سلاااااااااااااااااااااااااااااااااااااااام كبير للجدعان الحلوين


بنات صرلي كم يوم عم فكر ان اكتب هالكلمات ولا ما في داعي.. لان فعلاً بخاف من وجع القلب يلي بيجي من سوء التفاهم ولكن اعتماداً على روح المحبة والصداقة يلي بيناتنا يا ريت تتقبلوا هالكلمات وتطولوا بالكم لان متل ما قلت من قبل عندي صعوبة برصف الكلمات بطريقة منطقية سهلة


أول الشي مايا العزيزة قلتي نصلّح الانطباعات وبالنسبة الي بيجوز بعطي انطباع خاطئ عن نفسي بسبب قلة الاحتكاك من ناحية ولاني تعودت على لجم اعصابي فصار طبيعة تانية الي لأن فعلاً بتحسي احياناً ما في نتيجة من الكلام ..كل شخص مقتنع انه لوحد المزبوط وباقي البشر كلهم خطأ وبينسى إن الحق موزع بين العباد كل واحد عنده جزء بسيط منه .

اذا بدك اوصفلك نفسي فأنا بفضل اليد الحديدية ضمن القفاز المخملي ..بتصور فهمتي علي قوية كتير بس ما بحس اني لازم احشر هالشي بعين كل شخص بحتك فيه ,حساسة وصلبة ومتناقضة وبيكفي هيك .

تاني شي رومانس يا قمر المشكلة أحيان كتيرة مو بالرأي نفسه ولكن بطريقة عرضه وبالحواشي يلي بتحيط فيه ..يعني شوفي مثلاً اوهو بتعرض رأيها بقوة بس بشكل مباشر وبتصيب النقطة وبس _قلت من قبل اديش انا معجبة باوهو الله يكملها بعقلها _ بس انت شخصياً مرتين بالضبط بصراحة جرحتيني وطبعاً من غير ما ازعل منك لأن بحس ان هاد اسلوب تعبيرك وقصدي بالضبط انك بأغلب الاوقات وقت بتقولي رأيك بتتبعيه بكلمة إني مالي مهتمه بكذا .. وقصدك بالرأي المعارض ، ممكن بسهولة الانسان يلي امامك يحس انك عم تستخفي فيه وبرأيه . وطبعاً هاد رأيي الشخصي ومتل ما شفتي في كتيرين معجبين بأسلوبك بعرض الرأي والاختلاف بالرأي لا يفسد للود قضية إن شاء الله .


تالت شي انيم عزيزتي متل ما قالوا البنات بيختلف رد فعل الرجل على قراءة الروايات بحسب طبيعته وثقافته وكلام وردة كتير معبر ...يعني الاغلب رايح تشوفي انه عامل حاله اخدك على قد عقلك ... بس النقطة يلي بدي احكيها وبعرف ان اسلوبك كان مزح بس حبيبتي فترة الخطبة هي يلي بتتعرفوا على هوايات بعض مو بعد الزواج هو أو انت يحط التاني امام الامر الواقع أنا كتير بخاف من طاعة الزوج بالاسلام وبعرف ان الاساس التفاهم بس تخيلي لو اصر وكنتو مو متفقين على هالاشيا قبل الزواج شو رأي الشرع وقتها ؟؟ هاد يلي خلاني افك خطبتي من قبل _مو موضوع الروايات بحد ذاتها_ ولكن ما حسيت نفسي ممكن اكون الزوجة التي تطبق السنة النبوية الشريفة وانا مو ناقصني ذنوب بصراحة .



رابع شي موضوع قراءة الروايات شوفوا بنات أنا أول وحدة بعترف اني الان وللمستقبل المنظور مستحيل اتخيل الكف عن القراءة بس في نقطة :

قرأت من قبل رأي وبتصور للشيخ الشعرواي رحمه الله بس مالي متأكدة بالضبط وفيها الرأي كان عم يقول إن قراءة الروايات حرام أو غير جائزة مالي متذكرة بالواقع

بتصور هالرأي متل يلي بيقول إن الاغاني والموسيقا بشكل عام حرام

طبعاً أنا مو دوري افتي وأقول صح او غلط بس رجاءً ما تبخسوا هالرأي وتنفوه لأن العلم فعلاً عند الله

شخصياً بنظر لداخل نفسي ولمدى تأثير الروايات فيني كشخص ومتل ما قالت دراغو العزيزة بتأثيرها بعباداتي والحمد لله وبقول بالنهاية ان هاد موضوع عبد ورب وربنا يهدينا للي فيه الخير .


وأخيراً وليس آخراً هلا هبهوب ومتل ما قالوا الصبايا كل بنوتة بقسمنا اديش ما غابت بتضل بالقلب بإذن الله واوهو يا عسل بالتوفيييييق إن شاء الله



إذا كنت اساءت التعبير أو غلطت بفهم أي شي فعذراً مقدماً وهالجريدة طلعت من القلب وبإذن الله بتصل للقلب وأحلى كلمة سمعتها من كوكو الغالية _فضفضت قلب لقلب_


سلام للجميع