السلام عليكم..

اخيرا قريت القصه.. كثيير من البنات امدحووها.. وانا من قبل اصلاا شاايفتها بس تبي الصراحه اكثر شي ردني عن قرايتها من الاول هو ان الكاتب رجال مو بنت.. بس بالاخير ولان اغلب اللي يقرونها ربعي واقنعوني بقرايتها قلت يله ياابنت اقريها وشوفي وش بيطلع من هالرجال... وتبي الصراحه انا مااا اقدر اقوول زي البنات اللي قبلي ان اسلووبك تطوور ومدري وشو؟؟ لاني بالاساس مااقريت قصتك الاولى.. بس اذا اعجبتني هذي باذن الله راح اقراها.. المهم الحين احب اقول ان اسلووبك مو متعوده عليه... ماا ادري هل لاني متعوده اني اقرأ داائما للكاتبات والا لأ؟؟ بس الاكيد اني راح اتخلى عن اشيااء هناا داااااائما احرص عليها بكل قصه اقرها.. واللي يعرفوني بيدرون وش اقصد.. هخهخهخه

نجي للقصه الحين تبي الصراحه توني اليوم خلصتها بس للحين راسي احسه مصدع من علااقات النااس اللي هناا المتشربكه.. يعني فيه اشيااء احسها مو وااضحه.. مثل وجود اهل يوسف واهل شمس ببيت واحد.. يعني هم موجودين ببيت وااحد لكن هم بعد ساكنين بنفس الطاابق يعني مختلطين مع بعض بالبيت مره مره.. يعني غرف النوم ليوسف واخوانه بنفس الدور وقدام غرف شمس وخواتها؟؟؟؟؟؟؟؟؟؟؟؟؟؟؟؟؟؟؟؟؟

اكثر شخصيه جذبتني شمس.. ماا ادري ليش احس وضعها صعب مره مره مره... واحس ان هالصعوبه بوضعها هي اللي صنعته من اوول.. وبعدين وين اهلهااا؟؟؟ وش هالاهل اللي بلاا احسااس ومشااعر وبنتهم لها اكثر من 10 سنوات وهي ينتهك شرفها تحت سقف بيتهم وهم ناامين؟؟؟ وكيف اصلاا يرضوون ان بناتهم يخلتطون بعياال عمهم كذاا بدوون راادع وبدوون قبوانين تحكمهم.. هذولاا وينهم فيه.. يحسبوونهم على ياام جدي وجدتي؟؟؟ حتى ايام جدي وجدتي كاانوا والنااس ساكنين مع بعض ببيت وااحد بس لهم جزء خااص فيهم من البيت موو الدعوه ساايحه بدون ضوابط وبدون رقابه.. وهم احسن واطهر الف مليون مرره من هالرمم اللي الحين موجودين...
اشمس اتوقع يجي يووم وتسووي اللي المفروض تسوويه من زماان وهو انها تقتل يووسف.. اتوقع اذا استمر الامر بالصووره هذي انها تموته .. وهذيك السااعه ذنبها برقبة امها وابوها هاللي ماخافوا الله فيها..

