سلام صبايا
ربا لو كنت شطورة هيك بالجامعة ما كنت تمرمرطت فيها سنين بس الظاهر بسبب اللي حط الاسئلة حلو على قلبي متل العسل طبعاً بغض النظر إني متغششة على الاسئلة من قبل



If you could see one concert (living or dead musician), who would you see

ما بتصور روح حتى لو سنحت الفرصة ولكن كخيال بيجوز عبد الحليم حافظ أو شادية لأني بحبهم وبحب الكلمات والالحان تبع أغانيهم

What type of music do you like?What is your favorite band

وقت كنت اسمع موسيقى كنت أحب الهادي منها يعني انجليزي متل خوليو انغلسياس وفرقة آبا والعربي بشكل عام بيشدني الكلمات أكتر من اللحن وطبعاً الي شطحاتي يعني صرعت الدنيا بأغنية عمرو دياب "حبيبي ولا على باله" مع ان أغلب كلماتها مالي فهمانتها وكمان أغنية عبد القادر وغيرها

do you play any instruments?if not,which one do you wish you know how to play

لا أعزف ..وكنت بحب اتعلم الغيتار و البيانو بس للأسف مالي خلق وصبر الا للقراءة

What's your favorite television show

كنت مدمنة تامة على التلفزيون يعني نادراً لتلاقي برنامج أو مسلسل ما بشوفه _بس انكليزي العربي عديت عنه من سنين طويلة_ يعني بتعجبني اوبرا ومسلسل حلبة الجريمة وغيرهم

If you can meet anybody (alive or dead), who would it be

بتصور سيدنا عمر بن الخطاب رضي الله عنه لأن شخصيته وقصة حياته بشكل عام بتعجبني كتير (طبعاً ما ذكرت الرسول عليه الصلاة والسلام لأن دعوتي ربنا يجمعنا به في الجنة إن شاء الله

If you could eat anything right now what would it be

مو خاطر على بالي شي حالياً بيجوز الفواكه بشكل عام وخصوصاً الكرز وكمان المكسرات وخاصة حبيبة قلبي الكاجو والفستق الحلبي (يا رب يكون اساميهم عندكم نفس الشي)

Do you like animals?Have you ever had a pet

لا ، لا أحب الحيوانات حولي أبداً لأن للأسف بخاف منها جداً حتى القطط أو العصافير ..كخيال بحب الأحصنة _متأثرة بالروايات بعيد عنكم_ وكمان الدلفين والغزال (حب نظري من بعيد لبعيد يعني)

if you can travel anywhere in the world. where would it be

ما بطيق السفر ولا بحب أطلع من غرفتي أو أترك حاسوبي ولا لحظة كل السفرات بحياتي كنت مضطرة عليهم كدراسة أو علاج أو شراء فلذات قلبي رواياتي يلي منشاهم بروح لآخر الدنيا

Do you like to travel? Where have you traveled?

رحت بس لبنان والأردن والله لا يعيدها وأضطر أسافر مرة تانية _بيجوز لأن عندي حالة تعيسة من دوار السفر يعني مو بس دوار البحر زي أبو اوهو العزيزة_

If you had a multiple choice test and you had no idea what the answer was...would you

choose a, b, c, or d

للأسف ما بينفع معي لأن حتى وقت فحص الاتمتة بالجامعة ما بحسن ازت جواب جزافي _في حال ما كنت بعرف الاجابة يعني_ لأن عندي إدمان تفكير وتمحيص وتفصيص لأتفه معلومة وجزئية بعيد عنك

Are you left handed or right handed

أيمن وبحاول مو بس استعمل ايدي اليمين بل ابدا كل شي بالتيامن اقتداء بالسنة النبوية العطرة

What's the best book you've ever read

أصعب سؤال لأن الاجابة بدها مجلدات يعني بكل كتاب أو رواية ممكن تلاقي جزئية تعجبك وعلى فكرة أنا مدمنة قراءة على كل المجالات يعني حتى التاريخ بحب اقرا فيه ..في كاتب مصري قريت الو كتاب عنوانه كلام فاضي كلام مليان يمكن اسمه أحمد رجب ضحكني ومنشان هيك علق بذاكرتي الآن ، بس إني أقول عن كتاب هو الأفضل ..ما بحسن

.What's your favorite color

الأسود _وعلى فكرة مو تشاؤم بس بحبو وبحسو شيك

What's your favorite movie?

