كاتب الموضوع :
غموض
المنتدى :
القصص المكتمله
الجزء التاسع عشر من كرهتك في لحظة وحبيتك العمر كله
سارة : الله يخليكم بس مرة وحدة
خالد: احلمي انسي توك طالعة من المستشفى
سارة : بس اللعبة هذي مرة خطيرة نفسي اركبها
جاسم : تركبي معايا يلا
سامي وخالد مع بعض : لااااا
جاسم :ههههههههههههه قالولكم مجنون اركبها معايا
سارة : يووووه خلاص احسن بااي ورحت تمشي وهيا معصبة
خالد كان بيلحقها بس سامي منعو عشان تجلس لوحدها
الكل كان يلعب و مبسوط وفرحان ماعدا اثنين مايقدرو ينسو همومهم لو ايش ماصار
اما عن نهى حاولت تلعب وتنبسط وتنسى فيصل لأنو في النهاية مايقدر يسوي شي
ورشا طول ماهما يلعبو وهيا تدور على سعود وتحاول تتقرب من اخواتو لدرجة انها صارت مرة قريبة من غزل وبعيدة من سارة بس سارة ماهتمت لأنو عندها خالد قلبها يعوضها
في جدة
سعود : طلال ما قالولك ايش فيها
طلال وصوتو راح من البكاء : لا لسه سعود اختي بتروح مني اختي الوحيدة مالي غيرها ومالها غيري اختي الي تموت في اليوم مية مرة هذي المرة بتموت ولا ترجع
سعود : هدي يا طلال هدي مايصير الي قاعد تسوي في نفسك هذا قضاء ربك وقدره ولازم تصبر
طلال يبكي وهو ساكت صح كلام سعوود
سعود مو عارف كيف يعرف اذا هيا لين ولا لا دق عليها جوالها مقفل وللحين ماعرف
في دبي
رشا : هذي اللعبة شكلها خطيرة مين يركب معايا
ندى : مع نفسك مستحيل
نهى : ههههههه تتحدوني اطلعها >> نهى معروفة انها تخاف من كل شئ
يسرى : اووووه غريبة
منال : اتحدااااكي ماتقدري
سعاد : حرام عليكم تحطموها لا حبيبتي اركبي واثقة منك
رشا تستهبل : مااالت قال حبيبتي قال
نهى : هههههههههههههههه
جو الشباب عندهم
جاسم : يلا بنات وشباب البطل الي بيلعب
نهى : أكيــــد أنا
جاسم يسوي نفسو ماسمعها : مين ولا احد
منال:هههههههههه
رشا : انا بطلع
يسرى: وانا كمان
جاسم : وشباب مين بيطلع
سامي : أكيد كلنا بنطلع لأنو ماحد يخاف صح شباب
الكل بدون نفس : ايوا.. صح .... أكيد
خالد بيهرب : بروح ادور على سارة
فواز : رنا قومي نلعب لوحدنا
جاسم :ههههههه مين كمان عندو عذر
نهى : يلا يلا متحمسة اطلع >> كذابة بتمووت من الخوف
نادر طالعها بنص عين : متأكدة
نهى بكل وثوق : متأكدة
جاسم : يلا مشينا
مشاري راح عند نهى : اووه من وين جات الشجاعة ولا استعراض قدام حبيب القلب
نهى ميتة خوف : اسكت بس خلاص وطلعت اللعبة
جاسم : اللعبة لسه مااشتغلت لو تبغي تنزلي عادي انزلي
نهى بوثوق : قلت بلعب يعني بلعب
نادرفي قلبو يا حياتي عليكي : خلاص خلوها براحتها
نهى ابتسمت لنادر ابتسامة صفراء ونزلت راسها
وأول مااشتغلت اللعبة نهى على طول غمضت عينها و لمن فتحتها وشافت المنظر تحتها داخت على طول من الخوف
وأول ماخلصت اللعبة الكل نزل ماعدا نهى قام طوالي نادر دخل يدور عليهم لقاها في مكانها جالسة ومغمى عليها شالها ونزلها من اللعبة والبنات أول ماشافوها خافو راحو عندها يحاولو يقوموها ونادر من الخوف مو عارف ايش يعمل قام جاسم قال لمشاري يجيب موية بسرعة وشربها موية ورش على وجهها شوية لين فاقت وأول ماقامت وشافت الكل فوق راسها استغربت الوضع ونادر كان مرة قريب منها هيا أول ماشافتو قامت وقفت على بسرعة وتعدلت وهم يحاولو يخلوها تجلس وترتاح وهيا خلاص ودها تبكي من الفشيلة لين في النهاية راحو البنات على الكوفي شوب يرتاحو في
