كل عااام وانتو بخير

هذا البارت هدية رمضان :)

الفصل الرابع :::::::::::::::::

[SIZE="5"]*******لا اله الا الله******

ريم ردت وقلبها يرقع من الخوف

وليد :كيفك ريم
ريم بصوت مره واطي
ريم:الحمد الله
وليد:انتي جوك برسايل بس تكلمي ابي اسمع صوتك
ريم:ماعندي شي اقوله
وليد حس ان البنت اول مره تكلم واحد حب يسهل لها الموضوع
وليد:طيب عندك ايميل
ريم حطت يدها على راسها لأنه تخاف تضيف شباب عندها لأن ابوها يعرف الباس ورد حقها
ريم:لا ماعندي
وليد مستغرب ووده يضحك
وليد :اول مره اشوف بنت في الجامعه ما عندها ايميل
ريم:انا بسكر عندي شغل
وليد:اوف زعلتي لا والي يعافيك ترا انا ما اقصد<يقول فخاطره>والله شكلها زعول وبثره ان شاء الله تزعل وما تدق
ريم:لا مازعلت بس انشغلت
وليد:اوكيه براحتك بس لا تحرمينا من صوتك يا الغاليه
ريم:اوكيه باي
ريم اول ما قفلت حطت يدها على قلبها
ريم:يوووووه مابغى يقفل يا الله الله يفشل العدو وش فيني مااعرف اسولف خلني ادق مره ثانيه واعتذر على اسلوبي الخايس معه
ريم دقت على وليد
وليد يشوف الرقم الي يدق
وليد:يوووووه وش تبي ذي قسم انها قلق
بدر خوي وليد الروح بروح
<بدر مطلق عنده بنت عمره 33 سنه اهله عايشين في الشرقيه وهو عايش في الرياض لحاله لأن زوجته تكون بنت عمه لما طلقها اخذت بنتها وراحت لأهلها في الشرقيه بدر يشبه كثير الاعب سامي الجابر نسخه طبق الأصل حتى انه اذا كان طالع لمكان بعض الناس يحسبونه الكابتن سامي<

بدر:وش فيك
وليد بطفش
وليد:هذي وحده توني مسكر منها ما عندها سالفه تبي تسولف برسايل وبس تحسبنا بمتوسط على ها الخربطه فاضي انا اكتب وارسل
بدر:هههههههههههههههه والله اني حاس انها مو جوك ولا كان خقيت
وليد :اقول وش رايك تكلمها شكلها ناشبه هذي خامس مكالمه
بدر:عطني اشوف
وليد :من جدك بدر بتكلمها وش طرا عليك ولا انت كذا تدور الي ما حد يبيها كم مره اترجاك تكلم وحده من الي اعرفهم وانت رافض ياخي حنان ميته تكلمك عطها وجه احسن من ها القرويه كل شي ما عندي <يقلدها بستهزاء>عندك جوال كميرا ارسلك صورتي لا ما عندي عندك ايميل لا ما عندي مللتني
بدر ميت ضحك على وليد مره متحمس ولايعه كبده منها
بدر:وش فيك انت من مكالمه وحده حكمت عليها اقول عطني جوالك ما لك شغل فيني
وليد:سبحان الله دايم يحب الي محد يحبه امسك
بدر بهدوء ورزانه
بدر:الـو
ريم كن الصوت تغيرعليها
ريم بعفويه :وليد
بدر:لا بدر معاك وليد مشغول
ريم:طيب مع السلامه
وسكرت على طول الخط من غير ما تنتظر رده
بدر يعطي الجوال لوليد وهو مبتسم
وليد:لا تقول قفلت بوجهك هههههههههههه
بدر:والله تقدر تقول قفلت بس بأدب خخخخخخخخ
وليد:قايلك يا ابن الحلال وش لك با الجديد خلك مع الخبره ههههههههههههههههههههه
بدر:تصدق عاد انا البنت خشت مزاجي عطني رقمها بسجله عندي
وليد :يلعن ام جوك يا شيخ
بدر يضحك ضحكه قويه يقهر وليد
بدر: موت قهر بشبك معها وخلك انت مع بنات الخبره ههههههههههههههههههههه
***اشهد ان لا اله الا الله ***
ريم معصبه مره
ريم:يا الله قسم اني بقره ليش كلمته مره ثانيه لا ونشبت له لين خلا خويه يكلمني كني راميه نفسي عليه
تقول فخاطرها <بس والله خويه حسه يهبل ودي اسمع صوته مره ثانيه >

