رومانس وأنا الاسعد إنك اقتطعتي من وقتك الثمين وطليتي علي عزيزتي ويا رب نحسن نتعرف على بعض أكتر وأكتر


اوهو عاش من شافك يا اسمر (بتعرفي هالغنية ..ذكرتني فيك الان) ومعك حق عزيزتي أكيد "رضا الناس غاية لا تدرك" لذا الواحد يرضي ربنا ونفسه وكفاية .


كوكو عذرك معك يا باشا انت بتسعدنا امتا ما طليت ، وعن جد يا بنت وقت بشوف مشاركاتك _مو معي يعني بل بشكل عام_ بحس كأن شعاع شمس عم يبدد الغيوم ، الله يديم نعمته عليك ويجعلك دائماً مصدر بهجة وفرح لكل الناس . وياقمر المقصود كان صورة الملف الشخصي .


وربا القمورة يلي خلاص اتعلمت درسها وغلاوتها عندنا أكييييد هي جوابي يا ابلتي

What it your favourite ice cream flavour?



الفانيلا

****

Who is your role model in this life -time?



بحاول أتعلم من تصرفات كل شخص يعني سواء كان التصرف جيد أو سيء بتلاقي أنك ممكن تستفيدي بعبرة منو ، وكشخصية رمزية بيعجبي سيدنا عمر بن الخطاب رضي الله عنه متل ما قلت من قبل بحب صلابته وحزمه وفيه صفات كتيرة بتعجبني كإنسان يعني مو بالضرورة رجل

****

What was the worst grade you got at school?



طيب ضروري تفتيق الجروحات الآن أنا مهملة كتير بدراستي ورفقات النت بعرفوا أن وقت كنت عم أدرس كنت ركز بس بآخر شهر قبل الفحص وقتها بنقطع عن العالم الخارجي تماماً ونتيجة هالشهر اليتيم تخرجت الحمد لله.. كعلامات مشكلتي اني ما بحسن اغصب نفسي على مادة ما بطيقها يعني مثلاً كان عنا بالجامعة مادة المنظمات الدولية وهي جبت فيها 52 من 100 بالزور لأن عقلي ما بتحمل سيرة الأمم المتحدة والابشع منها الجامعة العربية _من غير استفاضة_ وبالعكس _منشان بيض سمعتي شوي_ مادة المواريث والوصية جبت فيها تصنيف مرتفع لأني حبيتها بشدة

****

Which Cartoon character do you envisage your self in? (Sally, Judy Abbot , Lady Lady, one of the little women sisters, others)


بتصور ليدي اوسكار وما بعرف اذا كانت انعرضت عندكم كمان

****

If you happen to device a time machine, which period in history are you going to?



قلت من قبل ما بريد اعيش بغير زمن ولا حتى بمرحلة مختلفة من حياتي لأن الحمد لله كل يوم ربنا بينعم علي بزيادة النضج ومعرفة الذات لأني مقتنعة بشدة أن المفتاح الحقيقي هو "أعرف نفسك" ، لو كانوا بدهم يجبروني سافر بالزمن بتصور بختار وقت فتح مكة برأي كان ذروة النصر الاسلامي بتمنى كنت شوف الرسول عليه الصلاة والسلام والصحابة وأرفع راسي بالكرامة والفخر ...ربنا يكرمنا ويطلع بين شباب المسلمين مين يعيد الامجاد

****

Opera Winfery has invited you to feature as her VIP guest in her famous show, what are you going to discuss in front of million viewers world- wide?



أكيد حال الشعوب العربية والمرأة بشكل خاص منشان حاول وضح حقائق يعني مو متل ما الكل بيشكوا ان الصورة النمطية مشوهة بل ان اغلب الحكي _مو كله_ صحيح ولكن ليس بسبب الاسلام ولكن للاسف للبعد عن جوهر وروح وحقيقة تعاليم الاسلام والسنة الشريفة وعن المراة بيكفي قول الرسول عليه الصلاة والسلام "النساء شقائق الرجال" ..بصراحة حسرة بقلبي ان كل عيوبنا فوراً بتنسب للاسلام وياريت لو كل واحد فينا يعرف انه رسالة فعلاً هي قناعتي ..انا رسالة عن ديني واخلاقي وبيئتي وتربايتي فلازم الانسان يحمل المسؤولية بأمانة وطبعاً مع الأخذ بعين الاعتبار أن جل من لا يسهو والخطأ وارد

****

Can you describe please a moment in your life in which you had wished that you could stand up and said simply NO.



