كاتب الموضوع :
kamalmerhi
المنتدى :
شرح برامج الهندسة الصوتية والتوزيع الموسيقي
اخوي بي اس دي
كل المواصفات المذكورة جيده انا عانيت قليلا من اللي تعانيه واعتراضي على كرت الصوت الاخ كمال ما قصر اعطاك الموديل الصحيح لو انت في مدينة جده بتلاقيه عند الحلواني في سوق جده الدولي اسم البائع هناك فراس رقمه 0566626551 عندهم كروت صوت ام اوديو الي اشار عليها اخونا الكبير كمال.
اذكرك انو في هذه الحالة
تاخد الصوت من الاورج ياماها 1000 من مخرج الصوت الى كرت الصوت مباشرة او من جاكات المخارج الخلفيه الى المكسر اللي عندك في هذه الحالة حاول انك ماترفع صوت الاورج اكثر من الثلثين لانها بالمصطلح عندنا بنقول الصوت داخل مشحون كمان حاول انك تلغي جميع المؤثرات في الاورج.
عند تسجيل الصوت بالميكرفون تاكد ان الغرفه فيها سجاد على الاقل ولا حد يتحرك بدون داعي وبلاش كراسي متحركة او دوارة والمكيف مطفي وان المكسر مطفى فيه زر الفانتوم لان الميكرفون شور58 لايحتاج لل48 فولت
بالنسبه للمكسر اهم شي انك لاترفع مفتاح الجين وهو مستوى تكبير الصوت البدائي كما انك تقفل المداخل غير المستخدمة في المكسر حتى ولو انك فاصلها صدقني بتاثر ولا تنسى تلغي جميع انواع المؤثرات في المكسر مع ملاحظة ان المكسر عندك لشغل الحفلات واللايف يعني الستريو فيه مش واضح الا اذا وضعت مدخلين او سلكين الاورج واحد حوله لليمن والثاني لليسار كده الصوت بيتوزع وبيصير مجسم ولا ينافس صوت المغني وهذا جزء من مشكلتك كل الاصوات داخله في بعضها والصوت مسطح
التسجيل على الكمبيوتر مش متاكد من امكانية كرت الصوت كرييتيف اللي عندك اوالبرنامج انه يسمحلك تشغل تراك مسجل ويسمعه العازف او المغني والتسجيل من تراك تاني بنفس الوقت علشان مسألة ضبط الوقت هنا تعتبر ميزه للمفاضلة بين كرت صوت واخر او برنامج ببرنامج لكن للحيلة بامكانك تسجل الشغل على سي دي وسماعه من مسجل مختلف بسماعات الاذن
عند التسجيل انصحك تبداء بالايقاعات بحيث انك تضبط صوت الايقاع وسرعته ثم سجل الموسيقى من الاورج ثم الات موسقيه تانيه ثم تتاكد انها راكبه مع بعضها تمام وبعدين اللي بيغني يسمعهامن الهيدفون الرولاند ويغني معها معتمد على صوت الموسيقى خاصة صوت الايقاعات يالذات صوت الدوم تكنيك اسمه موج البحر بالنسبة لو كان عندك كورال خليهم يسمعوا وهم بيسجلو خذ صوتهم اقرب الى خانة اليمين او اليسار حتى لايغطوا على صوت الفنان
قبل الدمج النهائي اسمع الاصوات عن طريق المونيتور اظن نصحك اخونا الكبير كمال بالمونيتور هو شكله زي السماعة لكن علو وانتشار الصوت فيه مش ميزه لكنها تعتمد على خامة الصوت ووضوحه يعني سماعات الكمبيوتر لا تنفع ولو سمعتهامنها الصوت بيكون 70 في المية او اقل مشوش وغير صحيح حط المونيتورات يمين شمال بينهم مسافة على الاقل متر او متر ونص وياريت يكون عندك سب ووفر في النص لان في الخليج الايقاع مهم جدا والسب ووفر تختص بالاصوات منخفضة التردد زي الطبلة والبيز ادمج الاصوات بدون اية مؤثرات واسمعها واضبط مستواها بشكل دقيق وبالاخر حاول تضيف المؤثرات في كل تراك لوحده.
بالنسبه للصوت في الجوال حول الملف الى مونو بيكون افضل مع العلم ان معظم الجوالات غير مخصصه لسماع الموسيقى الا في حالة ذكر هذا زي انه جوال ام بي3 او دي جي لان في الغالب نظام الصوت فيه يعتمد على ترددات صوت كلام الانسان يعني في حدود 3000 هيرتز وغالبا الترددات المنخفضه جدا او المرتفعه جدا لا تسمع من جهاز الهدف منه الكلام فقط فالصوت ستجده سيئ خاصة لو انك سامعه وعايشه من خلال سماعه ستلاحظ الفرق والنشاز.
ميكرفون 81 شور جيد للالات الايقاعيه (السنير) او الطبلة حساس جدا تستطيع تركيب بطارية او وصله بالفانتوم لكن صوت المغني فيه جيدخاصة لو كانت انثى الصوت اكثر من رائع خاصة لو بعيد عن النفس.
اخوي العزيز كمال المكسر اللي عجبك نوعه التو وموقعها
alto - Alto, Music Passion Design -
عندهم مجموعه كبيرة من المكسرات والامبليفير انا اشتريت منه واحد 8 مداخل جيد لكنه مش حمال اسيه زي الباقي خاصة الحفلات اللي تستمر اكثر من ساعتين يبتدي الصوت يفيص ويشلهب ويتبعجر و يتكعور بشخلوض كمان عندي لنفس الشركة موزع هيدفونات اعاني من وضوح الصوت بعدما يسخن الجهاز حوالي 3 ساعات تقريبا حبدله بنوع تاني اجود وللعلم شركة التو شركة فرنسية تصنع اجهزتها في الصين
|
10-08-09, 03:52 PM
جديد مواضيع قسم شرح برامج الهندسة الصوتية والتوزيع الموسيقي
العرض العادي
