قلوب تحت عجلات الزمن

بجـامعه الملك سعوود كــانت تمشي بغرور وتطـالع النــاس بطرف عيييييين كاانهم

حشرات عندهــا ..

انتبهت على احد يناااديها/نوووووف..نووووف


طبعا هي من طبعا اذا احد نادها ماتلتفت لـه..ّ! اللي يبغاها يوقف قباله مو هي توقف له.!

انتبهت للبنت اللي تووقف قبالهـا/هااي نووف

نوف وهي تحوس شفايفهـا بقرف/هـأي.
.
.../كيفك نوف ؟!.

نوف بدون نفس/ كويســة .

رهام وهي تبتسم بروقـان/ وش اخبـار خـالي؟!

نوف وهي ترجع شعرها المصبووغ لوراء بغرور/ كويـس..

ريهــام / اهـا..حلو ..اوكي بس شفتك حبيت اسلم من زمـان عنك.؟!

نوف وهي تبعد عيونها لبعيد بدون نفس /اييوة ..تعرفي توني مخلصه امتحانات بعدين انشغلت..

ريهـام وهي تطالع شاشه جوالها الفوشي اللي يرن باااصرار /اوكي ماعلينـا.. "وبذوق" تبغيني اوصلك..

نوف هبت فيهـا/ لاا. وش شايفتني طايحه عليك..

ريهــام وتحط شنطتها على كتفها وبروود /اعصاابك؟.طييب روحي مع اللي تبغي اخر اهتماماتي انتي..

نوف بنرفزة/ريهــام لو سمحتي..

ريهــام ببرود ابتسمت لانهـا استفزتهـا حست باأنصـار ورفعت حواجبهـا/طيب بااي سوواقي عند البــااب..

نوف التفت من غير ماتقول لها بــأي..

نوف نادتهــا بتردد / ريهـــام..

وقفت ريهــام والتتفت بطرف عينهـا/ نعم..

نوف وهي تطالعهـا بحقد وعيونهـا تطير منهـا الشرر وبتردد واضــح/ انتبهـي .. مابقى شي..

ريهـام التفت وهي تكتف يدينهـا لصدرهـا وابتسمت بسخريه/ هه.. والله يابنت خالي تعرفي من اللي لازم ينتبه..
و
راحت وتركتهـــا.. نوف ضربت رجلهـا بالارض من القهـر.. نفسهـا تمسكهـا قدام النـاس
وتبرد حرتهـا بالضرب.. راحت وهي تتحلطم عليهــا..

"نوف عمرها 19 سنه اول سنه لها جامعه فيها غرور يكفي بلــد..حابه تتعرفوا على شخصيتها من بين السطور بس حبيت اعرف تعريف مبدئ..

"ريهـام 21 سنـه المستوى الثـالث..وتصير بنت عمـــه نووف...

ريهــام لبست عبايتها وطلعت ...

نوف /الوو جمال..

جمال/الو.. اهلين مزموزيل نوف,, كيفك؟!

نوف طنشته وبدون نفس/بسرررعه لو سمحت انا عند الباب..

جمال/اييه خالتو انا موجود عند البباب مابدياني اتاخر..

نوف بدون نفس وبعصبيه/لاا..خالتو بعينك.. وبعدين مو انت تخبرني متى اطلع.!؟وعمــى وتقفل بوجهه...

جمال لبناني مدير اعمال امهـا .. واحيانا يتحول لسواق مؤقت خخ.. متعود على شينه النفس منها ومن امهـا ..

طلعت وركبت وراء بسيارتهـا المرسيدس الاسوود..

جمال/اهلا وسهلا ..نورت السياره فيك موزمييل..

نوف مالها خلقه هو وكلامه طول الطريق يمدح ويرحب/عارفه بس لو سمحت بلا صووت اووف..

انتبهت لشنطه صغيره جنبها افتحتهــا كانت كلها اشرطـه اغاني وسحبت لها واحـد..

وكان شريط اليسـا وترميه عليه

جمال طاح عن رجوله وشغله عارفه انه تبغاه تشغله

نوف وهي تنزل الطرحه على راسهــا وشعرها الي يوصل لحد نصف ظهرهـا تركته مفتوووح على اكتافهــا

وكانت امس صابغه صبغه نيوو.. ولابسه نظارتهـا شـانيل الشمســيه.!


وانتشرت انغاام موسيقى اليســا ايامي بيييييك..

وتددن معاها بصووت حاالم ..

معااك ياحبيبي نسيتني..حاجات قواي تعبتني
وسنين ابلك مخصمـاهـا ...معاك دلوقت صالحتنـي
مليش غيرك انت في الدنيــا.. ومافيش في حياتي نااس تانييه..


وتفكــر بطــلال من زماان ماشافته من زمـان عنه ..وحشنييييني حييييل يالله..نفسي اتزوج ويكوون لي انـا

بس.. وبعدين كشرت..الله ياخذهـا علشان نرتـاح ويكووووون لي انا بس..

ولا احد يوقف بوجهي..

انا لازم اوقف المسخره هـاذي .!؟ واشووف لها حل ..

قطع عليهـا حبل افكـارها هزاز جوالها اللي كـان في حظنهــا..

من شافت الرقم اووووف عله وش يبغى هذا بعد,, /،الووو نعم.

نايف/هييييه انتي لاتنافخي علي مع هالوجهه..

نوف بسخريه/اوووه... صراحه سوري عمي نايف..."بصراخ" خيييييير نعم..

نايف بصوت قوي/الله لاينعم عليك "وبلهجه امـر"اسمعي..ماما تقوول لما ينزلك جمال.. لايرووح تبغـاه بتطلع..

نوف تطالع ساعتها 11ونصـف الصبــاح وين بتطلع هـاذي بـعد.!

نوف/يصير خيييييير اوكي..

نايف سكر بوجهــا..

نوف عصبت جد علييييييه وطلع من خشمهـا دخااان.. ماينفع معاهـا الا الاسلوووب العربجي منـه...

وكمــان سكر بوجهــا جد قله ادب.. بس هين هالدب مراح امشيهــا له.. وجع بعينه.

وصارت تتحلطم ..مابقى الا هذا يقفــل بوجهي..

^^^***^^^***^^^***

في ارقى احياء الرياض في مجموعه من المنازل التي تدل على رتفاع ميزانيه اصحابها

يقع مجمع سكني يوجد به 7فلل اقرب لتصاميم القصوور...

طبعا يسكن بها ابطال قصتي..

< حبيت اقوول لكم وضع الاسرة انهم مرة فرررررررررري>

.


اتمنى انها تنال على اعجابكم ..مثل ماانا اطمح اليه..

دخلت سيــاره نوف للمجمـع وقفت السياره قدام فلتهــم ونزلت..وهي تتمخصر بمشيتهــا....

**
***
**

/يووووووووووه... ماما وش ذا الحــاله حرااااام عليكم حسووا فيني ماابـغى..

امها وهي حاطه يدها على خصرهـا وبسخريـه/اووه سوري يالسنيووووورة شووق مااخذنا موافقتك قبل كل

شي.."بجديه"خلاص بلادلع..

شوق وهي ترمي روحهــا على الصوفا وبقهررر/ والله ماما مو قاااادره اتحمل .. ايش هذا..هنااااك غير وهناا

غيـر...افهموني بـــس..

خلود"امهـا" واقفه قبالها وبجديه/ شووق ماما .. لازم انتي تفهمي صعبه.. كلها سنه وحده.. وكمليها

وبعدين يحلهـا ربك..

شوق وبدلع وجد مقهورة/لا مااما انتي وعدتيني انه ماادرس هنــا..

