الفصل السادس
,,,,,,,,,,,,,,,,,,,,,,,,,,,,,,,,,\
مشعل:يله عبدالله بسرعه اقرا وش فيها ماصارت
عبدالله:اظاهر انها لنا كلنا انا وانت وامل
الوصيه
<الى الغالين علي عيالي حبايب قلبي
وخويي ورفيق دربي عبدالله
انا اكتب لكم وانا بكامل قواي العقليه واتمنى انكم تنتبهون للي بقوله زين
انا ما ابي اتكلم في الحلال لأن كل شي موضوح عند المحامي
بس لا اوصيكم يا عيالي على عبدالله والله ان قلبه طيب وبيحطكم بعيونه ولين ضاقت فيكم الدنيا مالكم بعد الله الى هو استشيروه لأن رايه من رايي دائمآ
مشعل وامل ديرو بالكم على حالكم ولا تنسوني من دعائكم
وانا كتبت ها الوصيه بس ابيكم تبعدون وما تتواجهون مهما حصل مع ولد حـ,,,,,,,>>
مشعل وامل وعبدالله كانو غرقانين في دموعهم
مشعل وهو يتنحنح
مشعل:ليش سكت كمل وش اسمه
عبدالله :هذا اخر شي مكتوب ما تكمل الأسم
امل تقرب من عبدالله وتاخذ منه الورقه
امل:ورني اشوف ,,,يا الله وش تكملت الأسم طيب هو وش اسمه انا لازم اعرف من يكون هذا
مشعل:امل انتي وش فيك كذا الحين يقول ابوي الله يرحمه ابعدو عنه وانتي تبين تبحثين عنه
عبدالله :كلام مشعل صح يا امل
امل:ابوي بلفتره الأخيره كانت نفسيته مره تعبانه انا احس ان هذا الشخص له دخل بوفاته بعدين انت عبدالله معقوله ما تعرف ها الشخص اكيد مر عليك اسمه
عبدالله :والله يابنيتي كيف تبيني اذكر اسمه وابوك ما ذكر الاسم كامل يعني كيف بعرفه بس والله انتي صادقه المرحوم في الفتره الأخيره كانت نفسيته مره تعبانه بس ما اعرف ليش
,,,,,,,
مشعل مايحب المشاكل والقلق فكان يحاول يهدي الموضوع ولا يثيره ابد
,,,,,,,
مشعل:خلاص يا جماعه لا تكبرون الموضوع لأن الولد ترا بس كان يحذرنا منه يعني ماقال سوو شي
امل تقاطعه...
امل:مشعل وش فيك
عبدالله يهدي الوضع
عبدالله :امل هدي حالك وانت بعد يا مشعل تعوذو من بليس وان شاء الله ما راح يكون الى الخير
امل تطلع من الغرفه مره معصبه ومتضايقه من برود اخوها
عبدالله:الله يهديك بس يا مشعل انت تعرف وش قد امل متعلقه في ابوك وتحبه يعني ما تبي تشوفك مبرد كذا ياخي مثل عليها انك مهتم طيب
مشعل كان ماسك نفسه و اول ماحس ان امل بعدت
انفجر من البكي
عبدالله :اذكر الله مشعل تعوذ من بليس وش جاك وانا عمك افا بس افا ماهقيتك كذا وش جاك
مشعل يحاول يمسك نفسه ويوقف بكي
مشعل:ما قدرت اتحمل نظرات امل احس انها بتدري ان ابوي مات متسمم والله ان يجن جنونها
عبدالله :لا تخاف وانا عمك ان شاء الله ما راح تدري
مشعل:اذا انا وانت خبينا الجرايد كيف بتخبي خبر مثل هذا حنا حاولنا نداري كثير بس مصيره خبر التحقيق ينتشر
عبدالله:والله قهر معقوله للحين ماعرفو وش سباب الجريمه وش سالفة التسمم
مشعل يمسح دموعها بكفينه
مشعل:والله ان امل معها حق احس ان الي سمم ابوي هو نفسه الي حذرنا منه ابوي
,,,,,,,,,,,,,,,,,,,,,,,,,,,,,,,,,,,,,,
في المستشفى قسم الطوارئ كانت ريم عند راس امها تبكي ولمى تبكي بحرقه وهي ماسكه مصحفها تتحسسه وتقرا على امها بكل حب وحنان
ومي جالسه بعيد عنهم وهي تبرد اظافرها بكل برود وكن الي جايه معها مو امها ولا تقرب لها حتى
مي دقت على مشعل تسولف وتضيع وقت
....
