السلام عليكم ورحمة الله وبركاته
قراءه ممتعه ...
الفصل الثامن و الاربـــــــ { 48 } ــــــــع ـــــــــــــون
محمد : وقف بكل ذهول وصدمه وهو يصرخ : مـــــــاااتت ...انت وش تقول ؟؟
فيصل : وهو مازال تحت تاثير الصدمه من وصوله : ابيك تجيني الحين على شقتهم وجيب زوجتك معك يمكن تهدي البنات شوي
محمد: بكل ذهول من الي سمعه وكانه بحلم وشوي يفيق و ينضرب على راسه منها وبتسم جزء من قلبه رقص فرح مهو بشماته للموت بس فرحة موتها انعشته تكلم وحده بصوته : ماني بجاي ولا بجايب زوجتي واذا حتجت شي اكلم لك المحامي وابعد عنها انت وزوجتك هذى ماوراها غير المشاكل
/منتد قسم من حي قلم الاعضاء
فيصل : بعصبيه يصرخ : محمد انت صاحي كيف تبينا نخلي البنات يتحملون الموضوع..ومحد من اهلها معها وانسي حقدك عليها خلاص راحت لربها ..
محمد:ورد يكرر كلامه بدون تركيز مهو مصدق : جد ماتت..وتنهد ... استغفر الله العظيم فيصل ماني بجاي وكلم أي احد من الشباب اذا تبيه يوقف معك وذا حتجت الشي كلمنى ارسل لك المحامي انا ابد مالي دخل بحياتها لهي حيه ولا ميته وزوجتي بعد
فيصل :بطفش وحده بصوته : لا حول ولا قوة الا بالله العلي العظيم...وزعل وضح بنبرته ..مشكور ما قصرت سلام ..وسكر السماعه
محمد: جلس وهو يمسح وجه ويردد بداخله يارب سترك يارب استرها معنا ما تبتلينا هالبلوه بمصيبه حنا فغنا عنها يارب استر علينا يارب ..لا حول ولا قوة الا بالله العلي العظيم شلون ماتت هذى البلوه حسبي الله ونعم الوكيل لا حول ولا قوة الا بالله ..ورجع يرن جواله مره ثانيه ورد وهو كله ذهول وصدمه من الي يسمعه ..
قبل
ساعات من الان كانت تصرخ وتقسم الايمان الكاذبه
ساعات فقط كانت تخطوا فوق الارض وتطرقها بكل قوه وجبروت
ساعات فقط كانت تزفر التنفس بغضب وتلعن وتتوعد
وألان
اين هي راح الصوت وفتح الفم وشخص الانف والعين وذهبت الروح
ترقد على سريرها جسد ممدد ملتف جزء منه بين الاغطيه ويد التفت خلف ظهرها و رأس مائل الى طرف السرير ومنحنى الى الخلف ليكشف عن عنق برز بوضوح وظهرت عروقه جليه للناظر وشعر مبعثر من حوله ودمعات علقت باهدابها وشعرها
قبل ساعات كانت تنازع لوحدها ليس معها ونيس ولا جليس دمعت عينها من هول ما تشعر وترى شلها الخوف واي خوف بل هو الرهبة الاولى التي تغافل عنها الكثير شخص بصرها من هول ماترى وراح الصوت ولم يعد هناك اجل ثقل السان فهو ماكان مسخر لها ولم تستفد منه بحياتها تبحث عنه الان ليسعفها ولكن انتهى اجله اجل انتهى بهول ولحظة مارات اين الاهل و الاصحاب اخذت تتصبب عرقا واي عرق ..عرق الوداع ونزوع الروح تهتز وتنتفظ واي نفضه اصابتها لن يستطيع اسكانها أي من الخلائق على هذا الكون اين صلاتها التي لم تصليها اجل نسيت ان تصلي من شدة فرحتها بلقائه وصلواتها التي كانت تخطفها سريعه كنقر الدجاج للحب ..سقطت اخر دمعات دمعات ظلمت بها نفسها دمعات لم تسقط لخوف وخشوع من رب العباد دمعات تسقط من هول واي اهوال بعده تنتظر حبس صوتها وتنفسها وصار يتغرغر النفس ثواني ومن ثم اصبحت دقائق عانت بها حتى انتزعت روحها
رحلت وحديده
رحلت
ولم تستطع لفظ الشهاده
رحلت
ولم تجد الاهل والاصحاب حولها
رحلت
ولم يكون بقربها من يساعدها للفظ الشهاده
رحلت
بعد ان أعدت ونظمت كل شي الا هذا اليوم لم تعد له
لم يسعفها الوقت ولا الزمان
لتعلن توبتها عن القسم الكاذب
رحماك ربي
تهاون الكثير بهذا القسم واصبح يترادد كشربت الماء حتى على افواه الصغار
قسم كاذب
يالهول عقوبته
هل تستطيع تحمل حرارة شمعه تلسع بها يدك ؟!
يالهول العقوبه
أي عقوبه للقسم الكاذب
فالقسم هو غموس في النار
يغمس صاحبها فالنار
كيف لا يستطيع تحمل لسعات شمعه
وهي جزء يسير من حرارة نار الاخره
ويغمس بحلف كاذب في النار
فالحلف الكاذب هو احد الثلاثه الذين لا يكلمهم الله يوم القيامه ولا يزكيهم ولهم عذاب اليم والعياذ بالله لانه حلف على امر من امور الدنيا وكلها عند الله لا تساوي جناح بعوضه
خرج الطبيب والممرضه لم يكن يقف معها احد فهول صدمت الموت ارهبت من حولها فيصل وقف وهو يري الجسد الممدد ويحمل بين ايدي الممرضين الى الاسعاف واستلم الورقه من الطبيب ليجول بنظره على ماكتب يالهي رحماك اليوم كانت ترتع وتلعب والان شهادتها الاخيره بين يدي لم تفرح باستلام شهادتها الجامعيه وهذه شهادتها الختاميه التي لن تستطيع الاطلاع عليها عفوك ربي
شهاده لا تحمل الزخارف
شهادة خط عليها
شهادة وفاه موقته واختام وكتب بها اسمها بالكامل وحالة الوفاه
سكته قلبيه
(وكم اطلق عليها من اسماء الموت السريري او موت الفجاءه او توقف القلب )
سكت القلب ليعلن رحيله
ليزفر اخر نبضه
ليعلن جسده انتقاله
انتقال ابدى الى مثواه
ليمكث لقيام الساعه
تحت الثري
ويحصد بداره الاولى
خير او شر ماعمل ..
فيصل : التفت للباب مع اصوات البنات التي علت بالبكاء حين روائية جسدها يخرج محمول دفنت ريم وجها بين المخدات تكتم شهقاتها وامل امسكت بها شذى وهي تريد الحاق بها لتوقفها عن الخروج وهي تبكي بحرقه فهي من اكتشفت امرها و تلقت الصدمه الاولى...تكلم وهو عند الباب : اذكروا الله يابنات الله يرحمها برحمته كل له يومه وهذا يومها ..شذى عطيني ارقام اهلها ...كان يحمل حمل وهم تبليغ اهلها وإنهاء اوراق دخولها المستشفى لمكوث الجثه لحين استلامها وإبلاغ السفاره عن وفاتها ..زفر بتعب أي حمل سوف ينقل لاهلها أي خبر سوف ينقل اصعب موقف يمر عليه بحياته كيف سيتقبلون خبر وفاتها ..هل سوف يمر الامر عادي ام يطالبوا بمعرفة سبب الوفاه اكثر بتشريح الجثه ..رفع راسه لدخول الشباب عليه وهم مذهولين وكل واحد يحلل سبب الوفاه بشكل مختلف اكثره ضن انه انتحار يقدمون الاسباب ويجهلون ان الموت واحد مهما اختلفت اسبابه ...هو نهاية الاجل ولو كان يعلم الانسان موعد اجله لحزم له العتاد واعد الرحال وانتظر قدومه
قال تعالى (وَجَاءتْ سَكْرَةُ الْمَوْتِ بِالْحَقِّ ذَلِكَ مَا كُنتَ مِنْهُ تَحِيدُ)
قال تعالى ( أَيْنَمَا تَكُونُوا يُدْرِكُكُمُ الْمَوْتُ وَلَوْ كُنْتُمْ فِي بُرُوجٍ مُشَيَّدَةٍ)
قال تعالى (كُلُّ نَفْسٍ ذَائِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَنْ زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَمَا الْحَيَاةُ الدُّنْيَا إِلَّا مَتَاعُ الْغُرُورِ)
دخل وهو منهك ما مر به ليس باليسير تمضى الايام وهي على حالها لا تريد الخروج اسبوعين مضت بأحزانها ومعاناتها اسبوعين لم يستطع التغير من حالها اقترب منها وهي تجلس على الكرسي امام باب البلكون وتضم رجليها الى صدرها ومسنده ذقنها على ركبتها ونظرها سارح لبعيد خارج حدود الغرفه مسح على شعرها الذى تعقده بجديله على الجنب وانحنى وقبل راسها و امسك يدها : تعالي ننزل للعشاء طلبت يجهزونه
ملاك : حركت راسها لا
محمد : انحنى امامها ورفع وجها يناظره : لين متى تبين ظلين حابسه عمرك ياقلبي خلاص كل شي انتهى
ملاك : أغمضت عينيها و نزلت دمعتها تاخذ مجرها الذى اعتادت عليه اسبوعين كانت كل يوم كانه سنوات من المها ومعاناتها لم تستطع النظر الى عينه حين افاقت يوم كامل لم تنظر اليه وكانت لا تريد روئيته ولا ان يرها احد وهي تردد بداخلها كل شي بدأ ما نتهى كنت اظن الماضي عذاب لي بصمتى والعذاب الاكبر الحين ..
محمد: تنهد بداخله ومسح خدها بحنان : حاولى ياقلبي تتماسكي عشان نفسك والي بداخلك محتاج لقوتك ..
ملاك :لفت يدينها حول وسطه وبكيت بدون صوت صدمها حين ابلغها عن حملها الذى نقلته له الطبيبه حين اخذت عينه من الدم لمعرفة مناسبه الدواء لها حين اخبرها كانها قذفت بصخره هشمت قلبها واحشائها و ازداد همها مع هول فضيحتها كيف تستطيع ان تكون ام وينتقل عارها لقتل ابنائها كانت تتوالى عليها قذائف الاخبار ومع كل خبر يموت جزء بداخلها فرحيل والدتها قبل استيقاظها حطمها وخلع جذور قلبها فهي لم تعد تستطيع سماع صوتها او النظر اليها تريد ان تقبل اقدامها وتعتذر هي من شوه صورتها امام زوجها وابنه اجل هي عار على والدتها وأهلها وما شل تفكيرها حين علمت بموت من دنست كرامتها وشوهت اسمها ولطختها بنظرات الاتهام والقذاره
محمد: وهو يمسح على شعرها وده يعرف وش يدور بعقلها صاير كلامها نادر ويعدي عليها اليوم احيان وهي ماتكلمت معه وصعب انه يضغط عليها الدكتور النفسي الي استشاره طلب منه انه مايضغط عليها وهي بهذى الحاله حتى العلاج صعب يتوصف لها يكفي اول جرعه اخذتها خايفين انها تسبب تشوه..وانهيار اعصابها المتكرر ممكن ياثر على الجنين ..غلط يوم اصر على خالته تسافر وتلحق رحلتهم مع ابوه ما كان متوقع انها حالها بيوصل كذا ترفض تشوف احد حتى الخدم محد يدخل عليها غرفتها غيره و ترفض تكلم امها وقفلت بابها بوجه الكل حتى صديقاتها رفضت تقابلهم وتهرب بين جدران احتوت ماضيها وصرخات صمتها ... بعدها عنه وهو يوقفها ويجلسها معه على الكرسي فالجه الثانيه ..ماراح تريحيني وتخبريني الي يدور براسك تكلمي صدقيني بترتاحين ..دق الباب ..ورفع نظره عنها ..ادخل
ملاك : خبت وجها بكتفه وهي تهمس بخوف : لا ما ابي اشوف احد
محمد : يحط يده على راسها : ششش محد بياذيك ولا يتفوه بكلمه عليك وانتي معي
روز: وهي منزله راسها للأرض حزن لحالها ومشتاقه لها بس ماتبي تجرحها وتناظرها وهي ماتبي تشوف احد جميع الخدم تناقلوا خبرها والكل اصبح يعلم بمصيبتها لكنهم لا يستطيعوا التفوه بحرف واحد بسبب خوف من الطرد : استاذ العشاء جاهز
محمد : اوكي الحين بنزل ومابي اشوف احد من الخدم فضي البيت مفهوم روحوا القسمكم
روز: حاضر أي طلبات ثانيه
محمد: شكرا اذا فيه أي شي راح نطلبك نفذي الي طلبته الحين
روز: حاظر ..وخرجت..وهي ودها تحضنها وتعبر لها عن مقدار اعتزازها فيها وحبها لها وانها باخلاقها ملكت قلوب من حولها والكل خايف عليها ويحبها ومحبتهم لها ماراح تنخدش بخبر صار غصب عنها ونظرتهم عمرها ماراح تتغير ابد وهم مفتخرين بوجودهم معها فبيت واحد ..
محمد: بعدها عن كتفه وهو يتنهد بداخله ويشوف وجها وذبوله وهالاته السود كل يوم بزدياد : يكفيك عزله ..حط يده على فمها يوم جات تعترض ...عشان خاطري ..ويمسح خدها ..محد بيشوفك غيري لازم تردين مثل قبل لا تهتمين بنظرة احد لك بسوء اذا انتي واثقه من نفسك راح تنقلين صدقك لكل من حولك مهما ضنوا السوء بالبدايه ..حاولت الاعتراض اكثر من مره لكن اجبرها على النزول معه حاس انه يتعامل مع طفل شل الخوف تفكيره وعنيد بوقت واحد ..بعد العشاء حاولت الهروب والعوده لغرفتها لكنه منعها واجلسها معه امام التلفزيون ..بتسهرين معي اليوم لاتقولين ابي انام كل ليله لا تظنين اني ماني حاس فيك وانتي ماتعرفين النوم وتتقلبين لف يده على اكتافها وهو يقلب بالقنوات ...هذا الفلم شفتيه ..هزت راسها بلا وهي ما ناظرت التلفزيون ..حط على الفلم وتوه يبدأ ..ناظرها فتره وهو يكلم عمره ابي اعرف وشلون قدرتي تتحملين العزله الي عازله عمرك فيها اسبوعين لا تشوفين ولا تسمعين شي وحتى اخبار من حولك ما تدرين عنها ما ضنيت احد يعزل عمره مثلك ..
ملاك : حاسه بنظرته المصوبه لها ومهو مع التلفزيون لفت راسها وصوبت عيونها بعيونه ظلت تناظر عيونه بصمت
محمد: سكت وهو يتامل الحزن بعيونها من هـالقرب حس ان عندها كلام تبي تقوله وفضل انه يناظرها وينتظر وش تبي تقول..ماله الا الصبر اذا يبي يعالجها
ملاك : بعد فتره من نظراتها التائه بعيونه الي تشوف فيها سكنها تمنت تسكن بداخلها وتقفل ارموشه عليها وترتاح من كل من حولها راسها يالمها من الضجيج الي تشعر فيه طرق الكلمات متزاحم بداخلها تبيه يخرج ومهي قادره مهي قادره تحرك شفاتها وتخرج الهم الي يضج براسها ..
محمد: صمت مع صمتها استكان بروحه وهي هايمه بنظرتها ستكان بقربها فتقد ضحكتها ودلعها هي متعلقه فيه الحين مهو حب تعلق خوف يبي حبها الي زرعته وخلته ينمي وتمكن من كل كيانه يبيه محتاج له خايف عليها وعلى فرحته الي نبترت قبل مايبتسم لوجود طفله
ملاك: همست بعيون تشع خوف وضعف : خايفه
محمد: حرك يده على كتفها ويضغط عليه وتنهد بداخله اعرف كل البلى الي فيك خوف : خايفه وانامعك
ملاك: وعينها تناظر بعيونه ورجفة الخوف بهمسها نطقت بالي كاتم على انفاسها : بالقبر مارح تكون معي ..ودمعت عيونها وكملت وهي تشوف اتساع عيونه ..خايفه من الموت خايفه كنت اتخيل جدران الغرفه هي قبري كان يضيق نفسي وحسها تطبق على ضلوعي خفت من نظرات الكل واتهامهم لي بعد ما عرفوا بس كنت اتخيل كيف الخلايق بكره تناظرني يوم العرض الاكبر كيف راح اتحاسب والكل يعرف الي صار
محمد: احتضن راسها وضمه بين ضلوعه وانتقل خوفها يرجف بقلبه حتى وهو يتكلم : حتى انا اخاف من الموت مافي احد مايخاف منه بس احنا ثقتنا بالله كبيره الله خبرنا انه عند حسن ضن عبدي بي وحنا موحدين بوحدانيته والوهيته وماعلينا الا عبادته
رفعت راسها وهي تشهق بخوف : وش حكمي اعتبر زانيه؟! ادري بجرحك بس ابي اعرف تعبت وانا افكر تعبت..
