسه تاكلينه
احمد : ماما ليه اعيوني لونها مثل محمد ابيها مثل ملاك ازرق
منى : تستهبل : ولا يهمك يالذكي نوديك المستشفي يحطون لك اعيون مثلها
احمد : يصرخ :اوكييييي يالله يبه نروح
الكل : ههههههههههههههه
محمد : ههههههههههه احمد ربك يالغبي ان لون عيونك مثلي
احمد : انا ماني غبي ماما شوفيهم
منى: ههههههههه انت كله تقلد ملاك حتي بكلامها طيب قلدني شوي
احمد: لا هي صوتها احلا ...انتى مسترجله بصوتك
منى :بعصبيه : انا مسترجله يالخيخه انت
ام احمد : خلاص سكتوا وبعدين معكم
ملاك : حبيبي ما عليك منهم بيغارو منك اصلن عيونك بتاخذ العقل وهي ربي معطيك هي ما حدا يقدر يغير لون عيونه الا اذا ركب عدسات مثل منى الغياره وتطالع فيها
منى : ههههههههههه انا اغار منك هزلت يا عيوني بيكفي انك توك تقولي ان عيونه بتاخذ العقل يعني مثلي انا ومحمد.... حمود ترى الكلام الك بشكل غير مباشر ههههههههه
ملاك : خجلت ولفت على منى ومسكت يدها و قرصتها : شوووو لا عيوني انا مدحت اخوي القمر ولك شو بتؤبرني ماحلاك وتبوسه
منى : اييييي الله يرجك مثل النحله قرصتك ...ههههههههه خلاص ولا تعصب علينا الحلوه ... بس تعرفين ان الازرق حلو عيك ..وتغني هذا الون عليك يجنن يشبه لون عيونك.. وتدق بالملعقه والشوكه... اهداء من محمد الى ملاك
الكل يضحك على خبالها
ام احمد: كاتمه ضحكتها : منى وبعدين وش هـ الكلام
محمد:هههههههههههههههه وش صار لك ستخفيتي
ابومحمد : منى وبعدين معك انتي كُلي و سكتي شوي
ام احمد : منى انتي وش سويتي بأختبارك اليوم
منى : عال العال بنتك واعجبك ايه ذكرتيني.. أبله مي خبريني وش سويتي بدرسك
مي : لا بدري توك تسألين
منى : سوري نسيت نستني القمر ام عيون زرق وتبوس ملاك وهي عند اذنها هذى من حمود شوفي وشلون يطالع فيك
ملاك: تضربها من تحت الطاوله برجلها
منى : اييييييييييي يالبوه حرام عليك ما سويت شي
ملاك :وبصوت واطي : عشان ما بتعيديها مره ثانيه اوكي ونكتمي لا تخليني اتوطي في بطنك
ابو محمد : وش عندكم اليوم سمو بالرحمن و كملوا غداكم
ام احمد : يالله ياكريم يديم جمعتنا ولا يحرمني منكم
الكل : آآآآمين
ملاك : وقفت
ابو محمد : وش فيك جلسي يابنتي ما اكلتي شيء
ملاك : الحمدلله عمي اكلت قبل شوي
ام احمد : وتسمين هذاك اكل
ملاك : ماما الحمد لله شبعت
مي : توقف الحمد لله خذيني معك
منى : تعالوا ستنوني شوي بخلص اكلي وطلع معكم
ام احمد : جلسوا اشوف كل وحد تخلص الي بصحنها صيرات جلد على عظم
مي: خالتي اجسامنا حلوه وين جلد على عظم
منى: امي الي يسمعك يقول انك سمينه احنا طلعين عليك
ام احمد: حشى اذا كنتن طالعات علي
محمد : خالتي اجسامهن زينه و الحين الكل يدور النحاف
منى: يسلملي السانك يا شبيهي الي ينقط عسل ....وترسله بوسه بالهوء
محمد: ههههههههههههههههه والله بشتاق لخبالك
مي : ههههههه خذها معك وريحنا منها
محمد : بيصير ان شاء الله
منى: توقف بسرعه : اللللللللللللللللللللللللللللللللللللللللللللي اخيرا وفقتم اني اروح ادرس هناك وتروح لعنده وتبوسه وتروح وتسلم على ابوها وامها
ام احمد: الله يهديكم ما ني بعارفه وش عاجبكم بالسفر
محمد: خالتي ما تبين عيالك يكون معهم احسن الشهاده
ام احمد : ايه الواحد يفرح بشهاداتكم بس ما تدرون عن حرقت قلبي على بعدكم عني بكره لا جاكم عيال تجربون شلون حرقت قلب الاهل على عيالهم
ملاك:عن اذنكم وطلعت على طول بدون ما تنتظر تسمع كلمه زياده ودخلت غرفتها وسكرت الباب: آآآآآآآآآه ماما سامحيني مهو بيدي
ابومحمد: وش فيها ملاك كنها زعلت من كلامك
ام احمد: آآآآآآآه كل خوفي على هـ البنت تروح وما عاد ترجع بعد الي صار معها هنا
محمد: شلون خالتي لا تخافين بس خليها تخلص ارجعها لك
احمد: ماما خلاص اذا كلهم يبون يسافرون برا خلينا نروح معهم منها ما تبعدين عنهم
منى : والله فكره امي وش رايك
مي: لا والله حلوه تخذونها عني احلفوا انتم بس
ام احمد : وعقبي تبيني هد ديرتي وروح عنها لا يكفي لما نسافر في لأجازه اعد الايام متى ارجع لها
ابومحمد: انتو مفكرين ان السفر لعب ويقوم ام احمد خليهم يجبون الشاهي الاخضر
ام احمد: إن شاء الله
لنا لقاء أخر بإذن الله
تحياتي ؛
15-11-08, 10:13 AM
جديد مواضيع قسم القصص المكتمله من وحي قلم الاعضاء
العرض العادي
