الــســـــلااام علــيــكم..

اهنيك على هالجزء اللي بصرااحه اشووف انه جزء يفووق الاجزااء كل اجزااء القصه اللي قبل.. هذا الجزء اعتبره التووب في قصتك.. واتمنى انه يكون قداام الاجزااء الجاايه اقل شأن.. >>> لااتفهم غلط قصدي ان الاجزااء الجاايه تكوون قمه باحداثها.. يااخوفي اني جبت العيد بعد العيد.. هخهخهخه

شوف اخووي انا باول رد على القصه قلت ان اكثر شي منعني من قراايت القصه من اوول ماانزلت هنا ان الكااتب رجل.. وانت رديت على كلاامي هذاا بانه يمكن ان الرجل تخلو قصته من الوصف الدقيق اللي تتمتع به المرأه... بس هنااا صرااحه اثبت انك في الووصف فوووق الوصف.. مقااطع الجزء كـــــــــــــل ابووووووه.. فيهاا وصف رهييييييييب وكل ماقلت رووعه هالموقف يجي موقف احلى منه.. حتى المشااهد البسيطه.. زي لما كان متعب افندي يرقى وينزل من والى قسمه الجديد والصبغ في ملابسه و مزوون منهبله على شكله.. مااا اقدر احدد مووقف او مشهد معين لاني فعلاا لو سويت كذاا باظلم جهوودك الراائعه اليووم. ومع هذاا لاااوم اقوول ان مشهد ذياب ونايف.. هزني بقووه.. فكل الجزء على بعضه ابدااع في ابدااع.. واعتبر هذاا الجزء ( الجزء المشااهد وليس المقروء)
وقبل ماا ابدأ بالشخصيات والحديث معها.. احب اقوول لك ان طريقتك اليووم بان الشخصيه تدخل الحدث وبعدين نتعرف عليها .. طريقه جداا جداا رهيبه.. يعني مثلاا المشهد اللي دخلت فيه شمس على نااصر.. بالاول كنت متصووره ان الموقف صاار للجازي وانها بتدخل على زوجها.. وكنت متصووره هذا لاني شفت فيهاا بالاخير رضوخ لزواجها ..

وزي موقف العنود مع ضااري كيف توقعت ان البنت هذي مزوون .. ويااليتهاااااااا كااانت مزووون..
صرااحه الجزء اليووم ابدااع.. واعجبني فيه مره مرره مرره.. انه كله احداااث ماا رتاح من مووقف الا ويجي موقف ثااني.. يعني لما قريت هالجزء . قلت اشووى ان الرجال ماا انهبل وكتب الجزء وهوو بقمه الطفش من الجاامعه وعلوووم الجاامعه. كان ربعناا الحين لحقواا ناايف الله يرحمه..هخهخه. وترى عندناا وعندك خير....
نجي عااد للشخصياات..

