عزيزتي كوكو حتى أحسن أكتب هالكلمتين يلي رايح تشوفيهم صرلي ساعة
هالرد خصوصاً كرمال رسالتك ..والعائق الأكبر عندي متل ماقلت من قبل أني أرتب أفكاري بشكل منطقي ومتسلسل ومفيد ..فتحمليني
شوفي عزيزتي أنا شخصياً بحترم الأخوات الموجودات بالقسم جميعاً ولكن موضوع المشاركة يحتاج لوقت وحالة عقلية بصراحة غير موجودة عندي حالياً ..يعني والله آذان المغرب في الساعة 7 وبرجع للبيت من الشغل في 6 أحياناً ..بمعنى تاني بحس عقلي وأفكاري كأني كنت محطوطة ضمن غسالة اتوماتيك عم تبرم فيني لبين ماضل عندي شي أعطيه أبداااا..هي أول نقطة .
التاني أنا شخصياً إنسانة نكدية نوعاً ما وطبعاً المشاركة المفروض تكون خفيفة وظريفة متلك ومتل باقي الصبايا يعني مثلاً أنا والأخت العزيزة انيمي اتفقنا على الكاتبة Susan Elizabeth Phillips ولكن لو حبيت أقدم رواية This Heart of Mine مثلاً (وإذا ما خانتني الذاكرة) فرايح أقول أن هي أول رواية بشوف البطلة بتغتصب البطل فيها .. يعني بركز على النقاط الخلافية والفكرية وليس التشويق والظرافة للأسف .
نقطة ثالثة ورايحة أحكي بصراحة وإن شاء الله ماحدا يزعل مني ..بالنسبة لموضوع الشكر بإذن الله تعالى ربنا مايضيع جهد أي إنسان .. حالياً بمكتبتي يوجد أكثر من 4958 رواية طبعاً ضمن الحاسب عدا الورقي وهذه الروايات بالكامل بعتبر الفضل فيهم لأختين غاليتين على قلبي جداً الأولى يلي دلتني على برنامج eMule والثانية وهي الأخت مي يلي دلتني على موقع esnips وهالبرنامج وهالموقع حسنت اسحب منهم كل الروايات يلي عندي .
طبعاً مافي مانع أن الانسان يشكر جهد سواه حتى لو ما استفاد منو هو شخصياً ولكن بحالتي بالذات نظراً لمتطلبات عملي والتأثير يلي عم تخلفو فيني ويلي حكيت عنها بالأول النتيجة صارت أن احتكاكي بالبشر بالواقع وبالنت عم يقل يوم عن يوم للأسف .
طبعاً بعد هالجريدة المطولة ويلي زعلانه على حالي وقت عم قارنها بالمشاركات السابقة وأكيد اللاحقة الخفيفة والظريفة رايح تقولي بنفسك منيح مابتشاركي كتييير
اسمحولي بالنهاية أوجه تحية حب واحترام للغاليات على قلبي فعلاً ريهام ومي زيادة يلي بعتبرهم الرواد الأوائل للقسم وأكيد باقي الصبايا لولا وهبوب وونة غلا وانيمي و sommanha وأنت طبعاً ياكوكو العزيزة يلي بحس الدعابة المميز عندك كسرتي صيامي عن المشاركات لأكثر من سنة وأي صبية غاب عن ذهني اسمها حالياً ..صدقاً إلكم جميعاً معزة ورايحين تضلوا بالبال وربنا يجمعنا جميعاً على الخير إن شاء الله

[QUOTE=cocubasha;1631401]

بصراحة أنا قلت بس ممكن أخذ اللاب توب بعد العشاء هو بصراحة ستي ح تزعل كتير لما تعرف أنو أنت معاك لاب توب .. قلي خلاص بس ساعتين
ههههههه
أنا جاهزة بس مايا ح تختار و لا إيش إذا ح تختاروا ح أستنى دوري ولا أنزل دحين