عند سارة
كانت تمشي ومو عارفة وين تروح تمشي بلا هدف فجاءة وقفت شافت نفسها بعدت كثير ولفت ماعرفت وين تروح لفت يمين يسار حست انها ضايعة وجلست تدور مكان ترجع منو مو عارفة شافت واحد راحت تبغا تسألو بس ترددت وتراجعت لمن حست انو مو طبيعي زي السكران
عند خالد
كان قاعد يدور على سارة لف الملاهي كلها والنشبة الملاهي مرة كبيرة وماحصلها راح يقول للكل يدور معا وصار الكل يدور عليها كل بنتين مع بعض وكل ولد لوحدو ويدورو ومو محصلينها في النهاية رشا و غزل تعبو وقالو بيروحو
******************
رشا وهيا ماشية على المواقف كان معاها رامي وغزل وغزيل شافت وحدة شبهت انها نهى بس كانت مرة بعيدة ورا السور وجالسة تبكي
رشا : رامي لحظة بس نسيت شي
رامي :بسرعة عجلي لاتأخرينا
رشا: ان شاءالله بنات مين يجي معايا
غزيل : انا يلا بسرعة ومشيو بسرعة غزل جات بتلحقهم بس ماقدرت فكان لازم توقف مع رامي ورامي مرة خجول فكان ساكت وعينو على الأرض قامت هيا قالت بصوت يلا ينسمع طيب روح جيب تاكسي عشان خلاص يجون ونمشي رامي هنا اول ماسمع صوتها تجنن رفع راسو شافها كانت لابسة بنطلون جينز أسود ماسك وبلوزة بيضاء طويلة وحجاب ابيض وشكلها مرررة كيوت ابتسم ابتسامة تسحر وقال بدون وعي : انتي تامري امر من عيوني ومشي وهناخلاص دورها مرة البنت ذابت
عند رشا وغزيل
رشا : شفتها هنا متاكدة
غزيل :طيب يلا بسرعة تراني مرة تعبانة
رشا : اوووه صبر دقيقة وراحت لقو سارة تحت الشجرة جالسة على الأرض وضامة رجولها بقوة وتبكي
غزيل صرخت : سااارة
رشا : على طول راحت حضنتها خوفتينا يا دبه
سارة تبكي: اسفه ماكان قصدي رشا انا خايفة ورشا تهدي فيها
غزيل: انا بروح اناديهم وراجعة
رشا بحدة : لاا خلاص الحين كلنا نروح
غزيل استغربت من لهجة رشا بس قالت يمكن مع القلق والتوتر
سارة تبكي : ابغا خالد خالد جيبو لي خلودي
رشا : خلاص ولايهمك ومسكتها ومشتها لين قربو وأول ماشافهم سامي صرخ سارة وراح يجري عشان يحضنها وسارة على طول ترمت في حضنو بعد ماحضنتو وكلو جلست تدوري بعينها على واحد بس هو الي تبغا بس وينو وين راح
سامي: تدوري خالد صح سارة استحت ونزلت راسها
رشا : هههههه يحليلك يا سوسو تلقي يدور عليكي الحين
خالد كان جاي وهو تعبان من اللف ويبغا يشوف الأوضاع عدا من جنبها ولا انتبه من التعب بس وقفو صوتها
سارة : لدرجة هذي انا خفية مااتشوفني لف بشويش يبغا يشوف حقيقة ولا حلم وأول ماشافها راح حضنها بقوة وجلس يشكر ربو ويحمدو والكل تأثر من المشهد الرومنسي هذا
في جدة
طلال : سعود ممكن خدمة بسيطة لو سمحت
سعود : آمر تدلل
طلال : مشكور بس كنت ابغاك تحرق الظرف هذا
سعود طالع في باستغراب : ليش؟؟
طلال: لأنو الي في مستحيل اخلي في الدنيا هذي امنتك يا سعود تحرقو
سعود : خلاص ابشر ولا يصير خاطرك الا طيب
طلال: تسلم والله انك رجال والنعم فيك
سعود : ياشيخ هذا واجبنا احنا اخوان واصحاب واذا ماوقف معاك الصديق مين بيوقف معاك
طلال : صح لسانك
في دبي
نهى: وبس ...