كتير لأن للأسف بخجل قول لا ، بتمنى لكل من استغلني اني قول "على فكرة مالي غبية وانت مالك مستغفلني ولا .." بس طبعاً الحق مو على الناس بل علي لذا مالي حق احكي

****

Is there a trait or a habit in your character you wish to get rid of?



ما راح احكي عن صفاتي السيئة لأنها بتتغير بالاصرار الجاد والحقيقي ، ولكن يلي بسبب التعب فعلاً هو الصفات يلي نظرياً مو لازم تتعبك ولكن لأنك بعكس السير بتتعذب ، حاسة سادسة بتصور ربنا عوضني فيها عن نقص غيرها وبوصفها برادار ذبذبات ومشاعر يعني قدرة مؤسفة على معرفة الناس بتحبك ولا بتجاملك ولا بتضحك عليك والصعب فيها انك مضطرة تسايري التيار وتتظاهري انك مقتنعة في حين ان نظرة العين وحتى رجفة الجفن بتصرخ بكلام تاني متخبي ..

****
Your phone is ringing as we speak, who do you wish to be on the other line ?


صديقي بيل غيتس مثلاً للأسف ما ممكن أحكي على التليفون لأني لازم اشوف الشخص أمامي حتى قدر الامكان أفهم كلامه . (وعلى فكرة خلوني أقول ولمرة واحدة إن الحمد لله بعرف وضعي أحسن كتير من غيري بس مجرد عم حاول أجاوب بصدق ومو قصدي أصرع راسكم كل شوي) .



How did hear about this forum?



انتسبت الى موقع دار الفراشة يلي بتصدر روايات أحلام وهونيك صبية قمورة متل الشهد رحبت فيني ودلتني على ليلاس وهي الآن صديقة عزيزة وغالية جداً وطبعاً عضوة هون اسمها فراشة المحبة




Are you a Romantic person? And do you believe in love at first sight?




بصراحة لا وعن جد مو انكار أو شيء تاني بس هاد الواقع إذا وصفت طبعي بقول عقلانية أما الروايات فهو ادمان قراءة _يعني يا كوكو شو بتقولي عني اذا عرفتي اني قريت الغثيان لجان بول سارتر.. ربنا يستر_ أما الحب فشي غريب بصراحة ما بظن في قاعدة جامعة مانعة له يعني بشكل عام لازم تعرفي طباع الشخص وشغلات كتيرة تانية وبتحسي الحب والاحترام عم ينمو ، وإذا كان ضربة صاعقة فأنا ما شفت هالشي بالواقع لسه . بحكي عن تجربة شخصية وبعرف مافي مقارنة بينها وبين حب الرجل والمرأة ولكن ..قلت من قبل اني بنت وحيدة ، وقت كان عمري 9 ماما جابت اخي ووقت كان عمري 17 اجانا الاخ التاني والاخير ومدري ليش وقتها عملت مناحة وافلام هندية بتقطع القلب وقت دريت ماما حامل وبلا طول سيرة عليكم كنت رايحة أشوف ماما وقت ولدت ، ويا دوب دخلت المشفى لسه شفت مطالعين مجموعة الاطفال من الحواضن والله يابنات كل ما بتذكر هديك اللحظة بيقشعر بدني من الاحساس يلي ما ممكن ينوصف وما بيفهمه الا يلي حس بيه شفت وجه طفل من بيناتهم وما كنت طبعاً بعرفه انه أخي حسيت وقت شفته قلبي انفتح وانحط جواته حبيته وكأنه جزء من روحي والان وقت بشوفه صار أطول مني بتذكر هديك اللحظة وبيجيني البكا ..وعلى فكرة مو محبة اخت لأخوها يعني تحسبو ان عادي كان بدك تحبيه لانه اخوكي ..بل اللحظة نفسها كهربتني وما عندي وصف تاني الها فإذا كان هالشي ممكن يصير بين شخصين فربنا يعينهم لأن عن جد الشعور مخيف





What is your Horoscope?


