كوكو أنا حبدأ بالأسئلة
أستر يا إللي بتستر
هههههههه
1- ليه اخترت اسم كوكوباشا؟؟؟؟؟؟؟؟؟
قال يعني البت متعرفش ماشي
بصي يا ستي حامي الحمى بتاعي إللي هو زوجي الحبيب هو إللي أشتراكلي في المنتدى و كوكوباشا هو إللي عمله عشان كوكو ده كان أسم دلع كده يعني قبل الجواز و قبل ما يبقى بابي
حتي هتلاقي مسجل بتاريخ ميلاده كمان وكان عامل الأول ذكر لحد ما ثرت عملت ثورة و غارة و خلتها أنثى
حاجة وحشة
2- غير قراءة الروايات شو كنت بتحبي تعملي قبل ما تتزوجي؟ و بعد ما تزوجتي صر في تغيير فبعض هواياتك و لا لا؟ ليش؟
طول عمري مايا هوايتي و هواية أختي كمان كانت القراءة و الفرجة على الأفلام الهندي و الأجنبي
بعد الجواز قل الموضوع شوية بس الحمدلله جوزي ربنا يخليهولي مش معترض على هواية القراءة هو معترض على الأفلام الهندي بس ؟؟؟ تفتكروا ليه ؟؟؟؟؟
3- مرة عتبتي علي و قلتيلي بسبب قلة ثقتي بالناس و خصوصا الرجال ( و معاكي حق نظرتي كتير سوداوية بخصوص هالموضوع) سؤالي انت من وين ثقتك جابتيها؟ هل هي طبيعتك ام عادة اكتسبتيها بعد التجربة؟
هي طبيعة الحقيقة مايا أنا بأثق الأول و بعد كده أخد على دماغي
بس بالنسبة للرجال الحمد لله النصيب طلع كويس يعني لاقيت أن ثقتي في جوزي مش خسارة فيه
المشكلة كانت في الأصدقاء مايا هما إللي خانوا الثقة عشان كده يعني تلاقيني في الصداقة ببقى خايفة في الأول بس مش وقت طويل مجرد أطمن بس
أصل أختك أخدت على دماغها لما قالت يا كفى
4- ردودك كتير حلوة و خفيفة على القلب ما شاء الله و هذا لنك بتحبي الناس بطبيعتك.
تعيشي حبيبتي أنتوا بجد إللي بتخلوا الواحد مزاجو رايق
ممكن تردي بمحبة على عضو أو عضوة ما بتعرفيهم لن الموضوع عجبك او بتردي بتحفظ؟ ليش؟
آه ممكن وأنا كتير عملتها لأني بحس أن التشجيع بيرفع المعنويات جامد بس ساعات بأحس بأحراج بس بلاقي الترحيب خلاص الكسوف بيروح
5- المنتدى كتير ناجح هذا شي ما بيختلف عليه اثنين بس شو اللي بيخليكي متشبثة بيه أكثر شي؟ و شو الشي اللي ممكن يخليك تنسحبي منو بدون ندم؟
بجد عشان الصحبة الحلوة مش عشان الروايات و الله يعني دلوقتي الروايات بقيت فوق البيعة أنتوا عندي أهم مش كلام خطب لا و أعتقد أنكوا عارفين كده ولا إيه أوعوا تكونوا مش عارفين ؟
لو حسيت أني بقيت عضو غير مرغوب فيه يبقى خلاص أنسحب و الطيب أحسن
6- انت أم و الله يخليلك أولادك و يطول عمرك لتشوفيهم مثل ما بتتمني. رح تخلي بنتك تقرأ الروايات مثلك و حتعملي زي ما عملت الحجة أم كوكو و على دوريات و كلام ن ده؟ ليش؟
آآآآآآآآآآآآه طبعا أنا هأجيب الروايات و نقراها سوى أن شاء الله و بالنسبة للدوريات يعني هو مش هيبقى دايما عشان أنا عارفة أن القراءة بتخلي الواحد ينسى نفسه بس هتبقى أيام المذاكرة
ليش بقى يا ستي عشان أنا كنت دايما في خلاف مع ماما بالنسبة للموضوع ده بس هي استسلمت في الاخر بس أنا مش عايزة بنتي تحس أني بصادر حقها في أنها تمارس هوايتها
