والله يا اختي سالي ، انا عايز اقولك على حاجة ، البلد خلاص اتقسمت على الناس الكبار ، ودلوقتي اللى عايز يعيش يأما معاه مصاري او سلطة ، والا هياكل بطيخ مثلنا .

وبالنسبة لواحد زي هشام ولا عز ولا ممدوح اسماعيل ولا غيره وغيره ، كلهم زي بعض ، وهو سواء كان مغضوب عليه ولا لا هو ضيع نفسه ، مجنون اللى يضيع حياته عشان واحدة ضايعة اصلا وبتننقل من راجل لراجل ولا ايه ؟

وعلى فكرة الموضوع ده داخل فيه ناس كتيرة اوي ومش من مصر وبس ، يعني هي كانت مع الوليد ، وفيه شيخ من الامارات وحد من السعودية ولسه ياما هنشوف مين كمان ......... تحياتي لكي

ههههههههه في حاجة كمان انتي اتكلمتي عليها ، على موضوع السفر هههههه هو فيه حد دلوقتي يا اختي سالي عارف يسافر ، مانتي شايفة الناس اللى بتموت عشان مش عارفة تاكل عيش في البلد دي ، وبتهرب وفي الاخر بترجع ميتة ، وعلى فكرة الموضوع ده مش علينا احنا بس ، يعني مثلا اهل فلسطين ، الدول العربية مانعة تماما دخول اي فلسطيني للعمل تخيلي ، ومستحيل ياخدو جنسية اي بلد ، بس تقريبا الامارات هي اللى بتقبل دخولهم وبصعوبة شديدة جدا ومفيش شغل اساسا ، يعني من الاخر القضية دي قضية دولية ............. تحياتي لكي