كاتب الموضوع :
غيوم الشوق
المنتدى :
القصص المكتمله من وحي قلم الاعضاء
اشكر ظبية الشرقية او زارا على جهودها هي الي جمعت مقتطفات من البارتات مشكووره ياقلبي على المساعدةتوي اشوف الرسالة ومافيه ايقونة التعديل :)
اردها لك بالافراح :)
تعالي تعالي وقفي اصبري شوي اصبري ... وقفي أقولك انتظريني وقفي ... سواد رهيب صوت هواء شديد بنت شعرها طويل وتركض بسرعة طاحت في حفره غميقه وصرخ بأعلى صوته لاااااااااااااااا
...: بسم الله الرحمن الرحيم اعوذب الله من الشيطان الرجيم ياربي متى ارتاح من الحلم هذا..
ـــــــــــــــــــــــــــــــــــــــــــــــــــــــ
حصة : بسمة وش تفكرين فيه
بسمة بعيون مليانه دموع : افكر بمحمد كان فرحان يوم عرف اني حامل الحين بيطلع ولده على النور بدون أب
حصة : ستغفري الله النبي محمد صلى الله عليه وسلم كان يتيم وصار افضل الخلق
بسمة بابتسامة : يارب يكون مثل النبي وافتخر فيه
حصة : بسمة تكفين الله العالم بتجبينه او لا توه حتى ما تحرك لا تأملين
بسمة : الله عليك يا حصة التفائل زين والأيمان بالله والله يرضيني بما قسمة الله لي وان شاءلله راح يجي ياسر
حصة : خلاص وبجيب بنت وتراها من الحين محجوزة له
بسمة : هههههههههههه نتشرط الحين والله العالم
حصة : الحمدلله جعل البسمة ما تفارقك
بدت الدموع تجتمع بعيون بسمة : الله يصبر قلبي على فرقاة ما نسيت يوم سمعت بخطوبته لي
وبدت بسمة توصف يوم جا محمد يخطبها
ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــ ــــ
سمر : طيب قوليلي وريحي راسك
..: وش اقولك يا سمر اذا انا ما ادري عن شي ما اعرف الا بداية القصة وباقي الأوراق ضايعه
سمر : اسمعيني زين يمكن ربي كاتب لك الخير انك ما تدرين وش السر
...: مستحيل لازم افك الرموز كلها
سمر : طيب وش الحل
...: الحل اني اسافر
سمر : هذا حل بنظرك
....: اختفي اروح أي مكان الي جا البارح اكيد بيجي اليوم وبيدور ويبي الي يدور عليه
سمر : بس هم ما يبونك يبون السر الي تقولين عنه
.....: سمر موت امي مو هين ويعتقدون ان لي دخل فيه او اني ادري عنه
سمر : طيب وين بتروحين ودراستك و انتي بنت مو ولد عشان تروحين على كيفك
...: بيدبرها ربي وبرجع ان شاءلله اذا نسوني وبعد المرحومه كل شي ينعاف
سمر : تبين فلوس
...: كل شي معي ومعي صرافة امي
سمر : بس الميت يتقفل احسابة ولا تنسين يمكن يلحقونك اذا عرفوا من وين صرفتي
..: اوف نسيت اجل بسحب وبخبيها في ذي وشرت على الي في يدها
سمر : هههههههههههههههههههههههههه يعني العابنا نفعت
ــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــ
نوت لا تروحين للسكة العامة مثل هذاك اليوم ويجيك حرامي
نوت : حمامي
سالم الشيخ الكبير في السن : أي حرامي العبي هنا عند الغنم والدجاج
نوت : بوح بوح
سالم : وش تقولين
نوت : هدا بوح
سالم : والله يا بنيتي مدري وش تقولين حسبك الله على من كان السبب
ناظرته وجلست وصارت تشيل شي عالق برجولها الحافية
ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــ
الكثير منكم يبي يعرف اعمار ابطال قصتنا
هيف عمره 35 غير متزوج مثل ماكلنا نعرف خطب نوف ورفضته وبعدها ماعاد طلب الزواج يمكن عشان ماعنده ام تلح اعليه واغلب وقته برى البيت عشان كذا مافكر في الاستقرار
سلطان نفس عمر هيف 35 جلس طول عمره ينتظر مثايل الي ما عطته وجه
نوف ومثايل ونوت وبطلتنا السرية وسمر نفس العمر 22 سنه
ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــ ـــــــــــــــــــــ
مستحيـــــــــــــــــــــــــل اجمع مقااطع من القصه واترك هالمقطع الرهيـــــــــــب..هخهخهخخه..
ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــ ـــــــــــــــــــــ
سلطان : هيف وش فيك من جيت وانت مو على بعضك
هيف : شفت قبل شوي زول بنت مدري جني شي يروع
سلطان : أي يمكنها البنت الي شفتها العصر
هيف : أي بنت
سلطان : الله لا يوريك بنت شكلها يروع الظاهر انها مجنونه
هيف : الله يشفيها
سلطان بضحكه يحاول يكتمها : انتبه لا تجيك تالي الليل
هيف : وش بتسوي يعني بنيه مسيكينه الله يستر عليها من وراعين القرية
سلطان : ما ظنتي احد بيلتفت لها شكلها يروع
هيف : يا ابن الحلال الي يدور الحرام كل شي يزين بعينه الله يكفينا الشر
ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــ ـــــــــــــــــــــــــــــــــ
تعالي تعالي وين رايحه
سمر : هه بـ ..ـ.روح
ابو سمر وهو يهز راسه : أي وين بتروحين
سمر : بروح لبيت جيرانا
ابو سمر : ياسمر انتي بتودين نفسك بداهيه الحين امك ما قالت لك ان البيت مراقب
سمر : بس ابي اغراض مهمه مدفونه هناك
ابو سمر : شوفي ياسمر انا ساعدتك وسعادة صديقتك عشان خاطرك يكفي رحت وسويت توكيل لسالم عشان يتدبر امورها ويكون تحت مسئوليتها وش بعد تبين تبينهم ينتبهون لك ويقتلونك ترا ذولي ناس ما تخاف ربها
سمر : يبه بس هي محتاجه لي وخلاص مالها في الدنيا هذي الا انا
ابو سمر : مثل ماهي في حاجتك انا وامك في حاجتك وخلاص اعتبري صديقتك ماضي والجوال بغيرة وتلفون البيت واي صله بينك وبينها بقطعها
سمر بعبرة غصت بحلقها وما قدرت تنطق : بس يبه وش ذنبها يبها تكفى نوت بحاجتي
ابو سمر بعصبية : هذا موضوع منتهين منه خلاص لا اشوفك رايحه يم البيت والتلفونات مثل ما قلت لك راح الغيها انا مشيت معكم ومع اهبالكم وحده حاطه نفسها مجنونه وتمشي بدون غطا في قرية الله العالم وش بيصير لها
سمر : يبه نوت اختي مو صديقتي يبه تكفى تكفى
ابو سمر : يا سمر انا لو احد يدري عن الاشياء الي سويناها صرنا تحت مسائلة وكل هذا سويته عشانك وعشان صديقتك لكن لحد انك تجازفين بحياتك وتروحين لبيت المهجور وتحومين فيه وينتبهون لك الي مسنترين هناك ويذبحونك وش بستفيد بعدها
سمر : ونوت وش السواه وش بيكون مصيرها
ابو سمر : تحت رعاية سالم
سمر : طيب عمي سالم شيخ كبير ونوت عمرها 22 بتدفن عمرها بالقرية
ــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
هيف : ليش ليش وووش فيكم عليها
كانت اللعبه مرمية على الارض والبنت طايحه على ركبها سمعت صوته على طول خذت اللعبه وخبت وجها فيها وركضت بسرعه
الشيخ سالم جا ناحيته : الله يجزاك الجنه يارب
في الوقت الي نحاشوا بزران القرية
هيف : ياعم خطر على البنت تمشي كذا
هنا نوت تركض بقصى ماعندها لحد ما وصلت للساقي
جلست وقعدت تغسل يديها ورجلينها وتختلط قطرات الماء مع الدموع
نوت : يااااااااااارب فرجها يارب ياعالم بحالي يبه وينك يبه لو حي ما صار لي الي صار انا القى المهانه انا اتهان كل يوم وينك يبه وينك فقدت الي حولي فقدت امي فقدت سمر صديقتي ماعاد ردت علي وش اسوي من اشكي عليه
ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
هيف : يا عمي خطر عليها تمشي كذا بالشوارع
الشيخ سالم : يا ولدي إن شاء الله انه مهوب خطر عليها عيالنا و عارفينهم وتربيتنا لكن الخوف من الطريق مرتن كانت تمشي هناك وبغى يتهجم عليها بنقالي " بنغالي بس عاد بلهجتنا :) " لو لا ستر ربي فزعت لها على آخر لحظة
هيف : طيب وين اهلها وليه ما تغطونها شكلها كبير
الشيخ سالم : أهلها كلهم ماتوا والحكومه تبحث عن سبب موتهم محد يدري وش سببه
وجابها واحد من أقاربي تركها عندي خايف عليها من الي قتل اهلها وترك رسالة فيها شي يروع خليت محمد ولد عبد المجيد يقراها