دخلت لمى على ريم وقطعت عليها سرحانها
لمى:ريم انت في الغرفه
<لمى اصغر وحده في العايله في ثالث متوسط مي فاقده حاسة البصر من طلعت على الدنيا في حالها ماعندها اي شي مهم فحياتها غير اهلها حبوبه مرحه بس صداقاتها محدوده جدآ مي قصيره وجسمها ضعيف شعرها قصير مره بشرتها بيضا وجهها مليان وعيونها وساع>
ريم:هلا حبيبتي انا اهنا
قربت ريم من مي ومسكت يدها وجلستها على السرير
ريم:تبين شي حياتي
لمى:تسلمين ريم ابيك تكلمين ابوي
ريم:في ايش
لمى:المودرسه تبي كل راتبها الثاني وابوي مو راضي يعطيها فلوسها يعني رافض اروح للمعهد وبعد رافض المدرسه يعطيها فلوسها زي الناس
ريم تنزل راسها وهي تتنفس بصوت عالي
ريم:يا الله احيانن ابوي يسوي حركات من جد مالها داعي اوكيه حبيبتي ماعليك هي كم تبي
لمى:راتب شهرين ثلاث الاف
ريم:<تقول فخاطرها >راح الي جمعتيه يا ريم>اوكيه حياتي بكرا اسحب واعطيك بس لا يدري ابوي ولا والله بيسوي لي سالفه وانا بحاول اخذ لوجزء من المبلغ من ابوي
لمى تحاول تتحسس ريم عشان تحظنها
لمى:تسلمين ريم والله اني عارفه ان محد مطلعني منها الى انتي
ريم ترز نفسها
ريم:انا مدري كيف بتعيشون من غيري
لمى:هههههههههههههه
امل تدق على ريم
امل:انت ليش تروحين يا الدوبا
ريم:ههههههههههههههه توك تلاحظين اني رحت من جدك انتي كل هذا طايحه سوالف
امل:ايـه انظليني هذا الي كان ناقص بعد
ريم تصرف لمى
ريم: لمى حبيبتي تبين تروحين لصاله عند امي
لمى:كني انطرت بأدب
ريم: احمدي ربك ما رفستك مع الباب
لمى:طيب ممكن توديني الصاله عشان اقعد مع امي
ريم: اوكيه حبيبتي ...امول دقيقه واكلمك بودي مي لصاله وارجع اكلمك
امل:اوكيه
لمى وريم ينزلون مع الدرج وريم تهوجس في الي بدر معقوله كلمتين سمعتها منه اخذت عقلها
لمى :ريم وين رحتي
ريم:هاه
لمى:والله اني حاسه انك تهوجسين لأنك لو معي كان طرتي فيني مع الدرج
ريم:هههههههههههههه حرام عليك
لمى:ههههههههههههههه عشاني عارفتك .....
ام ريم:هلا حبيبتي (تمسك يد مي)
ريم:ايـه لنا الله
لمى:صدق من قال يحسدون الأعمى على وسع عيونه
كلهم :هههههههههههههههههههههههههههههههههههههههه
ام ريم:اذكري الله لا تنضلين لمو
ريم بستهبال <تقلد مي) :يمه حرام عليك ترا بنتحر ليش ما تحبيني ليش تحبين لمى اكثر مني
ام ريم:الله يعافيك غيري السالفه لا تطب علينا الحين وتقلب الجو نكد وغلدمه
لمى وريم:هههههههههههههههههههههههههه
لمى امها تجلسها وتجلس في الصاله وريم واقفه عشان بتصعد تكلم امل
لمى:ماقلت لكم وش سوت مي امس (توطي صوتها)
هي فيه
ريم:لا مهب فيه قولي اذا جت تنحنحت
ام ريم :والله من الشر يا حبكم للمحارش يا ها البني
لمى :كنت قاعده في الصاله وهي اظاهر جايه من الحوش تكلم مشعل عاد (تقلد صوت مي المايع )مشعل تحبني مشعل وش رايك فيني كل شوي سؤال اسخف من الثاني لين سألت السؤال الصاعقه مشعل من احلى انا ولا ريم
ريم ماتت ضحك
ريم:هههههههههههههههههههههههههههههههههههههه
ام ريم:ايه بعد علي صوتك عشان تجي الحين وتحوسنا على طاري انتم ما تحبوني وانتي تحبين بناتك اكثر مني
