يعني يا بنات بعد اللي قريتو و شفتو
اتأكدلي فعلا انو "شر البلية ما يضحك"
كنت فاكرة انو هالمرض بس عندنا نحنا
بس طلع مو سايب محل ما دخل عليه و فككو
بس انا و الحمد لله تفوقت عليكم كلكم
عارفين ليـــــــــــــــــــــــش؟؟؟؟؟؟؟؟
لأن عيلتي فيها من كل فن طرف
هالشكل اللي انتو حاكيين عنو
و في شكل المعاكس
يعني أمي لما اتزوجت بابا(مع العلم انهم أولاد الخالة)
أختو اللي هي بنت خالتها صارت ما تطيقها
و يا ما عملت بينهم مشاكل عشان يطلقو
و اللي يقهر انو كانت على طول تكذب و بابا يصدقها
فكانت تشعل حريقة بالبيت
و هون أرجع لكلامك كوكو اللي هو صح مليون بالمية
و هو انو الرجل لازم يكون رجل فعلا و يوضع خط مو بس لزوجتو و لعيلتو كمان
و هالشي ممكن جدا و قابل للتطبيق
لأن بابا فب السنين الأخيرة عرف اختو العزيزة على حقيقتها
و صار يوقفها عند حدها
و بخصوص الشكل الأول اللي حكيتو عنو
فالقصة حصلت مع خالي اللي تزوج وحدة ما كفاها انها تبعدو عن أهلو و بس
لكن كمان فسدت علاقتو مع اخوه الكبير

لو جينا نحكي عن هالموضوع مارح ناخد غير وجع الراس و فوقو دوخة
بس هذا ما بينفي أبدا انو في ناس عايشين مرتاحين و ما عندهم هالعقد
و خلاصة القول ان مرجع هالشي كلو الى مرض في النفوس و ينتقل الى العقول بعدين
و الإنسان لازم يتقبل و يكون واعي انو في فرق السما مع الأرض بين وضعية الزوجة و وضعية الأخت
و انو حب الزوج ليهم مع بعض ما بينقص من حب وحدة فيهم
أو انها بتفقد مكانها فقلبو
بس هالحكي بدو أشخاص واعيين و ناضجين ليتفهموه و يعملو بيه
عذرا على الإطالة و أحسن شي أختم بيه حديثي هو دعاء ماما دائما لينا و هو
" الله يلاقينا مع أشخاص أحسن منا"