هيف بفضول : وش فيها وحس انه تدخل بشي خاص وعلى طول غير السالفه ما سلمها للحكومة أفضل وفيه دار للعناية بها وماتوقع احد بيلتفت ياعم لمجنونة الا اذا خايفين منها وهي ما تضر
الشيخ سالم : يا ولدي الي جابها لي حرصني ما اعلم منهو وانا مابي اضره ولونه مهوب خايفن عليها كان وداها بنفسه وكل يوم يتصل علي ينشد عنها وتراها يوم جتنا عليها عبايه و انا الي خليتها تتركها مع انها عيت وقامت تنافض بس اني عطيتها جلال تحطه على رويسها من الهوا لا يلعب فيها والمجنون لا عليه حرج و مرفوع منه القلم وأبيها تمشي بين البيوت براحتها وما تعثر بعبايتها لا هيب مزيونه تلفت ألي حولها
هيف : الله يعينك يارب ويجزاك خير شلت همها
ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــ ـــــــــ
هيف بصوت عميق وما يدري هل طلع او لا : سلطان وش فيك
سلطان قولي
سلطان مستمر بالبكي لكن رفع عيونه وضحك ضحكه غريبة ورجع يبكي
هيف نزلت دموعه غصب عنه خويه صديقه فيه بلى بكى وضحك بنفس الوقت ومسكه مع كتوفه وصرخ بعلى صوته كانوا في اخر طرف مزرعة الشيخ سالم وياكلون من العنب الي فيها وابتعد شوي يوم شاف سلطان جاه اتصال من اهله خلاص ربط أطراف الموضوع وبصرخه افزعت سلطان نفسه
هيف بخوف : سلطان وش فيك علمني
سلطان رجع يبتسم له مسك هيف وضمه بقوة وما قدر يتكلم ما كان من هيف الا يضمه ضمى اقوى وهدى صوت هيف وصار يوشوش بإذنه
سلطان وش فيك اهلك فيهم شي علمني
سلطان بكلمات متقطعة : و ا فـ ..قـ..ت
هيف : وشو
سلطان وهو يمسح عيونه ويبلع الباقي من عبرته ويتنفس بقوة : مثايل وافقت
هيف فتح عيونه بقوة وصار مثل الابله يناظر فيه وكمل سلطان وهو يضحك
هيف مثايل وافقت كلم ابوي يبشرني وحللت باقي انا
الصدمه طغت على هيف معذور يا سلطان اذا انا انصدمت بموافقة بنت عمك ما الومك ورجع هيف يضمه وهو يضحك مبرووك مبروووك الف الف مبروووك
ــــــــــــــــــــــــــــــــــــــــــــــــــــــــــــ ـــــــــــــــــــــــ
يا طويل العمر ما سمعنا ولا صوت والبيت هدوء غير طبيعي
...: اسمع يا ناصر لا تعدون البيت اكلكم وشربكم يا صلكم لابد ان ترجع للبيت
ناصر : طيب يا طويل العمر انت واصل معقولة ما تدري وين راحت
...: البنت تركت الجامعة وبيت ابو سمر وهي ما تعرف ألا أهل سمر و الجامعه ولا لها قرايب يعني خلكم بس في البيت لا بد ترجع
ناصر : يمكنها اجل في بيت ابو سمر
..: اقول شكلك يا ناصر ناسي ما نسيت يوم كلفت ناس يطبون في بيت ابو سمر يوم كلهم راحوا للبر وخليتهم يدورون بكل ركن بالبيت ولا لقو لها اثر
ناصر : طيب ياعمي وش تبي فيها يمكن ماتت ولا راحت
..: عندها اوراق مهمه وابي بصمتها
ناصر : حنا باي عصر ماصار فيه بصمات وين التوقيعات
..: شفت انك غبي ببصمتها مهمه لي بشكل ما تتصوره
ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــ ــــــــــــ
قعد هيف على كرسي المكتب وقعد يشوف الملفات الي في الدولاب الي جنبه وسلطان تمدد على السرير وحط يدينه على راسه وغفى وهيف جلس يقرأ في الملفات واندمج في حالتهم قطع عليه اندماجه صوت حرمة
..: السلام عليكم
كانت حرمه بعباية مو باين منها شي
هيف بستغراب : وعليكم السلام والرحمه تفضلي
الحرمه : ماني مريضه
هيف وهو يناظرها بستغراب اكثر : بغيتي شي
الحرمة : انتوا من أهل الرياض
هيف : أي
الحرمة : ابي منكم خدمه
هيف : تفضلي اذا اقدر عليها
الحرمة : ابي اعطيك ضرف وسألك بالله تسلمه لصاحبته بسريه بدون ما تفتحه
هيف : ان شاء الله عطيني العنوان وابشري
الحرمة : مو عنوان بيت ابيك تسلمها للجامعه بكتب عليه اسم بنت يوصل لها
هيف وهو يعقد حواجبه : طيب بيسئلوني وش اقرب لها فيه امن ومثلك عارف
الحرمه وبدى صوتها يتغير : خلاص ما قصرت ومشت