شمس : آآآه وآآه والف آآآه واسف على حااااالتس المر... من اوول مااقريت معنااتس وانتي الشخصيه الاكثر جذب بالنسبه لي.. لان الوضع اللي انتي فيه ماااايعرف وشوو الحل اللي ينااسبه..؟؟؟؟
والله يااشمس وضع ماا ادري من الووم فيه .. هالتجمع العائلي اللي ترك بدون رقابه.. والا الووم امتس اللي حظرتها صااكه على نفسهاا بقسم وقااطه بناتها براا مع عياال عمهم وااللي هي عارفه ان وااحد منهم بلاا اخلااق ولاا واازع.. والا الووم ضعفتس وانتس من البداايه سكتي ومااا قلتي لاي احد عن هالموضوع.. والا الووم المجتمع اللي عنده وحده بمثل وضعتس غلطاانه والغلط رااكبها من رااسها لرجليهاا حتى لوو كاانت ضحيه..؟؟ والمشكله ان المجتمع تغيييييييييييير بكل شي. الا هالنظره الدوون للبنت الضحيه وانها ممكن تكون سبب في اللي صاار لهااا. مع ان انتي بصرااحه كنتي فعلاا سبب بالملاابس اللي كنتي تلبسينها قداام وااحد ماايخااف الله ويمكن ان هالاسبااب كلها تجمعت بحاالتس واللي صاار لتس يااشمس.. لكن مع هذاا اشجع فيتس خوووفتس من الله وحبيت كثييييييييييير لحظه الضعف اللي حسيتي فيها وكنتي بتنتحرين لكن الخووف من الله ومن عذاابه وكيف انتس بهالتصرف بتخسرين دنيااتس واخرتس.. خلاتس ترجعين كل حبه اختيهاا بمشهد حسسني باني وااقفه قداامتس وانتي بوضعتس هذاا..وبما انتس يااشمس توجهتي لالله فالله فكوني واثقه انه مااراح يخيب املتس ولاا احتيااجتس له.. ومااا بعد الضيقه الا الفرج يااشموووس.. وما لمتس ولااا لحظه في كل محااوله كنتي تحاولينها بجهوود فرديه منتس بانتس تتخلصين من وضعتس هذاا ولو كان من اللجووء لواحد حقير تسبب بهالوضع اللي انتي عايشه فيه.. الياس يخلي الوااحد يسووي اكبر من كذاا .. والاكبر شفناه بمحااولتس للانتحاار .. اتمنى انها تكون اوول واخر مرره نشووف هالمحااوله.. مع اني خاايفه ان حيااتس هاللي انتي عايشتها الحين جنه بالنسبه للحيااة اللي بتعيشينها وبتكوون جحيم حقيقي لتس ..

نـــاصــر : ودي اعرف وخااطري فعلاا اعرف.. ليش تصرفت هالتصرف ؟؟ ليش خطبتها؟ هل لانك فعلااا خاايف على سمعتكم؟؟ والا لانك حبيتهاا صدق وبزواجك منها وانك تشوفها قداامك وانت تذكر تصرفها اللي هي طبعاا مظلومه فيه ممكن تكرها وتشيل حبها من حيااتك؟؟؟؟ وبعدين ياا ناصر كيف صدقت وااحد حيوان مثل اخووك اللي بلاا اخلااق وبلا ضمير وانت بنفسك عااارف من زماااااااااااان انه ما يخلي اي شي يمنعه من اللي يبي حتى لوو حرمة اهل؟؟ انت بنفسك شفت ومن اكثر من 10 سنوات تصرف منه واعتبر ياا ناصر انك من المسؤلين عن اللي حصل لشمس.. لانك طلعت وخليت شمس بروحها وبهذاك الوضع ومع مجرم بدون اخلااق مثل اخوك.. اتمنى يجي يوووم وتعرف الحقيقه وماايهمني هي بتكون معك او لأ.. بس اللي فعلااااا خااطري فيه انك تعرف ان بدااااااااايه هالعذاااااااب كانت بسبب غلطه انت ارتكبتهاااا.. يمكن هي سااعدت على هالشي باللبس اللي كانت لابسه بس حتى لو انت كنت الكبير والعاقل وكان لاازم لما طلعت خذت اللوح اخوك برقبته وخليته ينقلع براا.. وبكل ثقه اقوولك ان اخوووووووووك مستحيييييييييييييل يتخلى عن تسليه متوفره بين يديه عشاان اخووه و اعتباار لحرمة اخووه عليه..