خلود بطفش/لحوووول..مو الشرهه عليك على اللي معطيييييييييك وجهه ..لاتخليني احلف حتى الجامعه

تكمليهـا هنــا..

شوق تعرف امها اذا قالت شي خلاص امر وسمعا وطاعه/اوووووة... ياربي يخلص هالسنـه بسرعه..

خلود وهي تصلح ياقه قمصيهــا الرسمي الاسود../عاد لاتجليس تتدلعي ... وش فيها مدارسنــا هـا..احلى

وارقى مدرسه ودخلنـاك فيها.وش تبغى بعد وهذي هنوف بنت عمك فهد معااك..

شوق وعيونها مغرقه/عارفه.. مو قادره والله اتحمل .. حتى ماعندي صاحباات .. عارفه هنوف المدرسه كلها

تعرفهم والله.. وانا مثل الجدار 24 ساعه لوحدي اووف.. بعدين مشتاقه لصاحبــاتي هناك روز وهنـــا وديمــا..

خلود عطتهــا طـاف ورفعت سماعه التلفوون... لانها لو بتعطيها وجهه بتفتح لها مناحه... ودلع فراحت

تقصرها ... من الاووول... تكلم دار تصميـــم ... تطلب منهم تصاميم جديده تعرضهم بمشغلــهـا..

شوق عرفت خلاص ان الموضوع انتهاء على كذا .. بس والله مااسكت مااتحمل انـا هالقرف ...خليها تخلص

يرجع بابا بعدييين يصير خيــر... وراحت فووق قسمهــا لانها طفشت لوحدها ...

شووق بنت 17 سنه مرا دلوعه.. هي دارسه كل السنوات بكندا... ولهم 3 شهور تقريبا من استقروا في

السعوديه... وماتبغى تدرس ثالث ثانوي هنـــا مااعجبهـا ابدا الووووضع....


&&&&&&&&&&


جلست تقلب بملابسهــا.. لانها اليووم ممكن تطلع لبيت عمهـا... فهد... فتبغــى لها لبــس.. ورفعت راسها

للسـاعه 12 الظهـرالخميــس .. وانا مافيني نووم وطفشــانه... طلعت برا الصـاله اللي فووق.. شافت

كتلوجــات كثيره جديده ..كلها حقت الشهر هـاذا امها جايبتها لمشغلهــا..شافت كاتلوج جديد لمـاركه

كريستان ديوور ..جلست تقلب فيــه .. اعجبهـا 3 شنــاظ وفستـــان .يااي .. كثير حفــلات بتصيــر,,وبعدين

استحاله بهالسرعه راح ينزل عندنـا بالسعوديه .خليني اطلبهم بس.. واخذت جوالهــا تتصل عليهم..

طبعا من الفراغ اللي فيهــا طلبتهم ... الا شووي كان طلال بوجههـا ...كان لابس قميص عشبي مقلم

بااسـود.. وبنطلون جينــز.. شعره مبلول مويه تووه ماخذ شـاور...

"طـــلال 24 سنــه شخصيه ..حلووة مزاااجي... طويل ابيض مافيه جمال... بس مملوح ومن يضحك يطلع

غمازاته ويطلع يجنن... يجذب بااسلوبه ولبسه عمومـا جذذااب فقط لاغييييييير..

جلس وماسكت ريموت التلفزيووووون/غرييييبه صايحه هالووقت..

شوق وتتافف/ وش اسووووي طفشاااااانه ملانه "بدلع"بمووووووت وربي.

طلال وهو يقلب بالقنوات/اسم لله الرحمن الرحيم...دايم طفشـانه..بعدين روحي لبيت احد اعمااامي بــــس..

شوق بطفش/روووح زين ...طفشت منهم كل يووم رايحه...

طلال بسخريه / حمدلله والشكر.. البناااات فاضيــات..

شوق وتحط يدها على خصرهــا /وش فينــا.؟! ايه ابدا ماخقيت على وحده منا"وتغمز له"

طلال التفت وهو يبتسم/ لاتقاااارني بينك وبينهـا.اوكي وش جابها لكم اصــلا.,.

شوق وهي تقوم بنتروح تصلي لانه اذن الظهر/هه .. تمسك كويس بس لاتطييييييح اروح اصلي ارحم لي من

مقابل وجيهكم..

طلال بسخريه يترجاها/ لاعاااااااد الله يخليك اجلسي..

شوق وهي تمشي بغروووور/نو..نو .مااضيع وقت مع هالاشكــال انـا...

طلال رفع راسها ويتابعها وهي تدخل قسمها وتكسـر البااااب بقووة ابتسم ورجع يطــالع التلفزيوون..

بعدين قطع عليه رن جوالــه وكان جده

طلال/الووو ...

ابو فهد بصوته الرزين واللي له هيبته/اهليـن ..هلا بطلال كيفـك؟!.

طلال وهو يسكر التلفزيون بالريموت/ حمد لله تمام .انت كيفـك..كلكم بخيييير..

ابوفهد/الحمد لله بخير..انت ماداومت اليووم صح..

طلال عض شفايفه من تحت وعقد حواجبه/لااا..تعباان ليييه؟! فيه شـي.

ابوفهـد/ اوكي..حصـل خيـر تجي اللحين للشركه جتنا سفره مفاجـاء لاسبـانيـا بتروح انت وعمك سلطــان..

طلال اوووف مالي نفس/تامر امر..من عيووني متى السفر ان شاء لله..

ابوفهد/المغرررب الطيـارة... الساعه 6 تقريبا تجي اللحين لعمك سلطان ويقول لك كل شــي.. اوكي..

طلال اتعود على السفرات المفاجئه/طييب ..بعد الصلاه برووح له ان شاء لله

ابو فهد/ زين..طيب يالله مع السلامه..

طلال /بااااي وسكر

وظغط على جواله بقهررررر اووف مالي نفس .اااااه انا المجنون اللي اشتغل بشركتهم ..وانا عمي وسلطاان

جـد كملت...تنهد بطفـش..

وشــــــــوي وتطلع شوق من غرفتهــا وكـانـت لابســه بنطلوون جينز غاامق ضيق مع تحـت .. وتيشيـرت

ليمـوني .. فيه رسمــات بالظهــر بالوان الفوشـي والاورنج والوان صـارخه .. معطيهـا انوثه طاغيه وخـاصه

بروجهـا الفوشي الصارخ .. وشعرهـا الاشقـر الكيـرلي..وتعدل الحـلق وتجلس بالصـوفـا..

وتقطـع الصمت / اقوول طلوول ..وش يبغى جدك؟!

طلال بطرف عين/جدك..هه يبغـاني اسافر.؟! الا ع ويــن طالعـه..

شـوق وتصلح"الله يكرمكم"شبشبهــا الفوشـي./ يس.. بطلـع اتغدى بـرى مع صاحبـتي.."وبحمـاس" تخيل

طلال صاحبتي ديمـا هنـا موجوده بالسعوديه عشــان كذا بروح اقابلهـا مررا مشتاقه لهــا..

ودق صوت جوالهـا العالي الي حاطته بالطـاوله اللي جنب بــاب جنـاحهـا..

بنغمــه اغنيــه مسلسـل (سنـوات الضــيااع)..

وقامت له .. بس انتبهت لطـلال اللي يستهبـل عليهــا بنبره كلهـا رجــاء/ لميـــــــــس مابتروحي,,

شوق ضحكت عليه مررا متـأثر العــم.. وردت لاتها صاحبتهــا تقول انهـا تنتظــرهـا بالمطعـم..

دقت ع السـواق تقوول لهـا يجهـزالسيــاره يجي عند البــاب..