هنا حس هيف انها بكت : طيب عطيني وبشوف اذا يرضون
الحرمه : الله يوفقك ويجزاك خير يارب
مدت الظرف وطلعت بسرعة وجلس يقلب الظرف وش مكتوب عليه اسم وقسم ومبنى
ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
نوت وش فيك من امس وانتي بالغرفة ما طلعتي
هنا خلاص ظهر جزء من حقيقة نوت
نوت بتعته مو مصطنعه مثل دايم لكن صعوبة الكلام الي بتقولة خلت الكلام يطلع بالشكل هذا : آآ .. عمي آآ أنا وهنا خذت نفس قوي مره وعدلت قعدتها ورجعت خذت نفس اقوى وتنهدت بصوت عالي عمي أنا مو مجنونه
ما تكلم ينتظر منها توضح ينتظر تكمل كلامها
نوت وتحاول تبعد العبرة عنها : عمي انا اسفه بس انا اتفقت مع سمر عشان محد يقدر يوصل لي وعشان ابحث عن حقيقة موت ابوي
هنا نطق الشيخ : طيب موت أهلك بالرياض وش جابه بالقرية عشان تخافين
هنا بلعت نوت ريقها : بس الناس الي أنا خايفة منهم واصلين و بيقدرون يوصلون لي
الشيخ سالم : كيف دريتي انهم واصلين و أنتي ما تعرفينهم وما تعرفين حتى من أقتل اهلك
نوت : أمي قالت لي
الشيخ سالم : امك تعرفهم
نوت : امي ما علمتني بالتفاصيل بس حذرتني منهم
وسكتت شوي وغيرت مجرى الحديث
نوت : عمي أنا اعتذر منك سببت لك أزعاج
الشيخ سالم وهو يوقف : يا بنتي انا قبل اعاملك على انك مجنونه والمجنون مرفوع منه القلم و الحرج لكن الحين انتي ما يصلح تقعدين عندي انا مو محرم لك حتى لو كنت شايب وكبير بالسن الرسول عليه السلام يوم قال " " ما حدد ما قال شاب ما قال شايب ما قال طايش ما قال ملتزم قال رجل يعني بكل حالاته ما يجوز يجتمع رجل وأمراه بمكان واحد و أنا بخليك بالغرفة هاذي المنعزلة ووفر لك كل شي الطبخ اكيد تعرفين تطبخين وانا بمرك من وقت لوقت و أشوف وش نواقصك وضعك مراح انساه و مانيب مخليه كذا
بكت نوت ما قدرت ترد عليه
ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــ ـــــــــــــــــــ
والتفت للجهة اليسار من الغرفة شاف اغراض ابوه وعرفها على طول من مكتبه وكومة الورق ألي فيها وفيه كرتون كبير مغلفة بنايلون وجنبه كرتون وسط
هيف : وش هذي
آدم : والله هذي من زمان ابوك جايبها وقالي محد يقرب لها
تقدم هيف عشان يفتحها وسمع صوت جواله ومد يده على مخباه وطلع الجوال
هيف : هلا والله ها بشر اخبار المعرس
ونسى أمر الغرفة وطلع وخذاه سوالف سلطان وترك الغرفة والي تحتويه وخلى آدم يطلع الأثاث برى عشان العمال ياخذونه ونسى أمر الكرتون وش فيه
والله العالم وش يحتوي وش فيه من أسرار وخبايا
ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــ
هنا الشيخ سالم كان بين واضح عليه انه مهموم يفرك يدينه بعض ويعقد حواجبه وما قدر يسكت اكثر من كذا وقف وطالع هيف الي وقفه معه وطول وهو يناظر فيه : هيف طلبتك
هيف وهو تاخذه الحميه : عطيتك
الشيخ سالم : متأكد
هيف : افا ياعم تهقى اني متردد لو تبي روحي ترخص لك
الشيخ سالم : تزوج نوت بنت محمد
حس مثل البرود يغشاه : ولا يهمك ياعم لو تبيني اخذها من اليوم
الشيخ سالم : بس انا مابي منك الا انك تاخذها وتملكها واذا جيت بتروح للرياض تاخذها معك في حمايتك
هيف : ولا يهمك باخذها واذا شريت مزرعه حطيتها فيها
الشيخ سالم : تكفى يا ولدي هـ الله الله فيها ماتبي منك الا حسن الخلق
هيف : ولا يهمك يا عم متى ماتبيني املك عليها قولي
الشيخ سالم : عندنا املك و ما يحتاج تسوي تحاليل على طول وبعد العشا تجي عشان نملك لك عليها
طلع هيف من عنده اخذته الحميه وافق على طلب الشيخ سالم والشيخ سالم كان مهموم يحس انه استغل وخدع هيف وربطه بنوت البنت مو مجنونه وهيف يتوقع انها مجنونه ما عرف كيف يصرف الموضوع خاف يقوله وما يوافق عليها وفضل يسكت وطبعا بطلب من نوت الي علمها الشيخ سالم بقتراحه وقالت انها موافقة ومو لازم يعرف انها عاقل وخله يعاملها على انها مجنونه عشان ما تقيده بها واذا ببغى يعرس على غيرها له الأحقية في الي يبيه
ــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــ
هيف : بسم الله عليك اسمعي انا اسمي هيف
لفت عليها وهي ترجف ورافعه طرف جلالها وحاطته بفمها وعاضه عليه ورجع يقولها
هيف : اسمي هيف لا تخافين مني
ونوت بس فاتحه عيونها اول مره بحياتها رجل يكون قريب منها ويدقق في ملامح وجها وهي تطالعه كانت ايام ماهي تمشي بالقرية ما تحاول تحط عينها بعيون الرجال وكانوا لانها مجنونه ما يطالعونها ولا يدققون فيها بس الوضع هنا غير هذا يبتسم وجميل وما تخيلت الشخص هذا يكون زوجها حست بهيبته وصار عقلها يبرمج ويدبر ويفكر يا ترى لو مو مجنونه بيقبل فيني
هيف : ليش خايفه
غصب عنها ومن حياء البنت نزلت عيونها للأرض خلى هيف يستغرب المجنون ما يكون تصرفه كذا بس ما دقق كثير مسك يدها وهي هنا شهقت بقوه
هيف : هههههههه بسم الله عليك مراح أطقك بكره بجيب معي لك كاكاو
صدمه ورى صدمه يحس انها بزر ويبي يسكتها بكاكاو هي تبي اشياء كثيرة ماتبي كاكاو تبي الأمان تبي الحب تبي الأهتمام تبي الأسرة تبي احد يخاف عليها مو شخص يعاملها كأنها بزر رجع هيف يتكلم بابتسامة
هيف : يالله الحين بطلع وبكره بجي
ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــ
بندر : ابشر طال عمرك أي شي تبيه مني اشر بس وانا انفذ
ناصر : حتى لو اخليك تحرس بناية مثلا
بندر : حتى لو تبيني احرس بناية انا لي كم سنه وانا امشي بشهادتي محد قبلني وحمدت ربي ان حطك بطريقي
ناصر : على العموم بوكلك على بيت تحرسه بدون سيارة طبعا عشان ما تثير الشبهة انت وشخص ثاني هذا لفترة محدده وبعدها بوكلك امور مهمه على حسب اجتهادك
بندر : مالك إلا الي يرضيك طال عمر
ناصر : يالله توكل على الله
ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــ ـ
سمر : برمي الزباله الي معي بالزباله الله يكرمتس الي هناك وبجي
ام سمر : انتبهي على روحتس
مشت سمر بخطوات سريعه عشان ترمي الكيسه الي بها اغراض كانوا ياكلونها بالسيارة كانت الزباله الكبيرة بعيده شوي عن البيت بينها وبين بيت بسمه ام نوت يعني للبيتين جميع مشت سمر بخطوات سريعه لأن امها تنتظرها على الباب رفعت عيونها شافت شاب لابس كاب وحاطه على عيونه وبيده غرشة مريندا يشرب فيها كان جالس على رصيف بيت ام بسمه ولابس بنطلون جنز وبلوزه زرقا صووف ويحرك الغرشة بشكل دائري بالارض قبل يرفعها لفمه تصنمت سمر وهي تشوفه وقريب منها كانت لابسه غطوه على نقابها وما ينشاف منها شي رفع راسه وارتبكت منه وخافت ويمكن تهيئ لها انه راح يهجم عليها رمت الكيسه الي بيدها في الأرض وركضت وكان شكلها يضحك وهي تركض خلى بندر يضحك
ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــ ـــــــــــــــــــــــــــــــــ
: يا ناصر ما يصير هـ الكلام إلى متى و أنا انتظر نتائج وما يجيني إلا ابشر ولا شفت شي
ناصر : يا طويل العمر هذا البيت تحت الحراسة وهذا بيت ابو سمر بعد تحت الحراسه وكل شخص منهم نراقبه لكن ما توصلنا لشيء مهم
..: اسمع انا اعرف العائلة أكثر منك ابو نوت ماله الا أخت وحده وهي خوله وماتت قبلة و امها بسمة اهلها ماتوا بعد وماتت يعني نوت وين بتروح اذا مالها اقارب فأكيد يا الذكي بتكون متواجدة عند احد يقرب لأبو سمر
ناصر : بس طال عمرك ابو سمر من الدوام للبيت وتحركاته بسيطه ومعروفة وين تودي
...: أي لانك توك تراقبة لكن قبل وين كان يروح ولا يرجع الا بعد يوم هنا اسئل وتقصى يا ناصر هذي قضية دولة الحين انا بروح في داهية اذا ما توصلت للي يطالبوني فيه
ناصر : طيب الله يهديك انت متاكد عن وجود هـ الشيء