مي:هلا حبيبي اخبارك
مشعل ماله خلق
مشعل:هلا هلا مي وينك فيه وش ذا صوته
مي بجمادة قلب
مي:ابد امي تعبت وحنا معها با الأسعاف
مشعل قمز من مكانه
مشعل:عمتي بلمستشفى ولا تقولين لي كيف وش صار لها وكيفها الحين
مي:لا تتحمس ابد مافيها الى العافيه بس عشان ابوي درت انه متزوج عليها وطاحت علينا كنها اول وحده يعرس عليها رجلها
مشعل في خاطره <ياقسوة قلبك يا مي دلعك وملحك غطت عليه انانيتك وقسوة قلبك >>
مي:حبيبي انت معي
مشعل:انا مشغول سلام
قفل منها وكلم ريم كان جوالها انتظار
ريم:الحمد الله الحين احسن
بدر:الحمد الله انتي كيفك
ريم:الحمد الله ,,,,,اقول بدر معشل معي انتظار بكلمه وارجع اكلمك بعدين
بدر:تراني صرت اغار من ذا المعشل لازم تقفلين اذا دق عليك
ريم بحيا:هههههههههههههه اخوي وش تغار منه
بدر:انا حتى اغار من ابوك مو اخوك
ريم استحت مره :مع السلامه
بدر:مع السلامه <في خاطره >الله يحفظك يا قلبي
ريم تبوس الجوال :اااااااااهـ يازينه والله احبه
بدر ياحظن الجوال
بدر:والله انك عذبتيني معك متى تقولينها متى تقولين احبك
ريم تدق على مشعل
ريم:هلا مشعل داق علي
مشعل :ايه بسألك عن عمتي انتي كيف تنسين تقولين لي شي مثل كذا
ريم:والله اني اختبصت ولا قدرت افكر تدري اني جبتها مع السواق انا ولمى ومي جت عقب مع ابوي
مشعل:مدري ليش احس ان كل الي صار من تحت راس ميوه
ريم:اه يا مشعل والله اني منقهره منها حسبي الله ونعم الوكيل بس تخيل هي سبب كل الي صار
مشعل وكن احد جاء وشال حبها من قبله وحوله لكره واحتقار
ريم:مشعل وش فيك ساكت صار لي ساعه اكلمك
اسفه اني تكلمت كذا عن مي ترا والله من قهري
مشعل:مي اصلآ ولا شي بنسبه لي وانا خبرتها اني خلاص فكيت الخطبه سلام
ريم:مشعل الو الو يا الله شكلي انا الي خليته يتركها
مشعل يرسل لمي رساله يقولها ان الي بينهم انته وانه خلاص شالها من باله
مي تطلع من المستشفى بسرعه وتركب ليمزين وتروح بيت خالها ابومشعل مالقت احد في البيت صدت غرفت مشعل وحاستها حوس كسرت كل الي فيها وهي تصيح وتصارخ الخدم حاولو يسمكونها ويمنعونها بس هي كانت ثايره ومره مقهوره الشي الوحيد الي تحبه في حياتها تخلى عنها وعشان مين
عشان امها الي ما تحبها
مي وهي في قمة ضبها
مي:كلكم ما تحبوني كلكم تكرهوني اكرهكم اكرهكم ااااااااااااااااااااااااااااااااهـ <جلست على الأرض وقعدت تبكي >
الخدم نادو على عبدالله عشان يشوف لها صرفه دخل عليها
مسكها مع يدها وهي كانت مره منهاره ودها لبيتهم وهي ولا كلمة لأنها كانت تكره هو بعد تقول ان خالي معطيه مكانه اكبر منه لأنه مجرد خادم في النهايه
عبدالله كلم ريم وقالها على الي صار ريم ما اهترمت لها لأنها لاهيه بأمها
دخلت مي البيت وهي منهاره وتحس بئهانه كبيره وشلون مشعل يخليها وهو كان يموت ويتزوجها
شافت ابوها وغرام فصاله ضحك وسوالف وقاهم سلة فواكه وعصير وغرام جالسه في حضن سعود ولا كنها تشوف مي
مي وهي معصبه وبنفس الوقت الغيره ذابحتها
مي:هي انتي وين تحسبينك جالسه تراك في الصاله مو في غرفت نومك
غرام بحيله وتمثيل
غرام:اسفه ما انتبهت لألك
وهي توخر من ابو ريم
سعود يمسكها
سعود :مي خير هذي زوجتي وهذا بيتي وانتي مالك حق ترفعين صوتك عليها هذا وهي صديقتك
مي:تخسى تكون صدقيتي اصلآ انا ما اتنزل اصادق وحده مثله تسوي المستحيل عشان الفلوس
غرام ماتت من القهر وسوت نفسها تبكي وراحت لغرفتها
سعود قام بحمق وصفق مي على وجهه