يوسف : تدري يووسف وش اللي كنت بقووله.. كنت بقوول الله يهديك.. لكن الحين اعتبر هالدعووه حساافه عليك. ماا اقوول غير الله ياااخذ عمرك ويجعلنا نشووف فيك ماايسر ويفرح قلووبناا ياارب.. ادري جااتك دعااوي كثيره من يووم بدت القصه بس شكلهاا ماافاادت فقلت نضااعف هالدعااوي عل وعسى تثمر ويقبلها ربي ونرتااح من خشتك الودره ياا مجرم.. اكرهك بكل مشهد لك .. لكن لما كنت تكلم شمس والالفاظ اللي قلتها لها تبين فعلاا انك شخص دنئ بكل معنى الكلمه .ز واخرتها تقوول صوتها حلو بالتلفوون.. جعلك الوهم والسم الهااري ياارب..بس الحين والله خطر على بالي خااطر وهو انك انت متزووج.. وانا اقوول اني وااثقه ان هاللي تسوويه بشمس الا بيرجع لك يووم وبزوجتك.. ويمكن يكوون التصرف اللي انت تصرفته مع شمس وانت من اقرب النااس لها تلقى بعد واحد من اقرب النااس لك يتصرف نفس تصرفك مع زوجتك.. ويمكن يكوون تربيااتك خالد؟؟؟؟؟؟؟؟؟؟؟؟؟؟؟؟

مزوون : وش اقوول ياا مزوون.؟؟.. والله حسيت فيتس لما كلهم قاااموا وتركووتس برووحتس وماا التفتوا لتس ولو التفااته بسيطه وطااوا كلهم عشاان يشوفون قسم متعب التعبان هو والكريهه اللي ماابعد شفناها للحين.. واللي يقوول هاجس يمكن تكون طيبه وانتي اللي تنقلبين.. والله لوو تنقلبين الف مره ياامزوون اناااا معتس قلباا وقالبااا.. ومااراح احب الكريهه زوجة اللوح متعب التعباان الاهبل.. والله انها مااتسوى طرف ظفرتس الصغير.. هه ياامزوون ترااني اقوولتيس من الحين اني اناا زارا من انصاارتس انتي وبس.. وهذاا الحزب جاهز لقبوول الاعضاااء..هخهخه.. وانا ضد زواج متعب من اللي ماا ندري منهي .. واقوول لهم زواج متعب من .......... باطل يااقدعاان.. >>> والله شكلي تحمست شووي..


متعب : انا اقوول انك لوووح تدري ليه.؟؟ لاني عاارفه انك تحب مزوون .. وتلعب على نفسك قبل مااتلعب عليناا.. وقسم بالله تمنيت اني اللي طااحت على ضاري هي مزوون عشاان بس يجي ويقوولك طلقهاا بتزوجها وهذيك السااعه نشووف مرااجلك ياا استااذ.. يااا ويلك من الله ياامتعب. كيف ماتعرف انك تحب مزون وانت الوحيد اللي فقدتها من اهلك لما طلعوا يشوفون عش الزوجيه الجديد لك جعلك ماتهنى فيه الا اذا صار عاد من نصيب مزوون..والله انك انااني وبقمة الانانيه بعد .. ودي بس اعرف من هالمجنون اللي بيجي ويقوولك زوجني زوجتك.. لو كنت صاادق بكلامك هذا وانك تبي يكون لها حيااة زي ماا انت لك حيااة طلقهاا.. طلقها وخلها تروح بنصيبها مثل ماا انت الحين تخطط انك تروح بنصيبك.. واللي ماتعتبر مزون اهلاا له... انت ظالم ياامتعب ليش ماحاولت تغصب نفسك انك تعيش حياة زوجيه طبيعيه مع مزون .. ليش حرمت نفسك وحرمتها من هالشي.. لوو طلقتها خليتها تروح بنصيبها ياا متعب هذيك السااعه انا شخصياا بهنيك بزواجك غير الميموون باذن الله.. والله ياا متعب عجزت اتمنى لك السعاده وانا عاارفه ان زواجك فيه تعااسة مزوون.. حسبي الله على مخك المقفل ياا الدب..

