السلام عليكم ورحمة اللله وبركاته
كيف حالك هاجس ؟
, , ,تسلم على هـالبارت الحلو , ,
شفت في هذا الجزء مشاهد اعجبتني منها وقفت متعب القاسي و مزون المطعونه
في قسمه, و جلست طلال الرمنسي والجازي الخجوله , وبعد شقاوت شمس تحت
المطر وقسوتها في المستشفى. . . . . .
.. . . . كان وصفك رائع وان شالله يكون البارت الجاي اروع من هذا . . . .
نجي لتعليق....................
مزون :: كانت لحظات توديع متعب قبل زواجه من اللحظات اللي ماتنعاد في
حياتها بس ما امداها تتمرغ في حظنه و حنانه عن قرب حتى انهالت عليها الكلمات
الصاعقه ربما شطرت قلبها وشلت احاسيسها واركانها . . . .
متعب:: متعب يحاول يضيق الخناق على مزون بسهامه القاتله حتى تفقد الامل . . . . . . . .
بعدين كيف ما تعني له شي وهو يكن لها من المحبه والله اعلم بمقدار هذي المحبه ولو انه ينكرها . . . . . . طيب ليه مخليها عنده وكل شوي ماسكها مع يدها وجارها يوريها
قسمه اللي ازعجنا فيه عشان يقهرها ويعذبها وينتقم منها لأنها كانت عبء عليه
وامانه ثقيله و للاسف شكله بيضيع الامانه و اصلا لو هو قد حمل الامانه ما اشتكى . . . .
الجازي :: الانثى وان كان كان فيها جوانب قوة بيكون فيها بعد جوانب ضعف حتى
لو كانت قوية او خشنه فهي دائما تخضع لالرجل.
توقعت ان الجازي تخجل قدام زوجها و تواجه الرمنسيه بالصمت و السكوت لانها
تجربه جديده عليها . .
بس اللي ماتوقعته تطلع عليه بملابس مدري وش تبي ومتعطره بفيقس حسيت
بالكتمه وانا اقرا . .
استحسنت اسلوب طلال معها و بتره محاولات التمرد اللي ممكن تصدر منها ,
ودغدغة مشاعرها وتحريكها بلطفه ورومنسيه
شمس:: فرحت لفرحها تحت المطر وكانه جاء لينفس عنها الظغوط والهم والخوف
ويخرج شمس الطفله من داخلها بحركاتها وشقاوتها. .
اما بالنسبه لشمس القاسيه يمكن تكون هذي ردة فعلها (نحو يوسف) نتيجه للخوف
والاهانه وقلة الحيله وفقدان الامل في اعترافه لكني استغربة انها كانت
في مواقف اخرى وصعبه لجات الى الله ..... ....بس هالمره اظن انها يأست وخافت من
تهديد يوسف بالتعرض لها حتى بعد الزواج وتجرأت وحبة تاذيه وهو في حالة ضعف
لاحول له ولا قوة. . . . .
’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’’ ’’’’’’’’’’’’’’’’’’’’’’’’’’’’’’’’’’’
,,,,,,,,,,هاجس اتمنى لك التوفيق في حياتك العمليه والعلميه,,,,,,,,,,
لك خالص احترامي وتقديري

السلام عليكم ورحمة الله وبركاته

من جد قصتك ابداع
متعب كرهته
يوسف جعله للموت
ناصر غبي
مزون يارب تتكلم
شمس مسكينه وكاسره خاطري ويارب يتعدل وضعها
الجازي مصرقعه لكن حبيتها
واتمنى لك التوفيق والمزيد من التقدم ومبروك التثبيت

السلااام لكل قراء الروايه وكاتبها

اول شي انا كتبت لك رد طويل معناته اني انتظر وهزئتك فيه بس الحمدلله انهم مسحوه خخخخخخ
الله يهديك ليه طولت علينا مع اني متأكده ان عندك ظروف بس والله ماقدرت اصبر بس لاعاد تتعودهاخخخخ
المهم نجي للاهم << حلوه صح؟

الجازي : احس الوصف اللي وصفت فيها حالتها يوم دخلت على طلال رااائع وماشاءالله عليك عارف باحساس البنات بس طلعت مو هين جبتها لان كلامك صحيح البنت تهدا وتدوخ بالغزل حتى لو كانت قويه واخت رجال على قولتهم .