حطـت الطـرحـة ع كتفهـآآ ..ولبسـت عبايتهــا وهي تسكر ازاريرهــا وتنزل تركـض بالدرج.. شـوي تدخل

بااحد/ياااااااااااهوا ماتشوفــي...

شوق رفعت راسهـا وشـافت اخوهـا ( عمـر ) واللي واضـح انه توه راجع /سوري عموري ماشفتــك..مرا

مستعجــله..

عمر بطرف خشمه يكلمهـا/خيــر..وش صــاير..ماتشوفـي.و"وطالعها من فوق لتحت بنظره سريعـه" احد طالع

الظهر بروج فـوشي,, "وهز راسه" حمدلله والشكر,,

شوق/يوووه مرا انت رايق ع فكـرة..

وكملت طريقهــا ... وكلمـت امهـا وطلعت..


^
^

في بيــت الولد الاكبـــر فهـــــــــد..


انتبهت على صوت اذان العصر.. تقلبت على السرير تحاول ترجع لنومها بس ماقدرت ...

صحـت هنـــــوف ودخلت الحمام"الله يكرمكم" واخذت لهــا شاور ســريع..

وطلعت تصلي العصر والظهر ...

بععد ماخلصت صلاة ...

وقفت قدام السـريحــه اخذت لها كريــم وحطت في يدينهـا ورجولهـا..

كانت لابســـه... بنطلوون عريييييض ليمووني لتحت الركبه.. يربط بشريطـه اسود وبلوزه كت اسود..رطبت

شفايفهـا بقلووس برز خدودهـا الدبدوبـه.

وانتبهت لجوالها فيه 3مسـد كوول.. 1من صاحبتهـا دانه..و1من امها.. و1من مهند ..

ومسـجين.. من دانه"صبااحووا هنو .اذا صحيـتي عطيني خبببر ..اوكي ابغــاك,,"

ومن مهند"هاها بتخوفيني يعني يالدبه..وانا اتحدااك والوعد قداام ^_^ "

ابتسمت خببببببل هالولد الله يرجه..

ودقت على دانــــــه ماترد حط الجوااال ونزلت تحت..



"الهنـــــوف بنت كوووووول طيبوبه.. تصل احيانا الى السذاجه مااخذة الدنيا بالطابع الحــــلو لها تحب الناس ...فرفوشيه اجتماعيه عمرها 18 سنه ثالث ثانوي"
وراح تعرفوا شخصيتها اكثر في السطوور...


نزلت تحت شافت ...وامها معـاهـا كـاس شاي وجـالسه عند التلفزيووووون وتطــالع مسلسل سووري.



هنـــــوف وهي تدخل بعربجــه/ ســــــلام عليكم..

فوزيه "الام" رفعت راسها للباب تطالع ورجعت نظرهــا للشــاشــه/وعليكم السلام..

فوزيه:شوفي اذا تبغي غداء اكلمهم يحطوا لــك..

هنووف/ لا شكرا ..مااشتهي..

بعــد فتره صمـــت رفعت هنوف راسهــا لامهـا وانبهت لهـا تمسح دموعهــا متحمسه مع المسلسل

وتتحسب/ حسب لله عليهم الرجـــــال ..حسبي لله ونعم الوكييييل..

هنوف وهي تضحك/مماااااااتي وانتي صدقتي..كذذذذب

فوزيه/عااارفه..بس الرجـال مالهم امان متزوجها لها اكثر من 30 سنه ضافته واخر شي يتزوج عليها وكبر

بنتهــا حسبي لله عليهم<ذكرتي بمامي خخ

هنوف /هههههههه.. ياحليلك تصدقي بسررعه .حساسه مامييييي...يمممه وين بروح اليووم؟<هذا موآلها

اول ماتصحى من النوم..

فوزيـه تهز كتوفهـا/ مدري. انـا معزومه لحفله ام بـدر اليووم..

هنوف/أي عزيـمه.!؟

فوزيـه وهي تقـوم / حفله لبنتهـا رجـاء راجعه من شهـر العسـل..

رن التلفــون ..

وردت هنــوف..

هنـــــوف برواقه وصوت نعووم/((الوووووو .. مرحبـــا))

.....................(السلام عليكم.))

هنـــــوف مشبهه بالصووت وهي رافعه حاجب((وعليكم البسلام))

...........(اخباركم؟..))

هنـــــوف كشرت/ ((انت؟!))

مهنــــد(هاهاها لا انا "يستهبل عليها"))

هنـــــوف بدون نفس/((وش تبي خلصني..))

مهنــــد ببرود/(( لاااااااااا بعد وش رايك تعطيني كف احسن؟))

هنـــــوف ابتسمت بشرانيه وهي تتخيل شكلها تعطيف كف امنيه حياتها/((ههههههههههه والله لو انا

عندك... لا اعطيك كفين مو واحد بدون بعد مااشاورك..))

مهند يضحك ببرود/((ههههههههاي حلووة بس لاتعدينهــا اوكي بابا ههههههه))

هنوف /((لامو اوكي .."وكانها تذكرت شــي "وبعديييييين تعاااال وجع يوجعك وش الموضوع اللي منزله

بالمنتدى هــا ..صدق قليل ادب..))

مهند انفجر من الضحك عليهــا/ ((انتي وش دخلك! اعبر عن مشـاعري.. بكل حريه حررررام))

هنوف بسخريه/(( صــح ماعليك شرهه مجنووون..هذا مــوضوع..))

مهنــــد: ((ههههههههههه من ذوقك..طيب ماعلينا وش مسويه!؟))

هنـــــوف بسخريه((:لا والله وش رايك .. بعد اكتب لك يومياتي وارسلهم على الفاكس..!))

مهنــــد((هههههههههه لو يحصل..ماراح اقووووول لااااااا..))

هنوف وكاانها تذكر من جديــد وصرخت بباانفعااااال/ ((ببببببببعد وش هالمسج يالحماار.. تهدد هـا.؟!))

مهند يضحك مرجوجه هالبنت/((خخخ ايووة عندك مانننننننننننننع..))

هنـــــوف بطفش/ ((لالالالا عندي دوواس هاهاها ..سخييييييف خلصني وش تبي متصل..))

مهنــــد ببهدوء وصوت قريب للهمس/((ابغـــاك مشتــاق..حراااااام))

هنـــــوف وهي ترفع حواجبهـا لفووق وتحط كاس العصير على الطاوله وقلبها يضرب الف اثر فيها صوته وتمثل

البرود/(( لااا..والله من متى نشتاق؟))

مهنــــد وهو يسترخي على سريره /((من اليوم؟.))

هنـــــوف بقل صبر لانه عارفه انه لو عليه مايسكـر الا بكرى /((اووووه مهنــــد وش تبغي..؟!))

مهنــــد وهو يطـالع شاشه الجوال احد دخل عليه انتظااااااار ورجع السماعه لاذنـه/((بس كذا فاضي قلت

ابتصل عليكم؟؟))

هنـــــوف وهي تحط رجل على رجل/(( اذا انت فاضي فالناس مشغولين..اوووووكي))

مهنــــدوهو يتجاهلها /((اهاا طيب حبي وش اخبارك؟))

هنـــــوف كشرت/((حبك برص ان شاء لله وعمــى...))

مهنــــد/((هههههههههه عاد انتي صدقتي وووووووع من زينك احبك..<ينجن عليها اذا عصبـت))

هنـــــوف بدلع (بليززززز انا مااتحمل "بصوت هامس ساحر ^_^" ليش؟!"تتطنز عليه"وش تبي اللحين؟؟!!))

