8-10-1429هـ

الجزء الثاني


سلطان : هاه أخبار الاستعداد للنقل
هيف : تراك بتخاويني
سلطان : على وين يا ابو الشباب
هيف : على وين انت اخوي ولازم تروح تشوف معي محلي الي بشتغل فيه وين بسكن اجل تبيني اروح بلحالي
سلطان : بزر انت
هيف : بتروح غصب عن خشمك
سلطان : وش الي يغصبني يا عضنفر
هيف : ههههههههههههههه حبي ما يكفي
سلطان : والله لونك مثايل
هيف : اعقب تشبهني بمره
سلطان : تسواك
هيف : اقول عين خير خلاص مابي خوتك
نط سلطان ولف يدينه عليه : امزح معك
هيف : خلاص عافتك نفسي
سلطان : اقول اخلص علي متى ناوي تروح
هيف : بعد سبوع
سلطان : تمام تمام تهقى بيعطوني اجازه
هيف : انت وشطارتك
\
/
\
/
\

خالد ( ابو مثايل )
صيته ( ام مثايل )
:
:
البيت مثل العادة يعمه السكون إلا اذا مثايل موجودة وطبعا مثايل مرتزة عند نوف
:

خالد : صيته تعالي شوي عندي لك سالفه
صيته وهي تنفض يدها من المويه وتمر على المنشفه المعلقة وتمسح يديها
صيته : عسى ماشر
خالد : ماشر ان شاء لله سالفه تخص مثايل
صيته : وش السالفه يا خالد
خالد : تعرفين حسن ولد عبد العزيز الي ساكن بالعزيزيه
صيته : أي الي يدرس بالخارج وش فيه
خالد : جاني ابوه في الشغل وطلب مني مثايل ويقول اذا وافقتوا بتعرس عليه وتسافر معه
صيته : والنعم بهم ناس اجواد اما الولد ما اعرفه زين بس
خالد : وش بسه
صيته : سلطان يابو مثايل ما خفت وش بيسوي اذا اعرست وخذت غيرة و يحرم ويطلق انها ما تاخذ غيره
خالد : انا بنشد عن الولد وبشوف راي مثايل اذا موافقة وانا اليوم سمعت ان سلطان بيروح مع خويه هيف اسبوعين يمديني ملكت البنت وبعدها ما يقدر يقول كلمة
صيته : يا خالد انا ابي مثايل تاخذ ولد عمها بيصونها وعندي وحولي ومتى ما بغيتها تسير علي بتجيني مهوب بيني وبينها بحور
خالد : ليه تهقين اني مابي ولد اخوي بس بنتي معنده ماتبيه
صيته : ماعليك منها اغصبها
خالد : لا والي خلق سبع في سماه ما اغصب مثايل على شي ماتبيه

\
/
\
/
\


هيف وصفنا حياته والقليل من معاناته باقي شكلة طويل القامة عريض المنكبين متوسط الحجم لا السمين ولا النحيل يملك جمال عربي عيون وساع وأنف كا حد السيف يتميز بجاذبية وابتسامة جذابة جدي وما يضحك كثير هيئته توحي للي يشوفه انه عصبي وما نعرف شخصية هيف الحقيقية إلا بوجود سلطان صديق الطفولة

وصف سلطان عكس هيف عيون صغيرة انف صغير وفم أصغر مربي شارب خفيف وقاص شعره ما رباه مملوح بالخليجي وجسمه طويل بعد بس يقرب لنحف اكثر

.............................
البنات
نوف فيها من مواصفات سلطان الكثير بالعيون والفم والانف إلا ان شعرها يصل لخصرها وناعم ومقصص مدرجات

مثايل جميلة عيون وساع وسود وخشم مثل حد السيف وفم مثل لون الكرز وبارز شوي مع صغر معاناتها شعرها مو ناعم مخرب عليها على قولتها ودايم محرقته بالاستشوار طولها وسط مو طويلة ولا قصيرة