محمد : احتضنها بقوه وبصدمه من تفكيرها :لا لا مالك ذنب اشششش مالك ذنب
ملاك : وعلي صوتها مع شهقت بكائها : لا تكذب علي الكل ينظرلي كذا ..معد يهمني الناس بس ابي اعرف حكمي عند ربي ايه
محمد : ملاك ياقلي مالك ذنب بالي حصل خلاص حاولى تتخطينه البنت الكبيره مالها ذنب اذا اغتصبت مكرهه ودافعت عن عرضها حتى لو قتلت الي بيعتدى عليها ماعليها حكم تكون بعداد الدفاع عن النفس ما بالك بالصغير
ملاك:شهقت بكل الامها وضعفها حطمت القوه التي كانت تحتجب خلفها انزاح الستار وظهرت كل ما كانت تبنيه لتحتجب خلفه انزاح ليظهر ضعفها وعدم قدرتها على مواجهة احد عادة الى الطفله التي انتزعت بالقوه من بين يدي والدتها عادة الطفله التي شوهت صورتها المنعكسه في المرآه عادة الى المراهقه التي تخدش بمخالبها كل من حاول الاقتراب منها او من زجاجتها التي تختبي بداخلها تمنت ان زهقت روحها قبل ان يعلم من احبتهم بمصيبتها تحسست من سكن بين ظلمات احشائها وتنسكب ينابيع مالحه تبتلع طعمها ولا تشعر بها والده كان سيكتم سرها ولكن الان كم من الافوه ستكتم شهقت بقوة تعلق جنينها لثباته باحشائها : الي فبطني شو ذنبه اني امه لو كانت بنت كيف راح اعلمها تحافظ على شرفها وانا ما حفظت عليه
محمد : احتوها احتوى الاب والاخ والحامي والصديق والزوج احتوى طفلته التي سكنت قلبه وكان هواها وملاذها وملعبها ابتسم ابتسامه شرخت من هول ضعفها كيف يمكن ان يعيد ثقتها بنفسها ابتسم بضعف وعيونه تشع بصدق ما يقول عكس ابتسامته الضعيفه المنكسره ابعدها وهو يحيط بيديه وجها : راح اخبراها ترفع راسها وتمشي وتاشر للكل ان أمها اشرف و اطهر ام ...وعتصر قلبه عليها ولحالها وهو يدور الكلام بداخله هذا وانا مصدقك ومقربك حالك صعيب وشلون الي تنهان وتنجرح وتتحمل الضيم والعلقم بظلم البشر وظلم رجالها الله يفرج عن كل وحده ذاقت المر ويلطف بحالها وحالك
رهبت الموت اما تصحوا بالانسان وتجعله يفيق لما اقترفه من اخطأ او تزيده قسوه لقلبه ويكون أمراً لم يكن .. شقه انتزعت بها روح شخص و لكن اصبحت منتزعه لأرواح من بها ليسكنهم الخوف والرهبه
امل هشم الموت قلبها فلم تعد تستطيع النوم براحه و وتخشي ان تنزع روحها وحيده فلازمت صديقتها اين ما كانت اصبحت ظلها الذى لا يتجزء عنها
ريم قرب امل منها اسكن خوفها ولكن تفكيرها منحصر لو حدث لها مكروه بهذى الغربه وهي ليس معها ولى امر
هل ستصبح مثل جود تمكث بثلاجة الاموات الى حين استلامها !
هي لا تريد اصبحت تحاول باهلها ان يعود احد منهم معها فمن كان تعده والد لها ومعين بغربتها رحل من امنه والدها اليه رحل كانت تنظر له كاب اجل احبته وحب ابنه لم يقصر معها وخاف عليهم جميعا كابنته رحم الله والد ملاك من احتواهم بغربتهم وادخل الامان لقلوبهم
امل : وهي تخرج كل محتويات دولابها وترتب بالحقائب : ريوم خلصتي المطبخ ...ماسمعت رد التفت للخلف ولم تجدها معها بالغرفه ..رمت مابيدها وخرجت من الغرفه مسرعه شافتها واقفه امام باب غرفة جود وهو مقفل..وش فيج ليج خرجتى عني
ريم : وهي تحبس دموعها ناظرتها بعطف لحالها ولخوفها وصوتها كسير : بكره ابوها يوصل يستلمها ونزلت دمعتها تجين نجمع اغراضها
امل : حتضنتها وبكيت معها : فديتج لا خلي اهلها يخمون اغراضها
ريم : وتناظر وجها بعد مابعدتها عنها : امول قوي قلبك فديتك تكفين ابوها طلب نجمع كل اغراضها وتمسكها مع يدها ودخلوا غرفتها فتحت النور وهي تضغط على يد امل تهدي خوفها وخوف صديقتها جالت بنظرها لغرفه احتوت ذكريات بقيت بخيالها مع رحيل صاحبتها جمعوا بعض اغراضها وهم بصمت ودموعهم ماجفت مافي غير شهقاتهم الخافته الي تتسمع انتهوا من ملابسها الي جمعتها بداخل شنطه وبدت تجمع الي باقي من شنط وكتب سمعت رنت مسج من جوالها بكيت امل بصوت وهي تشهق بكلامها
موبايلها يرن مايعرفون انه صاحبته راحت خلاص كل شي مثل ماهو الي هي راحت
ريم قامت وحضنتها وهي جالسه على الارض : امل الله يوفقك بس يكفي تعذبين عمرك الله يرحمها مالنا غير الدعاء لها بالرحمه ...وسحبت الشنطه المرميه بجنب السرير وفتحتها واغلقت الجوال وهي دمعتها بخدها ولفت انتبها الورقه الي عالقه بالجوال يوم شالته طاحت وهي ممزقه على رجلها وفيها اسم ملاك مسحت دموعها وناظرت بداخل الشنطه وهي كلها قصاصات اوراق ..امل شوفي وش جاب اسم ملاك بشنطتها ..ونثرت الي بداخلها و اذكرت مشوارها الي راحته لوحدها وصارت كلها ريبه من المشوار الي محد يعرفه غيرها بدت تجمع قصاصات الاوراق بجانب بعض وبعضها مفقود
امل : وهي تشهق وتمسح دمعها : مهو معقول انجي مـ ..وغطت فمها
ريم : بكل ذهول وصدمه لا تختلف عن رفيقتها هذا الي فهموه من قصاصات الاوراق مهو معقول وفيه كلام ناقص اتهام الطبيب لها بالجنون ..لكن وضح الاسم والاغتصاب وعلاج لحاله نفسيه : ناظرت بداخل الشنطه وقلبتها معد فيه أي ورقه ثانيه جمعت كل القاصات بين ايديها وقفت : تعالي معي ماشفنا شي ولا قرينا شي ...ودخلت المطبخ واظهرت صحن وحرقت الاوراق فيه وهي تلف لامل الي خلفها وتمسك يدها ..امل سمعتيني احنا مانعرف شي اكتمي سرها جود اكيد مزقتها ماتبي احد يعرف ..استرى عليها الله يستر علينا ..يمكن الي مكتب فيه شي خطا احنا ماندري وشلون وصلت هنا
امل: هزت ارسها بصمت ونظرها على الاوراق المتفحمه كل شي يروح وينتهي وما يفضل له اثر
ريم : تعالي كملي ثيابك خلينا نجمع اغراضنا وننهيها مابقي لنا غير يومين ونسلم الشقه
علت المكان صرخات وضحكات اصبح الصخب يعج بين جدران الصاله وهناك من جلس يضحك على ما يري
خالد : بصراخ وهو مكتف الايادي من عبد الله : ياويلك لاذبحك لو فتحته عبدالله يالنذل هدني عليه
عبد العزيز : اول اعرف وش وارك كل ما دخلنا عليج سكرته وش وراك..ههههههه لايكون تكلم المره وحنا اخر من يعرف
عبدالله : هههههههه لا ممنوع عندنا تبي محمد يذكيه على غير القبله
خالد : وهو يدعس رجل عبدلله : يالنذل فكني انا ولد ديرتك
جاسم : وش بلاكم عليه
عبد العزيز: ابد غير اعرف وش عنده خاش راسه بالشاشه طول الوقت
جاسم : يسحب الجهاز منه : خله عنك
عبد العزيز : بضحكه : ليكون خاش صور مزاين وحنا اخر من يعلم
خالد :بحده : خليتهم لك..ورد ضرب عبدالله بساقه
عبد العزيز: هههههههههههههههه لا انا مزيني لازم فيس تو فيس ابد ماروم الي بالصور مفبركين هههههههههه
عبدالله الضربه الي حصلها بساقه خلته يصرخ ويفكه : ااااي وجع منت وجه غشمره ابد كسرت ساقي
خالد وهو يلقط جهازه بسرعه : حلال ماجاك يالنذل انت وياه ويقفل بابه بسرعه يوم شافهم يبون يلحقونه
عبد العزيز :هههههههههه تعال صايدج صايج اصبر علي بس..ويجلس اتحداكم اذا مهو وراه سالفه
حزنت لرحيل صديقه عاشت معها سمرت وضحكت وبكت معها لم يطل حزنها فوجود زوجها بقربها كان سند لها لتخطي ماشعرت به من رهبه وصدمه واصبح همها فيمن لا تريد روئية احد جلست بجواره : فيصل قوم ودني ابي اشوف انجي
فيصل وهو يتابع تعليق رياضي لف ناظرها : المره زوجها يقول ماتبي تشوف احد خليها ترتاح منك شوي
شذى : فيصل ابي اعرف وش صاير عليها اكيد موت جود ارعبها ومرضت بسبته تكفي قوم
فيصل : وهو مبتسم لها : لا و انتِ الصادقه مرضها مهو بكذا
شذى وهي تمسك بيد : وش بلاها وش فيها تعرف شي و مخبي عني
فيصل : هههههههههه هي اكيد ماتبي تشوفك ماتبي ولدها يظهر عليك مزعج وزنان
شذى : تصنمت وهي تناظره : ولد منو
فيصل : ضحكه شكلها : هههههههههههه
شذى : وهي تشهق وتصفق بيدها : الدباااااااا حامل ومنخشه عني
فيصل : هههههههههه زين قولى ما شاء الله
شذى : ما شاء الله ..ما شاء الله ...قوم قوم ودني قوم
فيصل :مهو بوقته الحين بكره روحي لها
شذى : وهي تسبل عيونها وبضحكه مثل الصغار : ابي نونو
فيصل : هههههههههههههههههه ردينا لنونو
شذى : فصولى حبيبي تكفى ابي نونو بس واحد
فيصل : ههههههههه.... ويخبطها بخفه على راسها لدلعها...قريب الله يجيب المطر
شذى : مطر شنو اقلك ابي نونو بس واحد بس صغنون العب معه وحياااتي ينااااس عليه يهبل ..وعاشت الدور واضح من ملامحها الشوق
فيصل : وهو يضحك من قلبه عليها ويبوس راسها : شكلها زايرتك العامريه ومحرضتك علي الليله ..بس ابشري...ويقرص خدها .... بنجيب نونو..وسكت
شذى: صفقة بيدها : صدق....صدق ..احلف
فيصل : ههههههه والله بعد سنه وخمسه شهور
شذى : ضربته على كتفه بقهر منه : شنووو يعني يوم تخرجي زين شوف الي بيعطيك وجه لهذاك اليوم ....وتقوم عنه متجهه للمطبخ
فيصل : هههههههههه سلمي لي على العامريه اذا زارتك
شذى : دخلت المطبخ بسرعه وردت له : اسلم عليها هاااه وتمسك الثلجه وتفركها بظهره ..هذا سلامها لك
فيصل : وهو يحاول يخرجها من ملابسه وهي مكتفته ويضحك على خبالها
منى : دخلت الغرفه وهي تتافف
مي : وهي متربعه على سريرها : وش فيك ؟
منى : ابي اعرف ابوي وش مسوي لأمي بدلها علينا سفرتها ماجابت لنا خير ابد
مي: وهي تبتسم : من عينك عليها وش الي صاير اليوم
منى : تجلس على السرير : يااااربي صادرت جهازي انا وحماده ..والمشكله اترجها بس اقرأ بارت واحد ابي اعرف منار وش صار عليها بالحفله ..ضربتني على راسي تقول خلها يجيها الي يجيها الي ماتاخذ شور اهلها
مي: ههههههههه أي قصه قصدك
منى : بانفعال : يووووه مييي صحصحي معي قصة شارمي وش فيك ..تكفين ابي جهازك شوي بس
ام احمد : وهي عند الباب : الحين اقول روحي نامي تجين هنا
منى : وهي تتمسكن : تكفين امي صدقيني ما بيجيني نوم قبل ماعرف وش صار
ام احمد : وهي تخبي بسمتها مهما ابتسمت جرحها يثور مثل ثورات البراكين يسعر بحمم ويقذفها بداخلها لتعود وتنصهر من جديد : لا رديتي بكره من المدرسه شوفيه
منى : ياااربي بس شوي شوي ... اااااه وينك يا انفاااااس محد برد خاطري غيرك ارد من المدرسه احصل البارت الهمه قبل الهم الغداء
ام احمد : قومي اشوف وبطلي حلطمه زايده زين وبكره بتفتحين بيت وبتتربعين عند الرجال وتقرين قصص
منى : وهي توقف وتقرب من عند امها وتحب راسها وتحرك حواجبها : مثل ماخليتك اتابعين معي كانها حلقات مسلسل بخليه هو بعد ...ياحبني لك برسلك جنيف يردون لي امي الاوليه ..ويوم ناظرتها ...خلااااص توبه ..وصارت اطق باصبعها ...نبيك بحسنك نبيك بكل عيوبك نبيك بكل مافيك نبيك
مي : هههههه منتى بصاحيه
منى : ايه مهو بنتي الي تاصدر جهازك وفيك حره ..هي خذيه منها ياويلها اذا قرته قبلي
ام احمد : ابتسمت : زين روحي حطي راسك وهي بس تخلص وباخذه منها ومحد بيدخل ويشوفه قبلك
منى : باست خدها بقوه ولفه يدها على كتفها مستنده عليها : شوفي ياعسوله اذا جلست اهوجس وخطط وش يبي يصير في البارت بيضيع علي النوم يعني خليني اشوفه بس ثوني بكره اقرأ بالتفصيل يكفي شارمي بتلف راسي وهي تحوسني وكل مخطط احطه يطلع فشنق وبعدين ياقمر ماتبين تعرفين المزواجه وش بيصير فيها
ام احمد : بحده : منى وبعدين ..والمزواجه على قولتك لو كبرتي عقلك بتعرفين انه ظلم الرجال الي وصلها لهل حاله ولا هي الطلاق بيدها مهو بيدها الي يبيها كان تمسك فيها ولا طلقها لكن كلن يرميها بطلاق الي قبله
منى : اعلن انسحابي قبل ان انحر على غير القبله وتحب راسها وتروح
مي : ههههههه مخبوله هذى مدري متى ناويه تعقل
منى : من عند الباب : يوم اشوف البارت او معد يكتبون الكاتبات قصص تفر راسي فيها
ام احمد : صرخت بحره : وبعدين معك ..ويوم سمعت تسكيرة بابها دلليل شردتها ...الله يهديها يارب ..زين وانتي متى ناويه تنامين
مي : بس اقل من نص ساعه واخلص ..وهي تناظر وجها الذابل ..خالتي بخاطرك شي مزعلك ومكدرك
ام احمد :تنهدت تنهيده بداخلها تكسر حواجز وبحور لو ظهرت مذبوحه والنار تسعر بجوفي ولا عمرها بتنطفي ضاعت بنتي وانا ابتسم واحتضن غيرها وضنيتها براحه وهي والراحه متنافرين وش اقول الي بداخلي محد بيخمده ابد
مي : ستغربت سرحانها وصمتها وتناظر فيها بس مهي شايفتها هي حاسه انها عينها عليها بس مستحيل ملامحها تدل انها تشوفها : خالتي
ام احمد : زفرت بتعب وهمست : ابد عجلي ونامي لا تسهرين ..وخرجت عنها
مي : وهي تهوجس ماهقيت مافي شي الي بدلك شي كبير ولا ليه الخوف الي بعيونك علينا وذكرت يوم كانوا مجتمعين البنات فبيت عمها وهي رفضت انهم يجلسون بعدها عندهم و ردتهم معها البيت ..وسحبتها المفاتيح الغرف ماتبي وحده تقفل فيها على عمرها وصايره هي بنفسها توصلهم لدوامهم خايفه عليهم حتى من السائق و ابوهم لطف بحالها هو الي صاير ياخذهم الصباح وهي تجيبهم الظهر مع السواق والمسكين احمد محاصر معد يخرج من البيت الا معها ولا مع ابوه
ابو عامر صدمته فيها تفاقمت صدم يوم شافها هو ما يستبعد عليها شي ابد بس انها توصل وتلعب بخلقة ربها تفتخر فيها نفرته منها ومن قربها جالس يتقهوى بالغرفه الي عدوها لهند سرير باحد زوايها و الارض مفروشه موكيت و وجلسه ارتفاعها بسيط بكامل المكان والكل حوله وعينه على خلود مافيها الجمال الفاتن عاديه لابعد حد متوسطة الطول شبه ممتلئه عيونها صغيره لونها حنطي لكن اذا تكلمت تجذب بصوتها صوتها نبرته فيه حنيه لكل من حولها قطبين متنافرين في الصفات والملامح مع ام عامر رفع راسه وهو يشوف يزيد يكلمه : وش فيه
يزيد : وهو يبتسم : سلامتك يبه بس مدري وين وصلت من اول ومريم تكلمك ومنت معها
مها: كانت تتجنب الجلسه الطويله معهم وخصوصا بوجود عامر تخاف من نظراته حتى وهو ماعاتبها ..وصارت تتخيل حنان يزيد لهند يكون براشد
هند : على التعب الي تشعر فيه وحاجتها لوجود ام ابتسامة زوجها تمحي تعبها وماتخليها تفكر بامها غير بالرحمه عليها ابتسمت بوهن وهي تشوف نظرته وحركة شفايفه وتاففه من عدم قدرته للجلسه معها لوحدهم ردة تبتسم بصفاوه هذا الي كانت رافضته ونجبرت عليه صار هو سعادتها وجنتها ونارها حبه وصدقه معها محى كل ماضيه ودها تقوم تسجد شكر لربها لكرمه عليها الي حرمها من اهلها وعوضها باهل وزوج ورد لها اخوها وسندها انكست راسها بنية السجود والشكر لربها
يمضى الزمان كلمح البصر تتعاقب الايام والليالي لنكمل مسيرة ايامنا فماكتب لنا سف نراه ونسير معه ونرضى بقضاء الله وقدره لنا
فيصل : يدخل الغرفه حبيبتي يالله وش عندك محمد بالطريق
شذى: خلاص جاهزه بس البس عباتي وش فيك بعدهم ما وصلوا
فيصل : انتي تبين خالد يذبحك اليوم من متي وهو يتوعدنا ياويل الي يتاخر مشفوح على الرده تقال بكره عرسه
شذى: ههههههههه خلينا نسويها فيه ونخليه ينطر معهم اسفل ودى اشوف شكله وهو معصب
فيصل: ههههههههههه ايه عشان يحط الحره فيني انا وضحكي علي ساعتها
