كوكو هلا فيك يا جميل الروح انت

الكل مشتاقين الك اكييييييييد ومن غير نقاش

بس طبعاً محتاجين لوجودك لأنك يلي بتلمينا ومن غيرك الموضوع بلا روح بصراحة ... بكل الأحوال ربنا يردك النا بالسلامة بسرعة يا رب


سلام ومحبة للجميييييع

هلا وردة العسولة

تسلميلي يا قمر القلوب عند بعضها لاني كمان مشتاقة لك وكنت عم فكر اليوم ان يا ترا امتا بتظهر نتائج التصويت يلي طلبتي نشارك منشان جينو الغالي يربح فيها إن شاء الله ؟؟ وكمان شو صار معك بالمدرسة آخر الشي بذكر كنت مشغولة جداً بالتقييم أو هيك شي لأنهم عطوكي ياه متأخر يعني لذا خبريني إن شاء الله يكون خف الزحمة عليك

عني أنا هالفترة ولنص الشهر الأول من السنة الجايه الوضع جهنمي بالشغل لأنها فترة إعداد الميزانية السنوية وتعي شوفيني بنزل من الشغل شكلي بيزعل من غبرة الجرد وهيك اشيا ومافي داعي ابدا مناحة عن الحالة العقلية يعني كأني محطوطة بغسالة اتوماتيك سوبر عم تبرم فيني طول الدوام

هممممممم .....ولا قلك بخبي شوية نق لبعدين في حال تورطت وسالتي مرة تانية عني


وعلى فكرة مو بس اوهو وربا حتى بالي مشغول على مايا يا ترا شو صار بامتحانها يعني قدمته ولا لسه يعني تطمنا على رومانس قالت انها قدمت منيح ويا ريت نطمن عليكم جميعاً حتى لولا وسمانة من زمان ما دخلوا هون ... أكيد بعرف الكل مشغول وعذره معه بس مجرد شوق لمعرفة اخباركم ويا رب يكون الجميع بخير وراحة بال وأمور ميسرة بإذن الله


سلامي للجميع