وش اقول عنك اخوي هاجس بصراحه روعه قليله بحقك على قدر ماتمتعت وانا اقراء البارت على قدر ماحزنت على احداثه
تدري هاجس كم مره صحت ومسحت دموعي صحت من حال الجازي وطلال وصحت قهر من استهزاء متعب اللي مهوب بمحله المزون ومت صيحا على حال مهره وعشاني ام دميعه بعد كملت صياح على العنود بجد رحمتها وحال عناد



صحيح اني من البدايه وانا متوقعه ان زواج طلال من الجازي مهوب مستمر حتى يوم خليته يدخل عليها ويسوي اللي سواه عشان تخلينا نجزم ان زواجهم راح يتم وانا متاكده انك راح تبعدهم عن بعض حتى مع تعلقها فيه وتعلقه فيها بعد حاسه انك بتسوي شي يفرق بينهم بس الابداع الحقيقي هو طريقتك في التفريق بينهم بصراحه قمه في الابداع فعلن حسيتها شي لازم ويصير مع اني كنت اقول ليش هو يبي يفرق بينهم الا لازم يزوجها عناد ويدور عذر عشان ياخذها
حبيت عزة نفس الجازي وردها على طلال
موقف سطام من الموقف ووقوفه مع الجازي ومعرفته عنها وعن نفسيتها ابهرتني تصدق اخوي عشت الموقف بكل حرف فيه وعدته كم مره كلامها الطلال ثم السطام حسسنس وشكثر انت مبدع ولله ولله وماحديتني على الحلفان هاجس الموقف هذا خلاني كاني فعلن اشوفه من غير تصنع بعيوني وطبيعي موقف الجازي وموقف مهره بعد مارقت لها ام ذياب كان تصويرك له قمة الروعه
حالت طلال صعبه انا مالومه بصراحه موقفه جد صعب وانا متاكده انه راح يبقي على لجازي وبطريقته راح يقنع امه باللي يبي لكن الخطا اللي سواه ان اعترف للجازي باللي يبون اهله وهو مايعرف ان اللي قدامه مهيب اي بنت هي ماراح ترضى انها تدخل على ناس مايبونها ولا راح ترضى بشخص متردد ولا عارف يحل الموضوع بكل حزم
كنت متوقع انها بتتمسك فيك وتطلب منك ماطلق عشان اللي بينكم وعشان حبها لك لا طلال بعدك ماعرفت الجازي
وبعدين اللي صار بينكم لاهو عيب ولا حرام انت مالك عليها وماصار شي بينكم الا بعد الزواج يعني مالويتها من اليد اللي توجعها
قرار الجازي نعم الصواب ليت كل البنات زيتس يالجازي صنتي كرامتس بكل قوه وخليتي طلال يعيش ندم بياثر على صحته وحياته الندم وفقده للجازي ماراح يحسون فيه مثله تدرين فراق الجازي بيموت طلال وبياثر عليه وبيكون تاثيره اقل وبكثير على الجازي
خاصه اذا عاشت حياتها وتزوجت عناد للي احسن منه بكل شي وماخسر الا هو بس تدري اخوي هاجس اتمنى مايجيه شي من فراق الجازي ولو هذا وحيد امه حرام بعد نتمنى له الشر بس اتمنى تعيش امه وخواته الندم على تفريقهم <<<<<شري فيني مابيهم يتهنون على جرحهم للجازي



ولله وعرفتي الطريق يابنت في كيف تتعاملين مع متعب يصراحه اعجبتيني مزون مع ان متعب قهرني بحركات استهزائه في مزون بس صدق بما انك رجال عرفت وشلون تصور شخصيته يبين انه لامبالي بمزون وهو يتقطع عليها
تدري هاجس فيه دكتوره نفسيه لها منتدى خاص وتحل امور المراءه في حياتها الزوجيه دايم نصيحتها للمراءه انها تحب نفسها اول وتاخذ حقها كامل قبل ماتعطيه حقوقه لازم ماتندلق له تخليه يشوف الشي الحلو فيها مندون ماتبين له تتزين وتتغنج النفسها اول قبل مايكون له مزون خليتس واثقه من نفستس ومن جمالتس ولا تخلين كلام متعب ياثر فيتس انا متاكده انه راح يمل من العله اللي عنده وبيشوف الفرق اللي بينتس وبينها لا من الجمال ولا من التعامل ولا من الاخلاق تدرين خليه يتولع فيتس ويتمنى رضاتس



تدرين العنود ان الله غفورن رحيم انتي حسيتي بالذنب تجاه ضاري والخوف من انه يدري ويعصب عليتس لكن هل تبتي وخفتي من رب العالمين
انتي استغفري ربتس واعتبري اللي سويته مع خالد مراهقة بنات واحسني نيتس مع ضاري وصونيه انتي الحين حامل وام عياله العنود ربي يغفر العباده اذا صدقو في التوبه وضاري مايستاهل منتس اللي تسوينه فيه وصدقيني خالد مهوب مجنون يعلمه لانه بيدمر اخوه قبل مايدمرتس وبعدين وجود خالد معتس في البيت مهوب عذر انتي تجاهليه واعتبريه مهوب موجود وخلي اهتمامتس بزوجتس واللي في بطنتس وصدقيني اذا خالد شافتس كذا ماراح يتعرض لتس حتى بنظره وبيزيد احترامه لتس