طلال : حبيته واحس بيطلع حنون ورومانسي مع الجازي الله يوفقهم ان شاءالله بالمناسبه ترى عجبتني شخصية طلا مع اني ماتوقعته كذا يعني يحب يمزح بس بحدود .. مثل يوم انها دخلت بالقميص وريحتها فقس الله يرجها هذي سواة تسويها يممممه منها جريئه ...هههههههه انا مره طلعت لزوج اختي وانا توي صاحيه من النوم ولابسه بجامتي والكشه طايره عاد تعرف مالاداعي اشرح لك واتمشى بالصاله وانا اكلم جوال وفجأه انفتح الباب الا شفته بوجهي انا صرخت صرخه مدويه وقلت لااااااااااا وهو مسكين اختبص وانا قمت ابكي ووقفت بروح للصاله الثانيه الا انفتح الباب مره ثانيه وطلع في وجهي وهو يقول
اسف والله اسف وانا حدث ولا حرج ركض عند ماما وانا ابكي ااااااااااه الله لا يعيده من موقف.
ضاري : ماجبت عنه شي ولا عن خطوبته لييييه؟
عناد : ياخي هذا محيرني مدري مين بياخذ << يمكن ياخذني انا
ذياب : ياحليله خفيف دم بس نبي نعرف زوجته في البارت الجاي اوصفها
يوسف : الحقيييييييييييييييييييييييييير خليني ساكته احسن
عبدالعزيز : كبر في عيني واتوقع انه بيتزوجها مدري نسيت اسمها بس لحظه الحين اللي طلعت معاه ليه مارضى يقول اسمها احس عنده عادي انه يفضحها
متعب : انا بسميه متعب القلب ......... ومو اي قلب قلب مزون بعد قلبي مدري ايش بيصير فيك
تصدق حركه حلوه اذذا خليت عناد ياخذ مزون << امزح لا تاخذها جد

نجي لاهم شي وهو اسلوبك :
تعبت اوصف اسلوبك والله من جد ياهاجس اذا تعمقت في اسلوبك احس اني في عالم ثاااااااني واحس انك تضرب عالوتر الحساس يعني تجيب معاني وكلمات تريحني .

واسلوبك مع انه عامي الا انه اسلوب مبدع وراائع وياخذني الى البعييييييييد واحس من اسلوبك في الكلام ياانك شمري او عنزي صح؟


وفي النهايه ماابي اطول عليك مثل ماطولت علينا << لازم ارمي كلام هههههههه

اقولك الله يوفقك ان شاءالله والله اقولها وطالعه من قلب

السلام عليكم ورحمة الله وبركاته


اهلييييييييين اخوي هاجس


تسلسلكـ في الاحداث اكثر من رائع


شخصيت جازي وتشتت شخصيتها امام زوجها كان اكثر من رائع في الوصف



غمووووووض شخصيته في القصهـ وسبب تعلقهـ في الجازي



ابدعتــ في شخصيت شمس تتكلم عن واقع مرير يحدث وتهاون الاهل



في ابعاد البنات عن ابناء عمومهم



أأأأأأأأأأأأأأأأأأهـ فتووون وشخصيت متعب


اتمنى اتمنى انك تخفف عنهاا بصراحه بدينا نتثر مرررهـ معهاا


نجااات اختــ خالد وشهامت رجل الامن لهااا وتسترهـ عليهااا


بليززززززززززززززززز هاجس زووووووووووووووووووج عناد


اخت فتووووووووون عشان يعرف قدر الجازي



ويعطيكـ العافيه ..