شذى: لا حياتي ما يقدر و انا معك بشمر وعطيه على خشمه
فيصل:هههههههههه منتى بصاحيه ... تدرين ياخوفي اجي اكلم أي احد اقله حبيبتي كله بسبتك انعوج لساني
شذى: ههههههههههههههه ...وتحرك حوجبها ...تخيل تقل لعمي ياحياتي يا حبيبي يبه هههههههه
فيصل: امشي اشوف تضحكين علي بعد والسبه انتي
شذى: تبوسه : ما فيها شي تحسسه بحبك قول وفعل مدري وشلون انتم الرجال ماتعبرون عن حبكم وحنا بالطالعه والنازله نعبر عنه للكل وبعدين ..وتهدد باصباعها شوف حبيبي من الحين احذرك اذا سويت مثل المره الماضيه بسهرك كل ليله مع الشباب تراني بروح بيت اهلي اذا خلصت فلتك معهم وناستك اذكرت ان عندك بيت ومره تعال الله يحيك محد بيردك ..بس بتشوف علمن ثاني
فيصل :وهو يقرصها بعيونه اشوف بدت تظهر علومك وبعدنا ماردينا عند اهلك ودق جواله يالله هذا محمد وصل
شذى : يو والي يعافيه اتاكد من سخان الكهربه سكرناه ولا لا
فيصل : فصلته توني مشيك على كل شي ونزلوا السلام عليكم
..وعليكم السلام
خالد : واقف عند الباب الي قدام : الحين انا مقلت لك تنطرنا تحت
فيصل: ههههههههه زين الطياره مهي بشارده عنك والكبتن قال ابد ماحلق وخالد مهو بداخلها
محمد: ههههههههههه وش فيك لسى يمدينا على وش مستعجل عليه
خالد: اركب بلا كلام فاضي انت وهو انا وش بلاني اسمع شوركم واجي معكم ما كان رحت بسيارتي اخير لي
الكل: ..العيال ناظروا بعض هههههههههههههههههههههههههههههه
محمد: هههههه الي يسمعك يقول عرسك بكره الي مستعجل هـ الكثر
فيصل: هههههههه خلك منه هذي اخرتها الي ما يبي يعرس شاب راسه يبه الحين
خالد: شابت ركبك اركب ولا يكثر هرجك
الكل :هههههههههههههههههه
شذى دخلت على طول بالمقعده الخلفيه بجانب ملاك وهي تسمع مناوشات الشباب : كيفك ياعسل وتحط يدها على بطنها وكيفه حبيب خالتوا اليوم
ملاك: بعد ان تحسن الكثير من حالها لكنها اصبحت اهدى وصمتها وسرحانها اكثر من كلامها و اليوم خوفها بشكل اخر خجل من لقاء والدتها وعمها يربكها همست : الحمد لله
شذى : وش فيك صاير عليك شي ليه صوتك متغير
ملاك : ناظرتها وهمست بعد دخول الشباب بالمقعد الامامي لهم :سلامتك
أوصلهم السائق الى المطار وكانت مناوشات فيصل ومحمد لرفع ضغط خالد مستمره
حين تكون بترقب وشوق ولهفه لاحدهم تشعر ان الوقت يزيد من طوله عند نزولهم وهبوطهم لارض الوطن زادة خفقات قلبها وشحوب ملامحها لم تطأ ارض الوطن بحياتها وهي بهذا الحال تشعر بخنقه حارقه تلهب جوفها ومغصه فبطنها خافت على جنينها منها طوال الطريق الى البيت وهي تمسح العرق المتدفق من يدها تمنت ان يكون صعد محمد الى جوارها تمسك بيده ليبعث بها القوه مثل كل مره زفرت النفس بصعوبه وهي تنزل من السياره وتصعد عتبات الدرج وهو امامها يصعد بخطوات واسعه دخلت خلفه وشاهدته يقبل والدتها بالهفه ويحب راسها ويديها أزاحت الغطا عن وجها و ارتجاف قلبها لا يتوقف وضيق تنفسها يخنقها سلمت على مي التي اقتربت منها واحمد و رفعت نظرها بانكسار لتجدها كما اعتادت عليه كما هي شامخه بقوتها وحنانها مبتسمه بسمه تحوي الدموع المترقرقه بعينيها ارتفعت يديها تريدها الاقتراب خطت بلهفه لترتمي بحضنها وتتجاهل من حولها احتضنتها وهي تشهق وتزرع جذور شوقها لامها وتسقيها بلهفة دموعها المتدفقه همست برجفه قويه سامحيني ماما انحنت تريد تقبيل قدميها وهي تمسك بها ورفعتها والدتها والدموع تملي وجها المحترق شوق لضناها رفعتها لتضمها وتسكن رجفت بركين شوقها التي تقذف حمم لتطفي رهبت ما رائت بعيون صغيرتها تريد ضم قلبها ابنتها وتحيطه بين حجرات قلبها لتجعله يستكين من خوفه وشوقه لتزرع بداخله ثقه وامل
الكل سكت وتدمع عينه لما يري من شوق بين ام وطفلتها اجل لن تكبر هي طفله حتى لو دخلت وخلفها ضجيج ابنائها محمد سلم على الكل شافها وهي تقترب من والده وهي منكسه الراس كان متعمد بعده يبيها تواجهم وتقوي ثقتها بمن حولها
ملاك : شعرت انها تسير على الجمر وهي تقترب من عمها كيف ستقابله وهي تحمل الخزي والعار لكنه اقترب منها
ابو محمد: قرب منها يوم شاف خجلها ونكسارها الي عمره ماعتاد يشوفه فيها الانكسار الي فيها اعظم من انكسارها يوم فقدة ابوها النكسار الي هي فيه يحني رؤوس الرجال فكيف هي الضعيفه المهشمه علا صوته وهو يرحب بابنه وليس زوجة ابن : ياهلا والله بالغاليه ريحة الغالي ياهلا والله بالحامل والمحمول الحمدلله على السلامه والف مبروك يابوك يتربي بعزك
منى : سحبتها قبل ما ترد : ياربي لين متى بنتظر يكفيكم سلامات وتحضنها بقوه ياهلا بحبيب عمته وهي تبعدها وينه اشوفه وتلمس بطنها ..وينه تكذبون علي
ملاك خجلت منها وضربتها على يدها الي تتحسس بطنها الي مالها أي اثر
محمد : سحبها مع شعرها وهو يضحك وملاك ردت تحضن امها
منى: صرخت : محمد حرام عليك خربت شعري طلع روحي لين صار شبه كيرلي ملاك قومي عن امي .وتصرخ .. يناااس هذى البنت اذا شفتها حاضنه امي مدري وش يصير فيني ..وتحرك يدها على صدرها بضحك احس بغيره غير طبعيه منها وحره هنا
محمد:هههههههه.... وهمس عند اذنها ... كلن يغني على هواه
ملاك: تمسح دموعها وتشم ريحت عطرها المخلطه وهمست بخجل مستحيل تسامح عمرها على صراخها عليها وتفوها بابشع الكلام بوجها من شدة خجلها منها لم تستطع مكالمتها وهي لم ترها همست ودمعه تسقط من عينها : وحشتني وتبوس خدها بوله وتهمس بجوار اذنها بالم شوقها ووحشة غربتها سامحيني ما استاهل اني اكون بنتك
ام احمد: ياقلب امك ولفتها بحظنها ... وبهمس متقطع ..ششش ارفعي راسك محد يعرف شي ..وخلي كلامك بعدين لوحدنا ....مشتها معها وهي تشد على يدها عشان تتماسك وتكتم دموعها وتقتلعها بداخلها وجلسوا وملاك جلست جنب امها وهي ماسكه كفها وكل شوي ترفعه وتبوسه ودها تبكي على صدر امها ويخلونها لوحدها شوي معها لكن استحاله ان تضل لوحدها فهنا تشعر بعبق الاخوه عبق التكاتف في كل مره حين تحضر هنا ترمي كل همومها خلفها فهنا تظهر ضحكتها من قلب مع اخوتها وامها ..
بعد فتره من جلستهم وجمعتهم الي ماخلت من كثير من التعليقات وكانت المفاجئه الي صدمت محمد اكثر من ملاك ان ابوه متفق مع ابو خالد الملكه بكره و ولده مهو بداري ضحك من قلبه كيف راح تكون رد فعل خالد يوم يعرف
منى : جلست على يد الكنب وهي تميل تهمس لملاك : وين الفساتين ابي اشوفها
ملاك : ابتسمت ونظرت رضى امها عنها اعادة جزء من ضحكتها : على ايه مستعجله بكره تشوفيه
منى : تقرصها بكتفها : مالت وطي حسك منتى شايفه البدي قارد تبعك وشلون يناظرني
ملاك : اااي .. ونظرت محمد الي يراقبهم ..وبتسمت له وحركت عيونها طمنته عليها حاسه فيه حتى لو محد فيهم تكلم انه شايل هم المواجهه مع اهلهم بعد معرفتهم ورحيلهم
منى : وهي تقطع نظراتهم المصوبه لبعض بيدها بضحكه وهي تحرك يدها وتهمس : بس كافي هبلتي باخوي قومي فرجيني الفستان
دخلت الشغاله ومعها الشنط والعلب ومنى شهقت وبشكل مسرحي وبصرخه استهبال : فستااااني حبيبي
الكل كان منشغل بالسواليف التفت لها وصار يضحك
ام احمد : لو قريبه منها كان اعطتها علقه على صرختها وخبالها : لا وتبونها تعرس ...وبتريقه ..الحقي عليه تراه يرقص طربان بصندوقه ارقصي معه
محمد : ههههههههههههه ضحك بصوت عالي على تعليق خالته ..خالتي الظاهر مهبله فيك الي صايره تعلقين مثلها
ام احمد : هههههه الله يعين ولد الناس الي بينهبل منها ..وردة لطبيعتها بصوتها ..مخبوله تصرخين عشان فستان
منى : صح خجلت من صرختها بس دارت خجلها بخبالها : يا ويلتااااه حرام عليكي يااماه هذا ليس باي فستان انسيتي ماهو
ههههههههههههههههههههههه ضحكت الكل صدحت بالمكان
ام احمد : لا ستخفت وقعدت
منى : بروح اشوفه ورقص معه دامه طربان وتكلم مي قومي انتي يا برودك ولا كن فستاك بعد معي ادري تبين تشوفيه خلاص اخذت عنك التهزي ..وراحت تركض يوم شافت امها بتقوم لها
مني: لبست فستان الملكه بعد ما طلعت بلهفه : واااااو روعه وتلف وتشوف نفسها بالمرايه لونه درجات النار اورنجي و احمر وعليه بعض التركيبات بانواع اقمشه مختلفه وش رايكم
ملاك:بضحكه : لا بجد راح فيها خالد بكره
مي :روعه شكلك يجنن هذا وانتى من غير تسريحه ومكياج احلى مافيه نعومته
منى: بنات وين امي بديت اخاف
ملاك: بابتسامه : بدري على الخوف فاكره وش سويتي فيني
منى: ملاك حرام عليك انتي غير كنتي معنا ما رحتي بعيله ثانيه ماتعرفينها تصدقون خايفه من اهله اكثر منه
ملاك : جلست على الكرسي وهي تتنهد وتردد بداخلها أي غير الله لا يعدي الي صار علي على احد ابد
مي: بكره ماراح ياخذك بس بيشوفك وفري خوفك بعدين
ام احمد: دخلت عليهم : بسم الله ما شاء الله الله يحميك يمه ويحفظك من كل عين
منى : ترمي نفسها بحضنها بستهبال وشوية خجل : امي خايفه
ام احمد : بسم الله عليك من وش خايفه تعالي اشوف ما بيحتاج خياطه وتضيق
ملاك : لا ماما تمام عليها مي البسي فستانك خلينا نشوفكم الثنتين بفسآتين العرس مع بعض وابي اصوركم وش رايكم
ام احمد :وتبتسم لبسمة بنتها براحه وهي تجلسها وتجلس معها : ايه روحي قيسيه يالله خلصوا خلونا نشوف وش ناقص لبكره..يمه ملاك تعالي ابيك
ملاك ناظرت امها وهي مخنوقه وخرجت معها لغرفت امها
ام احمد : بعد مادخلت غرفتها وسكرت بابها وقفلته لفت لبنتها وحضنتها وهي تمسح على شعرها وصوت البكاء بنبرتها : طمنيني عنك مرتاحه مع رجالك لا تخبين عني يايمه اذا منتى مرتاحه
ملاك : شدت من احتضان امها وهي تشهق بصوت باكي :ماما اسفه وربي اسفه ماقصدت الي قلته لك الله يخليك سامحيني
ام احمد : اهدي ياقلب وروح امك اذا ماسامحتك بسامح مين ..وتدخلها وتجلس معها ريحي قلبي ولا تخبين علي مرتاحه ولا لا مع محمد
ملاك : تمسح دمعت امها وهي تحب خدودها وتهمس وهي ترد تلف يدينها حول رقبت امها وتضمها : مرتاحه لو مهو قربه مني ماكان قدرت اعيش بعد بعدك عني ماما هو عيوني حياتي كلها متسوى شي بدونه
ام احمد : وهي تتنهد براحه : سامحيني ياقلبي ما كان بخاطري اني ابعد عنك
ملاك : وهي تبوس راس امها : لا ماما عمري انتي بحبك بشكل ماتتخيليه ..تنزل راسها على صدر امها وهي تغمض عيونها .. آآآه يا ماما كنت خايفه اقابلك وماترضي عني ...وتبكي بشهقه ...ماكان قصدي خبي عنك وربي كنت خايفه
ام احمد : خبيتي عني شي مايتخبى وجرحني صمتك
ملاك : بكيت اكثر
ام احمد :ضامه راس بنتها تهدي نبض جوفها : بس ياقلبي خلاص معد ابي اشوف دمعه منك ابي ضحكتك ريحي قلبي ولعد تخبين علي اذا امك ماشالت همك معك من يبي يشيله ولي صار امحيه من حياتك ولعد تذكرينه خصوصا عند رجالك اذا هو سترك وصانك ماراح يتحمل يسمعه او يشوفه ماثر عليك بيجرحه حتى لو ما تكلم وترفعها سامعتني
ملاك : هزت راسها وهي ترفع يدها وتبوسها وتمسح بيدها دمعات امها وبصوت متهدج : سامحيني الي هنتك قدامهم ومارفعت راسك بس ابي رضاك صدق راضيه علي
ام احمد : ضمتها بقوه : الله يرضى عليك بدنيته واخرته مثل رضاي عليك ..مرت ثواني صامته لايعبر عنها سوى سكون الصمت و الوله وشوق الى ان استكانت نفسيهما بقرب كل منهما من الاخرى ..ابعدتها عنها وهي تسمع طرقات على بابها ..وتمسح خد بنتها ..لاحد يشوف اثر دموعك روحي اغسلي وجهك ..بعد ما مسحت وجها وعيونها عدلت من بسمتها الي رسمتها بتحكم توجهت تفتح بابها وهي سامعه صوت منى التفتت لملاك الي خارجه من غرفت امها وهي تبتسم وجها محمر فتحت بابها وطرق اصبح بشكل طربي ابتسمت وهي تري جز من الفستان الابيض وصوت منى الطربي من خلف اختها
منى : مخليه مي واقفه بوجه الباب وهي خلفها وتغني بصوت ضاحك :
طلي بالابيض طلي يازهرة نيسان
طلي ياحلوه وهلي بهالوج الريان
وقفت قدام امها وهي تمسك يد مي
واميرك ماسك ايديكي وقلوب الكل حوليك
ملاك وهي تتكي وتلف يدها ع كتف امها وتكمل مع منى بصوت فيه نبرة البكاء وبسمة فرح صادقه من قلبها لهم وهم قدامها بفساتينهم يدمع العين فرح
والحب بيشتي ورد وبيلسان
وكملت ملاك لوحدها وهي تشوف الدموع بعيون امها
قلبي بيدعيلك يابنتي بهالليله الشعلاني
ياميرة قلبي انتي سلمنا الامانه
ام احمد الحشرجه بحلقها فرحتها وهي تشوفهم بفساتينهم خلت الدموع ترد بعينها حضنت مي الي اقرب لها وهي شايفه خجلها اكثر من اختها الي دوم اداريه بخبالها حضنتها واحتوتها احتوى الام الي تعبت ووربت وترحمت على امها والقصه بحلقها اكيد بنت احلام انها تشوفهم وماتحققت
ملاك وتلف يدها على منى ونزلت دمعتها وهي تحرك يدها بمعني لا
ماتنسي اهلك ياصغيره
بعينينا ماصرتي كبيره
ضلي معنا وطيري وطيري ع جناح الامان
باست خدها بقوه ... ماتخيلت ابد فيه كذا ...مي كنك اميره تهبلين
منى : وعيونها لامها : هههههه اكيد حليته صح اعرف اعرف لا تنطقين القالب قالب
ام احمد : اكيد و تحضنها الله يحفظكم لي يارب
مي شردت على الغرفه يوم سمعت صوت احد طالع مع الدرج ومنى معها
بعد ما نزلوا فساتينهم وهم بغرفة منى
منى شهقت بصرخه مع المسج الي وصلها وتغير لونها ولفت تناظر البنات لحقووا علي وتجلس على السرير
مي : خير ايه الي جايك
ملاك : وهي تشوف وجها مخطوف : شو فيك
مي تسحب الجوال وضحكت : وربي مهزله انتي واياه هو بعده يراسلك
منى : تناظرها وتاشر بيدها : وربي لا وترد تشوف المكتوب ..انارويك يالدب وشلون تهدد
ملاك : ضحكت وهي تسحب الجوال منها وتشوفه صدق مهو بصاحي ( الوعد بكره وشوفي من بيفكك منى لا طلع حرت الشهور والساعات والثواني كلها عليك بيوم واحد تراني جالس الحين احسبها عشان يكون العقاب بعددها )
مي : هيه خبله وربي لو ارسلتي له ولا رديتي عليه لأعلم هـالمره ابوي عليك فاهمه
منى : بخوف من بكره : هههههههههه من قلك بس برقصله بكره وهبل فيه وحبه بين عيونه
مي خجلت من كلامها
وملاك : تمددت على السرير تضحك وهي تشوفها تهز وسطها ...ههههههههه ..اااه يابطني
مي : وربي ماتستحين انتي ماعندك حياء
منى : هههههههه ليه تبيني مثلك اذا جاك خشيتي راسك مثل النعامه تخجلين منه ولا دق عليك اذا معنا ماتردين لا حبيبتي هذا زوووجي حلاااال اهبل فيه ..وتلف لملاك الي ميته ضحك وعيونها دمعت ..هيه يالخبله ترى نبي حفيدنا الي مدري باي زاويه منخش وتجلس عندها وتحط يدها على بطنها وتكلمه بعربجيه ....هييه اين كنت ولد ولا بنت المفروض تستحي على وجهك وتبارك لعمتك بكره بيربطونها من رقبتها مع خويلد وبتصير مثل النعجه مااااا ماااا
البنات : ضحكه وحده صدحت بكل الغرفه وهي تشاركهم معها
ملاك : هههههههههه ونفسها بيتقطع من الضحك ..بس دخيلك بس ذبحتيني..آآآه يظهري