7- ليش اغلب الناس بتفكر ان قراءة الروايات و الرومانسية منها بالتحديد مضيعة للوقت؟ و ليش انت مقتنعة بالعكس؟
عشان مش كل الناس زي بعض صوابعك مش زي بعضها مايا بالنسبة لهم هواية قراءة الروايات الرومانسية مضيعة للوقت أنا ممكن ألاقي هواية لعب البلاي ستيشن برضه مضيعه للوقت كل واحد و رأيه المهم أنا مقتنعه بإيه و أنا شايفة أن هوايتي مش بتأذي حد الحمد لله فخلاص ماحدش له عندي حاجه و جوزي مش معترض يبقى أي رأي تاني مالوش لازمة
و أنا بحبها لأني بلاقي متعة في القراءة و بأحس أني في دنيا تانية يعني ممكن تكون نوع من أنواع الحلم وده عشان أنا رومانسية بطبعي
8- فنظرك الآباء لازم يمون عندهم اشتراتيجية (اذا صح القول) لتربية أبنائهم أو يخلوها على الله مثل ما الأغلبية ما بتقول؟ ليش؟
لا طبعا لازم تكون في أسس للتربية يعني ما ينفعش نسيب الظروف كده لا لازم نفكر ونحدد أحنا عايزين لهم إيه و طبعا ده هيكون أنهم يكونوا أحسن منا فا علشان كده الواحد لازم يحط أسس يعني لو حسيت أن كان في ثغرة في تربيتي و أنا معترضه عليها باحاول اتلاشاها مع أولادي و ربنا يكرمني فيهم أن شاء الله
9- انت من النوع اللي لما يحب حدى بيجهر بمشاعرو و من البديهي انك تنتظري نفس الشي
آه بحب دايما أعبر عن حبي و معزتي لناس المهمين ليا مش بالكلام ابدا لا بالفعل لأني بحس الكلام ساعات ميعبرش كويس عن المشاعر إللي في الواحد بحس أن الفعل كمان عامل مهم , و آه كمان مرة ببقى عايزة ألاقي نتيجة أو رد فعل للحب إللي أنا باديه يعني ده بيديني أحساس بالأكتفاء مش أكتر أو بالراحة أو نقول Satisfaction حلو الإنجليزي ده يا ييلاه يا مرسي 
فلو فرضنا الشخص المعني ما بيحب يتكلم عن مشاعرو حتسبيه على راحتو و لا حتحاولي تخليه يحكي؟
ما قلت مش مهم الكلام الفعل ساعات بيبقى كافي و عايزة أقولك مايا أن ساعات الفعل أو حركة صغيرة كافيلة بأنك تعرفي قد إيه الشخص ده بيحبك بس لا كلام و لا فعل تلاقيني جيبت البازوكا و فجرتها فيه
شوفتوا وردة عاملت فيا إيه 
فنظرك بين الجهر بالمشاعر و التكتم عنها شو هي الظاهرة الصحية بيناتهم و ليش؟
الجهر بالمشاعر طبعا بأي وسيلة من الوسائل لأن التكتم ده بيخلي الواحد متقوقع في داخل نفسه و قافل على مشاعره لحد ماتصدي و يروح الوقت عليها و ما يبقى ليها لازمة
10- ما شاء الله اللي بيحبوكي كثير في المنتدى انت مين بتحبي أكثر؟ و ما فيناش من زعل.
يعني مين اقربلك اكثر ؟ أكيد مش انا من بعد كل هالأسئلة
كلنا أخوات و بحبكوا كلكوا طبعا زي ما قلتي بس أنا بالنسبة ليا هما تلاتة ليهم معزة خاصة يمكن عشان هما إللي أول ناس أرتبط بيهم مش عارفة بس هما ومن غير ترتيب هما ليهم هما التلاتة
سوسو و وردة و مايا
شهية طيبة كوكو حبيبتي و انشاء الله راجعة
22-09-08, 02:38 AM
Hi angel
جديد مواضيع قسم الارشيف
العرض العادي