\
/
\
\
/
\
\

بصوت اشبه للهمس :سمر
سمر : طولي صوووتك ما سمعك
...: اسمعي سمر مقدر اطوله بيسمعوني روحي لبيتنا وشفتي الحديقة ,, ما كملت كلامها قاطعتها سمر
سمر : مقدر اروح لبيتكم فيه سياره اربعه وعشرين ساعه مسنتره عنده
...: تذكرت اني بالحديقة خلتني امي احفر حفره غميقة جنب شجرة السدرة وخبيت فيها صندوق توني اتذكر الموضوع
سمر :خالتي بسمه ماتت الله يرحمها خلي اسرارها تموت معها
...: مقدر مقدر لازم اوصل لخالتي حصة وعمي فهد لازم ذكرتهم امي في مذكراتها بس ما وضحت لي شي ولا وصتني
سمر : لا تأنبين عمرك وخالتي بسمه خلاص المفروض تعيشين حياتك
...: بالله عليك هذي حياه انا خلاص ضعت
سمر : طيب ارجعي وعيشي معنا
...: بيقدرون يوصلون لي بسهولة
سمر : ليش مافيه حكومه حنا مو في غابه اشكي عليهم
...: الحين انا مافهمت وش يبون ومنهم عشان اقدر اشتكيهم ,, يالله يالله بسكر بينتبهون لي
سمر : لا اصبري
قفلت ,, وهل السر بيتقفل او فيه احد بيفتحه



آدم : يا هيف ما اسمح تروح لوحدك
هيف : يابوي صحتك ما تتحمل
آدم : لا تحاول يا ابني اخليك تروح بروحك
هيف : طيب اوعدك اخذك معي بس خلني أمن سكن قبل ورتب وضعي هناك
آدم : أي هذا يرضيني

\
/
\
/
\

.....: خلاااااااااااااااااااااااص بس بس
....: انتي يالمجنونه ازعجتيني فارقيني اشوف
بنظرات تخوف عيون مفتوحه على الآخر شعر منفوش وجه متسخ ناظرت له وهي تقوم وتشيل لعبة من قماش محشي قطن تمتم بكلمات نم ... أكل .. بح .. اوف
قام عليها اطلعي برا مابي أشوفك
....: جاسر وش فيك عليها مسيكينه خلها تاكل وتنام
جاسر : وش ذنبنا نبتلي فيها
ام جاسر : حرام عليك يمه البنية مسكينه نوت يمه تعالي اكلي
تمسك بلعبتها وبتلعثم وتأشر على فمها : اب هممم اب اب
ام جاسر : زين زين تعالي اكلي
جاسر : الله يقرفها وريحتها الشينه
ام جاسر: خاف ربك

خذت صحنها وقعدت تاكل وينتثر منها بالارض وتكمل مشيها للشيخ سالم اكثر شخص تحس بالأمان عنده
جلست بوسط السكة الرملية الي ما بعد زفلتت البزران منتثرين بالشارع ويلتفون حولها والي يكب في اكلها تراب ووهي تدس الصحن عشان ما يوصله شي منهم
جاهم الشيخ سالم : لا بارك الله فيكم طسوا وصار يرميهم بالحجر الصغير ويخوفهم عشان يبتعدون عن نوت وخذها معه لبيته قريتهم كانت كلها نخل وبيوت طين او شعبية من بلك كانت القرية عباره عن أحوشه كل حوش يضم بيت ومزرعه صغيرة وكل مزرعه من هـ المزارع فيها غنم ودجاج والبعض منهم يحط كم ناقة فيها عشان يتغذون على حليبها وفيهم الي مزرعته على قده وصغيره وفيهم الي الله منعم عليه ومزرعته كبيرة والبعض منهم ترك القرية وراح للمدينة والبعض ما زال متمسك بهـ القرية وفيها مدرسة مجمع تجمع ابتدائي ومتوسط وثانوي للبنين ومجمع ثاني للبنات وفيها بعد مستوصف صغير وهذا المستوصف الي نقل له هيف وسبب قبوله للنقل عشان الترقية ويغطي المكان لحد ما يقدمون على دكتور من الخارج لأن أغلب المناطق البعيدة دكاترتها من الجنسيات العربية اغلب السعوديين يفضلون المدينة

حياتهم بسيطة بدون تكلف لا في اكل ولا شرب وبسبب ان بعض سكان القرية الواصلين وصلهم الكهرباء وابراج الجوال لكن ينقصهم المجمعات والاسواق لأن السوق عندهم بدائي جداً
طموح كل شاب وشابة من أهل هـ القرية مواصلة التعليم الجامعي وترك هـ القرية