مهنــــد باأدب وهو يتجاهل صوتها واسلوبهـا../ ((ابغى خالتي فوزيه.. ممكن اكلمهـا))

هنـــــوف(وش تبغي باامي تلوث صوتها..وووع))

مهنــــد(ماراح ارد عليك ممكن اكلم الوالدة؟!))

هنـــــوف بملل ((:لحظه...))

هنـــــوف راحت تنادي امها له..

"مهنــــد ولد عمة هنـــــوف عمرة 25 سنه ومغزلجي درجه اولى بس حبوب ومررة حــــلو يسمي فوزيه خالتي لانها زوجه خاله الكبير ويحترمها"

مهند هنوف الوحيــده اذا كلمها يرمي شخصيتــه وراء ظهره ويكلمها بنفس اسلوبها ..

هنـــــوف رجعت عند التلفزيون تغير مالقت شي يفتح النفس..

^^^^^^^^^^^^^^^^^^
قـلووب تحت عجـلات الزمــن
^^^^^^^^^^^^^^^^^^

بعيــد عن الريــاض ... في لنــدن ببريطــانيـا..

الوقت عندهـم اخر العصــر..كات لابسه فستــان قصيــر لحد الركبــه بينــك مرا نعووم ضيق مع فوق واســع

مع تحـت .. وتـاركه شعرهـا الاشقر يتحرك بكل حـريه ع كتفهــا.. ويتطــاير مهع هبــات الهـواء..خصوصــا انهـا

فاتحـة البلكـونـة..وتطــالع الشــارع اللي فيه نـاس رايحه وناس جــايه..وهي تحس بطفش لها كم يووم

ماطلعـت..واليوم ماعندهـا محاظرات.. ولافيه احد تطلع معه من مستواهــا ع قولهـا ..

تنهـدت بضيــق.. كله هالطفـش بكووم واهلهــا بكووم ثــاني.. كم مررا حاولت تتصـل بااهلهـا بس مايحلفهـا

الحظ انهــا تكلمهم يـاامـا يرد الخدم,, او مااحد يرد من الاسـاس,,



طلعــت من غرفتهــا ..وراحت للمطبخ وصلحت لهـا كوب قهوه ع الســريع ...واتجهت للصــاله الرئيسـه..

وجلست تقلب بقنــوات التلفزيــون بطفش.. من فلم الى اغنيــه الى برنـامج الى مسلسل الى ... الى ...

الى...


اتبهت ع صـاحبتهــا نجـود اللي تطلع من غرفتهــا وشوشتهـا منتفشه من النووم..وبجامتهـا حوسه ..

وفاتحـة عيـن ومسكره عيــن وكلهـا نووم تمشـي مثل السكرانـه... وترتمي ع كنب جنــب سجـى..

ويدهــا ع راسهــا تحـس بصداع فضيـــع وتنهدت بالم وهي تتاووة/ (( آآآآه...))

التفت لهـا سجى بااستغــراب /((سلامات وش فيــك..))

نجوود وهي منسدحه ومغمضه عينونهـا ورجولهـا بالارض/((آآآآآه ..راسي..))

سجى/((اووف.. ماينلام صراحه ..عليك نووم مدري وش يبغـى.. ولا اكل عـاد.."وهي تقووم" بسـوي فيــك

خيــر واجيـب لك حبه بندووول ومويــه..))

نجود وهي لسى تتوجع/((لا..تكفي سابوفيــن اقووى..آآآآآآآآآآي..))

تعدلت وهي تاخذ الحبوب من سجــى.. وقالت من دون نفس/ ((فهــد سـأل عنك ويسلم عليـــك.!؟))

سجى من سمعت اسمه كشـرت/(( اووف .. وش يبغى هـذا بعد..ناقصــة انــا..))

نجود/ ((هه.. مشكلتكم صراحـه..))

سجى وهي تطالع نجود بتفحص/ ((وانتي للحيــن معـاهـا..))

تعدلت نجود وحست ان كل الالم اللي فيها اختفى وتكلمت بحمــاس/ ((سجى ليه.! والله الولد خطيــر يجنن

اسلووب وذووق وجمـال.."وبغرور" ولــد ...........))

سجى هزت اكتافهـا بلامبالاه/ ((كيفـك.! انا نبهتك ياليت لو تتنازلي وتسمعي .."والتفت عليهــا" وانا بليييييز

لاتجيبي طاري حتى لو سـأل عنــي..))

ودق جــوال نجــود بااغنيــه اجنبيــه ..تهز المكــان,,

نجود نطت ولا كأنها قبل شوي بتموت من الوجع بترد وردت بلهفـه ودخلت غرفتهــا تكلم..لانهـا عارفه مسبقـا

من المتصل بسبب النغمه المخصصه لـه...



وكلهـا دقايق وطلعت وقطعت تفكير سجى .. والابتسـامة تشق وجهـهـا..

نجود بحمااس/ ((سجى تخيلي فهــد..عازمني ع طلعه صغيره اليوووم.)).

سجى قامت وهي ترمي الريموت ع الصوفـا بملل / ((نجود.. او خلاص ولا شي ..انا بلبس بروح اطلع

طفشـــانه..))

نجود طمرت لغرفتهـا بسرعه تلبس.. وسجى اخذت لهـا جاكيت طويــل بيــج وشنطتهــا وطلعت ..


وهي طالعه قابلتهـا ام طونـي" السوريه المشرفه ع هالفله الصغيــرة عمرهـا 31 سنــه.. كثير طيبه

وحبوبـه,,

وسجى تعتبرها مثل امهـــا..

سجى/((هلا ..ام طوني ..بس اذا كنتي ماعندك شغـل اطلعي خذي له لفه..))

ام طوني ابتسمت بامتنـان لها/((كثيييييير مشكووره حبيبتي .. برتب حالي اوول..))

سجى ابتتسمت وطلعت... وهي تسكر البــاب.. انتبهـت ع اللي واقف عند البــاب كـان فهـد لابـس بنطـلون

لويست جيـنز وقميـص رصاصي فاتج مقلم بخطوط عريضه حمـراء.. وجاكيته الاسود بيده..

فهد بلهفه/ ((هلا سجى..كيف اخـبارك.!؟))

سجى بببرود وهي تمشي / ((كويســه..))

فهد وهي حاط يده بجيب بنطلونه../ ((والله اليوم الجامعه بدونـك ماتسوى))

سجى التفتت طالعه بحده.. ومشت وتركته..

وهي تنزل مسرعه نوعـا مـا .. بالدرج بس هو لحقهــا ونـادهـا / ((سجــــــــــــى ...سجــــــــــــــــــى

لحظه ..بس ))

سجى ماعطته وجهه ونزلت كان ناوي يلحقهــا.. بس اللي منعه طلعت نجود باابتســامه مشرقه..

وتعلقت بذارعه وبكل دلـع / (( فهوودي ..كيفــك.؟! ..وحشتنــي.. ))

ابتسم لهـا فهــد وطلعووا..