الجـــازي : قووووويــه ورهيبه انتي.. تصرف حكيم جداا جداا منتس ياا الجازي .. انتس تتركين البيت وتبتعدين عن كل النااس اللي تحسين انهم مسووين خياانه لتس.. والله اعجبتيني لان وحده بمثل شخصيتس ويصير لها اللي صاار بتزويجها بدوون شورها وبدون حتى ماايكون لها رأي بقراار مصيري متعلق بحيااتها كلهاا..ممكن تذبح اي احد تدخل بحيااتها وكان تدخله بشي مصيري لها... والاكثر قسووه ان كان هاللي تدخلوا بحيااتها هم ناااس ربوها على الاستقلال برايها وباحترام اي قراار واي رأي تقوله وتؤمن فيه.. وفجأه هالناس اللي شكلوا هالشخصيه هم اللي كانت لهم اليد باتخااذ قرار مصيري خاص فيها.. الحلوو فيتس ياا الجازي انتس قدرتي هالشي ومااا اعتبرتي هالقرار تحدي لتس وسويتي نون ومايعلمون عشاان بس تثبتين قووة شخصيتس وقداام نااس اقووى منتس.. اعجبني انتس عرفتي حدتس واعتبرتي ان اللي صاار بعد التفكير شي طبيعي.. والا احلى انتس بديتي تتقبلين هالقرار.. وبديتي ترجعين لحالتس الاولى..وعرفتي انتس مستحييييييييييييل تقدرين تواجهين قوى عظمى متمثله بابو وجد هم اللي صنعواا الجازي بنت ابوها.. بس ماازلت اقوول ان هالزوج اللي للحين موو بااين ولاا واضح بالصوره ممكن يقلب كل توقعاتنا ويكون هو اللي يملى حيااة الجاازي.. مع اني ماازلت مستغربه من استمراار هالتصرفات اللي بينتس وبين عنـــاد .. وكل ماشفتها قلت شكل للحين فيه اشياااااااااااااء كثيييييييييييييره خااصه فيكم وماانعرف وش الهدف من استمراارها؟؟؟؟ بس على فكرة تراااتس تقهريني قهررررررررررررر اذا قمتي تكلمين عن عنااد وقلتي ان البيت موو بيته.. ؟؟ الا بيته وانتي مااتشوفين الدرب .. يختي احد قاالتس اتركي بيت ابووتس .. ؟؟ والله الرجال مااله الا هالبيت وبعد بتطردينه منه.. فكي عن الرجال شووي ياا الدبيه..

عنـــــــــاد : بنااااااااااااااااااات ترى عنااد.. احم احم.. وفهمكم يكفي.. هخهخهخهه.. اخووي هاجس اطلع منها انت.. هخهخه
المهم عناااااد بيك.. حبيت تصرفاتك الطفووليه اللي تسويها مع الجاازي.. صح ماا ادري وش تبي تااصل منها بس متوقعه انها بتكوون لغرض في نفس يعقووب ,, أأأ قصدي هاجس.. هخهخه.
مع اني اتووقع انه بيكون لك دوور في حيااة الجازي يمكن موو دوور قريب . بس بيكون لك دوور ويمكن يكوون دووور نحس فيه بالفخر فيك.. اقصد انا برووحي احس بالفخر في.. هع


ضااااري :.. من يووم بدت القصه وانا اعتبرك الرجل الحنوون بالقصه.. من خلال تعاملك مع الجازي ومن خلال خوفك على اختك ومن خلال مشااعرك اللي حسيت فيها من شفت العنود وتانيب الضمير اللي صاار يجلد فيك وكيف انك كنت تشووف حرمات غيرك.. كل هذاا ياا ضاري يخلين اقوول ان ربي بيعطيك على قد نيتك.. وماراح ربي يخيب رجاائك فيه.. وانت رجال تخاف الله ياا ضاري ومن هذا كله عارفه ان ربي بيعينك في حياتك ان كانت مع العنود والا مع غيرها.. والله مشهد رهيب اللي بانت فيه مشااعرك او اللي انهرت فيه من مشااعرك ومع هالتخبط القووي من المشااعر كنت تأنب نفسك على اللي حصل منك.. والله لو حصل انك خذت العنود بانت حسااااااااافه عليها.. بس اتمنى انك مااتنصدم في حياتك الجايه صدمه قوويه..