مي : وهي مازالت تضحك : وش فيك خلاص انتي الثانيه لا يصير شي لولدك صدق حامل ولا تستهبلون علينا
منى : ههههه اكيد حامل منتى شايفتها تقولين سحليه لاسعتها الشمس مهي قادره تصلب طولها
ملاك : تقوم لها وتضربها على يدها : السحليه بنتك يالدب والله لاعلم عليك محمد
منى : وهي تقوم و تشوف مي ترد فستانها بعلبته : يمه خوفتيني ...الا صدق ملوكه اخوي كوش على دباديب البك ولا بعده
ملاك : بتنهيده وضحكه : هو عندي قلب كله خذها حتى عقلي معه
مي: وهي صدق شايله همها كله من الضعف والارهاق الي تشوفه على وجها : ملاك تحبينه بجد
ملاك:بدلع وتنهيده من قلب : شو بحبه كلمه بحبه قليله عليه
منى: كنت متوقعه انك بتحبينه كذا وتكلم مي شفتي ما قلت لك
ملاك: ليه شو فيه
مي : الله يهنيكم بس كنت خايفه عليك انه يكون بينكم مشاكل
ملاك:نزلت راسها ونمحت بسمتها : لا الله لا يقول اموت لو صار شي بينا
منى: الله يهنيكم ويخليكم لبعض
ملاك: امين .....بنزل عند ماما
ام احمد : يوم نزلوا لها : مي منسقة توها متصله تقول تجي تجهزها بالليل و لا بعد العصر
مي : تجلس على الكنب : خالتى متى قلتي لها تجي
ام احمد: مابعد حددت لها قلت اشوف متى تبونها تجي
مي : خليها تجي في الليل احسن عشان نضمن ان كل شي جاهز
ملاك:بعدني ماني مستوعبه انه بكره فيه لمه وين راح تكون
ام احمد: حست من نبرتها انها ماتبي جمعة الناس : هنا بالصاله
ملاك:وهي تبتسم لامها يوم شافت نظرتها عليها وحبت اطمنها وهي صدق شايله هم يتفتح الموضوع من احد يعرف ماتدري عنه : ليه ماتكون برا بالحديقه مي وش رايك تكون فوق المسبح وتغمزلها بخبث
مي: ههههههههههه والله فكره روعه
ام احمد: نهبلتوا الظاهر كيف فوق المسبح
ملاك: ايه ماما بيتغطاء من الوسط او الجنب وتجي الكوشه عليه ونرتب الطاولات برا
محمد: ناظرها وهو جاي يمشي كان برا يسلم على واحد من عيال عمه تقهوى ومشي شاف لمعة فرح بعيونها ماكانت موجوده جلس جنبها يمسكها مع يدها ويبتسم : بطلي حركات الجنان الي عندك خليها علي بس
ملاك:لفت تناظره وباست خده براحه وفرحه : شوووو انا مجنونه
مي: خجلت وصدت وهي تتكلم : والله حلوه الفكره بنخبر منى عنها بتعجبها
ملاك:لفت تناظرها ومتحمسه للفكره : لا خليها لها مفاجئه كلميها تجي بكره عشان تكون مشغوله وماتنتبه لها
ام احمد:ناظرت بنتها ولحركتها الي ماحبتها منها وكتمت بقلبها : انتم وبعدين مع خبالكم خلونا نحطها بالصاله احسن
مي: لا خالتي كذا احلي وتغير وعشان ما نتعب بعدين بترتيب البيت فاكره كيف تعبنا بملكتي بس من بيغطيه الحرمه ما عتقد تغطيه لنا
ملاك: يا عمري فيه الي بيساعدنا وعينها عليه وتتكي براسها على يده
محمد: لا والله ما الي دخل انا تعبان ما فيني لكم
ملاك: عيوني بعرف انك تعبان بس كله يهون عشان منو بليز حبيبي
محمد: انحرج من خالته باسته قدامهم ولاويه عليه ومرتاح وهو يشوفها تسولف بحماس فقده الفتره الماضيه فيها : امري لله وش الي تبوني اسويه
ملاك: تجيب عامل يغطي وسط المسبح مي كم راح تكون مساحه الكوشه
مي: نكلمها ونشوف بروح اكلمها الحين ........وتقوم تروح للتلفون
ام احمد : ساكته و عينها على ملاك حركات بنتها ابد ماحبتها وهي داريه انها تربيتها غير الي عاشت فيها وصعب انها تغيرها بين يوم وليله
ملاك: وبصوت هامس :حبيبي نبي شموع و ورد نوزعها على بالمسبح شو رايك نروح الصباح نشتريها على ذوقنا
محمد: وهو ياشر على عيونه ( يكلمها باذنها ) حبيبتي عمري احنا محنا بروحنا لا تخجليني مع خالتي لا تبوسين كذا قدامهم وعتدلي شوي
ملاك: تهمس : تخجل مني ما فيها شي اذا بوستك قدامهم خالتو كان هـ الشي عادي عندها
محمد: انتى وش يقنعك الحين انه مهو عادي هنا الكل راح يعلق عليك
ملاك : تنهدت : ما بيهمني أي شي انت وماما راضين علي فرحاااانه انت حبيبي خليهم يعلقوا عادي بيتعودوا بعدين انا ما بدي اتغير انت بيعجبك اني اتغير قلبو
محمد:آآآآآه يالتنى بروحنا كان رويتك وشلون تتغيرين ..ويكلم نفسه انا ماحسبت اشوف لمعة الضحكه بعيونك الي فقدتها لو دريت انها بترد هنا كان جبتك من زمان وريحتك ورتحت
ملاك:رمشت بعيونها ودها ترقص مع رقص تدفق دمها وتصرخ للكل انها مرتاحه وتموت فيه وباست خده بنعومه وهي تسند راسها على كتفه
و اكتملت احلى سهره اسريه غلفها الحب الصادق
اليوم الثاني الصباح
في الصاله الي فوق
محمد: صحي بدري وافطر مع خالته وجالسين يتقهون وابو محمد راح ايشوف اشغاله
ملاك: صباح الخير
...صباح النور
ملاك: تبوس امها بوله وهي تستنشق عبق روحها الحلوه اليوم غير عندها صباح راحه ونتعاش صباح تشعر انها منفتحه فيه مثل انفتاح الازهار وتشع مثل اشعاع الشمس : كيف اصبحتي ماما
ام احمد: براحه انحرمت منها فتره وتمنت انها تظل امام عيونها تتصبح بحضورها معها : الحمد لله بخير ونعمه من ربي انتي طمنيني عنك
ملاك: تبوس يدها : دامك راضيه عني بخير ..
ام احمد : ربي يرضي عليك بدنيته واخرته يارب
ملاك : امين ....تروح عنده وتبوسه وتجلس جنبه وهي بحضنه وحاطه يدها على بطنه :حبيبي متي صحيت؟؟ ليه ما صحيتني معك؟
محمد: لي ساعه انتي ما نمتي بدرى كيف تبيني اصحيك
ملاك: كيفك الحين بعدها بتوجعك وتمسح بيدها على بطنه
محمد: لا راح الالم
ملاك: تبوس يده : ياعمري ان شاءالله على طول خفت عليك البارح
ام احمد: ليه وش فيك يمه
محمد: سلامتك خالتي ما فيني شي بس ملاك تحب تكبر الامور
ملاك: انا لا ماما هو قلبت عليه معدته وصار يرجع كانت بتوجعه طول الليل وهو يتالم ما نام الا على وجه الصباح
ام احمد: ما تشوف شر يمه ما اخذت حليب يمكن من الزفر الي ماكله
محمد: الشر ما يجيك يالغاليه ماعتقد اكلي ماتغير فيه شي بس من تعب السفر وقل الراحه (يده على كتف ملاك الي حطت راسها على صدره) و ما قصرت ملاك عطتني حليب بارد ..ويهمس .. وش فيك ياقلبي
ملاك: تتثاوب: تعبانه ابي انام
ام احمد: روحي يمه كملي نومك بعده بدري على الظهر
ملاك:وهي مغمضه عيونها : لا خلاص معرف انام و مودى مهو عندي
ام احمد: سكتت ونزلت عينها عنها
محمد: يهمس بصوت خافت :حبيبتي وراك سهر الليله روحي نامي
ملاك: لا نبي نخرج نشتري الي خبرتك
محمد: اوكي تبين انروح الحين
ملاك: ايه
محمد: طيب روحي افطرى وبعدين نخرج
ملاك: طلبته بروح ابدل عشان ما اتاخر وتروح
ام احمد: انتظرتها تدخل قسمها : يمه محمد..وسكتت
محمد: امري خالتي فيه شي
ام احمد: بخوف لحال بنتها : امانه عليك يا يمه لا تسوي مثل ابوها
محمد: خالتي وش تقصدين
ام احمد: ياوليدي خلها تعتمد على نفسها ولا تعلقها فيك هـ الكثر لا تسوي مثل ابوها الله يرحمه انا من البارح و ملاحظه تصرفهتا عوضت فقدان ابوها فيك
محمد: يقاطعها: خالتي هي طبعها كذا وهي ما عوضتها عنه لانها لين الحين تصحي من نومها تنادي عليه او احصلها تبكي بغرفته فقدتها له مهي بسهله
ام احمد: والي يعافيك يايمه حاول معها تعتمد على نفسها انت ما عليك غير تحاول وجرب منت بخسران ولا بنتي وداريه عنها قوتها وحنا حولها من غيرنا ماتقدر تسوي شي
محمد: تنهد بصوت : الله يعين خليها كذا انا ماحسبت انها ترد شوي بعد الي جاها ومع الايام بتقوي قلبها وتعتمد على عمرها ماشفتي حالها وشلون كان ومن الباراح تغيرت ورد مرحها الي فقدته كله عشانك راضيه عنها
ام احمد: معرفت وش تقول يكفيها فخر انه تربيتها جميله ماتقدره بثمن بصونه لبنتها وحفظه لها ولسرها
ملاك: جات وهي تلبس عباتها : يالله حبيبي ماما وش رايك تروحي معنا
ام احمد: بدعوة ام صادقه الله يستر عليكم يارب ويحفظكم وشبه دموع بعينها : لا حبيبتي روحوا الله معكم انا وراي شغلات ابي اسويها
ملاك: اوكي باي وتبوسها على خدها يالله حبيبي بعدك جالس وتسحبه مع يده
محمد: وش فيك انزلي افطري ابي البس ثوبي ..لابس بنطلون جينز وتيشيرت
ملاك : تلف يدها عليه : ياقلبي لبسك حلو يالله لا نتأخر
محمد: متبين فطور
ملاك: لا انت اشتريلي وحنا خارجين
محمد: امري لله يالله خالتي ما تبين شي اجيبه معي
ام احمد: سلامتك يمه
محمد: الله يسلمك سلام
بعد المغرب
البيت كانه بصوره مختلفه يشع اضائه وبهاء وتفوح روائح الزهور المعطره بكل ارجائه مع رائحه البخور العوده الاصيله ..
منى: مي الله يخليك ابعدي عن طريقي ابي اخرج اشوف الكوشة
مي: واقفه عند الباب ماتبيها تخرج : لا تخافين يهبل شكلها
منى: ما الي دخل ابي اشوفها
مي : لا بنات عمي الحين اكيد يصلون وش ينزلك
منى: مهم بجاين الا بعد العشاء ابعدي عني ماني بناقصتك الي فيني كافي وتصرخ امي ..امي
ملاك: تفتح الباب : شو صاير
مي : تعالي ستلميها تبي تنزل
ملاك : لا يا قلبي خليها سبرايز احلا
منى: روحو عني بلا سبرايز بلا كلام فاضي تبوني انصدم يوم اشوفها ولا يكون فيها شي واطيح على وجهي قدام الناس يا محلاي ساعتها
مي: ههههههههههه وش فيك لا تعصبين
ملاك: ههههههههه تخيلي شكلك بيطلع حلو يبالي اجهز جوالي واصورك ورسلها لك بلوتوث عروس تتعثر في كوشتها ههههههه
منى: تضرب برجلها بالارض وتصرخ : وجع ملاك..... امــــــــــــــــــــــــــــــــــــي
محمد: وش فيك ليه صراخك واصل اسفل
منى: تعال شيلهم عني ابي انزل اشوف الكوشه
ملاك: مودى حبيبي لا تسمع كلامها
منى: محمد شيلها عن وجهي لا اذبحها الحين
محمد: تعالي ويمسكها مع يدها انتي الحين ليش معصبه كله عشان تشوفينها
منى: ايه
محمد: مي افتحي الباب خليها تنزل
مي: لا بيضيع تعبنا بعدين
منى: تبعدها وتفتح الباب وتخرج جري وهي عند الدرج تصرخ : وينها مابعد جات سوتها
جو خلفها
محمد: انزلي تحصلينها
منى: تقصون على عشان كذا ما تبوني انزل اشوف انها ما سوتها
مي: والله فيه بس مهو هنا
منى: فين حطينها
ملاك : بالحديقة
منى: ليه انا ابيها هنا
وتنزل وهم معها واول ما خرجت
منى: حطت يدها على فمها :لااااااااااااا حرام عليكم
ملاك: وهي تحرك حواجبها : شو رايك
منى: تمسك مي الي جنبها : تجنن بس وش بيقول عني
محمد: وش بيقول يعني هو ما همه المكان يبيك انتي وبس انتم الحريم تهتمون بتفاصيل الرجال ما تهمه
احمد: جاي يجري : مي تقول ماما روحيلها تبيك بالمطبخ وفية وحده فتحت لها الباب تقول الكوفيره
مي: ملاك خلصي عشان اتصلح بعدك
ملاك: لا خلي ماما اول هي الي بتستقبلهم
منى:صرخت فيهم : يالله خلصوني تتعازمون بعد من تزين قبل والله رايقات
الكل: ...هههههههههههههههههههه
ملاك: ولا يهمك ياقمر تزيني انتي وستقبليهم متنازله لك عن هـ الشرف
منى: وجع روحي طلعي قدامي اشوف
محمد: اقول يالحلوه يا شبـيهتي على قولتك لا ترفعين صوتك على المدام والحفيد المنتظر
منى: انقلع انت ومدامك الي ترفع الضغط ولدكم اكيد غثيث مثلكم وتدخل تجري عنهم يوم ناظرها بحده
محمد: ههههههههههههه الله يعين خالد مدري وش تبي تسوي فيه اليوم
ملاك: تلف يدها على يده : هههههههه معليك خبالها بيحبه تقول عكس الي تبي
مي: والله انك صادقة وتروح تدخل
ملاك: حبيبي شوقلت ايهم البس
محمد: تعرفيني احب الاسود لا تحطينه مع أي لون وتقولين اختار البسي الي تحبينه
ملاك: يا قلبي وتبوسه باي بدي روح اتزين
بيت ابو عامر
حين تتمكن الوحده منا وينفر من حولنا عنا اما نزيد قوه وايمان بالله او يتمكن منا ضعف لنثبت لانفسنا انا نستطيع تعويض ما فاتنا لنسعد بلحظات ربما نخدع بها انفسنا انا نبتسم من خلالها ونداري خيبتنا وعيوبنا عن الناس ولا نخشي من يعلم بخفايا انفسنا همست بكلمات خافته وعلت ضحكتها لتملي ثقرها وهمست ثم ضحكت واقفلت هاتفها وهي تسمع صوت عامر وبناته ناظرته بملل اصبحت تمل من الساعات التي ياتون اليها كل فتره لروئيتها لكنها اليوم لن تظل تسمع لتفاهاتهم تريد الخروج اجل حين تراهم تشعر بالعجز لاتريد التقيد بهم لا تريد نعتها بالام لمثل من هم بسنهم تريد الانطلاق والحريه ...حررت نفسها من جميع من هم بماضيها وانشئت صداقات جديده تفتخر بها والكل يراها انها القوه والقدوه اجل هذا ماتريده ان تكون هي من يشار اليها بكل حضور هي من تنخطف لها الانفاس وتدير لها الرؤوس الجميع يبحث عنها لاخذ مشورتها ورئيها الذى يهمهم ..ليس من حولها هنا ينتقدونها على اتفه الامور ..
بمكان اخر عانت بين الجدران خجلاَ وخوفا من المستقبل استمر هروبها ولكن الى متى.. سكتوا عنها كثيراَ وهي تحملت فوق طاقتها : خالتي والي يعافيك ما ابي انزل
خلود: تجلس جنبها على السرير : يا بنتي حرام عليك احنا وش قولنا امس
مها :بتردد من المواجهه : خالتي خليه يروح قبل ابوى ما يجي
خلود: مها هو له شهر ما شافك نزلي سلمي عليه ولا تنسين انه زوجك وابو ولدك وتراني معد لي وجه مع ابوك من كثر ماحط لك اعذار وادافع عنك
مها: خالتي
خلود: تقاطعها : مها اذا صح تعزيني نزلي قابليه و حطي بالك انه غلط و اعتذر ولا تخلينه يمل منك ويدور غيرك انتي حتي جوال ماتردين عليه
مها: بكيت وهي مازالت كلماته لصديقتها ترن باذنها : خليه يدور غيري
خلود: تحط يدها على ظهرها : انتى ولدك بحاجته انه يكون معكم ..لاتظنين اني غافله عن الشوق الي اشوفه بعيونك يوم تشوفين اخوانك مع حريمهم تعوذى من الشيطان وبدلي ونزلي يالله طولنا عليه
مها: تنهدت ...زين ...وتمسح دموعها وتقوم تلبس بنطلون وبلوزه طويله
خلود: تعالي جلسي انا بحطلك المكياج
مها : بس بحط قلوس وخلاص ما لي نفس بشي
خلود : تبيني ازعل منك
مها: لا كله الا زعلك ...شهرين واكثر حصلت الام الي كانت تبحث عنها ام تفهمها وتكون سندها وصديقتها
خلود: الله يرضي عليك ويوفقك ويهدي سرك ويطمن بالك
مها: تجلس : ادعيلي اني اكون حنونه على ولدي مثلك
خلود: وهي تحطلها المكياج : يابنتي انتي حنونه عليه وهو بعد ما جاء على وجه الدنيا بتزيد حنيتك وحبك له اذا شفتيه قدامك بس لا تشيلين هم خلصت حط المكياج وعدلتلها شعرها يالله بنتي
مها : تعالي معي
خلود: مها وش فيك تعوذى وسمي بالرحمن ونزلي
مها : نزلت بخطوات ثقيله ودخلت المجلس وهمست : السلام عليكم
راشد: يوقف : بعدها عنه خلاه يحس بمعزته لها وشوقه لشوفها وقربها : هلا والله وعليكم السلام (يتأمل بشكلها وبطنها الي بدأ يظهر)وش فيك متبين تسلمين علي
مها: راحت وجلست
راشد: يجلس جنبها ويبوس راسها : وش اخبارك كل هذا تغلي
مها: ساكته منزله راسها
راشد : حبيبتي والي يعافيك خلاص عاد والله العظيم محتاج لك انتي ولدي تكنون معي ...حبيبتي ردي علي ليه حرمتني حتي من صوتك ويمسك يدها ويحط يده الثانيه على بطنها
مها : حست بمغصه قويه و ضغطت علي يده واخذت تتنفس بقوه مثل ما قالت لها الدكتوره وشالت يده عن بطنه واخذت تضغط بيدها
راشد: وش فيك وش صار عليك ...
