السلام عليكم ورحمة الله وبركاته
وعليكم السلام ورحمة الله وبركاتو
البااارت هذا قمة في الروعة بنسبة للبارتين الي طااافن .. والوصف عجيب .. تحس أن تشوفه ما تقراه..
تسلمييييييييين والله وان شاءالله من احسن لأحسن مادمتو انتو وراي تشجعوني 
وتوجهوني 
ومشكووور على شجرة البرتقال ^_^
هههههههه حاضرين لأي طلبيه تطلبونها
نرجع لشخصيااات
الجازي:. ألي تعودنا نشوفه قوية .. ومثل الجبل يوم تواجه مواقف صعبة..أن كان موقف يخصه او يخص ناس غالين عليه..وصفك رووعه لحالته يوم كانت متاضيقة وتبا تفجر الي فيه بالبكاء"صعب الانسان القوي يبكي" تركه للبيت .. وروحته صوب جده وجدته احسن شي سوته تختلي بنفس وتفكر بعيد عن الضغوطات ..لكن ما اعتقد الانسان الي بتاخذه شخص عادي .. اكيد فيه شي مميز عشان يوافقون عليه من غير شوره..إلى أذا هم "من غشين في هله ولا يعرفون عن إلي بياخذه شي" وهذا الشي يام صار لبنات أن أهل الشخص الي يخطبه أوكية فـ يتوقعون الريال مثل هله ويطلع العكس...
كلامك حلو عن شخصيتها وصحيح
وفعلاً الواحد اذا واجهته مشكله مفروض يبعد عن مكانها ويروح لمكان هادي بعيد عن ضغوطات المشكله
عشان يتخذ قرار صائب وصحيح ويساعده بحياتهمو يزيد مشكلته
مثل لما رجل وزوجته يتهاوشون بغرفه مفروض احد فيهم يطلع حتى تهداء النفسيات ويراجعو انفسهم ويعرفون الصح من الخطأ بهالمشكله <<< علي مقارنه وتشبيه هههه
عناد:. موقفه مع اليازي .. خلاه يتذكر أيام الطفوله مع اليازي .. وتعلقه فيه .. شكله تذكر إلي طاف وحن .. فـ هل يوم بيعرف بخطبة اليازي بتكون ردت فعله عاديه ..
حن لجو الأسره اللي كان بالماضي عموماً ومن ضمنه كانت الجازي
بنشوف وش رده فعله تابعي معاي
مزون:. صعب صعب الي تمر فيه .. تموت في اليوم ألف مره .. تشوف فرحة متعب تجهيزة لقسمه .. لـ كن متا صارة حرمة متعب في البيت شو بيصير له .. وخصوصا أن مزون حلوه .. اعتقد بتبدا الغيرة .. وهذا ما بيكون في مصلحة مزون ..ويمكن يقلب عليه متعب .. هذا الشي قد صار يوم متعب تحسب مزون غلطة على خته .. وشو بيصير اذا كانت حرمته مب اوكيه وشيشته عليه لأن بكل بساطه"حب اليديد شديد"؟؟!!
فعلاً صعب تشوف اللي جرحك يمتشى قدامك وفرحان بجرحه لك ولا تقدر تسوي له شي
يمكن توقعك صح ويمكن غلط تابعي معاي وبنشوف هل هو صح او لا
أم شمس:. صدق قهرتني .. أي أم هيه.. تدري بسوالف يوسف وبلااويه .. ومخليتنه على راحته في البيت ماخافة على بناته ولا حرصت عليهن وعادي اذا يوديهن مكان.. وخصوصا في زمن هذا ياما سمعن عن الاعتداءات الي تصير للأطفال من أقاربهم ..