العنود : صدمتيني ياا العنود .. من اوول ماعرفت ان انتي اللي مع خالد انصدمت..كيف قدرتي تسووين هالشي وبكل قوااة عين وسط بيتكم.. كيف امنتي لواحد خاان ثقة اهله وعمانه .. كيف انتي اصلاا قدرتي تخونين ثقة اهلتس فيتس ياا العنود..وغير كل هذاا كيف قدرتي تسووين التمثيليه الحقيره مع ضاري..كيف راح الحياا وانتي واثقه انتس ممكن اذا طحتي على ضاري بتكشفين؟؟؟ وكيف اصلااا ساويتي خالد التعبان اللي بلااا اخلااق بضاري الادب والاخلاق والدين.. ومن وين جتس هالخطه بانتس تنتقمين من خالد باخوه.. اصلااا كيف انتي للحين مستمره بهالطريق بعد ماعرفتي نظره واحد صاايع مثل خالد لتس انتي وامثاالتس..

هتوون : تدرين هتون وش اكثر شي استغربه من هاللي صاار ان انتي للحين مصره تااخذين وااحد رفضووه اهلتس ولاسبااب قوويه ومقنعه لاي عاائله ... واللي اعجب من هذاا واللي صدق صدق صدمني.. ان فيه ناااس ممكن يستخدموون كل شي بدأ من اصلهم وانتهااءأ باشيااء لاتحمد عقبااه من بااب التمثيل.. كيف تااصل الجرأة بناس انهم يتمادوون في تمثيلهم بانهم يدخلون بيوت الناس ويخطبون ويكون هذا كله تمثيل في تمثيل.. يعني صدق فيه اشيااء زي كذاا؟؟؟؟؟؟؟؟؟؟ هتون انتي وضعتس كــــله مخيف.. من صديقة السووء اللي تسااعد اخووها على هتك اعراض النااس.. مروراا بوضعتس المزري اللي رااحت فيه الكرامه والحياا والسمعه.. وانتهااء بانتس طحتي بيد الهئيه.. والله موقف لااتحسدين عليه ياا هتون.. هتون انتي مو بزر عشاان نلتمس لتس العذر باللي صاار انتي طلعتي وانتي مبيته النيه بهالطلعه وناويه على الهدف منها.. لااا والادهي والامر ساالفة النظره الشرعيه حسبي الله عليتس وعلى اصدقاء السووء وعلى هالنااس اللي ماعندهم ضمير.. انتي عمرتس 19 سنه يعني مو ام 14 ونقوول مراهقه ينلعب عليها بسرعه. اللي بعمرتس فاتحين بيوت وبعد امهات .. يعني انتي لتس عقل تفكرين فيه.. والله لوو ان كل وحده من هالبنات الضعيفات لوو فكرت لحظه بعقلها وبانها ممكن من ان هاللي تسوويه بيأثر على اهلها وبيوطي رووسهم.. مااكان اسمعت لوسوسة الشيطان.. لو فكرت لحظه بان هاللي تسوويه لو انكشف بتكوون صفحه سووداااء بعمرها كله ومااراح يكون تاثيرها بس عليها هي. لااااااااا بيتعدهاا لكل فرد من افراده عاايلتها للابو والاخو ولعياال الاخو وعياال الاخت وعياال العم وعياال الخاله.. ولوو جااء بعد 40 سنه او 50 سنه واحد جااب طااري شخص من عايلتهاا لااااااااااازم يجيبوون سيرتها ويقوولون هذا فلاان اللي خالته والا عمته والا بنت عمه سووت كذاا وكذاا.. يعني بتكووووووووون وصمة عاار حتى بعد مووتها. بتمووت هي وسوااتها مامااتت.. وتأرخ في تااريخ عاائلتهم وباللووووووون الاسوود بعد..( الله يستر علينا وعلى بنات المسلمين ياارب..).. بس وقسم بالله هذااك الوقح بااين انه متعوود على هالامر وخصووصا لما مااا اهتزت له نظره وهو يبي يحاوطها ويقوول هذي حرمتي.. الله يكفي الناس شره وشر امثااله..