مها: ما ردت عليه وجها احمر من التعب واحنت ظهرها ودمعتها بعينها وتحاول تخفف من الم المغص باخذ زفير و شهيق ..وهي تتنهد بداخلها مهو بوقته اليحين قدامه خليها يوم تكون لوحدها
راشد: مرعوب يلف يده علي ظهرها : ياقلبي قومي اوديك المستشفى لا تنحنين كذا يصير فيك شي ويده على كتفها ويرفعها
مها : مغمضه عيونها تتكلم وهي ضاغطه على اسنانها : بس ..اسكت ..وتاخذ نفس ..شوى وبيروح المغص
راشد: يده على كتفها والثانيه يحطها على بطنها : ياولدي كافي لا اتعب امك يكفي الا انا سويته فيها
مها : انفجرت تبكي بصوت عالي وغطت وجها بيدينها مع كلماته الي جات على جرحها الي تداريه
راشد: حضنها ولف يدينه عليها : ياقلبي خلاص الحين بوديك المستشفى
مها مسكت بثوبه وتبكي بصوت عالي
في الصاله :
ابوعامر: توه جاي : بسم الله الرحمن الرحيم مها وش فيها ويوقف
خلود: اجلس خلها راشد معها
ابو عامر : ايه شفت سيارته بروح اشوف وش صاير عليها منتي سامعه وشلون تصيح
خلود: ابوعامر خليها عسي ربي يهديها و تتصالح معه
ابو عامر :جلس: بس كاسره ظهري اسمع صوتها اذا صدق ماتبيه ماني بجابرها ترد له
خلود: خلها تخرج الي بخاطرها انا البارح طول الليل اكلمها انها ترجعله او ترد عليه اذا اتصل الله يهديهم ان شاءالله ولا تسمعك تقول كذا ترها تبيه بس خايفه انه يهينها مدري وش الي صاير عليها وكاسر ظهرها غير طلاقها
بيت ابو راشد
ابوراشد : وين راشد ماشفته صلي العشاء بالمسجد
ام راشد: راح قبل الصلاه يبي يصلي في المسجد القريب من عمه يبي يزور مرته
ابو راشد : الله يهدي سرهم
ام راشد : بقهر : فاتحلها بيت وجايبلها شغاله وجالس فبيته بروحه له شهرين كل ما كلمته يجي هنا ما يرضي خلاص لا يذل نفسه لبنت عايشه اكثر من كذا اذا ما تبيه يطلقها (ساكن بفله صغيرة خلف بيت اهله ابوه بانيها زمان عاد تشطيبها واثثها )
ابو راشد : انتي وش تقولين يامره جنيتي
ام راشد : انا جنيت اجل عاجبك حال ولدك شوف وشلون صاير لعد ياكل مثل اول والهم راكبه
ابو راشد : خليه هو الي جابه لنفسه ولا فاكر بنات الناس لعبه عنده وهـ الشي رجله وخلاه رجال مهو داشر مثل اول ومواضب على دوامه
ام راشد : ام عامر فضحتنا بكل مكان والله معد لي وجه اشوف الحريم
ابو راشد :وبحده وهو يقرصها بعيونه : خليك فبيتك و مالها داعي هـ الجمعات الي بس غيبه وحش بعراض الناس
ام عامر : انت كله تحط اني انا الغلطانه اقوم اشوفلي شغله بالبيت ازين
ابو عامر: يفتح الجريدة : يكون ازين بعد
راشد:كسرت خاطره شافها مره بحضور ابوها ورفضت تكلمه بس حالها اسوى من قبل الضعف بوجها وبعيونها : مها خلاص بتتعبين كذا انا بكون معك ماراح ابعد عنك ابد ....يبوس راسها يابعد عمري خلاص اهدي والي يعافيك... انتي امري وش تبين وانفذه لك
مها : هديت شوي وتبكي بصوت واطي و مغطيه وجها بصدره العتب الي كابت انفاسها من شهور اظهرته يمكن ترتاح : ليه ..سويت فيني كذا
راشد: يبوس راسها: ما راح اعيدها و ابعد عنك ابد والله احبك وراح اعوضك عن كل شي
مها: تبكي وتناظره بنكسار انثى انتهكت حقوقها بالحلال بيد زوجها لتعرض للكلام الجارح والتشهير والضرر بكرامتها همست بتعب :بتعوضني عن ايش ولا ايش اني ارفع راسي عند ابوي واخواني ...ولا ان امي ترضي علي....امي الي كرهتني ودعت علي .. ولا عن فستان الفرح الي انحرمت منه ...ولا عن كلام الناس
راشد: وهو يتنهد بصوت : سامحيني والي يعافيك هـ الشي صعب اني اعوضك عنه بس خلينا نبدا من جديد اذا مهو عشانا عشان ولدنا
مها : اخاف ترجع مثل قبل
راشد: حبيبتي صدقيني الايام راح تثبت لك اني تغيرت
مها: احنت راسها وهي بقربه وتبكي معد فيها تتحمل بعده تبي حنان زوج وعطفه
راشد : حبيبتي انا بكون معك ولا تشيلين هم شي ابد طول منتي معي
مها : تنهدت بشوق له وبراحه فقدتها : راشد
راشد:آآآآآآه وش كثر اشتقت اني اسمع اسمي على السانك امري ياعمري ويبعدها عنه خليني اشوف وجهك مشتاق لك ويحضن وجها بيدينه ويبوس جبينها
مها : نزلت دمعتها على خدها
راشد: ليه الدموع ويمسح دموعها ....مها عيوني ابيك تكونين معي مقدر ابعد عنك باخذك وتروحين معي بيتنا وش قلتي
مها : رجعت لحضنه
راشد: موافقه
مها : حركت راسها موافقه هي تبيه ومعد تتحمل تبعد اكثر يمكن صدق تغير والايام بتثبت لها ليه تحطم الباقي من ايامها فبعدها عنه
راشد: عمي فيه ابي اكلمة
مها: ترفع راسها بخجل مهو منه من ابوها الي عمرها ماراح ترفع راسها بوجوده ولا بوجود واحد من اخوانها : لا وبتقوم
راشد: مسكها وين رايحه
مها: بتردد بصوتها : بجيب القهوه
راشد: خليك ويلف يده على كتفها ما ابي قهوه ابيك جنبي وبس ما تتخيلين وش كثر شوقي لك ويبوس خدها بكلم عمي اشوف هو فين وياخذ جواله ويتصل ...وعينه عليها ومبتسم صدق مشتاق لها ويحس بلهفه لردتها له ..السلام عليكم
ابو عامر: هلا وعليك السلام
راشد: بلهفه واضحه بصوته : وش علومك عمي ...عمي وينك فيه
ابو عامر:وهو يبتسم : خير عسي ماشر
راشد: ابد سلامتك بس انا عندك بالبيت وابيك
ابو عامر : ايه ادري انا بالبيت
راشد: زين عمي اذا ماعليك امر ابيك بالمجلس
ابوعامر: خير ان شاءالله رضت عليك
راشد:ويبوس راسها : ايه الحمد لله
ابو عامر: الحمد لك يارب ويوقف الحين اكون عندك ويقفل
خلود: خير وش صاير
ابو عامر: ضحكه صامته انرسمت بملامحه :شكله يبي ياخذها معه اليوم
خلود: رضت عليه الحمد لله الله يسعدها ويفرح قلبها يارب
ابوعامر: امين الله يرضي عليك ويخليك لنا لو امها ما كان دعت وفرحت لها مثلك
خلود: وهي بصدق ماتحب يجيب سيرة مرته قدامها وهي ماشافتها نزلت راسها عشان مايشوف غيرتها : هي بنتي
ابوعامر: الله يحنن قلوبهم عليك مثل ما تحنين عليهم وتحبينهم ويروح عنها
خالد: يكلم محمد بصوت واطي ولهفه : قوم خل اختك توقع وبدخل اشوفها الحين
محمد: مبتسم : مهو بكيفك وعلى وش العجله في التأني الخير والبركة
خالد:محمد لا ترفعلي ضغطي قوم شوفه خلص الدفتر بدل المحاضرات الي حفظناها خذه منه وخلها توقع
فيصل: يقرب راسه منه : اقول اركد باين انك تبي شي
خالد: حسبي الله عليكم متفقين علي انتم وهو وش عنده ما ابي اسمع محاضره
ابو محمد: محمد خذ الدفتر خل اختك توقع
محمد: سم يبه
خالد: الله يطولي بعمرك ياعمي انت الي حاس فيني مهو هـ الانذال
محمد: اسكت لا قول اني ابي اسمع المحاضرة ابي استفيد انا معرس
فيصل: ايه خلك ترا محضرته زينه بتستفيد
خالد:وجع قول كلمه عدله او اسكت وانت روح وخلصني ومحضرته هي نفسها الي قالها بعرس فيصل
فيصل: هههههه انا مفتكرها
خالد: ايه يومها عقلك مهو معك
محمد: هههه لاتعصب بقوم حشمه للوالد مهو عشانك
خالد: تكفي يالشيخ خبرها بدخل الحين
محمد: يضحك : انشوف ويقوم ياخذ الدفتر ويدخل وهو عند الباب اتصل ...حبيبتي وينك شوفيلي طريق
ملاك: ياروحي انتظر الحين اجيك شو عندك تبي تدخل (وتدخل البيت كانت بالحديقه عند البنات وشذى وصديقات منى ومشغلين ديجيه ويرقصون )
محمد: ليه ما تبيني ادخل فيه مزيونات داخل
ملاك: شووووووووو عيد ما سمعت شو قلت ما فيه احد مزيون غيري هنا
محمد: اوف يلعن ابو الثقه انا متاكد فيه بسرعه بدخل ابي اشوف
ملاك: وقفت قدامه وقفلت الجوال ويدها على خسرها وبدلع : لا والله ولك عين بعد
محمد: يلف يده عليها ويبوسها : يامجنونه ذبحتيني تدرين كل ماشفت احد يعرس يتجدد فيني نشاط كاني انا الي بعرس ههههههههههه
ملاك:لابسه فستان اسود قصير تحت الركبه و طرفه مطرز بالشرائط على شكل ورود صغيره بالاحمر و من فوق مربوط على الرقبه بشريط احمر ولابسه جزمه مسحه بالارض احمر : ايه الحين مجنونه مين الي يبي يدخل يشوف المزيونات الي داخل هااااااه
محمد: وهو يغمز لها صدق يحس عمره توه يملك مع خالد وبفرحه : انتي المزيونه الي غزت قلبي وعيوني ياغياره
ملاك:لافه يدها على رقبته وتبوسه وبغنج : احبك ... ياقلبي
محمد: وهو بصدق دوخته بعطرها ولمعة عيونها اليوم عنده غير اليوم ردة له قلبه الي فقده الشهور الماضيه : ياويل حالي منك خبلتيني.... وهو يتنحنح .. بيذبحني خالد طولت عليه شوفيلي الطريق ابي منى توقع
ملاك: هو يطول يمس شعره منك كان ذبحته وتلف يدها عليه تعال من هنا بنات خالك فيه فالصاله
محمد: ههههههه من جدك الحين تغارين علي
ملاك: ترمش بعيونها الي زادت من جاذبيتها المسكره والظل االوردي الممزوج باحمر خفيف : شووو بغار من قال
محمد: هههههه بس لا تموتين يامعوده
ملاك: لا مصددق عمرك انت
محمد: اجل بعدي برجع اسلم على بنات خالي من زمان ما شفتهم
ملاك: تلف توقف قدامه : شوووووووو كان ذبحتك وذبحت روحي معك
محمد: يضحك بصوت عالي : ههههههههههههه ويحضنها ويبوس راسها: مجنونه منتى بصاحيه اليوم
ملاك: ايه مجنونه وش عندك
محمد: يلف يده حول وسطها : حبيبتي تعالي لو بظل معك ماراح اخلص طولت على الرجاجيل وطلعوا مع الدرج الخارجي
ملاك: انتظر شوي خلني اشوف يمكن فيه احد داخل بالغرفه
محمد: وبنذاله فيها : ياربي بسرعه لا يجي احد وانا واقف هنا
ملاك: لا والله زين غمض عيونك عشان ماتشوف احد
مي : تفتح الباب : وش فيكم
محمد: مبتسم :تعالي خلصيني منها مسويتلي حصار ماتبيني اشوف احد
مي : زين ادخل ما فيه احد
ملاك : لافه يدها على محمد : مي خليك هنا لا يدخلون بنات خالك ولا أي وحده تقرب لكم ومحمد بالغرفه
مي: وش فيك اليوم
محمد: يدخل ههههههههه حبيبتي لو ابي وحده منهم كان اخذتها
ملاك: مي خليه يسكت والله بيذبحني اليوم ويوقف قلبي
مي: يامعوده بطلي جنان انتي من وصلوا طاردته برا البيت حرام عليك
محمد: خليك منها خلينا فهل مزيونه الحين .....مبروك يا شبيهتي..وده يطلع عيونها قبل توقع بس شايل هم تنهبل عليه هي الثانيه مايضمنها
منى:خلاص التوتر معها ضرب حده وقفت توها لافه شعرها مكر وبعدها ما حطت مكياجها الكوفيره راحت تصلي
محمد: سلم على راسها مبروك الله يوفقك ويهنيك ويفتح الدفتر وقعي عشان تصيرين حرم خالد رسمي
منى: مرتبكه ودموعها بعينها : هو وينه فيه ؟!
محمد: هههههه وشهو وين أكيد عند الرجال تبينه يدخل الحين
البنات ههههههههههههه
منى: خلاص صدق معد فيها تتحمل كلمه بكيت : ابي امي وينها فيه
محمد: يسلم على راسها :خلاص يابنت الحلال اسف ماراح اعلق عليك بس لا تبكين
منىغطت وجها وتبكي : ابي امي نادوها خلاص خلوه يروح ما ابي اتزوج بطلت خلاص
البنات ههههههههههههه
محمد: خلاص سكتوا ويلف يده على كتفها منى حبيبتي اهدي وقعي مافي شي يخوفك
منى: تبكي ما ابي اوقع ابي امي
ملاك: تمسح دموعها وتحضنها : منو حبيبتي حرام عليك خالد يحبك
منى: دمعتها على خدها : وانا احبه بس خلاص ما ابي بظل عند امي
الكل مبتسم
مي: كاتمه ضحكتها عشان ما تعصب عليهم : ياقلبي خوفك عادي كلانا مرينا فيه بس لا تسوين كذا
منى: وهي تغطي عيونها وتبكي بصوت : ابي امي وينها
محمد: وحده منكم تروح بسرعه تنادي خالتي وجلس يحاول هو وملاك يهدونها
ام احمد: دخلت هي ومي وشافتها تبكي : ليه ياروح امك تبكين وش سويتو فبنيتي
منى: تروح بسرعه وتحضنها وتبكي: امي قولي لهم يروحون خلاص ما ابي ..ما ابي ..بطلت معد اقول بعرس توبه بس خلاااص خلهم يرحون ما ابي
ام احمد :بسم الله عليك ياروح امك خلاص ماتبين خلاص مهو بلازم اهم شي انتِ عندي وتجلسها الحين اخليهم يروحون لا تشلين هم انا من اول قلت مهو بوقته العرس بعدك صغيره
محمد : بصدمه : خالتي وش تقولين
راشد: هلا عمي ويقوم ويسلم عليه
ابو عامر : يجلس وش علومك عساك بخير
راشد: الحمد لله وش اخبارك
ابو عامر : الحمد لله على كل حال (شاف مها منزله راسها)خير راشد وش الموضع الي تبيني فيه
راشد: سلامتك بس حبيت اخبرك اني باخذ مها ونخرج نتعشاء برا
ابو عامر : مصدوم توقع بياخذه لبيتها وبحده وعينه على بنته : هي عندك اسالها اذا تبي تخرج معك او لا
راشد: حس بتغيره ومها طالعت فيه وفهم قصده من حدته : عمي انا بكره بسوي عشاء واخذ مها معي لبيتنا مابي اخذها سكيتي كذا وش قلت
ابو عامر: ابتسم سو الي يريحكم
مها : نزلت دمعتها وهي مهي قادره تناظر ابوها وهي سامعه نبرت صوته المتغيره
راشد: مها وش رايك اجي اخذك بكره ولا تبين يوم ثاني ما عندي مانع
ابو عامر: وش قلتي يابنتي
مها : تمسح دموعها وعينها فالارض : يبه الي انت تشوفه انا موافقه عليه
ابو عامر: الله يسعدكم اسمعوا ياعيالي خلو الي صار درس لكم وما يتكرر مره ثانيه وانت ياراشد ما وصيك عليها لا تجيني تشكي منك ماراح اسامحك وقتها
راشد: قام و سلم على راسه امر ياعمي هي عيوني الي اشوف فيها
ابو عامر: تسلم وانتي يابنتي ديري بالك عليه وانتبهي لبيتك
مها : سلمت على يد ابوها وهي مهي قادره تناظر عيونه ودمعتها على خدها وهمست : ان شاء الله يبه
راشد: عمي موافق اخذها ونخرج شوي ماني مطول
ابو عامر : هي مرتك وام ولدك ما عندى مانع مها انتي موافقه تروحين
مها:هي ماودها بس همست بنكسار : اذا انت موافق
ابو عامر : قلت لك ما عندي مانع روحي معه ولا تنسين تاخذين مفتاح البيت
راشد: مشكور ياعمي ماراح نطول
ابو عامر : بضحكه : لو طولت روح بيتك
راشد: هههههه ابشر ماني بقايل لا ......مها يالله عشان ما نتاخر
ام احمد: تاشر له اصبر لان محد يعرفلها غيرها اذا خافت تهبل فيها اذا صدق خافت : محمد انزل خبرهم انها ما تبي
منى : تبكي وترفع راسها عن امها و ما تدري وش تقول : امي ما ابي ...بس خالد لا يروح
الكل : حط يده على فمه عشان ماتظهر ضحكته ومحمد صد عنها ميت ضحك صدق خبله ذكرته اول مره سافر يدرس فيها ماسكه فيه وتبكي وتقله روح
ام احمد: بكل حنيه : ليه يجلس خليه يروح معهم وش تبين فيه مهو ما تبين توقعين
منى: تبكي وترجع راسها على صدرها : امي لا يروح
ام احمد: زين ما تبينه يروح وقعي
منى: اوقع بس اظل عندك
ام احمد:ايه بظلين عندي وترفعها وتمسح دموعها محمد عطني الدفتر
محمد: يتنحنح ..احم ويخبي ابتسامته ويفتحه ويعطيها هو... هنا وقعي
ام احمد: تاخذ القلم وتحطه بيدها: وش فيك وقعي
منى: ودموعها صدق بعيونها مغشيه عليها مهي شايفه تقرأ وتمسحها : انتظري بشوف يمكن كاتبين شي مابيه
محمد ماقدر يمسك عمره هو والبنات ورجت ضحكته الغرفه : صدق منتي صاحيه
مي : صورتها وهي ماسكه الدفتر ..تعشق التصوير والذكريات تحتفض فيها
منى: تمسح عيونها بعد ماوقعت وتنهدت : مايخوف ابي اشوفه ..