الــجـزء الثــااني


******************
يامسـافر للجفــا والوصل يبكـي عليـــك ..
ويـن عهدك بالوفـاء ؟! للخفـوق اللي يبيـــك.

سجـى رفعـت جوالهـا بتتصـل على احد من اهلهـا اللي جد نسوا ان لهم بنـت .. لهـا شهرين ماسمعت صوت احد من اهلهـا..
اتصلت على البيت .. رد السنترال.. حولهـا للصـاله مااحد رد..وغرفه اخوانها مااحد يرد..
اخر شي ردت الخدامـه,, اللي قالت لهـا نايميــن..
رجعت موبايلهـا وصـارت تدور من غيـر هـدف.. لحد ماانتبهـت لطيف شخـص تشوفه كثيـر هالايــام..
اتجهت له وابتسـامه على وجههـا/ ((مسـاء الخيــر..))
رفع راسه لهـا وابتســم/ ((مساء الورد,, "ومد يده لهـا" اهليــن سجى كيفـك؟!))
سجى/((كويسـه .. انت كيفـك!؟))
وليـد/((تمــام .. "ونزلت لمستوى الكلب اليي عنده وتحرك يدهـا ع شعـره الكثيــف" هــأي بينـو..))
الكلب اللي يعرفهـا تعلق على يدهـا وصـار يلعب بيدهـا وهي تضحك معـاه بكل فرح..
رفعت راسهـا لوليد اللي مكتف يدينه لصدره ويتابعهـم .. طـاحت عينهـا بعيـن وليـد.. وقفت وهي تعـدل جاكيتهـا.. /(( يجنن,, ))
وليد /(( احم. مايغلى عليـك. ))
سجى/ (( يسلمـوا واصــل.. بس خطير ماعنده اخــو هههههههه.. ))
وليد/ (( ههههههه,, ))"وقطع عليهم رن جـوال وليــد"..
اللي رد وسجى تطـالعه بااهتمـام وهو يرد على الجوال ..
سمعــت صوت كلب ينبــح بقووة التفت على وراء وكانوا واقفين ع الرصيف شافته كلب بوليسي بنـي كبيــر ويركض كـأنه متجهه لهــا ..بلعت ريقهـا بخووف .. وعيونها تطالع الفراغ .. ماقدرت تتحرك..
((Maky … Maky انتبهت لحرمه تركض وراهـ وتنادي / ((
غمضت عيونهـا يقووة لمـا شافته قرب لهـا كثير والتفت لجهه وليـد اللي يدخل جواله بجيب بنطلونـه وصرخ فيــهـا / سجــــــى ..كلب..
قربت لوليد ودفنت راسها بصدره بقووة لمـا حست بيدين الكلب على رقبتهــا وليد اختل توازنـه وطـاح ع الارض وفوقه سجى اللي انشدت اعصـابهـا بجد وتحرك اكتـافهـا بقووة وتصــارخ.. وليد انشلت حركته يحـاول يتعدل يقووم بس مافيه فايده الكلب متعلق فيهم بقووة..
سجى انهـارت وهي تحس فيه يلعق"يلحس" رقينهـا حست بقرررررررف.. وانها بترجع.. النـاس متجمهره يحاول يفكوه منهـا بس متمسـك بقوة فيهـا وصلت الحرمه وهي تلهث طلعت ابره من شنطتهـا ودخلتها بجسمه بسرعه وبااقل من دقيقتين ارتخى فوقهــا سحبت الاجنبيـه..
وقـام وليــد وحاول يقومهـا .من الارض وجههـا مخطـوف شفايفها بيضـاء من الخووف وعيونهـا البحريـه تضيع بالفراغ ومغرقه بدموعهــا ..
ضربته برجلها بقووة وهي تحس بالقهـر وهي تصرخ / (( حيــوان ,, كريزي..))
الحرمه عصبت منهـا تضرب كلبهـا وصرخت فيها وهي تشتمهـا وتلعنهــا بالفرنسـي ,,
وليد سحب سجى من يدهـا/ ((سجى..خلاص اهدي. ماصار الا كل خيـر..))..
سجى وهي تحرك رقبتهـا بقرف / (( أي خيــر .. "وبلعت ريقهـا بقرف" برجع الشقه بترووش..."وهي تحس جد انها بترجع" ))
وليد/ ((طيب .."وعينه بعينهـا البحريه الشفافه المغرقه بالدموع" انتي تمـام.. ))
سجى/ ((انا اسفه.. وليـد ضايقتك. "ونزلت راسهـا"انا كويسـه.. ))
وليد/ ((لا عادي مثل اختي.. اوكي الحمد لله ع السلامه.. انتي روحي للشقه وانا بطلع للاهل يبغوني ))
سجى/ ((اوكي .. براحـتك,, باي ))
وليد / (( بــأي ))..
سجـى وهي متجهه للبيتهـا التمليك .. وكل هموم الدنيــا ع راسهـا.. ملت جد من كل شي ..وليـد بليـــــز اطلع من راسي .وهزت راسهـا بقووه ماتبغى صوره عيونه ترسخ ببالهـا..ماتبغى الا وليد الا هو..
وغمضت عيـونهـا ونزلت دموعهـا ع خدهـا بحريـه ويجففهـا الهواء البـارد الرطب..
وصلت باب البيت الحجر اللي كل اطرافه اشجـار.. دقت البـاب فتحت لهـا الخدامـه وهي لابسه زي الخدم تنوره لحد الركبـه كروهـات وقميص رصـاصي ومريـله ورديـه..وقبعه ورديـه..
ابتسمت لهـا ودخلت على طوول للحمـام"الله يكرمكم" دخلت تحت المويه اللي ينزل عليهـا وهي جـالسه على طرف البانيـو تكتم شهقتهـا وترمي جزمـاتهـا .. وبعد ربـع ســاعه طلعت وهي لافـه عليهـا الروب الثقيــل العشبـي لنصف ساقهـا.. جففت شعرهـا بالفوطه ورمتها باهمـال ع الكرسي الهزاز .. ولبست لهـا بيجـاما شتويـه بيـج وشعرهـا الاشقر منسدل على كتفهـا بحريـه .. جلست ع السـريـر وقبالها الابتوب تتصفـح بالنت.. جفلت لمـا سمعت رن جوالهـا اللي قطع عليها جوهـا..
سجى بنعومه/((الوو..))
هنوف بلهفه/((اهلييييييين ..و سهلييييييين بااغلى عمه وينك ياشيخـه.؟!))
سجى بفرحه/((هنووف..اهلين ..كيفك.! ))
هننوف/((كويسه.وانتي!؟))
سجى تتنهد/((تمـام..ها اخبـار السعوديه.واهلهـا؟!))
هنوف/((تسلم عليك.. وينك يادبه من زمـان عنـك؟! لاحس ولاخبــر))
سجى / ((تعرفي انشغلت شووي . بس ماعليه ها. كيفك "وبغصه" وكيــف اهلي..؟!))
هنوف وهي تنـاظر لركان الصغير الي يلعب قدامهـا /((بخير .."بكذب"يسلموا عليك.حتى جدووا سـاأل عنك..))
سجى هه سأل عني مرا واضح/ (( الله يسلمك..))
هنوف/ ((صدق متى تنزلي السعوديـه.؟!))
سجى بسخريـه/ ((بكرى ان شـاء لله. "بدون نفس"مدري..))
هنوف بحنـان /((سجو.. قلبي تعالي اشتقنـا لك..))
سجى/ ((تشتاق لك العافيه ..هنوف انا مشغوله بقفل تبغى شي..))
هنوف بيـأس/ ((لاسلامتك..))
سجى/ ((باي ))..
هنوف / ((بااي ))..
سجى قفلت اللاب توب ورمت جوالها بااخر السرير ..وسكرت الانوار واندست تحت البطـانيـه الدافيه وشافت ساعتهـا 9 ونصف بتوقيت لندن.. لسى نجود مارجعت..بكيفهـا مسؤله عنها انـا..
تقبلت وتقلب وافكار كثير ببالها.. بس اخر شي استسلمت للنوم ..
ونــــــــامت..!