عبد العزيز : هتوون ماتستااهل انك تستر عليهاا ولاا خالد يستااهل انك تحميه من الفضيحه.. بس ضاااري ابو الاخلااق وجده اللي انت شاايل جميلهم يستااهلون انك مااتفضحهم.. وانا اتوقع ان اصلك الطيب وشهاامتك و والمعروف اللي شاايله لهم.. بيخليك تترك حقدك على خالد لعيون ضاري واهله.. بس اللي ودي انك تسوويه انك تسلم هتوون لضااري .. سلمها لضااري وبتكون رديت لهم كل الجماايل اللي سوووها لك.. الا بعد بتكوون انت اللي سووت لهم جميله وبيحملوونها لك.. عبد العزيز انت ارقى من انك تتصرف هالتصرف من بااب الحقد.. لو كنت بتصرفه من بااب الدين وانه شي مخالف له .. انا معك بس انك تسوويه من بااب الحقد فانا متاكده انك مستحيييييييييييل تسووي كذا.. سلمها لضااري وبيكونون مديوونين لك العمر كله بانك سترت عليهم.. سلمها لضااري وهو هناا اللي بيعرف يتصرف معها.. وشلوون ؟؟ الله اعلم؟؟؟؟؟؟؟؟؟؟؟؟


ذياب : مااقدرت ااخلص الكلاام مع ربعنا بدوون ماايكون لي كلام معك.. الف تحيه والف سلاام لحماات ارض الوطن.. اقووى مشهد بالقصه كلهاا هو مشهدك انت ونايف.. مشهد حقيقي اثر فيني كثيييييييييييييييييير ومسكت دموووعي فتره طويله وانا اقرأ هالمشهد .. مو لانه مشهد من قصه لااا والله الا لانه فعلااا مشهد واقعي.. والله ذكرت جدتي اذا صارت تشوف هالمسلسلات البدويه وتصيح كل مااشافت مشهد مأثر. وحنا نضحك ونقوول هذا تمثيل.. وتقوول انه يجري.. يعني يحصل.. مووقف وااقعي .. والله يرحم شهداء الواجب و يخلف عليهم بجنات النعيم ويصبر حباايبهم واهلهم ياارب.. مشهد شفت فيه الاخلاص والوفاء وقوة الايمان وحب الوطن والصحبه الصالحه.. والامانه وهمهاا الكبييييييييييييير.. صرااحه تعبني هالمشهد..
وحبيت مره مره مرررره.. ان ذيااب اهتم من اوول مافتح عيوونه بالاماانه اللي حمّلها له صديق عمره.. بس وش هدف نايف من توصيه ذياب على اخته؟؟ هوو له هدف؟؟ يعني خاايف عليها من شي؟؟ والا لانه حااب ان هالصدااقه تتحوول الى نسب يجمعهم طوووووووووول العمر حتى لو ماكان موجود بهالحيااة؟؟؟ بس والله اني خاايفه على ذيااب لا يكون مصيره مثل ناايف. وخصووصا لما نايف صاار يقول لذيااب لا تاخر علي.. والله خرعتني هالكلمه...
ايه صح ابو ناايف الشاايب .. هالطماااااااااااااااااااااااع.... وقسم بالله تمنيت اني دااخله ومسطرته.. الحين ياالشااايب ولدك ماله اسبووع متوفي وانت قااعد تشرط وتبي لحظرتك فلووس اكثر من اللي لبنتك.. لاايكون ناايف موصيه يتزوج ابووه مو اخته.؟؟؟؟؟؟؟؟ والله شااكه انك بتاخذ هالخمس ميه الف وبتزوج فيها يالشااااايب الكحياان.. الله لايهنيك ياارب.. بس والله صدق هالشاايب يمثل نووعيه من اوليااء الاموور اللي اذا الواحد جاء يطلب الزواج من بنته.. قاام يتشرط عليه بمهر يكسر الظهر وبسيااره لاخو العرووسه وبطيااره لاخوها الثااني وبهليكبتر للعوود المهذري.... فعلاا فعلاا اجدت يااهاجس بذكر هالامر هناا. يعني يمصووون دم العريس لييييييين ينشف.. وبعدين يقوولون ليه العنووسه منتشره وليش العزااب كاثرين..