ريم وهي تحاول تمسك نفسها من الضحك
ريم:والله غصب عني اجل هذا سؤال كنها تقول كانك ما تقارن قارن ذا البقره
لمى :الحين ليش ما تخلوني اكمل السالفه
ريم:كلمي با الله وش صار ودي اعرف وش رد مشعل
لمى :والله شكله رد بصراحه زي العاده لأنها شاشات وقامت تخربط هههههههههه والله عصبة عليه مره
ريم:والله تحمست ادق على مشعل اسأله وش قال
ام ريم:ايـه دقي والله ياويلك يا ريم الشر الحين بتصغرين اختك قدامه زي العاده
ريم تتمسكن:يمه حرام عليك والله اني حبوبه وبعدين مشعل اخوي يعني عادي ههههههههه
لمى ميته ضحك على ريم
لمى:مسكينه ريم والله لو مكانك افارق لأن امي مسحت فيك الأرض ههههههههههههههههههه
ريم فرحانه جت منهم
ريم:طيب اوريك يا القزمه انا بروح غرفتي واقاطعكم
ام ريم:بس الله يعافيك ادخلي غرفتك سيده مو تروحين تحارشين اختك والله ياويلك
ريم:انا مدري ليش انتم ضالميني دايم
لمى:قولي فاهميني دايم خخخخخخخخ
ريم:انا بروح لا اموت بنتك ذا القزمه
لمى :اقول ضفي يا البطه
ريم خلاص وصلت معها توها بتطب في بطن لمى وتفقع وجهها دخل ابوها
ابوريم:خير ان شاء الله عسى ما شر
لمى :شف ريم بتموتني ذا البطه
ريم:خلوني عليها اادبها ذا القزوم
ابو ريم :ريم خير ان شاء الله صبيه(مسترجله) انتي
مو منك من مقابل ها الدشوش غسلو مخك تقليد اعمى
ريم ولمى ماسكين نفسهم لا ينفقعون ضحك وام ريم تغير السالفه
ام ريم:حيا الله سعود الغالي يا هلا والله ومسهلا
وينك من زمان ريم تقول انك في الملحق
ابو ريم:كان جيتي شفتي وش فيني ما جيت
ريم ولمى طلعت منهم ضحكه مكتومه الى امهم تناظرهم نظره بلعو العافيه بعدها
ام ريم:احط العشاء
ابوريم:ايـه بسرعه عندي شغل
ام ريم :ما قعدنا معك وين بتروح
ابو ريم:هذاك قاعده معي <يناظر ريم ولمى >وانتم جالسين تتسمعون يله اخلصو حطو العشاء انتم يبيلكم اروح الشغاله عشان تتسنعون
ريم:لا لا خلاص الحين يكون عندك
ابو ريم:وا بنيتي مي وينها ما اشوفها يا حبها للقعده لحالها
ام ريم:اذا تبيها نادها انا مليت من كثر ما حكيتها وبعدين الله يعافيك من زين مقعدها الحين لا تونس ولا توحش ان جلست تهاوشت هي خواتها خلها بس فوق فاكتنا
ابو ريم كان في عالم ثاني مو مع ام ريم ابد
ام ريم:سعود وين وصلت
ابو ريم:هاه
ام ريم:لاه الرجال مسرح وش تفكر فيه
ابوريم:افكر في سفرة بكره
ام ريم:هاه وش سفرته بعد
ابو ريم ما يحاول يناظر مريم<ام ريم>
ابوريم:ابد شغل في القصيم لازم اخلصه بنفسي
ام ريم:من عمر الدنيا وانت ما تواطن القصيم وش معنا الحين
ابو ريم :تحققين معي انتي
<ريم ولمى يقلطون العشاء<
ابو ريم قام منزعج
ابوريم:سديتي نفسي
ام ريم:انا وش قلت اسولف معك
ابوريم وهو يرقى الدرج
ابوريم:والله من زين السوالف بعد
وهو يرقى الدرج ابتسم ذيك الأبتسامه الي شقت الوجه
وراح لغرفة بنته مي
طق الباب ودخل
مي قامت حبة راسه وجلسو على السرير
ابوريم:هاه يا بنيتي وش صار على موضوعنا
مي :والله يا الغالي كل شي اوكيه واهلها يستنونك بكره بعد المغرب
ابو ريم :طيب البنت عساها وافقت مو اروح واخر شي تردني والله عاد يا مي ان اغسل شراعك