سارة : ههههههههههههه والله انك رهيبة
منال: لا وحزري مين انقذها روميوت حبيب الغفلة
سارة بصوت عالي : كذااااابة من جدك آمانة
نهى تضحك على ردة فعل سارة :هههههه يب مين قدي
ندى : ماااالت عليكي وعلى حبيب الغفلة
يسرى : اووووووه عرق الغيرة طق
البنات :ههههههههههههههههههههه
عند الشباب
فارس: ماشاءالله اهم شي فليتوها
نادر: اوووووووووه عاد وناوين بكرة نفلها بزيادة بنخرج من الصباح نفطر نروق مع بعض بعدين بناخذ البنات ونروح السينما وبعدين نتغداء وناخذ لفه ونرجع نريح بعدين نخرج نتغدا
فارس: ماشاءالله يعني بكرة كلو بزي
جاسم : اسكت بتجي معانا
فارس: نو مافي احلمو
فهد : ياشيخ تعال راح تنبسط نفلها
مشاري : وهو الصادق وبعدين تراك مرة متأزم من الوضع أي زي حاول انك تنسى
فارس سكت وماعلق والكل ماعجبهم الوضع حكاية السكوت
>>)) لو الحب بشر كان طعنته مثل ما طعني ((<<
عند فيصل رجع عند اهلو خلاص
فيصل كان طول الوقت يفكر في سارة يحبها مرة بس ايش يسوي مايقدر ينساها وحس بالندم انو قال لخالد بس هذا عشان سارة حبيبت قلبو مايهون علي يصير فيها كذا كان يتمنى انو ماحبها بس ايش يسوي غصب عنو
في جدة
سعود افتح ولا ماافتح المشكلة اخاف يكون شي خاص بس يمكن في شي يبين انها لين بفتح والي فيها فيها وأول مافتح طلع صور للين مرة مع واحد في المول ومرة وهيا ماعليها ملابس ومرة ماعليها ملابس وحوليها دم وصور اغتصابها وكدا سعود انصدم انشل مو عارف كيف وصلت الصور لطلال وفي نفس الوقت طلعت هيا لين الي يعرفها وحس بالحزن تجاهها
في دبي عند الرجال والحريم
أبو راشد : لا الأولاد قالو يبغو لوحدهم مع البنات
أبو ياسر : بس مايصير كذا يا ابو راشد المكان غريب اذا صار لسمح الله شي مين بيتصرف المفروض احنا معاهم وين مايروحو
أبو فواز : بس هم رجال كبار يتحملو المسؤولية وكل واحد مسؤل عن أخته والحريم احنا نمشيهم ايش قولتو
أبو ياسر : خلاص الشور شوركم
أبو خالد : يصير خير
عند البنات
منال: انتي روحي ولي عند البزورة ترا مرة طفشتينا شايفة عندنا بليستيشن او قيم بوي عشان تقولي ابغا العب بزرة روحي عننا
ندى بطفش : من جد احسن لي ارتاح من وجيهكم
رشا: مالت اقول روحي روحي لا أوريكي شغلك
ندى: ماتقدري وتمد لسانها عشان تغيضها
رشا مرررة انقهرت : على بالك بصغر عقلي و أتهاوش معاكي لا احلمي
ندى تقهرها أكثر: احسن عشانك ماتعرفي تردي اصلا وضعيفة ماتقدري تضربي وأعطتها نظرات تحدي هنا رشا ماقدرت تمسك نفسها أكثر وقامت وبدت المطاردة لفو كل الجناح لين ما دخلت ندى غرفة وقفلت الباب رشا : جباااااااانة يلا اطلعي