وين راح توصل ياناصر انت ليش ماتريح قلب شمس وتعلمها انك عارف باللي صار البنت من عمرها 15سنه وهي بعذاب خلاص ناصر حبيبتك بين يديك وتشهد برائتها والمذنب خذ جزاه من رب العالمين
يعني تبي طمنها عليك اول وتتقرب لها اكثر وتخليها ترتاح لك ثم بعد كذا تعيشها في حبك ياللى وش ورانا ننتظر


قطعت قلبي ذا المهره حرام عليك هاجس ليش كسرت قلبها مامدى البنت تهنى بحياتها مع ذياب الا وهي في مصيبه
اتوقع ان العوض اللي تقصده ام ذياب زواج مهره من احد عيالها ضاحي او صقر او خالد ولارجح هو ضاحي بس ياترى بتحبه مثل ماحبت ذياب بيعاملها مثل ماذياب يعاملها الله يطمن قلبها ويريحها يارب ويحبب اللي بتاخذه فيها ويسخره لها ويسخرها له


ماشاءالله عليك اخوي هاجس الله يحرسك من العين اكثر مايعجبني فيك انك ماتتاثر بتوقعات القراء وماشي بالروايه على نهجك انت وطريقتك انت وحتى اذا كان القارء قريب من التوقع شككته في توقعها
الله ينجحك يارب وتنتهي دراسك واكيد عاد الوظيفه مهيب جايه على طول نبيك تفرغ لنا بالكتابه مهوب تمنى انك ماتاخذ وظيفه بس عشان ماتلجنا بالدوام والمدير ولا يمكن تقول خطبت وبتزوج ومعاد انيب كاتب روايه عشان كذا تفرغ لنا بروايه او روايتين ثم ربي يسهل عليك ويرزقك ذيك الوظيفه اللي مابه احسن منها وكل سنه يرقونك مرتبه لين مايصير الا كم سنه وتاصل مرتبت وزير ويرزقك بنت الحلال اللي تتمتع بجميع المواصفات تشبه الجازي بكل شي الا انها بقلب سليم لاني بصراحه حاسه انك معجب بشخصيتها
مشكور اخوي الف شكر وربي يجزيك كل خير

مسآء الخير

شكرا اخي على البارت .. مم هل مو عد البارت كل خميس

بصراحه كلمة رووعهـ قليل


عناد.. اتمنى يتزوج الجازي

شمس..مابعد الصبر الا الفرج

طلالوه ..يستاهل

مزون ..اه يامزون قلبي وياها ودي يعرف متعب الحقيقه

ثانكس ننتظر البارت بشغف

السلام عليكم
يعطيك العافيه اخوي هاجس ليل
بارت رائئئئئئئئئئئئئئئئئئئع ماشاء الله عليك سلمت يمناك
الجازي وطلاقها من طلال
غلطة عمرك ياطلال انك تطلق وانت غير مقتنع حتى لو استفزتك بكلمتها اذا انت رجال
والجازي والله انك سنافيه واخت رجال اجل يتمنن عليك بزواجه منك ويبيك تكونين مع شريكه والله لو هو رجال قد كلمته ما قال امي تبي وخواتي يبن بس ها الطلال مايستاهلك بس المشكله الحين هي لو تزوجتي ثاني كيف تبررله اللي صار بينك انتي وطلال كان المفروض تفكرين وماتتسرعين بقرارك
************
مهره وذياب
اظن مهره فهمت الموضوع غلط ذياب ما مات والا ماكانت اخته بتنقل الموضوع ببساطه اتوقع انه حادث بسيط او اتوقع كلة الام ديتن وسلف لها علاقه بشئ مادي
ما ادري
بس الوكاد ان مهره فاهمه غلط وبسبب خوفها لاتفقدة مثل كل الغالين بحياتها خافت
واخته يو تقول شـ
ما كانت تقصد شهيد كانت تبي تقول شر وانصرف ومن هالقبيل

***************
زوجة متعب قدمت لمزون خدمه عمرها ماكانت تتوقعها واخيرا متعب شاف اللي كان موب شايفه سنين طويله وبعد كلامها واكتشافه له اكيد بينسى زوجته الخبله وبيرجع لها
************
عناد ياخذ الجازي
ممكن ويتعلمون يحبون بعض من جديد فكره حلوه مره وجديده علي
كل واحد يكره الثاني ويشوفه ند له اكيد الجازي راح تختبر معهاحساس ما عمرها فكرت فيه
وخلو هالطلال يقشر موز خخخخخخخخخخخخ
اخي هاجس نحن في انتظار القادم بشوق

مننننننننن متىىىىىىىى نزل البااااااااااارت من جد قهررر مادريت الا من شوووووووووووووووووي

بس ماله داعي تقتل ذياب في القصه انا اقوول يمكن ناااااامت وهي تشوف

التلفزيوون وحلمت انه ماات مستحيل مااااااات شي يقهررررررر بقوووووووه او انه طلب في حرب وذي صاحت ولا بينت وش السالفه لمرت اخوهاا عااد انت حتى لو حاط في بالك المووت اقلب السالفه بليييز بتسمج لو ماااااات

الجااازي كنت متوقعه في البدايه انهاا بتاخذ اعنااد بس الحسن اصعبت الفكره حلوو انك خليتها طلاق مو موت طلال يعني لو تزوجة يعترف لهلها بعدين عن الي صااررر

العنود تاكل تبن وتعيش وهي ساكته وتتجنب خالد وبكذا ترتاح

مزووووون حلوو الي التفت عليها متعب بس مستغربه للحين ماتكلمه ليه ؟؟
يعني معقوله خوالها ماقالوو او هي اغلطت عند احد فيهمم

ننتظرك بفارغ الصبر

جــ,ــ,ــودي