سلام بنات
كوكو ياقمر مالقيتي الا نكد خانم تحكيلك عن العيد
ياستي وحسب معلوماتي (لاحظي انها معلومات يعني موش حاجات انا بعملها لاني طبعااا نيقة عن الخليقة) العيد عندنا اهم شي ان الناس لازم تزور بعضها يعني مابتلاقي الا انت رايحة عند نفس الناس وبعد شوي هنن جاين لعندك
وكمان في صباح اول يوم العيد بالذات بتلاقي اغلب الناس رايحين يزوروا الاحباب يلي انتقلوا لجوار رب العالمين (الله يرحمنا جميعا يارب)
وشو كمان .. اكيد الطبخ المميز .. ومطبخنا بحلب مشهور كتير بيجوز لان قريب من المطبخ التركي لان تركيا على حدودنا تماماً
بتلاقي الطبخات الرئيسية بالعيد متل انواع الكبب جميعا (يمكن تصل اكتر من 10 اصناف) وكمان اليبرق (يلي بتقولوا عليه بتصور ورق العنب) وكمان اكلات معمولة من اللبن (مابعرف شو بتقولوا عليها)
وعادةً اكبر شخص بالعيلة هو يلي بيعزم البقية بس مو شرط
واكيد اول يوم بالنسبة للمتزوجين الجدد أو العيلات الصغيرة يعني بيروحوا اهل الزوج وتاني يوم عند اهل الزوجة (عادةً كمان)
ااااااااه واهم شي طبعاااا العيدية يلي بتتوزع على الجميع
يعني حتى محسوبتك خالي بيصمم يعيدني وبقول اناا يا خال صرت انا ختييارة باكلها عياطة وبطلع لساتني صغيورة وبتعايد
اذا في شي تاني حدا بيعملوا من ورا ضهري فأنااا بريئة وقلت الحقيقة ..كل الحقيقة ولا شيء سوى الحقيقة ياباشا بيه
تحياتي الكم جميعا يابنات عسى الايام الجايه تكون كلها هنا وسعادة وينال كل واحد مراد قلبو يارب
:f lowers2:

سبحان الله يا اوهو اديش ماكبرتي وشو ما صار مراتبك بالحياة بتضلي صغيرة بعيون الناس يلي ربيتي وكبرتي على ايدهم ، وعلى فكرة انا مابتضايق من هالشي بحسو محبة بحتة من ناحية (او بحالتي الشخصية هو دليل محبة) ومن ناحية تانية بحس بيخلي الواحد منا ضمن حجمو الطبيعي يعني مايكبر راسو كتير (احيانا من مسؤوليات العمل ممكن تحسبي نفسك انسان مهم بس الناس يلي بتحبك لازم تخلي رجليك على ارض الواقع منشان ماتصيري فوق الغيوم وتكبر براسك كتييير) بس عن جد هاد راي شخصي حيادي مو تعبير عن حالة ذاتية بتخصني ..يعني انا رمرومة الحبابة ومالي طايره بنوب ولا بشبر فوق الارض
وبالنهاية يااوهوو متل ما تفضلتي .. حدا بيقول لا للعيدية