الشيخ سالم : نوت لا تروحين للعيال مو زين البنت تختلط بالعيال
نظرات وضحكه أطلقتها نوت كـ رد على الشيخ سالم
ابو عبد المجيد : وش تبي في البنت يا سالم لا تجيب لنفسك الكلام شايب ومنتب معرس ومخلي بنت عندك
ما كان من الشيخ سالم الا أن ثارت ثورته : تهقى مني هـ التصرف يا محمد هذا وانت اكثر واحد هنا عارفني زين
ابو عبد المجيد : يا سالم انا اقولك الكلام الي ينقال من ورى ظهرك
الشيخ سالم : خلهم يقولون الي يقولونه انا ما يهمني الا رب العالمين البنيه هذي مسكينه وفقيرة مالها والي وتبيني ارميها لكلاب الجايعه
ابو عبد المجيد : اكيد ان لها اهل يدورون عليها
الشيخ سالم : وهقوتك اني بخليها عندي لو لها اهل انا يوم شفتها لقيت معها ورقة وديتها لولدك محمد وحرصت عليه ما يعلم احد وش في هـ الورقة ولولا كلامك معي الحين كان ما قلتلك البنت يتيمة واهلها متوفين وفيه ناس تطاردها تبي ورثها عشان كذا فيه ولد حلال جا هنا ورماها وخلاها حطها عند بابي وتبيني ارميها بعد تبيني أوقف ضدها
ابو عبد المجيد : سامحني يا سالم بس من حبي لك مابي يجي عليك كلام
الشيخ سالم : حتى لو يجي علي كلام هذا هدية من رب العالمين يطهروني من ذنوبي ولا حاسدني وماتبيني ادخل الجنه بسبت كلام الناس
ابو عبد المجيد : ههههههههههههههه لا بالله مانيب حاسدك
كانت نوت ضامه لعبتها ومنسدحه على طرف حصير بالارض جنبهم عيونها تسبح في الفضا وما تدري وش يصير حولها همها لعبها مع البزران وشوفه الحيوانات ماتدري عن خبث العالم وشرهم ونوياهم

\
/
\





سلطان : اقول هيف عساك تبينا نروح على دتسن ام غمارتين من شو سياراتك
هيف : ههههههههههههههههههههه وش في الدتسن وبعدين عشان تشيل عفشي وادوات الي مرسلينها معي للمستشفى
سلطان : لا بارك الله في العدو
هيف : ربط ربط زين
سلطان : الله باليني فيك بلوه

كان هيف وسلطان يحملون أغراض هيف اخذ معه شناط ملابس وفرش للنوم وزاد للبيت واغراض للمستشفى اداوت صحية طالبينها المستوصف

سلطان : اقول هيف قبل لا نمشي ترا بنمر بيتنا
هيف : وشوله
سلطان : امي مجهزة قهوة وشاهي للطريق
هيف : ما تقصر كان علمتني اخلي حمزة يسويها
سلطان : والله عاد الوالده ماتحتريك تفكر سوت قهوة وشاهي وفطور بعد
هيف : والله يا سلطان مدري وين اروح من جزاها جمايلها مغرقتني من يومني بزر
سلطان : اقول ترا انا انسان ما احب المجاملات
هيف : ههههههههههههه الله يعين زوجتك بس
سلطان وهو يجلس على الارض : آهـ
هيف : ههههههههههههههههههه ليتني ما طريت العرس
سلطان : ياخوك ما عاد اقدر اصبر ابي اعرس
هيف : وش رادك البيوت مليانه ابني طب وختار
سلطان : وحده بس ابيها تحن علي
هيف : الله يستر يا سلطان وش تاليت تعلقك ببنت عمك
سلطان : خير ان شاء الله
هيف : ان شاء الله يالله اركب بروح اغسل ايدي وجي
سلطان : وانا بدخل معك اغسل ايدي ولا نسيت اني مربط معك
هيف : ههههههه لاحول مانسيت ادخل البيت بيتك

دخلوا البيت مثل عادتهم اصوات ضحكهم يملى اركان كل قرنه بالبيت
آدم : ياولدي ماغيرت رايك وتخليني اروح معكم
هيف : ياعم مابي اتعبك وانا الحين ما أمنت لي سكن ومدري وش الظروف اذا رتبت وضعي كلها اسبوعين ونرجع انا وسلطان وأخذك معي بدالة
سلطان : اقول هيف وش رايك تغير السالفه والله طاري انك بتبعد عني شهور يضيق صدري
هيف بابتسامة ويقلد اسلوب البنات وينعم صوته : يعني بتفقدني
سلطان وهو يستعبط معه ويقعد يعصر عيونه ويمسح الدموع : اكيد انتي حبي الاولي والاخير والمستقبلي والحاضري و
هيف : ههههههههههههههههه بس بس خلاص دبلت كبدي
آدم : هههههههههههه الله يديم عليكم المحبه
الجميع : امين