كمان صعب اختار لأن شفت كتييييييير ..الأفلام العربية شفت بس القديمة منها _يلي اغلبها اسود وابيض_ وكنت أحبها وخصوصاً أفلام شادية وأغاني أفلامها متل "وحياة عينيه وفداها عينا" ، والاجنبي فقليل لأشوف فلم مالي شايفته بس ذوقي بشكل عام بيميل للبوليسي والاجتماعي والرومانسي مع ان الأخيرة بحس بتكون مالها قوية (شفت فلم لرواية جانيت ديلي وكان ركيك بعكس وقت قريت الرواية عجبتني)

What are your favorite foods

قليل الأكل يلي بحبه كطبخ يعني _على فكرة ما بعرف اسلق بيضة شخصياً وهاد مو مجاز_ بحب البيتزا والهامبرغر وهاد يلي جنى علي

what is your favourite weather

الخريف _وكمان مو تشاؤم بل بحسو رومانس مع اني مو رومانسية ولكن بتأثر وخصوصاً بالفترة هي يعني بكون بالشغل بنص النهار بتلاقي الجو مغيم والمطر الخفيف جداً عم يهطل والهوا منعش وااااه على الوراق يلي بتكون عم تنزل ببطء على الأرض ..لازم أكون حجر حتى ما يأثر فيني

What do you do for fun

بقدر النكتة حتى لو كانت موجهة علي يعني ممكن اسخر من نفسي ما عندي مشكلة بالشي هاد بس طبعي هادي يعني بحب اتفاعل ولكن لا استطيع أن أكون فاعل بشكل عام وشخصياً حبي وعشقي وهوايتي وأي شي تاني بيكون ردي واحد القراءة يعني نادراً لتلاقيني من غير كتاب وحالياً حاسوب حتى وقت الأكل لازم اقرا _بتصور حالتي مرضية بس عاجبتني لذا مالي سائلة_

Do you enjoy football, tennis or any special sports

شخصياً ما بحب امارس الرياضية بس ممكن اشجع لأن بحترم الجهد المبذول يعني مثلاً لانس أو فيلبس بتأثر بقصصهم وبالتالي بصير بتابعهم وبشكل عام بحب اتابع الالعاب الاولمبية وخصوصاً الجنباز والسباحة وألعاب القوى

Have you been to the movies lately?

من سنة بالضبط او من وقت تخرجت من الجامعة يعني انقطعت عن اي نشاط تاني غير القراءة وآخر فلم شفته كان إعادة لأني تأثرت فيه بأول مرة وهو فلم 6 مم لنكولاس كيدج _إن شاء الله ما تكون خانتني الذاكرة بالعنوان_

what do you do for a living?

أنا موظف بالبنك

What are you passionate about or what do you want to be

ذكرت هالشي من قبل كنت بحب أكون طبيبة نفسية ولكن كواقع مستحيل لأن ما عندي الامكانيات العلمية كدراسة يعني وحلمي الحقيقي وطموحي يلي سعيت الو بالواقع كان القضاء وخصوصاً بمحكمة العدل الدولية بلاهاي ولكن للأسف اضطريت أكون واقعية كمان لأني فقدت سمعي وصار شرعياً حرام إني اشتغل فيه

What's the greatest difficulty in life that you have overcome

اهمالي لنفسي على عدة أصعدة أدى لضرر جسيم ومن سنتين قررت أخذ خطوة مغامرة لتصحيح مسار حياتي وعملت عملية تصغير معدة يلي أدت لانقاذ حياتي بشكل حرفي تقريباً وبعتبره إنجاز لأن ناس كتيرة عملت عمليتي وماتت وأنا تعذبت كتير بس ربنا أكرمني والحمد لله استرجعت السيطرة على نفسي مرة تانية


How are you today

الحمد لله بس السؤال الحقيقي الشجاع المغامر يلي وصل لكلماتي هي كيفو؟

وردي على عينة أسئلة وردة العزيزة


-1 لو اتيحت لك الفرصة لتغيير اسمك هل تغيرينة ؟؟ و الى ماذا ؟؟؟

لا ..بحب اسمي بالواقع، وما عندي الخيال لأخترع غيره بالافتراض يلي عنده اسم يقلي عليه

-2 من هو اعز انسان على قلبك و تحسين الحياة من دونة بدون طعم ؟؟؟

صعب أحدد شخص بذاته لأن من ناحية أنا بحب الوحدة ، ومن ناحية تانية ناس كتيرة الها معزة عندي وكل شخص منهم الو ركن بقلبي ودور فعّال بتحديد مزاجي بحيث أي شطب لأي شخص بصير حالي متل الدمينو


