سلام صبايا

كيفكم جميعااااا

وطبعاً الف الحمد لله على رجوع ربا بالسلامة وقبال باقي الاحباب

وردة يا قمر بحالتك انت بالذات انا مؤيدة انك تحاربي بكل الاسلحة المتوفرة عندك لان الموضوع سرقة للجهد الابداعي الك يعني افكارك وخيالك بالاضافة لتعبك بالتنسيق والتنزيل بالمنتدى لذا نعم عيب والف عيب على عديم الحس يلي سرق جهدك مع إني بتصور يلي بيطلع معه هيك ما راح يخجل ويحس شو ما صار بس المهم يرجعلك حقك الادبي .


بس في نقطة تانية بتشغلني شخصياً وهي الروايات يعني الروايات العربية وقت بتصوريها صفحة صفحة وترفعيها وتنزليها بلا يمين كنت أبكي أحياناً لبين ما تنزل بالمنتدى والحمد لله بعمري ما نزلت شي مو نتيجة تعبي شخصياً ، بس النقطة بالروايات الانكليزية لأنها كلها منقولة من موقع تاني لشب أو صبية مالي متأكدة بس جنسية أغلبهم هنود والله يعطيهم العافية بينزلوا كل شي حتى الاصدارات الحديثة جداً وحتى طلبت منهم كم رواية قاموا بتأمينها بسرعة ..المقصد من كلامي إن متل ما أنا مشتركة بالحافظة هي أغلب الصبايا مشتركين فيهم كمان فإذا نفس الروايات الانكليزية نزلت بمنتدى تاني ما بشعر ان من حقي ازعل لأن الاحتمال الاكبر تكون الرواية منقولة من صاحبها الاصلي مو مني أنا .


بكل الاحوال ربنا ما بضيع جهد حدا إن شاء الله وكل إنسان إلا ما يجيه الدور لأن كما تدين تدان لذا يتقي الله ويعمل بضمير أحسن له .


تحياتي الكم جميعا بنات