أنا مواليد 18_9 بتصور اني العذراء ولكن ما بصدقهم ولا بحاول اقراهم حتى ولو للمزاح


And what is your favourite flower?


بصراحة مالي بال للورود _دليل عدم الرومانسية ولا شو_ حتى بحس بتحسس نوعاً ما من الروائح العبقة زيادة ، يمكن أقرب شي الي الياسمين



If you happen to meet your favourite author Linda howard, what would you say to her?



شكراً لأنك بتسعدي لحظاتي لما بيكون ضايق الدنيا فيني ..مع العلم إن مو كل الحبكات قوية بالعكس ممكن بعضهم يعانوا الرتابة ولكن بحس انك بتتعبي بالتفاصيل وبقدر هالشي .

Can you tell us a situation where you were furious and wish you could throttle someone’s neck?


لما أي شخص بيتصرف بطريقة هوجاء وبينتسب عمله للإسلام ، وبحياتي شخصياً لما أي شخص ما بيعترف بالمنطق والعقل والحوار لحل أمور الحياة وبيظن أنه الوحيد الفريد ومالك كل المفاتيح .



If Aladdin’s Lamp fell in your hands, what are your three wishes going to be?


ليس علاء الدين بل خليني أقول ساعة مستجابة من رب العالمين .. الأولى إن ربنا يكرمني وأحسن أعمل شي يفيد ويغير حياة الناس بشكل عام والمسلمين بشكل خاص ، والتانية إن ترجعلي حاسة السمع عندي ، والثالثة إن يرزقني محبة الناس ورضا الوالدين وحسن الختام

Is there something you have done that you regretted doing it later?

ربنا ما يجعلنا من النادمين ..بحاول دائماً أقتدي بحديث الرسول عليه الصلاة والسلام "لا تقل لو أني فعلت كذا لكان كذا فإن لو تفتح عمل الشيطان" . وبحاول اعمل استخارة لأغلب الأمور فإذا فشلت أموري فأكيد الخير بهالشي مو ظاهر الي وبالنهاية الحمد لله ولا ندم إن شاء الله .

You have now a long stemmed, dewy deep -red rose bud in your hands, who are you going to present it to ?


بصراحة هالشخص ما بعرف عنه شي تقريباً بس ببساطة بحس بالفخر وقت بسمع باسمه وهو الشيخ محمد بن راشد آل مكتوم وبشكل عام كل الفتيات والشباب الامارتيين لان بحس عم يشتغلوا صح ويرتقوا ببلدهم وبصورة أوسع أي نسان بحس برفع راسي وبقول انا عربي ومسلم بكل فخر وقت بينذكروا والحمد لله البوادر الطيبة عم تتزايد كل يوم وبفضل النت عم نتعرف على أشخاص ما كان ممكن ندرا فيهم ومعنوياتي عم ترتفع بفرحتي وفخري فيهم كلهم

hey sweet romantics

cocu...thank you for the songs ....and the sweet words ...im grateful to have people who think of me that way..and i love you all for it
uhu...finally..where have you been!! you are right about everything you've said
romance...what's up girl...thanks for the lovely words and hope your studies are going well
rima...way to go with the answers....they just show what what we alredy know..that you are a wonderful person...and i did watch oscat but i was so young i wish i could watch it again cause i keep remembering some parts of it....and i wish i could stand up for myself but im too emotional for that...i get tears in my eyes when i get angry,sad,frustrated or even looking at a beautiful rose!!hhhh...
i wont be able to log in cause i have some problems going on and aparently the thing that makes me feel good and happy is not allowed anymore!! so even opening this site is forbidden!! i havent even read a novel since before ramadan and now i cant!!!!!!!! love you and i'll see if i can find a wat to log in or even use a computer!!!!