ملاك : ههههههه حلو ندخلك وانتى بشكلك هذا عشان يهج
محمد : قرصها وهو يهمس لها بضحكه : اسكتي يالخبله لا تقوم عليك اليوم زايرينها
ام احمد : مبروك يا بنتي والدموع بعيونها : ايه ما يخوف وتبوسها على خدها يالله ياروح امك انا معك خلصي مكياجك وعندك خواتك بنزل اشوف االضيوف عشان اجيك انزلك اسفل
محمد:وهو بعده يضحك يسلم على راسها : اخيرا مبروك ياحلوه ويسلم على راس خالته مبروك خالتي هبيله ونفكيتي منها وطاحت بكبد خويلد ههههه
منى : ضربته بحرقه على كتفه : مالهبيله غير مرتك ولدك مالت عليك
ام احمد: ضحكت لنطتها من عندها عشان ادافع عن عمرها : هههه الله يبارك بحياتك واشوف عيالك
محمد: ضحك صدمته حركتها وخبالها : هههههه صدق حريم مالكم مذهب وخبطها على راسها اعقلي وخلي افيوزات الي ضربت ترد قدام الرجال لا تفضحينا ..وناظر خالته الي تضحك امين وانتي معي ويلف ويسلم على مي... كان ودي انا الي اجيبلك الدفتر انتي بعد
مي : وبخجل : ولا يهمك بتكون معي يوم العرس وتروح بتسلم على منى
ملاك: تحضنهم ثنينهم مبروك حياتي وتبوس امها مبروك ماما
ام احمد: الله يبارك فيك يالله خليك معها وخلصوا بسرعه
منى: امي لا تنزلين
ام احمد: لا شوف دموعك الحين اطلع عندك بس لا اطلع وانتي ما بعد خلصتي مكياج ولبستي بزعل عليك بعدين
منى: هزت راسها مهي قادر تصدق انها وقعت خلاص صدق
محمد: من جد خالتي بناتك دلوعات خصوصً هـ الثنتين وياشر على ملاك ومنى
ملاك: لا والله
ام احمد:على قلبي مثل العسل.... انت بعدك واقف انزل عند الرياجيل طولت عليهم
محمد: ههههههههه حطت علي عجوزنا
ام احمد: انا عجوزك الحين وتوقف انزل قدامي اشوف
محمد: يبوس راسها واحلى عجوز بعد سلام بنات باخذ حبيبتي معي وعينه على ملاك
ملاك: تلحقه وترفع نفسها على اطراف اصبع رجولها تبوسه خده بسرعه : مبروك عليك حبيبي ماما ما بيهم غيرها لا ...ماما وصليه لعند الباب لا يقابل احد
ام احمد: يالله خلني اشوف لك الطريق
محمد: ياويلي من عجوزي مثل بناتها تذبح
ام احمد: هههههه امش اشوف ياكثر سوليفك اليوم
محمد: دخل المجلس : مبروك واعطي الشيخ الدفتر وسلم على ابوه والكل بارك الخالد
خالد : وهو يسلم على محمد ويكلمه بصوت واطي : لا والله كان جلست بعد خاف ربك ياخي فيني قلبي طاح برجليني
محمد:وده صدق يضحك بصوت عالى بس احترام للرياجيل همس : مبروك والله هي السبب مابغت توقع
خالد: وشهو ؟ ليه ؟
محمد: خايفه ....ويجلسون .. الله يعينك طول بالك تراها مره متوتر حط بالك عليها هي اذا خافت تقول كلام ما تحس فيه والله يعين الليله
خالد: بحطها بعيوني بس اشوفها
محمد: ههههه الله يعين ما تبي دلع البنات وجاتك وحده خوافه ومخبله فينا من صغرها
خالد: اسكت ماراح تهز معنوياتي حديد
فيصل : والله وعرست اخيرا
خالد: ايه والله للحين ماني مصدق قبل ما اشوفها
فيصل : ليه تشوفها عادي كلها اسبوعين وتعرس مالها داعي هـ الشوفه الحين
محمد: ايه صادق
خالد: وجع اقلب وجهك انت وهو اخر من يتكلم مخذين حريمكم ومسافرين معهم و حاسديني على كم ساعه تبوني اموت اذا ما شفتها الحين
فيصل : بسم الله من عينك روح شوفها محد ما سكك بس بطل حسد
محمد: هههههه وش فيك خفت منه
فيصل: وش تبيني اسوي كل ما كلمناه قال مخذينهم اخاف يصير فينا شي
ابومحمد: حياكم تفضلوا اقلطو للعشاء
خالد: قوموا روحوا تعشوا خلوني اروق
محمد: قوم يحبيب تعشاء محنا معشينك داخل ههههههه
مها : لين الحين بعدها مهي مستوعه الي صار معها معقوله رد لها مثل ماتبي ناظرت الصناديق الي حطها ورتفع نظرها وهي تشوف انوار سيارته الي تخرج من الحوش دخلت الصاله و شافت خالتها : السلام عليكم
خلود : وعليكم السلام هلا والله ان شاءالله ستانستي
مها : تجلس عندها: ايه
خلود: مها وش فيك
مها : خالتي خايفه
خلود: ليه الخوف هو زعلك بشي
مها : لا بس اخاف بعد ما ارجع له يتغير
خلود: مها لا تحاسبينه على الي فات كل واحد يغلط و الشاطر الي يتعلم من الغلط وانتى قيسي هـ الكلام عليك انتى بعد شوفي حجم اخطائك و ايه الي اتغير منها من الماضي للحين وش الي ستفدتيه منها
مها : تعرفين يبيني البس فستان عرس وشلون بلبسه وانا كذا
خلود: ابتسمت لها : بيطلع حلو عليك بس ليه ما تكلم من بدري عشان ننزل ناخذ أي واحد جاهز الحين متي يمدينا وهو يبي ياخذك بكره
مها: وهي تفصخ شيلتها وتحطها بحضنها : توه اخذني السوق وشترا واحد بس ما ابي البسه وش بيقلون عني اهله وخواني
خلود : تقوم وتجلس عندها صدق حاسه انها بنتها وبتفتقدها تحضنها : ياقلبي لا تشيلين هم احد الكل بيفرحلكم وانتى بطنك صغيره مهي باينه
مها: بس الكل يعرف
خلود: معليك منهم اهم شي تفرحين وتفرحينه انه يبي يشوفه عليك كلمتي الكوفيره تجيك
مها : لا
خلود : ليه خلاص الصبح انكلمها تجيك انا بكلم الحنايه بتكون عندك على الساعه تسعه
مها : ما حب الحناء
خلود: بيطلع عليك حلو حتي انا بتحناء عشانك
مها : وهي منزله راسها : والاثار الي بظهري راح يشوفها
خلود : رفعت راسها ونظرت عيونها : معليك من لاثر الي بظهرك مسيره بينمحي مع الايام اهم شي انك تعافيتي ولا تخجلين منه خليه يشوفه ويعرف كبر خطاه بحقك واصحك يغلط عليك بشي كبير ودارين مثل مارد اخذك ورفع راسك وحس بقيمتك حسسيه دوم ان وراك سند يوقف معك عشان مايحاول يهينك ويذلك
مها : قالتها بصدق احساسها هي الي حتوتها كأم وتفهمتها : خالتي احبك
خلود: دمعت عينها طول عمرها تمنت يكون عندها بنت وتهتم فيها وترعاها ومها زرعت فيها هذا الاحساس طول الفتره الي قضتها معها حضنتها : وانا بعد احبك حيل
مها :حبت راسها وهمست : ابوي نايم
خلود ايه من بدري ايه يسلمون عليك البنات(هند – مريم – نوره ) ويباركون لك ومريم كانت تبي تكلمك وقلت لها انك معه وبتجيك من الصبح
مها : الله يبارك فيك وفيهم وبتردد خالتي امي تدري
خلود: ما عرف بس اذا بتجي الله يحيها
وعلى الساعه 11 دخل خالد ومعه محمد وابوها
منى: كانت بالمجلس ومعها امها لابسه عباتها سلم عليها ابوها
ابو محمد: حس بقصه بحلقه وهو يشوف بنته الصغيره الدلوعه كبرت كيف بيصبر عنها الحين تنهد وهو مهو مصدق كيف الايام تنقضي والحين و بيسلمها لرجالها يحب راسها: مبروك وانا ابوك
منى: تبوس يده وراسه و يوم لمحت الشي الاسود قامت ترجف وضاعة علومها
ام احمد: قربت من اذنها وهي تهمس : سمي بالله وش فيك ترتجفين
خالد: يتأمل فيها وبيموت عليها شكلها بنوته صغيره تهبل بفستانها و مكياجها الناعم وينتظر عمه يبعد ويشوفها زين
محمد: يكلمه بصوت واطي : ياخي استح ابوي فيه نزل عينك عنها
خالد: بيتشقق من الوناسه ويهمس : حلالي زوجتي وش مدخلك معي
محمد:هههههه
ابو محمد: ويده ماسكه يدها الي ترجف : خالد ما وصيك عليها و دير بالك عليها ترها عين من عيوني بين ايدينك
خالد: وهو وده يضحك صدق فيصل يوم قال اليحن يستلومنك توصيه كانك بتاكلها : تفدها الروح ياعمي ولا ازعلها
ابو محمد: تسلم هذا العشم فيك الله يباركلكم
محمد: تقدم قبله يسلم على راسها : مبروك يا شبيهتي ويلتفت الخالد ويقربه صح تشبهني هـ المزيونه ولا لا
خالد:وهو يناظرها من تحت لفوق وعيونه ثبتت على وجها وبضحكه بصوته : الحين تشبه نفسك انت بهـ الملاك
محمد: بستهبال يوم شاف ارتجافها ودموعها : وش جاب اسم مرتي على لسانك الحين
خالد: وهو يناظره بحده يعني خلصنا ماني بناقص استهبالك : خبل انت احد ذكر مرتك
ام احمد وابو محمد ضحكوا على هبالهم
ابو محمد: يالله محمد وراح بيخرج
خالد : حمم ..ايه عمي خذه معك
محمد: يقرصه بعينه : استح على وجهك رفعت الميانه حتي مع ابوي
ام احمد: مبروك ياولدى هالله هالله فبنتي دير بالك عليها
خالد:صدق نسي امها قرب وحب راسها : الله يبارك فيك ابشري ياعمه بحطها بعيوني
ام احمد: خجلت منه يوم حب راسها مقدرت تصده لانها مهو محرم لها وردت للخلف شوي
محمد: ماعندك نيه تبارك لمرتك
خالد: وهو يبتسم : اخرج منها انت بس و مسك يدها وباس خدها
مني :يوم شافت اللاسود قرب منها وهي مهي شايفه غير طرف الي عليه من اسفل ماقدرت تمسك عمرها بكيت مع مسكته ليدها ورجفتها صدق صارت من قلب وحست عقلها بيوقف ويوم باس خدها نفضت يده وقربت من امها وهي تهمس برجفه لامها مع دموعها : امي قوليله يمسك يدي و يبوس راسي (قصدها العكس )
محمد: سمع همسها الي واضح صدق خبله وفصخ عقلها من خوفها وماقدر يمسك عمرها يعرفها بتهبل فيهم فالبدايه وشوي لين تهدى تتمالك عمرها ضحك من قلبه : ههههههههههههههههههههههههههه
ام احمد: محمد بس
منى : بكيت زياده ومسكت امها : امي خليهم يجلسون عندي (خليهم يطلعون عني )
خالد : ضحك صدق مهو مصدق انها هذا كله من خوفها تقلب الكلام وستانس من خاطره عليها وتوعدها لا يطلع عيونها وهي وجها قالب الوان مع لون فستانها كيف لو كان لوحده معها : هههههه ابشري
محمد: ميت ضحك وهو يناظر خالد الي متشقق من الوناسه الاخ
ام احمد: محمد اطلع عنها برا لا تزيدها ...خلاص يمه الحين تنزفين ويروح صح يمه خالد وتبعدها عنها وتمسح دموعها لا تعدمين مكياجك وتخربين عيونك
خالد: يطالع فمحمد الي ميت ضحك وكتم ضحكته : ايه صح منى خلاص ليه تبكين محمد وبعدين معك
محمد: يقرب منها ويحط يده على ظهرها ويبلع ضحكته :منى خلاص ما يحتاج كل هـ الخوف انا بزفك واخذه معي
منى:وهي تمسك بيد محمد بقوه تبي تهدي رجفتها والمصيبه لسانها يعكس الي تبي ومهي قادره تسكت من خوفها : ايه لا يروح
خالد: ضحك ولا قدر يكتم ضحكته
محمد: وهو يضحك ويذكر خبالها زمان يوم تاذى عيال عمه ويوم يبون يضربونها وتخاف تهبل فيهم بقلبت كلامها ويلتفون حولها ويضحكون
منى:تنهدت صدق وتبي كل شي يخلص و تبكي وقلبها مهو راضي يهدى من رجفته : امي
ام احمد: عصبت فيها صدق وهمست بحده وش بيقول عليها الرجال مزوجينه وحده مجنونه : خلاص سكتي لا تتكلمين وتخبصين بالكلام وبعدين امي
خالد: خاف عليها من كثر خوفها يمكن يصير فيها شي بعد محمد و قرب و مسك يدها بحزم : عمه ماتبين تزفينها
ام احمد: ايه تعال مع الصاله خلاص بعدين انخلي التصوير بعد ما تهدا
محمد: خالد ما وصيك
خالد: ياشر على عيونه وراحوا معها
منى: شدته اليدها صدق بتفصخ عقلها وهي مهي قادره تاخذ نفس و لا ترفع راسها وتشوفه
خالد: ماسك يدها الي معرقه ومثلجه بوقت واحد من خوفها ويتامل بشكلها الطفولي ماقدر يقاوم ارتجاف شفايفها وهي تكبت دموعها الي حابستها لو مهو داري بموافقتها شك انها مغصوبه عليه لكن صدق البنات يهبلون بالي ماينهبل همس وهو يميل لقربها : احبك ياقلبي
منى : نزلت دمعتها
خالد : وش الي سويته ماكنت ساكت ازين وقف وينادي : عمه
ام احمد: كانت قدامهم لفت : هلا
خالد: عمه انتظري خليها تهدا وبعدين زفيها ..وذا تبي لوحدها تطلع لهم خليها يمكن ترتاح
ام احمد: شافتها وهي تبكي وخجلت منه بسوات بنتها : لا يمه جلسوا هنا بروح اجيبلها مويه تهديها وانت الكل راح مافي غير اهلك واكيد يبون يشفونك...وراحت عنه
خالد: جلسها وهو يهمس : اهدي حبيبتي وش مخوفك منى حياتي لا تخافين خلاص لا تفكرين بشي الحين غمضي عيونك و اهدي و خذي نفس ...
منى : مافتحت عيونها مهي قادره
خالد : يضحك على عمره وكاتم ضحكته مصدق عمره بيسوي نفسه دكتور عليها تكلم بثبات عشان ماتبان رجفة الضحك الي بداخله : حبيبتي سمعي كلامي بيروح الخوف اهدي اخذى تنفس عميق ايه خرجيه بهدوء لا تفتحين عيونك... كمان نفس
عند الباب الي يخرج للحديقه
مي: خالتي ليه تبكين وين منى متبينا نزفها الحين
ام احمد:خليها تهدى شوي الظاهر غلطت يوم وافقتهم على زواجها بعدها صغير ما تتحمل
مي : خالتي لا تلومين نفسك الحين تهداء
ام احمد: روحي جيبيلها مويه
ملاك : ماما فين منو بنبتدى الزفه
ام احمد : لا انطري شوي
ملاك: ام خالد بتدخل تسلم على ولدها
ام احمد:ياربي كيف تدخل وهي تبكي خليها شوي روحي عندها اتصل عليك اذا هديت
ملاك: وش اقولها
ام احمد: تصرفي قولي لها عمي عندها
ملاك : اوكي ماما حتي انتي اعصابك مشدوده مهو بس منى
ام احمد: روحي وقولي لمي تجيب معها حبوب صداع
مي : خذى خالتي
ام احمد: روحى جيبيلي حبوب اصداع ومويه اختك ما خلت فيني عقل مدري وش ناويه تسوي فيني يوم العرس
ملاك: ماما انتى خايفه اكثر منها ..وقربت منها وباست خدها وبدلع ..اهدى ياحلوو
ام احمد: بحده مهي ناقصه خبال بناتها عليها صدق هي متوتره وتوترها بزياده هي ضامنه بناتها بس ماتدري خايفه لايكون وحده فيهم بعد مخبيه عنها وتظهر فضيحه هي بغنا عنها : روحي للحرمه لا تخلينها تنطر
احمد: معدي من الصاله وشافهم وهو لابس ثوب المحاريد وطالع يهبل عليه ويتكلم بفرحه وبصوت عالي : منى كنت ادور عليك ...
خالد: هلا احمد
منى : فتحت عيونها
احمد: قرب منها وسلم : مبروك ايه تراني لعبت بالسف ورقصتبه مثل ما علمتيني
منى : باسته وهي مهي قادره تصدق راح تبعد عنه
احمد: ويوم شاف بعيونها دموع : ليه تبكين..ويناظر بخالد بحده ... خالد ليه زعلتها
خالد: ههههه بيسوى علي رجال وعينه على منى وبتسمت ما زعلتها هي فرحانه وبكيت زين مارمتني اليوم من فرحتها في المسبح وهي معي وزادت ضحكته يوم عضت شفتها ونهبل عليها ههههههه و تنحنح ...روح نادي امك
احمد: فين ماما
خالد: مدري راحت من هنا روح تحصلها وراح عنهم يتامل بوجها مكياجها ناعم و شعرها تسيحته بسيطه ومنثور فيه ورد احمر حبات صغيره وفستانها من العصر الروماني من فوق الصدر ماسك بقطع متداخله واعلها عباره عن تطريز على تول بلون الجلد يغطي الاكتاف و من اسفل شيفون مع حرير واسع
منى: نزلت عينها بحضنها
خالد: هديتي
/منتد قسم من حي قلم الاعضاء
منى: حركت راسها يعني ايه
خالد : ليه خايفه مني جاك منى شي الي يوترك هالكثر
منى : حركت راسها لا وهي تذكر تهديده رفعت راسها و صارت مثل التمثال ماترمش وهي تشوف ملامحه وحاسه خلاص فصخ صدق عقلها وقف قلبها يهبل شكله
خالد: بتهبل فيه بنظرتها ابتسم وهو يهمس : اول مره تشوفيني ممكن نتعرف وكتم ضحكته يوم شاف امها ونزل نظره
ام احمد: خير يمه وش تبون
خالد: خلاص زفيها اذا تبون ...