بالاخير اقووول الله يعيبنك على هذرتي سندرت رااسك فيهاا.. هذاا وكاني اشووفك تطمر بعض اللي قلته .. او تقوول لما تشووف كلامي هذاا.. انااا متى نزلت هالجزء؟؟؟؟؟؟؟؟. هخهخهخهخه

احب احييك مره ثاانيه على هالجزء الرااقي.. اجدت فووق الوصف فيه.. واعتبره جزء خالي من العيوب,,

نستنى الجزء الجاااي بكل شوووووووووق.

السلام عليكم ورحمة الله وبركاته
كيف حالك هاجس ؟
. . ما شاالله البارت روعه لايعلى عليه . .
. . .اسلوبك سلس ومشوق عندك قدرة على التنقل بين الابطال دون تشتيت . . .

الجازي :: بالنسبه ان اهلها زوجوها غصب اولا اهلها كويسين معها وهي غاليه
عندهم و الكل في الكل وهي كذلك محبوبه من الجميع و يعتمد عليها فلملا غصبوها
(طبعا بعد رفضها المتكرر بدون سبب) اكيد ما راح يرمونها على اي احد بيكونون مختارين
لها الشخص الكفؤ لأن مافيه مصالح تنبني على هالزواج .
وفترة ابتعادها و انعزالهافي بيت جدها كان حل جيد حتى تمتص الصدمه وتتقبلها
تبدء بالبحث عن اعذار و المصالح حتى تقنع نفسها وتخمد البراكين داخلها وترجع
لوضعها الطبيعي. . . (بعدين مو اي زواج بالغصب تكون نتائجه سيئه خصوصا في مجتمعنا اصلا في نا س مايشاورن بناتهم على طول بيت زوجها وهي ما تدري وش السالف مع كذا عايشه احسن عيشه واحسن مليون مرة حتى من اللي عاشو قصة حب قبل الزواج )
شمس :: تحققة امنيتها في الشخص اللي مستيحل
ان ترتبط فيه يوما ما جاها وجاب معه رسم تفصيلي لحياتها المستقبليه يحمل
الحزن والالام في بدايتها وقد
تطول ولكن اشك في انها تستمر . . .
والله ما الومها يوم اللجمة وما عرفت ترد على القذائف اللي يرميها عليها ناصر....
.
كان يوسف يتفرد ويتلذذ 10 سنوات بتمزيقها وازهاق روحها من الداخل
و ربما في الايام القادمه سيتفنن ناصر في تعذيبها وترويعها من الخارج . .
ناصر:: ناصر عارف اخلاق اخوة يوسف انها مو كويسه ليه ما حمله اي مسؤوليه
او عقاب ووقف بصفه مع انه قبض عليه متلبس . . .
بعدين ليه ناصر ما ناقش شمس في موضوع الحمل وكيف بيتملك عليها!!!؟؟؟
لأن هذا اهم موضوع يتكلم معها فيه لما دخلت عليه( مع انها تكذب)
وهل بتتغير نظرته لما اذا عرف سبب كذبتها ....... اتمنى . . .
اتوقع ان يوسف بيضايق شمس حتى بعد زواجها لأنه سبق وقال
لما كلمته انه مايخون اخوه بما انه قدر يسغفله ولفق التهم لشمس
وانكر الحمل بيستمر في استغفاله حتى لو كانت شمس على ذمته
مزون :: حالتها صعبه وتكسر الخاطر بقايا انسانه ايله لسقوط في اي لحظه <<تعبير قوووي
متعب:: هو يشوف مزون عنصر اساسي في البيت واكيد تحتل مكان في قلبه
ولا كان من اول ما كبرت تنازل عنها وطلقها حتى تشوف نصيبها اقل شي
كان ما فقدها لما نادى اهله يشوفون قسمه اللي فرحان فيه..
وهل فعلا لو احد لمح لمتعب ان له رغبه في مزون بيطلقها ويعطيه اياه
بسهوله...................مستحيل اصلا بيتمسك فيها اكثر وبتغلى في عينه
لأن هذا هو الرجل الزوجه من ممتلكاته والممتلكات الثمينه حتى لو كان فيها عيوب
فما بالك لما تكون شخصيه مسالمه ومحبوبه والله ما يسمح لاي احد يتعدى عليها
هاجس يعطيك العافيه كفيت ووفيت
لك خالص احترامي وتقديري