السلام عليكم ورحمة الله وبركاته

هاجس ليل

ترددت مرررره قبل ما اخط اي رد هنا ... مو لأن البارت ما عجبني
بس اي رد كنت راح تشوفه بعد قرائتي للجزء كان رح يكون سطرين وماراح يوفي حق القصة و الكاتب
بس نحاول على قد ما نقدر نخط رد يليق بك ان شاء الله

--------------------------------------------------------------

هاجس ... قبل ما اقرأ الجزء .. قرات كلام ارادة الحياة و سقط قلبي
قلت شكلو بنعطيه مخالفة و غرامه بعد

بس صدق ما حسيت بسرعة الجزء و الاحداث و سرعتك سليمة يا اخوي

يمكن سبب احساس البعض بسرعة احداثك هو كثرة الشخصيات و تعدد المواقف في الجزء
مثلا ... محد كان متوقع اي حدث او شخصية راح تسلط عليها الضوء في البداية و كان اختيارك لمتعب و مزون

و فجأة من بعد مزون و متعب ... جا دور عبد العزيز بكل سرعته و تغير تصرفاته في الجزء الأخير لتصدمنا بهرب هتون و ما قدرنا نفهم من المشهد شو بيدور في عقل عبد العزيز

هاجس ليل ... مو سرعه احداث بقدر تعليقك للقارئ مع كل حدث و كل شخصية لدرجة ان القارئ ما يحس بحاله الا وهو منتهي من الجزء و مازال غير مستوعب للاحداث لكثرتها و قوتها و تنوعها و اختلافها تماما عن توقعات القارئ

متأكده انك نجحت في كتابة قصة مشوقة و بعيدة عن الملل و غير راكده حتى الآن


تنقلك ف بعض المشاهد يين الحاضر و الذكريات كان رائع و خصوصا في مشهد الجازي و شمس
اما مشهد استرجاع الجازي لذكرى مقابلة طلال ... اعترف انه اربكتي و شتت تفكيري شوي لأن الجازي استعادت المشهد مرتين ... مره قبل ما تدخل على طلال و مره بعد ما شافته


دون مجاملة ... صحيح انك ابتعدت عن الوصف في هذ البارت ما عدا مشهد المطر ... الا انك نجحن بشكل كبير بالغوص في وصف مشاعر الانثى بكل تقلباتها

<<عندي فضول اعرف ايش تخصصك ... يمكن له علاقة بالموضوع



نجي لشخصياتك


::مزون::

كثر الضغط يولد الانفجار ... وهي ضغطت على حالها ما فيه الكفاية و هي انثى تبا تعيش لحظة أنوثتها مع زوجها ... لكن متعب استكثر عليها هاللحظة و ابدع في جرحها و اهانتها
يمكن الاهانه ... تظهر مزون اقوى و اعقل و اكثر قدرة على تحمل القادم


::متعب::

ياويلك من الله يامتعب ... خاف الله في البنت
مدري كلامك لمزون ... جا عن قصد و تعمد عشان تبعد عنها الاوهام و ترجعها لأرض الواقع او هو كلام غير مسؤول و جارح و مهين في نفس الوقت
أجل مزون ولا شي بحياتك و أمانه ثقيلة ... لو هي ولا شي يا مستر ... ليش قارفنا في حياتنا انت و قسمك و طالع نازل تبا مزون تشوفه و حتى ترتبه لك
بعد كل هالعمر معاها ... تظن انها ممكن تعمل عليك هالشويتين عشان تعترف فيها زوجة ... لاااا ... مره طحت من عيني
ياريت يجي اللي يقلك ابا اتزوجها و طلقها اللحين ... عشان نشوف المرجلة يا سيد

زارا ... بعطيك الجرين لايت لحزبك و وري هالمتعب شغله قبل ما يرفع ضغطنا بزياده ... اووف يقهر

ايوه صح ... لاحظت عليك انك دايما تبدأ الجزاء بمتعب و مزون و بعد كده ما نعرف عنهم شي اللين ما نقرأ عنهم في الجزء الجديد << مفصفصة الجزء


::الجازي::

هاجس ... ابدعت في اظهار الجازي الأنثى الخجولة الباحثة عن اهتمام و حنان الرجل حتى لو تظاهرت بالقوة و خشونة التصرفات
و طلال كان من المهاره و الذكاء بحيث احتوى غضبها و انفعالها و طول لسانها بلطفه و كلامه و حركاته

<<والله هالطلال رهيييييييب دخل مزاجنا و حبينا شخصيته بقوه و الله يستر عليه من كاتب القصة


::شمس::