\

/

\

/




نوف : ليه يا مثايل حرام عليك وسلطان وش ذنبه
مثايل : قصري صوتك لحد يسمعنا
نوف : يعني انتي جايتني من عز الفجر وعارفه ان سلطان بيروح اليوم وجيتك مو لله اعرفك زين لا تتوقعين عشاني ساكته وما اتكلم اني ما اشوف الحب في عيونك بس تبين تهدمين حياة اخوي وحياتك قبله وجايه تقوليلي بكل بساطه انك انخطبتي لا والمصيبه الاعظم بتروحين للخارج بعد وجايه تبين تشوفين سلطان انتي من أي جنس مخلوقة قوليلي
مثايل : خلصتي كلامك
نوف بعصبيه : أي خلصته تكلمي
مثايل : انا ما انكر اني احب سلطان لكن مستحيل اخذه
نوف بصرخة : طيب ليش
مثايل بعصبية : اوف نوف خليني اكمل كلامي
نوف : كملي من الي ماسكك
مثايل : انتي تبربرين ماخليتيني اكمل شوفي انا احب سلطان بس لو اتزوجه بيجي يوم ويموت هـ الحب وبنصدم ويمكن انجرح منه لكن لو اتزوج واحد ثاني بنبني حبنا وبنسقية وبينبت حبة حبة
نوف : اسمحيلي يا بقرة
مثايل : ما اسمح لك تسبيني
نوف : اقول يا الفالحة وش يضمنك ان الي راح تتزوجينه بيحبك على الاقل سلطان يعزك ومراح يرضى لك الاهانه
مثايل : اوف لو اتكلم من الصبح لليوم الثاني مراح تفهميني
قطع عليهم صوت ام سلطان تنادي
ام سلطان : نوف
نوف : زين زين يمه .. اكيد سلطان جا
راحت نوف وفتحت الباب وسكرته بقسوة كلام مثايل ما اقنعها ويمكن خوف فقد مثايل وبعدها وترها اكثر بينما راحت مثايل وتفتح الدريشة بشويش تبي تشوفة قبل لا يروح

شافت بس السيارة وهي محملة ما امداها تشوفهم يوم نزلوا حست بضيقة صدر كتمت على انفاسها طيب يا مثايل ضايق خلقك وانتي مراح تشوفينه اسبوعين كيف لو انحرمتي منه للابد وخذيتي حسن وش بتكون حياتك بس خايفة خايفة يموت حبي له تكون بينا مشكال ابي حب سلطان يكون مقدس بيني وبين نفسي حتى نفسي انا ما تدنسه طيب وش الفايدة يا مثايل اذا الحب صار بس بالقلب وما توج بالزواج وش الفايدة يمكن تنسينه مع حسن هذا مو منطق
مثايل : اوف ياربي انا بتجنن من كثر التفكير احسن شي اوافق على حسن قبل لا اغير رايي هذا افضل شي ومحد فاهمني ولا راح يفهموني لو اشرح من اليوم لبكره



\
/
\
/



سلطان : يالله يمه بسرعه هيف في المجلس
ام سلطان : نوف يمه استعجلي ودي الاغراض عند الباب
سلطان : لا على وين اخاف هيف يلمحها خلي الشغاله توديها وانا بروح اجيب اغراض من غرفتي ورجع
نوف : يمه اقولك على شي خطير
ام سلطان قاطعتها : اقول عجلي عطي الشغالة باقي الاغراض وروحي وانتي ساكته ولا تكثرين البربرة
نوف : ولونهم مفطرين في البيت مو اصرف
ام سلطان : وديها وانتي ساكته
راحت نوف تمشي وهي شايله السله : الله يهديك يمه ماخليتيني اعلمك يا ناس انا خايفة على اخوي هذا انا رفضت هيف بس انا غير وهي غير هيف ما يحبني مثل ما سلطان يحبها ياربي انا وش اسوي اقوله ولا اسكت اخاف اقولة وخرب ويصير مشاكل وفقد اخوي عاد البدو بدو بيروح وبيذبح الولد وما راح استفيد الا اني افقد اخوي احسن شي اسكت وهو الله يعينه البنت بدالها بنت بس هو اخوي مابداله اخو