مي :لا وش تردك اقولك يوم شافت صورتك ماتت
عليك
ابوريم الأبتسامه شاقه الوجه
ابوريم:بس انتبهي يوصل الكلام لمك والله ان تموتك قبلي
مي :اصلآ انا بكون احرص منك <تنغز ابوها مع جمبه >ولا تخاف بصير اسلك لك الطريق اذا بغيت تروح للحبايب
ابو ريم:بس وشلون اشوفها ابي اشوفها قبل لا اروح بكره
مي تبتسم بخبث
مي :كني حاسه
ابوريم:اخلصي علينا
مي: وش رايك نمرها انا وياك الحين و نروح لمكان راقي نتعشى فيه
ابوريم ما عجبته الفكره لأن فيها صرف فلوس
ابو ريم:مافيه حل ثاني
مي:اي حل ثاني خلها تشوفك وتشوفها عشان تاخذون راحتكم مع بعض وتشوف يمكن ما تعجبك وبعدين هي سوريه يعني اهلها عادي عندهم تطلع معها تتعرف عليها قبل الخطبه
ابوريم:خلاص كلميها الحين
مي تناظره بنص عين
مي :اصلآ انا مكلمتها وكل شي اوكيه بس انتظر ردك
ابورريم:صدق انك داهيه بس احلى مافيك ان صديقتك بتصير زوجتي ان شاء الله
مي:ان شاء الله اوكيه عطني عشر دقايق بس ادق اعطيها الأوكيه وبعدين البس و نروح
ابوريم: طيب وش بنقول لأمك
مي انفجرت ضحك
مي :من جدك يبه امي الحين دخلت تنوم عشان يمديها تقوم نص اليل تتهجد
ابوريم:ايـه خلاص هانت ان شاء الله بتجي غرام وتغير حياتي
مي :ايـه لنا الله وانا
ابوريم:انتي احلى بنت في الدنيا
طلع ابو ريم يتكشخ ويتسنع ومي قعدت تلبس وتتعدل
ريم دخلت غرفتها هي ولمى لأن غرفتهم وحده لمى جلسة تسمع محاضره لشيخ عبدالمحسن الأحمد
****الله اكبر كبيرا والحمدالله كثيرا وسبحان الله بكرة واصيلا***
بعنوان وغارت الحور لين نامت وريم قعدت على النت تدردش مع بنات الجامعه وتسولف مع امل وتقول لها على سالفتها مع بدر
<على المسن>
ريم:اقولك صوته خاقوقي
امل:هههههههههههههههههههههه
ريم:وش فيك
امل:يا شين القراوى على طول خقيتي
ريم:والله انه احسن من وليد ذا الفاهي قسم انه بايخه
امل:ايـه طيب على العموم تركي اكوس واحد فيهم
ريم:امل متى تستقرين على واحد والله الي قاعده تسوينه غلط
امل:يرحم امك اسكتي مالي خلق نصايح
<ريم وهي تكلم امل سوالف وضحك وطقاق دق جوالها رقم غريب<
ريم :برب جوال
امل :تيت <<<وش عندها >>فيس يغمز
:::::::::::::
ريم:؟؟؟؟؟؟
بدر:السلام علكيم
ريم:؟؟؟؟؟؟<<<كنه صوت الي كلمني على جوال وليد
بدر:وش دعوه ردي السلام طيب
ريم:؟؟؟؟<<ايـه والله هو يا قلبي والله قلبي بيوقف
بدر:معك بدر خوي وليد الى من ساع كلمتيني
ريم:<تكتب لأمل في المسن >(امول بدرمعي على الجوال )
امل انخرشت بس ريم سكرت وطلعت من المسن
ريم:ايـه عرفتك
بدر:في خاطره <يازين برائتك وعفويتك
بدر:كيفك
ريم مرتبكه
ريم:بدر ليش كلمتني
بدر:والله مدري بس حسيت اني ابي اسمع صوتك
ريم تنطط وتقول في خاطرها <والله وانا بعد>
بدر:اذا كان يضاقك الحين اقفل
ريم بدون ما تحس:لا عادي
بدر:هههههههه انا للحين ماعرفت اسمك اذا ماكان عندك مانع
ريم:ريم
بدر:عاشت الأسامي
ريم:تسلم
:::::::::::::::::::
مي مع ابوها في السياره دق مشعل
مي:اهلين حبيبي
ابوريم مره عصب واشر لمي عشان تسكر
مي ارتبكت
مي:حياتي اكلمك بعدين باي