وندى : هههههههههه مافي مو طاالعة لو تحلمي
رشا : اطلعي يلا يا جبانة دجاااااجة ككواك كواك
نهى : ندى اعقلي واطلعي لا أعلم أبوي عليكي هنا ندى خرجت من الغرفة طيرااان لنص الصالة وتحديدا عند نهى وعيونها يتطاير منه الشرر : عيدي ايش قلتي
نهى وقفت : بعلم أبوي وبسرعة هربت وبدت المطاردة بين توم وجيري والكلب مدري ايش اسمو ههههههههه
نهى ووراها ندى ووراهم رشا قامت منال بتشارك معاهم
منال: بنات اعقلو لا أعلم عليكم عند أهلكم وأقولهم انكم تتهاوشو ولازم تتفرقو من الغرف هنا الكل هجم على منال حتى البقية بس عشان يتسلو وجلسو يتضاربو ويستهبلو
اليوم الثاني في الصباح
فهد : حرام خلونا ناخذ البنات
مشاري : أي صح كلامه ولا بيفتحوباب مناحة
رامي:نوووو الحين لوحدنا بعدين بناخذهم يعني بنخرجهم
راشد : بصراحة انا أخاف يتهورو ويخرجو لوحدهم
ياسر : خلاص خلوهم دامهم الحين نايمين نرتاح ساعتين منهم يلا
نادر: وانا معا يلا امشو بس
جاسم : اجل مشينا يلا
في جدة
سعود : الوو
طلال: الوو هلا سعود كيفك
سعود : مراحب تمااام انت كيفك
طلال : والله احمد ربي بس الصراحة زفت مرة
سعود: للحين ماقامت ؟؟
طلال: لا هيا عشان مو أول انهيار لها ثالث مرة تقريبا ومرة انهيار قوي عشان كدا للحين في غيبوبة وحالتها مرة خطيرة
سعود حز بخاطرو: الله يكون بعونك ويقومها بالسلامة
طلال: آمين يارب يلا عن اذنك سعود بروح أشوف الدكتور
سعود : خلاص يلا الله معاك
في دبي
دلال : ايوا راحو
يسرى مصدومة : يعني ماراح يخرجونا اليوم
ندى بدفاشة : نوووو يحلمو انا بخرج ماراح اجلس دقيقة في الهوتيل
سناء بهدؤها المعتاد : طيب اصبرو قالو بس يفطرو بعدين يخرجوكم
يسرى :واحنا ماراح نفطر يعني
دلال بنحاسة : أحسن صومو
البنات كل وحدة طلعت صوت معارضة ولا وليش
دلال: بس بنااااااااااااات عندي فكرة
منال: قوووولي يلا بسرعة
دلال: ايش رايكم ننزل تحت البوفيه مع اهالينا من زمان ماجلسنا معاهم
يسرى: صح كلامك حلوو
رنا : واذا قالو لا
نهى :امشو نحاول يلا
البنات كلهم :يلا
عند الشباب
رامي : لاااااااا مستحيل
نادر: هههههههه لاياشيخ مافي شي مستحيل
خالد : بس ياشباب خلاص يكفي حش في الناس
سامي : ارحمنا يا ابويا مسوي فيها مين قدك
وكذا كان الحال عند الشباب
في البوفيه كانو كلهم ماخذين طاولة كبيرة الكبار والبنات كان عندهم الحريم مايغطو على رجال بعض عشان دايما مع بعض وفطرو وفلوها ووناسة ورجه والبنات كل وحدة تدلع على ابوها بس عشان يشوفو مين ابوها يدلعها أكثر وفي النهاية فازو رشا ومنال لأنو رشا وحيدة ابوها ومنال عانس