...: أي متأكد مثل ما أنا متأكد منك الحين لأني كنت متواجد معهم وهم يصنعونه
ناصر : خلاص لا تشيل هم كل شي بيكون تمام
ـــــــــــــــــــــــــــــــــــــــــــــــــ
بندر : هشام تعال
هشام : بندر تبينا ندخل داخل البيت والله لو يدري عنا مؤيد لا يذبحنا
بندر : تعال مؤيد طلع يقول بينام وانا صراحه مليت بس انتظر برا ابي اتفرج داخل البيت
هشام : انا برجع اخاف رزقي ينقطع او يجي على غفله ولا يشوفنا نراقب بيت ابو سمر
بندر : روح روح انا بقعد اتفرج
الغرف ظلام دامس وما يقدر يفتح الأنوار بس ضوء كشافه البسيط يمشي دخل غرفه لنفر واحد قرب اكثر وبدى يتفرج وشاف مكتبه وفيها كتب وقرب وفتح الادراج وشاف ورق كثير جاب كيسه وعبى الورق الموجود فيها كان حاب يقرا الأوراق وناوي يستكشف باقي الغرف طلع للحوش الي فيه أضاءه من انوار الشارع لكن مو قوية بس يقدر يقرا
ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــ
سمر انتبهي للمحاضره وتركي كثرة الكلام "نوت تكلم سمر "
نوت جد جد وش امنيتك تبين زوج المستقبل يشبه من " سمر تكلم نوت "
سمر الله يعيين الاستاذة الي انبح حلقها تشرح وانتي تفكيرك بزوج المستقبل "نوت تكلم سمر "
ياختي تاليتنا في بيت وعائلة وزوج هو الي بينفعنا وبحالميه اتمنى فارس احلامي شجاع
ضحك على الكلام المكتوب وترك الورقه حس فيها خصوصيات ما انتبه على العيون المفجوعه وهي تناظر الي جالس ومنزل الكاب على عيونه ومندمج بقراءة وهي تراقب
سمر : رجعوا يراقبون بيت خالتي بسمه
رفع عينه وشاف الزول الي يطل عليه من الدريشه
سمر بشهقة : يمـــه وصكت الدريشه
بندر :ههههههههههههه لقافة بنات بيذبحني مؤيد لو درى انهم دروى ان حنا النراقب ومشى وكومة الاوراق بيده وهل بيكون فيها شي مهم الله اعلم
ــــــــــــــــــــــــــــــــــــــــ
وفعلا كان صوت هيف وهو يدخل نوت لغرفتها وهو يبتسم وهي عليها عبايتها شال عباتها منها وهي نكمشت على نفسها وعلى طول جلست بالارض ضحك على حركتها وما عبرها كثير ومشى وعلق العبايه وبدى يفرش لها الفراش ويزين مخدتها وكأنه يكلم طفله
هيف : يالله نامي هذي غرفتك من اليوم
وهي منزلة عيونها ما حطتها بعيونه يمكن لو ترفع عيونها تنفضح وتبين حقيقتها
ــــــــــــــــــــــــــــــــــــــــــــــــــــــــــــ ــــ
آدم : سعديه انا الحين بروح مع العمال بآخر المزرعة وانتي شوفي الغرفة الثانية واكيد بتلقي البنت انتبهي لها يا بنتي خليها في عيونك
سعديه : الي تامر فيه يا خالي انا ما تركت بلدي وبيتي الا عشان اخدمك انت واخدم أي انسان انت تحبوه
آدم : بارك الله فيك بس يا بنتي تراها أمانه وهيف مهما راح ومهما جا رجال ومراح يفضى لها ويجلس عندها انتبهي لها يا سعديه
سعديه : لا تخاف اطمئن نوت بتكون بخير عندي بإذن الله
ــــــــــــــــــــــــــــــــــــــــــــــــــــــــــــ
مؤيد بعصبية : الله ياخذ عمره ويفكني منه جالس بالدفا وحنا الي مرمطنا نسوي ونفعل وهو قاعد وكل شي فوق روسنا ليش تتوقع يا هشام اني مو عايش بعذاب كل ما اتذكر حادث الداعية محمد
بندر الي فتح عيونه وعلى طول نزل الكاب على وجه بحيث محد ينتبه له
هشام : و أنت كل شوي تكرر السالفه
مؤيد : ولا راح أنساها يا ناس حنا تسببنا في قتل داعية
بندر : الداعية محمد ما غيرة
مؤيد وكأنه انتبه لوجود بندر وخاف من تهوره بالكلام وانتبه بندر لحركاته ومدد رجلينه ونزل الكاب اكثر بشكل واحد غير مهتم حس مؤيد بطمأنينه خاف من سترساله بالكلام
ــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــ
جت نوت بتوقف عشان تترك هيف عشان آدم بيجي لكن فيه شي منعها يد التفت على ذراعها وصوت تمتمه