%%%%%%%%%%%%%%%%


دخلت شــوق ويدهـا اليمين تحسب الربطه من شهرها الكيرلي وتحرره على كتفهــا.. انتبهت لطلال اليي ينزل من عند الدرج وهو لابـس بنطلون جينز غامق وقمـيص رسمي اسوود وحزام فرساتشي بلمعتة الذهبيــه


صرخت بأعجاب /((ياهووو.. أي الحلا هذا..))
طلال وهو يطالعها بغرور/(( عــارف من يومي حلو"وهو يلتفت "اجل وين ماما..؟!))
شوق وهي تهز كتفهـا بلاااهتمام/ ((مدري انا توني راجعـه ..اكيد طالعه..))
طلال هز راسه يتفهم/ ((اوكي.. انا طالع سلمي عليها تيغى شي "وبدلع عارف انه راح يقهرها وهي امنيتها هاللحظه تطلع من السعوديه" من اسبانــيـا...))
شوق طالعته بقهر عارفه يغيظها ودفته من كتفه، وهي تمشي/ ((لا.. شكرا توصل بالسلامه..))
قرب منها وباسه بخذها بخفه هاذي اخته القعده دلوعتهم/ ((باي اشوف ع خير..))
همست بضيقه/ ((باي..))
ابتسم لهـا واتجهه للبوابه بيطلع ..
لما اختفى من عيونها راحت فوق وهي تسمع الصـوت العالي لاغنيه محمد عبده "ماتمنيتك "
وشـافه اخوهـا عمر منسدح بالاريكه بالصـاله الجانبيه فووق والمخدات مرميه حولها بااهمــال..
كانت الغرفه جلسـات متفرقه لون جدارها الليموني الرااايق الفاتح والكنت العشبي مع المخدات الفوشيه والرماديــة والالوان الانوار الصفراء الطاغيه ع المكـان ومعطيه جو مرا رايق وكوول.. وشـاشه البلازمـا الكبيره اللي محاط حولها سمـاعات استريوا وتمثــال بزاويه الصـاله ع شكل رجــال ذهبي..مافوف ع خصره قطعه قمـاش تابعه للكنب عشبيـــة..
طالعته بااستحقــار ومشت لغرفتهــا ..بس بسرعه اختفى الصووت الاغنيــة وهي يدها على باب جناهـا انتبهت على صوت عمر الحاد/ ((هيه انتي .. ايش هذا زبالة عندك انــا على هالنظرات..))
شوق مالها خلقه جد موصله معاها يكملها هذا / ((آوووف.. ))
دخلت لغرفتها وسكرت الباب بقووة..
سمعت صوت عمر/ ((عمى..جد مبزره هه قله ادب ..معطيهـا وجهه انــا..))
طنشته ودخلت تغير ملابسهـا بعد هالطلعه الي شافت فيها صاحبتها ..
بمزاجها فرحانه مالها خلق هالعمــر.. اللي ماتدري وش يبي من الحياه على قولتهـا..

##########################
قلووب تحت عجلات الزمـــن
##########################

..""ابدا لن اجعل مشـاعري ارضا يداس عليهـا ,, بل سماء يتمنى المرء الوصول اليهـا""..

مهند كان جالس بمقهى بطاوله بالجنب وقدامه جولاته الاربعه ؛ < صارت فشخره كثرة الجولات ,,
ينظر وحده من خوياته مواعدهــا ... كان لابس بنطلون جينز وتيشيرت بيج فيه رسمه ثعبان مع الظهر ستراس ذهبيــه .. مرا روعه شكله جااي..مع ملامح وجهه المرسومه رسم عيونها العسليه وحواجبه المرسومه وخشمه سيف وشفه ملايانه بوجهه المتراكب مع ملامحه ومسوي ديرتي فيـس صاير شكله مرا خطيــــر,,
يلفت..
يجذب..
يدووخ..
له حظور..
ورزه..
وجسمه الرياضي المشدود .. مبين تفاصيه التيشيرت..

ناظر ساعته / يووه .. وش فيها هاذ تـأخرت ..!
رفع راسه شاف الطاوله المقابله له تمـامـاً فيهـا ثلاث بنـات .. يقزونه قز مو طبيعي وحده شوي وتأكله بعيونه.. متعود ع هالوضع..

ابتسم لهم ابتسامه جانبيه عارف وضعها عند البنــات .. ومدى تـأثيرها..

بثواني قامت له البنت مسك ضحكته مرا خفيفه.. كانت عبايتهــا مرا ضيقه ولابسه فوقها حزام عريض على بطنهـا فوشي جلد.. شكله يقرف.. ومتلثمه

رفعت يدها تحيهه بدلع/ هــأي..
رفع عينه وبسرعه نزلهـا /هاي..
سندت يدينها على ظهر الكرسي وهي واقفه .. تنتظره يعزمهـا .. وبعد دقيقه تكلمت بدلع مو لايق/يوه .مراح تعزمني.
مهند وهو ماتكلف يرفع عينه وبرود /لا.
سحبت الكرسي بقووة ورمت روحها عليه بقهــرمهند رفع راسه وقال وهو يطالعها من فوق لتحت/بشويش ياحلوة..
مروة رمشت بدلع برموشها الصناعيه/ خفت علي..
مهند/ لا خفت ع الكرســي..
مروة عصبت ايش هاذا بنت قباله ومايتحرك وبنرفزة/ انت شايف نفسك ع ايش.
مهند وهو يسكر انفه بالمنديل/يووة.. بليز قومي احد قالك ريحتك مقرفــه..
مروة عصبت وطلعت قبالها شياطين الدنيا/ لا مااحد قالي .. "وهي تقوم وتقرب وجهاا لوجه وتسحب الثـام على بالها بتغريهـ" وانت احد قالك انك شين,,
مهند رمش بعيونه الناعسه هي خقت عليه /ايوه انتي.. ممكن تضفي وجهك .. وتغسلي الصبغه من وجههك لانك اقرفتيني..
رفعت عينهـا لصـاحباتها الي كانوا يسمعوا الكلام ويضحكوا عليهــا وهي عصبت جد من هذا الي يهين مروة .. مين بـــس.!
مروة من بين اسنانها تطالعه بقووة / بتندم!
مهند ابستم لها باابتسامه جانبيه طلعت غمازاته وبرود وهمس /ايوه.. وايش كمـان!.
راحت سحبت شنطتها الكبيره الفوشيه من طاولتهم بعصبيه وهي تهدد وتتوعد وتحلف عليـــه .!؟
بعدين التفت لصاحبتها الثنتين وهي تكلمهم بااحتقار /هيــه . اني وياه تبغوني اوصلكم,, ولا بجهنم..
لحقوها صاحبتها وهم يضحكوا بدون صوت خايفين منهــا ...
ربع ســاعه وهو ينتظر بالاخر مــل سحب جوالاته وطلع عمرهــا ماجت والله لو انا بقــابل لي اشلي سمبسون .. وطلع ركب سيــارته (مرس لاقو ) ..
وشغل اغنيه اجنبه لمادونــا .. وصار يدندن معها وهو مطنش جواله الي له ساعه يدق ..وهي البنت ..
&&&&&&&&&&&&&&&

بعـــد اذان العشـــاء واقفــة قدام مرايــه غرفتهــا تصلح شعرهــا ببوف صغيره مع قدام .. وتحط بلاشر وردي على خدودها البيضــاء الدبدوبه ورسمت حواجبهــا برصاصي وقلوس وردي .. لمسه اخير بلمعه تحت الحاجب .. وحطت عطر من عطرهـا المفضل "نــوا"..
ولسبت عبـايتهـا وثبتت الطرحـه من وراء اذنهـا ببنس اسود ولفتهـا ورقبتهـا كلها طالعه مبين تحتها الحلق الفضي بكرستالته الالمـاس الصغيــر.. وسكرت عبايتهـا اخذت الشنطه ونزلت تحت راح تطلع مع صاحبتهـا الي لها اسبوع وهي تـأجل موعد المشغــل..
نزلت تحت بالاصنصيـر البيــت هادي مافيه صووت اكيد امهـا طلعت للحفله مثل ماقالت لهــا العصــر..