في الظهر
طبعا الشباب رجعو وتجهزو والبنات نفس الشي وخرجو على تي جي فرايديز وبعدين بيروحو السينما وفي المطعم كانو يتضاربو طاولة وحدة لهم ولا البنات لوحدهم والأولاد لوحدهم
خالد : شوفو انا باخذ زوجتي ودبرو عمركم انتو يلا سوسو
جاسم يتريق : يلا سووسوو
الكل مات ضحك على طريقتو خالد وسارة ماهمهم أحد ومشيو وخلوهم
مشاري : وفواز مو ناوي تعمل زيو فواز طالعهم بنص عين وطالع رنا ورجع يطالع مكان ماكانو خالد وسارة موجودين
فواز : بتغدا معاكم بعدين بتمشى معا رورو
رامي: اووووه يا حركات يا ثقيل ماعرفتك
فواز ابتسم ابتسامة صفرا
جلسو على طاولة كبيرة كان الأولاد في جهة والبنات في جهة و تحشيش واستهبال جننو الفلبيني الي ياخذ الطلب كل شوية يجي واحد يتكلم عربي بعدين بعد مايجننو يتكلمو انقليزي ونادر طول الوقت ماشال عينو عن نهى وفيصل يطالع ودمو محروق وأكثر شي حرق دمو سارة وخالد لمن راحو
جنى : ندوو ايش رايك نعمل مقلب في الشبااب
ندى تحمست : وفيها رأي أكيد بس ايش نعمل
جنى :تأشرلها بالجوال
ندى بغباء :مافهمت
رنا : ياغبية قصدها بلوتوث
جنى : هذي الي تفهمني والله أحبك
ندى : مااالت عليكي انتي وهيا يلا بس قومي قدامي على الحمام من هناك أحسن عشان مايشكو خلاص
جنى : مين راح يجي
ندى : مو كلنا عشان مايشكو بس احنا الثلاثة اوك
رنا: خلاص بقول لنهى تشوف الأوضاع هنا
جنى بتمثيل : قامت يلا بروح اغسل يدي تجي معايا ندو
ندى : أكيد يلا مين يجي
رنا : أنا بروح
مشاري أنا وفهد بنوصلكم لهناك عشان شوية بعيد ونخاف يصير لكم شي وكمان نغسل يدنا بالمرة
فهد بتردد: ها ..ايوا صح يلا
وقاموراحو يغسلو وهم في الحمام فتحو البلوتوث وشافو الأولاد كان النك تبعهم عربي عشان كدا ميزوهم جنى كانت ترسل ل
وسيم من يومي >> جاسم
ياأرض انهدي ماحد قدي >> مشاري
FooFoo>> فهد
050*****>> فيصل
ندى كانت ترسل ل
رامي ولد المراعي >> رامي
نادر الوجود >> نادر
محشش راكب تاكسي >> سامي
Sweet man>> ياسر
ورنا تشوف من بعيد ايش يعملو
فهد ومشاري على طول قبلو كانو راسلين رقم بنت مايطيقوها
وفيصل رفض والي خلاهم يستغربو لأنو مرقم وجاسم شاف
الجوال ورمى و رامي رفض ونادر عقد حواجبه وجلس يلف
يمين وشمال بعدين رفض وياسر طنش وسامي قبل وكانو
مرسلين صورة تموت من الضحك و الشباب صارو مستغربين
مين الي يرسل للكل والكل يسأل عن النك نيم وطول الوقت
فيصل ساكت وأول مارجعو ندى وجنى ورنا فيصل نطق أخيرا
فيصل :جنى طولتي في الحمام