سلطان : الله يغث نوف الحين محرص عليها ما يرتب الغرفة الا اهي وصارت هي الي تلطش اغراضي اكيد السيدي عندها

فتح الباب بقوة في الوقت الي مثايل لابسة عبايتها ونقابها وتبي تنزل وش فايدة جلوسها بس تعذب روحها خلاص هي قررت
تفاجات بفتح الباب

للقصة بقية
سلطان وما ينتظره ...؟؟ وما ردة فعلة
هيف وحلمه الغامض
مثايل وزواجها ؟؟؟
نوت وقسوة مجتمعها ؟

السلام عليكم...
بارت اكثــر من رائع استمتعت بقراءهـ كل حرف فيـهـ
شوي من الغموض انكشــف
وان شاء اللهـ ينكشف الباجي
هيــف
البنـــت الي بالحلــم محيرتني حدهــا
مادري ليش احس انهـا نووت
وانتقالهـ للمكان الي اهـي فيهـ
مو معقولهـ بس جذي!!

سلطــان
بيفقد هيـف وبيفقد مثايــل
الله يعينهـ
ويعوضهـ
ويستر من ردهـ فعلـه

مثايــل
ما فهمتهـا
ليش متعقده لهدرجهـ!!
مو كل الي تزوجو عن حب مات حبهــم
ولا كل الي تزوجو مو عن حـب حبو بعــض
في جذي وفي جذي
على كل حال الله يوفقهـا ويكتـب لهـا الي فيـه الخيــر

بنت بسمــهـ
اممم فهمـت انه حصهـ خالتهــا وفهــد عمهــا وتبي توصـل لهم
عن طريق مذكرات امهــا
سمر وشتصير لهـا!!
واهي عايشهـ عند منو!!
الصندوق الي بالحديقهـ شنو فيـه!
وهل رح يفيد بنت بسمهـ او لا!
اذا لقتهـ يعني

نووت
ومن اهلـهـا و وين عايشهـ
ام جاسر وجاســر منو!!
ومن الي خلاهـا وراح!!
ومن السبب بمرضهـا او ينونهـا!!
واخيرا من الي طمعان بالورث!!
كلهـا اسئلة محيرتـني
وناطرة البارت الياي والي بعده بكــل شوق عشانهـا
...
مادري ليش احس انهـا اخت هيـف من ابوه مثلا<<لا تضحكين تراني دايخهـ *_^
او تصير لبنت بسمهـ!!
ابدعتــي غيوم
ويشرفني اكون اول من يرد عليج
تقبلي مروري

السلام عليكم ورحمة الله وبركاته

مشكورة غيوم وياريت كل الاجزاء متقاربة من بعضهما كالجزء الاول
والثاني >>تحملي شوقنا لقلمك
نجي نعلق
بنت بسمة وماوراءها بصراحة احترت هل هي مختطفة ام هي عند
ناس لايسمحون لها بالاتصال مع احد واي سر هذا الذي تريد ان تكشفه
وماذا يوجد بالصندوق اسئلة كثير والاجابة اكيد لديكي
طيب نجي على نوت هل هذا اسمها وكم عمرها هنا اتسأل هل لها علاقة
ب بنت بسمة ربما اختها من غير اب اجد ضروفهم بها نوع من التشابه

هل تعرفين الحديث الذي دار بين الشيخ سالم وصديقه في القرى والارياف حديث معقول
لانه مجتمع ضيق واكيد الناس لديها وقت لكي تنسج الاشاعات وتنميها وتنشرها
ولكن ما ذا يردون ان ترمى فتاة الى قارعة الطرق لكي يمزقها الكلاب ام ان تصان في بيت
رجل يعرفون اخلاقهاواعتقد في مجتمع القرى لايختلف اثنان على اخلاق رجل معين يعني الانسان الجيد واضح الصور ولايمكن ان نخطأبه
قضية نوت وبنت بسمة لغز حقيقي ننتظر اكتشافه معك
هيف وسلطان
احلى ما في الحياةان ترزق بصديق اخ يشاركك بكل لحضات حياتك
روعة علاقتهم وروعة اسلوبك بالتعبير عن هذه العلاقة
عندي سوأل
احنه عدنا بالعراق الطبيب اول ما يتخرج يتعين قرى وارياف بأستثناء اوائل الكلية