بصدمه نوت التفتت عليه تبي تشوف هو صاحي ولا سمع وش تقول لكن تمتمته خلتها تقرب اذنها من فمه
هيف : سلطان ااا ن..ت.ظر ابيك
نوت :اشوى يحلم وحاولت تسحب يدها لكن هيف شدها له لدرجه ان شعرها صك راسه
نوت : ياربي بيجيني الرجال وهذا ماسك فيني وسحبت يدها بقوة وراحت ركض لغرفتها
هنا فتح عينه هيف بقوة : شكلي انا الي بنجن الحين هذي مجنونه ولا تلعب علي هذي مجنونه ولا تخدعني اقسم بالله لو تطلع مو مجنونه ورب العزه والجلال لا اوريها شغلها انا صرت مضحكه عند الكل اطق على صدري وافزع وفي الأخير تطلع تضحك علي وتستغلني لالا يمكن يتهيأ لي يمكن من آثار الحرارة لا طيب وسالفة سمر والظرف والشيخ سالم بعد خدعني ليش وش سويت ليش يسوون معي كذا
ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
هيف : نعم
جاه صوت سلطان : أخيراً
هيف : هلا سلطان
سلطان بضحكه : هلابك وش في صوتك ولا تتكبر علينا من قدك خطبوا لك اليوم وانت معرس البارح ويسحبها ضحكه ههههههههههههههههه
وهنا طلعت شبه ابتسامة لهيف ابتسامة سخريه
ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــ ـــــــــــــــــــــ
هيف يعني كذا يا نوت طلعتي عاقلة وانا الي صرت مجنون آهـ يالقهر طيب وش مبررها ليش سوت كذا ليش وش الهدف لازم اعرف كل شي بس قبل لازم اطلع روحك ولازم اخليك تتمنين انك مو مجنونه ابد ابد طيب وحده مثلها وش المبرر ياربي وس السواه ليش الشيخ سالم وقف معها معقولة توقعها مجنونه مثلي ولعبت عليه مستحيل اروح أسئلة حسبي الله ونعم الوكيل مريض وزادت مرضي مرض
ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ
ناظرهم وترك نوت وجه نضرته لسعديه : اقول سعدية تجهزوا بعد الغداء بنمشي للرياض
سعدية : ليش يابني
هيف : بنروح عشان نحضر زواج خويي سلطان
سعديه : طيب يا ابني روح انت ماله داعي نروح معك
هيف بعصبيه : يا سعدية ام سلطان تبي نوت تجي
نوت وهي تناظره : مابي اروح
هو هنا جن جنونه قرب وجلس وقرب منها ليش ما تبين وهي ترجف وطلعت كلمة وحده :بس
هيف مسك ذقنها ورص علية تجهزي بدون زيادة كلام والتفت على سعدية :مفهـوم
سعدية بخوف : ان شاء الله
ــــــــــــــــــــــــــــــــــــــــــــــــــــــــــــ ـــــــ
صدمة ورى صدمة بسرعه قبل احد يطلع رجع لغرفته أبوها و أمها مقتولين طيب وش السبب من وراهم وش السالفه لا حول ولا قوة الا بالله لا تكون بنت ارهابي استغفر الله استغفر الله تقول داعية اجل وش السالفه ومن الي يطاردها عشان كذا سوت نفسها مجنونه طيب ليش ينشبوني معها ليش يخلوني اتزوجها ليه ما قالولي الديرة ما فيها شرطة تاخذ الحق ليه يورطوني لونه علمني فزعت معها بدون ما تصير الشوشرة ذي كلها يارب سترك اكيد الحين وبصم ان الحلم والبنت الي تجيني هي نوت بس انا وش دخلني فيها يوم تجيني بذات حسبي الله على إبليس اروح لها وخليها تعلمني بكل شي ولا وش اسوي ولا اخذ حقي قبل منها بس هي صارت جزء مني خلاص يا نوت انا بوريك
ــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــ ــــ
هيف : سعدية ماشفتوا عروس تناسبني
تلقائي رفعت عيونها صارت عيونه بعيونها هي عيونها ترمش وتحرك راسها بشويش دليل التوتر وهو شبه ابتسامة طلعت منه
سعدية : اسمحلي يا دكتور تبيني ادور لك عروس وانت عندك اجمل عروس
هيف ومازال يشوف نوت ويراقب تصرفاتها :عروسي مجنونه
ـــــــــــــــــــــــــــــــــــــــــــــــ
سعدية : اهدي يا بنتي وش فيك
نوت : تعبت تعبت
سعدية : يابنتي كلمية صارحيه بكل شي عشان يوقف معك
نوت : مقدر اذا شفته قدامي ارتبك ما اعرف انطق ولا كلمة
سعدية : روحي له الحين وقوليلة صارحية صدقيني اذا قلتي كلمة طلع الكلام من نفسه
نوت : مستحيل مقدر