جنى ماسكة الضحكة : سوري بس ندى أخرتني بس قالت ندى البنت طارت اخر المطعم وكلهم جلسو يضحكو عليها
ندى بنحاسة : أحسن
جنى يالطيف مو بنت ايش هذا مرة قوية
ندى : ههههههههههه
فيصل ارسل لبلوتوث جنى
ترا عارف انك اختي ياغبية عشان كذا خلي الهبل حقك على جنب ولا مايحصل لك طيب
جنى استغربت وعقدت حواجبها طالعت في اخوها شافتو يطالع في الفراغ وهذا حالو من يوم ماسارة راحت منه
بعد ماخلصو من المطعم راحو على السينما وفواز ورنا راحو لوحدهم وياسر وسناء و راشد ودلال لوحدهم وبقي العزابية نادر كان ميت قهر لأنو لسه مخطوب وما ملك راحو على السينما تفرجو 3 أفلام أكشن وكوميديا و رومانسي وبعد ماخلصو كان قريب الليل راحو على المول وتفرقو مجموعتين بنات ومجموعة أولاد الشباب كانو جالسين في الكوفي
عند منال ونهى وسعاد وغزل
منال: يلا نشتري لملكتك
نهى بحماس : يب ابغا أول شي الفستان
منال: اوك يلا
عند ندى وجنى ورشا ويسرى وغزيل
كلو تحشيش واستهبال وجنان ماخلو احد في حالو مسكو الكل حش في خلق الله
رشا متفشلة منهم : يااي روحو بعيد مااعرفكم فشلتونا
ندى تضحك : انتو الي فشلتونا يااي مرة روحو مو عاجبينك روحي مع الهبلة الي هناك
غزيل : خلاص انا ورشا ويسرى بنروح ونخليكم
يسرى شهقت : لالالا نخليهم لوحدهم صغار بيعملو مصااايب
رشا : بالذات المهابيل هذولا مستحيل
غزيل :ههههههههه يا حرام
ندى تسوي نفسها زعلانة مشيت وخلتهم وجنى لحقتها وهم بعدها بشوية
في محل الفساتين
نهى دخلت تقيس الفستان والبنات برا يشوفو الفساتين
منال شافت فستان مررة دخل مزاجها كان لونو سماوي فاتح مرة مايل للفضي على أبيض
نهى : بنااااات تعالو شوفو الكل دخل عندها الغرفة وتجننو على الفستان كان أحمر وحرير ماسك من فوق من غير أكمام و مت تحت واسع وفي تطريز خفيف بالذهبي والسكري على شكل ورد كان مررة ناعم يعني جنان في النهاية اخذتو ومنال اخذت الفستان تبعها ونهى كانت بتطير من الفرحة
عند الشباب كانو في ستاربكس
رامي : شبااب ماتلاحظو اليوم بس ناكل
سامي : من جد
نادر: عيشو حياتكم وكلو واشبعو أولاد ناكل على كيفنا ولو سمنا عادي مايفرق
جاسم بنص عين: نعم نعم تكلم عن نفسك انا لازم اهتم بلياقتي
سامي : صح الواحد لازم يهتم بصحتو عشان ماتجي أمراض
الكل سكت وطالع بعض وبعدين انفجرو ضحك كلهم
مشاري:أمر..اض هههههههههه
فهد:ن..هت..م ههههههههههه
وكملو تحشيشهم بعدين تعشو في ماك دونالد ورجعو الهوتيل
نهاية الجزء التاسع عشر من كرهتك في لحظة وحبيتك العمر كله
|
01-05-10, 11:13 AM
جديد مواضيع قسم القصص المكتمله
العرض العادي