ام احمد: الحمد لله تنهدتبها بداخلها : انتظر امك تبي تدخل الحين ..وتمد يدها لها بالكاس خذى اشربي شوي وتعطيها المويه وتروح تكلم ملاك
منى: شربت من المويه تبل ريقها الي جف مهو معقول هو وش بدله ماكان كذا مزيون وبتحط الكاسه
خالد: اخذها منها : تعرفين نشفتيلي ريقي ويكملها ما تخيلتك خوافه كذا
منى: نزلت راسها وتعض شفتها خايف تقول شي من شدة اعجابها فيه
خالد: رفع راسها : لحظه ويعدلها بمكياجها بتقابلين امي و انتي عيونك فيها دموع
جات امه و خواته وسلموا عليهم
ونزفوا على مقاطع في البدايه ميوزك كلاسك وفتح الباب الحديقه وطلت وهي متوتره وضغطت على يده
خالد : اندهش من المكان ماتوقع انها تسويه هنا وبفرحه وخياله يسرح برمنسيه المكان يهمس : احلي مكان اخذتي فيه عقلي وقلبي وبشوفك فيه اليوم بعد ياعمري
المكان ساحر بشكله الخلاب الاضاءه خافته ومسلط عليهم كشاف ولاضاءه من خلال الشموع الموزعه على سطح المويه في المسبح مع الورد والطاولات حول المسبح و المصوره معهم تصور
منى :بخوف يفهمها خطا : مهي فكرتي
خالد: يوم سمع الرجفه بصوتها : حبيبتي لا تبكين ويضغط على يدها وبعد ما انتهى المقطع الكلاسك وهم قريب من المسبح
منى : انتبهت لزميلاتها يصفرون واشرت لهم
خالد: من هذول الاي تاشرين لهم
منى : ليه تناظر فيهم خل عينك علي ولا بالارض
خالد: هههههه واحلي طلب حبيبتي هو عيني تشوف غيرك
منى:وانا بعد حبيبي يوه خلاص تكلم
خالد:كتم ضحكته : اخيرا سمعت كلمه حلوه اقط عمري الحين بالمويه يعني
يوم حس برجفت شفاتهابتبكي
ياعمرى وش فيك رجعتي بتبكين هدي اعصابك وشوفي وش زينك قمر الكل بيحسدني عليك اليوم خلاص اعتبري ما قلت شي
منى: ابي امي وينها ما شوفها
خالد:حياتي عمري هي مهي برايحه عنك وسط الحريم مبتعرفينها اجلسي الحين تجيك
منى: بتوتر زاد يوم شافت اهله كثير الي واقفين : فينها لا تخليني اسبحك الحين صدق
خالد: ههههههههه سويها وهذا الي ابيه عشان اكون معك لوحدي تحت المويه
منى: وهي تمشي على الجسر حست كانه يهتز :يمه بطيح نادي امي
خالد: والي يعافيك خلاص شوفيها هذيك مهي امك الي قدامك
منى: ايه لا تروح عني خليك معي اليوم وبكيت
خالد: منى شوفي امك خلاص وصلنا الحين شوي اخرج عنك سكتي شوي وكتمت رجفتها وشاف امه واخته قربوا منهم ناولته الدبله
وبعد ما لبسها الدبله و قصو الكيك وتصورو خرج في المجلس وجاء عنده محمد ومنى جلست مع زميلاتها وبنات خالها وعمها الي فضلوا ورقصت و رجعت لطبيعتها شوى يوم كان كل الي حولها الي تعرفهم وحتى اهله شكلهم رحوا للعشاء
في المجلس
محمد: هاه وش العلوم
خالد: الله يعين من جد اختك بتهبل فيني ماهقيتها متعلقه بأمها بهـ الشكل بس ليه كل هـ الخوف بكلها انا
محمد:هههههه طول بالك ما شفت شي بعد هي شيطانه اكثر من دلع بس هذا الخوف ماجاها وقلب كلامها غير يوم..وتكلم بنبرة حزن تمناها معهم اليوم ... توفت امي وهي عندها لا تلومها ساعتين وهي تكلم امي وهي ماتدري انها ميته ..ويشد على كتفه ...دير بالك عليها هي نادر يوم يجيها ما يصيبها غير اذا تمكن منها الخوف ..بس ابد مايطول يوم تحس بالامان والكل حولها ترجع بسرعه
خالد : يضغط على يد محمد الي على كتفه وهو قبل خبره عنها بس ما ستوعبها وضنها مزح هي تلعب عليهم والحين صدق يوم شاف ارتباكها ولخبطت كلامها : لا تشيل همها ابد
محمد :الله يريح بالك ما رديت غير عشان اطمن واطمن ابوي خلنا نخرج عند الشباب برا وش مجلسك هنا
خالد: يوقف وينزل الدقله الي لابسها وهو يبتسم : اخرج انت انا بنتظر منى كلمهم خلها تجي يكفيها جلسه معهم
محمد: يالحبيب مافيه جلسه خلاص شفتها وش تبي
خالد: اقول ضف وجهك احسلك ياخي خليني اتهنى شوي واقف لي عضمه فبلعومي
منى: دخلت
خالد: هلا والله بالزين كله
محمد: ضربه على كتفه يوم نزلت راسها : منى تبينه يجلس ولا اخذه معي
خالد: ما يحتاج تسأل يالله ياحلو اذا حضرت الملائكه تهرب الشياطين
محمد: هههههه استخفيت انت انا شيطان منى ترضينها على اخوك
خالد: يمسكها مع يدها : ايه انا رجالها وبتسمع كلمتي
منى : ساكته ومبتسمه
محمد: انا ما سالتك ولك عشر دقائق وبجيك
خالد: بلا نذاله وين انجى عنك روح عندها لا شوفك الا و انت خارج لصلاة الفجر
محمد: هههههههه زين نشوف الي بيخليك وخرج عنهم
خالد : جلسي ياقلبي ولا تبيني اضيفك فبيتكم
منى: بتهور بعد ماراح خوفها وخجلها واضح على نبرتها : ليه نزلت الدقله حلوه عليك
خالد: ههههههههه ياحبني لك تسلم هـ العيون الي هبلت فيني .. بس وش رايك انفع عارض ازياء لدقل
منى : وبنظرت تحدي وشيطنه همست : ايه بس ما ابي احد يشوفها عليك غيري
خالد: امري انتى ايه هذى منى الي اعرفها مهو الخوافه جلسي ليه واقفه
منى : منزله راسها: لا تعال معي بنتصور بالغرفه
بعد ما خرجو الحريم
محمد : بعد ما الكل راح دخل وهو عند الباب : مي تعالي لا تطلعين
مي : طالعه مع الدرج وهي منهده من التعب وصندهلها بيدها : خير وش تبي
محمد: شكله اليوم لقاء الحبايب بنسميه سعد عند الباب يبيك
مي : ما تحركت وعينها على جوالها الي باليد الثانيه
ام احمد: وش فيك واقفه نزلي روحيله بتخلينه عند الباب
مي :لفت وعينها على خالتها : خالتي انا خبرته ما ابي اقابله هـ الثلاث اسابيع
محمد: ما فيها شي روحيله الحين هو يبي يشوفك
مي: هو كل اسبوع شايفني
ملاك : جايه نازله مع الدرج وتدندن (اغنيه مشتاقه لك لمريم فارس ):مشتاقه لك شوق الهوى لروحي ..وحيات عينك ذابت انا روحي ..مي وش فيك بعدك ما بدلتي
مي : ماشاء الله عليك تركتيني مع المصوره تاخذ عفشها وطلعتي قبلي
ملاك: معرف اشتغل بالفستان (لابسه ترنق بيج) يالله بسرعه بدلي والحقيني نرتب الي باقي
ام احمد:بخوف عليها لا تشلين شي ثقيل و انتي روحي لرجالك بسرعه بيجلس عند الباب لين متى
ملاك : ماما مودى وراكي كيف عند الباب
محمد: مهو انتى الحلوه الي جنبك
ملاك: تشهق وتحط يدها على صدرها : خافي ربك مخليته واقفه هنا وتسحبها وتكمل اغنيتها
مشتاقه لك شوق الهوى لروحي ..وحيات عينك ذابت انا روحي ..السبب بعدك حبيبي وتمسكها مع خدودها
مي: بقهر وهي خجلانه من اخوها الي واقف : خالتي شيليها عني
محمد: روحي وخلصينا
ملاك: راحت عند محمد وهي تغني :من زمان مشتاقه انا اشوفك والسبب بعدك حبيبي ....وتقرص خده
ام احمد: بحده : ملاك اذكرى ربك بدل هـ الاغاني سبحي ربك وروحي شوفي الشغلات
محمد: خالتي حرام عليك من الصبح وهي تشتغل معك
ام احمد: بس خلها تشوفهم هم الشغالات يعرفون يرتبون شي اذا الواحد مهو معهم
محمد: يكلمها بصوت واطي: اما خالتي صايره مثل هادم الذات
ملاك: تضربه على كتفه : شووو لا تقول كذا على ماما
محمد: ههههههه هيا روحي شتغلي كنت ابي راحتك وإنتي ما تبين
ملاك: من قال اني بشتغل لوحدي وتلف يدها على وسطه و انت معي حبيبي نشيله سوا
محمد: لا والله وش دخلني انا بشغلكم
ام احمد: وهي ترتب الهدايا وبعدين معكم ...محمد تعال طلع هذى فوق و انزل شيل الباقي
ملاك: هههههههههههه ما الي ذنب ياويلك تقول لا للسلطات العليا
محمد: كله من عينك ظهري تكسر من الوقفه وكمان اشيل هنا
ملاك : سلامتك ياعمري وتبوس خده ماما حرام مودى تعبان
ام احمد: انتم الاثنين لا جتمعتم ما منكم فايده تعالوا بسرعه تبون الفجر اياذن وحنا بعد ما نتهينا خلصوني يالله
محمد: ابشري يالغاليه بس لا تعصبين علينا ويكلم ملاك يالله بسرعه تعالي ساعدي خالتي خليني اروح ازعج خويلد شوي
ملاك: حرام عليك خليهم براحتهم
محمد: ياسلام حنا نشتغل وهم يتغزلون بعض
ملاك: تقرص خدوده ياناس احبك ولا يهمك خلص ولك احلي ليله بتغزل فيك لغايه ما تمل
محمد: تعالي الحين نطلع الغرفه
ام احمد: وهي واقفه بعيد ماسمعت همسهم : محمد يمه وبعدين معك
محمد: خالتي الحين مخليه البنات مع ارجالهم و تحطين علينا خلي عندك عدل شوي ولا اقولك روحي عند ابوي
ام احمد: خجلت وبحده بصوتها : محمد وبعدين معك منت بصاحي اليوم
محمد: البركه بنتك ماخلت فيني عقل
ملاك: ههههه وترسله بوسه في الهواء
ام احمد: وهي تدعيلهم من قلبها صدق راحه تشعر فيها مابعدها اليوم وهي تشوف الفرحه بعيونهم الاثنين وتضحك بداخلها على خبالهم : الله لايغير عليكم و خلص شغلك وخذها وروح محد بيمسكك
ملاك: ماما بنام عندك اليوم فيه ناس نوين علي
ام احمد: وهي تقرص يدها بخجل : بنت وبعدين معك
ملاك : ااااي
محمد: يشيل الهدايا : تستاهلين ماجاك روحي عادي اريح لي
ملاك: وهي تميل على امها : شوووو عيوني ماما شوفي ولدك
ام احمد:تبعدها عنها : انتى البديتي تحملي الي يجيك ولدي مهو بغلطان
ملاك : ماما حرام عليك امزح ..وتمسك فيه وبغنج ميدو حبيبي بهون عليك ترتاح فبعدي عنك
محمد: مبتسم : خالتي شيليها عني لا اطيح الي بيدي
ام احمد: هههههههه ما منكم فايده روحوا خلوني اخلص شغلي
محمد: ههههههههه افا انا مامني فايده يالغاليه ..ملاك لا تزعلين خالتي بسرعه ساعديها وين تبيني احط هذى
ام احمد: خذها لغرفه منى
عند الباب
مي : السلام عليكم
سعد : هلا والله وعليكم السلام ويسلم عليها ويبوس خدها ....وش هـ الزين حرام عليك ما تبيني اشوفك يالظالمه
مي: لابسه فستان برنزي ناعم بكم طويل ولنص الساق وعلى الخصر حزام عريض ذهبي : ليه احنا متفقين هـ الفتره ما تشوفني
سعد : لا والله وش بيصبرني عنك ثلاث اسابيع ....مثل ما شفتك اليوم بشوفك بقيه الايام عشان ما تتحديني
مي: سعد
سعد: يلف يده على كتفها : عيونه تعالي نجلس هنا
مي: تسلم عيونك ابي اروح اساعد خالتي نرتب البيت
سعد : تعالي مهو طاير الشغل
مي: همست بخجل : حبيبي خالتي تعبانه حرام تشتغل لوحدها
سعد: عندها الشغالات ومرت محمد وكلها عشر دقائق ورايح ويجلسها على الكراسي الي بالحديقه
في المجلس :
خالد :وهو يتامر : لفي ابشوفك عدل
منى: كانت واقفه بتاخذ العصير وتعطيه له ناظرته بحده على كمته وبصوت واطي : لا والله وش قالولك وش رايك امشيلك مثل عارضات الازياء احسن
خالد: هههههههههههههه لا ارقصي
منى: خالد هاااااه العصير بيدي بشربك هو ترا
خالد: هههههههه احبك بس دخيلك لا تروشيني به... خلاص تعالي جلسي هنا
منى: ونزلت نظرها وهي تتمنى خلاص يخرج صدق حاسه بتنهبل
خالد: ههههههه تعالى و يوقف و يا خذ منها العصير ويحطه على الطاوله الحين ليه متبين تجلسين جنبي وش بسوي فيك يعني
منى: تعرف حركتك قبل شوي
خالد: هههههههه هاه وش رايك فيها بس ودي اعيدها ويقرب بيمسكها
منى: والله اناديلك امي ..التزم حدك عاد خلاص
خالد: هههههههه امك الحين عند ابوك ياحلوه
منى:بحده : خالد
خالد: ههههههه ويشيلها بين ايدينه مثل الطفل
منى: وهي صدق خجلانه منه ودها تكفخه : ياويلي خلاص معد اتحدى معك بروح عند أمي تبيني
خالد: يبوس خدها احلمي تخرجين من هنا عشان ما اشوفك بعدين يالله بوسيني ولا ماراح انزلك ..باسته على خده ... وروح ويحطها على الكنب ويجلس جنبها
منى: وجها احمر: مجنون
خالد: انتي السبب تحملي الي يجيك مني تعرفين مره شفت فلم والبطل شايل البطله و من يوم شفتك وانا اتمنا اشيلك و لا تخافين الصور بتطلع اكيد حلوه مع الحركات الي اضافتها المصوره
منى: وجع ما صدقت هي ..وانت بطل تتفرج افلام
خالد: ههههههه منى قلبي وش رايك اخذك من اليوم
منى: فرصعت عيونها فيه : وشووووو لا عيوني انا ماروح من عند امي انت وعدتني
خالد)الله يعيني عليك بس ):اوكي ممكن ننبسط الحين وتنسين الموضوع
بعد ما خرج من عندهم
وخرجت وكانوا البنات بغرفتها ينتظرونها
منى : بسم الله وش تسون هنا
ملاك : ههههههه ننتظر الاخبار
مي : هااه يالخوافه وش صار عليك
منى : وهي ترمش بعيونها ودور : ياقلبي دنا منى والاجر على الله مالت علي قال ربكه وخوف وتتربع بفستانها على السرير ..ياحليله طيبوب..مدري وش الي وقف قلبي يوم شفته فالبدايه
ملاك : ههههههه صدق ياحليلك
مي : عسى بس ما هبلتيه بكلامك
منى : ههههههه ابد ابد بس حسيته عادي كاني جالسه معكم اخذتها سوليف تصدقون تعبت وانا متنصبه كان ودي اتربع
ملاك : هههههه تسوينها
مي : تشهق خبله انتي ما باقي الا تقولين طاقته وانتي تكلمينه
منى : ههههههههههههههههههه عادي نسيت عمري رفسته مره برجله يوم التصوير والمره الثانيه ضربته بكتفه..يالله ياحبايب ماما كل وحده على غرفتها ما معي غير نص ساعه ابدل..وترمش بعيونها ... ويكلمني بعلي المصون
ثاني يوم :
ملاك راحت زارت عمها العصر وبعد ما رجعت الكل مجتمع بالصاله
ملاك : سلمت على راس عمها وهي بعدها تشعر بالخجل منه ماصارت مثل قبل تقدر تحط عينها فيه وهي تكلمه وهي منزله عينها : اخبارك عمي وينك ما شفتك اليوم
ابو محمد : الحمد لله كان عندى شغل ومعزوم على الغداء عمك وش اعلومه عساه بخير
ملاك: طيب الحمد لله ويسلم عليك
ابو محمد: الله يسلمك ويسلمه
ملاك : سلمت على راس امها وجلست: ماما تسلم عليك عمتي ام ابراهيم
ام احمد: الله يسلمك ويسلمها عساها بخير
ملاك: الحمدلله بخير
ابومحمد: محمد وينه مهو هو الي جابك
ملاك : ايه كان وراي داخل.... ماما انتي مهو خبرتيني ان مها صار فرحها
ام احمد: ايه ليه تسئلين
ملاك : لانه عمي عزمنا اليوم فبيت عمي ابو عامر لفرح مها
منى:وهي تتثاوب مالها غير ساعه قايمه ودها ترد تنام : ليه امي ما خبرتيها انها تطلقت
ملاك:بصدمه وهي تناظر منى وامها : شوووووو
ام احمد :بحده : منى كم مره اخبرك ما تتكلمين عن الناس
منى: امي ليه تخبين هي بنت عمتها وانا ما جبت شي من عندي
ملاك : ماما وش صاير انا تصدمت لما عمي خبرني وخفت اتكلم
ام احمد: ما صار شي
منى: لا صار والكل يعرف
ام احمد :منى لا تتشمتين بالناس وتعوذى... الله لا يبلانا
منى: امي خليها تستاهل امها الي جاها من كلام الناس لين الحين حرتي مابردت بالي سوته فبيتنا بس بنتها هي الي كسرت خاطري
مي: ايه خالتي منى صادقه
ام احمد: لا منتن بناتي انا ماربيتكن على الحقد
ملاك: فهموني وش الموضوع