الجازي : تجنن هالبنت.. بس ياالليت ياا الجازي تخفين من ردود الفعل العنيفه شووي.. ولو اني اشووف ان اللي وصلتس لها المواصيل هم ذكور العائله لكن انتي بعد ماا حاولتي تحدين من هالشي... وياليت اللوح اللي اسمه خالد هو اللي بمكانتس وكان متربي تحت عيون جدتس وابووتس بيكون حاله احسن من الحين.. بس صرااحه كل هالقووه من براا بس من دااخل كلش ضعيفه.. تدرين انا اتوووقع ان هالقوه هذي اللي انتي تبينيهاا لانتس شفتي وضع شمس ومزون وانتي خاايفه انتس تكونين مثلهن. عشان كذاا تلبسين هالقنااع اللي تبينين فيه القووه اللي اصلاا انتي مااتتحلين فيها بس تحبين انها تكون وااضحه قدام الناس ويحسبون لتس الف حساب.. بس والله انتس وانتي ضعيفه وقاعده تفكرين بوضعتس احلى بكثير من وضع القوه والسيطره اللي داائما تبينينها.. ولو انه اعجبني كثيييييييييييييييير كلاامتس لشمس.. واعجبتني اسئلتس الكثيره لمزون وخصواا لما سالتيها عن اللي تبيه من متعب وتطلبه منه وهي كل ردودها لأ.. لأ .. لأ.. والله فيه اشيااء كثيره تعجبني فيتس بس الحين نسيتها.. ايه ذكرت حااجه.. مت من الضحك على ملاحظتس عن الاسامي.. هههههههههههههه.. وبالنسبه لزواجتس... صراحه انصدمت باسم العريس.. بس اذا كان فعلاا هو العريس هو وااحد ثاني يمكن يقلب ظنونتس بالنسبه لاصحاب هالاسامي لانه بيكو اكييد اسم حقيقي مو مزوور...
مزون : اوول شي اعاقتها اللي انصاابت فيها وهي انها صاارت طرمااء ماتشووف اخووي ان 13 سنه فتره طويله على صدمه؟؟؟؟؟؟؟؟؟؟؟؟؟ انا والله احسها طويله مرره.. والا وضعها مع متعب زااد هالفتره وخلى البنت فعلاا تحب الصمت اللي هي فيه.. بس انا اتوقع ان هالصمت ممكن يتفجر لكلام اذا وصلت حدها من مسأله زواج متعب.. يمكن هنا تنطق وتطلب الطلاق.. وخصووصا انها بتكون هي ومدام السيد متعب وجيهن بوجيه بعض .. تدري والله اذا كان متعب بيتزوج بانا من الحين اقوولك اني كاارهه زوجته من قبل اشووفها..بس فيه حاجه حبيتها بشخصية مزون انها على الرغم من هالاعاقه اللي هي فيها الا انها تتواصل مع البنات اللي بسنها ومسويه لها صدقات مع شمس والجازي.. ايه صدق مزون تعرف بوضع شمس؟؟؟؟؟؟؟؟؟؟؟

متعب : والله انك اهبل.. اجل ياا لووح احد يقوول عن زوجته اذا جا احد يخطبها بزوجها اياه.. انتي في رااسك لفه .. الحمد الله ووالشكر.. والا تقوول هالكلام ولو صاار صدق بتستخف؟؟؟ والله انك اناني ياا متعب.. مسووي نفسك رجال وشخصيه ومسووي نفسك مضحي واخرتها تبي احد يقبل اللي انت رفضته؟؟ اذا انت ياا ولد عمها ماارضيت انك تعيش معها لانها طرماء وشلووووووووووون ياا حماار تبي وااحد غريب يرضى باللي انت رفضته؟؟؟؟؟؟؟؟؟؟؟ وقسم بالله انك قاهرني واحسن شي ان مزون بتمثل انك ماهميتها وهذيك السااعه بتمووت انت من القهر ياا لووح.. اجل احد يقول لزوجته اخطبي لي وحده مثلتس .. بس عااد يااليتها تخطب لك وحده طرمااء بعد.. وهذيك السااعه تقوول لك انها تبع شروطك وهي طرمااء لاني طرمااء ياافصيح زمانك واوانك.. وقسم بالله كان ودي اني داخله ومسطرتك ياا عديم الاحسااس..

ضااري وعبد العزيز: والله ونعم فيكم.. حبيت كثييييييييييييييير معدنكم..

يوسف : انا حااسه ان ربي بيورينا فيه يوووووووووووم مفرح لنا اغبر عليه.. حسبي الله عليك.. يااعديم الشرف ويااعديم المرؤه ..


حبيت كثير النصاايح اللي تقولها ويكون بهيئه حوار.. احلى شي انك تقوول هالنصاايح بحوار يدور بين الابطال والاحلى انك توقف بدوون مااتسهب في النصح لين نحس ان الكلام صار ماصخ..

كان ودي اتكلم بكل الشخصيات بس الوقت ضيق وخصوصا عـــنـــاد .... ولكن اللي احب أأكد عليه اذا الله احياني اني باكون من متابعين هالقصه..

ننتظر الجزء بكل شووق..