ابوريم:خير ان شاء الله وينا قاعدين لا حيا ولا مستحا وبعدين انا قلت لك لا تكلمينه دامك ما تملكتي انتي ما تفهمين
مي بكل هدوء:يا قلبي يا ابوي العزيز انت اذا شفت غرام الحين بتذوب فيها <ابوريم كان يسمع وهو مره منسجم كان قبل يبي يتزوج عشان العيال بس من كثر ما تتكلم مي عن الحب والمشاعر تغيرته نظرته لزواج>
ابوريم:هههههه اعقلي يابنت يله بس كلميها خليها تطلع
مي:ان شاء الله
ابوريم كان يطالع الباب بكل لهفه يبي يشوف ها القمر الي تتكلم عنها مي بكل اعجاب ودلع
طلعت بنت لابسه العبايه عن قولت يعني العابيه مفتوحه وطالع لبسها
لابسه بنطلون لووست وبدي قصير احمر بأي حركه يطلع بطنها
<غرام جسمها زي عارضات الأزياء مشدود طويله شعرها طويل واشقر عيونها وساع ناعمه مره شخصيتها بتجي في الأجزاء الجايه صديقة مي في نفس الصف عايشه مع ابوها امها متوفيه وما عندها الى اخت وحده بس اصغر منها بسنه )
غرام تركب السياره
غرام: مرحبا
ابوريم خاق ومرتبك ومو عارف يتصرف
مي:اهلين
غرام :؟؟؟؟؟<دخيل الطول والوسامه
مي بصوت واطي
مي: يبه كلم غرام
ابوريم:كيفك غرام
غرام:انا منيحه الحمداله انت كيفك
ابوريم:الحمدالله بخير
مي:اكيد بخير دامه يشوف ها الزين كله
ابوريم انحرج وما عرف يرد
وصلو للمطعم ابوريم طول الوقت ماشال عينه من على غرام الي كانت تحاول تسحره بنعومتها وحركاتها الدلوعه
غرام :فيني ناديلك سعود من غير ما الك ابوريم
ابوريم:اكيد اكيد ناديني بلي يعجبك
مي:هههههههههههههههههه ايـه وش عليك يا غرام صرتي المدلله الحين
ابوريم:ان شاء الله اني بحطك بعيوني يا غرام
غرام:تسلم عيونك <تناظر مي >
غرام:ما التي لي ان ابوكي زريف ها الأد
مي:توك ماشفتي شي ابوي اذا حب احد يحطه فوق راسه
غرام:يسلملي راسوه
ابوريم فاااااق ثمه على غرام ومتنح عليها مي استغلت الفرصه وقعدت تطلب وتاخذ راكتها لأن ابوها ما راح يدقق على السعر لأن غرام موجوده
:::::::::
امل اتفقت مع تركي انه يقابلها هي و وحده من البنات تمويه في نفس المطعم الي فيه رجل عمتها وبنته
:::
امل:اهلين حياتي ايـه انا وصلت من ربع ساعه انت من وياك
تركي:معي اختي جبتها عشان تتعرف عليك
امل مستحيه :تركي ليش ما قلت لي عشان استعد
تركي:يعني هي اهم مني
امل:طبعآ لا مافيه احد اهم منك
تركي:ااااه يلوموني فيها ..حبي انا بجلس قريب منك عشان ما نلفت الأنظار
امل:الي يريحك حياتي
امل وهي تطلب لها ولصديقتها لمحت مي ومعها صديقتها راحت عشان تسلم عليهم مع انها عارفه ان مي ما تواطنها وهي تشمي جايه لطاولتهم انتبهت لوجود رجال معهم لفت من الجهه الثانيه وشافته وتيبست عظامها
امل:وش يسوي ابوريم هينا مع مي وغرام
المالغه بروح اشوف وش السالفه
امل: السلام عليكم
مي و ابوريم :؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انتظرو الجزء الخامس
*غرام
*مرض ابو مشعل
*حب ريم الجديد
*تركي من يكون
÷÷÷÷÷÷÷÷÷÷÷÷÷÷÷÷÷÷÷÷÷÷÷[/SIZE]

تسلم يديكي عالجزء اللي أكثر من رائع......في انتظار الجزء الثاني

تشررفت بمروورك

صاحبة ابتسامه

اناا بعد متحمســه ع البااارت بس للحين ما نزل

اول ما ينزل بحطه ان شاءالله