ركــب سياره الســواق واخذ لفه ع دورا المجمــع ومرت من عند الباركنق الخلفي بتطلع من هنــاك اسرع شافه مهند متسند على سيــاره وقباله طــلال .. ويضحكوا . انتبهت انه عرف سياره سواقهم رفع يده ياشر لهـا سلام وهو يبتســـم .. ابستمت لها بس ماكان يعرف لان السيــاره مضلله بالكـــــامل ... طلعت من زحمــه العليــا متجهه لحـي الفلاح لبيــت صاحبتهـا * دانــــــــه * ....
اتصلت عليهـا وطلعت لهــا صاحبتهـا مروا *بارنيــز* ع الطريق واخذو لهم قهوة.. وراحوا للمشــغل وهم يسولفوا بعده مواضيـــع ..

وصلت المشغل رمت الطرحه على وجههـا قبل ماتنزل .. دخلوا كان والله مزحووم شــوي ,, راحت لمشــغل زوجه عمهــا (( عبدالعزيــز )) خلوود..

كــان تصميــمه صــاله كبيــره مصبوغه باللون الابيــــض ... وكل الجدران الاربــع شــاشات بلازمـا كبيـــره.. مفتوحه على قنــاه "روتـانـا كليب" والصووت مرا عـالي.. واللون الشاشات تعكس على ارضيته الرخــام الشفافه بشكل روعــه.. وفيه كراسي انتظــار.. وكوفي على الجنب ..بعديــن بـاب كبيـــر معتق باالبيني على اطرافه نقش فخم يدخل على الغرف الخـاص ودر فووق للاجنحـه الطبقه المخمليــه,,

هنوف شافت زوجه عمهــا واقفه تكلم فلبينيه سلمت / اهليين..
خلود/ هلا والله هنو .. كيفك؟!
هنوف /تماام انتي .. كيفك؟! وش مسويه؟!
هنوف/كويســه.. "والتفت تاشر على البنت اللي واقفه وراهـا "هاذي صاحبتي دانه ..
وبعد ماسلمت
هنوف/ اقوول خالتوا ..ابغى احســن وحده تقص عندكــم
خلود باابتسـامه / بــس تامري امـر .. بس عندهـا عروس عادي تتنظرو ساعه..
هنوف/ اوكي نجلس هنـا"وتـاأشر على الطاولات"
خلود وهي تتقدم /ولو.. تعالوا للكوفي الثــاني اللي فــوق ارقى ..
هنوف / يالله.
راحوا للقســم اللي فووق..
كانوا جالسيــن بالكراسـي ..
هنوف بملل وهي ماسكه كاتلوج / يالله دانـــه وش رايك.؟!
دانه وهي عاقده حواجبهـا/ هنو .. من جدك هذي القصـه قرويــه.
هنوف شهقت/حرام عليك .. والله حلوة انتي شعرك احمــر على اسوود بتطلع خطيره عليــك..
دانه وهي تهز راسها/ نو وي .. مستحيــل ابغى شي غريــب..
هنوف/اووف ,, طفشتيــني جد من امس وانا اشوف لك ولا شي عجبــك..
دانه سكرت الكاتلوج وحطته ع الطاوله قبالها وبيردد/ اقول شي.. بـس اممم ماتضحكي,,
هنوف بااستغراب/ اوكي .. قولي وش عندك.؟!
دانه /امم ..تراها من اختراعي ..بس بشوف رايك..
هنوف بعربجه/ايووة ..يالله احكي خلينا نشووف..
دانه ويدها ع شعرها تبرمه بااصبعهـا/ اامم شوفي بخليها على طوله بس تقص خرابيط شي طويل وشي قصير متداخل .. غريب صــح..
هنوف طالعته لحظه بعدين انفجرت ضحك/ هههههههههههههههههههه
ماكانت تضحك عليها بس كذا لعانه علشان دانه قالت لها لاتضحكي ^_^
دانه عصبت وقامت/عمى مو الشرهه عليك ع الي يحكي لك مواهبه..
هنوف تضحك قامت لحقتهــا ومسكتها مع يدهــا وهي تضحك /خلاص هههههه تعالي ههههههههه
دانه رمت يد هنوف بعصبيــه /انقلعــي هنــاك ...
طلعت لهم المصصفه /مين منكم دانه.!
دانه وهي تتنفس بعصبيه عصبت على هنوف/انــا..
المصففه/تفضلي معي.
هنوف/ ههههههههه اجي..
دانه من بين اسنانهــا/كلي تبــن .قدامي بســرعـه.!
قامت هنوف واخذت جوالها وراحت معـاهـا ...
جلست على الكرسي بااقل مل من 5 دقــايق بيد ماهره خلصت قصه شعرهـا .. سحبت الاستشوار بربع ساعه خلصت..
هنوف صرفت بااعجاب/واااااو دانه خطيــره..
دانه تبلع ريقهـا وهي مغمضه لسى ماشفت شكلهـا بهمس/جـد حلوو..
هنوف لفتها بشرعه مع اكتافها لورى تشوف المرايه شهقت/يمممممه.!
هنوف انصدمت / ماعجبــك.!
دانه وهي ترمش بعيونها بقووة/ تغيرررت..
هنوف بغرور/من ذوقه حبيبي..بس بصراحه تووب
دانه وهي تدخل اصابها بين شعـرهـا والتفت على هنوف/ حلو صــح
قاطعتم اللبنانيه/بياخذ العئل.. كثير حلوو..
دانه ابتسمت/يسلمووا.. عيونك الحلووة..

*************************************
بريطـــانـيـا ....لنــدن ..

اليوم الاحد اجــازه الاسبووع .. صحت على الســاعة 8.30 الصــباح
اخذت شـاور ينشطهـا ..... يبغى تطلع تغير جو .. اتصلت على صاحبتها الاماراتيـه بنت سفير الامارات .. تدرس معاهـا بالجامعه بس قسم مختلف ..
سجى تدرس هندسـه .. وميثـا تدرس طب ..
ميثا قالت لها نصف ساعه واكوون عندك..
لبست بنطلون جينــز غامق وتيشيرت اسـود ضيق وحزام "لويس فيتــون"بنــي وجاكيــت رسمــي بيج وشنطتهـا الكبيره لويس فتوون
رمت فيها محفظتها وجوالها بعض اغراضها المهمــه ..
رفعت شعرها بذيــل فووق ..

وهي طالعه من قسمهــا .. انصدمت لما سمعت ضحكـات رجاليــه..
من الي في البيــت ..
راحت للصـالون شافت نجود مع فهــد .. طلعت عيونه من هالحقير هنــا ... وعلى كيف نجود تدخل رجال البيت من متـــى .!
صاحيه ولا مجنونه ..
رفع راسه وهو يضحك بلع باقي ضحكته وانصدم لما شاف سجى واقفه عند الباب بشكلها الجذاب وتطالعه بااستحقــار..
تمتم بااسمها من غير شعور / سجـى !
نجود وعيونها تشع باللسعــاده والفرح/ صباح الورد لاحلى ورده.. متى صحيتي.!
طالعتها سجى يبغى تتكلم شي رن جوالها بنغمه ميثا طالعتهم بااستحقار ولا ردت ...
مشتها مزاجها ماتبغى على الصباح تتهاوش .. بس خليني ارجع والله مااسكت عليك نجود بتقابلينه ماقلنا شي بس يجي في البيت لا والف لا..