مي:انا تضربني عشان وحده خايسه ماتسوى
سعود يمسكها مع شعرها
سعود:واكسر راسك بعد اظاهر ان غرام صادقه هي مالها عيشه معكم هذا وانا موجود تسوون فيها كذا اجل لو طلعت وش بتسوون
,,,
غرام تدخل غرفتها وهي مره مقهوره من مي وتتودعد فيها
غرام:والله يا مي ان اخليكي تندمي على الكلام الي التيه بديك ابوكي يكرهني يا شرشوحه انا بفرجيكي
انا ما ساويتك متل الخاتم بأصبعتي ما بكون غرام
<تمسك جوالها>
غرام:الومرحبا ام لطفي كيفك ان شاء الله منيحه
ايه كل شي تمام وسعود صار معي متل الفله بس بدي
عمل تاني لبنتوه بديها تتعتر بحياتا وماتلأقي حدا يتزوجا خلاص انا باخدلك من اتر وانتي شوفي شغلك
ما تخافي حقك معفوز اوكيه يله سلام
,,,,,,,,,,,
مي تطلع لغرفتها وهي ميته من قهرها تحاول تكلم مشعل بس هو ما يرد عليها لأنه اخذ عمته وبناتها عندهم في البيت وكلم عمته انها تعيش عندهم في البيت لأن الوضع في بيتهم ما ياعدها على الراحه لأن الدكاتره قالو لو تعرضت لصدمه ثانيه بيكون احتمال كبير انها ما تنجو منها راحت ريم للبيت وجابت اغراضها هي وامها ولمى دخلت ريم على ابوها عشان تعطيه خبر قبل يروحون طبعآ هو مامانع ابد لأنهم وفرو عليه بيت ثاني كان بيحطه لغرام بعد الي صار لها من مي اليوم
ريم وهي تركب سيارة عبدالله وهو يدخل الأغراض في السياره دق عليها بدر
ريم:اهلين
بدر:هلابك كيفك
ريم:الحمدالله تمام
بدر:والوالده كيفها ان شاء الله احسن
ريم:الحمدالله بس الدكتور يقول لازم ما تتعرض لأي مضايقات او زعل عشان كذا مشعل ودها لبيتهم وبنروح نقعد عندهم كم يوم لين تهدا بس اظاهر ان قعدتنا بتكون عندهم دائمه <تضحك ضحكه باهته>
بدر:ليش
ريم:ابوي شكله ماصدق يبي الفكه منا عشان يصفى له الجو مع زوجته
بدر:ريم انتبهي لنفسك وحاولي انك ما تخسرين ابوك يعني مو عشانك طلعتي من بيته خلاص تقطعين فيه
ريم:ان شاء الله بحاول
بدر:تامريني شي انا الحين واقف عند بيت واحد من العيال عازمني على بلوت
ريم:هههههههههههههههههههه احد يعزم على بلوت
بدر:واخيرآ سمعت ها الضحكه الي ترد الروح
ريم استحت
ربدر:يله تامرين شي
ريم:ابي سلامتك انتبه لنفسك
بدر:خيفه علي
ريم:مع السلامه
بدر:يا الله عليك كل ماجيت بقولها الي في خاطري تهربت
,,,,
ريم تدخل البيت خالها وتلقى خالها فيصل رجع من تركيا بعد ما رجع امه لما خلص العزا دخلت وكنها ماتشوفه سحبت عليه وهي تصعد الدرج حاول يكلمها
فيصل:ريم
ريم:نعم
فيصل:انا توني راجع من تركيا
ريم:طيب وش اسوي لك وبعدين انا مو قلت لك لا تكلمني انت ماتفهم
فيصل:ريم والله حرام عليك ليش انت تعامليني كذا الحين ربي يغفر انتي ليش ماتبين تسامحين
ريم:لأني اكرهك
<مشت وخلتها مدنق راسه وضايقه فيه الدنيا
ريم وهي تصعد الدرج
ريم:اقول انت ماتستحي ياخي مانبيك مانبي نشوفك خالي مات وهو مايبي يشزف وجهك وانت جالس في بيته صدق ماتستحي
,,
امل دخلت الفله ولقت عمها فيصل ضايقه فيه الدنيا وعيونه غرقانه دموع
امل:عمي انت بخير
فيصل:ليتني اموت وارتاح
,,,,,,,,,,,,,,,,,,,,,,,للحين ماخلصنا,,,,,,,,,,
*بتقرون في الجزء السابع
*ام ريم وش بيصير بينها وبين فيصل
*ريم بتصارح بدر بحبها ولا بتعطيه فرصها يصارحها
*لمى وش مخبيه من مشاعر معقوله تكون تحب
*امل عبدالله يطيح عليها وهي ,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,
11-09-08, 12:37 AM
جديد مواضيع قسم الارشيف
العرض العادي