هل عندكم مثل هيك موضوع ؟؟؟؟؟؟؟؟؟؟
نجي على مثايل
هاي وين عايشة يعني كلماته بما معناها احب على كيفي مو شرط يتوج الحب بالزواج
هههههههه امر مضحك جدا طيب يا اخت مثيال كيف ترضين لنفسك ان تتزوجي من انسان
وانتي متعلقة بغيره شنو هاي افكار المراهقة الحب يموت بعد الزواح منو قال انا اقول لكي انه يتحول الى حب من نوع اخر حب اقوى كلما مرت سنة عليه يتماسك اكثر ويقوى اكثر الى ان يصبح الزواجان شخص واحد وتجدين الزوجة تفهم زوجها دون ان ينطق وتجدينه يفهما دون ان تنطق هنا اتكلم عن الزواج النجاح والزوجان المتفهامان
عموما غيوم خليها تأخذ حسن حتى تكون عبرة لكل من تفكر مثل افكارها >>شريرة

شوفي غيوم راح اتكلم من وجهة نظر أم
اذا تقدم لابنتي ابن عمها الخلوق بشهادة الجميع المتدين بشهادة الجميع وهي بحجة انها لاترغب به بصراحة اغصبها لأن في بعض الاحيان الابناء لايعرفون مصلحتهم وهذا امر حقيقي وحدث بالواقع وكانت النتائج رائعة والابنة شكرت والدتها لانها غصبتها
واما اذا كان ابن العم خارج هذه الصفات فأنا اول معارضين هذا الزواج
يعني انا مع ام مثايل في مسألة الغصب وخاصة هي ابنتهم الوحيد الافضل ان تتزوج بقربهم
وجهة نظر لاغير نوف
غيوم توهتينا يعني اول جزء قلتي انها رفضت هيف وهي مقتنعة ولايوجد له عندها مكان والان لمحتي بأن هيف هو الذي يعتبرها مثل اخته وهي ماذا تعتبره ؟؟؟؟؟؟؟؟؟؟؟؟؟

هل تعرفين دائما وصفك للأماكن يبهرني وصفتي البيئة الريفة بطريقة رائعة وادخلتنا فيها
واشتقت ان اذهب الى ارضنا الزراعية واستمتع هناك >>الضاهر راح اسوي سفرة من وراء قصتك

ختاما غيوم ولا زعلين الجزء صغير واحنه ناس طماعة لانشبع من التهام الحروف >>اكلي حروف نتيه

بشوق كبير وبلهفة كبيرة انتظر حروفك من اجل التهامها >>خرب الرجيم
وفقك الله عزيزتي

معنى هيف وهي الريح التي تهب من الشرق وهو اسم قبلي عربي قديم

السلام عليكم ورحمة الله وبركاته

غيوم الشوق ... صدع راسي مع الغموض اللي بالقصة
<<حسيت حالي في فيلم بوليسي خخخخ


::هـــيف::

رجل عاش اليتم و عوضه خادم مخلص بالاهتمام و الرعاية و الصداقة و الابوة
ورزقه الله بسلطان و اهله و كانو له نعم الاهل
عجبني قوة الصداقة و الاخوة بيه و بين سلطان ... احسهم يفهمو بعض من نظرة
هل انتقاله للعمل بالقرية
بيكشف غموض الحلم اللي يراوده
اعتقد بيكون له دور كبير في حياة نوت ان قدر له رؤيتها

همسة ... وين زارا تحجز مزيون القصة .. اخاف يطير من المجموعة الماسية و الذهبية حقتها


::سلطان::

ياويل حالي عالحب و ما يفعل
بس قلبك وقعك بالحب مع بنت افكارها العجب العجاب يا سلطان
ياترى شو بتكون ردة فعلك
هل بتثور و تغصب البنت و ابوها على الموافقة
او ان عمك بيستغل غيابك و يملك لمثايل اذا ما عرفت اللحين <<اذا اب القط العب يا فار


::مثايـــل::