ما اقدر اقول يا هاجس الا انك تبدع مررررررره في وصفها
تحت قطرات المطر ... اظهرت شمس الطفلة بكل عفويتها و ضحكاتها و اعتقد كل قارئ قدر يتخيل نفسه مكان شمس بسبب وصفك المتقن
وفجأة اظهرت شمس الأنثى المجروحة الموجوعه المتضرعة الى الله تعالى ... كان مشهد صادق للغاية
احببت فيها خوفها من الشماته وهذا دليل على طيبة القلب و مو اي احد ممكن يحتفظ بقلبه ابيض و نظيف خصوصا نحو واحد بدناءة يوسف
شمس القاسية ما حبيتها و حبيت تصرفها
داخل كل شخص ... طبيعة تحب الانتقام لو اعطيت الفرصة و خصوصا اذا كانت وصلت الى قمة اليأس و فقدان الأمل وخصوصا اذا زين الشيطان لها الانتقام ... اكيد راح تنتقم و مايردعها رادع


::ناصر::

رحمته مرررررررره هالانسان
ابتسمت و انا اشوف فرحته برؤية شمس الطفلة اللي عشقها و حبها و تألمت له وهو يتذكر خداعها و تصرفاتها و عجزت معاه افهم اسباب تصرفاته ... لكن الحب بدفع العقل لفعل غير المتوقع


::يوسف::

حرااااااااام الواحد يتعب نفسه في الكلام على هالانسان
انسان شاف الموت بعيونه لكن رحمة ربه نزلت بيه و مع ذلك مازال قادر على ان يظلم و يتجبر و يهين و يؤلم انسانه نالت منه ما يكفي
لكن الله يمهل ولا يهمل و صدقني نص هالعذاب الي شافه او راح يشوفه لا يقارن بعذاب الآخرة

طلبتك يا هاجس لا تخف ايدك عليه و تخليه يموت دحين ... لسه بدري ... خلينا نشوفه يتعذب زياده او يمكن رحمة ربه به تكون واسعه و يهتدي


::عنـــــــــــــاد::

لك الحق يا هاجس و لنا الحق بأن نفخر بمثل شخصية عناد
شخصية تمثل بلدها خير تمثيل ... تمحو آثار من لوثو صورتنا في الغرب و يعطي انطباع رائغ عن بلدهو دينه و اخلاقه
و وجهة نظرك عن اختيارك للزوجه مقبولة و تمثل تفكير اغلب الشباب
لكن زي ما قالت ام أحمد .. التوفيق في الزواج هو من عند الله و لا يعني اختيارانا للزوجه الصالحة من منظورنا ان الزواج راح يكمل و يستمر


::عبدالعزيز::

الحمدالله ان وسوسة الشيطان لم تستمر و فكرت في اهل العنود قبل كل شيء
شاب يرفع الراس عن جد
لكن هل هتون راح تثبت نزرية عبدالعزيز و ما تعيد الكره بعد ما اكتوت بنارها
هل راح يكون عندها الوازع الديني الحقيقي و الخوف من الله و من اهلها عشان لا تعيد الكره مره ثانية
هل راح تكون القرصة في محلها و تبتعد عن صحبة السوء ولا راح تعتبرها تسلية و تبا تجربها مره ثانية



::ذيـــــــاب و زوجته::

عندي تعاطف كبير مع زوجة ذياب لأنه صعب البنت تلاقي حالها مرميه على اهل زوجها من غير سند او عزوة و هم على قيد الحياء
مو كل اهل زوج يراعو هالناحيه في تعاملهم مع زوجة الولد او الأخ وفي الطالعه و النازلة يسمعوها كلام زي السم
ومن لطف الله فيها ... اهل ذياب طلعو ناس متفهمين و طيبين وراح يشيلوها على كفوف الراحة
لكن هل الزوجه ... راح ن مستاهلة لهالمعاملة الطيبة
راح تستغل طيبتهم و تفهمهم لحالتها و تطلع عكس اخوها و شبيهة لجدها و هذا واقع موجود للأسف



هاجس ليل

زي ما قلت قبل ... خذ راحت بالكتابة و الزم ما عليك دراستك و خليها دايما أول أولوياتك و القصة آخرها
أتمنى تتقبل ملاحظاتي بصدر رحب كالعادة و ان تجاوزت فاعذرني

سلمت يمناك و بالتوفيق