هي تدري عن بلاويه لكن ماتخيلت بيوم انه بيضر عرضه ورحمه
الشئ هاذا كبيييييييييير ولا يمر على خيال الأنسان انه بيحصل لعياله من الغريب
فكيف انه يحصل من القريب وقرابته من الجهتين من الأم والأب
يوسف:. حقيرررر ودنيء .. عمري ما شفت شرااته ..الله يفك لبنات المسلمين .. من بلاوي وشرور الي مثله
آآآآآآآآآآآآميييييييييين من بؤك لباب السماء
شمس:. مظلومه اول من ظلمه امه بأهماله.. ويوسف ولدعمه بأستغلاله له.. ألحين ناصر..شو بيصير له .. ما ضاقت إلى فرجت
يمكن يكون بزواجها من ناصر فرج لها ويمكن يكون بداية معاناه جديده تابعي معاي وبنشوف هل هو فرج او عذاب
ولرب ضائقة يضيق بها الفتى ..ذرعا وعند الله منها المخرج..ضاقت فلما استحكمت حلقاتها ..فُرجت وكنت أظنها لا تُفرج..دع الأمور تجري في أعنتها ..ولا تبيتن إلا خالي البال..فما بين غمضة عين وانتباهتها ..يغير الله من حال إلى حال ..>> أن شاء الله يتغير الحال
كلااك جمـــــــــــــــــــــيــــــــــــــلـــــــ ورائــــــــــــــــــــــــع
لا فض فوك الحقيقه كثير مانغفل عن هاذه الأقوال وننسى ان هناك رب رحيم سيفرجها عننا ويوسع علينا
ناصر:. ما بقول عنه غلطان .. أي رياال ما بيرضا في عرضة ولا فيه هله.. ويمكن ما أظن أن اخوه ممكن توصل فيه الدناءة أنه يغلط في أرحامه.. لكن متأكده أن في البداية بيذل شمس .. لكن لابد انه يستغرب .. يوم بيشوف أفعاله أنه مش مثل ما قاله اخوه .. وفي الأخير لا بد أنه بيسمع سالفة شمس كله..
هذا الكلام الحلو غيرك من اللي ردو قالو انه مفروض مايستعجل وانه عارف حقارت اخوه واخلاق بنت عمه
لكن ذيك اللحظه اللي يعرف ان وحده من اعراضه مسويه مثل هالشئ ماعاد يفكر او يكون عنده صبر
وزين منه الي وقفت على هالشئ وماذبحها او فضحها عند اهلها انا اعتبره مسوي جميل لها
ضاري:. تدري استاانسة تحسبت البنت الي ساعده أهي مزون ونصدمة انه العنود بس صدق خليتنا ولا نعطي حتى واحد بالمية ان الي ساعده العنود وخصوصا انه ما تكلمت..
العنود:. اتوقع انه لي خذت ضاري .. بتترك فكرة الانتقام من خالد .. وخصوصا إذا حصلت حب وأهتمام ومراعه من ضاري .. يمكن افكاره الي دور في راسه حاليا من قهر في نفسه على خالد.. لكن إذا تمت على انتقامه بتكون خبله .. وبتضيع وبتخرب حياته بيده..
يمكن توقعك صحيح وبينقلب السحر على الساحر
تابعي معاي وبنشوف هل توقعك صحيح ولا لا
واذا كان خطأ ابتشمت بك تشمت ليييييين اقول بس
خالد:. دقه بدقه يا خالد.. شوف شو صار لأختك من وراا فعايلك.. وأخوك .. هل بتسكت على خطبة أخوك للعنود .. أنت يوم مسك ضاري وانت تغازله .. وطلب منك تاخذه .. قلت انك ما بتاخذه ولا بتستر عليه إذا يبا هو ياخذه ويستر عليه.. لكن فرق بين الكلام والفعل .. فـ هل عادي عندك هذا الشي وبتم ساكت؟؟!!
يمكن عادي عنده ويمكن لا ويمكن يسكت عشان يقهر اخوه اذا درى
شخصيه مانعرف كيف تفكيرها
تابعي معاي وبنشوف الجواب عن سؤالك
عبدالعزيز:. ما أعتقد أنه يفضح أخة خالد.. يمكن الفكرة ألي يته في لحظة قهر من خالد ..
ويمكن تطول هاللحظه ويفضحها عشان يكسر عين خالد تابعي وبنشوف هل بيستمر الأنتقام معميه او لا
حلو طرحك للموقف الي صار لـ اخة خالد من بداية تعرفه على اخو ربيعته ألين ما مسكته الهيئة .. يمكن يصحي البنات ويخليهن ما يوثقن في حد ويقولن انهن غير ولي ترمسه يحبه..
وهذا قول معظم البنات اللي انجرو لهالطريق انهم غير ولا هم اغبياء ومن هالكلام اللي تحاول هي نفسها تصدقه وتقنع حالها بها
الله يوفقك ويازيك خير .. وسلمت على هذا الإبداع
لكن لا تخلي الكتابة تأثر على دراستك .. ومستقبلك .. ترااا ملحوق على الكتابة..
في حفظ الرحمن
19-10-08, 02:51 AM
جديد مواضيع قسم الارشيف
العرض العادي