لحقتها نجود مستغربه /سجو.. شفيك.؟! وين طالعه..
سجى حتى ماالتفت لها / مالك خص .! "بااستهزاء" كملي سهرتك ..
طلعت وتركتهـا .. كانوا سجى وميثا يبغوا يمشوا برجولهم ..
سجى وهي مبتسمه بقهــر / هاي .. ميثووة ."وضمتها "وحشتيني..كيفكـ؟!
ميثا/تمام..انتي شحالج؟!
سجى/كويسه.."وطالعت نجود بااستحقار واتنهدت" لو .."واسكتت..
نجود طالعتها قهر وسكرت الباب بقووة ..
ميثا بااستغراب/ وشفيها ذي ينت.! وليه ماتسلم؟!
سجى ميلت شفتها /براحتها . لاتعكري لي مزاجي ع الصباح..
ميثا اليوم ابغى اضحك استانس افرفش بنسى كل شي..
ميثا تقزت بفرح /يس.! من زمان ماشفنا روح سجى الحلوة."وضرب صدرهـا" اليوم الطلعه على حسابي وانا بنت حمدان..
سجى ابتسمت/اووكي.. "وضربتها بكوعها " اليوم مراح ابخل على روحي بشـي..
ميثا بروح مرحه/اوكي وين نروح .. "ومدت يدها لقدام وتعد بااصابعهـا" نتسوق ..نفطر .. نلعب ..
سجى قاطعتها ةهي تحس نفسيتها اليوم غيـر/ كل شي كل شي..
وهم يمشوا الجوا على الصبــاح خطيــر غيووم هواء بارد منعش ..
ريحه الامطــار ..
سجى/اقوول ميثووة..انتي جوعانه..
ميثا/ايه والله يوعانه .. شرايج ندخل اقرب مطعم نفطــر..
سجى/ اوكي .. هنا فيه كوفي قريب نروح له..
ميثا/ انتي ادرى عاد بهالمنطقه,,
سجى تسحبها مع يدهـا / كمن ويذ مي,,
دخلوا كوفي شوب ..
ميثا تسحب الكرسي/ يااه ..وش هالكوفي ينن اول مره اشوفه,,
سجى/ من زمان انا اجي لها .. مررا رايق..
جاء لهم الويتــر.. طلبت سجى كلوب هاوس لها وميثا مع عصير فريــش.!

خلصوا فطور بعدبــن طلعوا ..
اتجهوا لميــدان بيكـاديللي ..
ميثــا تسحب يد سجــى/ تعالي بدخل "ليليوايتس" ..
سجى بااستغراب/ ليه.؟! وش تبغي فيــه محل ملابس رياضيــه..
ميـثـا وهي ترفع حواجبــها / بشتري لي قميص نادي منشستر .."بدلع" عارفه نادي المفضــل..
سجى /هههه جد هبله .. يالله ندخل ...
خلصوا بعد ساعه من المحــل بعد مااشترت ميثا قمصان لكم نادي ..
اشترت لها بعض الاغــراض..
وطلعــوا..
سجى/ اووف تعبــت..
ميثا/أي تعب واحنا ماخلصنا الا الدور الاول..
سجى شهقت/ على بالك بلف 7 ادوار مجنونه انـا .. لاحبيبتي بعدبن بفهم انتي وش دخلك محل رياضه..
ميثــا وتسحبها مع يدهـا /سكتي بس سكتي عيوز..
جلسوا يدورا شوي بعدين دخلــوا ووترستونز .. سجى تبغــى لها كم كتـــاب للجامعه .. وتبغى بعض المجلات ..وبعض الكتب الادبيـــه,,
اترت لها بعد كم روايه تخلص فيهم وقت فراغهـــا ...
بعد كذا عطت الاكيـــاس سجى خدامتهـا وقالت لها تجلس تحت بالمطعــم وتشتري لها شي وهي بتروح تكمل لف ..
راحوا للاعلى دور التــاسع صاروا يطلوا على لندن .. وشكل الغيووم مع الوان الطيــف*القوس قزح* المنتشــره من بعيـــد وبعض اشعه الشمس الي عنيده ومخترقه بعض الغيــوم ..
سجى بفرح/ ياااي خطير الجو .. يجنن..
ميثا/ واوو .. شوفي شوفي "وتاشر لبعيـــد " هذا مبنى البرلماان..
سجى /واو خطير المطل .. "وتمد لها الجوال " خذي صوريني ماينتفوت المنظـــر,,
وقفت والتقط لهـا كم صورة .. وكانت عفويه كثيرره .. وصورت مع ولد بريطاني عمره 8 سنوات خطيــر .. تعرفوا عليه لما كانوا ليليوايتس..
وحاسبت عنه سجى هي .. وتبادلوا الارقام .. مرا اعجبهــا ..
وصورهم الولد سجى وميثا سوا .. وصورت ميثا لوحدهـا ..
ولما خلصــوا ..راحوا للمطــعم و تحت واخذوا لهم غــداء.. وبعد ماخلصوا
كانت الســاعه ثلاث ونص العصــر..
طلعوا برى وكان فيــه مطــر .. وتمشوا بريجنت ستريت ...
لهم ساعه تقريبا مع الاجواء الحلووة...
بعديــن دخلوا محــل "اوستن ريـد" .. ميثـا مفصله عندهم بدله رجاليه لخطيبهــا..
وفصلت سجى لها فستـــانين وبدله رجــاليـه رسميــه ... وميثــا فصلت لها فستان واحد ..

وبعــدين طلعوا .. مع السواق سجى اتصلت عليــه ..
سجى/ميثووة تعال معاي البيت يالله بلا دلع..
مبثا/حرام عليج تعبانه وابغى بس ارقد..
سجى/تعالي عندي ونامي عندي
ميثا/خلاص فكيني من حنتج.."والتفت بشك"بعدين انتي ليش مرتبشه!؟
سجى/انا لا ولا شي ..
رجعوا للبيت بعد يووم ممتع وحلو ...
&&&&&&&&&&&&



اتمنـى تعجبكم ..

باانتظار ردودكم ..


دمتم بووود

عنــوانـ اكثــــر مـــنـ رائـــعـ
لــفـــتـ نــظـريـ مــنــ بيــنـ كلـ العنواينـ
بدايهـ حلوهـ واسلوبـ احلى
نوفـ
مغرورهـ
متكبرهـ
بسـ مادريـ احسـ داخلهـا طيبهـ
ما تحبـ يكونـ احد احسنـ منهـا
فيـ عداوهـ بينهـا وبينـ "رهامـ"
مادريـ ليشـ واذا بسـ رهامـ ولا كلـ الناسـ
طلالـ
شخيصتهـ حلوهـ
اممممـ اليـ يحبهــا "نوفـ" ولا غيــرهـا!!
شوقـ
دلوووعهـ بشكلـ مو طبيعيـ*_^
حرامـ شكلهـا وحيدهـ بينـ صبيانـ
ومعاهــا حقـ طولـ عمرهـا برا مارحـ تقدر تتأقلمـ وتدرسـ هنـيـ
سجــى
حرااااااااااامـ تكســـر الخاطــر بسـ ليشـ اهلهـا متجاهلينهــا!!
شكلهــا تحبـ وليد بسـ اهو يحبهـا او لا!!
فهد
يحــبـ سجى وهذا واضحـ بسـ ليشـ يكلمـ نجود!!
مهنــد
خخخخخخخخخخـ زينـ سوا فيهــا
مروهـ
شكلهــا مو هينهـ ودامـ قالتـ انهـ رحـ يندمـ فاهيـ تعنـيـهـا
اللهـ يستــر منهــا
بانتظار البارتـ القادمـ بكلـ شوقـ
تقبليـ مروريـ