مرحبا مبدعنا هاجس
في كل جزء من اجزاء روايتك الرائعه تخط لنا احداثا لم نكن نتوقعها وهذا اجمل شي في الروايه.......
الجازي واخيرا ظهر الجزء الضعيف من شخصيتها فهي تكابر امام الناس وما ان تنفرد بنفسها حتى تنسكب دموعها كأي أنثى....اعتقد بانها سوف تتزوج بعنــاد وبما ان الاثنان عنيدان وقويان سوف تحدث انفجارات هائله بينهما بينما في الحقيقه كلا منهما يحب الاخر الا انهما لم يكتشفا ذلك بعد فصراعاتهما الدائمه توضح ذلكـ.......

شمس مسكينه هذه الانسانه فبعد الذل والانكسار الذي ذاقته على يدي يوسف سوف تذوق الذل على يدي حبيبها الذي احبها باخلاص كما احبته هي الا ان ذل الحبيب في نظري سيكون عليها اقسى وأمر من ذل الخسيس يوسف الذي دمرها وللمره المليون بعد ان رمى خيانتها في وجه اخيه....انني متحيره جدا فيما سيحدث بينهما ومتشوقه جدا في معرفه ماسيذهب به عقلك وخيالك في تحديد ورسم علاقتهما وانتظر ذلك على احر من الجمر....

ضاري ضحيه الحب مسكين هو الذي وقع في خداع العنود التي لاتفكر الا بالانتقام لنفسها من خالد وذلك بالزواج من ضاري الذي سلمها قلبه بدون تردد الا انها لاتستحق هذا الحب .....العنود كثرت اخطاءها فبعد خيانتها لاهلها وذلك بمكالمه خالد ولو كان قريب منها اخطأت في طريقه انتقامها وذلك لان خالد لم ولن يهتم بزواجها بضاري فالمتضرر الوحيد سيكون ضاري الذي وضع قلبه بين يدي حاقده منتقمه....

ونأتي الى متعب الذي يطعن في قلب فتاه عاشقه بدون ان يشعر فقد اعمته فرحته بما يدور حوله......اعجبتني قوة مزون صحيح انها بكت امامه الا انها لم تبين امامه ان دموعها من اجله اعتقد انها تستمد قوتها من جروحها....

ذياب ونايف عنوان الصداقه والاخلاص التي نفتقدها في زمننا هذا

ذياب الذي يضحي بحياته من اجل اعز اصدقائه <<<اعجبني هذا الوقف لما فيه من بيان لقيمه علاقتهما التي تتعدىالصداقه وتصل الى الاخوة...ذياب وتقديره لامانه صديقه رغم العوائق التي وضعت في طريقه ...

يعد موقف ذياب من اسمى واروع المواقف لمحاولته لتنفيذ وصيه صديقه...

ابدعت ياهاجس في هذا الجزء وتركتنا متشوقين للجزء الاخر وحائرين في توقعاتنا
لكـ قلم رائع خط الاحداث بتسلسل اروع بعيد عن المبالغات ....
لكـ اعجابي وتقديري
دمت بود..

قصه ابداع احب اهنيك على الاسلوب القوي اللي عندك

قصه جديده ومن النوع الغريب وهذا ما جذبني فيها صحيح الشخصيات كثيره وتهت معها بس

يعجبني اسلوب هذا اللي مااااا يتعامل معه الا قليل من الكتاب

اول مررره ارد وما حبيت اطول وانشاء الله اكون من متابعين لك