وردة وربنا بيعرف ان القلوب عند بعضها وبتعرفي قلتها من قبل أنا بحس بذبذبات من كل شخص سواء بالواقع أو النت وإنت دخلتي القلب لأنك طيبة ومعدنك أصيل وجدعة وشغلات كتيرة بلا ما أقولها منشان ما يكبر راسك كتير يعني وتضلي تسعي تفوتي بتيابك

من وقت ما دخلت ليلاس تعرفت على كم صبية صدقاً بحسهم قريبين من قلبي أكتر من نااااااس كتير حوالي وحتى لو مرت فترات ما بحكي معهم بس بيضل غلاتهم ومعزتهم عندي تفوق الوصف وبتمنى تحسوا دائماً إني حاضرة لأي شي شو ما كان ممكن تطلبوه مني وهاد مو كلام مجاز ولا مجاملة وربنا بس شاهد عليه .


وبإذن الله رايح اقرا السلسلة واخبرك وعلى فكرة يلي خوفني مو موضوع الدماء والذئاب بل فكرة ان الشخص يحب اكتر من واحد أو هيك شي يعني الحيرة العاطفية بتأثر فيني بشدة وبيجوز اكون فهمت كلامكم غلط بكل الأحوال معتمدة على كلامك ورايح ابدا فيهم وربنا يستر وذنبك على جنبك إذا فاض المنتدى من دموعي ودموعك


سلام يا حلووو

ههههههههه وردة كفاية يا بنت حرقصتيني ووقعت بغرام جاكوب من غير ما اقرا الرواية شخصياً يعني شو الخيبة هي في ناس بتحب من أول نظرة أو حتى صوت بس من غير ولا شي الا كلام عنه يا فرحتي على حالي

وبتعرفي ذكرتيني وقت قريت تادي تبع ايما دارسي كنت بالشغل وفرطت بالبكا وطبعاً مو متل بطلات الروايات يلي بيغرفوا القلب وقت بيبكوا أنا صرت متل الشوندرة وعيوني .. ولا قلك خلي الطابق مستور المهم البنات رفقاتي بالشغل رايحين جايين ريم شوبك ..ريم مين زعلك .. وانا طبعاً مصممة مافي شي لبين ما المساكين كانوا رايحين يفتحوا مناحة جنبي ووقتها اعترفت ووقعت بشر أعمالي وما بدي احكي شو قالوا بعدها مع إنهم بيعرفوا إني مجنونة بالقراية بس كانت أول مرة بيشوفوا النوافير وهي مفتوحة اون لاين


سلامات يا عسل