منى: انا افهمك ياستي الموضوع ومافيه انها خرجت مع رجالها من دون علم اهلها وحملت وطلقها و عمتك ضربتها ودخلت المستشفي ورجالها رد رجعها وهي رفضت ترجع معه
ام احمد: بزعل وضح بنبرتها : ياحبك لنقل التفاصيل
ملاك: وحملها صار عليه شي
مي : لا
ام احمد : انتي تبين تروحين اليوم لهم
ملاك: عمي كلم محمد عزمنا كلنا حتي عمي ناصر
ام احمد: خلاص اذا كذا اروح معك وخواتك صعب ما باقي على عرسهن شي
ملاك: ماما كيف تبين تروحين بيت عمتي عايشه انا ما ابي اروح
ام احمد: هم خبروك انه عند بيت عمتك ام عامر
ملاك: هو قال فبيت عمي ابو عامر نفس الشي
منى : لا يحلوه هذاك اول
مي : عمك طلع متزوج وعنده بيت ثاني من زمان ومها عند مرته الثانيه
ملاك: وهي فرحانه : لالالا مهو معقول كل هـ الاحداث الخطيره تصير وما اعندي علم
منى: شفتي كيف كله من امي تقول انا اخبرها وما درينا انها ما خبرتك
ام احمد: توقف وهي زعلانه : لالا منتن بناتي الي ربيتهن ..ابو محمد هذول بناتي ما صدق انا ماربيتكم على الحقد والشماته بالناس وتكلون بلحمهم
ابو محمد: بس عاجبكن زعلتن امكن خلاص خرجتن الي بخاطركن
مي : لا يبه ما نقصد انه شماته بحد خالتي لا تزعلين
ام احمد: لا كملن كلامكن بالناس وتروح
البنات راحوا مسكوها
ملاك: ماما ما نقصد شي
منى: والله امي توبه خلاص بس لا تزعلين علينا
مي: تسلم على راسها : يالغاليه والله ما قصدنا و محنا شيلين عليهم شي يهون عليك تزعلين على بناتك
محمد: دخل وهم يعتذرون منها : وش فيكم وش مسويات
ابو محمد: زعلن امهن ويستاهلن ما يجيهن
مي: يبه والي يعافيك لا تزيدها خالتي وتبوس راسها خلاص
ام محمد: الحين وش كباركن بتفتحن بيوت و بتجلسن تغتابن بعراض الناس
ملاك: تبوسها : تؤبري البي ان شاءالله ما نعيدها مره ثانيه ويرجعونها يخلونها تجلس
منى: امي سامحينا معد نجيب سيرة العله عايشوه بشي
ام احمد: برضك بتتكلمين فيها
منى: ياربي والله ما احبها والمحبه من الله وش اسوي يعني
محمد: ما تسوين شي قومي روحي المجلس خالد جا
منى: نعممممم ليه جا الحين قال بيجي بعد اذان العشاء
محمد: روحي وسئليه ويجلس
ام احمد: روحي وشوفيه جا وخلاص
منى: زين بطلع البس ليه ما تصل قبل ما يجي
محمد: وين حاطه جوالك اتصل ما تردين
منى: توقف :يوووووه.... نسيته فوق
احمد: يجري داخل من الحوش : منى خالد جا بروح اجيب البلاستيشن وخليه يلعب معي
منى: تحط يدينها على وسطها : لا والله احلف انت بس ياويلك لو شفتك عنده امي امسكي ولدك لا شوفه
...الكل ضحك
ام احمد: حسبي الله على عدوينك يا بنت استحي
منى : يا سلام يعني الواحد ما يقول الحق بهـ البيت سبيت بعايشوه العله عساها الموت زعلتي علي تكلمت عن رجالي قلتى استحي
ابو محمد:وهو يضحك على حركاتها : منى بطلي خبال
ام احمد: الله يعين الولد بتخبلينه شفتوا قلتلكم مهي وجه عرس ما سمعتوا كلامي
محمد: خالتي ما عليك منها بيعقلها خويلد
منى: خويلد بعينك .....وتلتفت على امها .......امي حرام عليك ليه تبين تقطعين رزقي
الكل : هههههههههههههههههههههههههههههههه
ام احمد: ياربي من السانك هذا الي متبري منك خلاص ابو محمد خله ياخذها معه من الحين ويريحني من خبالها
منى: ياســـــــــــــــــــلام ما تبيني اسوي عرس وشمعنا بناتك ولا انا بنت البطه السودا هاه
محمد: ههههههههههههه امشي تعالي روحي عنده وفكينا من خبالك
منى: مهو بكيفك بطلع البس محد قله يجي الحين.. انت روح عنده
محمد: لا والله بتروحين بالي عليك عشان تبطلين خبال وتوزنين كلامك مع خالتي ويمسكها مع يدها ويمشيها
منى: يبه فكني من ولدك حرام عليك فك يدى
ام احمد: لا خلك عشان تتادبين مره ثانيه وثمنين الكلمه قبل ما تقولينها
منى : امي حرام عليك تبيني اروح كذا كاني شغالتكم (لابسه برموده ابيض واسع كانه تنوره من وسعه و بلوزه كت الوان متداخله فوشي وشعرها رافعته بشباصه و مهي حاطه مكياج غير روج فوشي لامع )
محمد: ايه وش زينك قمر تبين تطلعين ومعد تنزلين
منى: محد اخذ رايك والله انزل ملاك بطلي ضحك وجع وشيليه عني
ملاك:هههه حلال فيك الي يسويه
منى: و الله اراويك ياملاكوه ...يبه امي شلوه عني
ابو محمد: خلاها تطلع لا تزعلها
محمد: يبه هذا كله من دلعكم لها انت وخالتي امشي اشوف ويروح بها على المجلس يسحبها
بيت ابو عامر:
مريم : مها وش فيك
مها : تنسدح على السرير : تعبت من الصباح جالسه وجعني ظهرى
مريم : الي يبي يحط الحناء يتحمل جلسته
مها : حطيته كله عشان خالتي تصدقين طلع حلو وتشوف ايدينها ورجولها (اول مره تتحناء)
مريم : ايه مشاءالله حنتها خفيفه وحلوه
مها: غريبه العاده تحبين تتحنين ما تحنيتي
مريم : تبيني ابتلش وشلون احطه وانا كل شوي اكرمك الله رايحه الحمام
مها : رجع لها المغص : آآآآه بطني
مريم: وش قالت الدكتوره معطتك له شي
مها : لا تقول عادي لاتوترين نفسك ولو زاد يمكن استخدم علاج التثبيت والله متعبني كثرت المغصات مهي مثل اول
مريم: ارتاحي ولا تتحركين كثير
مها: امانه عليك شايفتني اتحرك خالتي ماتخليني اقوم اخذ كاسه مويه تقولين اتحرك
مريم :وبالم تكبته قهرها على امها الي كان ودها هي الي تكون كذا : ايه والله.... الله يسعد ابوي فيها..ولا يغيرها
مها : وهي تناظر اختها وبصوت هامس خجول : مريم امي مهي بجايه
مريم: مدري عامر خبرها
مها: وش قالت
مريم : خلاص معليك لاتشلين هم احنا معك وافرحي ياعروسه
مها: أكيد متبي تشوفني صح وبكيت والله يامريم اني مشتاقه لها ليه تسوي فينا كذا ما تبيني انا ويزيد ليه وش سوينا لها ليه ما تسامحنا
مريم: حبيبتي لاتنكدين عمرك انتي عارفه طبع امي وتعودنا عليه قومي تجهزي عشان تخلصين بدري
مها: دق جوالها : مريم والي يعافيك اعطيني هو
مريم: تاخذه من على التسريحه : راشد
مها : مبتسمه ايه عرفته من النغمه
مريم : الله يسعدكم و لا يغير عليكم
مها: امين وترد عليه ..هلا
مريم تاشر لها وتخرج وتسكر الباب
راشد: هلا عمري اخيرا رديتي ما صارت حناء حطتها
مها : معليش حبيبي
راشد: حبيبتي وش فيك صوتك متغير
مها: لا مفيه شي
راشد: ليه كنتي تبكين احد مزعلك
مها: بكيت : امي مهي بجايه
راشد (الله لا يجيبها ): معليش حبيبتي هي للحين بعدها شايله علينا بعدين مع الوقت بترضي عليك
مها : تبكي : مدرى امي قلبها قاسي هي للحين ما رضت عن يزيد وهي تحب العيال ماهقيت بترضي عني
راشد: ياعمري لا تبكين تراني بجيك الحين اذا بظلين تبكين ومهو بلازم العشاء
مها: لا حبيبي خلاص... وتسمع موشر السرعه ...انت وش عندك الحين
راشد: في الطريق بروح للحلاق انتى خلصتي
مها: لا بعدني ....زين لاتسرع تراني سامعه الموشر ...وتثاوبت
راشد: ولا يهمك هاه نزلنا السرعه .........وش فيك تبين تنامين
مها : وتتغطاء : ايه جاني النوم ابي انام شوى ما نمت اليوم
راشد: يابعد قلبي ليه مانمتي الكم ساعه الي وانتي متحنيه
مها: اول مره احطه معرفت انام تعرف ما حبه وكله عشان خاطر خالتي
راشد: اوكي حبيبتي انا وصلت الحلاق نامي الحين واذا خلصت اكلمك
مها: ايه الله يسعدك حبيبي كلمني ما ابي اطول وتتثاوب
راشد: ههههههه ياقلبي شكلك رايحه فيها احلام سعيده
مها: وانت وياي قلبي باي
راشد: امين باي
محمد:دخلها وهو يضحك الي تفك منه كل شوي بجه : يالله استلم لاخرجت وما رجعت ما الي دخل
خالد: حرام عليك ليه تسحبها وش سوت
منى: تدخل وراى محمد: الله يخليك خالد غمض عيونك
محمد: ههههههههههههه
خالد: ليه وش فيه
محمد: متبيك تشوفها مهي كاشخه العروس
منى: وتخبطه على ظهره وهو شاد على يدها اليسار : وجع محمد اسكت انت السبب
محمد: هههههه لا والله ومن الي يطول لسانه
خالد: يلف يشوفها وهو يضحك : والله قمر
منى: توقف قدامه وتبعد عن محمد وبحده ويدينها على سطها : انت وش عندك ما تتصل وجاي بدرى و انت خارج ثنين
محمد: هههههههه حطت عليك..ويخبطها على راسها ..استحي ونزلي يدينك
خالد: ههههههههههههه والله العظيم انتي فله وين كنتي عني من زمان
محمد: ههههه هذى اخرة الي ما يبي العرس انخبل
منى: انت الخبل مهو هو .... بعد من قدامي ابي اروح
منى: عصبت عليهم : بعدوووو ...وبكيت كله منك انت السبب ....وتكلم محمد ...بعد عني معد احبك قال شبيهي قال
محمد: ههههه انتي الي شبيهتي ومحد قلك تجين بعدي
خالد: منى خلاص روحي البسي وتعالي ماصار شي وترا الي عليك يهبل
منى: قهرها محمد بصدق وبصوت باكي : بعد ايش.. وتجلس بعصبيه .. ما ابي اروح خلاص وانت اطلع لا شوفك بردها لك صدقني
محمد:ههههههههه والله انك قمر خالد اطلع روح المجلس الي برا ما تسمعها تبيك تروح
منى: وشهو انت الي تروح مهو هو
محمد: ههههههه طيب ردتيها وطردتيني
منى: لا بعدي بردها لك
خالد: يجلس عندها ويمسك يدها : ليه العصبيه الحين عشان لبس انا كل يوم بجي اشوفك
محمد: لا والله وش رايك تبات عندنا
خالد: تسوى فيني خير بدل الروحه والجيه
محمد: ريح راسك وخذها معك
منى:تحسست من كلمته ودموعها على خدها : لا والله قول مثل امي بعد هو بيجلس بهواه انا اروح لا
محمد: عينه على خالد ويجلس جنبها وهي تبكي صدق كسرت خاطره : منى كلها اسبوعين وبتروحين معه حاولي تاقلمين نفسك على هـ الوضع من الحين
خالد: محمد مهو وقته هـ الكلام (لانه البارح حس انها مهي متقبله بعد انها بتبعد عن اهلها )
محمد: لا ياخالد خلها تستوعب انها بتخرج من هـ البيت
منى: غطت وجها بيدينها وتبكي : لا ما ابي اروح عن امي هو يجلس عندي
محمد: ياشرله بمعني شفت ما قلت لك: ليه وافقتي تزوجين اذا ما تبين تروحين عن خالتي
منى: امي اقنعتني
خالد:حبيبتي كيف تبين تكملين دراستك برا
منى: تمسح دموعها وتناظر فيه : من قال بروح لوحدي باخذ امي معي
محمد: ههههههههه وشلون بتاخذينها وابوي يجلس لوحده
منى: يروح معنا
خالد: و انا وين بكون
منى: عادي معنا
خالد: هههههههههههههههههههه امرى لله زين انك ما حذفتيني من القائمة وضمتيني معكم
محمد: ههههههههههههههه الله يعينك ويوقف تفاهم معها سلام
خالد: على وين وش عندك
محمد: خذ راحتك معزوم على عشاء عند اهل المدام
خالد: وعمي يبي يروح
محمد: هو معزوم بس مدري
خالد: اذا بيخرج خبرني مني بجالس فلبيت وانتم منتم فيه
محمد: زين وترى ماراح نطول اذا بتجلس وراح بيخرج
خالد: اذا منى بتعزمني على العشاء ما عندي مانع
منى:وترفع راسها : أكيد ولو
خالد: انتي بتطبخينه
منى: وشوووو لا عيوني عشان توجعك بطنك بطلب عشاء من المطعم
خالد: هههههه يعني اعتراف انك ماتعرفين تطبخين
منى: لا من قال اعرف بس وامي معي عشان تشتغل وانا اتفرج
خالد: ههههههههههههههههههه
محمد: لا تعب عمرك اذا بتطبخلك اندومي او تقلي بطاطس ورز ابيض واحيان محروق هههههه
منى: لا والله تتريق حضرتك ومرتك ماتعرف
محمد: وش عليك من المدام انا مابيها تدخل المطبخ انتي رجالك الي يباك تطبخين
خالد: من قال ابيها تدخل المطبخ
منى: تعايب بالسانها لمحمد : كشيمه
خالد: ههههههههههه قسم بالله انك طفله
محمد:ههههههههههه ولا راح تكبر
منى: تخبط خالد بيده : لا تتريق علي معه
محمد وخالد : ههههههههههههههههههه وخرج عنهم محمد ودخل الصاله
ابو محمد: وش فيك تضحك
محمد: عندك وحده مجنونه متي تبي تكبر ما أعرف
ام احمد: الله يعين مدري وش بتسوى لوحدها
ابومحمد: ترجع تعقل
محمد: خالتي استعدي تبي تاخذك معها اذا سافرت
ام احمد: الله يكون بعونا قلتلكم بعدها صغيره على العرس ما سمعتم كلامي وشلون بتفتح بيت وتكون مسؤله عنه
ابومحمد: لا تخافين عليها هي الحين عشان انتي معها بكره تعتمد على نفسها
ام احمد: الله يكون بعونها ...محمد روحو انتم ابوك مهو برايح ماني برايحه
ملاك: ماما حرام عليك كيف تبيني اروح بروحي
ابو محمد : لا بتروح معك ام احمد كيف تردين العزيمه انا لو ماني بتعبان كان رحت
ام احمد: زين اتصلي عليهم وشوفي هي فين اذا فبيت عمتك ماني برايحه
ملاك : اوكي
بيت يزيد:
يزيد: يعدل بشماغه عند التسريحه : ياقلبي يالله تاخرنا ..ويلف ويجلس عند عياله على السرير وهم نايمين
هند: لابسه جلابيه فخمه وخارجه من غرفه الملابس: زين كاني جيت بس البس عباتي .. وش تسوي فيهم ..وتقرب منهم وهم باجمل منظر بعينها ابوهم كاشخ وكانه معرس وجهه مثل البدر وعيالها بلبسهم الابيض وداخل عليه المخمل السماوي باطرافه مطرز وملبستهم قبعات مخمل
يزيد : بضحكه وهو يهمس : ضيعتهم من بعض قلت لك لا تلبسينهم مثل بعض ماعرفهم ..ويبي يفك ملابسه عشان واحد فيهم فيه شامه فبطنه
هند : مسكت يده : حرام عليك خله ينام الي معك مشعل وهذا مشاري
يزيد : وهو يناظرها وبخبث : ابي اعرف وشلون تعرفينهم وشون
هند : ترد ترتب ملابس مشعل وتبعده عن ابوه : واضح الفرق بينهم بس انت ما تنتبه
يزيد : وين واضح ..سكت يوم شافها مهي معه وجامعه كفوفها
هند : خلصت قراءة المعوذات والاخلاص ثلاث مرات ونفثت بكفها ومسحت على عيالها وعلى زوجها وعلى نفسها
يزيد : سحبها و مسك يدها وهو يبوس باطن كفها : مثل ما وعدتيني ما تنزلينهم لناس وحد يشوفهم
هند : ياعمري الله بيحفظهم بحفظه احنا الي علينا نحصنهم وماراح انزلهم لناس لا تخاف مهو اني خايفه من العين لا خوف عليهم مابعد ردت صحتهم وما راح يتحملون انفاس والعطور..قوم عنهم لو بتجلس عندهم بتصحيهم
يزيد : وهو يوقف ويلف يدينه حولها : لا يكون غيرانه منهم
هند : وهي مبتسمه : حرام عليك بغار مثلك من عيالي شوف وش مسوي بخدودهم وتبيني اخليك
يزيد : ضحك بصوت وهي حطت يدها على فمه تكتم ضحكته بعد يدها وباس خدها : محد قلك تغطين رجولهم عني مهبله فيني رجيلاتهم من صغرها ودي اكلها
هند : وهي تقرص عينها فيه وبضحكه : بردها لك لا تداري عضتك لمشاري شفتها
يزيد : ههههههه ماعضيته بس هو حساس مثل امه مهو مثل مشعل
هند : ايه واضح ... وتبعد عنه وتحطهم بمهدهم المحمول وتلبس عباتها وهم نازلين دق الجرس
يزيد : حط عياله على طاولة السفره ..انتظري اشوف مين
استودعكم بحفظ البارئ
02-03-10, 04:39 PM
جديد مواضيع قسم القصص المكتمله من وحي قلم الاعضاء
العرض العادي