هذي والله اللي بتجلطني بافكارها الغريبة ... شكلها هي اللي مو فاهمة حالها مو احنا اللي مو فاهمينها
يعني شو ... تحبي على كيفك و بينك و بين نفسك ومو مهم تتوجي هالحب بالزواج
وبالطقاق باللي يبادلك هالمشاعر يا مثايل
مين قال انها قاعدة ان كل حب قبل الزواج و انتهى بالزواج ... مقدر له يموت و يختفي
مين قال ان كل حب بعد الزواج مقدر له يعيش الى ابد الآبدين
كل هالامور في علم الغيب و ما علينا احنا البشر الا اننا نستخير و نطلب ان الله يقدم اللي فيه الخير لنا
عالعموم يا مثايل ... انتي استخير و ربنا يكتبلك الخير وين ما كان مع مين ما كان شريكك في الحياة

انا مع ام احمد في حكاية الغصب
في النهاية سلطان ولد عمها و رجل عارفين اخلاقه و تربيته و اصله و فصله و الست مثايل ما عندها سبب مقنع للرفض
فليش ما يغصبوها <<شريره


::بنت بسمة::

حيرتيني معاها يا غيوم
هي وين عايشة ... هل هم في نفس المدينة ولا مدينة ثانية
شو سر بسمه و المذكرات ومين هم حصة و فهد في حياتها
غموض كبير يلف هالبنت و السر عندك يا غيوم


::نـــوت::

هذا اسمها ولا الشيخ سالم مسميها كده
شو السر اللي وراها
هل هي طفلة و مريضة ولا انها شابة
ومين جاسر و ام جاسر بحياتها
ايش بيكون تأثير قدوم هيف على حياتها و وجودها بالقرية


غيوم الشوق

عن جد اتمنى تكون كل اجزائك متقاربة المواعيد بهالشكل حتى نستمتع معاك بكل هالغموض اللي يلف القصة

سلمت يمناك

السلااااااام عليكم ورحمة الله

مرااااحب غيوم الشوق كل عااام وانتي بخير وتقبل الله طاعتك.


مبروك على الرائعه الثالثه والتي تبدو كـ روعة ماسبقها "مجرد توقع ليس استباقا للاحداث او تسرع


بدايه حلوه عودتيناا في الغريبه وبيتنا الطين على البدايه مع بنت واللحين لاااا مع البطل هيف وقصة الحلم الغريب ودي احط توقعي للبنت من تكون بس احسه بدري وبعدين "هيف" وش معنى هالاسم احسه غريب"

سلطااان/ شاب بعقليه قديمه متحجره نتمنى زوالها هي وامثالها في اقرب وقت حب التملك لشي مو من حقه ابد لييييش طيب يجبر بنت عمه تاخذه هو ولا تقعد في بيت ابوهااااا


أماااا عرضك لبعض القضايا مثل قيادة السيارات الله يجزاك بالخير فعلا شي مضحك وغريب المطالبه فيه

امااا الفضائيات ومااابعرض فيهاااااا هذي ام الكوارث والمصائب صار كل شي عاااادي تحت مسمى الحب الله لايبلانااا... بس تدرين وين المشكله ان هالفضائيات يقومون عليها ناااس ماتخاف الله تنشر ثقاغات بعيده كل البعد عن الاسلاااام

اما قصة الامريكيه : اول مره اقرأ عنهااااا بس كاارثه لو كان الكلام صحيح تخيل يجي احد حديث عهد بالدين الإسلامي ويعلمنا حنا اللي ولدنا مسلمين وتربيناااا مسلمين وفي وسط مجتمع مسلم بأمور احنا اعرف الناس فيها لكننا للأسف نكاااابر تحت مسمى العولمة

سالم.. شايب كبيرهذا اللي فهمته يرعى بنت اسمها نوت اسم غريب هو الثاني خخخ اعذريني والله الاسماء اللي ذكرتيها غريبه . بس البنت لهاا قصه واتوقع كبيره في السن أويمكن البنت اللي يحلم فيها هيف موكني قلت التوقع اللي مابغيت اقوله مشكلة الثرثرة الزايده والله خخخخا


ألف شكر لك غيوم على هذا الجزء وفي انتظارك دوماااا ...كل ماطرحت في في هالجزء وفي انتظارك دوماااا ***

ردي بعد قراة الجزء الاول ماعرفت عن نزول البارت الثاني من زود الفضاوه خخخ عذرا يعني