-3 اذكري لنا موقف احرجتي فية جدا و تمنيتي الأرض تبلعك ؟؟؟ و موقف جرحك جدا و لا تقدرين تنسينة ؟؟؟

صعب أذكر المواقف لأنها يومية وبتبكي _ومو هاد المطلوب بل المقصود الاحراج يلي ممكن تضحكي منه بعد فترة على ما أظن_ قلت من قبل اني بعتبر نفسي محاربة وهاد تفسيري ..بحارب يومياً لأني بروح الشغل وبحتك بالناس ودوري بالعمل مالو هامشي الحمد لله ولكن كل لحظة أنا على اعصابي بخاف وبتعرض لمواقف كتيرة بسبب السمع يعني انا بستعين بسماعة طبية بتمكني من فهم الكلمات ولكن الضجيج بيصعب الأمور لدرجة مؤلمة

-4 ما هي افضل رواية قرأتيها ؟

تابعوني في موضوع وردة العزيزة والا ما راح يجي الدور لحدا ينسأل من بعدي من كتر كلامي

-5 ما هي اسوء رواية قرأتيها ؟؟

كتير وبشكل خاص كل كتابات بتي نيلز

-6 ما هي مقومات الرواية الناجحة في نظرك؟؟ و ما الذي يجذبك في الرواية ؟؟؟

بحب الحبكات القوية والمشوقة بحب الكاتبة تتعّب نفسها وتختار أرضية صلبة ومبررات مقنعة لتطور الأحداث وبحب بشكل خاص أحس البطل إنسان وأشوف مدى تأثير البطلة عليه يعني مثلاً في رواية ذكرتها لولا الغالية Paula Quinn - Laird of the Mist شخصياً لم أتأثر لغاية ما وقع في حبها.. ذكرتني بأغنية نجوى كرم " مشتاقة قلك حبيبي تضحكلي عينيك "..لما البطل بيتأثر مزاجه ،بيغضب وبيزعل وبيفرح كردة فعل على حبه للبطلة بحب المس هالشي بالرواية

-7 ما هي الصفات التي تبحثين عنها في الصديقة ؟؟ و كذالك في فارس احلامك ؟؟؟

صديقك من صدقك ..كوني صادقة معي وانصحيني حتى لو شي بيزعجني أو يؤلمني وكمان الاخلاص والطباع الراقية والفكر المتيقظ لأني متفلسفة كتير ولازمني شخص على ذات المستوى الفكري حتى نجنن بعضنا البعض . بالنسبة للاستاذ فارس حلمي فما بدي ياه ونقطة على السطر .. بحب حياتي كما هي وما بريد اتزوج أبدا _والله شاهد على كلامي_ إذا بدنا نحكي بالخيال كمان ، بريده يحترمني كدرجة أولى ويقدر رأي يعني يحبني بعقله وقلبه وكل حواسه ، يكون شهم وكريم ومنطقي ومتدين _بنفس اسلوبي_ وجسدياً شو بتتوقعو من مدمنة روايات أكيد ...Tall, Dark and الطول والأكتاف العريضة واللون الاسمر والعيون الزرق عاملة ادمان معي

-8 ما هي الصفة اللميزة لك في شخصيتك بنظرك ؟؟؟ و ما هي عيوبك ؟؟

خدومة وبحب الشغل كتير (مو شغلي بالذات ولكن عملاً بمقولة الرسول الكريم إن الله يحب إذا عمل أحدكم عملاً ان يتقنه) وعندي قدرة مؤسفة على الصراحة _ميزة أو عيب شيء مشكوك فيه_ . العيوب كتيرة _ليس مجازاً_ متسيدة ومسيطرة ونزقة يعني بالي طويل وهادي بس فجأة ممكن تطق براسي ووقتها الله يعين الناس اللي معي وفي عيوب غيرهم كتيييييير

سلام حااااار صبايا

السلام عليكم ورحمة الله وبركاته انا razan وانا عرفت عن منتدى ليلاس لما كنت ابحث عن رواية وردة قايين والصراحة كنت اتمنى اكون من اكثر المشاركين لكن ظروف البيت والاولاد والعمل متعطيني فرصة على الاخر ومع كذا اقرا كثير من فترة لفترة واحيانا اجلس ليلة كاملة علشان انهيها ولي صديقة عزيزة وهي وردة من الماس وهي دايما تعطيني اخر الاخبار عن المنتدى وزهراته لانه وبصراحة انتن احلى ليلسيات واتمنى تقبلوني صديقة معكن