ــــــــــــــــــــــــــــــــــــــــــــــــــــــــــــ ــــــــــــــــــــــــــ
هيف : السلام عليكم .... هلا والله أي معك هيف سم طال عمرك هلا والله أي عرفتك ابو سمر يالله حيه وش أخبارك وأخبار الأهل لا أبشرك بخير والأهل بخير ولله الحمد وين طالع عمرك الثمامة متى العصر خلاص ابشر تم وسكر منه
ــــــــــــــــــــــــــــــــــــــــــ
.....: ناصر انت متأكد انه هيف بن سعود وين جاها وين جاته
ناصر : انا مثلك يا طويل العمر متفاجا
....: وش السواه الحين وش التعقيد هذا اكيد انه يعرف بخططنا ولا ليش هو بالذات الي تزوجها
ناصر : وش رايك الحين وش تبينا نسوي
.....: مصيبة وطاحت على روسنا اذا ولد سعود متدخل بالشغل كل شي بينهار
ناصر : يعني نخلي المراقبة على بيته
.....: انتي صاحي ما تعرف هيف اصبر الموضوع يبي له طبخ على نار هادية انا بحاول اهدي الناس الي احرقوني باتصالاتهم لحد ما نشوف حل للموضوع
ــــــــــــــــــــــــــــــــــــــــــ
وقف هيف عند محطة وعبى بانزين يوم خلص وقف عند البقالة
هيف : تبون شي محدد ولا اجيب لكم على ذوقي
سعدية : الي تشوفه يابني
هيف وهو يلتفت على نوت ويمسك طرف اصبعها الي ظاهر : وانتي
دسته نوت داخل وطلعت كلمة :عادي
هيف :هههههه وشو الي عادي
نوت : أي شي
هيف : اقول سعدية تراني انسى ان نوت ترا للي والله اكلمها على انها عاقل ماتدرين وش تحب
ليش ليش سويت كذا نوت تكلم روحها
في الوقت الي هيف يكلم نفسه ليش ياهيف سويت كذا
ـــــــــــــــــــــــــــــ
بندر : ليش دخلوا مؤيد ومادخلونا
هشام : وانت ليش حارق نفسك احسن
بندر : ليش طيب انا ابي ادري عن كل شي
هشام : خلنا بس نروح لغرفتنا نريح الحين بيأذن المغرب
بندر وهو يكلم نفسه انا ابي ادري عشان عندي مشوار الليلة مشوار مهم
هشام : بندر وش تفكر فيه يالله خلنا نروح
بندر بنزعاج : يالله امشي
ـــــــــــــــــــــــــــــــــــــــــ
بعد ما دخل ومشى نوت مدت يدها على صدر هيف ارتبك من حركتها ومال بالسياره بس رجع اتزن يوم سحبت القلم من مخباه ما قدر يهادها او يقولها شي لانه توه جارحها التفت شافها يوم اخذت كرتون المنديل الي قدامها وكتبت كلام كثير ودسته بمخباه الي قدام
انبهر من حركتها والتفت عليها ابتسمت له وبان بعيونها
نوت : انتبه للطريق
هيف ويالله صوته يطلع وطلع له بحه : وش هذا
نوت : كلام مو الحين تقراه اذا وصلنا أقراه
ـــــــــــــــــــــــــــــــــــــــــــ
دخلت نوت وماسكه يد سعدية ونخرعت على صوت الي طلع
سمر بصرخة : نــــــــــــوت
نوت : سمـــــــر
ركضوا لبعض وضموا بعض وقعدوا يبكون ولا وحده راضيه تفك الثانية سمر تصيح وتقول ليش ليش رحتي وخلتيني ونوت ترد عليها وتصيح سمر صارت لي بعد اعلوم ولا لقيتك عشان اقولك عنها وسمر ترجع تبكي وتقولها فقدتك ما اجلس مع أي احد تقولين روحي الي فقدتها اليوم رجعت لي
ام سمر وهي تمسح دموعها : خلي يابنتي لي فرصه اسلم عليها
ـــــــــــــــــــــــــــــــــــــــــ
سمر : نوت والله خاطري تروحين معنا ونسترجع ذكريات قبل
نوت : طيب والي يراقبون البيت
سمر: ما عاد شفت احد
نوت : زين يا سمر لاني ابيك تجيبن لي كتاب
سمر بخلعه: عسى تبيني ادخل بيتكم
نوت : أي ليش
سمر : عشان يذبحني ابوي
نوت : طيب ادخليه بسرعه اذا رجعتوا والله الكتاب عندي مهم
سمر : خلاص الله يعيني طيب قولي لي الحين وش صار بعد
نوت : صدق الخبل ما ينسى سالفته
سمر بشهقة : الحين انا خبلة اقول كملي يا مجنونه
نوت : الحين انتي تقولين لي مجنونه ما اثرت فيني ليش يوم قالها اثرت فيني
سمر : الحب الحب وما يسوي كملي يا ماما كملي
للي نسى القصة :)
|
25-09-09, 07:45 AM
جديد مواضيع قسم القصص المكتمله من وحي قلم الاعضاء
العرض العادي
